Kiyovu Sports 1-2 Rayon Sports
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kwizera Remy Moses & Umwari Sandrine |
19:59
Rayon Sports ishyizemo amanota atandatu ku mwanya wa mbere
Rayon Sports yatsinze Kiyovu Sports ibitego 2-1 mu mukino w'Umunsi wa 17 wa Shampiyona waberaga i Nyamirambo, igira amanota 40 ku mwanya wa mbere ndetse ishyize ikinyuranyo cy'amanota atandatu hagati yayo na APR FC ya kabiri.
APR FC izakina na AS Kigali ku Cyumweru saa Kumi n'Ebyiri.
Kiyovu Sports igumye ku mwanya wa nyuma n'amanota 12.
APR FC izakina na AS Kigali ku Cyumweru saa Kumi n'Ebyiri.
Kiyovu Sports igumye ku mwanya wa nyuma n'amanota 12.
19:58
Umukino urarangiye
19:55
90+3' Gusimbuza
Adama Bagayogo asimbuwe na Adulai Jalo ku ruhande rwa Rayon Sports.
19:55
90+2' Coup-franc ya Rayon Sports
Muhire Kevin ahannye ikosa ryakorewe kuri Rukundo, umupira ushyizweho umutwe na Ngagne ufatwa neza na ishimwe Patrick.
19:53
90' Iminota itanu y'inyongera
Umusifuzi wa Kane, Umutoni Aline, yerekanye iminota itanu y'inyongera.
Kiyovu Sports yakangutse, iri gusatira ishaka igitego cyo kwishyura.
Kiyovu Sports yakangutse, iri gusatira ishaka igitego cyo kwishyura.
19:48
86' Ikarita y'umuhondo
Adama Bagayogo ahawe ikarita y'umuhondo akiniye nabi Tabu Crespo.
19:47
84' Gusimbuza
Mosengo Tansele asimbuwe na Uwineza Rene ku ruhande rwa Kiyovu Sports.
19:43
80' Umukino ugeze mu minota 10 ya nyuma
Rayon Sports iri gusatira ishaka igitego cya gatatu.
Kiyovu Sports isa n'iyananiwe, iri gukinira inyuma cyane ndetse uburyo yazamukaga byagabanutse.
19:39
76' Ikarita y'umuhondo
Mugenzi Cedric ahawe ikarita y'umuhondo akiniye nabi Falll Ngagne hagati mu kibuga, ku ruhande.
19:37
73' Coup-franc ya Kiyovu Sports
Nsabimana Aimable akiniye nabi Msengo Tansele wari ushyize umupira imbere ngo biruke.
Ni umupira utreretse inyuma hirya y'urubuga rw'amahina mu ruhande.
Ikosa rihanwe na Tansele, Rayon ikiza izamu.
Ni umupira utreretse inyuma hirya y'urubuga rw'amahina mu ruhande.
Ikosa rihanwe na Tansele, Rayon ikiza izamu.
19:33
70' Umusifuzi Rulisa ashyizwe ku gitutu atanga ikarita y'umuhondo
Rulisa Patience yari yanze gutanga ikarita y'umuhondo ku ikosa ryakozwe na Bugingo Hakim, ariko abakinnyi ba Kiyovu Sports barimo Mosengo Tansele baramuzenguruka, ahamagara Bungo arayimwereka.
19:31
68' Igitego cya kabiri cya Rayon Sports
Iraguha Hadji atsinze igitego cyiza ku mupira atereye ahagana ku murongo w'urubuga rw'amahina imbere.
19:30
67' Uburyo bwa Rayon Sports
Bugingo Hakim ahinduye umupira mwiza mu rubuga rw'amahina, ugeze kuri Rukundo awukinisha umutwe, ufatwa na Ishimwe Patrick.
19:27
65' Kiyovu Sports ni yo kipe nziza kugeza ubu
Kiyovu Sports iri gukina neza muri iyi minota ibanza y'igice cya kabiri.
Rayon Sports iracyagorwa no guhuza.
Rayon Sports iracyagorwa no guhuza.
19:24
62' Gusimbuza
Iraguha Hadji na Rukundo Abdul Rahman basimbuye Aziz Bassane na Ishimwe Fiston ku ruhande rwa Rayon Sports.
19:23
60' Gusimbuza
Mutunzi Dacy asimbuye Ishimwe Kevin naho Mugisha Desire asimburwa na Mugenzi Cedric ku ruhande rwa Kiyovu Sports
19:22
58' Kiyovu Sports yasabaga penaliti
Mosengo Tansele yinjiye mu rubuga rw'amahina, ateranwa umupira na Souleymane Daffe agwa hasi.
