Vision FC 0-3 Rayon Sports
Uko umukino uri kugenda
Umwanditsi |
: Jahdeau Dukuze |
Amafoto |
: Hervé Kwizera |
20:08
90+4 Umukino urarangiye
Rayon Sports inyagiye Vision FC ibitego 3-0 ikomeza kuguma ku mwanya wa mbere n'amanota 26 mu mikino 10.
Iyi kipe y'i Nyanza izongera gusubira mu kibuga ku wa Gatatu tariki 4 Ukuboza ihura na Muhazi FC.
Iyi kipe y'i Nyanza izongera gusubira mu kibuga ku wa Gatatu tariki 4 Ukuboza ihura na Muhazi FC.
20:06
90+1 Gusimbuza Rayon Sports
Ishimwe Fiston na Elenga bafashe umwanya wa Fall Ngagne na Richard Ndayishimiye.
20:04
90' Iminota itatu y'inyongera
20:04
89' Bagayogo yari atsinze agashinguracumu
Akazi gakomeye gakozwe na Hadji ucenze hafi ikipe yose ya Vision, aterekera umupira Bagayogo, urekuye ishoti rikomeye mu izamu umupira ukubita umutambiko wo hejuru uragaruka ubura usubizamo.
20:02
89' Fall Ngagne yari atsinze Hatrick
Rutahizamu wa Rayon Sports yungukiye mmu burangare bw'abo hagati ba Vision, azamukana umupira mu kibuga hagati, yegereye urubuga rw'amahina atera ishoti rikomeye mu izamu ariko James awufata neza.
19:59
86' Coup Franc ya Rayon Sports
Ikosa rikorewe Hadji, Rukundo ashyize umupira mu izamu ab'inyuma ba Vision hafi kwitsinda, gusa umusifuzi avuga ko hari habayeho ikosa mu rubuga rw'amahina.
19:58
85' Gusimbuza ku ruhande rwa Vision FC
Idriss Cyubahiro asimbuye Olivier Manzi.
19:56
83' Gusimbuza ku ruhande rwa Rayon Sports
Muhire Kevin ahaye umwanya Rukundo Abdurahim
19:55
82' Ikarita y'umuhondo
Yves Rwakazayire ahawe ikarita y'umuhond ku ikosa akoreye Iraguha Hadji.
19:54
80' Gusimbuza ku ruhande rwa Vision
Omar Nizeyimana ahaye umwanya Radjab Mbajineza
19:49
76' Igitego cya gatatu cya Rayon Sports
Fall Ngagne atsinze igitego cya gatatu cya Rayon Sports ari na cyo cya kabiri cye muri uyu mukino, ubwo yarangirizaga mu izamu umupira ahawe na Adama Bagayogo.
19:49
75' Umukino uri kugana mu minota 15 ya nyuma yawo
Rayon Sports iracyakomeje kuyobora umukino ndetse ni yo ikomeje kigaragaza amahirwe yo gutsinda ikindi gitego.
19:42
69' Vision yari igerageje gutungurana
Yves Rwakazayire ugiye mu kibuga asimbuye, ashatse gutungura umunyezamu Khadime, atereye kure cyane umupira ufatwa byoroshye na Khadime Ndiaye.
19:41
67' Gusimbuza ku ruhande rwa Rayon Sports
Kanamugire Roger na Aziz Bassane bahaye umwanya Adama Bagayogo na Niyonzima Ollivier Seif.
19:40
65' Gusimbuza ku ruhande rwa Vision
Yves Rwakazayire na Ndikumana Faustin basimbuye Kwizera Pierrot ukomewe amashyi na Ibrahim Nshimiyimana.
19:38
64' Onesme yari akoze ibikomeye...
...gusa ananirwa ibyoroshye. Uyu rutahizamu wa Vision FC akoze akantu ba myugariro bo hagati ba Rayon Sports, yisanga azamukanye umupira asigaranye na Khadime Ndiaye, gusa uyu munyezamu amurusha umuvuduko amutanga ku mupira.
19:36
62' Fal Ngagne atsindiye Rayon icya gatatu...
Gusa igitego kiranzwe. Umusifuzi wo ku ruhande avuze ko uyu rutahizamu yari yakoreye ikosa Patrick Irambona.
