APR FC 0-0 Rutsiro FC
Uko umukino uri kugenda
Umwanditsi |
: Jahdeau Dukuze |
Amafoto |
: Willy |
16:59
90+8 Umukino urarangiye
APR FC inganyije na Rutsiro 0-0 ikomeza gusigara inyuma mu ruhando rwo gushaka igikombe cya Shampiyona.
16:54
90+2 Coup Franc ya APR FC
Niyibizi Ramadhan akorewe ikosa hafi y' umurongo wa Corner.
Coup Franc ya Claude Niyomugabo ivuyemo Corner.
Corner na yo itewe nabi ijya hanze.
Coup Franc ya Claude Niyomugabo ivuyemo Corner.
Corner na yo itewe nabi ijya hanze.
16:52
90+1 Umunyezamu yongeye kuryama
Umunyezamu MATUMELE Arnold wahawe ikarita kubera gutinza umukino, yongeye kuryama umwanya nyuma yo gufata umupira. Rulisa yongeye kumwihanangiriza bwa nyuma
16:51
90' Iminota 8 y'inyongera
16:50
86' Tuyisenge Arsene akijije izamu rya Rutsiro
Ikipe ya APR FC ikomeje kurema uburyo ku bundi, yongeye kurema amahirwe yo gutsinda inyuze iburyo, Kagege ageza umupira mu rubuga rw'amahina awuterekera Mbaoma ariko Tuyisenge Arsene ahura na wo arawurenza.
16:48
84 APR FC ihushije igitego
Corner ya Byiringiro Gilbert umunyezamu wa Rutsiro Arnold ashatse kuwufata uramunyererana, abakinnyi ba APR FC bashatse kuwushyira mu izamu biranga.
16:45
81' Ikarita y'umuhondo
MATUMELE Arnold ahawe ikarita y'umuhondo kubera gutinza umukino
16:42
78' Gusimbuza ku ruhande rwa APR FC
Dushimimana Olivier Muzungu asimbuye Ruboneka Jean Bosco
16:35
71' Gusimbuza ku ruhande rwa APR FC
Taddeo Lwanga na Mamadou Sy bahaye umwanya Victor Mbaoma Chukuemeka na Tuyisenge Arsene
16:33
67' Rutsiro ihushije igitego
Ikipe ya Rutsiro imaze iminota itatu icaracara ku izamu rya APR FC. Nyuma yo kubona Corner ebyiri zitagize icyo zitanga, ishoboye kurema uburyo bwo gutsinda ubwo Mumbere yaterekeraga umupira Habimana Yvs ariko uyu ateye mu izamu ukubita umutambiko w'izamu ujya hanze.
16:28
65' Umukino winjiye mu minota 25 ya nyuma
Imvura nyinshi ntiyahagaritse gusatira kwa APR FC ariko kubona izamu bikomeje kuba ikibazo.
Amatara na yo akaba yatangiye gucanwa kuri Kigali Pele Stadium.
Amatara na yo akaba yatangiye gucanwa kuri Kigali Pele Stadium.
16:25
63' Gusimbuza ku ruhand rwa Rutsiro
Mumbere Jeremie na Uwambajimana Leon Kawunga bahaye umwanya Nkubito Amza na Ndikumana Jeremie
16:23
60' Umunyezamu MATUMELE Arnold akoze ibitangaza
APR FC ntabwo iri gutanga umwanya wo kuruhuka. Aha, Ruboneka Bosco aciye mu rihumye ab'inyuma ba Rutsiro agera mu rubuga rw'amahina, aha umupira mwiza Mamadou Sy, uwuteye n'umutwe ariko umunyezamu MATUMELE Arnold araguruka akiza izamu.
16:21
Imvura yatangiye kugwa i Nyamirambo
Imvura nyinshi iri kugwa ku kibuga cya Kigali. Pele Stadium. Abafana bose baje ahatwikiriye gusa mu kibuga ho abakinnyi bari kuyumva
16:16
53' APR FC ikomeje gushaka igitego
Umupira utangijwe na Mamadou Sy, Niyibizi Ramadhan awugejeje kwa Kagege, wirutse cyane agana mu rubuga rw'amahina, ahabonayo Mamadou Sy, amushyirira ku isahane ariko ateye umupira umuhera mu maguru.
