AS Kigali 2-2 APR FC
Uko umukino uri kugenda
Umwanditsi |
: Ukurikiyimfura Eric Tony |
Amafoto |
: Ntare Julius |
17:02
AS Kigali isubitse ibirori bya APR FC
Igitego cyo mu minota y'inyongera gitsinzwe na Benedata Janvier, gitumye AS Kigali inganya na APR FC ibitego 2-2 mu kirarane cy'Umunsi wa 26 wa Shampiyona.
Kunganya bitumye Ikipe y'Ingabo isabwa byibuze irindi nota rimwe kugira ngo yegukane Shampiyona kuko igize amanota 60, irusha Rayon Sports 12 mu gihe hasigaye imikino ine.
Mu mukino utaha, APR FC izisobanura na Kiyovu Sports ku wa Gatandatu.
AS Kigali igize amanota 38 ku mwanya wa gatandatu.
Turabashimiye mwese twabanye kuri uyu mukino, tuzasubire ku wa Kabiri ku mukino uzahuza Police FC na Gasogi United muri 1/2 cy'Igikombe cy'Amahoro.
Kunganya bitumye Ikipe y'Ingabo isabwa byibuze irindi nota rimwe kugira ngo yegukane Shampiyona kuko igize amanota 60, irusha Rayon Sports 12 mu gihe hasigaye imikino ine.
Mu mukino utaha, APR FC izisobanura na Kiyovu Sports ku wa Gatandatu.
AS Kigali igize amanota 38 ku mwanya wa gatandatu.
Turabashimiye mwese twabanye kuri uyu mukino, tuzasubire ku wa Kabiri ku mukino uzahuza Police FC na Gasogi United muri 1/2 cy'Igikombe cy'Amahoro.
16:58
Umukino urarangiye
16:56
90+2' Igitego cyo kwishyura cya AS Kigali
Benedata Janvier acubije ibyishimo bya APR FC, atera ishoti ari inyuma y'urubuga rw'amahina, Umunyezamu Ndzila abona umupira ujya mu izamu.
16:54
90' Iminota itanu y'inyongera
Umusifuzi wa Kane, Murindangabo Moise, yerekanye iminota itanu y'inyongera.
APR FC ikomeje kurinda izamu ryayo.
APR FC ikomeje kurinda izamu ryayo.
16:54
90' Iminota itanu y'inyongera
Umusifuzi wa Kane, Murindangabo Moise, yerekanye iminota itanu y'inyongera.
APR FC ikomeje kurinda izamu ryayo.
APR FC ikomeje kurinda izamu ryayo.
16:52
88' Gusimbuza
Ruboneka Bosco wavunitse, yasimbujwe Niyibizi Ramadhan.
16:50
88' Amafoto: Abakinnyi ba APR FC bishimira igitego cya kabiri
16:49
86' Gusimbuza
Ishimwe Fiston asimbuwe na Ndayishimiye Antoine Dominique.
16:48
85' Coup-franc ya AS Kigali
Mugisha Gilbert akiniye nabi Akayezu Jean Bosco inyuma y'urubuga rw'amahina. Ikosa rihanwe na Tchabalala, umupira uca hejuru gato y'izamu ririnzwe na Pavelh Ndzila.
16:44
81' Ikarita itukura
Rucogoza Eliasa ahawe ikarita ya kabiri y'umuhondo, ivuyemo itukura, nyuma yo gukinira nabi Ruboneka Bosco.
16:43
80' APR FC irarokotse
Iyabivuze Osee ahawe umupira muremure, awutera adahagaritse, ku bw'amahirwe ye make ukurwamo na Pavelh Ndzila.
AS Kigali iri gusatira cyane muri iyi minota.
AS Kigali iri gusatira cyane muri iyi minota.
16:41
78' Gusimbuza
Iyabivuze Osee asimbuye Kevin Ebene.