19:32
58' Umukino wagabanyije amarere
Igice cya kabiri kugeza ubu ntabwo kirazamura imbaraga nkuko byari bimeze mu gice cya mbere. Bisa nk'aho buri kipe yemeye kwakira uko bimeze kugeza ubu.
19:28
53' Corner ya Vision FC
Diagne wari ku gitutu cya Onesme arengeje umupira muri Corner. Iyi itewe nabi cyane umupira urenga utageze ku izamu.
19:27
52' Rayon Sports ibuze amahirwe yo gutsinda
Patrick Irambona yihereye impano Muhire Kevin, na we awuterekera neza Aziz Bassane ugeze mu rubuga rw'amahina aho gutera mu izamu ashaka gucenga, birangira atakaje umupira.
19:24
50' Vision ikoze agateroshuma
Umupira wari utakajwe na Muhire Kevin mu kibuga hagati, ugeze kwa Ibrahim Nshimiyimana uwuzamukanye ibumoso, ateye ishoti Khadime Ndiaye awufata neza.
19:22
48' Igice cya kabiri gitangiye nkuko icya mbere cyatangiye
Mu mvura nyinshi iri i Nyamirambo, na none umukino utangiye amakipe yombi akinira mu kibuga hagati. Vision ntabwo iragaragaza ibimenyetso byo gushaka kwishyur, mu gihe Rayon Sports igifite inyota y'ikindi gitego.
19:18
Igice cya kabiri kiratangiye
19:17
Gusimbuza ku ruhande rwa Vision
Stephen Mbony ahaye umwanya Rurangwa Mosi
19:01
Igice cya mbere kirarangiye
Rayon Sports igiye mu karuhuko iyoboye umukino ku bitego 2-0. Muri rusange ni yo kipe yihariye umukino ndetse yanaremye amahirwe menshi yo gutsinda.
18:59
45+2 igitego cya kabiri cya Rayon Sports
Iraguha Hadji atsindiye Rayon Sports igitego cya kabiri ku mupira mwiza ahawe na Kevin
18:56
45' Iminota ibiri y'inyongera
18:56
44' Coup Franc ya Rayon Sports
Ndayishimiye Richard akorewe ikosa hafi yurubuga rw'izamu rye. Umusifuzi Cucuri ahamagaye abaganga ngo baze barebe uyu musore wo hagati wa Rayon Sports.
18:53
37' Imvura yatangiye kwimura abafana i Nyamirambo
Imvura iri kugwa kuri Stade yatumye benshi mu bafana bari ahadatwikiriye bimuka.
18:50
36' Vision FC ihushije igitego
Kwizera Pierrot aterekeye Rugangazi umupira mwiza cyane, uyu yisanga mu rubuga rw'amahina asigaranye na Khadime Ndiaye, gusa aho gushyira umupira mu nshundura arawamurura ujya kure cyane.
18:47
Pierrot yongeye kugerageza
Uyu mukinnyi wigeze kugira ibihe byiza muri Rayon Sports, amaze kugerageza izamu ryayo ubugira kabiri. Aha, umupira muremure atereye inyuma y'urubuga rw'amahina unyuze hejuru cyane.
18:45
33' Vision FC ihushije igitego
Khadime Ndiaye asohotse mu izamu nabi ntiyafata umupira, usanga Omar Nizeyimana mu rubuga rw'amahina, uwuterekeye Onesme, ariko uyu ateye mu izamu Aimable awushyira muri Corner.
18:43
30' Kevin ahushije impano ahawe
Umupira mubi utanzwe na myugariro Stephen Bonny, usanze Fall Ngagne asigaranye n'umunyezamu James, ariko Kapiteni wa Vision FC akiza izamu yihera umupira Kevin Muhire, ushatse gutera mu izamu ariko atera agashoti korohereye gafatwa neza n'umunyezamu James.
18:39
27' Rayon Sports ihushije ikindi
Fall Ngagne abonye umupira mu rubuga rw'amahina, awuterekera neza Aziz Bassane, uteye mu izamu n'umutwe ariko umupira ufatwa n'umunyezamu James.
18:38
25' Igitego cya Rayon Sports
Fall Gagne afunguye amazamu ku mupira mwiza ahawe na Iraguha Hadji, maze na we atsindisha n'umutwe ahagaze mu izamu wenyine.
18:37
24' Rayon Sports ihushije igitego cy'umwaka
Ndayishimiye Richard yari aterekeye umupira muremure Aziz Bassane ashatse gutera mu izamu na Garinja myugariro Manzi aritambika urarenga.
