APR FC 1-1 Pyramids FC
Uko umukino uri kugenda
Umwanditsi |
: Eric Tony Ukurikiyimfura & Jah D'eau Dukuze |
Amafoto |
: Kwizera Hervé & Kasiro Claude |
21:07
Amwe mu mafoto yaranze umukino
20:59
AMASHUSHO: Reba ibyaranze umukino
19:59
APR FC inganyije umukino ubanza, irasabwa gukora ibirenze i Cairo
APR FC inganyije na Pyramids FC igitego 1-1 mu mukino ubanza w'Ijonjora rya Kabiri rya CAF Champions League waberaga muri Stade Amahoro.
Ikipe y'Ingabo irasabwa kuzatsindira cyangwa ikanganyiriza ibirenze igitego 1-1 mu Misiri kugira ngo ibashe gukomeza mu matsinda y'iri rushanwa Nyafurika.
Kunganya ubusa ku busa ntacyo byafasha APR kuko igitego Pyramids FC ibonye i Kigali, kibarwa nka bibiri.
Umukino wo kwishyura uteganyijwe ku wa 21 Nzeri 2024 mu Misiri.
19:56
Umukino urarangiye
19:55
90+2' Abafana ba APR FC batangiye gutaha
Benshi mu bafana ba APR FC batangiye gusohoka muri Stade Amahoro mu gihe habura iminota ibiri ngo umukino urangire.
Ibyishimo ni byinshi inyuma y'izamu rya Pyramids FC ahari itsinda ry'abafana barimo abambaye ubururu bayishyigikiye.
Ibyishimo ni byinshi inyuma y'izamu rya Pyramids FC ahari itsinda ry'abafana barimo abambaye ubururu bayishyigikiye.
19:52
90' Iminota ine y'inyongera
Umusifuzi wa Kane, Charles Benle Bulu, yerekanye iminota ine y'inyongera.
19:51
88' Gusimbuza
Mugisha Gilbert na Yussif Dauda basimbuwe na Tuyisenge Arsene na Niyibizi Ramadhan ku ruhande rwa APR FC.
19:48
85' Gusimbuza
Ibrahim Blati Toure asimbuwe na Ahmed Tawfik ku ruhande rwa Pyramids FC.
19:47
83' APR FC igiye mu mibare igoye
Pyramids FC itsinze igitego cyo hanze, biyishyira mu mwanya mwiza wo kuba yakomeza mu mukino wo kwishyura.
Igitego cyo hanze kibarwa nka bibiri mu gihe amakipe yombi anganya.
19:45
81' Igitego cyo kwishyura cya Pyramids FC
Fiston Kalala Mayele yishyuriye Pyramids FC ku gitego atsindishije umutwe, ku mupira uvuye muri koruneri.
APR FC 1-1 Pyramids FC.
APR FC 1-1 Pyramids FC.
19:43
80' Umukino winjiye mu minota 10 ya nyuma
APR FC iri gusatira ishaka igitego cya kabiri mu gihe Pyramids FC ishaka kwishyura.
19:39
75' Gusimbuza
Victor Mbaoma na Richmond Lamptey basimbuye Mamadou Sy na Mahamadou Lamine Bah ku ruhande rwa APR FC.
19:38
74' Gusatira kwa Pyramids
Pyramids FC ikomeje gushaka uko yishyura, ibonye koruneri itewe na Chibi, umupira usanga Saad ushyizeho umutwe, ujya ku ruhande.
19:35
71' Coup-franc nziza ya Pyramids FC
Lamine Bah akiniye nabi Blati Toure inyuma y'urubuga rw'amahina nko muri metero 25.
Ikosa rihanwe na Chibi, umupira uca ku ruhande gato.
Ikosa rihanwe na Chibi, umupira uca ku ruhande gato.
19:31
68' Sy yaburaga intambwe imwe
Mamadou Sy acomekewe umupira mu rubuga rw'amahina, agiye gutambuka, Ahmed Saad awukoraho uhindura icyerekezo.
Iyo uyu rutahizamu wa APR FC yongera kuwukoraho, byashoboraga kuba ibindi.