16:36
75' AS Kigali iri gusatira ishaka kwishyura
16:33
70' Icyizere ni cyose ku bafana ba APR FC
Mu gihe umukino warangira gutya cyangwa APR FC ikomeje kuwuyobora, yakwegukana igikombe cya Shampiyona.
Abafana bake baje kuyishyigikira bari kubyina intsinzi.
APR FC iteganya ko izishimira Igikombe ku mukino wa AS Kiyovu Sports uzaba ku wa Gatandatu.
Abafana bake baje kuyishyigikira bari kubyina intsinzi.
APR FC iteganya ko izishimira Igikombe ku mukino wa AS Kiyovu Sports uzaba ku wa Gatandatu.
16:29
66' Abakinnyi ba AS Kigali ntibishimiye icyemezo cy'umusifuzi
Tchabalala yari asize Niyigena Clement uguye agaragaza ko bamukiniye nabi, Ruzindana Nsoro asifura ikosa.
Abakinnyi ba AS Kigali bagaragaje kutishimira iki cyemezo.
Abakinnyi ba AS Kigali bagaragaje kutishimira iki cyemezo.
16:28
64' Gusimbuza
Taddeo Lwanga na Bacca basimbujwe Niyomugabo Claude na Shaiboub Ali.
16:24
63' Gusimbuza
Ssekisambu na Ntirushwa basimbuwe na Benedata na Akayezu Jean Bosco.
16:23
61' Igitego cya kabiri cya APR FC
Victor Mbaoma atsinze igitego cya 14 cya Shampiyona ku mupira ahawe na Ruboneka Bosco wari umaze gucenga Umunyezamu Hakizimana Adolphe.
AS Kigali 1-2 APR FC.
AS Kigali 1-2 APR FC.
16:22
61' Gusatira kwa APR FC gusubijwe inyuma
Victor Mbaoma ahushije uburyo bwiza ku mupira ahawe, awutera hejuru y'izamu. Gusa, umusifuzi wo ku ruhande yari yamaze kugaragaza ko habayeho kurarira.
16:18
55' APR FC ihagaritse neza AS Kigali
Ssekisambu yinjiranye umupira ahaye Tchabalala ushatse gucenga Niyigena Clement biramunanira, Pitchou ahita ahagoboka akuraho umupira.
16:18
55' APR FC ihagaritse neza AS Kigali
Ssekisambu yinjiranye umupira ahaye Tchabalala ushatse gucenga Niyigena Clement biramunanira, Pitchou ahita ahagoboka akuraho umupira.
16:12
49' Coup-franc ya AS Kigali
Nshimirimana Ismael Pitchou akiniye nabi Ishimwe Fiston inyuma y'urubuga rw'amahina, ikosa rihanwe na Ebene, APR FC ikiza izamu mbere y'uko yongera gukora irindi kosa.
16:07
46' Igice cya Kabiri cyatangiye
Ishimwe Fiston wa AS Kigali ni we utangiranye umupira mu gice cya kabiri, APR FC ihita itangira gusatira.
15:52
Igice cya mbere kirarangiye
Iminota 45 ibanza irangiye amakipe yombi anganya igitego 1-1.
Abakinnyi b'amakipe yombi bagiye kumva inama z'abatoza.
Igice cya kabiri giteganyijwe mu minota 15 iri imbere.
Abakinnyi b'amakipe yombi bagiye kumva inama z'abatoza.
Igice cya kabiri giteganyijwe mu minota 15 iri imbere.
15:51
45+4' Ikarita y'umuhondo
Umuganga wa AS Kigali, Arsene, ahawe ikarita y'umuhondo kubera kuvurira Ntirushwa Aime mu kibuga mu gihe hari hahamagajwe abamujyana hanze.
15:49
45+2' APR FC irarokotse
Ishimwe Fiston ahannye ikosa ryakorewe kuri Ebene, aha umupira Ntirushwa Aime uteye ishoti rikomeye, rikurwamo na Pavelh Ndzila mbere y'uko AS Kigali igorwa no gutsinda, Nshimiyimana Yunussu akiza izamu.
