Rayon Sports 2-0 Rutsiro FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kasiro Claude & Umwari Sandrine |
19:54
Rayon Sports igeze muri 1/4 cy'Igikombe cy'Amahoro
Rayon Sports itsinze Rutsiro FC ibitego 2-0, iyisezerera ku giteranyo cya 4-1 mu mikino ibiri ya 1/8 cy'Igikombe cy'Amahoro.
Gikundiro yavunikishije Muhire Kevin mu gice cya mbere ndetse na Fall Ngagne mu gice cya kabiri.
Andi makipe yageze muri 1/4 ni Amagaju FC, Gasogi United na Mukura VS.
Turabashimiye mwese twabanye kuri uyu mukino, tuzasubire ku wa Gatatu ku yindi mikino ya 1/8 cy'Igikombe cy'Amahoro.
Gikundiro yavunikishije Muhire Kevin mu gice cya mbere ndetse na Fall Ngagne mu gice cya kabiri.
Andi makipe yageze muri 1/4 ni Amagaju FC, Gasogi United na Mukura VS.
Turabashimiye mwese twabanye kuri uyu mukino, tuzasubire ku wa Gatatu ku yindi mikino ya 1/8 cy'Igikombe cy'Amahoro.
19:52
Umukino urarangiye
19:51
90+3' Rutsiro FC yashyize igitutu kuri Rayon Sports
Rutsiro FC iri gusatira cyane ishaka kugabanya ikinyuranyo.
Biragoye ko yakomeza kuko ubu igiteranyo ari ibitego 4-1.
19:47
90' Iminota ine y'inyongera
Mu gihe Rayon Sports ishaka igitego cya gatatu, umusifuzi wa kane yerekanye iminota ine y'inyongera.
19:46
87' Gusatira kwa Rayon Sports
Paul Jesus ahaye umupira Serumogo Ali, arongera arawumusaba, atera ishoti rikomeye rigiye hejuru y'izamu rya Rutsiro FC.
19:44
85' Uburyo bwa Rutsiro FC
Rutsiro FC ibonye umupira mwiza uteretse ku murongo w'urubuga rw'amahina.
Ikosa rihanwe na Bandu, umupira ujya hejuru y'izamu.
Ikosa rihanwe na Bandu, umupira ujya hejuru y'izamu.
19:43
85' Gusimbuza
Iraguha Hadji na Omborenga Fitina basimbujwe Sindi Paul Jesus na Serumogo Ali ku ruhande rwa Rayon Sports.
19:40
82' Igitego cya kabiri cya Rayon Sports
Aziz Bassane atsinze igitego cyiza cya kabiri ku mupira ahawe yinjira mu rubuga rw'amahina anyuze iburyo, aroba umunyezamu Matumele Arnold.
19:38
80' Umukino winjiye mu minota 10 ya nyuma
Rayon Sports iri gusatira ishaka igitego cya kabiri, ibonye uburyo bw'umupira uhinduwe na Aziz Bassane ujya hanze.
Rutsiro FC na yo iri kunyuzamo igasatira ishaka kwishyura.
Rutsiro FC na yo iri kunyuzamo igasatira ishaka kwishyura.
19:34
77' Ikarita y'umuhondo
Kabura Jean ahawe ikarita y'umuhondo akiniye nabi Aziz Bassane.
19:34
75' Gusimbuza
Mumbele Jeremie asimbuwe na Bandu Olivier ku ruhande rwa Rutsiro FC.
19:27
68' Ikarita y'umuhondo
Kwizera Emilien ahawe ikarita y'umuhondo akiniye nabi Iraguha Hadji.
19:26
68' Gusimbuza
Fall Ngagne asimbuwe na Aziz Bassane ku ruhande rwa Rayon Sports.
19:25
67' Abafana ba Rayon Sports bizeye gukomeza
19:25
66' Ikarita y'umuhondo
Fall Ngagne ahawe ikarita y'umuhondo kubera kwanga kujya ku ngobyi ngo bamukure mu kibuga.
19:24
65' Ikarita y'umuhondo
Nsabimana Aimable ahawe ikarita y'umuhondo kubera kuburanya umusifuzi ngo yanze guhagarika umukino ubwo Fall Ngagne yari fasi.
Gusa na Rayon Sports yabonye umupira ikomeza gukina aho kuwurenza.
Gusa na Rayon Sports yabonye umupira ikomeza gukina aho kuwurenza.
19:20
61' Uburyo bwa Rutsiro FC
Mumbele Jonas azamukanye umupira ibumoso, ahinduye umupira usanga Kabula Jean uteye ishoti rijya hejuru y'izamu.
19:18
60' Igitego cya Rayon Sports
Omborenga Fitina ahannye ikosa rikorewe kuri Fall Ngagne, umupira ukora ku mutwe w'umukinnyi wa Rutsiro FC uruhukira mu izamu.