Umusifuzi yerekanye koruneri mu gihe Mosengo ari we warengeje umupira kandi akaba yasabaga penaliti.
Umusifuzi yerekanye koruneri mu gihe Mosengo ari we warengeje umupira kandi akaba yasabaga penaliti.
19:18
55' Rayon Sports ihushije uburyo bwiza
Ishimwe Fiston ahinduye umupira mwiza mu rubuga rw'amahina, Aziz Bassane awukina n'umutwe ntiyawugeraho neza, uguye ku kirenge cya Muhire Kevin ujya hejuru y'izamu.
Umusifuzi wo ku ruhande ahise yerekana ko habayeho kurarira.
19:15
53' Kiyovu Sports yasunitse Rayon Sports
Muri iyi minota, Kiyovu Sports yabujije Rayon Sports gukina ndetse buri mupira ifashe iri guhita iyiwambura.
19:12
49' Uburyo bwa Kiyovu Sports
Mosengo acomekeye umupira Ishimwe Kevin, ashatse kuroba Umunyezamu Khadime, Bugingo Hakim ashyira umupira muri koruneri itagize icyo itanga.
19:08
46' Igice cya kabiri cyatangiye
Kiyovu Sports yatangiranye umupira, Bayo atera ishoti rirerire ryahise rifatwa na Khadime Ndiaye.
19:02
Andi mafoto yaranze igice cya mbere
18:58
Rayon Sports iracyagorwa mu busatirizi
Kuri uyu wa Gatandatu, Umutoza Robertinho yahisemo gukinisha Ishimwe Fiston, Adama Bagayogo na Aziz Bassane, yicaza Iraguha Hadji mu gihe adafite Ndayishimiye Richard ufite amakarita atatu y'umuhondo.
Souleymane Daffe na Muhire Kevin barushije imbaraga hagati ha Kiyovu Sports, ariko Ishimwe Fiston, Bassane na Bagayogo bibuze mu kibuga kugeza ubu.
Igitego cyatsinzwe na Tansele cyaturutse ku kuzamuka cyane kwa Omborenga mu gihe Youssou Diagne atahamubereye uko byakagombye.
Umunyezamu Khadime Ndiaye yabaye nk'ukijijinganya ashaka kumenya aho Tansele ashyira umupira.
Souleymane Daffe na Muhire Kevin barushije imbaraga hagati ha Kiyovu Sports, ariko Ishimwe Fiston, Bassane na Bagayogo bibuze mu kibuga kugeza ubu.
Igitego cyatsinzwe na Tansele cyaturutse ku kuzamuka cyane kwa Omborenga mu gihe Youssou Diagne atahamubereye uko byakagombye.
Umunyezamu Khadime Ndiaye yabaye nk'ukijijinganya ashaka kumenya aho Tansele ashyira umupira.
18:55
Kiyovu Sports yagaragaje imbaraga zihariye mu gice cya mbere
Nubwo Kiyovu Sports idafite hagati hakomeye, ndetse uruhare rw'abarimo Sharif Bayo rukaba rwabuze, ariko yitwaye neza mu minota 45 y'igice cya mbere.
Kugeza ubu impande za Mosengo Tansele na Ishimwe Kevin ziri gukina neza ndetse ubwugarizi na bwo nta makosa burakora, uretse igisa n'uburangare cyavuyemo igitego cyinjijwe na Fall Ngagne ku mupira yacomekewe uvuye hagati mu kibuga.
18:52
Igice cya mbere kirarangiye
Iminota 45 y'umukino w'Umunsi wa 17 wa Shampiyona hagati ya Rayon Sports na Kiyovu Sports irangiye ari igitego 1-1.
18:50
45' Iminota ibiri y'inyongera
Umusifuzi wa Kane, Umutoni Aline, yerekanye iminota ibiri y'inyongera.
18:49
43' Gusatira kwa Rayon Sports
Muhire Kevin akinanye na Omborenga Fitina uhereje Adama Bagayogo, acenga abakinnyi babiri, ateresheje imoso, umupira ujya ku ruhande rw'izamu.
18:47
40' Amwe mu mafoto y'umukino
18:42
35' Igitego cya Kiyovu Sports
Kapiteni wa Kiyovu Sports, Mosengo Tansele, acenze Youssou Diagne usigaye ahagaze, aroba Umunyezamu Khadime Ndiaye wari ku giti cy'izamu cya mbere.
18:39
31' Gusimbuza
Twahirwa Olivier asimbuwe na Tabu Tegra Crespo, umuhungu wa Mafisango, ku ruhande rwa Kiyovu Sports.