15:48
45+1' Ikarita y'umuhondo
Ishimwe Christian ahawe ikarita y'umuhondo ku ikosa akoreye kuri Kevin Ebene inyuma y'urubuga rw'amahina mu ruhande.
15:46
45' Iminota itatu y'inyongera
Umusifuzi wa Kane, Murindangabo Moise, yerekanye iminota itatu y'inyongera.
15:39
38' Imvura ikuye bamwe mu byicaro
Imvura yatangiye kugwa i Nyamirambo, ikuye abafana bari ahadatwikiriye mu byicaro byabo.
Hagati aho, Taddeo Lwanga ari kuvurwa nyuma yo kugongana na Tchabalala.
Hagati aho, Taddeo Lwanga ari kuvurwa nyuma yo kugongana na Tchabalala.
15:37
35' Uburyo bwiza bwa AS Kigali
AS Kigali ihererekanyije neza imbere y'izamu rya APR FC ku barimo Kone Felix na Tchabalala mbere y'uko Ndayishimiye Thierry atera umupira ufashwe na Pavelh Ndzila wabanje kuryama.
15:35
34' Ubwo hafatwaga umunota wo kwibuka Dr Adel Zrane wari Umutoza muri APR FC
15:34
33' Uko amakipe yombi yarutse kuri uyu wa Mbere
15:31
29' Ikarita y'umuhondo
Rucogoza Iliasa yahawe ikarita y'umuhondo ku ikosa yakoreye kuri Victor Mbaoma uri kwitabwaho n'abaganga.
15:26
26' Coup-franc ya APR FC
Ishimwe Christian ahannye ikosa ryakorewe kuri Ruboneka, atera umupira mu rukuta rw'abakinnyi ba AS Kigali ihise ikosa contre-attaque, Umunyezamu Ndzila afata umupira neza.
15:24
24' Ikarita y'umuhondo
Kapiteni wa AS Kigali, Bishira Latif, ahawe ikarita y'umuhondo ku ikosa akoreye kuri Ruboneka Bosco inyuma y'urubuga rw'amahina.
15:24
23' APR FC irarokotse
Pavelh Ndzila atanze umupira nabi awihera Ssekisambu, uyu Munya-Uganda ashatse kumuroba, Umunyezamu w'Umunya-Congo Brazzaville asohoka neza, arawufata.
15:23
21' Nsoro arararamye mu gufata icyemezo
Taddeo Lwanga akiniye nabi Kevin Ebene ku ikosa ryashoboraga kumuhesha ikarita y'umuhondo.
Kuba Umusifuzi Ruzindana atasifuye ikosa ryakorewe kuri Mbaoma, bituma ararama, arabyoroshya.
Kuba Umusifuzi Ruzindana atasifuye ikosa ryakorewe kuri Mbaoma, bituma ararama, arabyoroshya.
15:17
15' Igitego cyo kwishyura cya APR FC
Abarimo Ruboneka Bosco, Mbaoma na Mugisha Gilbert bahatanye n'abakinnyi ba AS Kigali barimo Umunyezamu Hakizimana Adolphe mbere y'uko umupira usanga Kwitonda Alain Bacca uhise uwushyira mu izamu, yishyurira Ikipe y'Ingabo z'Igihugu.
15:14
13' Igitego cya AS Kigali
Ishimwe Fiston afunguye amazamu i Nyamirambo ku mupira ahawe na Felix Kone mu gitego cyigizwemo uruhare Tchabalala.
AS Kigali iyoboye umukino.
AS Kigali iyoboye umukino.
15:12
11' Gusatira kwa APR FC
Ruboneka Bosco wambaye igitambaro cya APR FC, acenze Ishimwe Saleh aramuzenguruka, ahindura umupira ashaka Mbaoma, ariko Rucogoza awukuraho.
