APR FC vs Al-Hilal Club (Omdurman)

APR FC 0-0 Al-Hilal SC

Uko umukino uri kugenda

Umwanditsi

: Jahdeau Dukuze

Amafoto

: Hardi Uwihanganye

16:47

APR FC igeze ku mukino wa nyuma wa CECAFA Kagame Cup

Iyi kipe y'ingabo z'igihugu isezereye igihangange Al Hilal kuri Penaliti.

16:46

Al Hilal Steven Ebuela arayihushijeeeeeee

FT APR FC 0-0 AL Hilal (5-4 Pen)

APR FC igeze ku mukino wa nyuma wa CECAFA Kagame Cup.

Penaliti ya Steven Ndzila ayishyize hanze.

16:45

APR FC Mamadou Sy ayiteye neza.

Penaliti.

APR FC 5-4 Al Hilal.

16:44

Al Hilal Mouhamed Abouagla ayiteye neza

Penaliti

APR FC 4-4 Al Hilal.

16:43

APR FC Byiringiro Gilbert ayishyizemo

Penaliti

APR FC 4-3 Al Hilal.

16:42

Penaliti Al Hilal Salah Alhassan ayishyizemo

Penaliti

APR FC 3-3 Al Hilal

16:41

APR FC Kategaya Elie ayishyizemo.

Penaliti

APR FC 3-2 Al Hilal.

16:41

Al Hilal. Ousmane Diof ayiteye neza.

Penaliti

APR FC 2-2 Al Hilal.

16:40

APR FC Niyigena Clement ayishyizemo.

Penaliti

APR FC 2-1 Al Hilal

16:39

Al Hilal Pape Ndiaye ayishyizemo.

Penaliti APR FC 1-1 Al Hilal.

16:38

APR FC itangiye itera. Nzotanga Fils Ndayishimiye Dieudonne arayinjije.

Penaliti APR FC 1-0 Al Hilal

16:37

Perezida wa Ferwafa yitabiriye uyu mukino.

Munyentwari Alphonse ku munsi w'ejo yasuye ikipe ya APR FC mu myitozo ndetse uyu munsi ari ku kibuga areba ikipe ya APR FC ikina.

16:34

30' ET Umukino urarangiye.

Amakipe yombi arangije iminota 120 anganya 0-0.

Hagiye kwitabazwa Penaliti.

Mu irushanwa rya CECAFA ikipe ya APR FC iheruka kwitabira, yari yasezerewe muri 1/4 na Maniema yo muri Congo Kinshasa kuri penaliti, mu gihe iyi kipe kandi iheruka gusezererwa kuri Penaliti mu mikinio ya 1/2 cya Mapinduzi Cup yabereye muri Zanzibar.

16:32

29' Gusimbuza kwa APR FC.

Kategeya Elie afashe umwanya wa Dauda Yussif. Uko biri azaniwe Penaliti

16:31

27' Ikarita y'umuhondo kuri Al Hilal.

Mohamedelm ahawe ikarita ku ikosa akoreye Mamadou Sy.

16:30

25' ET AL HILAL ihushije igitego kidahushwa.

Girumugisha yongeye kuzamukana umupira ku ruhande rw'ibumoso, anyura kuri Gilbert aterekera umupira mwiza Pape Ndiaye wari usigaje gushyira mu izamu ariko Dauda arahagoboka awumuteresha nabi.

16:27

22' Ikarita y'umuhondo kuri Al Hilal

Salah Alhassan ahawe ikarita nyuma yo gukubita inkokora Lamptey Richmond

16:26

21' Al Hilal ni yo iri gushaka igitego cyane ku bigaragara.

Ikipe ya APR FC iri gukinisha ba myugariro 6 muri 11 bari mu kibuga aho AL Hilal ari yo iri gusatira cyane ugereranyije n'iyi kipe yaturutse i Kigali.

16:23

19' Gusimbuza ku ruhande rwa APR FC.

Aliou Souane yafashe umwanya wa Ramadhan Niyibizi.

16:22

19' Ikarita y'umuhondo kuri APR FC.

Dauda Yussif ahawe ikarita y'umuhondo ku ikosa hafi y'urubuga rw'amahina.

16:20

17' ET: APR FC ihushije igitego.

