Rwanda 3-0 Djibouti
Uko umukino uri kugenda
Umwanditsi |
: Eric Tony Ukurikiyimfura & Jah D'eau Dukuze |
Amafoto |
: Kwizera Hervé & Kasiro Claude |
01:01
Amashusho- Menya igisabwa ngo Amavubi akine CHAN 2024
20:24
AMASHUSHO: Reba ibitego Amavubi yatsinze Djibouti
19:57
U Rwanda rukomeje mu ijonjora rya kabiri ryo gushaka itike ya CHAN 2024
Amavubi atsinze Djibouti ibitego 3-0 ayisezerera mu mikino yombi ku giteranyo cy'ibitego 3-1.
Ikipe y'Igihugu izahura n'ikipe izakomeza hagati ya Sudani y'Epfo na Kenya, mu ijonjora rya kabiri rizakinwa mu Ukuboza.
Mu mukino ubanza Kenya yari yatsinzwe ibitego 2-0. Uwo kwishyura uteganyijwe tariki ya 3 Ugushyingo 2024.
Turabashimiye mwese twabanye kuri uyu mugoroba, tuzasubire ku wa Gatandatu ku mukino wa Shampiyona uzahuza Rayon Sports na Kiyovu Sports.
19:51
Umukino urarangiye
19:50
90+2 Gusimbura ku ruhande rw'u Rwanda
Mugisha Gilbert ahaye umwanya Iraguha Hadji.
19:47
90' Iminota ine y'inyongera
19:46
90' Igitego cya gatatu cy'Amavubi
Tuyisenge Arsene Tuguma wagiye mu kibuga asimbuye atsinze igitego cya gatatu cy'u Rwanda.
Muhire Kevin aterekeye umupira mwiza Mugisha Gilbert, uyu ashaka gutera mu izamu Luyima akuraho umupira, usanga Tuguma wenyine arangiriza mu nshundura.
Muhire Kevin aterekeye umupira mwiza Mugisha Gilbert, uyu ashaka gutera mu izamu Luyima akuraho umupira, usanga Tuguma wenyine arangiriza mu nshundura.
19:46
87' Gusimbuza ku ruhande rwa Djibouti
Ahmed Youssouf Omar ahaye umwanya Zakaria Abdi Mouhoumedi
19:44
85' Umukino ugeze mu minota itanu ya nyuma
Ikipe y'u Rwanda kuri ubu ni yo yakomeje mu cyiciro gikurikira gusa igitego cya Djibouti cyahindura byose kuri uyu mukino.
19:43
84' Gusimbuza ku ruhande rwa Djibouti
Kapiteni Mahamoud Elabeh yahaye umwanya Youssuf Ahmed mu gihe Mahadi Abdi yahaye umwanya Idriss Houmed.
19:42
83' Ikarita y'umuhondo
Ahmed Youssouf omar yeretswe ikarita ku ikosa akoreye Tuyisenge Arsene wigaragaje nyuma yo kujya mu kibuga.
Coup Franc nziza y'Amavubi.
Coup Franc nziza y'Amavubi.
19:38
Amafoto: Perezida Kagame ari mu bitabiriye uyu mukino
Perezida Paul Kagame ari mu bitabiriye uyu mukino w'Amavubi na Djibouti aho ari hamwe na Minisitiri wa Siporo, Nyirishema Richard na Perezida wa FERWAFA, Munyantwali Alphonse.
19:37
80' Gusimbuza ku ruhande rw'Amavubi
Omborenga Fitina asimbuye Byiringiro Jean Gilbert.
19:36
78' Igitego cya gatatu cy'Amavubi ariko...
Habayeho kurarira. Tuyisenge Arsene azamukanye umupira ku ruhande rw'iburyo, awushyira mu rubuga rw'amahina, Onesme awukoraho biranga, usanga Mugisha Gilbert uwushyize mu nshundura ariko umusifuzi wo ku ruhande avuga ko hari habayeho kurarira ku ruhande rwa Onesme.
