Mukura Victory Sports 1-1 Rayon Sports
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Ntare Julius |
17:41
Andi mafoto yaranze uyu mukino
17:16
Rayon Sports igiye ku mwanya wa gatatu
Rayon Sports inganyije na Mukura VS igitego 1-1 mu mukino w'Umunsi wa 17 waberaga i Huye.
Murera igize amanota 32 ku mwanya wa gatatu, irushwa abiri na APR FC yatsinze Kiyovu SC ibitego 3-2.
Mukura VS igize amanota 24 ku mwanya wa karindwi.
Turabashimiye mwese twabanye kuri uyu mukino, tuzasubire ku wa Gatandatu utaha, tariki ya 4 Gashyantare, ku mukino uzahuza Sunrise FC na APR FC n'uzahuza AS Kigali na Police FC.
Murera igize amanota 32 ku mwanya wa gatatu, irushwa abiri na APR FC yatsinze Kiyovu SC ibitego 3-2.
Mukura VS igize amanota 24 ku mwanya wa karindwi.
Turabashimiye mwese twabanye kuri uyu mukino, tuzasubire ku wa Gatandatu utaha, tariki ya 4 Gashyantare, ku mukino uzahuza Sunrise FC na APR FC n'uzahuza AS Kigali na Police FC.
16:57
Umukino urarangiye
16:55
90+2' Gusimbuza
Niyitanga Emmanuel asimbuye Iradukunda Elie Tatou ku ruhande rwa Mukura VS isoje gukora impinduka.
16:53
90' Iminota ine y'inyongera
Umusifuzi wa kane yerekanye iminota ine y'inyongera.
Amakipe yombi akomeje gushaka igitego cy'intsinzi.
Amakipe yombi akomeje gushaka igitego cy'intsinzi.
16:49
85' Gusimbuza
Habamahoro Vincent asimbuwe na Cyubahiro Constantin ku ruhande rwa Mukura VS.
16:48
84' Hakizimana Adolphe agize amahirwe
Ku mupira muremure utewe imbere, umunyezamu Hakizimana wa Rayon Sports arasohotse awutera n'umutwe usubira inyuma, ariko ku bw'amahirwe ye Kamanzi awuteye mu izamu ujya hejuru kure cyane.
16:45
81' Hari gukinwa iminota 10 ya nyuma
16:44
80' Ikarita y'umuhondo
Kamanzi Ashraf ahawe ikarita y'umuhondo ku ikosa akoreye kuri Iradukunda.
16:43
79' Gusimbuza
Musa Esenu asimbuwe na Iradukunda Pascal benshi bita 'Petit Skol'.
16:41
77' Mukura VS ihushije ubundi buryo
Mukoghotya akinanye na Nsabimana Emmanuel uteye ishoti rikomeye rica ku ruhande rw'izamu rya Rayon Sports.
16:38
74' Ikarita y'umuhondo
Ndekwe Felix ahawe ikarita y'umuhondo kubera ikosa akoreye kuri Kamanzi Ashraf.
16:35
70' Camara ni we watsindiye Rayon Sports?
Moussa Camara umaze gusimburwa, yishimiye igitego cya Rayon Sports nk'uwagitsinze.
Musa Esenu na we ashobora kuba yagize uruhare muri iki gitego.
Ku mashusho, bigaragara nk'aho umupira wagiye mu izamu nta wundi muntu uwukozeho nyuma yo guterwa na Luvumbu.
Musa Esenu na we ashobora kuba yagize uruhare muri iki gitego.
Ku mashusho, bigaragara nk'aho umupira wagiye mu izamu nta wundi muntu uwukozeho nyuma yo guterwa na Luvumbu.
16:33
70' Gusimbuza
Ndekwe Felix, Rafael Osaluwe na Rudasingwa Prince basimbuye Iraguha Hadji, Mugisha Francois na Moussa Camara ku ruhande rwa Rayon Sports.
16:30
Ni iki umusifuzi yabwiraga uyu mukinnyi?
Umusifuzi Mulindangabo Moise asa n'uwihanangiriza Muhoza Tresor wa Mukura VS mu gice cya mbere
16:27
Perezida wa FERWAFA ari mu baje kureba uyu mukino
Nizeyimana Olivier uyobora FERWAFA, wayoboye Mukura VS imyaka hafi 10, ari mu baje kureba uyu mukino w'Umunsi wa 17 wa Shampiyona.
Kuri uyu wa 28 Mutarama ni bwo FERWAFA na Polisi y'u Rwanda byasubukuye ubukangurambaga bwa Gerayo Amahoro.
Kuri uyu wa 28 Mutarama ni bwo FERWAFA na Polisi y'u Rwanda byasubukuye ubukangurambaga bwa Gerayo Amahoro.
16:24
61' Igitego cya Mukura VS
Nsabimana Emmanuel yishyuriye Mukura VS ku mupira ahawe ari inyuma y'urubuga rw'amahina, atera ishoti rigendera hasi, umunyezamu Hakizimana ntiyabasha kurihagarika.