Mamadou Sy ukomeje kugora ubwugarizi bwa Al Hilal afashe umupira hafi y'urubuga rw'amahina ariko ateye umupira uca hirya gato y'urubuga rw'amahina.

16:17

Agace ka kabiri k'iminota y'inyongera karatangiye

16:17

16' Gusimbuza kwa Al Hial

Pape Ndiaye afashe umwanya wa Kapiteni Mohamed Youssif.

16:16

Agace ka mbere k'iminota y'inyongera kararangiye.

APR FC 0-0 Al Hilal.

16:15

15' ET Umunota 1 w'inyongera.

16:15

14' APR FC ishatse kongera kugerageza izamu rya Hilal.

Umupira abakinnyi ba APR FC bubatsemo ikintu, Lamptey awuteretse kwa Claude uwugaruye kwa Nzotanga, uyu na we awushyira mu rubuga rw'amahina ariko Mamadou Sy ntiyawufata neza ngo awushyire mu nshundura.

16:13

12' ET. Al Hilal yari itunguranye.

Umupira bazamukanye kuri Contre- Attaque, Yassir Altaeb wagiye mu kibuga asimbuye acenze uwo ahuye na we wese mu nzira ku ruhande rw'iburyo gusa birangira umupira Claude awushyize muri Corner.

Iyi bahise bayitera bihuse birangira ntakivuyemo.

16:10

11' ET indi Coup Franc ya APR FC...

Mamadou Sy akorewe ikosa na Marc Juniro utabyumva... Ruboneka ateye umupira ariko umunyezamu Abdallah awukoraho akiza izamu.

16:09

10' ET Coup Franc ya APR FC.

Ruboneka Bosco akorewe ikosa kure y'izamu, umupira ahita awukinana na bagenzi be.

16:08

09' Mohamed Youssif yamuruye inyoni.

Kapiteni wa Al Hilal apfushije ubusa amahirwe ikipe ye yari ibonye atera Coup Franc nabi.

16:06

08' Coup Franc ya Al Hilal.

Umusifuzi yemeje ko Nzotanga yakoze ikosa hafi y'urubuga rw'amahina ariko uyu myugariro ntabwo babyemeranywa.

16:06

06' Al Hilal yari iremye uburyo.

Umupira waciye kwa Girumugisha nanone, awushyize mu rubuga rw'amahina, Pavel Ndzila ntiyashobora kuwufata ngo awukomeze, gusa umusifuzi atangaza ko yakorewe ikosa.

16:04

04' ET Yunusu akorewe ikosa yitabwaho n'abaganga.

Uyu myugariro wa APR FC amaze amasegonda 45 yitabwaho n'abaganga nyuma yo gukorerwa ikosa na rutahizamu wa Al Hilal Mohamed.

16:03

03' ET Corner ya Al Hilal.

Girumugisha wakomeje kugora impande za APR FC atumye ikipe ye ibona corner ku mupira urengejwe na Gilbert.

Corner ivuyemo Yunusu akijije izamu.

15:59

1' ET Coup Franc ya Al Hilal

Mamadou Sy akoze ikosa.

15:59

1' Agace ka mbere k'inyongera karatangiye

15:57

Amategeko ya CECAFA akomeje kugorana.

Mu gihe benshi bari biteguye ko hashobora guterwa za Penaliti ngo zikiranure amakipe yombi, itangazo rije rivuga ko hari bwongerweho iminota 30.

Mu myitozo ya APR FC ariko nubundi ntabwo yari yitoje gutera izi penaliti.

15:55

90+5' Umukino urarangiye.

Hagiye gukurikiraho iminota 30 y'inyongera.

15:53

90+4 APR FC ihushije Lala Salama.

Akazi gakomeye gakozwe na Mamadou Sy, uhaye umupira Ramadhan, awushyira ku kirenge cya Nzotanga ariko uyu ntiyashobora kuwushyira mu izamu.

15:52

90+3 APR FC yari igerageje gushaka igitego.

Ruboneka aterekeye umupira Nzotanga ushatse gutera mu izamu umupira uca hejuru.

15:49

90+2 Gusimbuza APR FC

Mugisha Gilbert ahaye umwanya Richmond Lamptey.

15:48

90' Iminota ine y'inyongera

15:47

88' Dauda ni igitangaza!