19:33
74' Gusimbuza ku ruhanda rwa Djibouti
Warsama Hassan Hussein ahaye umwanya Awalech Hocho.
19:31
73' Amavubi yongeye gupfusha ubusa amahirwe
Mugisha Gilbert ahawe umupira ku ruhande rw'iburyo awinjirana hafi y'urubuga rw'amahina, gusa ateye mu izamu, Sulait Luyima awukuramo, ufatwa na Ruboneka Bosco, ukinanye na Onesme wari mu rubuga rw'amahina ariko uyu awukina nabi arawutakaza.
19:28
70' Gusimbuza ku ruhande rw' Amavubi
Mbonyumwami Taiba asimbuwe na Onesme Twizerimana mu gihe Dushimimana Olivier Muzungu watsinze ibiyego bibiri ahaye umwanya Tuyisenge Arsene Tuguma.
19:26
68' Umukino urasubukuwe
Mugisha Gilbert ahawe umupira n'umusifuzi ariko ahita awutakaza.
Amavubi ari kwitegura gusimbuza abakinnyi babiri.
Amavubi ari kwitegura gusimbuza abakinnyi babiri.
19:24
66' Umukino ubaye uhagaze gato
Mbonyumwami Taiba aryamye hasi ari kwitabwaho n'abaganga.
19:23
62' Djibouti ikomeje kugeragereza kure
Iyi minota itanu ishize umupira uri kuva ku izamu ujya ku rindi. Aha Djibouti nyuma yo guhanahana neza Gabriel Dadzie ukomeje kwigaragaza atereye umupira kure ariko umunyezamu Gadi arawukubita akiza izamu.
19:20
61' Mugisha Gilbert apfushije ubusa andi mahirwe y'Amavubi
Umupira mwiza utanzwe na Muhire Kevin, usanze Mugisha Gilbert ari wenyine imbere y'izamu gusa gutinda gufata icyemezo hagati yo gutanga kwa Muzungu no gutera mu izamu bituma ubwugarizi bwa Djibouti butabara bukiza izamu.
19:18
60' Djibouti iracyari mu mukino
Ku mupira uzamukanywe kuri Contre atatque, Gabriel Dadzie yisanze mu rubuga rw'amahina asigaranye n'umunyezamu, ariko umupira ateye awutanga nabi urengera ku rundi ruhande.
19:17
58' Amavubi ashuhije ibitego bibiri...
Mbonyumwami Taiba aciye mu rihumye ab'inyuma ba Djibouti, yinjira mu rubuga rw'amahina ari kumwe n'umupira, awushyikirza Muhire Kevin wari uhagaze neza, gusa uyu Kapiteni w'Amavubi akomeza kugorwa no gushyira mu izamu dore ko agashoti ateye Sulait atashoboye kugafata bikarangira umupira urenze.
Corner ivuyemo na yo habuze gato ngo Taiba ashyire umupira mu nshundura.
Corner ivuyemo na yo habuze gato ngo Taiba ashyire umupira mu nshundura.
19:14
54' Djibouti yongeye kugerageza izamu
Ikipe y'u Rwanda isa nk'iyizeye intsinzi hakiri kare ntabwo iri gukina nkuko yakinaga mu gice cya mbere.
Aha, umupira utakajwe n'ubwugarizi bw'Amavubi Mahad Abdi ateye ishoti rikomeye umunyezamu Muhawenayo Gadi araryama arawufata.
Aha, umupira utakajwe n'ubwugarizi bw'Amavubi Mahad Abdi ateye ishoti rikomeye umunyezamu Muhawenayo Gadi araryama arawufata.
19:13
Andi mafoto y'umukino
19:09
52' Corner ya Djibouti
Niyigena Clement ashyize muri Corner umupira waganaga ku izamu ahagaze imbere.
