APR FC 0-0 Rayon Sports
Uko umukino uri kugenda
Umwanditsi |
: Eric Tony Ukurikiyimfura & Jah D'eau Dukuze |
Amafoto |
: Kasiro Claude & Umwari Sandrine |
17:01
APR FC igabanye amanota na Rayon Sports
APR FC inganyije na Rayon Sports ubusa ku busa mu mukino w'Umunsi wa 20 wa Shampiyona waberaga muri Stade Amahoro.
Gikundiro ikomeje kuyobora Shampiyona n'amanota 43, ikurikiwe n'Ikipe y'Ingabo z'Igihugu ifite amanota 41.
Gikundiro ikomeje kuyobora Shampiyona n'amanota 43, ikurikiwe n'Ikipe y'Ingabo z'Igihugu ifite amanota 41.
16:59
Umukino urarangiye
16:59
90+4' Uburyo bwa APR FC
Mamadou Sy na Kwitonda Alain bakinanye na Ruboneka Bosco uteye ishoti rikomeye, umupira ujya hejuru gato y'izamu.
16:54
90' Iminota itanu y'inyongera
Umusifuzi wa Kane, Ngabonziza Jean Paul, yerekanye iminota itanu y'inyongera.
Amakipe yombi ari gusatira ashaka igitego cy'intsinzi.
Amakipe yombi ari gusatira ashaka igitego cy'intsinzi.
16:51
87' Rayon Sports yirangayeho
Dauda Yussif atakaje umupira, umupira ufatwa na Iraguha Hadji uwucomekeye Aziz Bassane, ageze mu rubuga rw'amahina awutera ku ruhande.
16:47
83' Gusimbuza
Nshimirimana Ismael Pitchou asimbuwe na Niyibizi Ramadhan naho Kwitonda Alain Bacca asimbura Denis Omedi.
16:46
83' Gusimbuza
Adama Bagayogo asimbuye Rukundo Abdul Rahman ku ruhande rwa Rayon Sports.
16:44
80' Umukino winjiye mu minota 10 ya nyuma
Mu gihe hasigaye iminota 10 ngo umukino urangire, nta kipe igaragaza inyota yo gutsinda.
Amakipe yombi arakina byo kwikuraho umupira no kurwana no kubona iminota igenda.
16:43
79' Ikarita y'umuhondo
Nshimirimana Ismael Pitchou ahawe ikarita y'umuhondo akiniye nabi Muhire Kevin.
16:42
77' Coup-franc ya Rayon Sports
Niyomugabo Claude akiniye nabi Muhire Kevin inyuma y'urubuga rw'amahina.
Ikosa rihanwe na Bugingo Hakim, umupira awutera mu rukuta.
16:40
76' Igitego abafana babonye ni icya Nyiragasazi
Kugeza ku munota wa 75 nta gihambaye abitabiriye uyu mukino bari babona uretse penality ebyiri Nyiragasazi ufana APR FC yatsinze Malayika ufana Rayon Sports mu karuhuko k'igice cya mbere.
16:38
75' Ikarita y'umuhondo
Ndayishimiye Richard ahawe ikarita y'umuhondo akiniye nabi Ruboneka Bosco wari umucitse.
16:36
72' APR FC ihushije uburyo bwiza
Mamadou Sy afunze umupira, awusubiza inyuma kuri Ruboneka uwucomekeye Mugisha Gilbert wirukanse agana mu rubuga rw'amahina, ateye ishoti rijya hejuru y'izamu.
16:32
69' Gusimbuza
Mamadou Sy asimbuye Djibril Ouattara ku ruhande rwa APR FC.
16:31
67' Gusatira kwa APR FC
Dauda Yussif acomekeye umupira Ruboneka Bosco, atera ishoti rikomeye ryo hasi, rinyura ku ruhande rw'izamu.
16:28
64' Gusatira kwa APR FC
Mugisha Gilbert acomekewe umupira, yinjira mu rubuga rw'amahina, acenga Youssou Diagne, ahereza umupira Niyomugabo Claude uwuhinduye mu izamu, ufatwa neza na Khadime Ndiaye.