18:34
23' Ikarita y'umuhondo
Kwezera Pierrot yeretswe ikarita y'umuhondo ku ikosa akoreye Muhire Kevn.
18:33
21' Umukino ubaye uhagaze gato
Iraguha Hadji ari kwitabwaho n'abaganga nyuma yo gukorerwa ikosa. Coup Franc ya Rayon Sports ikinwe nabi.
18:32
20' Vision FC 0-0 Rayon Sports
Amakipe yombi ari kunganya kugeza kuri ubu, ariko Rayon Sports ni yo yihariye umukino, ni na yo yaremye amahirwe menshi yo gutsinda.
18:27
15' Rayon Sports yongeye guhusha
Ikipe y'abafana ikomeje kurema amahirwe yo gutsinda. Kuri ubu, Corner yari itewe neza na Kevin Muhire, ubwugarizi bwa Vision bukijije izamu, umupira usanga Omborenga Fitina awushyize mu izamu ujya hanze.
18:24
11' Coup Franc ya Vision
Bassane akoreye ikosa Nshimiyimina Ibrahim hafi y'urubuga rw'amahina. Coup Franc ivuyemo, Ibrahim awushyize mu izamu ariko Nsabimana Aimable awukuramo n'umutwe.
18:23
10' Rayon Sports iri kurema amahirwe ku yandi
Abakinnyi batandukanye barimo Fitina Omborenga na Bassane babonye amahirwe yo gufungura amazamu mu masegonda 30 akurikirana ariko birangira umupira ugeze ku mutwe wa Roger uwushyize hanze.
18:21
08' Rayon Sports yongeye kurema uburyo bwo gutsinda
Umupira mwiza uvuye kwa Hadji, usanze Bassane mu ru rubuga rw'amahina, ashatse kuwuha Fall Ngagne birangira ab'inyuma ba Vision bamuviriyeho inda imwe barawuhagarika.
18:19
06' Corner ya Rayon Sports
Laurent Nshimiye wari ku gitutu cya Hadji, ashyize umupira muri Corner nyamara yashoboraga kuwukina neza.
Corner Kevin nk'ibisanzwe arayiteye ariko igarurwa neza n'ubwugarizi bwa Vision.
Corner Kevin nk'ibisanzwe arayiteye ariko igarurwa neza n'ubwugarizi bwa Vision.
18:17
05' Rayon Sports iremye uburyo bwa mbere
Umupira utakajwe na Vision, Iraguha Hadji awuzamukanye ibumoso, ashaka kugana mu rubuga rw'amahina ariko azibirwa na Misago Jules, ni ko kuwugeza kwa Kevin, uteye mu izamu ariko James Desire awufata neza cyane.
18:15
04' Umukino utangiranye imbaraga nke
Kugeza ku munota wa kane, nta mupira n'umwe uragera ku izamu iryo ari ryo ryose, amakipe yombi se arimo kwigana?
18:14
02' Coup Franc ya Vision FC
Manzi Olivier akorewe ikosa mu kibuga hagati. Umupira muremure na Pierro uhise ugarurwa neza n'ubwugarizi bwa Rayon Sports.
18:12
01' Vision FC yari ihise isatira
Umupira muremure uherejwe rutahizamu Onesme Twizerimana ariko umusifuzi wo ku ruhande avuga ko habayeho kurarira.
18:11
Umukino uratangiye
Cucuri atanze uburenganzira, Vision FC itangiza umukino.
18:08
Amakipe yagarutse mu kibuga
Barangajwe imbere na Komiseri w'umukino, Vision mu myenda yayo isa n'umuhondo wa zahabu ndetse na Rayon Sports mu myenda y'ubururu binjiye mu kibuga. Mu kanya gato umukino uri bube utangiye.
18:01
Amakipe yombi yasoje kwishyushya
Mu kanya gato cyane umukino uri bube utangiye. Kigali Pele abakunzi b'umupira si benshi cyane gusa hari nk'abafana 3500 baje kwihera amaso uno mukino w'umunsi wa 11.
