Musanze FC 0-1 Rayon Sports
Uko umukino uri kugenda
Umwanditsi |
: Jahdeau Dukuze |
Amafoto |
: Kwizera Moses |
16:58
Umukino urarangiye
Ikipe ya Rayon Sports itsinze Musanze igitego 1-0 ifata umwanya wa mbere muri Shampiyona.
Iyi kipe izongera gukina ku wa Gatandatu ihura na Etincelles mu mukino w'ikirarane uzabera i Nyamirambo.
Iyi kipe izongera gukina ku wa Gatandatu ihura na Etincelles mu mukino w'ikirarane uzabera i Nyamirambo.
16:56
90 Gusimbuza kwa Musanze
Hydra afashe umwanya wa Leshabi mu minota ya nyuma
16:53
90 Iminota ine y'inyongera
16:50
85' Musanze ikomeje guhusha mu minota ya nyuma
Iyi kipe iri kubonana neza mu kibuga mu minota 15 ya nyuma, kuri ubu yongeye kurema uburyo bwo gutsinda ubwo Solomon Adoyinka yongeraga guhabwa umupira hafi y'urubuga rw'amahina yawutera mu izamu ukajya hejuru nubwo bagenzi be bamubwiraga ko yari buwubashyikirize.
16:46
79' Gusimbuza ku ruhande rwa Rayon Sports
Adama Bagayogo asmbuye Iraguha Hadji utagaragaye none
16:43
77' Khadime Ndiaye atabaye Rayon Sports
Umukino uvuye kwa Felicien, usanze Adeyonka na Tuyisenge Pacifique mu rubuga rw'amahina, basimburana gushota umunyezamu Ndiaye ariko uyu munya Senegal yihagararaho akuramo imipira itatu yajyaga mu izamu rye.
16:41
74' Musanze yari yishyuye..
Coup Franc itewe neza na Salim, Leshabi Niathaba ashyizeho umutwe umupira uca hirya gato y'izamu rya Khadime
16:40
Abahoze bayobora Rayon Sports bayiherekeje i Musanze
Uyu mukino witabiriwe na bamwe mu bahoze bayobora ikpe ya Rayon Sports nka Gacinya Denis na Sadate Munyakazi, abahoze bayiba hafi nka Furaha Jean Marie Vianney na Martin Rutagambwa, ababaye abanyamabanga bayo Namenye Patrick na Gakwaya Olivier ndetse n'abandi.
16:35
70' Umukino umaze umwanya uhagaze
Umunyezamu Khadim Ndiaye amaze umwanya yitabwaho n'abaganga nyuma yo kugongana n'umukinnyi wa Musanze
16:35
70' Gusimbuza kwa Musanze
Salim Abdallah kera kabaye agiye mu kibuga aho uyu musore waherukaga guhamagarwa mu Amavubi asimbuye Komfor Bertrand.
16:30
66' Rayon Sports ihushije ikidahushwa
Charles Baale ahaye umupira mwiza, mwiza ariko, Fall Gnagne wari wenyine asigaranye na Shaolin, gusa uyu ashatse kumuroba mu nguni uyu munyezamu ajya mu bicu awukuramo awushyira hanze.
16:29
65' Rayon Sports iracyayoboye umukino
Ikipe y'i Nyanza ni yo iri kwiharira umukino nyuma yo gutsinda igitego cya mbere. Iri gushaka ko yabona ikindi cyatuma yizera intsinzi.
16:24
61' Charles Baale yongeye kwiyerekana
Rutahizamu wa Rayon Sports atunguye umunyezamu Shaolin aterera umupira kure, gusa uyu araguruka awushyira muri Corner.
16:23
60' Gusimbuza kwa MUSANZE FC
Kamanzi Ashlaf na Tuyisenge Pacifique bafashe umwanya wa Bizimana Valentin na Adeshora Johnson.
16:22
58' Corner ya Rayon Sports
Rayon Sports ibonye Corner isa neza nk'iyo batsindiyeho igitego. Muhire Kevin ayiteye neza ariko noneho ubwugarizi bwa Musanze buratabara.
