APR FC 0-0 Gasogi United
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kasiro Claude & Umwari Sandrine |
20:56
APR FC isanze Police FC muri 1/2 cy'Igikombe cy'Amahoro
APR FC inganyije na Gasogi United ubusa ku busa, iyisezerera ku giteranyo cy'igitego 1-0 mu mikino ibiri ya 1/4 cy'Igikombe cy'Amahoro.
Muri 1/2, Ikipe y'Ingabo z'Igihugu izahura na Police FC yasezereye AS Kigali.
Undi mukino uzahuza Mukura Victory Sports n'ikipe izakomeza hagati ya Rayon Sports na Gorilla FC zizakina ku wa Kane.
20:54
Umukino urarangiye
20:54
90+2' APR FC ihushije uburyo bwiza
Ruboneka Bosco ateye umupira wo muri koruneri, usanga Mamadou Sy uwukinnye n'umutwe, ukurwamo na Ibrahima uwusubije muri koruneri.
20:51
90' Iminota itatu y'inyongera
20:50
89' Gusimbuza
Aliou Souane asimbuye Denis Omedi ku ruhande rwa APR FC.
20:48
85' Uburyo bwa Gasogi United
Ndikumana Danny ahawe umupira mwiza yinjira mu rubuga rw'amahina, ateye ishoti rijya ku ruhande.
Gasogi United iri guhiga igitego cyatuma hitabazwa penaliti.
Gasogi United iri guhiga igitego cyatuma hitabazwa penaliti.
20:45
84' Gusimbuza
Ngono Guy Herve asimbuwe na Kwizera Jean Luc ku ruhande rwa Gasogi United.
20:42
81' APR FC ihushije uburyo bwiza
Lamine Bah acomekewe umupira awinjirana mu rubuga rw'amahina, awuteye mu izamu unyura imbere gato ku ruhande, ujya hanze.
20:41
80' Umukino winjiye mu minota 10 ya nyuma
20:41
80' Gusimbuza
Djibril Ouattara na Nshimirimana Ismael Pitchou basimbuwe na Mamadou Sy na Lamine Bah ku ruhande rwa APR FC.
20:40
78' Ikarita y'umuhondo
Ruboneka Bosco ahawe ikarita y'umuhondo ku ikosa yakoreye kuri Mugisha Joseph.
20:38
76' Coup-franc nziza ya APR FC
Ruboneka Bosco akiniwe nabi inyuma y'urubuga rw'amahina mu ruhande.
Ikosa rihanwe na Ruboneka, Ouattara na Dauda bagorwa no gutera umupira mu izamu.
20:34
72' Gasogi United yari ibonye uburyo bwiza
Kokoete Udo yari abonye uburyo bwiza ku mupira ateye mu rubuga rw'amahina ugakurwamo na Ishimwe Pierre, ariko umusifuzi wo ku ruhande yerekana ko hari habayeho kurarira.
20:33
72' Ikarita y'umuhondo
Denis Omedi ahawe ikarita y'umuhondo akiniye nabi Kokoete Udo mu kibuga hagati.
20:30
67' Gusimbuza
Iradukunda Axel asimbuwe na Ngarambe Sadjadi ku ruhande rwa Gasogi United.
20:29
67' Gusatira kwa Gasogi United
Muderi Akbar ahinduye umupira mwiza mu rubuga rw'amahina, usanga Mugisha Joseph uwushyizeho umutwe, ku bw'amahirwe ye make ujya hanze.
20:28
66' APR FC yongeye gusatira
Niyomugabo Claude agowe no gutsinda, aha umupira Dauda Yussif uwusunikiye Pitchou, atera ishoti rinyuze hejuru y'izamu.
20:27
65' Gusatira kwa APR FC
Denis Omedi ahaye umupira Byiringiro Gilbert uwuhinduye mu rubuga rw'amahina ashaka Djibril Ouattara, umunyezamu Ibrahima Daouda asohoka neza arawufata.
20:24
62' Coup-franc ya APR FC
Iradukunda Axel akiniye nabi Mugisha Gilbert, ikosa rihanwe na Ruboneka Bosco, atera umupira ushyizweho umutwe na Nshimiyimana Yunussu mbere y'uko ufatwa neza na Ibrahima Daouda Baleri.
20:22
60' Amakipe yombi aracyashaka uko afungura amazamu
20:20
59' Gusimbuza
Ndikumana Danny asimbuye Hakim Hamiss ku ruhande rwa Gasogi United.