15:11
10' Gusatira kwa AS Kigali
Felix Kone yinjiranye ubwugarizi bwa APR FC, ateye umupira witambikwa na Niyigena Clement ujya muri koruneri itagize icyo itanga.
15:08
6' Kevin Ebene yatangiye kwiyibutsa APR FC
Umunya-Cameroun Kevin Ebene ni umwe mu bakinnyi bazonze APR FC mu mikino yahuyemo yaba muri AS Kigali na Mukura VS nubwo nta gitego yayitsinze.
Kuri ubu yatangiye kugora ubwugarizi bwayo.
Kuri ubu yatangiye kugora ubwugarizi bwayo.
15:04
3' Uburyo bwa APR FC
AS Kigali yatangiye ihuzagurika.
Ruboneka Bosco akinanye na Kwitonda Bacca ucenze Ishimwe Saleh, ahindura umupira mu rubuga rw'amahina, usanga Mbaoma ushyizeho umutwe, ku bw'amahirwe uye make ufatwa na Hakizimana Adolphe.
Ruboneka Bosco akinanye na Kwitonda Bacca ucenze Ishimwe Saleh, ahindura umupira mu rubuga rw'amahina, usanga Mbaoma ushyizeho umutwe, ku bw'amahirwe uye make ufatwa na Hakizimana Adolphe.
15:01
Umukino uratangiye
Umusifuzi Ruzindana Nsoro atangije umukino, umupira wa mbere uterwa na APR FC iri gukinira mu kibuga cyayo.
14:58
AS Kigali ikunda kugora APR FC
AS Kigali ni imwe mu makipe agora cyane APR FC kuko mu mikino 15 iheruka kuzihuza zombi, iyi kipe y’Umujyi wa Kigali yatsinzemo ine, iy’Ingabo z’Igihugu itsinda itatu mu gihe zanganyije inshuro umunani.
APR iheruka gutsinda AS Kigali muri Shampiyona ku wa 23 Ukuboza 2018, ubwo yatsindaga ibitego 3-0. Muri uyu mwaka w’imikino, amakipe yombi yanganyije igitego 1-1 mu mikino ibanza.
Gusa, Abanyamujyi bamaze iminsi itanu batitoza mbere y’uko basubukura imyitozo ku wa Gatandatu nyuma yo guhembwa ukwezi kumwe mu birarane by’amezi ane bari baberewemo n’ubuyobozi.
APR iheruka gutsinda AS Kigali muri Shampiyona ku wa 23 Ukuboza 2018, ubwo yatsindaga ibitego 3-0. Muri uyu mwaka w’imikino, amakipe yombi yanganyije igitego 1-1 mu mikino ibanza.
Gusa, Abanyamujyi bamaze iminsi itanu batitoza mbere y’uko basubukura imyitozo ku wa Gatandatu nyuma yo guhembwa ukwezi kumwe mu birarane by’amezi ane bari baberewemo n’ubuyobozi.
14:56
Amakipe yombi yishyushya
14:49
Abakinnyi ba AS Kigali bitabajwe
Umutoza Guy Bukasa yahisemo gukoresha:
Hakizimana Adolphe
Bishira Latif (c)
Ndayishimiye Thierry
Ishimwe Saleh
Ntirushwa Aime
Rucogoza Iliassa
Ebene Kevin
Felix Kone
Ishimwe Fiston
Erisa Ssekisambu
Shabani Hussein Tchabalala
Hakizimana Adolphe
Bishira Latif (c)
Ndayishimiye Thierry
Ishimwe Saleh
Ntirushwa Aime
Rucogoza Iliassa
Ebene Kevin
Felix Kone
Ishimwe Fiston
Erisa Ssekisambu
Shabani Hussein Tchabalala
14:45
Abakinnyi ba APR FC babanje mu kibuga
Umutoza wa APR FC, Thierry Froger, yahisemo gukoresha:
Pavelh Ndzila
Fitina Omborenga
Nshimiyimana Yunussu
Ishimwe Christian
Niyigena Clement
Nshimirimana Ismael Pitchou
Taddeo Lwanga
Ruboneka Bosco (c)
Kwitonda Alain
Victor Mbaoma
Mugisha Gilbert
Abasimbura: Pierre, Shaiboub, Ramadhan, Yannick, Kategaya, Niyomugabo, Ndayishimiye na Rwabuhihi Placide.
