Rayon Sports 2-1 Etoile de l'Est FC
Uko umukino uri kugenda
Umwanditsi |
: Ukurikiyimfura Eric Tony |
Amafoto |
: Ntare Julius |
20:03
Rayon Sports ibonye amanota y'ingenzi
Nyuma yo gutandukana n'Umutoza Yamen Zelfani, Rayon Sports itsinze Etoile de l'Est ibitego 2-1 mu mukino w'Umunsi wa Gatandatu wa Shampiyona waberaga i Nyamirambo.
Gikundiro yahawe ikarita itikura kuri Mvuyekure Emmanuel, igize amanota icyenda ku mwanya wa kane, irushwa ane na Musanze FC ya mbere.
Etoile de l'Est igumye ku mwanya wa 13 n'amanota atandatu.
Turabashimiye mwese twabanye kuri uyu mukino, tuzasubire ku wa Gatanu ku mukino uzahuza APR FC na Mukura VS.
Gikundiro yahawe ikarita itikura kuri Mvuyekure Emmanuel, igize amanota icyenda ku mwanya wa kane, irushwa ane na Musanze FC ya mbere.
Etoile de l'Est igumye ku mwanya wa 13 n'amanota atandatu.
Turabashimiye mwese twabanye kuri uyu mukino, tuzasubire ku wa Gatanu ku mukino uzahuza APR FC na Mukura VS.
20:00
Umukino urarangiye
19:58
90+3' Ikarita y'umuhondo
Joackiam Ojera akiniwe nabi na Ndayishimiye Celestin uhawe ikarita y'umuhondo.
19:56
90+3' Uburyo bwa Etoile de l'Est
Gabriel ahawe umupira na Ndayishimiye Celestin wari ukinanye na Irambona Fabrice, awutera hejuru y'izamu.
19:53
90' Igitego cya Etoile de l'Est
Godspower Gabriel atsindiye Etoile de l'Est ku mupira atereye mu ruhande, umunyezamu Tamale ntiyabasha kuwuhagarika.
Hari gukinwa iminota itanu y'inyongera.
Hari gukinwa iminota itanu y'inyongera.
19:51
88' Uburyo bwa Rayon Sports
Serumogo Ali ahinduye umupira ari ku murongo, ushyirwa muri koruneri itagize icyo itanga.
Rayon Sports yari yubatse neza binyuze kuri Kanamugire Roger wasimbuye.
Rayon Sports yari yubatse neza binyuze kuri Kanamugire Roger wasimbuye.
19:47
84' Abafana ba Rayon Sports bacanye amatoroshi
Mu gihe umukino uri kugana ku musozo, abafana ba Rayon Sports bacanye amatoroshi ya telefoni zabo kugira ngo bashyigikire ikipe yabo iri gusatirwa cyane na Etoile de l'Est.
19:45
82' Gusimbuza
Mugenzi Jean de Dieu asimbuye Mumbele Mbusa Jeremy.
19:45
82' Gusimbuza
Kanamugire Roger asimbuye Ngendahimana Eric.
19:44
81' Uburyo bwa Etoile de l'Est
Ndayishimiye Celestin ahindye umupira ukomeye mu rubuga rw'amahina, Simon Tamale arasimbuka awufata neza, yicara hasi.
19:40
75' Mohamed Wade arahesha Rayon Sports intsinzi?
Umunya-Mauritania Mohamed Wade ni we uri gutoza uyu mukino kuko Zelfani yari yungirije aheruka kwirukanwa.
Wade afite Licence C ya CAF, bivuze ko ashobora gutoza igihe kitarenze amezi atatu nk'umusigire.
Rayon Sports iri mu biganiro n'abatoza bayobowe na Haringingo Francis wayihesheje Igikombe cy'Amahoro muri Kamena.
Wade afite Licence C ya CAF, bivuze ko ashobora gutoza igihe kitarenze amezi atatu nk'umusigire.
Rayon Sports iri mu biganiro n'abatoza bayobowe na Haringingo Francis wayihesheje Igikombe cy'Amahoro muri Kamena.
19:35
70' Etoile de l'Est iri guhiga igitego
Etoile de l'Est iri gukina neza muri iyi minota nyuma y'uko Rayon Sports ihawe ikarita itukura, iri gusatira cyane ishaka igitego kiyigarura mu mukino.