20:19
58' Uburyo bwa Gasogi United
Hakim Hamiss ateye koruneri ku mupira wari urengejwe na Nshimiyimana Yunussu, usanga Hakizimana Adolphe ushyizeho umutwe, ufatwa neza na Ishimwe Pierre.
20:17
55' Gasogi United yagabanyije amarere
Gasogi United yari hejuru mu gice cya mbere, yabaye nk'isubira inyuma.
APR FC iri kunyuzamo igahanahana umupira bigatinda, ibyo itashoboye gukora mu gice cya mbere.
APR FC iri kunyuzamo igahanahana umupira bigatinda, ibyo itashoboye gukora mu gice cya mbere.
20:14
52' Hakizimana Adolphe ahawe inkwenene
Myugariro wa Gasogi United, Hakizimana Adolphe, ahawe inkwenene nyuma yo gushaka gukina umupira ngo awurenze, ahubwo akawutera muri koruneri nubwo birangiye ntacyo APR FC iyikuyemo.
20:06
46' Igice cya kabiri cyatangiye
Gasogi United ni yo yatangiranye umupira mu gice cya kabiri.
20:06
Gusimbuza
Mugisha Gilbert na Dauda Yussif basimbuye Hakim Kiwanuka na Niyibizi Ramadhan.
20:03
Kuki APR FC yibuze imbere ya Gasogi United?
Bitandukanye n'uko APR FC yakinnye umukino uheruka wa Police FC muri Shampiyona, kuri iyi nshuro yagowe cyane no kwibona mu kibuga ndetse yarushijwe bigaragara na Gasogi United.
Niyibizi Ramadhan yagowe no kwibona mu kibuga nyuma y'uko yahawe umwanya ubanzamo imbere ya Lamine Bah nk'uko byari byagenze mu mukino ubanza.
Ruboneka Bosco yari yabuze mu kibuga mu minota 35 ibanza, byatumye impande za APR FC na rutahizamu wayo Djibril Ouattara batagaragara.
Hagati ha Gasogi United hari gukina Muderi Akbar, Mugisha Joseph na Hakim Hamiss harushije cyane ah'Ikipe y'Ingabo z'Igihugu.
Birashoboka cyane ko APR FC yatangiye gutekereza umukino wa Rayon Sports uzaba ku Cyumweru.
Niyibizi Ramadhan yagowe no kwibona mu kibuga nyuma y'uko yahawe umwanya ubanzamo imbere ya Lamine Bah nk'uko byari byagenze mu mukino ubanza.
Ruboneka Bosco yari yabuze mu kibuga mu minota 35 ibanza, byatumye impande za APR FC na rutahizamu wayo Djibril Ouattara batagaragara.
Hagati ha Gasogi United hari gukina Muderi Akbar, Mugisha Joseph na Hakim Hamiss harushije cyane ah'Ikipe y'Ingabo z'Igihugu.
Birashoboka cyane ko APR FC yatangiye gutekereza umukino wa Rayon Sports uzaba ku Cyumweru.
19:51
Igice cya mbere kirarangiye
Iminota 45 ibanza y'umukino wo kwishyura muri 1/4 cy'Igikombe cy'Amahoro, irangiye APR FC inganya na Gasogi United ubusa ku busa.
Ikipe y'Ingabo z'Igihugu yizigamye igitego 1-0 yatsinze mu mukino ubanza.
Ikipe y'Ingabo z'Igihugu yizigamye igitego 1-0 yatsinze mu mukino ubanza.
19:49
45+1' Coup-franc ya Gasogi United
Byiringiro Gilbert akiniye nabi Kokoete Udo uryamye hasi, aho yabanje kwitabwaho n'abaganga mbere y'uko umukino ukomeza.
19:47
45' Iminota ibiri y'inyongera
Umusifuzi wa Kane, Kayitare David, yerekanye iminota ibiri y'inyongera.
Gasogi United ikomeje gusatira ishaka igitego.
Gasogi United ikomeje gusatira ishaka igitego.
19:44
43' Ikarita y'umuhondo
Iradukunda Axel ahawe ikarita y'umuhondo akiniye nabi Ruboneka Bosco wari umusize.
19:43
41' Gasogi United yari yitsinze
Ruboneka Jean Bosco yinjiranye umupira, awuha Hakim Kiwanuka uwuhinduye mu rubuga rw'amahina, Hakizimana Adolphe agiye kuwitsinda ufatwa neza n'Umunyezamu Ibrahima Daouda.
19:40
38' Benshi mu bafana ba APR FC bifashe nk'abari mu misa
Nyuma y'uko ikipe yabo iri kurushwa cyane, bamwe mu bafana ba APR FC bahagaze bareba umukino nk'abari mu misa.