Corner ivuyemo nta kintu itanze kuko Amavubi ahise atangira Contre attaque.
Corner ivuyemo nta kintu itanze kuko Amavubi ahise atangira Contre attaque.
19:07
49' Bosco ahushije icyabazwe...
Umupira mwiza utanzwe na Mugisha Gilbert, Ruboneka Bosco yisanze asigarenye na myigariro umwe wa Djibouti, amucenga neza, ashatse gutera kuri poto ya kabiri umupira awutera hejuru cyane.
19:05
48' Amavubi atangiye igice cya kabiri ahuzagurika
Ugereranyije no mu gice cya mbere, abakinnyi ba Frank Spittler ntabwo bari kubonana neza muri iyi minota ya mbere y'igice cya kabiri.
19:02
Coup Franc ya Djibouti
Umusifuzi William Oloya yemeje ko Ruboneka yakoreye ikosa mu rubuga rwa Djibouti.
19:01
Igice cya kabiri kiratangiye
Amakipe yombi agarukanye abakinnyi bakinnye mu gice cya mbere.
Djibouti ni yo itangije umukino.
Djibouti ni yo itangije umukino.
18:59
Perezida Kagame yageze muri Stade Amahoro
Umukuru w'Igihugu, Paul Kagame, yageze muri Stade Amahoro ahari kubera umukino w'u Rwanda na Djibouti mu gushaka itike ya CHAN 2024.
Igice cya Mbere cyarangiye Amavubi yatsinze ibitego 2-0.
18:53
Amavubi arasabwa ibindi bitego by'umutekano
Kugeza ubu, Amavubi yamaze gutsinda ibitego 2-0 ndetse birayashyira mu mwanya mwiza wo gukomeza.
Gusa, Djibouti iramutse ibonye igitego cyo hanze, byatuma Ikipe y'Igihugu isabwa ikindi.
Amavubi arasabwa gukomeza gushaka ibitego.
18:47
Igice cya mbere kirarangiye
Ikipe y'igihugu Amavubi igiye mu karuhuko ifite ibitego 2-0, bivuze ko kugeza ubu yageze mu cyiciro gikurikira cyo gushaka itike yo kujya mu gikombe cya CHAN 2024.
18:46
45' Umunota umwe w'inyongera
Umusifuzi wa Kane, Chelanget Sabila yerekanye umunota w'inyongera.
18:46
45' Muzungu ahushije icya gatatu
Uyu musore uri kwigaragaza kurusha abandi, yungukiye mu mupira wari urutswe n'umunyezamu wa Djibouti, ubwo Claude Niyomugabo yashyiraga umupira mu rubuga rw'amahina, gusa Muzungu ashatse gushyira mu izamu atera agashoti gato cyane.
18:45
44' Taiba ahushije igitego kidahushwa
Rutahizamu wa Marines FC Mbonyumwami Taiba yari ahawe umupira na Pacifique, yisanga asigaranye wenyine n'umunyezamu wa Djibouti ariko atera agashoti gato cyane gafatwa n'uyu munyezamu.
18:43
41' Djibouti yongeye kugerageza...
Ikipe ya Djibouti irabizi ko iramutse itsinze igitego yahita isezerera Amavubi.
Aha, Gabriel Dadzie atereye kure umupira, ariko umupira ujya kure cyane y'izamu ririnzwe na Gadi.
Aha, Gabriel Dadzie atereye kure umupira, ariko umupira ujya kure cyane y'izamu ririnzwe na Gadi.
18:41
40' Amavubi yongeye kurema uburyo bwo gutsinda
Mugisha Gilbert azamukanye umupira ku ruhande rw'iburyo, gusa ashatse kugarura umupira mu rubuga rw'amahina rwa Djibouti Sulait Luyima awumira bunguri.