16:14
51' APR FC yongeye kurema uburyo bwo gutsinda
Mamadou Sy ahawe umupira mwiza na Niyibizi Ramadhan, awugerana mu rubuga rw'amahina, ashatse kuwuterekera Mugisha Gilbert ujya hanze.
16:11
49' Coup Franc ya APR FC
Niyibizi Ramadhan akorewe ikosa na Hitimana Jean Claude. Coup Franc itewe na Kagege, Niyigena Clement yakiriye umupira mu rubuga rw'amahina awuteye ujya hanze kure.
16:09
47' Ikarita y'umuhondo
Taddeo Lwanga wa APR FC ahawe ikarita ku ikosa akoreye Kwizera Eric
16:08
Ikirere cyatangiye guhinduka i Nyamirambo
Ikirere cyatangiye kwijima hano i Nyamirambo ahitezwe imvura mu kanya gato. Nta gihindutse n'amatara ari bucanwe kare kuko mu kibuga hatangiye gusa umukara.
16:06
Igice cya kabiri kiratangiye
Rutsiro ni yo itangije umukino.
16:04
Gusimbuza kwa APR FC
Niyibizi Ramadhan na Mugiraneza Frodouard bafashe umwanya wa Richmond Lamptey na Lamine Bah.
16:01
APR FC ishaka igitego igiye kwinjizamo amaraso mashya
Iyi kipe y'ingabo z'igihugu yemeje ko Niyibizi Ramadhan na Froduard ari bo bagiye kwinjira mu kanya mu gice cya kabiri
Frodouard na Niyibizi Ramadhan barasimbura mu gice cya kabiri.#APRFC pic.twitter.com/rBkLvT3h7R
— APR F.C. Official (@aprfcofficial) November 10, 2024
15:51
Amwe mu mafoto yaranze igice cya mbere.
15:50
Igice cya mbere kirarangiye
Amakipe yombi agiye mu karuhuko anganya 0-0.
15:50
45+2 Gilbert na we ahushije icye
Uyu musore ukina ku mpande muri APR FC azamukanye umupira iburyo, yegera urubuga rw'amahina, ashaka kuwutsindira hirya ariko umupira ateye ujya hanze.
15:48
45' Iminota ibiri y'inyongera.
15:48
45' APR FC ihushije ikidashushwa
Ruboneka Bosco akoresheje imbaraga nyinshi agarura umupira mu mukino, awuterkera Kagege, uwushyize mu rubuga rw'amahina, Mamadou Sy awuterekera neza Lamine Bah, uyu wari ufite izamu imbere ye ashatse gushyira mu nshundura umupira ufatwa neza na MATUMELE Arnold
15:45
41' Ruboneka ahushije icyabazwe
Niyomugabo Claude ashyize umupira mu rubuga rw'amahina, umunyezamu wa Rutsiro arasimbuka uramurenga, umupira usanga Ruboneka Jean Bosco warebanaga n'izamu, ashyize mu nshundura umupira ujya hanze.
15:41
38' Coup Franc ya APR FC
Mugisha Gilbert akorewe ikosa na kwizera Bahat Emilien. Coup Franc ivuyemo Kagge ayiteye nabi ijya hanze.
15:39
35' Umkino winjiye mu minota 10 ya nyuma y'igice cya mbere
Kugeza ubu amakipe yombi aracyanganya 0-0. Nubwo APR FC ari yo yaremye uburyo bwinshi, nta bikomeye yari yakora ku izamu rya Rutsiro dore ko n'imipira y'imiterekano myinshi yabonye itashoboye kuyibyaza amahirwe.
15:33
31' Coup Franc ya APR FC
Uwambajimana Leon Kawunga akoreye ikosa Byiringiro Gilbert Kagege hafi y'umurongo w'urubuga rw'amahina.
