APR FC yujuje imikino 23 idatsindwa, ikomeje kuyobora Shampiyona n'amanota 57 nyuma yo gutsinda Kiyovu Sports igitego 1-0 mu mukino waberaga i Nyamirambo.

Ikipe y'ingabo irusha amanota arindwi Rayon Sports ya kabiri, yo yatsindiye Marines FC i Rubavu igitego 1-0 cya Niyonzima Ally.

Umutoza wungirije wa Kiyovu Sports, Mutarambirwa Djabil, ahawe ikarita itukura nyuma yo gushwana na Bukuru ukinira APR FC.

Bukuru Christophe wa APR FC, ahawe ikarita itukura nyuma yo gushwana na Mutarambirwa Djabil, umutoza wungirije wa Kiyovu Sports nubwo umukino wari warangiye.

Ishimwe Anicet acenze abakinnyi batatu ba Kiyovu Sports bagerana mu rubuga rw'amahina, agushijwe na Mutangana Derrick, umusifuzi Hakizimana Louis avuga ko nta cyabaye.

Mushimiyimana Mohamed wari kumwe na Manzi Thierry, akiniye nabi Armel Ghislain. Ikosa rihanwe na Nsanzimfura Keddy, umupira awutera mu rukuta.

Bukuru ahawe ikarita y'umuhondo nyuma yo kubangamira Keddy wari ugiye guhana ikosa.

Bukuru Christophe akiniye nabi Armel Ghislain Djimoe, umupira utewe na Nsanzimfura Keddy ukozwaho umutwe na Manzi Thierry mbere yo gufatwa na Rwabugiri Umar.

Usengimana Danny asimbuwe na Mushimiyimana Mohamed.

Kiyovu Sports iri gukina neza muri iyi minota ishaka igitego cyo kwishyura ariko abakinnyi bayo bari kugorwa no kurenza umupira abakina inyuma muri APR FC.

Kitata Alexis asimbuye Nizeyimana Jean Claude.

Manishimwe Djabel ahawe ikarita y'umuhondo nyuma yo kwanga guca hafi asohoka mu kibuga, agahitamo kwambukiranya ikibuga.

Manishimwe Djabel asimbuwe na Ishimwe Anicet ku ruhande rwa APR FC ikoze impinduka ya kabiri.

Niyonzima Olivier Sefu acenze abakinnyi ba Kiyovu Sports abinjirana mu rubuga rw'amahina, atanze umupira kuri Usengimana Danny awutera mu izamu, ushyirwa muri koruneri na Mutangana Derrick.

Byiringiro Lague acenze Mbogo Alli mu rubuga rw'amahina, atanze umupira kuri Usengimana Danny arawuhusha mu gihe Bukuru awuhaye Manishimwe Djabel awutera hejuru y'izamu.

Marines FC 0-0 Rayon Sports
Espoir FC 1-1 Heroes FC

Nsanzimfura Keddy asimbuye Nsengiyumva Moustapha ku ruhande rwa Kiyovu Sports.

Kapiteni wa APR FC Manzi Thierry yongeye kugaragaza ko yababaye.

Twizeyimana Martin Fabrice ahannye ikosa ryakozwe na Manishimwe Djabel, umupira ukurwaho na Imanishimwe Emmanuel n'ikirenge.

Mutangana Derrick ahawe ikarita y'umuhondo akiniye nabi Byiringiro Lague wari umucitse.

Imanishimwe Emmanuel azamukanye umupira mu ruhande rw'ibumoso, ashatse kuwuhindura mu izamu ushyirwa muri koruneri na Mbogo Ally.

Byiringiro Lague yinjiye mu kibuga asimbura Nshuti Innocent

Umusifuzi wa kane yerekanye umunota umwe w'inyongera kuri Stade ya Kigali i Nyamirambo.

Armel Ghislain Djimoe akiniwe nabi na Omborenga Fitina. Ikosa rihanwe na Nsengiyumva Moustapha umupira ujya hanze.

Nsengiyuva Moustapha abonye ubuyro bwiza bwo gutsinda, umupira ushyirwa muri koruneri na Manzi Thierry. Usubijwe mu kibuga na Serumogo, Mbogo Ali ashyizweho umutwe uca ku ruhande rw'izamu.

Usengimana Danny acomekewe umupira mu rubuga rw'amahina, awuhinduye ku rundi ruhande usanga Manishimwe Djabel uwuteye hejuru kure cyane.

Twizeyimana Martin Fabrice ahawe ikarita y'umuhondo akiniye nabi Niyonzima Olivier Sefu. Ikosa rihanwe na Bukuru, umupira ujya hejuru cyane.

Habamahoro Vincent akiniye nabi Manishimwe Djabel mu rubuga rwa Kiyovu. Ikosa rihanwe n'uyu mukinnyi, ubwigarizi bwa Kiyovu burwana ku izamu ryayo.

Serumogo Ally ahinduye umupira mwiza mu izamu, ukurwaho na Rwbaugiri Umar abuza abakinnyi ba Kiyovu Sports kuwugeraho. Nibwo buryo bwa mbere bukomeye Kiyovu ibonye kugeza ubu.

APR FC iri guherekanya umupira cyane muri iyi minota. Abakinnyi bayo bari kubonana neza ndetse bimye umupira aba Kiyovu Sports.

Imanishimwe Emmmanuel aherejwe umupira ari muri metero nka 30, atera umupira ukomeye ufashwe na Nzeyurwanda Djihad. Umukino ubaye uhagaze mu gihe hari kuvurwa nshuti Innocent ugize ikibazo cy'urutugu.