18:38
31' Coup-franc ya Rayon Sports
Sharif Bayo akiniye nabi Adama Bagayogo mu kibuga cya Kiyovu Sports.
Ikosa rihanwe na Muhire Kevin, umupira ahaye Souleymane Daffe awutera hanze ariko wakozweho n'umukinnyi wa Kiyovu Sports.
Ikosa rihanwe na Muhire Kevin, umupira ahaye Souleymane Daffe awutera hanze ariko wakozweho n'umukinnyi wa Kiyovu Sports.
18:35
29' Kiyovu Sports ishobora kuba igiye gusimbuza
Umukino wahagaze mu gihe hari kuvurwa umukinnyi wa Kiyovu Sports, Niyo David, uryamye hasi mu kibuga.
Abatoza basabye ko hakorwa impinduka.
Abatoza basabye ko hakorwa impinduka.
18:32
26' Coup-franc ya Kiyovu Sports
Kiyovu Sports ibonye umupira uteretse ahagana muri koruneri ku ikosa rikozwe na Aziz Bassane ukiniye nabi Ishimwe Kevin.
Ikosa rirahanwa, Khadime Ndiaye akuramo umupira, ariko abasifuzi berekana ko hari habayeho kurarira.
18:30
24' Igitego cya Rayon Sports
Rayon Sports ifunguye amazamu ku gitego cyinjijwe na Fall Ngagne wujuje ibitego 12 muri Shampiyona.
Muhire Kevin atanze umupira wa 10 uvuyemo igitego muri uyu mwaka w'imikino.
18:27
22' Uburyo bwa Rayon Sports
Muhire Kevin ateye koruneri ya Rayon Sports, umupira usanga Fall Ngagne ukinishijwe umutwe, ariko ku bw'amahirwe ye make ufata inshundura nto.
Umukino uhise uhagarara gato havurwa Umunyezamu wa Kiyovu Sports, Ishimwe Patrick.
18:25
19' Coup-franc ya Rayon Sports
Adama Bagayogo ahannye ikosa ryakorewe kuri Omborenga, atera umupira wo hasi urengejwe n'urukuta rwa Kiyovu Sports.
18:24
18' Ikarita y'umuhondo
Byiringiro David ahawe ikarita y'umuhondo akiniye nabi Omborenga Fitina.
18:23
18' Uburyo bwa Rayon Sports
Muhire Kevin yinjiriye ibumoso, ageze mu rubuga rw'amahina atera ishoti rikomeye rikuwemo na Ishimwe Patrick.
18:22
15' Amakipe yombi aracyashaka igitego gifungura amazamu
18:17
10' Ubwitabire bw'abafana ntibushamaje
Abafana bitabiriye uyu mukino ku rwego rwa 70% y'abashobora kwicara muri Kigali Pele Stadium.
Igice kidatwikiriye nticyuzuye neza nk'uko akenshi bisanzwe nubwo hari bake bakiri kwinjira.
Igice kidatwikiriye nticyuzuye neza nk'uko akenshi bisanzwe nubwo hari bake bakiri kwinjira.
18:13
7' Coup-franc ya Rayon Sports
Adama Bagayogo akiniwe nabi mu kibuga cya Kiyovu Sports, ikosa rihanwe, Omborenga ananirwa kubyaza umusaruro ayo mahirwe.
Kiyovu Sports yongeye gukinira nabi Ishimwe Fiston binyuze kuri Bayo, Bagayogo arihannye, abakinnyi b'inyuma ba Kiyovu birwanaho.
Kiyovu Sports yongeye gukinira nabi Ishimwe Fiston binyuze kuri Bayo, Bagayogo arihannye, abakinnyi b'inyuma ba Kiyovu birwanaho.
18:09
5' Gusatira kwa Kiyovu Sports
Ishimwe Kevin yinjiranye umupira muremure ahinduye, usanga Mosengo Tansele ku ruhande ruhande, awuteye usubira kwa Ishimwe Kevin uwukoze atawuhagaritse, ujya ku ruhande rw'izamu.
18:06
2' Coup-franc nziza ya Kiyovu Sports
Kiyovu Sports itangiye isatira, ibonye umupira uteretse ku ikosa rikorewe Byiringiro David ukiniwe nabi na Adama Bagayogo inyuma y'urubuga rw'amahina mu ruhande.
Mosengo Tansele ahannye ikosa, ateye umupira ukurwamo bigoranye na Khadime Ndiaye.
18:04
Umukino watangiye
Umusifuzi Rulisa Patience atangije umukino.
Fall Ngagne wa Rayon Sports ni we watangiranye umupira.