Uyu musore mushya wa APR FC ari kwigisha abantu umupira hano ku kibuga. Uyu acenze abasore babiri bo hagati ba Al Hilal, aterekera umupira mwiza Nzotanga udashoboye kuwushyira mu izamu.

15:47

88' Dauda ni igitangaza!

Uyu musore mushya wa APR FC ari kwigisha abantu umupira hano ku kibuga. Uyu acenze abasore babiri bo hagati ba Al Hilal, aterekera umupira mwiza Nzotanga udashoboye kuwushyira mu izamu.

15:43

84' APR FC yari iremye akantu.

Mugisha Gilbert azamukanye umupira ibumoso awugeza hafi y'urubuga rw'amahina ariko ateye ubwugarizi bwiza bwa Al Hilal buritambika, umupira ufatwa na Ramadhana na we udashoboye gushyira mu izamu.

15:42

82' APR FC 0-0 Al Hilal. Umukino urangiye uku hakwiyambazwa Iminota y'inyongera.

Mu gihe amakipe yombi yakomeza kudatsindana byasaba ko hongerwaho iminota 30 byakwanga hakaza Penaliti.

15:36

74' Al Hilal ihushije igitego!

Eh eh eh... Jean Claude Girumugisha wagiye mu kibuga asimbuye azamukanye umupira ibumoso, acenga neza Gilbert Byiringiro, aterekera umupira mwiza Mohamed Youssif ushatse kuwushyira mu izamu Clement arahagoboka awushyira muri Corner.

15:34

73' Gusimbuza ku ruhande rwa Al Hilal

Wlieldin wari ufite ikarita y'umuhondo ahaye umwanya Salah Alhassan

15:33

72' APR FC iri gusatira muri iyi minota.

Hano, Ramadhan aterekeye umupira Nzotanga uwugaruye mu rubuga rw'amahina ntiwagera kuri Mugisha Gilbert.

15:31

71' Mamadou Sy yari aremye amahirwe yo gutsinda.

Uyu rutahizamu mushya wa APR FC azamukanye umupira ku ruhande rw'iburyo, ariko awugaruye mu rubuga rwa Hilal nyiwagera kwa Ramadhan

15:29

69' Ramadhan akorewe ikosa ryari bubyare ikarita itukura.

Ramadhan Niyibizi akorewe ikosa rikomeye na Walieldin wahawe ikarita y'umuhondo ariko umusifuzi w'umukino yirinda kumuha iya kabiri yari bubyare umutuku.

15:28

68' Ramadhan yari atunguye umunyezamu.

Uyu musore wo hagati azamukanye umupira wenyine anyura mu bo hagati ba Al Hilal ageze hafi y'urubuga rw'amahina arekura ishoti rica hejuru gato y'izamu rya Ali Abdallah.

15:26

66' Gusimbuza ku ruhande rwa APR FC.

Mamadou Sy na Ndayishimiye Dieudonne bafashe umwanya wa Mbaoma na Muzungu

15:25

64' Gusimbuza kwa Al Hilal

Yassir Altayeb na Jean Claude Girumugisha bafashe umwanya wa Taha Abdelrazig na Pokou Serge

15:23

62' Coup Franc ya APR FC.

Ruboneka Jean Bosco akorewe ikosa ku mupira yari azamukanye.

Coup Franc ivuyemo ntacyo itanze kuko ubwugarizi bwa Al Hilal bukuyeho umupira.

15:22

61' APR FC yari itanze impano...

Dauda Yassif ushaka kwigaragaza ku mukino wa mbere atangiye mu kibuga, atakaje umupira ahantu habi gusa Mohamed ntityungukira mu mupira atakaje.

15:20

60' Ikipe zombi ziri gukinira hagati mu kibuga hagati.

Nyuma yo gushaka igitego ku mpande zombi mu gice cya mbere, igice cya kabiri umukino uri gukinirwa ahanini mu kibuga hagati aho abatoza bombi biganye bigaragara.

15:18

58' Ikarita y'umuhondo kuri Al Hilal.

Walieldin ahawe ikarita nyuma yo gufata Mbaoma wari uhawe umupira mwiza na Dauda Yussif.

15:17

56' Ikarita y'umuhondo ku ruhande rwa APR FC!

