APR FC 3-0 Kiyovu Sports
Uko umukino uri kugenda
Umwanditsi |
: Jahdeau Dukuze |
Amafoto |
: Kasiro Claude |
06:03
AMASHUSHO: Reba ibyaranze umukino APR FC yatsinzemo Kiyovu Sports
06:02
Abafana ba Kiyovu Sports batabaje Perezida wa Repubulika
19:56
Umukino urarangiye
APR FC itsinze Kiyovu Sports ibitego 3-0 bya Tuyisenge Arsene, Lamine Baha na Niyibizi Ramadhan.
Ni inshuro ya mbere muri iyi Shampiyona iyi kipe irengeje ibitego bibiri, mu gihe Kiyovu Sports ikomeje kugana ahabi.
Urucaca nyuma yo gutsindwa na APR FC ruzakurikirizaho Gorilla FC mu mpera y'icyumweru, mbere yo gusoreza kuri Vision FC na Muhazi i Ngoma.
Kiyovu Sports izatangira imikino yo kwishyura ikina na APR FC, Rayon Sports, As Kigali na Gasogi United mu mikino itanu ya mbere.
Ni inshuro ya mbere muri iyi Shampiyona iyi kipe irengeje ibitego bibiri, mu gihe Kiyovu Sports ikomeje kugana ahabi.
Urucaca nyuma yo gutsindwa na APR FC ruzakurikirizaho Gorilla FC mu mpera y'icyumweru, mbere yo gusoreza kuri Vision FC na Muhazi i Ngoma.
Kiyovu Sports izatangira imikino yo kwishyura ikina na APR FC, Rayon Sports, As Kigali na Gasogi United mu mikino itanu ya mbere.
19:54
90' APR FC ihushije igitego
Ramadhana azamukanye umupira awugeza mu rubuga rw'amahina, ni ko kuwuterekera Mamadou Sy, ateye mu izamu Djihad awukuramo neza.
19:51
90' Corner ya Kiyovu Sports
Soune akijije izamu arenza umupira muri Corner. Iyi Cedric Ramires ayiteye nabi APR FC yifatira umupira.
19:50
90' Iminota itatu y'inyongera
19:49
Ruboneka Bosco ni we wasigaye ari Kapiteni
Gusimbuzwa kwa Niyomugabo Claude bwa mbere muri uyu mwaka wa Shampiyona bigaragaje ko Ruboneka Bosco ari umwe muri ba Kapiteni kuko ni we wahise afata igitambaro.
19:46
86' Gusimbuza Kiyovu Sports
Guy Kazindu Bahati na Ishimwe Kevin basimbuwe na Niyonkuru Ramadhan na Mugisha Desire.
19:46
85' Gusimbuza kwa APR FC
Mugisha Gilbert ahaye umwanya Johnson Nwobodo Chidiebere mu gihe Niyomugabo Claud asimbuwe na Ishimwe Jean Rene.
19:41
81' Igitego cya gatatu cya APR FC
Niyibizi Ramadhan atsinze igitego cyiza nyuma yo kungukira mu guhuzagurika kw'abakinnyi b'inyuma ba Kiyovu Sports, agatera mu izamu ishoti rikomeye rikubise umutambiko w'izamu wo hejuru rikagana mu nshundura.
19:40
75' APR FC 2-0 Kiyovu Sports
Umukino ukomeje kuyoborwa na APR FC ari na yo iri gushyira imbaraga mu gushaka gutsinda igitego cya gatatu. Birasa nk'aho Kiyovu Sports atari yo ibona umukino urangire.
19:36
Frodouard yari atsinze ikipe yahozemo
Abakinnyi binjiye mu kibuga bahise bigaragaza, Mamadou Sy azamukanye umupira mu kibuga hagati, awuterekera neza Frodouard, uwutereye hanze y'ikibuga ariko Djihad awushyira muri corner.
Iyi itewe na Ramadhan ashaka umutwe wa Clement ariko birangira umupira wigaruriwe neza na Makenzi.
Iyi itewe na Ramadhan ashaka umutwe wa Clement ariko birangira umupira wigaruriwe neza na Makenzi.