16:20
57' Coup Franc ya Musanze... nako ya Rayon Sports
Abakinnyi babiri Adeyonka na Hadji Iraguha baragonganye, umusifuzi Rulisa abanza kwerekana ko ari ikosa rikozwe na Hadji wa Rayon, nyuma aza kwisubiraho nyuma yo kubona uyu musore wa Rayon Sports ari we wababaye cyane.
16:19
55' Imvura yatangiye kugwa i Musanze
Kuva igice cya kabiri cyatangira, imvura itari nyinsihi iri kugwa kuri Stade. Kuri ubu benshi mu bafana birundiye muri Stade ahatwikiriye, mu gihe mu kibuga umupira watangiye kugenda bigoranye.
16:17
53' Baale yongeye kurema amahirwe
Umupira muremure utewe na Aimable, rutahizamu w'umugande Baale awushyize ku mutwe, usanga Fall Gnagne udashobye kuwufunga ujya kwa Shaolin.
16:14
51' Igitego cya Rayon Sports
Muhire Kevin ashyize umupira mu rubuga rw'amahina uvuye muri Corner, umunyezamu Shaolin akiza izamu nabi, awihera Charles Baale awufunga neza ashyira mu izamu.
16:11
Igice cya kabiri gitangiye nk'uko icya mbere cyakinwe
Nkuko byitezwe kuri iki kibuga, amakipe yombi ari kwirinda guhanahana cyane ngo adatakaza umupira ahantu habi. Umukino ahanini uri gukinirwa mu kirere kurusha ku butaka.
16:10
46' Igice cya kabiri gitangijwe na Musanze isatira
Iyi kipe ya Sosthene itangiranye imbaraga mu gice cya kabiri gusa Coup Franc ihise ibona iruhukiye mu maboko y'umunyezamu Khadime.
16:09
Gusimbuza ku ruhande rwa Rayon Sports
Charles Baale asimbuye Aziz Bassane.
15:54
Igice cya mbere cyarangiye
Amakipe yombi agiye kuruhuka anganya 0-0.
15:50
45 Iminota itatu y'inyongera
15:49
44' Khadime Ndiaye na Aiamable baryamye hasi
Umupira muremure ushyize mu izamu rya Rayon Sports, rutahizamu wa Musanze Bizimana Valentin asunitse umunyezamu Khadime agongana na Aimable umusifuzi asifura ikosa. Uyu munya-Senegal ariko ahagurutse yihanangiriza myugariro we.
15:47
42' Kevin yari ahagurukije aba-Rayons
Kapiteni wa Rayon Sports mu mpano ze nyinshi afite gutsinda ibitego si kenshi uzabimwumvaho. Aha ariko, yungukiye ku mupira yari ahawe na Nsabimana Aimable uvuye kuri Corner yari ateye,maze ashaka gutungura umunyezamu Shaolin, ariko umupira uramwangira ujya hanze.
15:45
Umukino winjiye mu minota itanu ya nyuma y'igice cya mbere
Mu by'ukuri biragoye kuvuga ku buryo bwinshi muri uyu mukino kuko nta kipe iri gushaka kumarana umupira igihe kinini.
Kugeza ubu, Rayon Sports ni yo yagerageje kurema uburyo bwinshi ariko ntakiravamo magingo aya.
Kugeza ubu, Rayon Sports ni yo yagerageje kurema uburyo bwinshi ariko ntakiravamo magingo aya.
15:41
36' Ikarita y'umuhondo
Leshabi Niathaba wa Musanze ahawe ikarita ku ikosa akoreye Bassane wa Rayon Sports
Coup Franc ndende ya Kevin umunyezamu Shaolin ayikuyemo neza.
Coup Franc ndende ya Kevin umunyezamu Shaolin ayikuyemo neza.
15:40
32' Muhire Kevin yigize Messi
Kapiteni wa Rayon Sports acenze abakinnyi ba Musanze FC mu kibuga hagati mu buryo bwashimishije abafana. Uyu ariko umupira ahaye Fitina Omborenga uhise urenga.
15:36
30' Musanze 0-0 Rayon Sports
Umukino ukomeje kuba "gipira ndaguteye" amakipe yombi ari gukina asa nk'ayirwanaho gusa akanyuzamo agasatira.