Umutoza Darko Novic utishimiye ikosa risifuwe ko Claude yakoze ikosa, ahawe ikarita y'umuhondo.

15:15

51' APR FC ihushije igitego!

Umupira mwiza Victor Mbaoma ahawe na Yunusu awushyize mu izamu ariko Ali Abdallah akoraho ujya muri Corner.

Corner ivuyemo Ruboneka awushyize mu izamu ab'inyuma bakiza izamu agiye gusonga akorerwa ikosa.

Coup Franc ivuyemo Ruboneke aterekeye umupira Mugisha ariko awuteye ujya hanze.

15:13

49' Coup Franc ya Al Hilal

Mohamed Abuaagla akorewe ikosa. Coup Franc ivuyemo Taha awuteye umupira ujya muri Corner.

Iyi ntacyo itanze.

15:08

48' Ikipe ya APR FC yari iremye uburyo bwo gutsinda.

Ruboneka Bosco aciye agati y'abakinnyi ba Al Hilal aterekera umupira Muzungu ariko uba muremure.

15:06

47 Umukino wongeye gukomeza.

Umunyezamu wa Al Hilal ateye umupira muremure uruhukira mu biganza bya Ndzila.

15:04

47' Clement agiye kwitabwaho n'abaganga.

Uyu myugariro wa APR FC ntabwo aguye neza aho abaganga bagiye kureba niba nta kibazo yagize ku mutwe.

15:03

46' Coup Franc ya APR FC

Victor Mbaoma akorewe ikosa mu rubuga rwa Al Hilal.

Coup Franc ya Ruboneka, Clement ateye n'umutwe umupira ujya hanze y'izamu.

15:03

Igice cya kabiri kiratangiye

14:47

Igice cya mbere kirarangiye. APR FC 0-0 Al Hilal

14:46

45' Iminota 2 y'inyongera.

14:46

45' Ndzila atabaye APR FC.

Adam Coulibary acitse ubwugarizi bwa APR FC yisanga asigaranye na Pavel Ndzila ariko awuteye uyu munyezamu arawusama na we ni ko kubwira nabi ab'inyuma b'ikip ye.

14:44

44' APR FC yongeye kurema amahirwe yo gutsinda.

Umupira uzamukanywe kuri Contre Attaque, Mugisha Gilbert aterekeye umupira Mbaoma Victor ariko umupira umubana muremure.

14:43

43' Walierdin ashyize umupira mu ntoki za Pavel Ndzila.

Coup Franc itewe nabi ntacyo itwaye APR FC.

14:42

41' Coup Franc ya Al Hilal

Umusifuzi yemeje ko Dauda yakiniye nabi Adam Coulibari

14:40

39' APR FC yari iremye uburyo bwo gutsinda.

Ikipe ifite igikombe cya shampiyona giheruka, yatangiye kubonana neza. Aha, umupira unyuze kuri Ramadhan, Ruboneka na Mbaoma, ugeze kwa Mugisha Gilbert winjiye mu rubuga rw'amahina ariko awugaruye ku izamu ujya hanze.

14:38

38' APR FC 0-0 Al Hilal.

Amakipe yombi kuri ubu ari kunganya imbaraga.

14:35

35' Mouhamed Youssif yari yibye umugono ab'inyuma ba APR FC.

Uyu rutahizamu wakomeje kugora ubwugarizi bwa APR FC ahawe umupira muremure, ariko Clement arahagoboka birangira uyu mukinnyi anasifuwe ko yigwishije nubwio nta karita ahawe.

14:32

31' APR FC yari yongeye gusatira.

Umupira uzamukanywe na Mugisha ku ruhade rw'iburyo, awuhaye Niyomugabo Claude, uwuhinduye mu rubuga rw'amahina ariko Muzungu umubana muremure.

14:30

29' Corner ya Al Hilal.

Pokou Serge ashatse gucenga Gilbert Byiringiro ariko uyu myugariro ashyira umupira hanze.

Corner ivuyemo Dauda Yassif akijije izamu.

14:28

27' APR FC ihushije igitego cyabazwe!

Victor Mbaoma ahawe umupira mwiza na Mugisha Gilbert ariko ashatse gushyira mu izamu ubwugarizi bwa Al Hilal buritambika bushyira umupira muri Corner.

