Rayon Sports 1-1 Police FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kasiro Claude & Umwari Sandrine |
23:33
Amashusho y'ibyaranze umukino
20:28
"Police yacu" ni yo ntero muri Pele Stadium
Abafana ba Police FC n'aba APR FC bari babashyigikiye, bose bari kuririmbira hamwe bati "Police yacu".
Ni mu gihe abafana ba Rayon Sports basohotse muri stade bihuta.
Abakinnyi ba Police FC bazengurutse mu mpande zose z'ikibuga bashimira abafana.
Mu 2024, Police FC yegukanye Igikombe cy'Intwari itsinze APR FC ibitego 2-1.
Ku wa Gatandatu hazatsinda nde? Ni byo dutegereje kureba icyo gihe.
Mugire umugoroba mwiza.
20:22
Police FC isanze APR FC ku mukino wa nyuma
Police FC yageze ku mukino wa nyuma w'Igikombe cy'Intwari isezereye Rayon Sports yatsinze penaliti 3-1 nyuma yo kunganya igitego 1-1 mu minota 90.
Ikipe y'abashinzwe umutekano izahura na APR FC ku wa Gatandatu, tariki ya 1 Gashyantare 2025.
Ni ku nshuro ya kabiri yikurikiranya Police FC igeze ku mukino wa nyuma w'Igikombe cy'Intwari yatwaye mu 2024.
Mu mwaka ushize, na bwo yasezereye Rayon Sports iyitsinze kuri penaliti muri 1/2.
Ikipe y'abashinzwe umutekano izahura na APR FC ku wa Gatandatu, tariki ya 1 Gashyantare 2025.
Ni ku nshuro ya kabiri yikurikiranya Police FC igeze ku mukino wa nyuma w'Igikombe cy'Intwari yatwaye mu 2024.
Mu mwaka ushize, na bwo yasezereye Rayon Sports iyitsinze kuri penaliti muri 1/2.
20:21
Rayon Sports ihushije penaliti ya gatatu
Azziz Bassane ateye penaliti ya kane ya Rayon Sports, umunyezamu Niyongira Patience ayikuramo.
20:20
Police FC itsinze penaliti ya gatatu
Mugisha Didier ateye penaliti ya kane ya Police FC, ayinjiza neza.
20:19
Rayon Sports ihushije penaliti ya kabiri
Omar Gning ateye penalit ya gatatu ya Rayon Sports, Niyongira Patience ayikozaho ukuguru ijya hanze.
20:18
Police FC itsinze penaliti ya kabiri
Ani Elijah ateye penaliti ya gatatu ya Police FC, ayinjiza neza.
20:17
Rayon Sports yinjije penaliti imwe
Serumogo ateye penaliti ya kabiri ya Rayon Sports, ayinjiza neza.
20:16
Police FC yinjije penaliti imwe
Allan Katerega ateye penaliti ya kabiri ya Police FC, arayitsinda.
20:15
Rayon Sports ihushije penaliti ya mbere
Youssou Diagne ateye penaliti ya mbere ya Rayon Sports, Umunyezamu Niyongira Patience ayikuramo.
20:14
Police FC ihushije penaliti ya mbere
Hakimana Muhadjiri ateye penaliti ya mbere ya Police FC, ayitera hejuru y'izamu
20:09
Zidane ajyanywe muri ambulance
Nsabimana Eric 'Zidane' wongeye kwicara mu kibuga umukino ugiye kurangira, ajyanywe muri ambulance kugira ngo yitabweho nibiba ngombwa ajye kwa muganga.
20:07
Hagiye gukurikiraho za penaliti
Iminota 90 y'umukino wa kabiri wa 1/2 cy'Igikombe cy'Intwari irangiye Rayon Sports inganya na Police FC igitego 1-1.
Hagiye gukurikiraho za penaliti.
Hagiye gukurikiraho za penaliti.
20:06
Umukino urarangiye
20:02
90+4' Coup-franc ya Police FC
Niyonzima Olivier Seif akiniye nabi Mugisha Didier inyuma y'urubuga rw'amahina mu ruhande.
Ikosa rihanwe na Hakizimana Muhadjiri, umupira ukurwaho na Fall Ngagne.
19:58
90+2' Gusimbuza
Byiringiro Lague asimbuwe na Hakizimana Muhadjiri.
Nsabimana Eric wari wababaye, asabye gusubira mu kibuga.
Nsabimana Eric wari wababaye, asabye gusubira mu kibuga.
19:56
90' Iminota irindwi y'inyongera
Umusifuzi wa Kane, Nizeyimana Is'haq, yerekanye iminota irindwi y'inyongera.
