Gasogi United 0-1 Rayon Sports
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kwizera Hervé & Kasiro Claude |
21:08
AMASHUSHO : Reba ibyaranze umukino Rayon Sports yatsinzemo Gasogi United
20:58
Rayon Sports ibonye intsinzi ya mbere muri Shampiyona
Rayon Sports itsinze Gasogi United y'abakinnyi 10 igitego 1-0, ibona intsinzi ya mbere muri Shampiyona ndetse igira amanota atanu mu mikino itatu.
Gasogi United ifite amanota arindwi inganya na Rutsiro FC ya mbere ndetse na AS Kigali ya gatatu.
Mu yindi mikino y'Umunsi wa Kane yabaye kuri uyu wa Gatandatu, Bugesera FC yanganyije na Etincelles FC igitego 1-1, AS Kigali yanganyije na Rutsiro FC ubusa ku busa naho Amagaju FC itsindwa na Musanze FC ibitego 3-0.
20:55
Umukino urarangiye
20:54
90+2' Gusimbuza
Adama Bagayogo asimbuye Azziz Bassane naho Iraguha Hadji asimburwa na Ishimwe Fiston ku ruhande rwa Rayon Sports.
20:52
90+1' Ikarita y'umuhondo
Azziz Bassane ahawe ikarita y'umuhondo nyuma yo kwanga kujya ku ngobyi ngo bamujyane hanze y'ikibuga kuko yari akiniwe nabi.
20:52
90' Iminota ine y'inyongera
Umusifuzi wa Kane yerekanye iminota y'inyongera.
Gasogi United iri gusatira ishaka igitego cyo kwishyura.
Benshi mu bari muri stade baratuje, uretse abandi bake bari kuvuza ingoma.
Gasogi United iri gusatira ishaka igitego cyo kwishyura.
Benshi mu bari muri stade baratuje, uretse abandi bake bari kuvuza ingoma.
20:48
Ahandi: APR FC yishyuwe igitego yatsinze mu Misiri
Igice cya mbere cy'umukino uri guhuza Pyramids FC na APR FC, cyarangiye amakipe yombi anganya igitego 1-1.
Chibi yishyuriye Abanya-Misiri ku mpera z'iminota 45 ibanza.
Chibi yishyuriye Abanya-Misiri ku mpera z'iminota 45 ibanza.
20:47
86' Bbaale atengushye Muhire
Muhire Kevin ahinduye umupira mwiza hafi y'urubuga rw'amahina, Charles Bbaale ananirwa kuwugeraho, ujya hanze.
20:46
85' Coup-franc ya Gasogi United
Hakim akiniwe nabi mu kibuga cya Rayon Sports, Malipangou ahannye ikosa, atera umupira hejuru cyane.
20:42
81' Gusimbuza
Berriguoet Baloukoulou na Hakim Hamiss basimbuye Harerimana Abdulaziz na Iradukunda Kabanda Serge.
20:41
80' Gasogi United iri gukina neza
Nubwo ifite ikarita itukura, Gasogi United ni yo iri gukina neza muri iyi minota aho ishaka igitego cyo kwishyura.
20:37
76' Rayon Sports irarokotse
Harerimana Abdulaziz agerageje ishoti ari mu rubuga rw'amahina, umupira ateye ukorwaho na Khadime Ndiaye ujya muri koruneri.
20:34
73' Uburyo bwa Rayon Sports
Azziz Bassane acomekeye Muhire Kevin umupira mwiza, uyu wa nyuma awuhinduye mu rubuga rw'amahina wifatirwa neza na Dauda Ibrahema.
20:32
71' Gusimbuza
Niyonzima Olivier 'Seif' asimbuwe na Ndayishimiye Richard ku ruhande rwa Rayon Sports.
20:27
67' Uburyo bwa Gasogi United
Nshimiyimana Marc Govin ateye ishoti rikomeye rikuwemo na Khadime Ndiaye mbere y'uko Doumbia Mathan atera umupira ugiye hanze.
20:25
64' Ikarita itukura
Muderi Akbar ahawe ikarita itukura ku ikosa akoreye kuri mwenewabo w'Umurundi Aruna Madjaliwa.
20:20
59' Uburyo bwa Gasogi United
Nsabimana Aimable akuyeho umupira usanga Mugisha Rama Joseph uteye ishoti rigiye ku ruhande.
Gasogi United yagiye ku gitutu cyo gushaka igitego cyo kwishyura.
Gasogi United yagiye ku gitutu cyo gushaka igitego cyo kwishyura.