19:15
57' Ubundi buryo bwa Rutsiro FC
Rutsiro FC ihushije uburyo bwabazwe ku mupira winjiranywe na Mumbele Jonas, ahaye Mumbele Jeremie atera ishoti rifashwe na Khadime Ndiaye.
19:11
52' Rutsiro FC ntiyishimiye imisifurire
Fall Ngagne ahawe umupira ari mu rubuga rw'amahina, umusifuzi wo ku ruhande aramureka akina umupira ufashwe na Matumele.
Umutoza Gatera Moussa ntiyishimiye ko Ndayisaba Saidi atasifuye kurarira ndetse abibwiye umusifuzi wa kane mu gihe abakinnyi ba Rutsiro FC bo basaga n'abumiwe.
19:08
50' Amwe mu mafoto yaranze igice cya mbere
19:07
50' Rutsiro FC yatangiye neza igice cya kabiri
Rutsiro FC iri gukina neza muri iyi minota ibanza y'igice cya kabiri ndetse imaze kuremamo uburyo bubiri, ariko inanirwa gutera mu izamu.
19:02
46' Igice cya kabiri kiratangiye
Rutsiro FC itangiranye umupira mu gice cya kabiri, ihitamo kubanza kubaka ihereye inyuma.
19:02
Gusimbuza
Rukundo Abdul Rahman asimbuye Adama Bagayogo ku ruhande rwa Rayon Sports.
18:47
45' Igice cya mbere kirarangiye
Igice cya mbere hagati ya Rayon Sports na Rutsiro FC mu Gikombe cy'Amahoro, kirangiye ari ubusa ku busa.
Rayon Sports iyoboye n'ibitego 2-1 mu mikino ibiri ya 1/8.
Rayon Sports iyoboye n'ibitego 2-1 mu mikino ibiri ya 1/8.
18:44
42' Rutsiro FC yimwe penaliti?
Rayon Sports ikoze ikosa mu rubuga rw'amahina [nk'uko abakinnyi ba Rutsiro FC babyerekana], ariko umusifuzi atereka umupira inyuma gato ku murongp.
18:38
37' Umukino wakomeje
Shyaka Philbert na Ndayishimiye Richard bagonganye, bombi babanje kujya hanze mbere y'uko umukino ukomeza.
18:36
36' Umukino uhagaze gato
Umukino ubahaye uhagaze mu gihe hari kuvurwa umukinnyi wa Rutsiro FC ndetse na Ndayishimiye Richard wa Rayon Sports bagonganye.
18:36
35' Gusimbura
Biramahire Abeddy asimbuye Muhire Kevin wavunitse, ku ruhande rwa Rayon Sports.
18:35
34' Coup-franc ya Rutsiro FC
Mumbele Jonas akiniwe nabi na Iraguha Hadji, ahannye ikosa, umupira ufatwa neza na Khadime Ndiaye.
Rayon Sports iri gukina ituzuye kuko Muhire Kevi atarasimburwa.
Rayon Sports iri gukina ituzuye kuko Muhire Kevi atarasimburwa.
18:32
30' Muhire Kevin asabye gusimburwa
Muhire Kevin asabye gusimbuzwa ndetse aryama hasi kugira ngo yitabweho n'abaganga.
18:31
30' Coup-franc ya Rutsiro FC
Souleymane Daffe akiniye nabi Mumbele Jonas wari usize abakinnyi b'inyuma ba Rayon Sports, agiye kwinjira mu rubuga rw'amahina.
18:29
29' Ubundi buryo bwa Rutsiro FC
Nizeyimana Jean Claude, Mumbele Jonas na Mumbele Jeremie bahererekanyije neza, uyu wa nyuma atera ishoti rigiye hejuru gato y'izamu rya Rayon Sports.
18:28
27' Rutsiro FC ahushije uburyo bwabazwe
Nizeyimana Jean Claude asize abakinnyi b'inyuma ba Rayon Sports, agerageje kuroba umunyezamu Khadime Ndiaye, atera umupira hanze.
18:26
25' Ikarita y'umuhondo
Iraguha Hadji ahawe ikarita y'umuhondo akiniye nabi Nizeyimana Jean Claude.
18:25
25' Uburyo bwa Rayon Sports
Adama Bagayogo acenze abakinnyi babiri ba Rutsiro FC, atera ishoti rigiye muri koruneri.
18:25
23' Rutsiro FC yajishe Fall Ngagne
Ubwugarizi bwa Rutsiro FC buri gucungira hafi Fall Ngagne wa Rayon Sports ku buryo adashobora gutera intambwe ebyiri afite umupira.
Uyu rutahizamu ukomoka muri Senegal, afite ibitego 12 muri Shampiyona. Kuri ubu ari gukina umukino wa 16 muri Gikundiro.