19:28
66' Gusimbuza
Iraguha Hadji asimbuwe na Mugisha Francois 'Master'.
19:28
64' Rayon Sports ihushije uburyo bwabazwe
Mitima agaruye umupira usanga Ngendahimana Eric ukinnye yigaramye, umupira ufata umutambiko w'izamu ujya hanze.
19:27
62' Coup-franc ya Etoile de l'Est
Sunday Imenesit ahannye ikosa ryakozwe na Mvuyekure, mugenzi we, Tity, akinishije umutwe, umupira ujya ku ruhande.
19:25
61' Ikarita itukura
Mvuyekure Emmanuel atakaje umupira yari ahanganiye n'umukinnyi wa Etoile de l'Est, awufata mu ntoki, ahabwa ikarita y'umuhondo.
Mu kutabyishimira, umupira awukubise umusifuzi Ishimwe Claude uhise umuha ikarita ikarita itukura ako kanya.
Mu kutabyishimira, umupira awukubise umusifuzi Ishimwe Claude uhise umuha ikarita ikarita itukura ako kanya.
19:21
57' Gusimbuza
Harerimana Obed na Kwizera Epaphrodite basimbuye Rwema Amza na Dunia Serge.
19:19
55' Etoile de l'Est yirangayeho
Hakizimana Tity na Sunday Inemesit bananiwe kubyaza umusaruro umupira binjiranye mu rubuga rw'amahina, Simon Tamale araryama awufata neza.
19:18
53' Etoile de l'Est iri gusatira muri iyi minota
Etoile de l'Est ibonye imipira itatu iteretse mu rubuga rwa Rayon Sports mu gihe cy'iminota ibiri, ariko inanirwa kuyibyaza umusaruro.
Iy kipe yo mu Burasirazuba irashaka kugabanya ikinyuranyo hakiri kare.
Iy kipe yo mu Burasirazuba irashaka kugabanya ikinyuranyo hakiri kare.
19:14
51' Ikarita y'umuhondo
Bugingo Hakim ahawe ikarita y'umuhondo akiniye nabi rutahizamu wa Etoile de l'Est, Sunday Inemesit.
19:11
48' Umukino uhagaze gato
Mu gihe Turatsinze John aryamye hasi nyuma yo kugongana na Ojera, Umusifuzi Ishimwe abaye ahagaritse umukino ngo uyu mukinnyi wa Etoile de l'Est yitabweho n'abaganga b'ikipe ye.
19:08
46' Igice cya Kabiri cyatangiye
Etoile de l'Est yatangiye igice cya kabiri isatira ariko ntiyabyaza umusaruro koruneri yabonye ku mupira wari winjiranywe na Sunday Imenesit.
19:01
Esenu yagarutse nyuma y'igenda rya Zelfani
Musa Esenu wari umaze igihe ahabwa umwanya ariko akagorwa no kubona izamu, yatsinze ibitego byombi byabonetse mu gice cya mbere.
Rayon Sports yashyize igitutu kuri Etoile de l'Est binyuze ku barimo Ojera na Iraguha Hadji kandi byatanze umusaruro.
Iyi kipe yo mu Burasirazuba na yo yabonye uburyo bubiri kuri Sunday Imenesit, bwombi busubizwa inyuma n'Umunyezamu Simon Tamale wari waribagiranye nyamara yaraguzwe ari we witezweho kuba uwa mbere muri Gikundiro.
Rayon Sports yashyize igitutu kuri Etoile de l'Est binyuze ku barimo Ojera na Iraguha Hadji kandi byatanze umusaruro.
Iyi kipe yo mu Burasirazuba na yo yabonye uburyo bubiri kuri Sunday Imenesit, bwombi busubizwa inyuma n'Umunyezamu Simon Tamale wari waribagiranye nyamara yaraguzwe ari we witezweho kuba uwa mbere muri Gikundiro.
18:54
Igice cya Mbere kirarangiye
18:53
45+4' Ikarita y'umuhondo
Rwema Hamza ahawe ikarita y'umuhondo akiniye nabi Ojera hafi ya koruneri ku ruhande.
