Rayon Sports 1-0 Etincelles FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Ingabire Nicole |
20:12
AMASHUSHO: Reba igitego cyahesheje Rayon Sports intsinzi
19:57
Rayon Sports ifashe umwanya wa mbere
Igitego cya Fall Ngagne gifashije Rayon Sports gutsinda Etincelles FC 1-0 mu mukino w'Umunsi wa Karindwi wa Shampiyona utarabereye igihe, ifata umwanya wa mbere n'amanota 20.
Etincelles FC igumye ku mwanya wa 12 n'amanota umunani.
Turabashimiye mwese twabanye kuri uyu mukino, tuzasubire ku Cyumweru ku mukino wa APR FC na Rutsiro FC.
19:56
Umukino urarangiye
19:52
90' Iminota ine y'inyongera
Umusifuzi wa Kane yerekanye iminota ine y'inyongera.
Etincelles FC iri gusatira ishaka uko yishyura.
Etincelles FC iri gusatira ishaka uko yishyura.
19:50
88' Rayon Sports ikomeje gushaka igitego cya kabiri
Aziz Bassane yashoboraga gutsinda igitego cya kabiri, ariko umupira ateye ari mu rubuga rw'amahina ujya hanze.
Rayon Sports iri gusatira bikomeye ishaka ikindi gitego.
19:46
83' Etincelles FC yari ibonye igitego ...
Sumaila Moro yibwiraga ko yishyuriye Etincelles FC, nyuma yo kuroba Khadime Ndiaye, ariko umusifuzi wo ku ruhande yerekana ko hari habayeho kurarira.
Ni kimwe mu biza kugarukwaho hagoragozwa amashusho.
19:42
80' Umukino winjiye mu minota 10 ya nyuma
19:40
76' Coup-franc ya Etincelles FC
Muhire Kevin akoreye ikosa kuri Mukogotya Robert.
Ikosa rihanwe na Ciza ukinanye na Mukogotya, uyu wa nyuma atera ishoti rigiye hanze.
19:37
75' Gusimbuza
Nizigiyimana Ismail na Tuyishimire Jean Marie Vianney basimbuye Niyonkuru Sadjat na Joseph Tonyo ku ruhnde rwa Etincelles FC.
19:34
70' Ubundi buryo bwa Rayon Sports
Ndayishimiye Richard ahinduye umupira mu rubuga rw'amahina, usanga Fall Ngagne ushyizeho agatsitsino, ufatwa n'umunyezamu Denis Sseyondwa.
19:29
65' Igitego cya Rayon Sports
Adama Bagayogo yinjiranye umupira mu rubuga rw'amahina, awuhindura hagati usanga Fall Ngagne uwukozeho gato, ujya mu izamu.
Rayon Sports 1-0 Etincelles FC.
19:28
64' Coup-franc ya Etincelles FC
Ciza Hussein akiniwe nabi na Bugingo Hakim, Etincelles FC ihannye iri kosa, umupira ukurwaho na Nsabimana Aimable.
19:26
63' Gusimbuza
Adama Bagayogo asimbuye Iraguha Hadji ku ruhande rwa Rayon Sports ikoze impinduka za kabiri.
19:25
62' Rayon Sports ihushije uburyo bwiza
Omborenga Fitina ahinduye umupira mwiza mu rubuga rw'amahina, usanga Aziz Bassane ushyizeho umutwe, ujya ku ruhande rw'izamu.
Fall Ngagne na we yashoboraga gukina uyu mupira.
Fall Ngagne na we yashoboraga gukina uyu mupira.
19:23
60' Hashize isaha amakipe yombi agishaka igitego
19:23
59' Coup-franc ya Rayon Sports
Ndayishimiye Richard ateye umupira uteretse ahagana ku murongo mu ruhande, awushota ku mutwe wa myugariro wa Etincelles FC ujya muri koruneri na yo itagize icyo itanga.
19:21
58' Ikarita y'umuhondo
Manishimwe Yves ahawe ikarita y'umuhondo ku ikosa akoreye kuri Aziz Bassane inyuma gato, ku murongo w'urubuga rw'amahina.
19:18
55' Coup-franc nziza ya Rayon Sports
Gedeon Ndonga akoze umupira ari inyuma y'urubuga rw'amahina.
Ikosa rihanwe na Bugingo Hakim, atera umupira nabi ujya hanze nyuma yo gushaka kuwuha bagenzi be.
19:14
50' Uburyo bwa Rayon Sports
Muhire Kevin ahawe umupira ari mu kibuga hagati, aracenga, atera ishoti rigiye ku ruhande.