Uyu rutahizamu ukomoka muri Senegal, afite ibitego 12 muri Shampiyona. Kuri ubu ari gukina umukino wa 16 muri Gikundiro.
18:19
18' Coup-franc ya Rayon Sports
Rayon Sports ibonye umupira uteretse hafi y'urubuga rw'amahina nyuma yo gukorwa na myugariro wa Rutsiro FC, ariko Bugingo Hakim ahana ikosa nabi, ukurwaho na Rutsiro FC.
18:16
15' Umukino wagabanyije umuvuduko
Rayon Sports yihutishaga umukino, yasubiye inyuma ndetse na Fall Ngagne ubwe ajya gushaka imipira.
Rutsiro FC na yo yasunitse Rayon Sports iyijyana kure y'urubuga rw'amahina.
18:13
11' Coup-franc ya Rutsiro FC
Ndayishimiye Richard akiniye nabi Ndabitezimana Lazard, ikosa rihanwe na Mumbele Jeremie, Rutsiro FC aba ari yo irenza umupira.
18:10
10' Uko amakipe yombi yaserutse kuri uyu mugoroba
18:08
7' Coup-franc ya Rayon Sports
Bugingo Hakim ahannye ikosa ku mupira wari uteretse mu ruhande rw'iburyo, usanga Youssou Diagne uwushyizeho umutwe, ariko umunyezamu Matumele Arnold awufata neza.
18:06
5' Gusatira kwa Rayon Sports
Adama Bagayogo uri gukina iburyo, yinjiriye ibumoso, ahindura umupira mu rubuga rw'amahina ashaka Fall Ngagne, ushyirwa muri koruneri n'ubwugarizi bwa Rutsiro FC.
18:04
3' Amakipe yombi yatangiranye gusatira
Umupira urava hafi y'izamu rimwe ujya ku rindi mu gihe abakinnyi basatira bakomeje gushaka uko bafungura amazamu.
Fall Ngagne yinjiye mu rubuga rw'amahina, bamuteresha umupira nabi ujya hanze.
17:59
Umukino uratangiye
Rayon Sports itangiranye umupira utewe na Fall Ngagne, asubiza inyuma kugira ngo bagenzi be babanze kubaka.
17:59
Ubwitabire buri hasi cyane
Kugeza ubu biragoye ko wabona abatu 1500 muri Kigali Pele Stadium mu gihe umukino ugiye gutangira.
Umukino wabaye mu mibyiza, hari imvura nke yaguye ndetse Rayon Sports ifite amahirwe menshi yo gukomeza.
17:54
Amafoto y'amakipe yombi yishyushya
17:48
Amakipe yombi yasoje kwishyushya
Abakinnyi b'amakipe yombi n'abasifuzi basubiye mu rwambariro nyuma yo kwishyushya.
Umukino uratangira mu minota mike iri imbere.
Umukino uratangira mu minota mike iri imbere.
17:45
Ubwo Rutsiro FC yageraga ku kibuga
17:40
Abakinnyi ba Rutsiro FC babanje mu kibuga
Umutoza Gatera Moussa, yahisemo gukoresha:
Matumele Arnold
Kwizera Emilien
Kabura Jean
Shyaka Philbert
Mutijima Gilbert
Hitimana Jean Claude
Ndabitezimana Lazard
Mumbele Jeremie
Mumbele Jonas
Nizeyimana Jean Claude
Kwizera Eric
17:39
Abakinnyi ba Rayon Sports babanje mu kibuga
Umutoza wa Rayon Sports, Robertinho, yahisemo gukoresha:
Khadime Ndiaye
Omborenga Fitina
Hakim Bugingo
Nsabimana Aimable
Youssou Diagne
Souleymane Daffe
Muhire Kevin (c)
Adama Bagayogo
Fall Ngagne
Ndayishimiye Richard
Iraguha Hadji
17:19
Uko indi mikino yabaye yarangiye
Gasogi United 1-1 AS Muhanga (agg 3-1)
Mukura VS 1-0 Intare FC (agg 2-0)
Bugesera FC 0-0 Amagaju FC (agg 1-2)
Mukura VS 1-0 Intare FC (agg 2-0)
Bugesera FC 0-0 Amagaju FC (agg 1-2)
17:14
Rayon Sports igera ku kibuga
17:11
Ikaze kuri Kigali Pele Stadium
IGIHE ibahaye ikaze kuri Stade ya Kigali yitiriwe Pele ahagiye kubera umukino wo kwishyura wa 1/8 cy'Igikombe cy'Amahoro hagati ya Rayon Sports na Rutsiro FC.
Umukino ubanza wahuje amakipe yombi, i Rubavu, wari warangiye Rayon Sports yatsinze ibitego 2-1.