20:17
Mu yandi makuru: APR FC yabonye igitego imbere ya Pyramids FC
Umunya-Ghana Dauda Yussif yatsindiye APR FC igitego mu mukino wa CAF Champions League uri kubera i Cairo guhera saa Mbiri.
20:15
53' Gusimbuza
Mugisha Rama Joseph asimbuye Ndikumana Danny ku ruhande rwa Gasogi United.
20:14
53' Igitego cya Rayon Sports cyanzwe
Bugingo ahannye ikosa yakoreweho, Aziz Bassane atsinda igitego ariko umusifuzi wo ku ruhande yerekana ko hari habayeho kurarira.
20:13
52' Ikarita y'umuhondo
Nshimiyimana Marc Govin ahawe ikarita y'umuhondo akiniye nabi Bugingo Hakim.
20:11
50' Igitego cya Rayon Sports
Charles Bbaale afunguye amazamu ku mupira ahawe ari mu rubuga rw'amahina, awuteye ukora kuri myugariro wa Gasogi United, ujya mu ruhande Umunyezamu Dauda atari yiteze.
20:10
49' Amwe mu mafoto yaranze iminota ibanza
Amafoto: Sendegeya Jules
20:05
46' Igice cya kabiri kiratangiye
Abakinnyi ba Gasogi United basohotse mbere babanza kwishyushya gato.
Abasimbura babo bari basigaye bishyushya, bo ntibatinze mu rwambariro.
Rayon Sports yinjiranye n'abasifuzi.
20:00
Semuhungu, DJ Marnaud n'ababyinnyi be basusurukije benshi
Abarimo Semuhungu Eric, DJ Marnaud n'ababyinnyi be basusurukije benshi bari muri Stade Amahoro mu gihe abakinnyi bategerejwe mu kibuga kugra ngo igice cya kabiri gitangire.
19:49
Igice cya mbere kirarangiye
Iminota 45 y'umukino w'Umunsi wa Kane wa Shampiyona uri guhuza Gasogi United na Rayon Sports, irangiye amakipe yombi anganya ubusa ku busa.
Abakinnyi ba buri kipe babanje gukora inama mu kibuga mbere yo kujya mu rwambariro.
19:45
45' Iminota itatu y'inyongera
Umusifuzi wa Kane yerekanye iminota itatu y'inyongera.
Amakipe yombi akomeje gushaka uko yafungura amazamu.
Amakipe yombi akomeje gushaka uko yafungura amazamu.
19:43
41' Coup-franc nziza ya Rayon Sports ipfuye ubusa
Muhire Kevin akiniwe nabi Udahemuka Jean de Dieu inyuma y'urubuga rw'amahina hagati.
Ikosa rihanwe na Omborenga Fitina nyuma y'uko umupira usimbutswe na Bugingo, ujya hejuru y'izamu.
Ikosa rihanwe na Omborenga Fitina nyuma y'uko umupira usimbutswe na Bugingo, ujya hejuru y'izamu.
19:41
40' Rayon Sports igiye gushyushya Bagayoko
Adama Bagayogo agiye kwishyushya mu gihe bisa n'aho mu busatirizi bwa Rayon Sports byanze.
19:35
35' Umukino wagabanyije umuvuduko
Bitandukanye n'uko byari bimeze mu minota 25 ya mbere, muri iyi minota urabona ko amakipe yombi yatuje.
Umupira uru guca hagati kandi ntiwihuta nk'uko byahoze.
Umupira uru guca hagati kandi ntiwihuta nk'uko byahoze.
19:30
29' Ikarita y'umuhondo
Colin Muhindo wa Gasogi United, ahawe ikarita y'umuhondo ku ikosa akoreye kuri Bassane mu kibuga hagati,
19:29
27' Rayon Sports yubatse uburyo butagize icyo butanga
Charles Bbaale ahawe umupira mwiza yinjiranye mu rubuga rw'amahina, awuhinduye ashaka bagenzi be, Hakizimana araryama awukuraho mbere y'uko agera hasi.
19:26
25' Abatoza bari guha amabwiriza abakinnyi
Mu gihe hari kuvurwa Harerimana Abdulaziz wicaye hasi, abatoza b'amakipe yombi baboneyeho guhamagara abakinnyi babo ngo babahe andi mabwiriza n'ibyo bagomba gukosora.
19:20
20' Gasoi United ni yo iri hejuru
Nta kipe irabona uburyo buruta ubwahushijwe na Kabanda Serge.
Gasogi United iri gukina neza muri iyi minota ndetse ni yo iri gusatira cyane.
