Rayon Sports vs Police FC

Rayon Sports 3-2 Police FC

Uko umukino uri kugenda

Umwanditsi

: Eric Tony Ukurikiyimfura

Amafoto

: Ntare Julius

07:24

Amashusho y'ibyaranze umukino n'ibyatangajwe n'abatoza






16:59

Rayon Sports izahura na Mukura VS muri 1/2

Rayon Sports itsinze Police FC ibitego 3-2, iyisezerera ku giteranyo cya 6-4 mu mikino ibiri ya 1/4 cy'Igikombe cy'Amahoro.

Muri 1/2, Rayon Sports izahura na Mukura VS mu mikino izaba tariki ya 9&10 n'iya 13&14 Gicurasi 2023.

Undi mukino wa 1/2 uzahuza Kiyovu Sports na APR FC.

Turabashimiye mwese twabanye kuri uyu mukino, tuzasubire mu mpera z'icyumweru hakinwa Umunsi wa 28 wa Shampiyona.

16:55

Umukino urarangiye

16:53

90+2' Ikarita y'umuhondo

Umunyezamu Hategekimana Bonheur ahawe ikarita y'umuhondo kubera gutinza umukino.

16:52

90+1' Igitego cya kabiri cya Police FC

Kayitaba Jean Bosco atsinze igitego cya kabiri cya Police FC ku ishoti atereye inyuma y'urubuga rw'amahina, umunyezamu Hategekimana Bonheur areba umupira ujya mu izamu.

16:50

90' Iminota itanu y'inyongera

Umusifuzi wa Kane, Rulisa Patience, yerekanye iminota itanu y'inyongera.

Rayon Sports iri kurwana no kubona umukino urangiye nta kindi gitego yinjijwe.

16:49

88' Ikarita y'umuhondo

Ngendahimana Eric ahawe ikarita y'umuhondo akiniye nabi Nsabimana Eric 'Zidane'.

16:47

87' Gusimbuza

Ndizeye Samuel na Ojera Joackiam basimbuwe na Mitima Isaac na Iraguha Hadji.

16:46

85' Gusatira kwa Rayon Sports

Tuyisenge Arsene ahinduye umupira nyuma yo gusiga Shami Carnot, Moussa Omar awutanga Musa Esenu mbere y'uko umunyezamu Rihungu awufata neza.

16:42

80' Inama za Police FC zirahindura umukino?

16:41

80' Gusimbuza

Mugisha Francois Master asimbuye Rafael Osaluwe.

16:40

79' Gusimbuza

Shami, Ntwari na Kayitaba basimbuye Nshuti, Usengimana na Ruhumuliza Patrick.

16:37

76' Gusimbuza

Mu gihe Rayon Sports ihushije uburyo bwiza ku mupira Ojera ahaye Onana, akawutangwa na Kwizera Rihungu, Luvumbu ahise aryama hasi agaragaza ko yababaye. ndetse asimbuwe na Arsene naho Onana asimburwa na Ndekwe.

16:32

71' Ikarita y'umuhondo

Ndizeye Samuel ahawe ikarita y'umuhondo nyuma yo gusaba gufashwa akavurwa, ariko hatumizwa abamutwara ku ngobyi agahita ahaguruka.

16:30

70' Police FC yagira icyo iramura mu minota 20 isigaye?

16:28

67' Igitego cya gatatu cya Rayon Sports

Willy Onana atsinze igitego cyiza ku ishoti rikomeye ateye mu nguni hejuru, umunyezamu Kwizera akora ku mupira ariko uruhukira mu nshundura.

16:26

65' Igitego cya Police FC

Hakizimana Muhadjiri atsinze igitego cya Police FC nyuma yo gucenga Rwatubyaye na Ndizeye akabicaza hasi. Yari aherejwe na Mugisha Didier.

16:25

65' Aba-Rayons bamaze kugira icyizere cyo gukomeza

16:20

58' Ikarita y'umuhondo

Nsabimana Eric 'Zidane' ahawe ikarita y'umuhondo akiniye nabi Rafael Osaluwe hafi n'izamu rya Rayon Sports.

16:19

57' Ikarita y'umuhondo

Abuba Sibomana ahawe ikarita y'umuhondo nyuma yo kutishimira ibyemezo by'abasifuzi aho yicaye ku ntebe y'abasimbura.

16:14

53' Ikarita y'umuhondo

Mugisha Didier ahawe ikarita y'umuhondo akiniye nabi Ngendahimana Eric.