18:37
37' Amavubi yagabanyije amarere
Mu minota itanu ishize, ikipe y'igihugu yagabanyije umuvuduko yari yatangiranye. Kuri ubu umupira uri gukinirwa ahanini mu kibuga hagati.
18:34
Abakinnyi b'Amavubi bishimira igitego cya kabiri cyatsinzwe na Muzungu
18:33
32' Ikarita y'umuhondo
Ku kazi gakozwe na Muzungu, Ahmed Mohamed akoreye ikosa rikomeye Taiba, umusifuzi amwereka ikarita y'umuhondo.
Coup Franc ivuyemo, Muhire Kevin ashatse Yunusu mu rubuga rw'amahina ariko umupira awutera nabi.
Coup Franc ivuyemo, Muhire Kevin ashatse Yunusu mu rubuga rw'amahina ariko umupira awutera nabi.
18:31
29' Amavubi yari atsinze icya gatatu
Niyomugabo Claude utari wigaragaza cyane kugeza ubu, ashyize umupira mu rubuga rw'amahina, umunyezamu ashatse kuwufata arawuruka hafi yo kuwuha Taiba ku kirenge, gusa ubwugarizi bwa Djibouti buratabara.
18:30
Amafoto: Abakinnyi b'Amavubi bakomeje gusatira
18:28
26' Corner y'Amavubi
Djibouti iri gukina yikuraho umupira yongeye kurenza umupira.
Corner ivuyemo Muhire Kevin yongeye kuyitera nabi irenga itaragera ku bo igenewe.
Corner ivuyemo Muhire Kevin yongeye kuyitera nabi irenga itaragera ku bo igenewe.
18:25
24' Igitego cya kabiri cy'u Rwanda
Dushimimana Olivier Muzungu atsinze igitego yikoreye ku giti cye. Uyu azamukanye umupira mu kibuga hagati, awucisha ku ruhande rw'iburyo, yungukira mu busabe bwa Kagege ashuka ab'inyuma ba Djibouti, awugeza hafi y'urubuga rw'amahina maze aterera inyuma yarwo umupira urangiriye mu nshundura.
18:23
22' Corner y'Amavubi
Muhire Kevin ahawe umupira mu rubuga rw'amahina agiye guhindukira umupira ab'inyuma ba Djibouti barawurenza.
Corner ebyiri zikuweho neza n'ubwugarizi bw'iyi kipe y'umutoza Hadi Okieh
Corner ebyiri zikuweho neza n'ubwugarizi bw'iyi kipe y'umutoza Hadi Okieh
18:22
Abafana b'Amavubi babukereye
Nubwo atari benshi, ariko abakunzi b'Ikipe y'Igihugu baje kuyishyigikira imbere ya Djibouti.
18:21
20' Coup Franc y'Amavubi
Muhire Kevin akorewe ikosa mu kibuga hagati.
Coup Franc ivuyemo yari ibyaye uburyo bwa Ruboneka Bosco ariko ateye umupira ujya hanze.
Coup Franc ivuyemo yari ibyaye uburyo bwa Ruboneka Bosco ariko ateye umupira ujya hanze.
18:20
19' Corner ya Djibouti
Kapiteni Mahamoud yari atunguye umunyezamu Gadi, gusa umupira atereye inyuma y'urubuga rw'amahina Gadi awushyira muri Corner.
Iyi nubundi iratewe ariko irihukira mu maboko y'uyu munyezamu wa Gorilla.
Iyi nubundi iratewe ariko irihukira mu maboko y'uyu munyezamu wa Gorilla.
18:19
17' Djibouti ishatse gukomanga ku izamu
Kapiteni Mahamoud Elabeh yari anyuze kuri Niyomugabo Claude ashyira umupira mu rubuga rw'amahina ariko ubura umuntu uwakira urengera ku rundi ruhande.
18:16
14' Corner y'Amavubi
Mugisha Gilbert azamukanye umupira mu kibuga hagati, Ali Farada awurenza hakiri kare.