Ikosa rihanwe na Bugingo, Rwatubyaye akinishije umutwe, umupira ujya hejuru y'izamu.
Ikosa rihanwe na Bugingo, Rwatubyaye akinishije umutwe, umupira ujya hejuru y'izamu.
18:51
45+2' Coup-franc nziza ya Etoile de l'Est
Mitima Isaac akiniye nabi Hakizimana Tity inyuma y'urubuga rw'amahina, ikosa rihanwe na Sunday, umupira ushyirwa muri koruneri na Salomon Tamale.
18:50
45+1' Mitima yongeye gufata icyemezo
Nk'uko yabikoze kuri Al-Hilal agahusha igitego cyabazwe, Mitima Isaac azamukanye umupira, acenga abakinnyi batatu ba Etoile de l'Est ariko uwa kane amubuza kwinjira mu rubuga rw'amahina.
18:49
45' Iminota itanu y'inyongera
Umusifuzi wa Kane yerekanye iminota itanu y'inyongera.
Rayon Sports irashaka igitego cya gatatu.
Rayon Sports irashaka igitego cya gatatu.
18:46
43' Igitego cya kabiri cya Rayon Sports
Ojera ahawe umupira na Rwatubyaye, yinjira mu rubuga rw'amahina acenga abakinnyi babiri, awuhinduye usanga Musa Esenu atsinda igitego cya kabiri.
18:44
40' Coup-franc ya Etoile de l'Est
Sunday Inemesit acenze Serumogo amushyira hasi ahagana muri koruneri.
Ikosa rihanwe n'uyu Munya-Nigeria, umupira ukurwamo na Simon Tamale.
Ikosa rihanwe n'uyu Munya-Nigeria, umupira ukurwamo na Simon Tamale.
18:39
35' Shaolin ari gutonganya bagenzi be
Umunyezamu wa Etoile de l'Est, Nsabimana Shaolin atonganyije bagenzi be basa n'abavuye mu mukino kugeza ubwo Ojera yashoboraga kubatsindana ikindi gitego, umupira ukajya ku ruhande.
18:38
34' Uburyo bwa Iraguha ntacyo butanze
Iraguha Hadji afashe umupira utanzwe nabi na Ndayishimiye Celestin, atera ishoti rikomeye rigiye hejuru kure y'izamu.
18:35
32' Igitego cya Rayon Sports
Rwema Amza akiniye nabi Hadji Iraguha wari ushatse kumucika ahagana muri koruneri.
Rayon Sports ihannye ikosa, umupira ushyiwa muri koruneri itewe, Musa Esenu awushyira mu izamu.
Rayon Sports ihannye ikosa, umupira ushyiwa muri koruneri itewe, Musa Esenu awushyira mu izamu.
18:33
29' Abanya-Uganda bagerageje kubaka
Musa Esenu asubiye inyuma gato akinana na mwenewabo Joackiam Ojera uteye ishoti ashaka gutungura umunyezamu, umupira ujya hejuru cyane.
18:32
28' Gusatira kwa Rayon Sports
Rayon Sports ikoze contre-attaque ku mupira winjiranywe na Ojera, ariko ubwugarizi bwa Etoile de l'Est buwushyira muri koruneri itagize icyo itanga.
18:31
27' Coup-franc ya Etoile de l'Est
Gabriel Godspower akiniwe nabi na Ngendahimana, ikosa ahannye, atanga umupira nabi ufatwa na Bugingo Hakim.
18:27
23' Uburyo bwa Rayon Sports
Serumogo ahinduye umupira ukomeye, ushyirwa muri koruneri na myugariro wa Etoile de l'Est washoboraga kwitsinda. Ngendahimana yashobora kubona izamu, umupira ateye n'umutwe ujya ku ruhande.
18:26
22' Sunday aburiye Rayon Sports
Inemesit Sunday ateguje ubwugarizi bwa Rayon Sports ko ashobora kubuteza ibibazo nyuma yo gucenga Serumogo, ageze mu rubuga rw'amahina umupira uramurengana.
18:24
20' Luvumbu yaje gushyigikira bagenzi be
Umukinnyi wa Rayon Sports, Luvumbu Nzinga, wabonye ikarita itukura ku mukino wa Marines FC, yaje gushyigikira bagenzi be.