16:20
55' Mukura VS yirangayeho
Robert Mukoghotya ahushije uburyo bwabazwe. Atwaye umupira myugariro wa Rayon Sports, ashatse kuroba umunyezamu hakzimana Adolphe ntibyakunda, umupira umugarukiye awuteresha ukundi kugura ujya hanze.
Iyo akinana na bagenzi be barimo Kamanzi Ashraf byashoboraga gutanga umusaruro.
Iyo akinana na bagenzi be barimo Kamanzi Ashraf byashoboraga gutanga umusaruro.
16:15
50' Iradukunda yazonze Rayon Sports
Nubwo ibyo ari gukina kugeza muri aka kanya bitaratanga umusaruro, Iradukunda Elie Tatou yazonze abakinnyi ba Rayon Sports.
Ni umukinnyi muto ufite amacenga menshi, wagoye abakinnyi bo hagati n'inyuma muri Rayon Sports.
Ni umukinnyi muto ufite amacenga menshi, wagoye abakinnyi bo hagati n'inyuma muri Rayon Sports.
16:11
Uko igice cya mbere cyarangiye ku bindi bibuga
Musanze FC 0-0 Rutsiro FC
Sunrise FC 0-1 Gasogi United
Rwamagana City 1-0 AS Kigali
Kiyovu SC 1-2 APR FC
Sunrise FC 0-1 Gasogi United
Rwamagana City 1-0 AS Kigali
Kiyovu SC 1-2 APR FC
16:10
46' Igice cya kabiri cyatangiye
Mukura VS itangiye isatira muri iki gice cya kabiri.
16:09
Gusimbuza
Ndizeye Innocent asimbuwe na Nsabimana Emmanuel naho Murenzi Patrick asimburwa na Kamanzi Ashraf ku ruhande rwa Mukura VS.
15:54
Igice cya mbere kirarangiye
15:53
45' Rayon Sports irarokotse
Mukura VS izamukanye umupira yihuta, uhinduwe mu izamu ukurwaho na Ngendahimana Eric. Bwari uburyo bushobora guhindura byinshi.
15:52
45' Rayon Sports itsinze igitego cyanzwe
Moussa Camara yibwiraga ko atsindiye Rayon Sports igitego cya kabiri ariko umusifuzi wo ku ruhande, Bwiriza Nonati, yerekana ko habayeho kurarira.
Sinzi impamvu umusifuzi afashe iki cyemezo kuko Camara yatangiye kugenda umupira utaragera kuri Sebwato ngo awukuremo kandi nabwo uyu rutahizamu wa Rayon Sports akaba atari yaraririye.
Sinzi impamvu umusifuzi afashe iki cyemezo kuko Camara yatangiye kugenda umupira utaragera kuri Sebwato ngo awukuremo kandi nabwo uyu rutahizamu wa Rayon Sports akaba atari yaraririye.
15:50
42' Umukino wagabanyije umuvuduko
15:43
35' Ubwitabire buri hasi
Nubwo uyu mukino uri mu ikomeye yakinwe kuri uyu Munsi wa 17 wa Shampiyona, abafana bawitabiriye si benshi cyane kuko batageze kuri 1/2 cy'abo Stade ya Huye ishobora kwakira.
15:41
32' Coup-franc ya Mukura VS
Musa Esenu akiniye nabi Kubwimana Cedric bari muri metero nka 25 uvuye ku izamu.
Ikosa rihanwe na Mukoghotya Robert uteye ishoti riremereye, umunyezamu Hakizimana Adolphe agorwa no gufata umupira mbere y'uko awiyongeza.
Ikosa rihanwe na Mukoghotya Robert uteye ishoti riremereye, umunyezamu Hakizimana Adolphe agorwa no gufata umupira mbere y'uko awiyongeza.
15:35
28' Ubundi buryo bwa Rayon Sports
Iraguha Hadji ahinduye umupira mu rubuga rw'amahina, usanga Moussa Camara ushyizeho umutwe ariko ntiwafata neza ujya ku ruhande.
15:30
22' Mukura VS ihushije uburyo bwabazwe
Ari muri metero ebyiri uvuye mu izamu, Kayumba Soter agowe no gushyiramo umupira, Rayon Sports igobokwa n'umunyezamu Hakizimana Adolphe na bagenzi be barimo Mugisha Francois.
15:28
20' Umukino uhagaze gato
Umukino ubaye uhagaze mu gihe hari kuvurwa Iraguha Hadji wa Rayon Sports ugize akabazo nyuma yo kugongana n'umukinnyi wa Mukura VS iri gusatira cyane muri iyi minota.
15:23
15' Mukura VS iracyagorwa no kugera imbere y'izamu
Abakinnyi ba Mukura VS bari kugerageza gukinira hagati mu kibuga, ariko bashaka uko banagera ku izamu nubwo bikomeje kubabera ingorabahizi.
Ndizeye Innocent acomekewe umupira muremure, awuhinduye habura mugenzi we uwugeraho.
