Rayon Sports inganyije na APR FC ubusa ku busa mu mukino w'umunsi wa 19 wa Shampiyona waberaga kuri Stade ya Kigali i Nyamirambo.

APR FC igize amanota 41 ku mwanya wa mbere mu gihe Rayon Sports igize 33 ku mwanya wa kane.

Uyu mukino warebwe n'abafana benshi bari ku kigero nk'icya 95% cy'ubushobozi bwa Stade ya Kigali nubwo hari hasabwe ko amatike agurishwa ari 50%. Itike ya make kuri uyu mukino yari 5000 Frw.

Undi mukino wabaye kuri uyu wa Gatandatu warangiye Espoir FC inganyije na Musanze FC ubusa ku busa.

Kapiteni wa APR FC, Buregeya Prince, ahawe ikarita y'umuhondo nyuma yo kuburanya umusifuzi ubwo Nishimwe Blaise yari akiniye nabi Omborenga Fitina.

Umusifuzi wa kane, Rulisa Patience, yerekanye iminota itatu y'inyongera.

Mugisha Francois Master asimbuye Kwizera Pierrot wasaga n'uwananiwe.

Mugunga Yves asimbuye Manishimwe Djabel ku ruhande rwa APR FC.

Muvandimwe Jean Marie Vianney ateye umupira ushyizweho umutwe na Esenu, ukurwamo na Ishimwe Jean Pierre ujya muri koruneri.

Rayon Sports iri gusatira muri iyi minota.

Muvandimwe Jean Marie Vianney ateye umupira ushyizweho umutwe na Esenu, ukurwamo na Ishimwe Jean Pierre ujya muri koruneri.

Rayon Sports iri gusatira muri iyi minota.

Iranzi Jean Claude na Dindjeke Mael basimbuwe na Muvandimwe Jean Marie Vianney na Niyonkuru Sadjate.

APR FC ibonye koruneri ku mupira urengejwe na Ndizeye Samuel, usubijwe mu kibuga na Manishimwe Djabel usanga Ishimwe Anicet uwuteye hejuru y'izamu rya Rayon Sports.

Rudasingwa Prince asimbuye Manace Mutatu Mbedi mu mpinduka za mbere ku ruhande rwa Rayon Sports.

Mugisha Gilbert asimbuwe na Ishimwe Anicet ku ruhande rwa APR FC.

Manace Mutatu akiniye nabi Ruboneka Bosco. Ikosa rihanwe na Manishimwe Djabel, umupira ukozweho na Yannick Bizimana ufatwa n'umunyezamu Hakizimana.

Niyigena Clement yambuye umupira Byiringiro Lague usanga Mugisha Gilbert uteye ishoti rifatwa na Hakizimana Adolphe.

Umunyezamu Hakizimana yamaze guhaguruka, Ateye umupira akinana na Ndizeye Samuel uhise uwushyira imbere cyane.

Umunyezamu Hakizimana Adolphe yerekanye ko yababaye. Umusifuzi Ishimwe ahaye uburenganzira abaganga ba Rayon Sports ngo bajye kumwitaho.

Mugisha Gilbert ahawe umupira ari wenyine imbere y'izamu, ashatse kuwunyuza mu maguru y'abakinnyi ba Rayon Sports ujya ku ruhande gato cyane rw'izamu. Bwari uburyo bw'igitego kuri APR FC yari isatiriye bikomeye.

Manace Mutatu ahawe ikarita y'umuhondo nyuma yo gutega Byiringiro Lague amuturutse inyuma.

Musa Esenu wa Rayon Sports ni we uteye umupira bwa mbere muri iki gice cya kabiri. Awutanze kuri Muhire Kevin akinana na Nishimwe Blaise.

Tuyisenge Jacques asimbuwe na Bizimana Yannick ku ruhande rwa APR FC.

Umusifuzi wa kane, Rulisa Patience, yerekanye iminota itatu y'inyongera.

Amakipe yombi akomeje gushaka igitego.

Niyomugabo Claude akiniye nabi Manace Mutatu mu rubuga rwa APR FC, ahabwa ikarita y'umuhondo.

Niyomugabo wari wavuye amaraso nyuma yo kugongana n'umukinnyi wa Rayon Sports yasubiye mu kibuga.

Umukino urakomeje.

Umukino wabaye uhagaze mu gihe hari kuvurwa Niyomugabo Claude wakomeretse. Abatoza baboneyeho guha amabwiriza abandi bakinnyi.