18:21
16' Coup-franc ya Rayon Sports
Mvuyekure Emmanuel akiniwe nabi na Mumbele Mbusa, ikosa rihanwe na Bugingo Hakim uteye ishoti rikomeye rifatwa neza na Nsabimana Shaolin.
18:19
15' Umukino urasubukuwe
Nyuma y'iminota ine, Nsabimana yahagurutse ndetse ateye umupira imbere ahana ikosa yakorewe na Ojera.
18:18
13' Ubwitabire buri hasi
Umunyezamu Nsabimana Shaolin aracyavurwa.
Mu bafana, Aba-Rayons ntibitabiriye cyane nk'uko bisanzwe.
Umuntu ashobora gukeka impamvu zirimo umusaruro udashamaje mu mikino iheruka, kuba umukino wabaye mu mibyizi ndetse n'igiciro gito cya 3000 Frw nubwo gikunze kubaho kenshi.
Mu bafana, Aba-Rayons ntibitabiriye cyane nk'uko bisanzwe.
Umuntu ashobora gukeka impamvu zirimo umusaruro udashamaje mu mikino iheruka, kuba umukino wabaye mu mibyizi ndetse n'igiciro gito cya 3000 Frw nubwo gikunze kubaho kenshi.
18:15
11' Umunyezamu wa Etoile de l'Est aryamye hasi
Joackiam Ojera afashe umupira utakajwe na Etoile de l'Est mu rubuga rwe, arawuzamukana, awutanga kuri mugenzi we aramusubiza, ageze mu rubuga rw'amahina. Umunyezamu Nsabimana arawufata ariko agongana n'uyu mukinnyi wa Rayon Sports.
Kuri ubu Nsabimana ari kwitabwaho n'abaganga.
Kuri ubu Nsabimana ari kwitabwaho n'abaganga.
18:13
9' Coup-franc ya Etoile de l'Est
Hakizimana Tity akiniwe nabi na Rwatubyaye yari acitse. Ikosa rihanwe na Turatsinze John, ashota umupira umukinnyi wa Rayon Sports, Godspower Gabriel awusubijemo biba uko.
18:11
7' Uburyo bwa Etoile de l'Est
Hakizimana Tity acenze Serumogo aricara ariko ahita ahaguruka. Uyu mukinnyi wa Etoile de l'Est wari ku murongo w'urubuga rw'amahina, ateye ishoti rijya hejuru gato y'izamu.
18:09
5' Etoile de l'Est yanze kuzamuka
Nubwo itasubiye inyuma cyane, ariko Etoile de l'Est ntishaka kuva cyane mu kibuga cyayo.
Rayon Sports yayisatiriye mu gihe yo ishaka kujya izamukana umupira yihuta.
Rayon Sports yayisatiriye mu gihe yo ishaka kujya izamukana umupira yihuta.
18:06
2' Uburyo bwa Rayon Sports
Mvuyekure Emmanuel afashe umupira utakajwe na Etoile de l'Est mu kibuga hagati, awuteye imbere ashaka abarimo Esenu na Ojera, ufatwa n'Umunyezamu Nsabimana.
18:03
Umukino uratangiye
Rayon Sports yambaye imyenda yayo y'ubururu mu gihe Etoile de l'Est yambaye umuhondo uretse amakabutura ari mu ibara ry'umukara.
Umukino uyobowe na Ishimwe Claude 'Cucuri', utangijwe na Etoile de l'Est.
Umukino uyobowe na Ishimwe Claude 'Cucuri', utangijwe na Etoile de l'Est.
17:57
Umwiryanye muri Rayon Sports wajyanye na Zelfani?
Ni byo tugiye kureba mu minota 90 y'uyu mukino w'Umunsi wa Gatandatu wa Shampiyona.
Gikundiro yari imaze iminsi ititwara neza aho yanganyije imikino itatu iheruka muri Shampiyona ndetse igasezererwa muri CAF Confederation Cup.
Uretse uyu musaruro udashimishije, harimo ibibazo by'ubwumvikane bucye hagati y'abakinnyi n'Umutoza Yamen Zelfani watandukanye na Rayon Sports ku Cyumweru.