Iyi itewe na Bosco ariko birangira umupira ugiye mu maboko y'umunyezamu Ali Abdallah.

14:27

25' Ruboneka ntabwo yungukiye mu mpano ya Junior.

Myugariro wa Al Hilal atakaje umupira ahantu ahabi wifatirwa na Ruboneka uwuzamukanye wenyine, ariko ntiyashobora kuwugeza ku izamu rya Abdallah kuko ahise awamburwa na Marc Junior wari wawutakakaje.

14:22

22' APR FC yari ikoze akantu.

Byiringiro Gilbert kuri uyu munsi uhagaze neza, aremye ashatse kwinjira mu rubuga rw'amahina ariko birangira umupira umurenganye uba muremure.

14:21

21' Coup Franc nziza ya Al Hilal.

Yunusu Nshimiyimana akoreye ikosa Marc Junior umusifuzi atanga Coup Franc itagize icyo itanga.

14:20

20' Al Hilal ibonye indi Corner...

Uruhande rw'iburyo rwa Al Hilal ruri gukora cyane rwongeye kubonera ikipe ya Al Hilal Corner. Abasore ba Ibenge barayihanahanye birangira Gilbert Byiringiro akijije izamu.

14:19

19' Mugisha Gilbert abanje kwitabwaho n'abaganga.

Uyu musore wari waguye nabi mukanya bisabye ko abaganga babanza kumuvura ngo yongere agaruke mu kibuga.

14:18

17' Al Hilal yongeye guhusha uburyo bwo gutsinda.

Bitangiye Mugisha ashatse gushyira ku musosi Ebuela wa Al Hilal, ariko birangira uyu musore wa APR FC abandagaye. Ebuela azamukanye umupira iburyo awuhindurira neza Pokou Serge wari mu rubuga rw'amahina ariko uhise wamurura inyoni.

14:16

14' Byiringiro Gilbert yari afashe icyemezo.

Uyu myugariro azamukanye umupira iburyo acenga abakinnyi babiri ba Al Hilal, awuterekera Olivier Muzungu awugaruye mu rubuga rw'amahina Mbaoma awuha Mugisha ariko usubira inyuma.

14:14

13' AL- Hilal yari iremye andi mahirwe.

Ebuela yari azamukanye umupira ku ruhande rw'iburyo, ariko awuhinduye uca hanze y'izamu rya APR FC.

14:13

12' Mohamed Youssif akomeje kwigaragaza.

Kapiteni w'ikipe ya Al Hilal akomeje kuba ikibazo kuri APR FC, nk'aha yari acenze Clement Niyigena, ariko umupira birangira umurenganye.

14:11

10' APR FC ikoze agateroshuma

Umupira muremure uvuye kwa Ndzila usanze Ramadhan, uwuhaye Mugisha Gilbert na we ukinnye muremure kwa Mbaoma, uyu muny- Nigeria awufungira Bosco ariko atera agashoti korohereye cyane.

14:10

09' Coup Franc ya APR FC.

Ramadhan akorewe ikosa rihita rihanwa vuba ariko Bosco yamburwa umupira n'abo hagati ba Al Hilal.

14:09

07' APR FC yari igerageje guhanahana...

Abasore ba Darko Novic batangiye gushyira umupira hasi aho Dauda ahanahanye neza na bagenzi be barimo Bosco na Ramadhan Niyibizi gusa ntiyumvikana na Muzungu birangira umupira ugarutse kwa Pavel Ndzila uwurengeje.

14:07

05' Al Hilal ibonye Corner ya kabiri.

Umupira wari uhawe Claude Niyomugabo awambuwe na Serge ageze mu rubuga rw'amahina Claude araryama awushyira hanze.

Corner ivuyemo ab'inyuma ba APR FC bahise bakiza izamu Muzungu aterekeye umupira Gilbert ntiyawugeraho.

14:05

04' APR FC ikijije izamu.

Corner itewe na Pokou Serge isanze umutwe wa Junior awutera nabi Muzungu akiza izamu ariko ahita yihera umupira ab'inyuma ba Hilal.

14:03

03' Corner ya Al- Hilal.

Iyi kipe itangiranye imbaraga izamukanye umupira ku ruhande rw'iburyo ariko Claude ashyira umupira muri Corner.

14:03

02' APR FC itangiranye igihugunga.