Kapiteni wa Rayon Sports ahise aryama hasi nk'uwavunitse.
19:08
47' Rayon Sports ihushije uburyo bwiza
Muhire Kevin ateye koruneri, umupira ugera kuri Nsabimana Aimable uwushyizeho umutwe, ukomeza inyuma, Aziz Bassane awukinnye ujya hanze.
19:07
46' Igice cya kabiri cyatangiye
Fall Ngagne atangije igice cya kabiri, aha umupira Nshimiyimana Emmanuel 'Kabange', uhise ukinana na Aimable.
19:06
Gusimbuza
Charles Bbaale asimbuwe na Aziz Bassane ku ruhande rwa Rayon Sports.
18:51
Igice cya mbere kirarangiye
Iminota 45 ibanza irangiye Rayon Sports na Etincelles FC zinganya ubusa ku busa.
Abakinnyi bagiye kumva inama z'abatoza, igice cya kabiri kiratangira mu minota 15 iri imbere.
18:49
45' Iminota ibiri y'inyongera
Umusifuzi wa Kane yerekanye iminota ibiri y'inyongera.
Rayon Sports iri gusatira ishaka kubona igitego mbere y'uko igice cya mbere kirangira.
Rayon Sports iri gusatira ishaka kubona igitego mbere y'uko igice cya mbere kirangira.
18:48
44' Rayon Sports yari ibonye igitego ariko.....
Habayeho kurarira.
Iraguha Hadji akiniwe nabi mu ruhande rw'iburyo, Muhire Kevin ahannye ikosa, umupira ushyirwa mu rushundura, ariko umusifuzi wo ku ruhande yerekana ko hari habayeho kurarira.
Iraguha Hadji akiniwe nabi mu ruhande rw'iburyo, Muhire Kevin ahannye ikosa, umupira ushyirwa mu rushundura, ariko umusifuzi wo ku ruhande yerekana ko hari habayeho kurarira.
18:45
42' Umukino uhagaze gato
Umukino wabaye uhagazemu gihe hari kuvurwa umunyezamu Khadime Ndiaye nyuma yo gushyimirana na Sumaila Moro.
18:45
42' Umukino uhagaze gato
Umukino wabaye uhagazemu gihe hari kuvurwa umunyezamu Khadime Ndiaye nyuma yo gushyimirana na Sumaila Moro.
18:44
40' Etincelles FC ihushije igitego cyabazwe
Sumaila Moro yibwiraga ko afunguye amazamu ku mupira ahawe mu rubuga rw'amahina, umunyezamu Khadime Ndiaye awukozaho ikirenge ujya muri koruneri.
18:42
38' Rayon Sports irateganya gukora impinduka
Umutoza Robertinho arabona ko ku bakinnyi barimo Charles Bbaale byanze. Yahagurukije abakinnyi batatu barimo Bagayogo na Bassane ngo bishyushye.
18:39
34' Coup-franc ya Rayon Sports
Kwizera Aimable akiniye nabi Nsabimana Aimable, yihanangirizwa n'umusifuzi.
Muhire Kevin ahannye ikosa, atera umupira hejuru kure y'izamu.
18:34
30' Amakipe yombi akomeje gushaka izamu
Rayon Sports ni yo iri gusatira cyane ariko guhuza mu rubuga rw'amahina bikomeje kugorana.
Etincelles FC iri gucungira kuri contre-attaque.
18:30
26' Uburyo bwa Etincelles FC
Niyonkuru Sadjat ahaye umupira Sumaila Moro uteye ishoti rikomeye rijya hejuru y'izamu.
18:25
20' Rayon Sports yongeye kugerageza amahirwe
Bugingo Hakim ashyize umupira mwiza mu rubuga rw'amahina ashaka ikirenge cya Fall Ngagne, ariko Gedeon Ndonga Bivula awukuraho neza.
18:22
17' Umukino wagabanyije umuvuduko
Etincelles FC ifite amakosa menshi mu kibuga hagati, yabangamiye imikinire ya Rayon Sports ndetse ntigituma ishushanya uko yabikoraga mu minota yashize.
18:18
13' Coup-franc ya Etincelles FC
Mukoghotya Robert akiniwe nabi na Kanamugire Roger, atera ishoti rikomeye rikuwemo na Khadime Ndiaye, umupira ujya muri koruneri itagize icyo itanga.