16:13

52' Uburyo bwa Rayon Sports

Willy Onana abuze amahirwe yo gutsinda igitego cya gatatu cya Rayon Sports ku mupira unyuze kuri Esenu umusanga mu rubuga rw'amahina, awuteye ufatwa na Kwizera Janvier Rihungu.

16:11

50' Coup-franc ya Police FC

Nshuti Savio akiniwe nabi na Ngendahimana, ikosa rihanwe na Muhadjiri, atera umupira unyuze hejuru gato y'izamu.

16:08

48' Igitego cya kabiri cya Rayon Sports

Esomba Willy Onana atsindiye Rayon Sports igitego cya kabiri ku mupira ateye ahagana hagati mu izamu, Kwizera 'Rihungu' yagiye mu rundi ruhande.

16:06

47' Penaliti ya Rayon Sports

Rutanga Eric akiniye nabi Ojera mu rubuga rw'amahina, umusifuzi Nsoro agaragaza ko ari penaliti.

16:05

Igice cya kabiri cyatangiye

Police FC itangije igice cya kabiri cy'uyu mukino wa 1/4 cy'Igikombe cy'Amahoro.

15:51

Igice cya mbere kirarangiye

15:50

45+3' Ikarita y'umuhondo

Moussa Omar ahawe ahawe ikarita y'umuhondo akubise Luvumbu bakomeje gushwana.

15:49

45+2' Ikarita y'umuhondo

Luvumbu ahawe ikarita y'umuhondo akubise Moussa Omar ku ikosa risifuwe.

15:48

45+1' Rayon Sports irarokotse

Mugisha Bonheur arokoye Rayon Sports ku mupira utewe na Mugisha Didier, ashyiraho ikirenge ujya muri koruneri.

15:46

45' Iminota itatu y'inyongera

Umusifuzi wa Kane, Rulisa Patience yerekanye iminota itatu y'inyongera.

15:42

41' Gusatira kwa Rayon Sports

Musa Esenu atanzwe umupira na Kwizera, usubijwemo na Ojera na bwo ukurwamo n'uyu munyezamu mbere y'uko Luvumbu uwuteye ugakorwaho na myugariro wa Police FC ukajya hanze.

15:40

39' Uburyo bwa Police FC

Mugisha Didier ahushije uburyo bwiza ku mupira ateye ufata inshundura ntoya nyuma ya koruneri yari ibonywe na Police FC.

15:38

37' Igitego cya Rayon Sports

Nzinga Heritier Luvumbu afunguye amazamu ku mupira ahawe na Ojera bakinanye ubwo Police FC yari yazamutse.

Ubu igiteranyo ni 4-2.

15:38

35' Coup-franc ya Police FC

Osaluwe akiniye nabi Mugisha Didier ariko abaganga b'amakipe yombi bahamagajwe mu kibuga kugira ngo bite kuri aba bakinnyi.

15:31

31' Abatoza baboneyeho kuganiriza abakinnyi

Mu gihe hari kuvurwa Kwizera Janvier ugonganye na Esenu mu rubuga rw'amahina, abatoza b'amakipe yombi bari kuganiriza baakinnyi babo ku buryo baguma mu mukino.

15:30

29' Uburyo bwa Rayon Sports

Essomba Willy Leandre Onana ateye umupira muremure ashaka gutungura umunyezamu Kwizera Janvier 'Rihungu', ariko ntacyo wari uvuze kuri uyu munyezamu wa Police FC uwufashe neza.

15:26

26' Umukino wagabanyije umuvuduko

Police FC yagabanyije umuvuduko mu gusatira mu gihe na Rayon Sports ikishakisha.

Myugariro wa Rayon Sports, Mucyo Didier ari kwitabwaho n'abaganga.

15:19

19' Gusatira kwa Police FC


Usengimana Danny acomekewe umupira muremure, agiye kuwutera mu izamu ukurwaho na Ndizeye awushyira muri koruneri itewe na Savio, Esenu akiza izamu.

15:16

15' Uburyo bwa Rayon Sports

Esenu akinanye na Luvumbu uteye ishoti rikomeye adahagaritse, umupira ukurwamo na Kwizera Janvier wirambuye, ubundi arongera awufata neza.

15:13

12' Ikarita y'umuhondo

Nshuti Savio ahawe ikarita y'umuhondo asunitse Ojera ubwo baburanaga ku musifuzi Nsoro kubera ikarita yari ihawe Muhadjiri.

15:12

12' Ikarita y'umuhondo

Hakizimana Muhadjiri ahawe ikarita y'umuhondo akiniye nabi Ojera.

15:11

10' Coup-franc ya Police FC

Rwatubyaye akiniye nabi Savio hafi y'urubuga rw'amahina mu ruhande.