19:36
33' Coup-franc nziza ya Gasogi United
Nshimirimana Ismael Pitchou akiniye nabi Muderi Akbar inyuma y'urubuga rw'amahina rwa APR FC.
Ikosa rihanwe na Udahemuka Jean de Dieu, umupira ushyirwa muri koruneri itagize icyo itanze.
Ikosa rihanwe na Udahemuka Jean de Dieu, umupira ushyirwa muri koruneri itagize icyo itanze.
19:33
31' Gusatira kwa APR FC
Niyibizi Ramadhan ahawe umupira ari mu kibuga hagati, awukomezanya imbere hafi y'urubuga rw'amahina rwa Gasogi United, ateye ishoti rijya ku ruhande.
19:32
29' Gasogi United yari yungukiye mu gusigana k'ubwugarizi bwa APR FC
Myugariro Hakizimana Adolphe ateye umupira muremure imbere ashaka Kokoete Udo Ibiok wari usize ubwugarizi bwa APR FC bwabaye nk'ubusigana, ariko Umunyezamu Ishimwe Pierre asohoka neza, akora ku mupira mbere yo kuwufata.
Uyu munyezamu ahise yicara hasi yitabwaho n'abaganga.
Uyu munyezamu ahise yicara hasi yitabwaho n'abaganga.
19:28
26' APR FC iracyagorwa no kwibona mu mukino
Nyuma y'iminota 26 imaze gukinwa, APR FC yageze mu rubuga rwa Gasogi United inshuro imwe mu gihe imipira itatu ari yo yageze ku munyezamu Ibrahima Daouda Baleri irimo ibiri ya Denis Omedi.
19:26
25' Amwe mu mafoto y'umukino
19:22
20' Abatoza babonye umwanya wo kuganiriza abakinnyi
Tchiamas Ghyslain wa Gasogi United na Darko Novic wa APR FC, bombi babonye umwanya wo kuganiriza abakinnyi ubwo havurwaga Ngono Guy Herve wa Gasogi United wari uryamye hagati mu kibuga.
Ruboneka Bosco ari mu baganirijwe cyane ku ruhande rwa APR FC mu gihe Umutoza wa Gasogi United yari yahamagaye abakinnyi batanu barimo Kapiteni, Muderi Akbar na Hakim Hamiss.
Ruboneka Bosco ari mu baganirijwe cyane ku ruhande rwa APR FC mu gihe Umutoza wa Gasogi United yari yahamagaye abakinnyi batanu barimo Kapiteni, Muderi Akbar na Hakim Hamiss.
19:19
17' Ubwitabire bw'abafana ntibushamaje
Nubwo umukino washyizwe mu masaha y'umugoroba, yitaruye ay'akazi, abafana bitabiriye umukino bararinganiye.
Igice kidatwikiriye gikunze kuba kirimo abafana benshi, ntabwo cyuzuye nk'uko bisanzwe.
Igice kidatwikiriye gikunze kuba kirimo abafana benshi, ntabwo cyuzuye nk'uko bisanzwe.
19:15
13' Ubundi buryo bwiza bwa Gasogi United
Mugisha Joseph ahaye umupira Hakim Hamiss uteye ishoti rikomeye, rishyirwa muri koruneri na Ishimwe Pierre wirambuye.
APR FC irugarijwe cyane muri iyi minota.
APR FC irugarijwe cyane muri iyi minota.
19:12
10' Uko amakipe yombi yaserutse kuri uyu mugoroba
19:10
8' Gasogi United ikomeje kotsa igitutu APR FC
Hamiss Hakim ateye umupira mwiza uteretse mu kibuga cya APR FC, Niyigena Clement awukozaho umutwe ujya muri koruneri itagize icyo itanga.
Gasogi United ni yo kipe nziza muri iyi minota ibanza.
Gasogi United ni yo kipe nziza muri iyi minota ibanza.
19:08
Gasogi United yari ifunguye amazamu ariko habayeho kurarira
Mugisha Joseph acomekeye umupira Kokoete Udo winjiranye ubwugarizi bwa APR FC, aroba umunyezamu Ishimwe Pierre, umupira ujya mu izamu, ariko umusifuzi wo ku ruhande Habumugisha Emmanuel yari yamaze kugaragaza ko habayeho kurarira.
19:05
3' Uburyo bwa Gasoogi United
Djibril Ouattara atakaje umupira mu rubuga rwa APR FC, ufatwa na Mugisha Joseph uteye ishoti rikomeye, Umunyezamu Ishimwe Jean Pierre afata umupira abanje kuworoshya.