Niyomugabo Claude ayishyize mu rubuga rw'amahina ariko umusifuzi avuga ko habayeho ikosa.
Niyomugabo Claude ayishyize mu rubuga rw'amahina ariko umusifuzi avuga ko habayeho ikosa.
15:32
28' Coup Franc ya Rutsiro
Ikipe ya Gatera Alphonse igerageje kurema uburyo bwo gutsinda gusa Mamadou Lamine Bah akorera ikosa Mumbere Jonas mu kibuga hagati.
Coup Franc ivuyemo ikinwe bihuta birangira umupira bawutakaje.
Coup Franc ivuyemo ikinwe bihuta birangira umupira bawutakaje.
15:28
25' APR FC yongeye guhusha igitego
Ikipe ya Darco Novic muri iyi minota yazamuye umuvuduko w'umukino. Aha, Claude Niyomugabo ahawe umupira na Lamine Bah, awushyize mu rubuga rw'amahina Mamadou Sy awutera nabi arawuhusha ntiwajya mu izamu.
15:26
21' Ruboneka Bosco ari kwitabwaho n'abaganga
Uyu musore wo hagati wa APR FC yari yongeye guhabwa umupira na Kagege gusa ashatse kuwuzana mu rubuga rw'amahina Mumbere aritambika arawurenza, birangira na Ruboneka ababaye yitabwaho n'abaganga.
Corner ya APR FC Claude yongeye kuyitera ariko ntiyabona umukinnyi we uyishyiramo.
Corner ya APR FC Claude yongeye kuyitera ariko ntiyabona umukinnyi we uyishyiramo.
15:24
20' APR FC yongeye gukanguka
Ku kazi gakomeye gakozwe na Aliou Souane mu bwugarizi, Ruboneka Jean Bosco azamukanye umupira iburyo, ariko ashyize umupira mu rubuga rw'amahina Mamadou Sy, ntiyashobora kuwutera neza ku mutwe.
15:23
20' Rutsiro yashyize umupira hasi
Ikipe yo mu Burengerazuba imaze iminota ibiri itambaza umupira nkuko isanzwe ibimenyereweho gusa kwegera urubuga rw'amahina byo ntiri kubikozwa.
15:20
17' Corner ya Rutsiro
Kawunga ateye Coup Franc ashyizemo imbaraga, umupira ushyirwa hanze n'urukuta rwa APR FC. Corner iuyemo iruhukiye mu ntoki za Pavelh Ndzila.
15:19
16' Coup Franc nziza ya Rutsiro
Umusifuzi w'umunsi Rulisa Patience yemeje ko Uwambajimana Leon akorewe ikosa hafi y'urubuga rw'amahina.
15:17
14' Lamine Bah akubise umutambiko..
APR FC ikomeje gushakisha igitego, yongeye kuzamukana umupira ku ruhande rw'ibumoso rwayo, Mugisha Gilbert aha umupira mwiza Lamine Bah, awugaruye mu rubuga rw'amahina ukubita umutambiko w'izamu uragaruka, usanga Ruboneka Jean Bosco ariko awukina nabi urarenga.
15:15
12' APR FC ikomeje gushakisha
Corner yari ikoreshejwe na Mamaodu Sy, Claude yongeye kuyishyira mu rubuga rw'amahina, ariko Aliou Souane arasimbuka atera n'umutwe umupira ujya hanze.
15:14
10' APR FC ihushije igitego... iti twibwe Penaliti
Corner itewe na Claude Niyomugabo igiye ku mutwe wa Taddeo Lwanga ushyize mu izamu umupira ujya hanze, gusa abakinnyi ba APR FC bavuga ko Clement yari yakorewe ikosa mu rubuga rw'amahina.
15:12
09' APR FC yari iremye amahirwe yo gutsinda
Umupira muremure wahawe Ruboneka Jean Bosco ariko uyu musore awufunga nabi bimunanira gushyira mu nshundura
15:10
08' Coup Franc ya APR FC
Ikosa rikorewe Lamine Bah, Byiringiro Gilbert ashyize umupira mu rubuga rw'amahina, Niyigena Clemet ashyiraho umutwe ariko umupira ujya hanze.