19:34
73' Gusimbuza ku ruhande rwa APR FC
Tuyisenge Arsene na Lamine Bah batsinze ibitego, bahaye umwanya Frodouard Mugiraneza na Mamadou Sy.
19:33
71' Kiyovu Sports yari itsindiye muri Corner
Abakinnyi ba APR FC barengeje umupira kubera gusigana, Ishimwe Kevin ayitera neza, Eric Ndizeye ashyizeho umutwe umupira ukubita umutambiko w'izamu uragaruka, ubwugarizi bwa APR FC bwongera kurenza umupira.
Indi corner itewe ku mutwe wa Mbonyi uwuteye hanze.
Indi corner itewe ku mutwe wa Mbonyi uwuteye hanze.
19:31
70' Kiyovu Sports iri gushaka kugabanya ibitego yatsinzwe
Nizigiyimana Karim Makenzi ahaye umupira mwiza Djuma wari mu rubuga rw'amahina, ashatse kuwufunga ufatwa na Pavelh Ndzila.
19:28
66' Kiyovu Sports yongeye guhabwa impano irinanirwa
Ubwugarizi bwa APR FC uyu munsi ntabwo bwashyizemo imbaraga cyane. Aha, Claude ahaye umupira Djuma Nizeyimana wari hafi y'urubuga rw'amahina, ashaka gutungura Pavelh Ndzila, atera ishoti rikomeye ariko umupira ufatwa neza n'uyu munyezamu.
19:27
65' APR FC ikomeje gukora ibitangaza byo guhusha ibitego
Kwitonda Alain Bacca ahawe umupira ku ruhande rw'iburyo, awugejeje hafi y'urubuga rw'amahina awuterekera Kagege, uwushyize neza mu rubuga rw'amahina aho Gilbert yari wenyine, uyu agiye gutsinda aranyerera, gusa agumana umupira, awuterekera Ramadhan na we wari ufite izamu imbere ye ririmo ubusa, gusa ateyemo ashobora kuwunyuza ku ruhande rwawo.
19:24
63' Gusimbuza ku ruhande rwa APR FC
Kwitonda Alain Bacca utaherukaga mu kibuga yishimiwe n'abafana ubwo yari afashe umwanya wa Muzungu.
19:23
60' Corner ya APR FC
Muzungu azamukanye umupira neza, ashatse kuwushyira kwa Arsene Mugenzi Cedric arawurenza.
Corner itewe na Ramadhan neza, Mugisha ageza umupira kwa Lamine Bah ntiyashobora kuwugeza neza kwa Clement wari mu rubuga rw'amahina.
Corner itewe na Ramadhan neza, Mugisha ageza umupira kwa Lamine Bah ntiyashobora kuwugeza neza kwa Clement wari mu rubuga rw'amahina.
19:18
58' APR FC yongeye guhusha
Mamadou Lamine Bah yongeye kubona umupira mwiza mu rubuga rw'amahina, awushyira mu izamu neza, gusa Nzeyurwanda Djihad awukuramo bigoranye maze habura umukinnyi wa APR FC usubizamo.
19:17
56' Gusimbuza ku ruhande rwa Kiyovu Sports
Mugenzi Cedric afashe umwanya wa Hakizimana Felicien
19:16
54' Mugisha Gilbert ahushije icyabazwe
Dushimimana Olivier Muzungu azamukanye umupira mu kibuga hagati awugeza hafi y'urubuga rw'amahina, yubuye amaso abona Mugisha Gilbert wari wenyine mu rubuga rw'amahina, amuha umupira neza, gusa uyu mukinnyi wa APR FC ateye umupira ukubita umutambiko w'izamu uragaruka.
19:14
52' Kiyovu Sports yongeye gushaka gutsinda
Cherif Bayo uri ahantu hose azamukanye umupira mu kibuga hagati, awuterekera Nizigiyimana Abdulkarim wari wenyine iburyo, gusa uyu awugaruye mu rubuga rw'amahina ujya kure cyane.
19:11
49' APR FC ihushije icyabazwe
Tuyisenge Arsene yiherewe impano y'igitego n'ubwugarizi bwa Kiyovu, na we yisanga asigaranye na Djihad, gusa aho kumuroba ashaka kumucenga, maze umupira ntiwamukundira ufatwa n'uyu munyezamu w'Urucaca.