Corner ivuyemo Ruboneka ateretse umupira ku mutwe wa Yunusu uteye nabi umupira ujya hanze.
Corner ivuyemo Ruboneka ateretse umupira ku mutwe wa Yunusu uteye nabi umupira ujya hanze.
18:15
13' Amavubi ahushije ikindi gitego
Ruboneka Bosco yonegeye kwigaragaza mu kibuga hagati, awuha Muzungu neza ku ruhande rw'iburyo, uwushyize ku ipoto ya kabiri y'izamu rya Djibouti gusa Gilbert awutera nabi nubwo Taiba yari inyuma ye yiteguye kurangirizamo.
18:11
11' Igitego cya mbere cy'umukino
Dushimimana Olivier Muzungu afunguye amazamu ku mupira ahawena Ruboneka.
Ruboneka yungukiye ku mupira utewe nabi n'ubwugarizi bwa Djibouti, azamukana umupira mu ntambwe 22 z'izamu, awuhereza Muzungu uwukozeho ashaka kuwuha Gilbert ariko birangira uruhukiye mu nshundura.
Ruboneka yungukiye ku mupira utewe nabi n'ubwugarizi bwa Djibouti, azamukana umupira mu ntambwe 22 z'izamu, awuhereza Muzungu uwukozeho ashaka kuwuha Gilbert ariko birangira uruhukiye mu nshundura.
18:10
08' Corner y'Amavubi
Ruboneka Bosco ashatse gushyira umupira mu rubuga rw'Amahina rwa Djibouti birangira urengejwe n'abinyuma b'iyi kipe.
Corner ivuyemo umusifuzi avuze ko Yunusu yakoze ikosa.
Corner ivuyemo umusifuzi avuze ko Yunusu yakoze ikosa.
18:08
06' Umunyezamu wa Djibouti arihanijwe
Ikipe ya Djibouti yatangiye gutinza umukino gusa umusifuzi William abwiye umunyezamu Sulait ko niyongera ari bumuhe ikarita y'umuhondo
18:06
04' Coup Franc y'Amavubi
Pacifique akorewe ikosa mu kibuga hagati, umusifuzi ahagarika umukino nubwo Kevin yari azamukanye umupira.
Umupira ukinwe byihuse, Claude aterekera Kevin nanone uteye hejuru y'izamu.
Umupira ukinwe byihuse, Claude aterekera Kevin nanone uteye hejuru y'izamu.
18:03
01' Amavubi ahushije igitego cya mbere
Umupira uzamukanywe na Byiringiro Gilbert ku ruhande rw'iburyo, ugeze mu rubuga rw'amahina ubwugarizi bwa Djibouti buwuterekera Kevin Muhire, uteye mu izamu n'imoso ariko umupira ujya hejuru cyane.
18:01
01' Amavubi atangiye asatira
Mbonyumwami Taiba ahawe umupira mu rubuga rw'amahina ntiyashobor akuwukina neza. Umupira ugaruka ku kaguru ka Claude uwugaruye ku izamu ariko Kevin ntiyawugeraho.
18:00
Umukino uratangiye
Ikipe y'Igihugu Amavubi ni yi itangije umukino.
17:54
Haririmbwe indirimbo zubahiriza ibihugu byombi mbere y'umukino
Mu gihe habura iminota irindwi ngo umukino utangire, haririmbwe indirimbo zubahiriza ibihugu byombi haherewe ku ya Djibouti, hakurikiraho Rwanda Nziza.