15:09
05' Rutsiro yari igerageje...
Ikipe ya Rutsiro itari yirekana kugeza ubu igrageje gutungura umunyezamu wa APR FC ubwo Mumbele M. Jonas yateraga agashoti koroheje inyuma y'urubuga rw'amahina ariko Ndzila akagafata neza.
15:07
04' APR FC ihushije igitego cya mbere
Ku ikosa ryari rihanwe na Byiringiro Gilbert. ubwugarizi bwa Rutsiro ntibwashoboye gukiza izamu, umupira usanga Lamine Bah, awuterekera Aliou Souane wari wenyine mu rubuga rw'amahina, ateye ishoti umupira ujya kure.
15:06
03' Umukino utangiranye imbaraga nke
Amakipe yombi asa nk'akiri kwigana aho nta kipe n'imwe iri kugaragaza amashagaga yo gushaka gutsinda hakiri kare.
15:04
Abafana ni bake i Nyamirambo
Bitandukanye n'umukino uheruka wa Vision, kuri ubu ntabwo abafana ari benshi i Nyamirambo aho Stade irimo nka kimwe cya gatatu cy'abafana yagakwiye kuba yakiriye.
15:01
Umukino uratangiye
APR FC ni yo itangije umukino
15:00
Habanje gufatwa umunota wo Kwibuka
Amakipe yombi akoze ikizeru mu kibuga hagati, hibukwa Anne Mbonimpa wari ushinzwe umupira w'abagore muri Ferwafa witabye Imana kuri uyu wa Gatandatu.
14:58
Amakipe yombi yinjiye mu kibuga
Barangajwe imbere n'umusifuzi Rulisa Patience amakipe yombi yinjiye mu kibuga isaha n'isaha umukio uri bube utangiye.
14:57
XI ba Rusiro FC
30 MATUMELE Arnold
17 kwizera Bahat Emilien
3. Kabula Jean
15 Ngirimana Alexis
14 Hitimana Jean Claude
22 Kwizera Eric
6 Uwambazimana Leon
4 Ndabitezimana Lazard
20 Habimana Yves
10 Mumbele M. Jonas
18 Mumbele Mbusa Jeremie
17 kwizera Bahat Emilien
3. Kabula Jean
15 Ngirimana Alexis
14 Hitimana Jean Claude
22 Kwizera Eric
6 Uwambazimana Leon
4 Ndabitezimana Lazard
20 Habimana Yves
10 Mumbele M. Jonas
18 Mumbele Mbusa Jeremie
14:55
Darko Novic yakoze impinduka imwe mu bakinnyi bakinnye na Vision
Umutoza wo muri Serbia yahisemo guha icyizere benshi mu bakinnyi bamuhaye intsinzi ku wa Kane
32 Pavelh Ndzila
13 Niyigena Clement
03 Niyomugabo Claude
05 Aliou Souane
18 Byiringiro Gilbert
14 Lamine Bah
04 Taddeo Lwanga
26 Richmond Lamptey
11 Mugisha Gilbert
27 Ruboneka Bosco
09 Mamadou Sy
32 Pavelh Ndzila
13 Niyigena Clement
03 Niyomugabo Claude
05 Aliou Souane
18 Byiringiro Gilbert
14 Lamine Bah
04 Taddeo Lwanga
26 Richmond Lamptey
11 Mugisha Gilbert
27 Ruboneka Bosco
09 Mamadou Sy
14:50
APR FC ni igihe cyo kwisubiza ikuzo!
Ubwo Chairman mushya wa APR FC yaganirizaga abakinnyi ku mugoroba wo ku wa Gatanu, yasabye aba kwitwara neza muri Shampiyona kuko ari abakinnyi beza.
Kugeza ubu ubwiza bwabo ntabwo bwari bwagaragaza.