Kuri ubu nta n'imwe iranyeganyeza inshundura, gusa abafana bo bakomeje kugenda baba benshi kurushaho.
Kuri ubu nta n'imwe iranyeganyeza inshundura, gusa abafana bo bakomeje kugenda baba benshi kurushaho.
15:34
28' Shaolin atabaye Musanze kabiri... ahita aryama
Umupira mwiza uzamuwe na Fitina Omborenga, Nsabimana Jean de Dieu awukozeho awukura hafi y'izamu rye, wisangira Fall Gnagne uwugaruye mu rubuga rw'amahina, Roger ashatse kongere gusubizamu Shaolin na none ahita akiza izamu.
Uyu munyezamu kuri ubu ari kwitabwaho n'abaganga.
Uyu munyezamu kuri ubu ari kwitabwaho n'abaganga.
15:28
22' Umukino wongeye guhagarara gato
Nsabimana Aimable akoreye ikosa Adeshora gusa aba ari we uvunika. Coup Franc ya Musanze igiye guterwa ari hanze.
15:26
20' Rayon Sports yongeye guhusha... Bassane abigenderamo
Akazi gakomeye gakozwe na Kapiteni Kevin Muhire, ushyize umupira mu rubuga rw'amahina, usanga Bassane ari wenyine, ateye mu izamu umupira ujya hanze, uyu rutahizamu ahita anavunika.
15:24
19' Rayon Sports ihushije igitego yari yiherewe
Iki kibuga gikomeje kugora amakipe yombi arimo na Musanze isanzwe ikitorezaho. Umupira muremure uturutse mu bwugarizi bwa Rayon Sports, Gasongo ateye n'umutwe ngo ahe umunyezamu, awihera Fall Gnagne wari usigaranye na Shaolin, ashatse kumuroba umupira uca hejuru gato.
15:20
Abakinnyi barimo Madjaliwa batinye iki kibuga
Bamwe mu bakinnyi bagombaga kwitabazwa muri uyu mukino byarangiye batagaragayemo barimo Aruna Mussa Madjaliwa wagombaga no gutangira mu kibuga. Ku ruhande rwa Musanze, Salim uheruka guhamagarwa mu Amavubi na we ntabwo yagaragaye.
Aruna Mussa Madjaliwa yakuwe mu bakinnyi Rayon Sports yabanje mu kibuga mu mukino w’Umunsi wa Cyenda wa Shampiyona yasuyemo Musanze FC.
— IGIHE Sports (@IGIHESports) November 6, 2024
Uyu mukinnyi yatinye kongera gukinira kuri Stade Ubworoherane yavunikiyemo ubushize. pic.twitter.com/XU9IwL69kb
15:17
12' Rayon Sports yari yitsinze igitego
Umupira muremure utewe na Musanze, Aimable akozeho n'umutwe aha umunyezamu we wari wigiye imbere, awufashe umubana muremure ariko awugeraho utaragera ku murongo w'izamu.
15:15
9' Musanze ihushije igitego
Solomon Adeyinka ahawe umupira mwiza na Ntijyinama, aca mu rihumye ab'inyuma ba Rayon Sports bari baziko yaraririye gusa birangira agashoti ateye mu izamu gafashwe neza na Khadime Ndiaye.
15:14
07' Amakipe yombi ari gukina umupira muremure
Biragoye gukina umukino mwiza kuri Stade Ubworoherane aho iki kibuga ari cyo kidafitemo ibyatsi by'ibikorano mu bibuga byose bikinirwaho Shampiyona. Amakipe yombi yahisemo gukina imipira miremire.
15:10
05' Rayon Sports habuze gato ngo ifungure izamu
Coup Franc ya Bugingo Hakim yashoboye kurenga urukuta ariko ica hirya gato y'izamu ririnzwe na Shaolin
15:08
04' Coup Franc ya Rayon Sports
Fall Gnagne akorewe ikosa hafi gato y'urubuga rw'amahina. Rulisa atanze Coup Franc nziza.