17:49
Icyizere ni cyose ku bakunzi b'Amavubi ku mukino wo kuri uyu munsi
Umwe mu bafana b’Amavubi yatangaje ko yababajwe no kuba nta bandi benshi baje gushyigira Ikipe y’Igihugu kandi yizeye intsinzi y’ibitego 3-0. pic.twitter.com/4IXbZtnKWX
— IGIHE Sports (@IGIHESports) October 31, 2024
Umwe mu bafana b’Amavubi yatangaje ko yababajwe no kuba nta bandi benshi baje gushyigira Ikipe y’Igihugu kandi yizeye intsinzi y’ibitego 3-0. pic.twitter.com/4IXbZtnKWX
— IGIHE Sports (@IGIHESports) October 31, 2024
AMASHUSHO: Umunyamakuru was IGIHE, Jah Deau Dukuze afite icyizere ko uyu munsi Amavubi ari butsinde Djibouti mu buryo buyoroheye muri uyu mukino wo kwishyura. pic.twitter.com/3RteJeqUc4
— IGIHE Sports (@IGIHESports) October 31, 2024
17:41
Abasifuzi bo muri Uganda ni bo bahawe umukino
Abanya-Uganda bayobowe na William Oloya ni bo bagiye kuyobora umukino.
Abasifuzi bo ku ruhande ni Musisi Brianson na Ashiraf Katerega.
Umusifuzi wa Kane ni Sabila Chelanget mu gihe Komiseri w'Umukino ari Umunya-Kenya Solomon Kaptingei.
17:39
Amakipe yombi asubiye mu rwambariro
Nyuma y'iminota hafi 35 yo kwishyushya, abakinnyi b'amakipe yombi n'abasifuzi basubiye mu rwambariro.
Umukino uratangira mu minota 21 iri imbere.
Umukino uratangira mu minota 21 iri imbere.
17:29
Abakinnyi Djibouti yifashishije kuri uyu wa Kane
Umutoza wa Djibouti, Abdirahman Okieh Hadi, yakoze impinduka imwe gusa ugereranyije n'ikipe yatsinze ubushize. Yahisemo gukoresha:
22 Sulait Luyima
3 Gabriel Dadzie
4 Ahmed Youssouf Omar
5 Moustapha Abdi Osman
6 Yabe Siad Isman
8 Ali Youssouf Farada
10 Warsama Hassan Hussein
13 Doualeh Mahamoud Elabeh (c)
14 Ibrahim Idriss Mohamed
21 Ahmed Mohamed Aden
19 Mahad Abdillahi Abdi
Abasimbura:
12 Mouktar Youssouf Said
15 Warsama Ibrahim Aden
17 Idriss Houmed Bilha
18 Awaleh Hoch Gedo
20 Djimaleh Awaleh Kayad
24 Youssuf Abdi Ahmed
23 Zakaria Abdi Mouhoumed
22 Sulait Luyima
3 Gabriel Dadzie
4 Ahmed Youssouf Omar
5 Moustapha Abdi Osman
6 Yabe Siad Isman
8 Ali Youssouf Farada
10 Warsama Hassan Hussein
13 Doualeh Mahamoud Elabeh (c)
14 Ibrahim Idriss Mohamed
21 Ahmed Mohamed Aden
19 Mahad Abdillahi Abdi
Abasimbura:
12 Mouktar Youssouf Said
15 Warsama Ibrahim Aden
17 Idriss Houmed Bilha
18 Awaleh Hoch Gedo
20 Djimaleh Awaleh Kayad
24 Youssuf Abdi Ahmed
23 Zakaria Abdi Mouhoumed
17:24
Mu bakinnyi bahamagawe nyuma, nta wabanje mu kibuga
Nyuma yo gutsindwa na Djibouti, hahamagawe abakinnyi bane.
Amakuru IGIHE yabonye yavugaga ko byakozwe na FERWAFA mu guha amahitamo menshi Umutoza Spittler.
Muri abo bose, nta wabanje mu kibuga ndetse bamwe ntibari no ku ntebe y'abasimbura.
Twizerimana Onesme ni we uri ku ntebe y'abasimbura mu gihe Kanamugire Roger, Niyonkuru Sadjat na Nizeyimana Mubarakh baraba bicaye mu bafana.