19:08
46' Corner ya Kiyovu Sports
Umupira muremure wari uterekewe Djuma, Ndzila arawumutanze arawurenza. Corner Djuma arayiteye ariko Clement Niyigena akiza izamu.
19:06
Abakunzi ba Kiyovu Sports bari gutabaza umukuru w'Igihugu
Ikipe ya Kiyovu Sports ya nyuma ku rutonde, imaranye iminsi ibibazo by'amikoro byatumye itanashobora kwandikisha abakinnyi bayo 13 bashya.
Iyi kipe iheruka izindi muri Shampiyona, abakunzi bayo bahisemo uyu mukino ngo bagenere ubutumwa Perezida Paul Kagame ngo abe ari ubafasha ngo bikemuke.
Iyi kipe iheruka izindi muri Shampiyona, abakunzi bayo bahisemo uyu mukino ngo bagenere ubutumwa Perezida Paul Kagame ngo abe ari ubafasha ngo bikemuke.
19:05
Igice cya kabiri kiratangiye
APR FC itangije igice cya kabiri ishaka kongera umubare w'ibitego yatsinze.
18:52
Igice cya mbere kirarangiye
Amakipe yombi agiye mu karuhuko APR FC iyoboye umukino ku bitego 2-0.
18:52
45' Tuyisenge Arsene yigize Messi
Uyu mukinnyi wa APR FC umaze gutsinda igitego akanatanga umupira wavuyemo ikindi, yari atsinze icya gatatu cy'ikipe ye ubwo yahabwaga umupira muremure akawutera mu izamu atawuhagaritse ariko Djihad akaguruka akawushyira muri Corner.
18:50
45 Igitego cya kabiri cya APR FC
Mugisha Gilbert atereye umupira muremure Tuyisenge Arsene, uyu na we awuterekera neza Lamine Bah, utereye ishoti inyuma y'urubuga rw'amahina ashyira mu izamu igitego cyiza.
18:49
45' Iminota ine y'inyongera
18:47
44' Igitego cya APR FC
Muzungu akinanye neza na Ruboneka, uhaye umupira Niyomugabo Claude maze uyu awushyira mu rubuga rw'amahina usangamo Tuyisenge Arsene ushyize mu nshundura nubwo Djihad yari awukozeho.
18:45
41' APR FC ihushije icya mbere
Ikipe ya APR FC ku nshuro ya mbere igerageje umunyezamu Djihad, ubwo Bosco yabonaga Tuyisenge Arsene mu rubuga rw'amahina, uyu akarekura ishoti rikomeye mu izamu gusa uyu munyezamu akawurenza.
Corner itewe na Bosco nta mukinnyi wa APR FC uyigezeho umupira urarenga.
Corner itewe na Bosco nta mukinnyi wa APR FC uyigezeho umupira urarenga.
18:44
39' Kiyovu Sports yari iremye uburyo bwo gutsinda
Ndizeye Eric ateye umupira muremure ashaa kuwugeza kwa Nizeyimana Djuma, gusa uyu umusifuzi avuga ko yari yaraririye.
18:42
37' APR FC ikomeje kugorwa n'umukino
Kugeza ubu nta buryo ufatika APR FC yari yarema. Umupira uvuye kwa Lamine Bah, Mugisha Gibert awupfushije ubusa ntiyashobora kuwugeza mu rubuga rw'amahina. Kiyovu Sports ihise yizamukira.
18:40
36' Kiyovu Sports ihushije igitego bigoye kurata kurusha gutsinda
APR FC yari itanze impano ya Noheri. Ruboneka Bosco asubije umupira inyuma wifatirwa na Makenzi wari wenyine imbere y'izamu nta muntu bari kumwe, aho yari asigaranye na Pavelh Ndzila gusa, aratuza, ubwa mbere ashaka kumuroba uyu mucongomani awukuraho uramugarukira, abura icyo akora, ahitamo kuwuterekera Cherif wari mu rubuga rw'amahina, ariko awuteye ufatwa na Pavelh Ndzila
18:38
35' Corner ya APR FC
Abakinnyi ba Darco Novic bari bagerageje gukina ibisomeka, gusa umupira wa Muzungu ukorwaho na Regis ujya hanze.