Umukino wabaye uhagaze mu gihe hari kuvurwa Nsabimana Eric 'Zidane' wagonganye na Fall Ngagne imbere y'izamu rya Police FC.
Umukino wabaye uhagaze mu gihe hari kuvurwa Nsabimana Eric 'Zidane' wagonganye na Fall Ngagne imbere y'izamu rya Police FC.
19:55
89' Ikarita y'umuhondo
Bigirimana Abeddy ahawe ikarita y'umuhondo akoze mu maso Ndayishimiye Richard wari umuri inyuma.
19:53
87' Umunyezamu wa Rayon Sports aryamye hasi
Ani Elijah ateye umupira mu izamu, ukuwemo na Ndikuriyo Patient ahita aryama hasi, ahamagarirwa abaganga.
Police FC iri gusatira cyane ishaka igitego cya kabiri.
19:49
83' Uburyo bwiza bwa Police FC
Allan Katerega ateye koruneri, umupira usanga Msanga Henry wari ugiye kongera gushyira mu izamu n'umutwe, ku bw'amahirwe make umupira uca hejuru gato y'izamu ririnzwe na Patient.
19:45
79' Gusimbuza
Iraguha Hadji avuyemo, aha umwanya Umunyezamu Ndikuriyo Patient.
Rayon Sports yasigaye ari abakinnyi 10.
Rayon Sports yasigaye ari abakinnyi 10.
19:43
77' Ikarita itukura
Umunyezamu Khadime Ndiaye usohowe ku ngobyi, ahawe ikarita itukura kubera gukubita Lague wari umaze kumukinira nabi.
19:41
73' Khadime Ndiaye ari gusabirwa ikarita itukura
Byiringiro Lague akiniye nabi umunyezamu Khadime Ndiaye ubwo yari asatiriye izamu umupira usa n'ugiye hanze, uyu munyezamu arahaguruka amukanda umutwe.
Abakinnyi ba Police FC n'abafana bari muri Stade bakomeje gushyira igitutu ku musifuzi Nsabimana Celestin.
Khadime Ndiaye ari kuvurwa.
Abakinnyi ba Police FC n'abafana bari muri Stade bakomeje gushyira igitutu ku musifuzi Nsabimana Celestin.
Khadime Ndiaye ari kuvurwa.
19:38
70' Uburyo bwa Police FC
Ishimwe Christian ahinduye umupira mu rubuga rw'amahina, usanga Bigirimana Abeddy ushyizeho umutwe, ujya hejuru y'izamu rya Khadime Ndiaye.
19:35
69' Gusimbuza
Kanamugire Roger asimbuwe na Ishimwe Fiston ku ruhande rwa Rayon Sports.
Bagayogo yasimbuwe na Ndayishimiye Richard.
Bagayogo yasimbuwe na Ndayishimiye Richard.
19:35
68' Byiringiro Lague abwiye umusifuzi Celestin ko atari kubanira Police FC
Ishimw Christian akiniwe nabi imbere ya Nsabimana Celestin uvuze ko umukino ukomeza, ariko Police FC yirwanaho ikiza izamu.
Ubwo Nsabimana Celestin yari ahagaritse umukino ngo uyu mukinnyi avurwe, Byiringiro Lague amubwiye ko yabyirengagije nkana kandi we yamusifuriye ikosa nk'iryo akanamuha ikarita y'umuhondo.
Bombi bateranye amagambo, uyu musifuzi yihanangiriza Lague.
19:27
61' Ikarita y'umuhondo
Issah Yakubu ahawe ikarita y'umuhondo akiniye nabi Fall Ngagne.
Bigirimana Abeddy yeretse umusifuzi Nsabimana Celestin ko na bo atabasifuriye ikosa ryabanje gukorerwa kuri Ani Elijah.
Bigirimana Abeddy yeretse umusifuzi Nsabimana Celestin ko na bo atabasifuriye ikosa ryabanje gukorerwa kuri Ani Elijah.
19:24
60' Byiringiro Lague yazamuye urwego rwa Police FC
Byiringiro Lague ari mu bakinnyi bahagaze neza kugeza ubu muri uyu mukino.
Uyu mukinnyi wavuye muri Suede, ari guha Rayon Sports akazi ndetse imipira myinshi ya Police FC ni we iri gucaho.
19:19
54' Gusatira kwa Rayon Sports
Adama Bagayogo yinjiye mu rubuga rw'amahina, atera umupira ashaka Fall Ngagne, uca hagati y'abakinnyi ba Police FC ujya hanze.
19:18
52' Ikarita y'umuhondo
Byiringiro Lague yahawe ikarita y'umuhondo akiniye nabi Serumogo Ali mu kibuga hagati.