Ndizeye Innocent acomekewe umupira muremure, awuhinduye habura mugenzi we uwugeraho.
15:16
10' Igitego cya Rayon Sports
Ku mupira uteretse utewe na Luvumbu, Moussa Camara agerageje kuwukoraho ukomeza mu izamu ryari ririnzwe na Sebwato.
Rayon Sports ifunguye amazamu i Huye.
Birasa n'aho Esenu ashobora kuba yakoze kuri uyu mupira mbere y'uko ujya mu izamu.
Rayon Sports ifunguye amazamu i Huye.
Birasa n'aho Esenu ashobora kuba yakoze kuri uyu mupira mbere y'uko ujya mu izamu.
15:15
7' Uburyo bwiza bwa Rayon Sports
Mugisha Francois afashe umupira wari ukuweho nabi n'ubwugarizi bwa Mukura VS, ari inyuma y'urubuga rw'amahina, atera ishoti rikomeye rikuwemo na Nicholas Sebwato uhise utabarwa na bagenzi be.
15:11
5' Amakipe yombi ari gukinira hagati
Nubwo hari kubaho kunyuzamo zigasatirana, kugeza ubu nta kipe irabona uburyo bukomeye bwabazwe hagati ya Mukura VS na Rayon Sports.
15:10
Umukino watangiye
Umusifuzi Mulindangabo Moise ni we uyoboye umukino.
Mukura VS yambaye imyenda yayo y'umukara irimo umuhondo mu gatuza.
Rayon Sports yambaye umweru hejuru n'amakabutura y'ubururu.
Mukura VS yambaye imyenda yayo y'umukara irimo umuhondo mu gatuza.
Rayon Sports yambaye umweru hejuru n'amakabutura y'ubururu.
14:38
Ababanjemo ku ruhande rwa Rayon Sports
Umutoza Haringingo Francis Christian yitabaje:
Hakizimana Adolphe
Mugisha Francois Master (c)
Nkurunziza Felicien
Mucyo Didier Junior
Ganijuru Ishimwe Elie
Kanamugire Roger
Ngendahimana Eric
Moussa Camara
Musa Esenu
Iraguha Hadji
Luvumbu Nzinga Heritier
Hakizimana Adolphe
Mugisha Francois Master (c)
Nkurunziza Felicien
Mucyo Didier Junior
Ganijuru Ishimwe Elie
Kanamugire Roger
Ngendahimana Eric
Moussa Camara
Musa Esenu
Iraguha Hadji
Luvumbu Nzinga Heritier
14:37
Abakinnyi ba Mukura VS babanje mu kibuga
Umutoza Fahmia Lotfi yahisemo gukoresha:
Nicholas Sebwato
Cedric KUBWIMANA
Osamu Muyumbu
Soter KAYUMBA (c)
Patrick MURENZI
Vincent HABAMAHORO
Tresor MUHOZA
Elie IRADUKUNDA
Innocent NDIZEYE
Aimable NTARINDWA
Robert Mukoghotya
Nicholas Sebwato
Cedric KUBWIMANA
Osamu Muyumbu
Soter KAYUMBA (c)
Patrick MURENZI
Vincent HABAMAHORO
Tresor MUHOZA
Elie IRADUKUNDA
Innocent NDIZEYE
Aimable NTARINDWA
Robert Mukoghotya
14:37
Amakipe yombi agiye kwiyibutsa ibihe bya kera
Mukura VS na Rayon Sports zigiye guhura, zahoze zihangana nk'amakipe akomeye mu Majyepfo.
Rayon Sports yashingiwe i Nyanza mu 1968, iheruka gutsindira kuri Stade Huye muri Gashyantare 2019 ubwo yatsindaga ibitego 3-0.
Umukino uheruka guhuza amakipe yombi warangiye ari ibitego 2-2.
Rayon Sports yashingiwe i Nyanza mu 1968, iheruka gutsindira kuri Stade Huye muri Gashyantare 2019 ubwo yatsindaga ibitego 3-0.
Umukino uheruka guhuza amakipe yombi warangiye ari ibitego 2-2.
14:37
Ikaze kuri Stade ya Huye
IGIHE ibahaye ikaze kuri Stade Mpuzamahanga ya Huye hagiye kubera umukino w'Umunsi wa 17 wa Shampiyona hagati ya Mukura VS na Rayon Sports.
Mukura VS iheruka gutsindwa na APR FC igitego 1-0, iri ku mwanya wa munani n'amanota 23.
Rayon Sports ya kabiri n'amanota 31 inganya n'amakipe ya APR FC na Kiyovu Sports, iheruka gutsinda Musanze FC ibitego 4-1.
Mukura VS iheruka gutsindwa na APR FC igitego 1-0, iri ku mwanya wa munani n'amanota 23.
Rayon Sports ya kabiri n'amanota 31 inganya n'amakipe ya APR FC na Kiyovu Sports, iheruka gutsinda Musanze FC ibitego 4-1.