19:01
Umukino uratangiye
Nyuma yo gufata umunota wo kwibuka umunyamuryango wa Gasogi United, Dukuze Christian, witabye Imana, umusifuzi Nizeyimana Is'haq atangije umukino.
APR FC ni yo yatangiranye umupira.
APR FC ni yo yatangiranye umupira.
18:54
Uko amakipe yagombaga guhura muri 1/4 cy'Igikombe cy'Amahoro
Ku wa Kabiri:
Mukura VS 2-0 Amagaju FC (agg 2-2, pen 3-2)
Ku wa Gatatu:
AS Kigali 2-2 Police FC (agg 3-4)
APR FC vs Gasogi United (agg 1-0)
Ku wa Kane:
Rayon Sports vs Gorilla FC (agg 2-2)
18:49
Gasogi United ni yo yaherukaga kumwenyura imbere ya APR
Ubwo amakipe yombi yari yahuriye muri 1/4 cy'Igikombe cy'Amahoro mu 2024, Gasogi United yasezereye APR FC iyitsinze penaliti 4-3.
Imikino ibiri amakipe yombi yari yahuyemo, yombi yari yarangiye ari ubusa ku busa.
Kuri iyi nshuro ni iyihe kipe ikomeza? Ni byo tugiye kureba ndetse Police FC itegerereje muri 1/2.
Imikino ibiri amakipe yombi yari yahuyemo, yombi yari yarangiye ari ubusa ku busa.
Kuri iyi nshuro ni iyihe kipe ikomeza? Ni byo tugiye kureba ndetse Police FC itegerereje muri 1/2.
18:45
Amakipe yombi asoje kwishyushya
Abakinnyi ba APR FC na Gasogi United basubiye mu rwambariro nyuma yo kwishyushya.
Umukino uratangira mu minota mike iri imbere.
Umukino uratangira mu minota mike iri imbere.
18:39
Abakinnyi ba Gasogi United babanje mu kibuga
Umutoza wa Gasogi United, Tchiamas Ghyslain Bienvenu yahisemo gukinisha:
Daouda Ibrahima Baleri
Muderi Akbar
Iradukunda Axel
Hakizimana Adolphe
Nduwayo Alex
Udahemuka Jean de Dieu
Mugisha Joseph
Mbaye Alioune
Kokoete Udo Ibiok
Hamiss Hakim
Ngono Guy Herve Eloundou
18:34
Abakinnyi ba APR FC babanje mu kibuga
Umutoza wa APR FC, Darko Novic, yakoze impinduka imwe ugereranyije n'ikipe yabanjemo ku mukino uheruka wa Police FC; Niyibizi Ramadhan afata umwanya wa Lamine Bah.
Kuri iyi nshuro yahisemo gukinisha:
Ishimwe Pierre
Byiringiro Gilbert
Niyomugabo Claude
Nshimiyimana Yunussu
Niyigena Clement
Nshimirimana Ismael Pitchou
Ruboneka Bosco
Niyibizi Ramadhan
Denis Omedi
Hakim Kiwanuka
Djibril Ouattara
Kuri iyi nshuro yahisemo gukinisha:
Ishimwe Pierre
Byiringiro Gilbert
Niyomugabo Claude
Nshimiyimana Yunussu
Niyigena Clement
Nshimirimana Ismael Pitchou
Ruboneka Bosco
Niyibizi Ramadhan
Denis Omedi
Hakim Kiwanuka
Djibril Ouattara
18:30
Ubwo Gasogi United yageraga ku kibuga
18:20
Ikaze kuri Kigali Pele Stadium
IGIHE ibahaye ikaze kuri Stade ya Kigali yitiriwe Pele ahagiye kubera umukino wa 1/4 wo kwishyura mu Gikombe cy'Amahoro.
APR FC yatsinze igitego 1-0, yakiriye Gasogi United muri uyu mukino wo kwishyura ugena ikipe ikomeza muri 1/2.
Umukino uratangira saa Moya nyuma y'uko habanje uwo Police FC yanganyijemo na AS Kigali ibitego 2-2, ikagera muri 1/2 ku giteranyo cy'ibitego 4-3.
APR FC yatsinze igitego 1-0, yakiriye Gasogi United muri uyu mukino wo kwishyura ugena ikipe ikomeza muri 1/2.
Umukino uratangira saa Moya nyuma y'uko habanje uwo Police FC yanganyijemo na AS Kigali ibitego 2-2, ikagera muri 1/2 ku giteranyo cy'ibitego 4-3.