15:10
Abakinnyi 11 ba Vision FC
1. James Desire
2. Stephen Bonny
60. Manzi Olivier
19. Laurent Nshimiye
5. Omar Nizeyimana
15. Misago Jules
44. Patrick Irambona
14. Ibrahim Nshimiyimana
23. Pierre Kwizera Pierrot
21. Prosper Rugangazi
9. Onesme Twizerimana
2. Stephen Bonny
60. Manzi Olivier
19. Laurent Nshimiye
5. Omar Nizeyimana
15. Misago Jules
44. Patrick Irambona
14. Ibrahim Nshimiyimana
23. Pierre Kwizera Pierrot
21. Prosper Rugangazi
9. Onesme Twizerimana
15:02
Abakinnyi Robertinho yahisemo gukoresha uyu munsi
42. Khadime Ndiaye (GK)
13. Omborenga Fitina
24 Bugingo Hakim
29. Youssou Diagne
4. Nsabimana Aimable
26. Kanamugire Roger
6. Ndayishimiye Richard
11. Muhire Kevin
18. Aziz Bassane
99. Iraguha Hadji
12. Fall Ngagne
13. Omborenga Fitina
24 Bugingo Hakim
29. Youssou Diagne
4. Nsabimana Aimable
26. Kanamugire Roger
6. Ndayishimiye Richard
11. Muhire Kevin
18. Aziz Bassane
99. Iraguha Hadji
12. Fall Ngagne
14:59
Umukino wahawe umusifuzi mpuzamahanga
Umukino wa none ugiye kuyoborwa na Ishimwe Claude bakunze kwita Cucuri, aho ari buze kuba yungirijwe na Mutuyimana Dieudonne Dodos nk'umusifuzi wa mbere na Mugisha B. Fabrice nk'umusifuzi wa kabiri wungirije.
Umusifuzi wa kane ni Umutoni Aline
Umusifuzi wa kane ni Umutoni Aline
14:56
Kigali Pelé Stadium imaze kwakira undi mukino
Uyu ni umukino wa kabiri ubereye kuri iki kibuga dore ko mukanya ikipe ya Gorilla na Gasogi zanganyije 2-2.
Mu yindi mikino yabaye,
Gasogi United 2-2 Gorilla FC
Musanze FC 0-0 Etincelles FC
Mukura VS 1-1 Marines FC
Muhazi United 0-2 Bugesera FC
Mu yindi mikino yabaye,
Gasogi United 2-2 Gorilla FC
Musanze FC 0-0 Etincelles FC
Mukura VS 1-1 Marines FC
Muhazi United 0-2 Bugesera FC
14:55
Ikaze kuri Kigali Pelé Stadium
Umukino w'umunsi wa 11 wa Shampiyona ugiye guhuza Vision FC na Rayon Sports, mu gihe gito uri bube utangiye.
Ni amakipe agiye guhura bwa mbere muri Shampiyona, dore ko iyi kipe ya John Birunge ari ubwa mbere izamutse mu cyiciro cya mbere aho intego ari ukukigumamo.
Ikipe ya Vision FC ntabwo yatangiye neza Shampiyona biviramo uwari umutoza wayo, Umwongereza Calum Shaun Selby kwirukanwa asimburwa na Abdu Mbarushimana.
Kuri ubu, Vision yavuye mu makipe ashobora kumanuka mu cyiciro cya kabiri aho iza ku mwanya wa 13 n’amanota umunani mu mikino 10 imaze gukina.
Rayon Sports ni yo iyoboye urutonde nyuma y’umunsi wa 10, aho mu mikino icyenda imaze gukina yatsinzemo irindwi ikanganya ibiri, biyiha amanota 23 kuri 27 yakiniye.
Ni amakipe agiye guhura bwa mbere muri Shampiyona, dore ko iyi kipe ya John Birunge ari ubwa mbere izamutse mu cyiciro cya mbere aho intego ari ukukigumamo.
Ikipe ya Vision FC ntabwo yatangiye neza Shampiyona biviramo uwari umutoza wayo, Umwongereza Calum Shaun Selby kwirukanwa asimburwa na Abdu Mbarushimana.
Kuri ubu, Vision yavuye mu makipe ashobora kumanuka mu cyiciro cya kabiri aho iza ku mwanya wa 13 n’amanota umunani mu mikino 10 imaze gukina.
Rayon Sports ni yo iyoboye urutonde nyuma y’umunsi wa 10, aho mu mikino icyenda imaze gukina yatsinzemo irindwi ikanganya ibiri, biyiha amanota 23 kuri 27 yakiniye.