Corner Claude Niyomugabo awuteye mu biganza bya Djihad.
Corner Claude Niyomugabo awuteye mu biganza bya Djihad.
18:34
30' APR FC itangiye kotsa igitutu Kiyovu Sports
Iyi kipe itangiye kuzamura injyana y'umukino bongeramo ingufu ngo barebe ko bafungura amazamu. Aha, Claude Niyomugabo yari akinanye neza na Mugisha Gilbert, ariko umupira ushyizwe mu rubuga rw'amahina habura umuntu.
18:33
29' Corner ya APR FC
Niyibizi Ramadhan ateye Coup Franc neza ariko urukuta rwa Kiyovu Sports rukoraho gato, umupira ujya hanze
18:31
29' Coup Franc ya APR FC
Cherif Bayo akoreye ikosa Mamadou Lamine Bah, ikipe y'Ingabo z'Igihugu ibona Coup Franc itari kure y'urubuga rw'amahina.
18:30
28' Umukino urasubukuwe
Rulisa ahaye umupira Pavelh Ndzila wongeye gutangiza umukino.
18:29
25' APR FC 0-0 Kiyovu Sports. Umukino ubaye uhagaze gato
Cherif Bayo na Mbonyumuvunyi Regis ba Kiyovu Sports baryamye hasi bagiye kwitabwaho n'abaganga.
18:28
22' Lamine Bah yari akoze akantu
Uyu mukinnyi wo hagati wa APR FC ashoboye gucenga neza Guy Kazindu, azamukana umupira awugeza kwa Muzungu, gusa uyu aho kugana mu rubuga rw'amahina ahitamo kwigarukira inyuma, Kiyovu Sports yongera guhagarara neza.
18:25
20' APR FC ihushije uburyo bwo gutsinda
Ku nshuro ya mbere APR FC muri uyu mukino ishoboye kugerageza gutera mu izamu. Umupira uvuye kwa Mugisha, ufunzwe na Muzungu wari mu rubuga rw'amahina, gusa Lamine Bah awuteye mu izamu ujya hejuru.
18:23
18' APR FC 0-0 Kiyovu Sports
Ikipe ya Kiyovu Sports nubwo yaje muri uyu mukino idahabwa amahirwe, kugeza ubu ni yo iri gukina ibintu bisomoka. Iyi kipe yashoboye kubuza gukina Lamine Bah, moteri w'ikipe ya APR FC.
Abasore ba Joslin bari kwigumira inyuma neza, bagacungira ku ma contre-attaque kandi bakabikina neza.
Abasore ba Joslin bari kwigumira inyuma neza, bagacungira ku ma contre-attaque kandi bakabikina neza.
18:20
14' Coup Franc y'ikipe ya Kiyovu Sports
Nizeyimana Djuma akorewe ikosa na Ruboneka Bosco hafi y'urubuga rw'amahina.
Djuma ahisemo kuyikinana na bagenzi be ariko umupir ahita awamburwa neza na Muzungu na we uhise uwutakaza.
Djuma ahisemo kuyikinana na bagenzi be ariko umupir ahita awamburwa neza na Muzungu na we uhise uwutakaza.
18:18
12' APR FC iri kugerageza kurema amahirwe
Kugeza ubu APR FC ifite ubushake bwo gutsinda ariko guhuza imbere y'izamu biracyari ikibazo.
Nka hano Muzungu yari abonye uburyo bwiza mu rubuga rw'amahina, ashatse gucenga ngo ashyire mu izamu biranga barawumwaka.
Nka hano Muzungu yari abonye uburyo bwiza mu rubuga rw'amahina, ashatse gucenga ngo ashyire mu izamu biranga barawumwaka.
18:15
09' Coup Franc ya Kiyovu Sports
Guy Kazindu akorewe ikosa mu kibuga hagati.
Coup Franc ya Cherif Bayo igaruwe neza na Aliou Souane.
Coup Franc ya Cherif Bayo igaruwe neza na Aliou Souane.