19:29
66' Gusimbuza
Ramadan Sobhi asimbuwe na Reda Mohamed ku ruhande rwa Pyramids FC.
19:28
65' APR FC yasabaga penaliti
Mamadou Sy ateye umupira n'agatsitsino, ukora ku kuboko kwa myugariro wa Pyramids FC mu rubuga rw'amahina, ariko umusifuzi yerekana ko atigeze akuzamura agamije gufata umupira.
19:27
64' Byiringiro aryamye hasi
Byiringiro Gilbert agaragaje ko yababaye nyuma yo kuzamukana umupira, ateye ishoti rikubita mu mugongo wa myugariro wa Pyramids FC, umupira ujya muri koruneri.
APR FC iri gusatira muri iyi minota.
APR FC iri gusatira muri iyi minota.
19:25
63' Gusimbuza
Taddeo Lwanga asimbuwe na Aliou Souane ku ruhande rwa APR FC.
19:24
62' APR FC yari ibonye uburyo bwiza
Mugisha Gilbert acomekewe umupira yinjira mu rubuga rw'amahina, ateye ishoti rikomeye rijya hejuru y'izamu rya Pyramids FC.
19:20
57' Pyramids FC yagiye ku gitutu
Ikipe ya Pyramids FC yagiye ku gitutu cyo gushaka igitego cyo kwishyura.
Ikomeje kugerageza amashoti atandukanye ari guca mu mpande akajya hanze.
Lamine Bah wari wicaye mu kibuga, yitaweho n'abaganga asaba kongera gukina.
Ikomeje kugerageza amashoti atandukanye ari guca mu mpande akajya hanze.
Lamine Bah wari wicaye mu kibuga, yitaweho n'abaganga asaba kongera gukina.
19:16
53' Umunyezamu Ndzila yihanangirijwe
Umusifuzi Daniel Nii yihanangirije Ndzila ugiye gufata umupira hanze y'ikibuga kandi hari abashinzwe kuwugarura.
Kuri uyu Munya-Ghana, yabifashe nko gutinza umukino.
Kuri uyu Munya-Ghana, yabifashe nko gutinza umukino.
19:15
52' Abafana ba APR FC bateruye Stade Amahoro
Nyuma yo gufungura amazamu, abafana ba APR bari mu bicu ndetse bose bacanye amatoroshi ya telefoni.
Umurindi wabo wawumva, uri mu Migina, nubwo Stade isakaye.
Umurindi wabo wawumva, uri mu Migina, nubwo Stade isakaye.
19:12
51' Igitego cya APR FC
APR FC ifunguye amazamu ku gitego cyitsinzwe n'umukinnyi wa Pyramids FC, Mohamed Chibi, ku mupira uhinduwe na Lamine Bah mu izamu.
Stade Amahoro iri mu bicu.
Stade Amahoro iri mu bicu.
19:08
47' Uburyo bwa Pyramids FC
Mohamed Chibi ateye umupira uteretse mu rubuga rwa APR FC, abakinnyi b'Ikipe y'Ingabo bawukuraho, usanga Sobhi uteye ishoti rifashwe na Pavelh Ndzila.
19:07
46' Igice cya kabiri cyatangiye
Mamadou Sy ni we uteye umupira wa mbere mu gice cya kabiri, akinana na bagenzi be ba APR FC.
18:56
APR FC yakosora iki mu gice cya kabiri?
APR FC yagerageje gukina neza mu gice cya mbere, ariko na yo yashoboraga gutsindwa ibitego ku mupira ibiri yakuwemo na Pavelh Ndzila irimo uwo yafashe nabi ukamucika.
Mu busatirizi, iyi Kipe y'Ingabo z'Igihugu yateye amashoti abiri arimo rimwe rya Ruboneka ryakuwemo na Elshanawi n'irindi rya Yussif ryagiye hejuru y'izamu.
Impande za APR ntacyo zakoze mu minota 45 mu gihe zakabaye zubakirwaho umukino. Hejuru y'ibyo ni ukuba Lamine Bah atagaragaye cyane muri iyi minota ibanza.