Nkuko byagenze mu minota 15 ya mbere y'umukino wa SC Villa, ikipe ya APR FC ntabwo yari yashyira umupira ku kirenge aho uwo ifashe wose iri guhita iwutakaza.

14:02

01' Al Hilal ihushije igitego.

Ikipe ya Florent Ibenge itangiye ihita isatira, umupira muremure uhawe Mohamed Youssif mu rubuga rw'amahina, ateye mu izamu ariko uca hirya gato y'iririnzwe na Pavel Ndzila.

14:00

Umukino uratangiye.

Ikipe ya Al Hilal ni yo itangije umukino.

13:57

Nyuma yo gutegereza umwanya.... amakipe yinjiye mu kibuga.

Amakipe yatinze mu rwambariro ariko kera kabaye yinjiye ku kibuga cya KMC ahagiye kubera uyu mukino.

APR FC yambaye imipira y'umukara irimo umurongo w'umweru hamwe n'amakabutura y'umweru mu gihe Al Hilal yo yambaye imyenda y'ubururu irimo ukwezi k'umweru na numero zandikishije amabara y'umweru.

13:44

Amakipe asubiye mu rwambariro.

Amakipe yombi asoje kwishyushya aho mu minota itageze kuri 15 hari bube hatangiye umukino wa mbere wa 1/2 hagati ya APR FC na Al Hilal.

Tubibutsa ko undi mukino uri bubere kuri AZAM Complex ugahuza Al Wadi yo muri Sudani na Red Arrows yo muri Zambia.

13:30

Amakipe yombi ari kwishyushya.

Mu minota 30 ruri bwambikane hagati ya AL-Hilal na APR FC.

13:29

XI Florent Ibenge yahisemo

29. Al Abdallah
2. Abuaagla Mohamed
3. Abdelrazig Taha
10. Mohamed Youssif
11. Adam Coulibari
12. Khadim Diaw
38. Ousmane Diof
21. Walieldin Daiyeen
24. Steven Ebuela
26. Marck Junior
34. Pokou Serge

13:25

XI ba APR FC babanzamo habaye impinduka imwe

Ku nshuro ya mbere muri ino mikino ya CECAFA Kagame Cup, APR FC yakoze impinduka mu bakinnyi babanzamo. Seidu Yassif Dauda yafashe umwanya wa Taddeo Lwanga.

Pavel Ndzila
Mugisha Gilbert
Niyibizi Ramadhan
Niyigena Clement
Nshimiyimana Yunusu
Ruboneka Jean Bosco
Byiringiro Gilbert
Dauda Yassif
Dushimimana Olivier Muzungu
Victor Mbaoma Chukuemeka

13:23

Al Hilal ni ikipe yo kwitondera!

Iyi kipe ya Florent Ibenge ni yo kipe ihabwa amahirwe muri rino rushanwa. Kugeza ubu imaze gutsinda ibitego 9 mu mikino itatu, aho yazamutse mu itsnda ifite amanota yose. Nta gitego na kimwe cyari cyinjira mu izamu ryayo.

Avuga kuri yo, Darko Novic utoza APR FC yagize ati: "Al Hilal ni imwe mu makipe akomeye cyane muri Afurika, imwe mu ziza imbere kuri uyu mugabane. Navuga ko iza hagati y’amakipe 10 na 15 ya mbere afite amazina ku mugabane wose. Ubwo rero natwe tuzi ikidutegereje, tuzi n'imbaraga zikipe yacu".

Aha wabona byinshi byatangajwe mbere y'umukino.


13:17

IKAZE NANONE KURI KMC STADIUM!

Twongeye kugaruka Kinondoni, mu mujyi hagati wa Dar es Salaam aho tugiye gukurikirana umukino hagati ya APR FC na Al- Hilal Omdurman yo muri Sudani.

Uyu mukino kuri gahunda wari bubere kuri Azam Complex Stadium ariko abakunzi ba ruhago muri Tanzania basabye ko washyirwa kuri iki kibuga kuko ari horoshye kugera.

Amasaha y'umukino na yo yavuye kuri saa Kumi(Saa Cyenda za Kigali) aba Saa Cyenda(Saa Munani za Kigali).

Ndi Jahdeau Dukuze ndi kumwe na Kabuhariwe Hardi Uwihanganye.