Amakuru IGIHE yabonye yavugaga ko byakozwe na FERWAFA mu guha amahitamo menshi Umutoza Spittler.
Muri abo bose, nta wabanje mu kibuga ndetse bamwe ntibari no ku ntebe y'abasimbura.
Twizerimana Onesme ni we uri ku ntebe y'abasimbura mu gihe Kanamugire Roger, Niyonkuru Sadjat na Nizeyimana Mubarakh baraba bicaye mu bafana.
17:21
Umutoza Spittler yakoze impinduka eshanu
Nyuma yo gushinjwa guhagarika nabi abakinnyi no kubahindurira imyanya ku mukino ubanza ndetse akawutsindwa, Umutoza w'Amavubi, Frank Spittler Torsten yakoze impinduka eshanu:
Mu izamu: Muhawenayo Gad yasimbuye Niyongira Patience wagize uruhare mu gitego yatsinzwe
Mu bwugarizi: Byiringiro Gilbert yasimbuye Omborenga Fitina mu babanzamo nk'uko yanamusimbuye mu mukino hagati ubushize.
Hagati: Ngabonziza Pacifique yahawe umwanya, Ruboneka Bosco yegera imbere ahari Tuyisenge Arsene.
Mu busatirizi: Mbonyumwami Thaiba yafashe umwanya wa Iyabivuze Osee, Mugisha Gilbert abanzamo mu mwanya wa Niyibizi Ramadhan.
17:14
Abakinnyi b'Amavubi babanza mu kibuga
Umutoza w'Amavubi, Frank Spittler Torsten, yahisemo gukoresha:
Muhawenayo Gad
Nshimiyimana Yunussu
Ruboneka Bosco
Mbonyumwami Thaiba
Mugisha Gilbert
Muhire Kevin (c)
Byiringiro Gilbert
Niyigena Clement
Dushimimana Olivier
Niyomugabo Claude
Ngabonziza Pacifique
Abasimbura: Patience, Onesme, Arsene, Iraguha, Didier, Omborenga na Hirwa Jean de Dieu.
Muhawenayo Gad
Nshimiyimana Yunussu
Ruboneka Bosco
Mbonyumwami Thaiba
Mugisha Gilbert
Muhire Kevin (c)
Byiringiro Gilbert
Niyigena Clement
Dushimimana Olivier
Niyomugabo Claude
Ngabonziza Pacifique
Abasimbura: Patience, Onesme, Arsene, Iraguha, Didier, Omborenga na Hirwa Jean de Dieu.
17:10
Umva icyo Amavubi asabwa imbere ya Djibouti
17:03
Ikipe y'Igihugu ya Djibouti n'abasifuzi, na bo babanje gusura ikibuga
17:02
Ubwo abakinnyi b'Amavubi barebaga ikibuga cya Stade Amahoro bagiye gukiniraho
16:53
Ikaze kuri Stade Amahoro i Remera
IGIHE ibahaye ikaze kuri Stade Amahoro ahagiye kubera umukino wo kwishyura w'ijonjora rya mbere ryo gushaka itike ya CHAN 2024 hagati y'u Rwanda na Djibouti.
Djibouti yatsinze umukino ubanza ku gitego 1-0.
U Rwanda rurasabwa gutsinda ikinyuranyo cy'ibitego bibiri kugira ngo rubashe gukomeza mu ijonjora ritaha aho rwahura n'izava hagati ya Kenya na Sudani y'Epfo.
Umukino uratangira mu kanya saa Kumi n'Ebyiri z'umugoroba.
Djibouti yatsinze umukino ubanza ku gitego 1-0.
U Rwanda rurasabwa gutsinda ikinyuranyo cy'ibitego bibiri kugira ngo rubashe gukomeza mu ijonjora ritaha aho rwahura n'izava hagati ya Kenya na Sudani y'Epfo.
Umukino uratangira mu kanya saa Kumi n'Ebyiri z'umugoroba.
