Kiyovu Sports vs Gorilla FC

Kiyovu Sports 3-1 Gorilla FC

Uko umukino uri kugenda

Umwanditsi

: Ukurikiyimfura Eric Tony

Amafoto

: Ntare Julius

17:02

Kiyovu Sports isezerewe na Gorilla FC mu Gikombe cy'Amahoro

Kiyovu Sports yatsinze ibitego 3-1, inganya na Gorilla FC ibitego 3-3 mu mikino ibiri ya 1/8, byatumye isezererwa ku itegeko ry'igitego cyo hanze.

Urucaca rwahereye muri 1/8 nyuma yo kugera muri 1/2 mu 2023.

Muri 1/4, Gorilla FC izahura n'ikipe izakomeza hagati ya Police FC na Kamonyi FC.

Turabashimiye mwese twabanye kuri uyu mukino, dusubire mukanya ku wundi ugiye guhuza Rayon Sports na Interforce FC.

17:00

Umukino urarangiye

16:57

90+2' Ikarita y'umuhondo

Umunyezamu Matumele Arnold Monzombo ahawe ikarita y'umuhondo kubera gutinda gusubiza umupira mu kibuga.

16:55

90' Iminota itanu y'inyongera

Umusifuzi wa Kane, Ngabonziza Jean Paul, yerekanye iminota itanu y'inyongera.

Kiyovu Sports iri gysatira ishaka igitego cya kane cyatuma ikomeza.

16:51

86' Gusimbuza

Mosengo Tansele asimbuwe na Dufitimana Pacifique.

16:51

86' Kiyovu Sports ihushije uburyo bwiza

Kilongozi ahinduye umupira mwiza mu rubuga rw'amahina, Muhozi Fred ananirwa kuwufatisha ngo awushyire mu izamu.

16:50

85' Igitego cya gatatu cya Kiyovu Sports

Shariff Bayo agaruriye icyizere Kiyovu Sports, atsinda igitego cya gatatu ku mupira ugaruwe nabi n'ubwugarizi ndetse n'Umunyezamu wa Gorilla FC, Matumele.

Kuri ubu, Urucaca rurasabwa igitego kimwe.

16:46

81' Igitego cya Gorilla FC

Nsengiyumva Mustafa yongereye amahirwe yo gukomeza ya Gorilla FC, atsinda igitego ku mupira ahawe ari mu rubuga rw'amahina, awushyira mu izamu rya Kiyovu Sports.

16:46

80' Umukino winjiye mu minota 10 ya nyuma ifite kinini ivuze

Kuri ubu, amakipe yombi anganya ibitego 2-2 mu mikino ibiri,

Kiyovu Sports isabwa gutsinda igitego cy'umutekano cyangwa hakaza guterwa penaliti.

Gorilla FC ikeneye igitego, Kiyovu Sports igasigara isabwa bibiri.

16:43

77' Kiyovu Sports irarokotse

Nzeyurwanda Djihad arokoye Kiyovu Sports ku mupira winjiranywe na Bobo Camara, ateye ishoti uyu munyezamu arirambura, asubiza umupira inyuma.

16:40

74' Coup-franc nziza ya Gorilla FC

Muhozi Fred atakaje umupira, afashijwe na Iracyadukunda kuwisubiza, bagusha Adeaga Adeshola inyuma y'urubuga rw'amahina ahagana ku nguni yo hagati.

Uyu mukinnyi w'Umunya-Nigeria ahannye ikosa ariko bagenzi be barimo Bobo Camara bawutera hejuru y'izamu.

16:32

67' Kiyovu Sports ihushije igitego cyabazwe

Kilongozi Richard yinjiranye umupira yihuta, awuhinduye usanga Nsabimana Denis uteye ishoti mu izamu, rihura n'Umunyezamu Matumele, umupira ujya hejuru.

16:31

66' Gusimbuza

Mavugo Cedric na Irakoze Darcy basimbuwe na Rubuguza Jean Pierre na Mohamed Boco Camara.

16:24

61' Ikarita y'umuhondo

Tuyisenge Hakim wa Kiyovu Sports ahawe ikarita y'umuhondo akiniye nabi Irakoze Darcy mu kibuga hagati.

16:23

57' Coup-franc nziza ya Kiyovu Sports

Tansele Mosengo ateye umupira ukomeye wari uretse, Umunyezamu Matumele awukozaho ikirenge ujya hejuru, ariko umusifuzi wo ku ruhande agaragaza ko hari habayeho no kurarira.

16:22

57' Ikarita y'umuhondo

Nsengiyumva Samuel ahawe ikarita y'umuhondo akiniye nabi Muhozi Fred inyuma gato y'urubuga rw'amahina ahagana ku nguni yo hagati.

16:20

55' Kiyovu Sports iri gushaka igitego cya gatatu

16:14

49' Gorilla FC iri gusatira muri iyi minota

Gorilla FC iri guhererekanya neza mu kibuga cya Kiyovu Sports ariko kubona izamu bikaba ingorabahizi.

16:13

48' Gusimbuza

Uwimana Emmanuel asimbuwe na Nsengiyumva Mustafa.

16:11

47' Igitego cya kabiri cya Kiyovu Sports

Muhozi Fred atsinze igitego cya kabiri ku mupira atsindishije umutwe nyuma yo gusohoka nabi k'Umunyezamu Matumele.

Kuri ubu, amakipe yombi anganya ibitego 2-2 mu mikino yombi.

16:10

46' Igice cya kabiri cyatangiye

Nsabimana Denis wa Kiyovu Sports, ni we uteye umupira wa mbere mu gice cya kabiri, ariko Gorilla FC ihita iwutwara.

16:09

Gusimbuza

Johnson Adeaga Adeshola asimbuye Nshutinziza Didier.