18:11
06' Kiyovu Sports yongeye gukora agateroshuma
Iyi kipe ya nyuma ku rutonde rwa Shampiyona, izamukanye umupira iwukuye mu rubuga rwayo, Cherif Bayo awuterekera neza Nizeyimana Djuma wari ibumoso, na we awuzamukana intambwe eshanu, awugerana hafi y'urubuga rw'amahina abona ko Bayo yarugezemo arawumuha,gusa uyu ateye agashoti kaba gato cyane gafatwa na Ndzila nkaho nta cyabaye.
18:08
04' APR FC iracyagorwa no kurema uburyo bukomeye
Darko Novic yahisemo gutangira umukino nta rutahizamu kuri uyu wa Gatatu, byatumye buri mukinnyi ari kwishakira igitego. Aha, Mugisha Gilbert agerageje amahirwe hanze y'urubuga rw'amahina, gusa umupira we ugarurwa neza n'ubwugarizi bwa Kiyovu Sports.
18:07
03' Kiyovu Sports yari ishatse gusubiza
Iyi kipe yiganjemo abakinnyi bugarira, iremye uburyo bwo gutsinda ubwo Charif Bayo yaterekeraga umupira Guy Kazindu, gusa uyu yawuterera inyuma y'urubuga rw'amahina ukajya hanze y'izamu rya Pavelh Ndzila
18:05
01' APR FC yari ishatse guhita isatira
Byiringiro Gilbert azamukanye umupira ku ruhande rw'iburyo, ashaka kuwugeza mu rubuga rw'amahina ariko birangira ugiye kure cyane ntiwagera kwa Arsene.
18:04
Umukino uratangiye
Rulisa Patience atangije umukino, Kiyovu Sports iwukoraho bwa mbere.
18:04
Amakipe atangiye kugaruka mu kibuga
Kiyovu Sports mu mipira y'icyatsi n'amakabutura y'icyatsi, hamwe na amasogisi y'umweru ije guhangana na APR FC yo yamabaye imipira y'umukara n'umweru n'amakabutura y'umweru mu gihe amasogisi asa n'umweru.
Mukanya gato cyane umukino uri buze kuba utangiye.
Mukanya gato cyane umukino uri buze kuba utangiye.
17:49
Aamakipe yombi yasoje kwishyushya
Kiyovu Sports y'umutoza Joslin na APR FC ya Darco Novic zombi zimaze kwishyushya aho abakinnyi bagiye kumva inama za nyuma z'umutoza mbere yo kugaruka guhura mu mukino.
14:29
Abakinnyi yakoze impinduka ebyiri XI APR FC yabanje mu kibuga
32 Pavelh Ndzila
5 Aliou Souane
13 Niyigena Clement
3 Niyomugabo Claude (c)
18 Byiringiro Gilbert "Kagege"
27 Ruboneka Jean Bosco
22 Niyibizi Ramadhan
14 Lamine Bah
23 Dushimimana Olivier "Muzungu"
27 Tuyisenge Arsene
11 Mugisha Gibert
5 Aliou Souane
13 Niyigena Clement
3 Niyomugabo Claude (c)
18 Byiringiro Gilbert "Kagege"
27 Ruboneka Jean Bosco
22 Niyibizi Ramadhan
14 Lamine Bah
23 Dushimimana Olivier "Muzungu"
27 Tuyisenge Arsene
11 Mugisha Gibert
14:29
XI ba Kiyovu Sports
79 Nzeyurwanda Djihad (GK)
24 Twahirwa Olivier
20 Hakizimana Felicien
15 Ndizeye Eric
77 Mbonyingabo Regis
6 Guy Kazindu
9 Nizeyimana Djuma
16 Nizigiyimana Abdulkarim
21 Byiringiro David
7 Cherif Bayo
10 Ishimwe Kevin
24 Twahirwa Olivier
20 Hakizimana Felicien
15 Ndizeye Eric
77 Mbonyingabo Regis
6 Guy Kazindu
9 Nizeyimana Djuma
16 Nizigiyimana Abdulkarim
21 Byiringiro David
7 Cherif Bayo
10 Ishimwe Kevin
14:27
Umukino wahawe abasifuzi mpuzamahanga
Nyuma y'ibura ry'abasifuzi mpuzamahanga ku mukino wa Derby wo mu mpera z'icyumweru, aba bongeye kugaruka mu kazi i Kigali.