15:07
02' Fall Gnagne aremye amahirwe ya mbere
Rutahizamu ukomoka muri Senegal uyu munsi aritezwe ngo akomereze aho yasoreje kuri Kiyovu. Umupira Rayon Sports izamukanye uvuye kwa Roger, uyu musore awugeranye mu rubuga rw'amahina, ahindukiye awutera hanze y'izamu rya Shaolin.
15:05
01' Rayon Sports itangiye irema uburyo bwo gutsinda
Omborenga Fitina ashyize umupira mu rubuga rw'amahina ariko Gasongo wa Musanze ahise akiza izamu rye.
15:04
Umukino uratangiye
Ikipe ya Rayon Sports ni yo itangije umupira ihita inasatira.
15:02
Abakinnyi bamaze gusuhuza abasifuzi mu kanya umukino uratangira
Biragaragara ko hari iminota mike iri burenge kuri 15:00 kuko ni bwo abakinnnyi bakimara gusuhuzanya. Gusa isaha yose umusifuzi Rulisa ari butangize umukino.
14:56
Amakipe agiye kuguruka mu kibuga
Mu minota mike amakipe ari bube agarutse mu kibuga nyuma yo kwishyushya akajya kumva inama za nyuma z'abatoza.
Abafana ntabwo ari benshi cyane i Musanze kuko hatakubise ngo uzure gusa ahatwikiriye ho hose huzuye kugeza ubu.
Abafana ntabwo ari benshi cyane i Musanze kuko hatakubise ngo uzure gusa ahatwikiriye ho hose huzuye kugeza ubu.
14:55
Abakinnyi Sosthene yahisemo kubanza mu kibuga
30 Nsabimana Jean de Dieu "Shaolin"
23 Nkurunziza Felicien
19 Kwizera Tresor
15 Muhire Anicet Gasongo
5. B. Shafik
19. Komfor Bertrand
10 Solomon Adeyinka
6 Ntijyinama Patience
9 Bizimana Valentin
7 Adeshora Johnson
14 Leshabi Niathaba
23 Nkurunziza Felicien
19 Kwizera Tresor
15 Muhire Anicet Gasongo
5. B. Shafik
19. Komfor Bertrand
10 Solomon Adeyinka
6 Ntijyinama Patience
9 Bizimana Valentin
7 Adeshora Johnson
14 Leshabi Niathaba
14:49
XI Rayon Sports yabanje mu kibuga
42 Khadime Ndiaye
13 Fitina Omborenga
24 Bugingo Hakim
4 Nsabimana Aimable
5 Kabange Emmanuel
26 Roger Kanamugire
26 Richard Ndayishimiye
11 Muhire Kevin
12 Fall Gnagne
18 Bassane
99 Iraguha Hadji
13 Fitina Omborenga
24 Bugingo Hakim
4 Nsabimana Aimable
5 Kabange Emmanuel
26 Roger Kanamugire
26 Richard Ndayishimiye
11 Muhire Kevin
12 Fall Gnagne
18 Bassane
99 Iraguha Hadji
14:44
Abasifuzi baritezwe kuri uyu munsi
Mu mikino itatu iheruka guhuza ano makipe kuri iki kibuga, ibiri yagiye ibonekamo ikarita itukura cyangwa se ibyemezo bitavuzweho rumwe.
Kuri ubu, Rulisa Patience ni we ugiye kuyobora uno mukino akaba aza kuba yungirijwe na Karangwa Justin na Safari Hamiss.
Kuri ubu, Rulisa Patience ni we ugiye kuyobora uno mukino akaba aza kuba yungirijwe na Karangwa Justin na Safari Hamiss.
14:40
Musanze ifite amateka meza kuri Rayon Sports
Ikipe ya Musanze ntabwo yicaye ubusa kuko na yo yatanze agahimbazamusyi k'ibihumbi 80 kuri buri mukinnyi mu gihe bashobora gutsinda Rayon Sports.
Iyi kipe, ni yo yatsinze imikino ibiri iheruka guhuza ano makipe mu gihe Rayon Sports itashoboye gukura intsinzi ku kibuga cya Musanze mu mikino itanu iheruka kuhakinira muri Shampiyona.
Aha ariko, mu mukino wa gicuti wabaye muri Nyakanga Rayon Sports yari yatsindiye kuri iki kibuga ibitego 3-1.