Abarimo Richmond Lamptey na Victor Mbaoma bashobora guhabwa umwanya mu gice cya kabiri.
Mu busatirizi, iyi Kipe y'Ingabo z'Igihugu yateye amashoti abiri arimo rimwe rya Ruboneka ryakuwemo na Elshanawi n'irindi rya Yussif ryagiye hejuru y'izamu.
Impande za APR ntacyo zakoze mu minota 45 mu gihe zakabaye zubakirwaho umukino. Hejuru y'ibyo ni ukuba Lamine Bah atagaragaye cyane muri iyi minota ibanza.
Abarimo Richmond Lamptey na Victor Mbaoma bashobora guhabwa umwanya mu gice cya kabiri.
18:48
Igice cya mbere kirarangiye
Iminota 45 y'uyu mukino ubanza w'ijonjora rya CAF Champions League, irangiye APR FC inganya na Pyramids FC ubusa ku busa.
Igice cya Kabiri ni mu minota 15 iri imbere.
Igice cya Kabiri ni mu minota 15 iri imbere.
18:46
45' Iminota ibiri y'inyongera
Umusifuzi wa Kane, Charles Benle Bulu, yerekanye iminota ibiri y'inyongera.
Umupira uri gukinirwa cyane hagati mu kibuga.
Umupira uri gukinirwa cyane hagati mu kibuga.
18:45
44' APR yabyaza umusaruro umwanya wa Lamine Bah?
APR FC iri gukina neza muri iki gice cya mbere ariko uruhare rwa Lamine Bah mu busatirizi ntirugaragara.
Birasaba ko Ikipe y'Ingabo ibibyaza umusaruro, haba mu kumusimbuza cyangwa guhindura imikinire.
18:41
40' Abafana ba APR FC batuje
Uretse abafana bari kuvuza vuvuzela wumva bakomeje ku rwego batangiriyeho umukino, ariko abandi bari muri Stade Amahoro batuje ngo barebe aho umukino werekeza.
18:38
37' Pyramids FC ikina umupira wihuta
Mu buryo bwose iri kugerageza, Pyramids FC ntibiyifata amasegonda arenze 15 kugera ku izamu rya APR FC binyuze ku mipira miremire yihuta.
18:36
35' APR FC igerageje uburyo bwiza buranga
Niyomugabo Claude akinanye neza na Dauda Yussif uteye ishoti rikomeye, rifata inshundura ntoya ahagana hejuru y'izamu.
Bwari uburyo bwiza ku Ikipe y'Ingabo z'Igihugu.
Bwari uburyo bwiza ku Ikipe y'Ingabo z'Igihugu.
18:31
30' Gusatira kwa Pyramids FC
Mostafa Mohamed Fathi asize Niyomugabo, ahindukirana umupira mu rubuga rw'amahina, ateye ishoti rikurwamo na Pavelh Ndzila utabawe na bagenzi be.
18:26
24' Ikarita y'umuhondo
Ibrahim Blati Touré ahawe ikarita y'umuhondo nyuma y'ikosa Ramadan Sobhi akoreye kuri Taddeo Lwanga, uyu Munya-Burkina Faso agaragaza ko atabyishimiye ndetse bibwe.
18:25
24' APR FC yibonye mu mukino
Bitandukanye n'uko byari bimeze mu minota 20 ya mbere y'umukino, APR FC iri gukina neza muri iyi minota ndetse igasatira nubwo uburyo bumwe bugana mu izamu ifite ari bwa bundi bw Ruboneka.
18:22
21 Uburyo bwa APR FC
Ruboneka Jean Bosco ahawe umupira ari muri metero nka 25, atera ishoti rikomeye rikuwemo n'Umunyezamu Ahmed Naser Elshenawi, umupira usubira mu kibuga hagati.
18:17
15' Pyramids FC ibuze igitego
Pavelh Ndzila yari akoze ikosa ryo gufata nabi umupira wa Karim Hafez, uhita usanga Mayele unaniwe kuwurenza uyu munyezamu wa APR FC mbere y'uko uva hafi y'izamu.
Bwari uburyo bw'igitego ku Banya-Misiri.