15:53

Igice cya mbere kirarangiye

Iminota 45 ibanza y'umukino wo kwishyura wa 1/8 cy'Igikombe cy'Amahoro irangiye Kiyovu Sports yishyuye kimwe mu bitego bibiri yatsinzwe mu mukino ubanza.

15:51

45+3' Ubundi buryo bwa Kiyovu Sports

Kilongozi Richard acomekeye umupira Muhozi Fred uwukozeho inshuro ebyiri, atera ishoti rito rinyuze ku ruhande rw'izamu rya Gorilla FC.

15:49

45' Iminota ine y'inyongera

Umusifuzi wa Kane, Ngabonziza Jean Paul, yerekanye indi minota ine yo gukina mbere y'uko igice cya mbere kirangira.

15:49

45' Iminota ine y'inyongera

Umusifuzi wa Kane, Ngabonziza Jean Paul, yerekanye indi minota ine yo gukina mbere y'uko igice cya mbere kirangira.

15:48

43' Igitego cya Kiyovu Sports

Shariff Bayo atsinze igitego cya Kiyovu Sports ku mupira uhinduwe na Muhozi mu rubuga rw'amahina, atera ishoti Matumele atabashije guhagarika.

15:46

41' Kiyovu Sports irarokotse

Iradukunda Simeon ateye koruneri nziza, umupira usanga Mavugo Cedric uwukinishije umutwe, ku bw'amahirwe make Umunyezamu Nzeyurwanda awukuraho, ujya muri koruneri.

15:39

34' Coup-franc ya Kiyovu Sports

Duru Mercy akiniye nabi Tansele hafi y'urubuga rw'amahina, Umusifuzi Rulisa wari hafi atanga ikosa.

Abakinnyi ba Kiyovu Sports ntibishimiye ko adatanze indi karita y'umuhondo kuri uyu myugariro wa Gorilla FC.

Tansele asohowe mu kibuga ari ku ngobyi,

15:34

30' Ikarita y'umuhondo

Duru Mercy ahawe ikarita y'umuhondo akiniye nabi Tansele Mosengo.

15:26

22' Uburyo bwa Gorilla FC

Ikipe ya Gorilla FC izamukanye umupira yihuta, Nshimiyimana Tharcisse atereye ishoti inyuma y'urubuga rw'amahina, umupira unyura ku ruhande rw'izamu.

15:25

20' Kiyovu Sports iracyagorwa

Kiyovu Sports ihushije uburyo bwiza ku mupira utewe na Tansele Mosengo, ukubita umutambiko w'izamu uvamo.

Mu minota 20, iyi kipe iri gusatira cyane ariko iracyagorwa no kubona izamu.

15:18

15' Gorilla FC yirwanyeho

Iracyadukunda Eric ahinduye umupira mwiza mu rubuga rw'amahina, ukurwaho na Nshimiyimana Emmanuel, ujya muri koruneri itagize icyo itanga.

15:17

13' Ikarita y'umuhondo

Uwimana Emmanuel wa Gorilla FC, ahawe ikarita y'umuhondo kubera kubeshya Umusifuzi Rulisa ubwo yagwaga atwawe umupira na Niyonzima Olivier 'Seif'.

15:11

7' Coup-franc ya Gorilla FC

Nshimiyimana Tharcisse akiniwe nabi inyuma y'urubuga rw'amahina na Bayo, ikosa rihanwe na Mavugo Cedric, atera umupira mu rukuta mbere yo kumugarukira akawushyira hanze.

15:06

3' Kiyovu Sports ihushije uburyo bwiza

Muhozi Fred ahawe umupira mwiza mu rubuga rw'amahina, ateye ishoti rijya hejuru y'izamu.

Bwari uburyo bwiza ku Rucaca.

15:05

2' Coup-franc ya Kiyovu Sports

Nsabimana Denis akiniwe nabi hafi y'izamu rya Kiyovu Sports, umupira ukinwe na Tansele ujya ku ruhande.

15:03

Umukino uratangiye

Umusifuzi Rulisa Patience atangije umukino.

Umupira wa mbere utewe na Gorilla FC iri gukinira mu kibuga cyayo.

14:58

Ubwo amakipe yombi yishyushyaga

14:56

Amakipe yombi agera ku kibuga

14:39

Abakinnyi ba Gorilla FC babanje mu kibuga

Umutoza Gatera Moussa yahisemo gukoresha:

Matumele Arnold Mozombo
Nshimiyimana Emmanuel
Nsengimana Samuel
Duru Mercy
Nshutinziza Didier
Uwimana Emmanuel
Nshimiyimana Tharcisse
Irakoze Darcy
Nizeyimana Mubarakh
Iradukunda Simeon
Mavugo Cedric

14:36

Abakinnyi ba Kiyovu Sports babanje mu kibuga

Umutoza Khalil Sebarera yahisemo gukoresha:

Nzeyurwanda Djihad
Niyonzima Olivier Seif
Tuyisenge Hakim
Kazindu Guy
Sharrif Bayo
Mosengo Tansele
Kilongozi Richard
Muhozi Fred
Nizigiyimana Karim
Nsabimana Denis
Iracyadukunda Eric

14:34

Ikaze kuri Kigali Pele Stadium

IGIHE ibahaye ikaze kuri Stade ya Kigali yitiriwe Pele ahagiye kubera umukino wo kwishyura wa 1/8 cy'Igikombe cy'Amahoro hagati ya Kiyovu Sports na Gorilla FC.

Umukino ubanza warangiye Gorilla FC yatsinze ibitego 2-0.

Kiyovu Sports yabyishyura, ikanakomeza? Ni byo tugiye kureba mu minota 90 y'uyu mukino.