Kuri uyu mukino we wa mbere nyuma y'igenda rye, abakinnyi barimo Simon Tamale, Ngendahimana Eric, Bugingo Hakim na Iraguha Hadji batakundaga kubanza mu kibuga, bose bahawe umwanya muri 11.
Gikundiro yari imaze iminsi ititwara neza aho yanganyije imikino itatu iheruka muri Shampiyona ndetse igasezererwa muri CAF Confederation Cup.
Uretse uyu musaruro udashimishije, harimo ibibazo by'ubwumvikane bucye hagati y'abakinnyi n'Umutoza Yamen Zelfani watandukanye na Rayon Sports ku Cyumweru.
Kuri uyu mukino we wa mbere nyuma y'igenda rye, abakinnyi barimo Simon Tamale, Ngendahimana Eric, Bugingo Hakim na Iraguha Hadji batakundaga kubanza mu kibuga, bose bahawe umwanya muri 11.
17:46
Amakipe yombi asoje kwishyushya
Mu gihe habura iminota 15 ngo umukino utangire, abakinnyi b'amakipe yombi basubiye mu rwambariro mu gihe abasifuzi bayobowe na Ishimwe Claude 'Cucuri' bakiri kwishyushya.
17:40
Ababanje mu kibuga ku ruhande rwa Etoile de l'Est
Umutoza Nshimiyimana Maurice Maso yahisemo:
Nsabimana Jean de Dieu "Shaoulin"
Mumbele Mbusa Jeremie (c)
Ndayishimiye Celestin
Rwema Amza
Sebahakwa Michel
Turatsinze John 'Kibonke'
Nziengui Nicodem
Dunia Wanjalo Serge
GodsPower Gabriel
Hakizimana Tity
Inemesit Sunday
Nsabimana Jean de Dieu "Shaoulin"
Mumbele Mbusa Jeremie (c)
Ndayishimiye Celestin
Rwema Amza
Sebahakwa Michel
Turatsinze John 'Kibonke'
Nziengui Nicodem
Dunia Wanjalo Serge
GodsPower Gabriel
Hakizimana Tity
Inemesit Sunday
17:37
Abakinnyi ba Rayon Sports babanje mu kibuga
Umutoza Mohamed Wade wasigaranye ikipe yakoze impinduka zitandukanye ugereranyije n'ikipe Zelfani wagiye yakoreshaga. Yahisemo kubanzamo:
Simon Tamale
Rwatubyaye Abdul (c)
Mitima Isaac
Bugingo Hakim
Serumogo Ali
Ngendahimana Eric
Aruna Moussa Madjaliwa
Mvuyekure Emmanuel
Musa Esenu
Iraguha Hadji
Joackiam Ojera
Simon Tamale
Rwatubyaye Abdul (c)
Mitima Isaac
Bugingo Hakim
Serumogo Ali
Ngendahimana Eric
Aruna Moussa Madjaliwa
Mvuyekure Emmanuel
Musa Esenu
Iraguha Hadji
Joackiam Ojera
17:35
Hari imikino yabanje
Mu mikino y'Umunsi wa Gatandatu wa Shampiyona yabanje ku gicamunsi; Police FC yatsinze Muhanzi United ibitego 2-1, Marines FC itsindwa na AS Kigali igitego 1-0 naho Amagaju FC anganya na Kiyovu Sports igitego 1-1.
17:26
Rayon Sports igera kuri Stade i Nyamirambo
17:15
Ikaze kuri Kigali Pele Stadium
IGIHE ibahaye ikaze kuri Kigali Pele Stadium ahagiye kubera umukino w'Umunsi wa Gatandatu wa Shampiyona hagati ya Rayon Sports na Etoile de l'Est guhera saa Kumi n'ebyiri.
Rayon Sports yakiriye uyu mukino nyuma yo gutandukana n'Umutoza Yamen Zelfani wayihesheje amanota atandatu mu mikino ine mu gihe Etoile de l'Est na yo yatsinze imikino ibiri iheruka ikagira amanota atandatu.
Rayon Sports yakiriye uyu mukino nyuma yo gutandukana n'Umutoza Yamen Zelfani wayihesheje amanota atandatu mu mikino ine mu gihe Etoile de l'Est na yo yatsinze imikino ibiri iheruka ikagira amanota atandatu.