16:25
60' Gusimbuza
Biramahire Abeddy asimbuwe na Aziz Bassane ku ruhande rwa Rayon Sports.
16:24
60' Gusimbuza
Lamine Bah asimbuwe na Dauda Yussif, Hakim Kiwanuka asimburwa na Mugisha Gilbert ku ruhande rwa APR FC.
16:19
56' Gusimbuza
Souleymane Daffe asimbuwe na Kanamugire Roger ku ruhande rwa Rayon Sports.
16:18
55' Nta cyizere ko umukino ushobora gutandukana n'uheruka
Amakipe yombi atangiye igice cya kabiri ari hasi, ndetse mu mikinire higanjemo guhubuka cyane.
Benshi mu bafana baratuje nk'abitabiriye misa cyangwa umukino wa Tennis.
16:14
50' Ikarita y'umuhondo
Souleymane Daffe ahawe ikarita y'umuhondo akuruye Ruboneka Bosco wari umusize.
16:12
48' Coup-franc ya APR FC
Hakim Kiwanuka ahinduye umupira ahagana muri koruneri, ukorwa na Youssou Diagne.
Ikosa rihanwe na Ruboneka, umupira ujya hejuru kure y'izamu.
Ikosa rihanwe na Ruboneka, umupira ujya hejuru kure y'izamu.
16:08
46' Igice cya kabiri kiratangiye
APR FC ni yo itangiranye umupira mu gice cya kabiri, Djibril Ouattara awusubiza inyuma.
16:05
Abafana biteze ibirenze mu gice cya kabiri
Iminota 225 ni yo imaze gukinwa kuri iki kibuga hagati y'aya makipe yombi aho nta mufana n'umwe wari wabona ikipe ye inyeganyeza inshundura. Icyizere ni cyose ko byibura mu minota 45 y'igice cya kabiri hari buboneke igitego.
16:01
APR FC iri gushushya abakinnyi babiri
Dauda Yussif na Mugisha Gilbert bari kwishyushya ku ruhande rwa APR FC ndetse bashobora gusimbura igice cya kabiri kigitangira.
15:50
Igice cya mbere kirarangiye
15:48
45' Iminota ibiri y'inyongera
Umusifuzi wa Kane, Ngabonziza Jean Paul, yerekanye iminota ibiri y'inyongera.
15:46
42' Ikarita y'umuhondo
Lamine Bah ahawe ikarita ya mbere y'umuhondo mu mukino ku ikosa akoreye kuri Iraguha Hadji ahagana mu kibuga hagati.
15:45
40' Uburyo bwa APR FC
Denis Omedi acomekewe umupira mwiza mu ruhande rw'iburyo, aho gukinana na Djibril Ouattara, atera ishoti rikomeye rinyuze imbere y'izamu rijya hanze.
15:44
40' Amakipe yombi yasubiye mu mibare yayo
APR FC ntikiri gusatira nk'uko yabikoze mu minota ya mbere, ahubwo abakinnyi bayo benshi basubiye inyuma kugarira.
Ni mu gihe Rayon Sports iri gusatira, ariko na yo igakina yizigama kugira ngo APR FC itayiba umugono.
15:38
34' Gusatira kwa Rayon Sports
Omborenga Fitina ahinduye umupira mwiza mu rubuga rw'amahina, Rukundo Abdul Rahman agorwa no kuwukina, ishoti ridakomeye ateye rijya hanze.
15:36
32' Coup-franc ya APR FC
Ndayishimiye Richard akiniye nabi Hakim Kiwanuka wari uhawe umupira na Ruboneka Bosco kugira ngo yinjirire ibumoso.
Ikosa rihanwe na Ruboneka, umupira ujya hejuru kure y'izamu.
Ikosa rihanwe na Ruboneka, umupira ujya hejuru kure y'izamu.
15:35
Umukino watangiye kuryoha
Uko iminota igenda itambuka ni ko amakipe yombi ari gufungura umukino agasatirana bitandukanye n'imikino yabanje yahuje ano makipe. Abakunzi ba ruhago bari kuri Stade Amahoro kugeza ubu bari kubona umukino mwiza.