Pavelh Ndzila
Fitina Omborenga
Nshimiyimana Yunussu
Ishimwe Christian
Niyigena Clement
Nshimirimana Ismael Pitchou
Taddeo Lwanga
Ruboneka Bosco (c)
Kwitonda Alain
Victor Mbaoma
Mugisha Gilbert
Abasimbura: Pierre, Shaiboub, Ramadhan, Yannick, Kategaya, Niyomugabo, Ndayishimiye na Rwabuhihi Placide.
14:35
APR FC ishobora kwegukana Shampiyona kuri uyu mukino
Kuri ubu, APR iyoboye Shampiyona n’amanota 59, irusha amanota 11 Rayon Sports ya kabiri mu gihe hasigaye imikino ine.
Gutsinda umukino wo kuri uyu wa Mbere byaba bisobanuye ko Ikipe y’Ingabo yashyizemo ikinyuranyo cy’amanota 14 kandi hasigaye 12 yo gukinira.
Ni mu gihe kunganya byayiha amahirwe yo gutwara igikombe, ariko bigasaba gutegereza uko indi mikino izarangira kuko haba hasigayemo imibare igoye y’ibitego Rayon Sports yazatsinda.
APR FC yashinzwe mu 1993, igatangira guhatana muri Shampiyona nyuma y’imyaka ibiri, ni yo imaze kwegukana ibikombe byinshi by’Icyiciro cya Mbere aho kuri ubu ifite 21 ndetse igiye kwegukana icya gatanu yikurikiranya.
AS Kigali ni iya karindwi n’amanota 37 ndetse gutsinda byayihesha umwanya wa gatanu.
Gutsinda umukino wo kuri uyu wa Mbere byaba bisobanuye ko Ikipe y’Ingabo yashyizemo ikinyuranyo cy’amanota 14 kandi hasigaye 12 yo gukinira.
Ni mu gihe kunganya byayiha amahirwe yo gutwara igikombe, ariko bigasaba gutegereza uko indi mikino izarangira kuko haba hasigayemo imibare igoye y’ibitego Rayon Sports yazatsinda.
APR FC yashinzwe mu 1993, igatangira guhatana muri Shampiyona nyuma y’imyaka ibiri, ni yo imaze kwegukana ibikombe byinshi by’Icyiciro cya Mbere aho kuri ubu ifite 21 ndetse igiye kwegukana icya gatanu yikurikiranya.
AS Kigali ni iya karindwi n’amanota 37 ndetse gutsinda byayihesha umwanya wa gatanu.
14:33
Ubwo AS Kigali yageraga ku kibuga
14:33
APR FC igera kuri Kigali Pele Stadium
14:25
Ikaze kuri Kigali Pele Stadium
Ikaze kuri Kigali Pele Stadium ahagiye kubera ikirarane cy'Umunsi wa 26 wa Shampiyona hagati ya AS Kigali na APR FC.
Uyu mukino wagombaga kuba tariki ya 5 Mata, ariko usubikwa kubera urupfu rw’uwari Umutoza wongerera imbaraga abakinnyi b’Ikipe y’Ingabo, Umunya-Tunisia, Dr Adel Zrane, witabye Imana ku wa 2 Mata azize guhagarara k’umutima.
Uyu mukino wagombaga kuba tariki ya 5 Mata, ariko usubikwa kubera urupfu rw’uwari Umutoza wongerera imbaraga abakinnyi b’Ikipe y’Ingabo, Umunya-Tunisia, Dr Adel Zrane, witabye Imana ku wa 2 Mata azize guhagarara k’umutima.