Bwari uburyo bw'igitego ku Banya-Misiri.
18:12
10' Uburyo bwa Pyramids bubaye impfabusa
Fiston Kalala Mayele yambuye umupira Dauda Yussif Seidu hagati mu kibuga cya APR FC, ateye ishoti rikomeye rijya ku ruhande.
Umusifuzi Daniel Nii yerekanye ko hari habayeho ikosa.
Umusifuzi Daniel Nii yerekanye ko hari habayeho ikosa.
18:11
9' Mamadou Sy ntiyishimiye gukinirwa nabi na Elshenawi
Ku mupira muremure utewe imbere, Ahmed Saad awusubije inyuma n'umutwe ufatwa n'Umunyezamu Elshenawi ugonganye na Mamadou Sy agwa hasi.
Uyu rutahizamu wa APR FC ukomoka muri Mauritanie, atonganyije uyu munyezamu w'Umunya-Misiri.
18:08
7' APR FC iracyashaka aho imenera
Mugisha Gilbert na Ruboneka Bosco bari kunyura ku ruhande, babuze aho banyura abakinnyi ba Pyramids FC mu gihe Mamadou Sy na we yajishwe hagati mu bwugarizi.
Umupira uri gukinirwa cyane hagati mu kibuga.
18:07
5' Coup-franc ya Pyramids FC
Mohamed Fathi ahannye ikosa ryakorewe kuri Fiston Kalala Mayele mu rubuga rwa APR FC, umupira ujya hanze nyuma yo kubura mugenzi we uwugeraho.
18:05
2' Abafana ba APR FC ntibaza koroha uyu mugoroba
Mu gihe Ikipe ya APR FC yaba iri gukina neza, Pyramids FC ishobora kutoroherwa n'urusaku rw'abafana b'Ikipe y'Ingabo biteguye gushyigikira ikipe yabo mu gihe cyose isatiriye izamu.
Bose hamwe baravugira icya rimwe, ukumva Stade Amahoro iri mu gutwi kwawe.
18:00
Umukino uratangiye
Nyuma yo gufata umunota wo kwibuka Ehab Galal wabaye Umutoza wa Pyramids FC witabye Imana, umusifuzi yahise atangiza umukino.
17:58
APR FC iba ifite abafana batandukanye
Ku mukino APR FC yatsinzemo Azam FC, Hakizimana Valens (wambaye ishapule) yari inyuma y'Ikipe y'Ingabo z'Igihugu.
Uyu ni Umyobozi wa Santarali ya Mushishiro muri Diyosezi ya Kabgayi akaba n'umufana ukomeye w'Ikipe ya APR FC..
Uyu ni Umyobozi wa Santarali ya Mushishiro muri Diyosezi ya Kabgayi akaba n'umufana ukomeye w'Ikipe ya APR FC..
17:57
Amakipe yombi yagarutse mu kibuga
APR FC yambaye umweru hose nk'uko yari yambaye ku mukino wa Azam FC.
Pyramids na yo yambaye ubururu bwayo bw'ikirere, bufitemo umukara imbere. Amakabutura ni umukara mu gihe amasogisi ari ubururu bw'ikirere.
17:51
APR FC imaze imyaka irindwi idatsindwa mu rugo muri CAF Champions League
Ikipe ya APR FC iheruka gutsindirwa mu rugo muri CAF Champions League muri Gashyantare 2017, imbere ya Zanaco FC yo muri Zambia yayitsindiye hano ku Mahoro igitego 1-0 mu mukino wo kwishyura w'ijonjora rya mbere.
Mu myaka ine iheruka, APR FC yahuye n'amakipe arimo Gor Mahia, Mogadishu City, Etoile du Sahel, US Monastir, Gaadiidka na Pyramids ariko ntayigeze iyitsindira i Nyamirambo aho yari imaze iminsi ikinira.
Ubwo ntiwakwibagirwa na Azam FC yatsindiwe hano muri Stade Amahoro mu kwezi gushize.
Pyramids irahindura imvugo? Hasigaye iminota mike ngo turebe ko bishoboka.