Rulisa Patience ni we usifura umukino w’ikirarane cy’Umunsi wa Kane wa Shampiyona uhuza APR FC na Kiyovu Sports kuri uyu wa Gatatu.
Abasifuzi bo ku ruhande ni Umutesi Alice na Mukirisitu Ange Robert.
Umusifuzi wa Kane ni Kayitare David naho Komiseri w’Umukino ni Kayijuka Gaspard.
Rulisa Patience ni we usifura umukino w’ikirarane cy’Umunsi wa Kane wa Shampiyona uhuza APR FC na Kiyovu Sports kuri uyu wa Gatatu.
Abasifuzi bo ku ruhande ni Umutesi Alice na Mukirisitu Ange Robert.
Umusifuzi wa Kane ni Kayitare David naho Komiseri w’Umukino ni Kayijuka Gaspard.
14:25
Kiyovu Sports mu bibazo by'urusobe
Ikipe ya Kiyovu Sports igiye gukina uno mukino hari umwuka utari mwiza mu ikipe nyuma y'amagambo yatangajwe n'ubuyobozi bwayo, bikoma abahoze bayobora iyi kipe, Ndorimana Jean François Régis 'Général', na Mvukiyehe Juvénal ko ari bo bari inyuma y'ibibazo byose iyi kipe ifite.
Ibi bikaba byaratangajwe nyamara Général yaherukaga gutanga agahimbazamusyi ku mukino w'intsinzi y'imbonekarimwe Kiyovu Sports yari yakuye kuri Etincelles.
Iyi kipe iri kwishimira ko byibura abakinnyi bahembwe ibirarane by'imishahara yabo, nyuma yo gukemura igice ibibazo bari bafitanye na Hotel igitego.
Ibi bikaba byaratangajwe nyamara Général yaherukaga gutanga agahimbazamusyi ku mukino w'intsinzi y'imbonekarimwe Kiyovu Sports yari yakuye kuri Etincelles.
Iyi kipe iri kwishimira ko byibura abakinnyi bahembwe ibirarane by'imishahara yabo, nyuma yo gukemura igice ibibazo bari bafitanye na Hotel igitego.
14:09
Twongeye kuguha ikaze kuri Kigali Pelé Stadium
Nyuma y'icyumweru cyaranzwe na Derby y'imisozi 1000 yaryoshye hanze y'ikibuga kurusha mu kibuga, twagarutse kuri Kigali Pelé Stadium ahagiye kubera umukino w'ikirarane cy'umunsi wa Kane wa Shampiyona hagati ya APR FC na Kiyovu Sports.
Ni amakipe yombi agiye gukina atishimiye ibihe arimo, APR FC imeneyereye gutwara ibikombe, irushwa amanota 11 na mukeba Rayon Sports iri ku mwanya wa mbere.
Kiyovu Sports y'ubukombe mu Rwanda, kuri ubu iza ku mwanya wa nyuma muri Shampiyona n'amanota arindwi mu mikino 11.
Ubwo yamanukaga mu cyiciro cya kabiri mu mwaka wa 2017, Kiyovu Sports yari yarangije imikino ibanza ifite amanota 18 aho kuri ubu byasaba ko itsinda imikino ine isigaje ya APR FC, Gorilla, Muhazi na Vision ngo ibe yageza kuri aya manota.
Ni amakipe yombi agiye gukina atishimiye ibihe arimo, APR FC imeneyereye gutwara ibikombe, irushwa amanota 11 na mukeba Rayon Sports iri ku mwanya wa mbere.
Kiyovu Sports y'ubukombe mu Rwanda, kuri ubu iza ku mwanya wa nyuma muri Shampiyona n'amanota arindwi mu mikino 11.
Ubwo yamanukaga mu cyiciro cya kabiri mu mwaka wa 2017, Kiyovu Sports yari yarangije imikino ibanza ifite amanota 18 aho kuri ubu byasaba ko itsinda imikino ine isigaje ya APR FC, Gorilla, Muhazi na Vision ngo ibe yageza kuri aya manota.