18:15
11' Rayon Sports ihushije uburyo bwiza
Omborenga akiniwe nabi atakaza umupira, ufatwa na Bbaale uwuhinduye mu rubuga rw'amahina, ariko Fall Ngagne na Iraguha Hadji bananirwa kuwukina urarenga.
18:14
10' Etincelles FC iracyari imbere y'izamu rya Rayon Sports
Etincelles FC ibonye koruneri ebyiri, ndetse abarimo Ciza Hussein na Moro basatira izamu ryayo mbere y'uko Nshimiyimana na Khadime babyitwaramo neza, uyu munyezamu agafata umupira.
18:09
5' Gusatira kwa Rayon Sports
Muhire Kevin acomekeye umupira muremure Omborenga uwufatiye ahagana muri koruneri, awuhindura mu rubuga rw'amahina aho usanze Fall Ngagne ushyizeho umutwe, ku bw'amahirwe make ujya hejuru y'izamu rya Etincelles FC.
18:08
4' Uburyo bwiza bwa Etincelles FC
Sumaila Moro ahaye umupira Mukogotya winjiye mu rubuga rw'amahina, atera ishoti rikuwemo na Khadime Ndiaye mbere y'uko atabarwa na bagenzi be.
18:05
2' Uburyo bwa Rayon Sports ntacyo butanze
Iraguha Hadji yinjiranye umupira ibumoso, awuhinduye mu rubuga rw'amahina ukurwaho na Gedeon Bivula ndetse umusifuzi wo ku ruhande yerekana ko wari warenze.
18:04
Umukino uratangiye
Umusifuzi Twagirumukiza Abdulkarim atangije umukino.
Etincelles FC yari ishatse guhita isatira, ariko ikora ikosa.
18:02
Hafashwe umunota wo kwibuka
Mbere y'uko umukino utangira, habanje gufatwa umunota wo kwibuka Anne Mbonimpa wari umukozi ushinzwe Umupira w'Abagore muri FERWAFA, witabye Imana kuri uyu wa Gatandatu.
17:40
Abakinnyi bari kwishyushya
Abakinnyi b'amakipe yombi bari kwishyushya mu gihe habura iminota mike ngo umukino utangire.
17:37
Abakinnyi ba Etincelles FC babanje mu kibuga
Umutoza Nzeyimana Mailo yahisemo gukoresha:
Denis Sseyondwa
Nshimiyimana Abdou
Gedeon Ndonga Bivula
Nsabimana Hussein
Manishimwe Yves
Kwizera Aimable
Niyonkuru Sadjat
Ciza Hussein
Joseph Tonyo
Sumaila Moro
Robert Mukoghotya
Abasimbura: Moise, Awad, Pascal, Tuyishimire Djabil, Prince, Sadjat, Ismail na Rahim.
17:33
Abakinnyi ba Rayon Sports babanje mu kibuga
Umutoza wa Rayon Sports, Robertinho, yahisemo gukinisha:
Khadime Ndiaye
Omborenga Fitina
Bugingo Hakim
Nsabimana Aimable
Nshimiyimana Emmanuel
Kanamugire Roger
Ndayishimiye Richard
Muhire Kevin (c)
Iraguha Hadji
Charles Bbaale
Fall Ngagne
Abasimbura: Patient, Serumogo, Ganijuru, Bagayogo, Master, Fiston, Elanga, Bassane na Rukundo,
17:19
Ikaze kuri Kigali Pele Stadium
Umugoroba mwiza! IGIHE ibahaye ikaze kuri Stade ya Kigali Pele Stadium, ahagiye kubera umukino w'Umunsi wa Karindwi wa Shampiyona utarabereye igihe hagati ya Rayon Sports na Etincelles FC.
Uyu mukino wari kuba ku wa 25 Ukwakira, ariko usubikwa kubera umwiherero w'Amavubi yiteguraga Djibouti mu majonjora ya CHAN 2024.
Rayon Sports ni iya kabiri n'amanota 17, irushwa inota rimwe na Gorilla FC ya mbere.
Etincelles FC iri ku mwanya wa 12 n'amanota umunani.
Umukino nyirizina uratangira saa Kumi n'Ebyiri.
Uyu mukino wari kuba ku wa 25 Ukwakira, ariko usubikwa kubera umwiherero w'Amavubi yiteguraga Djibouti mu majonjora ya CHAN 2024.
Rayon Sports ni iya kabiri n'amanota 17, irushwa inota rimwe na Gorilla FC ya mbere.
Etincelles FC iri ku mwanya wa 12 n'amanota umunani.
Umukino nyirizina uratangira saa Kumi n'Ebyiri.