17:40
Amakipe yombi asoje kwishyushya
Abakinnyi ba APR FC n'aba Pyramids FC, bose basubiye mu rwambariro nyuma yo kwishyushya.
Umukino uratangira mu minota 20 iri imbere.
MC Natete Brian, Bigirimana Augustin Guss na Hitimana Jean Claude bari gushyushya abafana b'Ikipe y'Ingabo z'Igihugu.
Umukino uratangira mu minota 20 iri imbere.
MC Natete Brian, Bigirimana Augustin Guss na Hitimana Jean Claude bari gushyushya abafana b'Ikipe y'Ingabo z'Igihugu.
17:36
AMASHUSHO: Icyizere ni cyose ku bafana ba APR FC
17:34
Umukino urayoborwa n'Abanya-Ghana
Abasifuzi bo muri Ghana barangajwe imbere na Daniel Nii Ayi Laryea ni bo bagiye kuyobora uyu mukino.
Yungirijwe na Kwasi Acheampong Brobbey na Seth Abretor basifura ku ruhande.
Umusifuzi wa Kane ni Charles Benle Bulu naho Komiseri w'Umukino ni Umunya-Uganda Mike Letti.
Ushinzwe imyitwarire y'abasifuzi kuri uyu mukino ni Umunya-Somalia Ali Mohamed Ahmed.
Yungirijwe na Kwasi Acheampong Brobbey na Seth Abretor basifura ku ruhande.
Umusifuzi wa Kane ni Charles Benle Bulu naho Komiseri w'Umukino ni Umunya-Uganda Mike Letti.
Ushinzwe imyitwarire y'abasifuzi kuri uyu mukino ni Umunya-Somalia Ali Mohamed Ahmed.
17:27
Abakinnyi ba APR FC babanje mu kibuga
Umutoza Darko Novic yahisemo gukoresha:
Pavelh Ndzila (GK)
Niyomugabo Claude (c)
Taddeo Lwanga
Mamadou Sy
Mugisha Gilbert
Niyigena Clement
Mahamadou Lamine Bah
Byiringiro Gilbert
Yussif Dauda Seidu
Ruboneka Jean Bosco
Nshimiyimana Yunussu.
Abasimbura: Ndayishimiye, Souane, Froudouard, Arsene, Ramadhan, Muzungu, Lamptey, Mbaoma na Ishimwe Pierre.
17:25
Abakinnyi ba Pyramids babanje mu kibuga
Umutoza Krunoslav Jurcic yahisemo gukoresha:
Ahmed Elshenawi (GK, C)
Mahmoud Marei
Ahmed Saad
Ibrahim Toure
Fiston Kalala Mayele
Ramadan Sobhi
Mostafa Fathi
Mostafa Ahmed
Mohamed Chibi
Sharaf Eldin
Karim Hafez.
Abasimbura: Galal, Tawfik, Reda, Mahmoud, Ekramy, Lakay, Fayed, Marwan na Abdelrahman.
Ahmed Elshenawi (GK, C)
Mahmoud Marei
Ahmed Saad
Ibrahim Toure
Fiston Kalala Mayele
Ramadan Sobhi
Mostafa Fathi
Mostafa Ahmed
Mohamed Chibi
Sharaf Eldin
Karim Hafez.
Abasimbura: Galal, Tawfik, Reda, Mahmoud, Ekramy, Lakay, Fayed, Marwan na Abdelrahman.
17:13
APR FC yatangiye kwishyushya
Mu masogisi y'umweru, amakabutura y'umweru n'amasengeri y'umukara, abakinnyi ba APR FC bamaze kwinjira mu kibuga cya Stade Amahoro aho bari kwishyushya.
Abatoza babo na bo bose bari hafi yabo, bareba uko bitwara.
Abatoza babo na bo bose bari hafi yabo, bareba uko bitwara.
17:01
Icyizere cyo gutsinda APR FC igikura he?
Pyramids FC ni ikipe itarahindutse cyane ugereranyije n'igihe iheruka guhura na APR FC, ndetse uwavuga ko ari bwo yakomeye kurushaho mu bijyanye no kumenyarana ntiyaba yibeshye dore ko yegukanye igikombe cya mbere mu mateka yayo mu kwezi gushize, itwaye icy'igihugu.
