Rayon Sports 2-0 Police FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kasiro Claude |
20:01
Rayon Sports yashyizemo ikinyuranyo cy'amanota umunani ku mwanya wa mbere
Rayon Sports yatsinze Police FC ibitego 2-0 mu mukino w'Umunsi wa 14 waberaga kuri Kigali Pele Stadium, igira amanota 36 ku mwanya wa mbere aho irusha umunani APR FC ya kabiri muri Shampiyona.
Iyi kipe yambara ubururu n'umweru izasubira mu kibuga yakirwa na Mukura VS ku wa 11 Mutarama mu gihe APR FC izakirwa na Amagaju FC ku wa 12 Mutarama.
Mbere yaho, APR FC izakina na Marines FC mu mukino w'ikirarane uteganyijwe tariki ya 8 Mutarama 2025.
Police FC yagumye ku mwanya wa kane n'amanota 23 ndetse yo yasoje imikino 15 ibanza.
Iyi kipe yambara ubururu n'umweru izasubira mu kibuga yakirwa na Mukura VS ku wa 11 Mutarama mu gihe APR FC izakirwa na Amagaju FC ku wa 12 Mutarama.
Mbere yaho, APR FC izakina na Marines FC mu mukino w'ikirarane uteganyijwe tariki ya 8 Mutarama 2025.
Police FC yagumye ku mwanya wa kane n'amanota 23 ndetse yo yasoje imikino 15 ibanza.
19:58
Umukino urarangiye
19:55
90+2' Ikarita y'umuhondo
Mugisha Didier wa Police FC, ahawe ikarita y'umuhondo ashinjwa kwigusha mu rubuga rw'amahina.
19:52
90' Iminota itandatu y'inyongera
Umusifuzi wa Kane, Nsabimana Celestin, yerekanye iminota itandatu y'inyongera.
Abafana ba Rayon Sports bacanye amatoroshi ya telefoni.
Abafana ba Rayon Sports bacanye amatoroshi ya telefoni.
19:52
88' Ikarita itukura
Shami Carnot ahawe ikarita ya kabiri y'umuhondo, ku ikosa akoreye kuri Aziz Bassane inyuma y'urubuga rw'amahina.
Uyu mukinnyi wa Rayon Sports yari yamusize agiye kwinjira ngo atsinde.
19:50
88' Rayon Sports yamaze kwizera intsinzi
Abakinnyi ba Rayon Sports bari gukina bitonze kugira ngo iminota irangire.
Abafana bategereje ko umukino urangira bakajya mu bicu.
19:48
84' Ikarita y'umuhondo
Shami Carnot ahawe ikarita y'umuhondo akiniye nabi Bugingo Hakim wa Rayon Sports.
19:46
83' Ikarita y'umuhondo
Ani Elijah ahawe ikarita y'umuhondo akiniye nabi Aziz Bassane uri kwitabwaho n'abaganga.
19:45
82' Gusimbuza
Ndayishimiye Richard asimbuwe na Rukundo Abdul Rahman ku ruhande rwa Rayon Sports.
19:43
80' Police FC ihushije uburyo bwabazwe
Ani Elijah ahinduye umupira mu rubuga rw'amahina, usanga Msanga Henry uwuteye ukurwamo na Khadime Ndiaye, awusubijemo n'umutwe ujya hejuru y'izamu.
19:42
80' Umukino winjiye mu minota 10 ya nyuma
19:38
75' Coup-franc ya Rayon Sports
Bugingo Hakim ateye umupira uteretse, ahana ikosa ryakorewe kuri Bassane, ujya hejuru gato y'izamu rya Police FC.
19:37
74' Ikarita y'umuhondo
Chukwuma Odili ahawe ikarita y'umuhondo ku ikosa akoreye kuri Aziz Bassane inyuma y'urubuga rw'amahina mu ruhande.
19:34
72' Gusimbuza
Aziz Bassane asimbuye Adama Bagayogo ku ruhande rwa Rayon Sports.
19:32
69' Police FC ihushije uburyo bwiza
Ani Elijah ahawe umupira mwiza mu rubuga rw'amahina, awufunze, ahindukira byihuse atera ishoti rigiye hejuru gato y'izamu.