APR FC ibonye uburyo bwo gutsinda ku mupira uvuye muri koruneri ugakorwaho na Tuyisenge Jacques, ariko ujya ku ruhande rw'izamu.

Nishimwe Blaise yari amaze gutakaza umupira wahawe Manishimwe Djabel akinana na Mugisha Gilbert wahinduye umupira urenzwa na Niyigena Clement.

Niyigena Clement akiniye nabi Mugisha Gilbert hafi n'urubuga rw'amahina, ahabwa ikarita y'umuhondo.

Ikosa rihanwe na Manishimwe Djabel ushatse gukinana na Ruboneka ariko awufunga nabi ahubwo akora ikosa.

Nizigiyimana Makenzi akinanye na Nishimwe Blaise uhaye umupira Iranzi Jean Claude, na we awuhindura mu rubuga rw'amahina aho usanze Musa Esenu ushyizeho umutwe ujya hejuru y'izamu.

Byiringiro Lague wari wambuwe umupira na Muhire Kevin yahise aryama agaragaza ko yakiniwe nabi ariko yamaze guhaguruka.

Mugisha Bonheur akiniye nabi Muhire Kevin, ikosa rihanwe na Makenzi umupira usanga Mael Dindjeke ushyizeho umutwe, ujya hejuru y'izamu rya APR FC ririnzwe na Ishimwe Jean Pierre.

Iranzi Jean Claude ahawe umupira ari muri metero nka 30 mu ruhande, agenda awutera n'umutwe, ageze hafi y'izamu atera ishoti rinyuze ku ruhande.

Manace Mutatu acenze Niyomugabo Claude ahindura umupira ateye ku giti cy'izamu cya mbere, ukorwaho na Ishimwe Jean Pierre ujya hanze. Benshi babonaga ari koruneri ariko si ko umusifuzi wo ku ruhande abyemeje.

Niyomugabo Claude akiniye nabi Nizigiyimana Karim Makenzi mu rubuga rw'amahina ahagana muri koruneri ariko abasifuzi bavuga ko nta cyabaye. Rayon Sports yasabaga penaliti ndetse benshi bari bahanze amaso Ishimwe Claude na bagenzi be.

Mbere y'umukino byari byavuzwe ko abafana bazareba uyu mukino batarenze 50% by'ubushobozi bwa Stade ya Kigali bangana na 4000.

Gusa ku mukino hari abafana benshi bashobora kuba barenze uwo mubare.

Muri iyi minota ya mbere, umukino uri kwihuta cyane ndetse umwanya munini umupira uri kuwumara mu kibuga hagati,


Mukanya gato gashize, Rayon Sports ibonye koruneri ku mupira uzamukanywe na Musa Esenu, urenzwa na Omborenga Fitina.

Uyu rutahizamu w'Umugande ahawe kandi undi mupira akinishije umutwe ujya ku ruhande.

Umusifuzi Ishimwe Jean Claude atangije umukino i Nyamirambo. Tuyisenge Jacques atanze umupira kuri Mugisha Gilbert na we akinana na bagenzi be.

Rayon Sports iheruka gutsinda APR FC mu 2019 mu mukino wabaye muri Mata ukarangira ari igitego 1-0.

APR FC yatsinze imikino itatu iheruka guhuza amakipe yombi ku bitego 2-0, 1-0 na 2-1.

Umutoza Adil Mohamed Erradi yahisemo gukoresha:

Ishimwe Jean Pierre
Omborenga Fitina
Niyomugabo Claude
Nsabimana Aimable
Bugereya Prince
Mugisha Bonheur
Ruboneka Bosco
Manishimwe Djabel
Byiringiro Lague
Mugisha Gilbert
Tuyisenge Jacques

Umutoza Jorge Manuel da Silva Paixão Santos yahisemo gukoresha:

Hakizimana Adolphe
Nizigiyimana Karim Mackenzie
Iranzi Jean Claude
Niyigena Clement
Ndizeye Samuel
Nishimwe Blaise
Kwizera Pierrot
Muhire Kevin
Manace Mutatu
Musa Esenu
Dindjeke Mael

IGIHE ibahaye ikaze kuri Stade ya Kigali i Nyamirambo hagiye kubera umukino w'umunsi wa 19 wa Shampiyona hagati ya Rayon Sports na APR FC.

Rayon Sports ifite amanota 32 ku mwanya wa kane mu gihe APR FC ifite amanota 40 ku mwanya wa mbere.

Umukino uratangira saa Cyenda n'igice.