Iyi kipe, ni yo yatsinze imikino ibiri iheruka guhuza ano makipe mu gihe Rayon Sports itashoboye gukura intsinzi ku kibuga cya Musanze mu mikino itanu iheruka kuhakinira muri Shampiyona.
Aha ariko, mu mukino wa gicuti wabaye muri Nyakanga Rayon Sports yari yatsindiye kuri iki kibuga ibitego 3-1.
14:38
Rayon Sports ifite icyizere
Ikipe ya Robertinho yatsinze imikino ine iheruka gukina muri Shampiyona yahuriyemo na Gasogi United,Rutsiro, Bugesera na Kiyovu Sports.
Iyi kipe yemerewe agahimbazamusyi k'ibihumbi 100 kuri buri mukinnyi nibatsinda uyu mukino.
Uretse, ibi igitego cyose kirenga ku cy’intsinzi kuri iyi kipe ya Rayon Sports kikaba cyashyizwe ku bihumbi 20 Frw, bivuze ko iyi kipe iramutse isubiyemo ibitego 4-0 nk’ibyo yatsinze Kiyovu Sports buri mukinnyi yatahana ibihumbi 160 Frw.
Gusa aha, aya mafaranga akaba ari make ku yari yatanzwe ku mukino wa Kiyovu Sports aho agahimbazamusyi kari kashyizwe ku bihumbi 150 Frw mu gihe buri gitego kirenga ku cy’intsinzi cyari cyabariwe ibihumbi 30 Frw.
Mu bakinnyi baje i Musanze ntabwo harimo abanya Senegal babiri Youssouf Diagne na Omar Gning bafite imvune mu gihe Niyonzima Olivier Sefu kuri ubu atari mu mibare y’abatoza.
Iyi kipe yemerewe agahimbazamusyi k'ibihumbi 100 kuri buri mukinnyi nibatsinda uyu mukino.
Uretse, ibi igitego cyose kirenga ku cy’intsinzi kuri iyi kipe ya Rayon Sports kikaba cyashyizwe ku bihumbi 20 Frw, bivuze ko iyi kipe iramutse isubiyemo ibitego 4-0 nk’ibyo yatsinze Kiyovu Sports buri mukinnyi yatahana ibihumbi 160 Frw.
Gusa aha, aya mafaranga akaba ari make ku yari yatanzwe ku mukino wa Kiyovu Sports aho agahimbazamusyi kari kashyizwe ku bihumbi 150 Frw mu gihe buri gitego kirenga ku cy’intsinzi cyari cyabariwe ibihumbi 30 Frw.
Mu bakinnyi baje i Musanze ntabwo harimo abanya Senegal babiri Youssouf Diagne na Omar Gning bafite imvune mu gihe Niyonzima Olivier Sefu kuri ubu atari mu mibare y’abatoza.
14:27
Tubahaye Ikaze kuri Stade Ubworoherane
Ikaze kuri Stade Ubworoherane aho tugiye kubagezaho umukino w'umunsi wa Cyenda wa Shampiyona hagati ya Rayon Sports na Musanze.
Ni umukino Musanze igiye gukina idahagaze neza nkuko byari bimeze umwaka ushize, aho kuri ubu iri ku mwanya ku mwanya wa cyenda n'amanota arindwi mu gihe Rayin Sports bagiye guhura yo iza ku mwanya wa gatatu n'amanota 15 mu mikino itandatu.
I Musanze hamaze guhita imvura nkeya yaguye mu ma saa munani nk'iminota itanu gusa ntiyamara umwanya aho amakipe yombi ari kwishyushya yitegura umukino mukanya
Ni umukino Musanze igiye gukina idahagaze neza nkuko byari bimeze umwaka ushize, aho kuri ubu iri ku mwanya ku mwanya wa cyenda n'amanota arindwi mu gihe Rayin Sports bagiye guhura yo iza ku mwanya wa gatatu n'amanota 15 mu mikino itandatu.
I Musanze hamaze guhita imvura nkeya yaguye mu ma saa munani nk'iminota itanu gusa ntiyamara umwanya aho amakipe yombi ari kwishyushya yitegura umukino mukanya