19:29
66' Abafana ba Rayon Sports bari mu bicu
Abafana ba Rayon Sports bari mu byishimo bidasanzwe nyuma y'uko ikipe yabo ibonye igitego cy'umutekano.
Kugeza ubu barasa n'abizeye gutahana amanota atatu atuma bongera gusiga APR FC ya kabiri amanota umunani.
19:26
62' Igitego cya kabiri cya Rayon Sports
Adama Bagayogo yinjiranye umupira mu rubuga rw'amahina, awuhinduye mu izamu Shami Carnot aritsinda.
Rayon Sports 2-0 Police FC.
19:25
60' Guhuza kwa Police FC byagoranye
Police FC ikomeje gushaka uko yishyura, yananiwe guhuza mu bakinnyi bayo basatira izamu.
Ani Elijah akomeje kugorwa ku mupira yose bagenzi be bamugezaho.
19:18
55' Rayon Sports yirangayeho
Fall Ngagne acenze ba myugariro ba Police FC ku murongo w'urubuga rw'amahina, acomekera umupira Ishimwe Fiston uwinjiranyemo imbere, awutera hanze.
19:18
54' Ikarita y'umuhondo
Msanga Henry ahawe ikarita y'umuhondo ku ikosa akoreye kuri Adama Bagayogo mu kibuga hagati.
19:15
53' Umukino uhagaze gato
Umukino ubaye uhagaze mu gihe hari kuvurwa umunyezamu Niyongira Patience uryamye hasi nyuma yo gusohoka nabi haterwa koruneri ya Rayon Sports.
19:14
52' Umukino wongeye gutangirira hejuru
Muri iyi minota ibanza y'igice cya kabiri, amakipe yombi ari gukina umupira wihuta, uva ku izamu rimwe ujya ku rindi.
19:10
48' Ikarita y'umuhondo
Bugingo Hakim ahawe ikarita y'umuhondo ku ikosa yakoreye kuri Chukwuma Odili.
19:09
Police FC yakoze impinduka ebyiri
Mbere y'uko igice cya kabiri gitangira, Nsabimana Eric 'Zidane' na Hakizimana Muhadjiri basimbuwe na Mugisha Didier na Iradukunda Simeon.
19:07
46' Igice cya kabiri cyatangiye
Adama Bagayogo wa Rayon Sports ateye umupira wa mbere mu gice cya kabiri, akinana na bagenzi be.
18:50
Igice cya mbere kirarangiye
Iminota 45 ibanza n'indi ine y'inyongera, yose irangiye Rayon Sports yatsinze Police FC igitego 1-0 cya Youssou Diagne.
18:47
45' Iminota ine y'inyogera
Umusifuzi wa Kane, Nsabimana Celestin, yerekanye iminota ine y'inyongera.
18:46
45' Igitego cya Rayon Sports
Youssou Diagne afunguye amazamu i Nyamirambo ku mupira aserebetse ujya mu izamu nyuma yo guhindurwa na Fall Ngagne mu rubuga rw'amahina.
18:46
44' Police FC irarokotse
Nsabimana Eric 'Zidane' akijije izamu rya Police FC ku mupira akuye mu izamu nyuma yo gushyirwaho umutwe na Diagne uvuye muri koruneri.
18:43
42' Uburyo bwa Rayon Sports
Serumogo Ali akinanye na Ishimwe Fiston uhaye umupira Ndayishimiye Richard, atera ishoti rinyuze imbere y'izamu rya Police FC.
18:41
40' Coup-franc ya Rayon Sports
Bugingo Hakim ahannye ikosa rikozwe na Odili, umupira ateye ufatwa neza na Niyongira Patience wasohotse.
18:38
37' Umukino uhagaze gato
Umunyezamu wa Police FC, Niyongira Patience, aryamye hasi ndetse ahamagarijwe abaganga kugira ngo bamwiteho.
Abakinnyi ba Rayon Sports baboneyeho kujya kumva inama z'abatoza.