19:17
52' Amwe mu mafoto yaranze igice cya mbere
19:16
50' Uburyo bwa Police FC
Ishimwe Christian ateye umupira uteretse, usanga Ani Elijah ushyizeho umutwe, ujya ku ruhande gato rw'izamu rya Rayon Sports.
19:14
49' Ikarita y'umuhondo
Azziz Bassane ahawe ikarita y'umuhondo nyuma yo kubuza Police FC guhana ikosa.
19:10
46' Igice cya kabiri cyatangiye
Rutahizamu wa Rayon Sports, Fall Ngagne, ni we utangiranye umupira mu gice cya kabiri kigomba gutanga ikipe isanga APR FC ku mukino wa nyuma w'Igikombe cy'Intwari.
19:10
Gusimbuza
Rukundo Abdul Rahman yasimbuwe na Azziz Bassane ku ruhande rwa Rayon Sports.
18:52
Igice cya mbere kirarangiye
Iminota 45 ibanza y'umukino wa kabiri wa 1/2 cy'Igikombe cy'Intwari irangiye Rayon Sports inganya na Police FC igitego 1-1.
Abakinnyi b'amakipe yombi bagiye kumva inama z'abatoza mu gihe cy'iminota 15.
18:51
45+3' Abafana ba APR FC bari mu bicu
Abafana ba APR FC ni bo bafite ijambo muri aka kanya, mu gihe aba-Rayons batuje kuko ikipe yabo iri gusatirwa cyane nyuma yo kwishyurwa na Police FC.
Ani Elijah yashobora gutsinda igitego cya kabiri, umupira ateresheje umutwe ujya hejuru y'izamu.
Ani Elijah yashobora gutsinda igitego cya kabiri, umupira ateresheje umutwe ujya hejuru y'izamu.
18:48
45+2' Igitego cyo kwishyura cya Police FC
Msanga Henry yishyuriye Police FC ku mupira ateresheje umutwe nyuma yo gusumba abakinnyi ba Rayon Sports, uvuye muri koruneri.
18:46
45' Iminota itanu y'inyongera
Umusifuzi wa Kane, Nizeyimana Is'haq, yerekanye iminota itanu y'inyongera.
Police FC iri gushaka igitego cyo kwishyura.
18:45
44' Police FC irarokotse
Fall Ngagne asize Ashraf Mandela, ahindura umupira ukuweho usanga Bagayogo awurenza Niyongira, ariko ukurirwamo ku murongo na Nsabimana Eric Zidane.
18:41
40' Amwe mu mafoto y'umukino
18:34
33' Kigali Pele Stadium yuzuye
Nubwo hari igice gito kitarimo abafana, ariko ukurikije uburyo benshi bicucitse ahatwikiriye, bakaba bahagaze aho kwicara, ntiwabura kuvuga ko iyi Stade irimo abafana bose bakabaye bayirimo.
18:32
31' Niyongira aratabaye
Fall Ngagne yashoboraga gutsinda igitego cya kabiri ku mupira ahawe ari hagati y'abakinnyi ba Police FC, ateye ishoti rikurwamo na Niyongira ushyize umupira muri koruneri.
18:30
29' Uburyo bwa Police FC
Byiringiro Lague ashatse kuroba Umunyezamu Khadime Ndiaye wari ahagana imbere, umupira ateye mu kirere ujya hejuru y'izamu rya Rayon Sports.
18:29
29' Gusatira kwa Rayon Sports
Iraguha Hadji ahaye umupira Rukundo uteye ishoti rikomeye ari mu rubuga rw'amahina, umupira uca imbere y'izamu ujya hanze.
18:28
26' Coup-franc ya Police FC
Police FC ihannye ikosa ku mupira wari uteretse inyuma y'urubuga rw'amahina, Yakubu Issah awutera hirya y'izamu rya Rayon Sports.
18:24
24' Ikarita y'umuhondo
Youssou Diagne ahawe ikarita y'umuhondo akiniye nabi Byiringiro Lague inyuma gato y'urubuga rw'amahina.
18:20
19' Igitego cya Rayon Sports
Gusohoka nabi k'umunyezamu Niyongira Patience akagera hanze y'urubuga rw'amahina, akabisikana na Iraguha Hadji, bihesheje uyu mukinnyi wa Rayon Sports gutsinda mu izamu ryambaye ubusa.
18:18
17' Police FC ifite abafana benshi
Buri uko Police FC ifashe umupira isatira, hari abafana benshi bagaragaza ko bayishyigikiye.
18:15
15' Rutahizamu mushya wa Rayon Sports ari mu bari kuri uyu mukino
Adulai Jaló yaje kureba ikipe agomba gusinyira, ku mukino iri guhuramo na Police FC.