Kuki abakunzi ba APR FC bumva ko kuyitsinda bishoboka?
APR FC yatandukanye na Shaiboub, Pitchou, Bindjeme, Omborenga na Ishimwe Christian ariko yongeramo abandi bakinnyi barindwi ari bo Souane, Yussif, Lamptey, Sy, Nwobodo, Odibo na Lamine Bah mu banyamahanga.
Abanyarwanda iyi kipe yaguze ni Tuyisenge Arsene, Mugiraneza Frodouard, Byiringiro Gilbert, Dushimimana Gilbert na Ishimwe Jean Rene.
Abakunzi bayo bavuga ko iyi kipe isigaye ikina neza ndetse yazamuye urwego ugereranyije n'uko yari imeze mu mwaka w'imikino ushize.
Iyatozwaga n'Umufaransa Thierry Froger, kuri ubu iri mu maboko y'Umunya-Serbia Darko Novic.
Kuki abakunzi ba APR FC bumva ko kuyitsinda bishoboka?
APR FC yatandukanye na Shaiboub, Pitchou, Bindjeme, Omborenga na Ishimwe Christian ariko yongeramo abandi bakinnyi barindwi ari bo Souane, Yussif, Lamptey, Sy, Nwobodo, Odibo na Lamine Bah mu banyamahanga.
Abanyarwanda iyi kipe yaguze ni Tuyisenge Arsene, Mugiraneza Frodouard, Byiringiro Gilbert, Dushimimana Gilbert na Ishimwe Jean Rene.
Abakunzi bayo bavuga ko iyi kipe isigaye ikina neza ndetse yazamuye urwego ugereranyije n'uko yari imeze mu mwaka w'imikino ushize.
Iyatozwaga n'Umufaransa Thierry Froger, kuri ubu iri mu maboko y'Umunya-Serbia Darko Novic.
16:50
Abafana ba APR FC babukereye kandi bafite icyizere
Mu gihe habura isaha n'iminota 10 ngo umukino utangire, abafana bagera nko kuri 50% y'abashobora kwicara muri Stade Amahoro bamaze kuyigeramo.
Benshi bambaye umukara n'umweru ndetse baravuza 'vuvuzela' n'icyizere.
16:47
APR FC yakwihimura kuri Pyramids FC
Ikipe y'Ingabo z'Igihugu igiye guhura na Pyramids FC ku nshuro ya kabiri yikurikiranya kandi mu Ijonjora rya Kabiri rya CAF Champions League.
Mu 2023, amakipe yombi yanganyirije i Kigali, i Nyamirambo, ubusa ku busa.
Mu mukino wo kwishyura, iyi kipe yo mu Misiri yatsinze APR ibitego 6-1, iyibuza amahirwe yo kugera mu cyiciro cy'amatsinda yifuzaga gukina.
Uyu mwaka byahinduka? Ni cyo iminota 90 yo kuri uyu wa Gatandatu n'indi izakinirwa mu Misiri iduhishiye.
16:46
Abafana babukereye
Abakunzi ba APR FC bazindutse ku bwinshi baje gushyigikira ikipe yabo.
Intego ni ugusezerera ikipe ya Pyramids bagiye guhura mu minota mike.
Intego ni ugusezerera ikipe ya Pyramids bagiye guhura mu minota mike.
16:36
Ikaze kuri Stade Amahoro i Remera
Umugoroba mwiza! IGIHE ibahaye ikaze kuri Stade Amahoro i Remera ahagiye kubera umukino ubanza w'Ijonjora rya Kabiri rya CAF Champions League hagati ya APR FC na Pyramids FC yo mu Misiri.
APR ihagarariye u Rwanda muri iri rushanwa ry'amakipe yabaye aya mbere iwayo muri Afurika, yasezereye Azam FC yo muri Tanzania mu ijonjora rya mbere mu gihe Pyramids FC yasezereye JKU yo muri Zanzibar.
Umukino uratangira saa Kumi n'Ebyiri.