Amakipe yombi ari gukoresha impande.
19:16
15' Umukino uri ku muvuduko wo hejuru
Muri iyi minota ya mbere, umupira urava ku izamu rimwe ugahita ujya ku rindi.
Mu gihe byakomeza uku, ikipe ifite abakinnyi bashoboye kwiruka ni yo iza koroherwa.
19:14
13' Gasogi United iri gusatira muri iyi minota
Malipangou akuweho umupira ugiye muri koruneri, bamwe mu bafana bagaragaza ko byari kuba penaliti, ariko Uwikunda yerekana koruneri.
Seif yongeye gukinira nabi Ndikumana Danny, Uwikunda yisifurira coup-franc imbere y'umusifuzi wo ku ruhande wari wabyihoreye.
Seif yongeye gukinira nabi Ndikumana Danny, Uwikunda yisifurira coup-franc imbere y'umusifuzi wo ku ruhande wari wabyihoreye.
19:11
10' Seif yihanangirijwe na Uwikunda
Niyonzima Olivier 'Seif' akoze amakosa abiri mu munota umwe, ahabwa gasopo n'umusifuzi Uwikunda Samuel.
19:07
6' Uburyo bwa Rayon Sports
Muhire Kevin yambuye umupira mu kibuga hagati, awutanga kuri Aziz Bassane wihuse cyane, awuhinduye mu rubuga rw'amahina ufatwa na Dauda Ibrahema.
19:05
4' Gasogi United ihushije igitego cyabazwe
Harerimana ahinduye umupira unaniye umunyezamu Khadime Ndiaye, usanga Kabanda Serge uwuteye nabi, ujya ku ruhande rw'izamu ryambaye ubusa.
19:04
3' Coup-franc ya Rayon Sports
Udahemuka Jean de Dieu akiniye nabi Omborenga Fitina hafi y'izamu, ikosa rihanwe na Muhire Kevin, umupira wisirisimba mu rubuga rw'amahina mbere y'uko ufatwa na Dauda.
19:02
1' Coup-franc ya Gasogi United
Malipangou afashe icyemezo cyo gusatira urubuga rw'amahina rwa Rayon Sports, agushwa na Madjaliwa Aruna.
Gasogi United ihannye ikosa, umupira ujya hejuru kure cyane.
Gasogi United ihannye ikosa, umupira ujya hejuru kure cyane.
19:00
Umukino uratangiye
Umusifuzi Uwikunda Samuel atangije umukino.
Umupira wa mbere utewe na Kabanda Serge wa Gasogi United yambaye imyambaro mishya y'umutuku n'umukara, akinana na bagenzi be.
Umupira wa mbere utewe na Kabanda Serge wa Gasogi United yambaye imyambaro mishya y'umutuku n'umukara, akinana na bagenzi be.
18:50
Ubwitabire buri hasi
Ugereranyije, abafana bamaze kugera muri Stade Amahoro basatira nka 1/6 cy'abo ishobora kwakira.
Benshi birundiye mu gice cyo hasi, aho wavuga ko bacyuzuye ku rwego rwa 50%.
Benshi birundiye mu gice cyo hasi, aho wavuga ko bacyuzuye ku rwego rwa 50%.
18:43
Abakinnyi ba Gasogi United bitabajwe
Umutoza Gyslain Bienvenu Tchiamas yahisemo gukoresha:
Dauda Ibrahema (GK)
Nshimiyimana Marc Govin
Udahemuka Jean de Dieu
Collin Muhindo
Hakizimana Adolphe
Doumbia Mathan
Akbar Muderi
Malipangou Christian
Harerimana Abdoulaziz
Ndikumana Danny
Iradukunda Kabanda Serge
Abasimbura: Ndagijimana, Mugisha, Ngarambe, Iradukunda, Kokoete, Baloukoulou, Niyongira, Hamiss na Mugisha Joseph.
18:26
Amakipe yombi ari kwishyushya
Abakinnyi ba Gasogi United n'aba Rayon Sports, bose bari kwishyushya nk'uko bimeze no ku basifuzi bayobora umukino, bo barangajwe imbere na Uwikunda Samuel.
Abafana benshi bari bicaye mu ruhande, bagiye ahagana hagati hitegeye ikibuga.
18:16
Ni ubwa mbere Stade Amahoro yakiriye Shampiyona
Kuva ivuguruwe, ikajya ku rwego rwo kwakira abantu ibihumbi 45 bicaye neza, ni ubwa mbere Stade Amahoro yakiriye umukino wa Shampiyona.