Ikosa rihanwe na Rutanga, umupira ushyirwa muri koruneri na Ndizeye Samuel.

15:08

7' Coup-franc ya Police FC

Muhadjiri akiniwe nabi na Rafael Osaluwe.

Ikosa rihanwe na Mugisha Didier atera umupira hejuru kure y'izamu rya Rayon Sports.

15:06

5' Umukino uhagaze gato

Hari kuvurwa umukinnyi wa Police FC, Nsabimana Eric 'Zidane', ugonganya na Luvumbu utababaye cyane kuko we yahise ahaguruka.

15:04

3' Police FC ihushije igitego cyabazwe

Nshuti Dominique Savio ahinduye umupira mwiza mu rubuga rw'amahina, Hakizimana Muhadjiri awutera hejuru y'izamu mu gihe wari wamaze kurenga umunyezamu Hategekimana.

15:03

1' Police FC itangiye isatira

Police FC irasabwa byinshi kurusha Rayon Sports kuko yatsinzwe ibitego 3-2 mu mukino ubanza yakiriye.

Kuri ubu, itangiye isatira ariko umupira Mugisha Didier ahaye Ntirushwa Aime awutera ku ruhande rw'izamu.

15:01

Umukino uratangiye

Ruzindana Nsoro asifuye ko umukino utangiye.

Luvumbu akinanye na bagenzi be ku mupira wa mbere w'iminota 90 itanga ikipe ikomeza muri 1/2.

14:59

Hafashwe umunota wo kuzirikana abahitanwe n’ibiza mu Burengerazuba no mu Majyaruguru

Mbere y’uko umukino wa Rayon Sports na Police FC utangira, habanje gufatwa umunota wo kuzirikana abahitanywe n’imvura nyinshi yaguye mu Ntara y’Iburengerazuba n’iy’Amajyaruguru mu ijoro ryakeye.

Imibare y'abahitanwe n'ibiza muri izo ntara ikomeje kwiyongera, ubu bamaze kuba 115.

14:46

Umukino urayoborwa na Nsoro

Umusifuzi wo hagati Ruzindana Nsoro ni we wahawe kuyobora uyu mukino wo kwishyura mu Gikombe cy'Amahoro.

Ishimwe Didier na Umutesi Alice ni abasifuzi bo ku ruhande mu gihe uwa kane ari Rulisa Patience

Komisieri w'Umukino ni Sekamana Abdoul Khaliq 'Sekebe'.

14:34

Amakipe yombi ari kwishyushya

Police FC yatangiye kwishyushya saa Munani n'iminota 10 mu gihe Rayon Sports yageze mu kibuga nyuma yaho.

Mu minota 25 iri imbere, umukino uraba utangiye.

Abafana bakomeje kwinjira ndetse hari icyizere ko mu gice kidatwikiriye hashobora kuzura.

14:24

Police FC igera ku kibuga

14:20

Abakinnyi ba Police FC babanza mu kibuga

Umutoza Mashami Vincent yahisemo gukoresha:

Kwizera Janvier
Ruhumuliza Patrick
Rutanga Eric
Moussa Omar
Rurangwa Mossi
Nsabimana Eric
Ntirushwa Aime
Hakizimana Muhadjiri
Nshuti Dominique Savio
Mugisha Didier
Usengimana Danny

14:17

Abakinnyi ba Rayon Sports bitabajwe

Umutoza Haringingo Francis ntiyahinduye ikipe yatsinze ibitego 3-2 mu mukino ubanza:

Hategekimana Bonheur
Mucyo Didier Junior
Ishimwe Ganijuru Elie
Rwatubyaye Abdul
Ndizeye Samuel
Ngendahimana Eric
Osaluwe Rafael Oliseh
Luvumbu Heritier
Joackiam Ojera
Musa Esenu
Leandre Willy Onana.

14:14

Umukino urabanzirizwa n'umunota wo kuzirikana abahitanywe n'imvura mu Burengerazuba no mu Majyaruguru



14:11

Ikaze kuri Kigali Pelé Stadium

IGIHE ibahaye ikaze kuri Stade ya Kigali yitiriwe Pele, ahagiye kubera umukino wa 1/4 wo kwishyura mu Gikombe cy'Amahoro hagati ya Rayon Sports na Police FC.

Ikipe y'Abashinzwe umutekano ni yo yakiriye umukino ubanza yatsinzwemo ibitego 3-2 mu cyumweru gishize i Muhanga.

Ikipe ikomeza hagati y'izi zombi, izahura na Mukura VS muri 1/2.

Undi mukino wa 1/2 uzahuza APR FC na Kiyovu Sports.