18:37
36' Umukino wagabanyije umuvuduko
Nubwo Rayon Sports ari yo iri gusatira cyane muri iyi minota ndetse isa n'iyaciye akarongo, ariko umukino ntukiri kwihuta nk'uko byari bimeze mu minota 25 ibanza.
18:32
31' Coup-franc ya Police FC
Adama Bagayogo akiniye nabi Ishimwe Christian mu rubuga rwa Rayon Sports.
Ikosa rihanwe n'uyu myugariro wa Police FC, Rayon Sports ikiza izamu.
18:30
29' Ikarita y'umuhondo
Fall Ngagne ahawe ikarita y'umuhondo nyuma yo kubeshya ko akorewe ikosa mu rubuga rw'amahina nyamara umusifuzi Uwikunda Samuel yari ahegereye.
18:29
28' Muhire Kevin ari kunganira abatoza
Muhire Kevin wamaze gusimburwa, arahagurutse ajya aho Robertinho ahagaze, amwereka uko abakinnyi bakabaye bahagarara mu kibuga ngo babyaze umusaruro uburyo Police FC iri gukina.
18:27
25' Gusatira kwa Rayon Sports
Adama Bagayogo ahinduye umupira mwiza mu rubuga rwa Police FC, ukurwaho na Yakubu, ugarukiye Bugingo atera ishoti rigiye ku ruhande.
18:27
25' Gusatira kwa Rayon Sports
Adama Bagayogo ahinduye umupira mwiza mu rubuga rwa Police FC, ukurwaho na Yakubu, ugarukiye Bugingo atera ishoti rigiye ku ruhande.
18:23
22' Gusimbuza
Iraguha Hadji asimbuye Muhire Kevin wavunitse.
18:21
20' Muhire Kevin yongeye kwicara mu kibuga
Muhire Kevin yicaye hasi mu kibuga nubwo kare yari yitaweho n'abaganga agasubira mu kibuga.
Asohotse akomera amashyi abafana ba Rayon Sports.
Hagati aho, na Khadime Ndiaye yicaye hasi ndetse yahamagarijwe abaganga.
Asohotse akomera amashyi abafana ba Rayon Sports.
Hagati aho, na Khadime Ndiaye yicaye hasi ndetse yahamagarijwe abaganga.
18:17
15' Gusatira kwa Police FC
Ani Elijah ahawe umupira mu rubuga rw'amahina, awuteye mu izamu ushyirwa muri koruneri na Serumogo Ali.
Police FC yongeye kuwukina binyuze kuri Ishimwe Christian, Rayon Sports ikiza izamu ryayo.
18:15
13' Muhire Kevin yababaye
Muhire Kevin aryamye hasi nyuma yo kugonga Issah Yakubu mu rubuga rw'amahina rwa Police FC.
Kapiteni wa Rayon Sports abanje kwitabwaho n'abaganga, asohoka mu kibuga acumbagira.
Kapiteni wa Rayon Sports abanje kwitabwaho n'abaganga, asohoka mu kibuga acumbagira.
18:14
12' Police FC iri kugerageza amashoti ya kure
Mu gihe kitarenze umunota, Hakizimana Muhadjiri na Ishimwe Christian babonye imipira bari kure y'izamu, batera amashoti yagiye hanze.
18:11
9' Rayon Sports ihushije uburyo bubiri bwabazwe
Fall Ngagne acomekewe umupira mwiza asiga myugariro Yakubu wari hasi, atera ishoti rikomeye rikuwemo na Niyongira Patience, asubijemo umupira na bwo ukurwamo n'uyu munyezamu uhise utabarwa na bagenzi be.
18:09
8' Uko amakipe yombi yaserutse kuri uyu mugoroba
18:08
6' Gusatira kwa Rayon Sports
Ishimwe Fiston abaye nk'uwambukiranya ikibuga, atanga umupira kuri Serumogo Ali uwuhinduye mu izamu, ushyirwa muri koruneri na Yakubu Issah.
Rayon Sports iwusubije mu kibuga, ufatwa neza na Niyongira Patience uhise uwutera imbere.