Kiyovu Sports itangiye gusatira APR FC ishaka igitego cyo kwishyura. Urucaca ruri gukoresha impande zombi ziri gucaho Ghislain Armel na Nsengiyumva Moustapha mu gusatira izamu rya APR FC.

Nshuti Innocent afunguye amazamu ku gitego atsindiye mu rubuga rw'amahina ku mupira uhinduwe na Imanishimwe Emmanuel nyuma yo guherezwa na Bukuru Christophe.

Bukuru akoze umupira wari uhinduwe na Armel Ghislain. Ikosa rihanwe na Serumogo Ally hafi n'urubuga rw'amahina, umupira ahereje Twizeyimana Martin Fabrice awutera hejuru kure y'izamu.

Umukino ubaye uhagaze mu gihe hari kuvurwa kapiteni wa APR FC, Manzi Thierry, uryamye hasi. Abandi bakinnyi baboneye kujya kumva inama z’abatoza.

Mbogo Ally agushije Imanishimwe Emmanuel inyuma gato y'umurongo w'urubuga rw'amahina. Ikosa rihanwe na Omborenga Fitina, umupira ukora ku rukuta ujya muri koruneri.

Mutangana Derrick ateye umupira muremure imbere ashaka abarimo Robert Saba, umupira ukurwaho na Rwabuhihi Placide n'umutwe mbere y'uko awutera imbere.

Umusifuzi Hakizimana Louis atangije umukino. Umupira wa mbere utewe na Kiyovu Sports ibanje guhera inyuma yubaka mbere yo kwinjira mu rubuga rwa APR FC.

Umutoza Ruremesha Emmanuel yitabaje:

Nzeyurwanda Djihad
Serumogo Ally (c)
Mutangana Derrick
Mbogo Ali
Habamahoro Vincent
Twizeyimana Martin Fabrice
Nizeyimana Jean Claude
Saba Robert
Armel Ghislain
Nsengiyumva Mustafa
Mbonyingabo Regis

Umutoza Erradi Mohamed Adil yitabaje:

Rwabugiri Umar
Omborenga Fitina
Imanishimwe Emmanuel
Manzi Thierry (c)
Rwabuhihi Placide
Buregeya Prince
Bukuru Christophe
Niyonzima Olivier Sefu
Manishimwe Djabel
Usengimana Danny
Nshuti Innocent

Abafana ba Kiyovu Sports bahize guhagarika APR FC, bakihesha agaciro.

Uyu munsi tugomba kwihesha agaciro dutsinda APR. iki nicyo gihe mwese abafana ntimucikwe, muze mwihere ijisho.@CityofKigali @Nyarugenge @KicukiroDistr @Gasabo_District @RwamaganaDistr @FERWAFA pic.twitter.com/sPoGFGYvxV

— The Official Account of Kiyovu Sports FC (@SCKiyovuSports) March 10, 2020

Uretse Marines FC yabonye amanota atatu gusa mu mikino yahuyemo na APR FC mu myaka 10 ishize, Kiyovu Sports yabonye amanota atanu gusa kuri iyi kipe y’ingabo.

Intsinzi ya Kiyovu Sports yo ku wa 27 Ukwakira 2017, yabonetse nyuma y'imyaka 12 Urucaca rudatsinda APR FC. Uyu mukino warangiye ari igitego 1-0 cyatsinzwe na Mustafa Francis kuri ubu ukinira Bugesera FC ndetse icyo gihe Kiyovu Sports yari imaze iminota isaga 670 itinjiza igitego mu izamu rya APR FC.

Kiyovu Sports yaherukaga gutsinda APR FC muri Shampiyona tariki ya 30 Ukwakira 2005, ibitego 3-1 ku mukino w’umunsi wa nyuma wa shampiyona y’uwo mwaka yanegukanywe na APR FC.

Mu mikino 33 iheruka guhuza amakipe yombi muri Shampiyona, APR yatsinzemo 23, Kiyovu itsinda itatu, zinganya imikino irindwi irimo n’uheruka warangiye ari ubusa ku busa.


APR FC yatsinze imikino 18 muri 21 iheruka guhuriramo na Kiyovu Sports.


Muri iyi mikino 21, APR FC yinjijemo ibitego 41 mu izamu rya Kiyovu Sports mu gihe Urucaca rwo rwatsinze ibitego bitanu gusa.

Ku wa Kabiri:

Sunrise FC vs Gasogi United (Golgotha Stadium, 3:00 PM)
Espoir FC vs Heroes FC (Rusizi Stadium, 3:00 PM)
Musanze FC vs Gicumbi FC (Ubworoherane Stadium, 3:00 PM)
APR FC vs SC Kiyovu (Kigali Stadium, 3:00 PM)
Marines FC vs Rayon Sports FC (Umuganda Stadium, 3:00 PM)

Ku wa Gatatu

Bugesera FC vs Police FC (Bugesera Stadium, 3:00 PM)
AS Kigali vs Mukura VS&L (Kigali Stadium, 3:00 PM)
Etincelles FC vs AS Muhanga (Umuganda Stadium, 3:00 PM)

IGIHE ibahaye ikaze kuri Stade ya Kigali i Nyamirambo hagiye kubera umunsi wa 23 wa Shampiyona hagati ya APR FC na Kiyovu Sports.

APR FC itaratsindwa, iri ku mwanya wa mbere n’amanota 54 mu gihe Kiyovu Sports iri ku mwanya wa gatanu n'amanota 35.

Kiyovu Sports iheruka mu kibuga itsinda Heroes FC ibitego 5-0 mu gihe APR FC yatsinze Mukura VS 4-0.

Umukino nyir'izina ni mukanya saa 15:00.