Rayon Sports yambaye umweru hejuru n'amakabutura y'ubururu mu gihe Kiyovu Sports yambaye icyatsi n'amasogisi y'umweru.
Fall Ngagne wa Rayon Sports ni we watangiranye umupira.
Rayon Sports yambaye umweru hejuru n'amakabutura y'ubururu mu gihe Kiyovu Sports yambaye icyatsi n'amasogisi y'umweru.
18:02
Umukino ubanjirijwe no kwibuka Aziz
Mbere y'uko umukino utangira, hafashwe umunota wo kwibuka Harerimana Aziz wari umufana ukomeye wa Kiyovu Sports n'Ikipe y'Igihugu 'Amavubi', witabye Imana muri iki cyumweru.
17:55
Abafana ba Rayon Sports na bo bahaye icyubahiro Aziz wafanaga Kiyovu Sports
17:49
Rulisa Patience ni we uyobora umukino
Uyu mukino utegerejwe na benshi ku Munsi wa 17 wa Shampiyona, wahawe Umusifuzi mpuzamahanga wo hagati, Rulisa Patience.
Abasifuzi bo ku ruhande ni Habugumugisha Emmanuel na Ntirenganya Elie.
Umusifuzi wa Kane ni Umutoni Aline naho Komiseri w'Umukino ni Rurangirwa Aaron.
17:43
Amakipe yombi yishyushya
17:41
Abakinnyi ba Kiyovu Sports babanje mu kibuga
Umutoza wa Kiyovu Sports, Lomami Marcel, yahisemo gukoresha:
Ishimwe Patrick
Nizigiyimana Karim
Byiringiro David
Kazindu Bahati Guy
Ndizeye Eric
Twahirwa Olivier
Mosengo Tansele (c)
Niyo David
Mugisha Desire
Sharif Bayo
Ishimwe Kevin
Ishimwe Patrick
Nizigiyimana Karim
Byiringiro David
Kazindu Bahati Guy
Ndizeye Eric
Twahirwa Olivier
Mosengo Tansele (c)
Niyo David
Mugisha Desire
Sharif Bayo
Ishimwe Kevin
17:36
Ayabonga yongeye gusubira mu kazi ka Rayon Sports
Umunya-Afurika y'Epfo, Ayabonga Lebitsa, waherukaga gutandukana na Rayon Sports, yongeye gushyushya abakinnyi bayo mbere y'umukino.
Ayabonga yasubiye muri Gikundiro muri iki cyumweru nyuma y'uko bigaragaye ko urwego rw'abakinnyi rwasubiye hasi ubwo yari amaze gusimbuzwa Hakizimana Corneille.
Amakuru avuga ko Rayon Sports yemeye kumuzamurira umushahara, ahabwa 1500$.
17:36
Abakinnyi ba Rayon Sports babanje mu kibuga
Umutoza wa Rayon Sports, Robertinho, yahisemo gukoresha:
Khadime Ndiaye
Omborenga Fitina
Hakim Bugingo
Nsabimana Aimable
Youssou Diagne
Souleymane Daffe
Muhire Kevin (c)
Adama Bagayogo
Fall Ngagne
Ishimwe Fiston
17:23
Kiyovu yahaye icyubahiro Aziz wari umufana wayo
Mu kwishyushya, abakinnyi ba Kiyovu Sports bambaye imipira iriho ifoto ya Harerimana Aziz wari umufana wayo, witabye Imana muri iki cyumweru.
17:13
Abafana ba Rayon Sports bageze ku kibuga hakiri kare
Bamwe mu bafana ba Rayon Sports n'abandi bakunzi b'umupira w'amaguru, bazindutse kugira ngo babanze kureba umukino wabanje guhuza Gasogi United na Bugesera FC, warangiye ari ibitego 2-2.
17:05
Uko indi mikino yabaye yarangiye
Gasogi United 2-2 Bugesera FC
Etincelles FC 2-0 Mukura VS
Muhazi United 3-0 Vision FC
Amagaju FC 0-0 Rutsiro FC
17:02
Rayon Sports igera ku kibuga
17:01
Ikaze kuri Kigali Pele Stadium
IGIHE ibahaye ikaze kuri Stade ya Kigali yitiriwe Pele, ahagiye kubera umukino w'Umunsi wa 17 wa Shampiyona hagati ya Kiyovu Sports na Rayon Sports.
Ni amakipe abiri afite amateka mu Rwanda, yombi yashinzwe mu myaka ya 1960.
Rayon Sports ni iya mbere muri Shampiyona n'amanota 37 mu gihe Kiyovu Sports ari iya nyuma n'amanota 12.