APR FC imaze gukina imikino 14 y'amarushanwa muri uyu mwaka wa Shampiyona, gusa inshuro ebyiri zonyine ni zo yatsinze umukino ko kinyuranyo cy'ibitego birenze kimwe. Inshuro imwe muri izo ni umukino uheruka yatsinze kuri Penaliti ebyiri zitavuzweho rumwe.
Izi Penaliti ebyiri ni zo zonyine iyi kipe yabonye muri iyi mikino mu gihe yo yatewe izigera kuri enye.
Abakunzi ba Nyamukandagira nkuko bayita baracyategereje kuyireba yigaragaza nkuko byahoze.
Kugeza ubu ubwiza bwabo ntabwo bwari bwagaragaza.
APR FC imaze gukina imikino 14 y'amarushanwa muri uyu mwaka wa Shampiyona, gusa inshuro ebyiri zonyine ni zo yatsinze umukino ko kinyuranyo cy'ibitego birenze kimwe. Inshuro imwe muri izo ni umukino uheruka yatsinze kuri Penaliti ebyiri zitavuzweho rumwe.
Izi Penaliti ebyiri ni zo zonyine iyi kipe yabonye muri iyi mikino mu gihe yo yatewe izigera kuri enye.
Abakunzi ba Nyamukandagira nkuko bayita baracyategereje kuyireba yigaragaza nkuko byahoze.
14:46
IKAZE KURI Kigali Pelé Stadium
Icyumweru cyiza mwese mwahisemo gukurikira Igihe.com kuri uyu munsi. Tubahaye ikaze i Nyamirambo, ku kibuga kigiye kwakira imikino ibiri y'ibirarane muri Shampiyona y'icyiciro cya mbere mu Rwanda.
Twe, tugiye kubagezaho umukino w'ikirarane cy'umunsi wa mbere muri Shampiyona hagati ya APR FC iri mu rugo na Rutsiro FC yo mu ntara y
'Uburengerazuba.
Ni amakipe yombi yatangiye shampiyona bitandukanye, aho Rutsiro kugera ku munsi wa kane wayo yari imbere, gusa ikaba itarorohewe n'imikino yakurikiyeho.
APR FC yo yatangiye inganya imikino ibiri muri itatu yakinnye birangira inatewe mpaga muri umwe mu yo yari yanganyije. Iyi kipe yaje gutsinda umukino uheruka w'umunsi wa cyenda wa Shampiyona yahuriyemo na Vision FC, itsinda mu buryo butavuzweho rumwe kuko penaliti zombi yahawe zibajijweho, nubwo na yo hari ebyiri itahawe izikwiye.
Ikipe y'ingabo z'Igihugu ifite akazi gakomeye ko kwemeza abakunzi bayo kuri uyu mukino, ari na wo wa mbere bagiye gukina nyuma yo kwemeza ubuyobozi bushya, aho Brig. Gen Deo Rusanganwa ari we wagizwe Chairman w'agateganyo wayo.
Twe, tugiye kubagezaho umukino w'ikirarane cy'umunsi wa mbere muri Shampiyona hagati ya APR FC iri mu rugo na Rutsiro FC yo mu ntara y
'Uburengerazuba.
Ni amakipe yombi yatangiye shampiyona bitandukanye, aho Rutsiro kugera ku munsi wa kane wayo yari imbere, gusa ikaba itarorohewe n'imikino yakurikiyeho.
APR FC yo yatangiye inganya imikino ibiri muri itatu yakinnye birangira inatewe mpaga muri umwe mu yo yari yanganyije. Iyi kipe yaje gutsinda umukino uheruka w'umunsi wa cyenda wa Shampiyona yahuriyemo na Vision FC, itsinda mu buryo butavuzweho rumwe kuko penaliti zombi yahawe zibajijweho, nubwo na yo hari ebyiri itahawe izikwiye.
Ikipe y'ingabo z'Igihugu ifite akazi gakomeye ko kwemeza abakunzi bayo kuri uyu mukino, ari na wo wa mbere bagiye gukina nyuma yo kwemeza ubuyobozi bushya, aho Brig. Gen Deo Rusanganwa ari we wagizwe Chairman w'agateganyo wayo.