Indi mikino yakiriye ni iya gicuti ya APR vs Rayon Sports na APR FC vs Police FC.
Hari kandi iya APR FC vs Azam FC na Pyramids FC muri CAF Champions League ndetse n'umukino wahuje Amavubi y'u Rwanda na Super Eagles ya Nigeria mu gushaka itike ya CAN 2025.
18:11
Abakinnyi ba Rayon Sports babanje mu kibuga
Umutoza Robertinho yahisemo gukoresha:
Khadime Ndiaye (GK)
Omborenga Fitina
Bugingo Hakim
Nsabimana Aimable
Omar Gning
Niyonzima Olivier 'Seif'
Aruna Madjaliwa
Muhire Kevin (c)
Charles Bbaale
Aziz Bassane
Iraguha Hadji
Abasimbura: Patient, Elanga, Rukundo, Adama, Richard, Fiston, Ganijuru na Serumogo.
Khadime Ndiaye (GK)
Omborenga Fitina
Bugingo Hakim
Nsabimana Aimable
Omar Gning
Niyonzima Olivier 'Seif'
Aruna Madjaliwa
Muhire Kevin (c)
Charles Bbaale
Aziz Bassane
Iraguha Hadji
Abasimbura: Patient, Elanga, Rukundo, Adama, Richard, Fiston, Ganijuru na Serumogo.
18:06
Uko imikino yabaye mbere yarangiye
Bugesera FC 1-1 Etincelles FC
AS Kigali FC 0-0 Rutsiro FC
Amagaju FC 0-3 Musanze FC
AS Kigali FC 0-0 Rutsiro FC
Amagaju FC 0-3 Musanze FC
18:03
Rayon Sports yinjiranye impinduka ku mukino
Nyuma ya byinshi imaze iminsi inyuramo, hari akanyamuneza ku maso y'abakinnyi ba Gikundiro.
Rayon Sports yageze kuri Stade Amahoro iri mu modoka nini mu gihe yari isanzwe igenda muri modoka iringaniye ya coaster.
Abakinnyi b'iyi kipe bemerewe agahimbazamusyi k'ibihumbi 100 Frw kuri uyu mukino [mu gihe bawutsinda] ndetse kuri buri gitego ni ibihumbi 20 Frw.
Mu kwitegura uyu mukino, hakusanyijwe agera muri miliyoni 7 Frw.
Rayon Sports yageze kuri Stade Amahoro iri mu modoka nini mu gihe yari isanzwe igenda muri modoka iringaniye ya coaster.
Abakinnyi b'iyi kipe bemerewe agahimbazamusyi k'ibihumbi 100 Frw kuri uyu mukino [mu gihe bawutsinda] ndetse kuri buri gitego ni ibihumbi 20 Frw.
Mu kwitegura uyu mukino, hakusanyijwe agera muri miliyoni 7 Frw.
17:59
Gasogi United yateguye byihariye
Mu gihe bamwe bari bamaze iminsi binubira amajwi y'umuziki muri Stade Amahoro, Gasogi United yabishyize ku rundi rwego.
Hari indangururamajwi mu mpande zose z'ikibuga, ndetse hateguwe aba-Djs batandukanye kugira ngo bacurangire abitabira umukino.
Mu myanya imwe ya VIP, hashyizwe amazi n'imitobe.
17:50
Ubwo Ikipe ya Rayon Sports yageraga kuri Stade Amahoro
17:49
Ikaze kuri Stade Amahoro
Umugoroba mwiza! IGIHE ibahaye ikaze kuri Stade Amahoro i Remera ahagiye kubera umukino w'Umunsi wa Kane wa Shampiyona hagati ya Gasogi United na Rayon Sports.
Umukino uratangira saa Moya.
Gasogi United ifite amanota arindwi ndetse ni iya mbere kugeza ubu mu gihe Rayon Sports ifite amanota abiri mu mikino ibiri.
Umukino usigaye uhuza amakipe yombi, wiswe "Mega Derby" biturutse kuri Perezida wa Gasogi United, Kakoza Nkuriza Charles (KNC) uba wawushyuhije cyane.
Umukino uratangira saa Moya.
Gasogi United ifite amanota arindwi ndetse ni iya mbere kugeza ubu mu gihe Rayon Sports ifite amanota abiri mu mikino ibiri.
Umukino usigaye uhuza amakipe yombi, wiswe "Mega Derby" biturutse kuri Perezida wa Gasogi United, Kakoza Nkuriza Charles (KNC) uba wawushyuhije cyane.