Muhire Kevin umaze iminsi yaravunitse, ntiyakinnye.
Muhire Kevin umaze iminsi yaravunitse, ntiyakinnye.
18:13
14' Umukino watangiriye ku muvuduko wo hejuru
Amakipe yombi yatangiranye igitutu cyo gusatira, ndetse ubona ko guhuza byagoranye ariko umupira wo urihuta cyane, buri kipe irawubona igashaka gusatira izamu.
18:11
11' Uko amakipe yombi yaserutse kuri uyu mugoroba
18:11
10' Uburyo bwa Rayon Sports
Iraguha Hadji ahaye umupira mwiza Rukundo Abdul Rahman, atera ishoti rikomeye rikuwemo na Niyongira uhise uhaguruka afata umupira.
18:09
7' Coup-franc ya Police FC
Allan Katerega ahannye ikosa rikorewe kuri Byiringiro Lague, umupira ukurwaho na Fall Ngagne, Rayon Sports izamutse, Nsabimana Eric Zidane arayihagarika.
18:06
4' Gusatira kwa Police FC gusubijwe inyuma
Byiringro Lague ahaye umupira Ishimwe Christian ukinanye na Ani Elijah, ateye ishoti rikuwemo na myugariro wa Rayon Sports, umusifuzi wo ku ruhande agaragaza ko hari habayeho kurarira.
18:04
2' Rayon Sports yatangiriye hejuru
Umunyezamu Niyongira yari yicaye hasi nyuma y'umupira uhinduwe na Serumogo, ugakurwaho n'umutwe na Yakubu mbere y'uko Ishimwe Chistian awushyira muri koruneri itagize icyo itanga.
18:01
Umukino uratangiye
Iminota 90 igena ikipe isanga APR FC ku mukino wa nyuma yatangiye.
Umusifuzi Nsabimana Celestin yatangije umukino, umupira wa mbere uterwa na Ani Elijah wa Police FC.
Abakinnyi ba Rayon Sports babanje gukora inama ngufi mu kibuga.
Rayon Sports yambaye umweru mu gihe Police FC yambaye ubururu.
Mu mwaka ushize, Police FC ni yo yegukanye Igikombe itsinze APR FC. Yari yasezereye Rayon Sports muri 1/2.
17:47
Amakipe yombi yasoje kwishyushya
Abakinnyi b'amakipe yombi n'abasifuzi, bose basubiye mu rwambariro nyuma yo kwishyushya.
Umukino uratangira saa Kumi n'Ebyiri zuzuye.
17:44
Umukino urayoborwa na Nsabimana Celestin
Umusifuzi mpuzamahanga Nsabimana Celestin ni we ugiye kuyobora umukino nk'umusifuzi wo hagati.
Ishimwe Didier na Umutesi Alice ni bo basifuzi bo ku ruhande mu gihe Umusifuzi wa Kane ari Nizeyimana Is’haq.
Ishimwe Didier na Umutesi Alice ni bo basifuzi bo ku ruhande mu gihe Umusifuzi wa Kane ari Nizeyimana Is’haq.
17:29
Abakinnyi ba Police FC babanje mu kibuga
Umutoza Mashami Vincent yahisemo gukoresha:
Niyongira Patience
Nsabimana Eric (c)
Ishimwe Christian
Bigirimana Abeddy
Mandela Ashraf
Ani Elijah
Msanga Henry
Mugisha Didier
Issah Yakubu
Allan Katerega
Byiringiro Lague
Abasimbura: Onesime, Muhadjiri, David, Akuki, Pacifique, Chukwuma, Tia, Fred na Ali.
17:27
Abakinnyi ba Rayon Sports babanje mu kibuga
Umutoza Robertinho yahisemo gukoresha:
Khadime Ndiaye
Bugingo Hakim
Serumogo Ali
Youssou Diagne
Omar Gning
Niyonzima Olivier Seif
Kanamugire Roger
Adama Bagayogo
Rukundo Abdul Rahman
Fall Ngagne
Iraguha Hadji
Abasimbura: Patient, Ganijuru, Elanga, Fiston, Pascal, Bassane, Emmanuel, Mugisha na Richard.
17:15
Ikaze na none kuri Kigali Pele Stadium
IGIHE yongeye kubaha ikaze kuri Stade ya Kigali yitiriwe Pele ahagiye kubera umukino wa kabiri wa 1/2 cy'Igikombe cy'Intwari hagati ya Rayon Sports na Police FC.
Ikipe ikomeza hagati y'izi zombi izahura na APR FC ku mukino wa nyuma, yo yahageze itsinze AS Kigali ibitego 2-0.