18:06
4' Uburyo bwa Police FC
Rayon Sports na Police FC ziri gukinisha imipira miremire mu busatirizi, mu gihe guhererekanya imipira migufi biri kuba gake mu kibuga hagati.
Chukwuma Odili acenze Bugingo Hakim, ahinduye umupira ntiwagera ku mutwe wa Hakizimana Muhadjiri ujya hanze.
18:01
Umukino watangiye
Police FC ni yo yatangiranye umupira watewe na Ani Elijah, asubiza inyuma kuri bagenzi be.
17:51
Umusaruro wa Police FC mu mikino itanu iheruka
Police FC yatsinze imikino ibiri, inganya ibiri ndetse itsindwa umwe muri itanu iheruka gukina muri Shampiyona.
17:45
Amakipe yombi asoje kwishyushya
Abakinnyi ba Police FC ndetse n'aba Rayon Sports, bose basubiye mu rwambariro nyuma yo kwishyushya.
Ni mu gihe abasifuzi bo bakomeje kwishyushya.
Umukino uratangira mu minota 15 iri imbere.
17:44
Uko Rayon Sports yitwaye mu mikino itanu iheruka gukina
Rayon Sports yatsinze imikino ine muri itanu iheruka gukina, ndetse ntiratsindwa mu mikino 13 ya Shampiyona y'uyu mwaka.
17:42
Umukino wahawe abasifuzi mpuzamahanga
Abagiye kuyobora umukino barangajwe imbere na Uwikunda Samuel uza kuba ari mu kibuga hagati.
Abasifuzi bo ku mpande ni Mutuyimana Dieudonne na Ishimwe Didier.
Umusifuzi wa Kane ni Nsabimana Celestin mu gihe Komiseri w'Umukino ari Munyemana Hudu.
17:40
Rayon Sports yihariye intsinzi mu mikino iheruka kuyihuza na Police FC
Mu mikino itanu iheruka guhuza amakipe yombi muri Shampiyona, Rayon Sports yatsinzemo itatu, Police FC itsinda umwe mu gihe amakipe yombi yanganyije inshuro imwe.
Rayon Sports yatsinze imikino ibiri iheruka.
17:37
Abakinnyi ba Rayon Sports babanje mu kibuga
Umutoza wa Rayon Spports, Robertinho, yabanjemo:
Khadime Ndiaye
Youssu Diagne
Omar Gning
Serumogo Ali
Bugingo Hakim
Kanamugire Roger
Muhire Kevin (c)
Ndayishimiye Richard
Fall Ngagne
Ishimwe Fiston
Adama Bagayogo
17:35
Abakinnyi ba Police FC babanje mu kibuga
Umutoza wa Police FC, Mashami Vincent, yahisemo kubanzamo:
Niyongira Patience
Yakubu Issah
Msanga Henry
Ishimwe Christian
Chukwuma Odili
Hakizimana Muhadjiri
Nsabimana Eric (c)
ChimezIe David
Bigirimana Abedi
Sibomana Shami Carnot
Ani Elijah
Niyongira Patience
Yakubu Issah
Msanga Henry
Ishimwe Christian
Chukwuma Odili
Hakizimana Muhadjiri
Nsabimana Eric (c)
ChimezIe David
Bigirimana Abedi
Sibomana Shami Carnot
Ani Elijah
17:29
Uko indi mikino yabaye kuri uyu wa Gatandatu yagenze
FT: Musanze FC 0-1 APR FC
FT: AS Kigali 2-1 Gasogi United
17:22
Ikipe ya Police FC igera kuri Stade i Nyamirambo
17:20
Rayon Sports igera kuri Stade ya Kigali i Nyamirambo
17:20
Ikaze kuri Kigali Pele Stadium
Umwaka mushya muhire wa 2025 n'impera nziza z'icyumweru! IGIHE ibahaye ikaze kuri Kigali Pele Stadium, ahagiye kubera umukino w'Umunsi wa 14 wa Shampiyona hagati ya Rayon Sports na Police FC.
Rayon Sports ni yo iyoboye Shampiyona n'amanota 33 mu gihe Police FC ifite amanota 23 ku mwanya wa kane.
Umukino uratangira saa Kumi n'Ebyiri.