15:31
27' Abafana ba APR FC basabaga penaliti
Djibril Ouattara asize abakinnyi ba Rayon Sports, ageze mu rubuga rw'amahina akora ku mupira mbere yo kugwa agezweho na Nsabimana Aimable, umusifuzi Ishimwe Claude yerekana ko ari ugutereka imbere y'izamu.
15:31
26' Rayon Sports ihushije icyabazwe
Ubwugarizi bwa APR FC bukoze amakosa ubwo Niyigena Clement yahaga umupira Claude ntawugumane, Iraguha Hadji arawutwara, awugeza mu rubuga rw'amahina, awushyize mu izamu, Ishimwe awukoraho ariko uguma mu rubuga rw'amahina kwa Muhire Kevin, ukinanye na Abdulrahim maze uyu murundi na we acenze ntibyakunda ko ashyira mu izamu kuko Lamine Bah yatabaye.
15:29
25' Igitambaro cya Muhire Kevin cyamubereye umutwaro
Igitambaro cya kapiteni, Muhire Kevin yambaye, cyamugoye kubera uburyo gifunguka buri kanya.
Mu kanya kashize, yahindukiye abwira bamwe mu bakozi b'iyi kipe bicaye ku ntebe y'abasimbura ko kimubangamiye.
15:27
22' Abafana ba Rayon Sports ntibanyuzwe n'imisifurire
Nshimirimana Pitchou azibiye Muhire Kevin bagiye kwinjira mu rubuga rw'amahina, umusifuzi Ishimwe Claude agaragaza ko nta kosa ryabaye.
Iki cyemezo nticyishimiwe na Kapiteni wa Rayon Sports ndetse n'abafana bayo.
Iki cyemezo nticyishimiwe na Kapiteni wa Rayon Sports ndetse n'abafana bayo.
15:25
20' Coup Franc ya Rayon Sports
Muhire Kevin akorewe ikosa na Kagege imbere ya Darco Novic utaryemera. Coup Franc nziza Kapiteni wa Rayon Sports awushyira mu rubuga rw'amahina ariko Jean Pierre ashobora gukiza izamu.
15:22
18' Coup-franc nziza ya APR FC
Bugingo Hakim akiniye nabi Djibril Ouattara inyuma y'urubuga rw'amahina mu ruhande.
Ikosa rihanwe na Byiringiro, Youssou Diagne washoboraga kwitsinda, ashyira umupira muri koruneri.
Ikosa rihanwe na Byiringiro, Youssou Diagne washoboraga kwitsinda, ashyira umupira muri koruneri.
15:19
15' Umukino uhagaze gato
Umukino uhagaze akanya gato havurwa Hakim Kiwanuka bakandagiye ubwo haterwaga koruneri ya APR FC.
Uyu musore w'Umunya-Uganda agiye hanze y'ikibuga yigenza ndetse ashobora guhita asubira mu kibuga.
Uyu musore w'Umunya-Uganda agiye hanze y'ikibuga yigenza ndetse ashobora guhita asubira mu kibuga.
15:19
15' Koruneri ya APR FC ntacyo itanze
Ikipe y'Ingabo z'igihugu ikomeje gushaka igitego gifungura umukino ariko ntabwo biyikundiye ku mupira w'umuterekano utewe na Ruboneka Bosco, Outarra ateye n'umutwe ujya hanze.
15:18
14' Rayon Sports irarokotse
Hakim Kiwanuka ahawe umupira mwiza, atera intambwe eshatu, arekura ishoti rikuwemo na Khadime Ndiaye mu buryo bwa mbere bukomeye bubonetse muri uyu mukino.
15:16
12' APR FC ihushije uburyo bwiza
Djibril Ouattara asabiye umupira mu ruhande, awuhindura hafi y'urubuga rw'amahina, Lamine Bah ananirwa kuwutsinda, awuha Denis Omedi uwuteye hejuru y'izamu.
15:14
11' Uburyo bwa mbere bwa Rayon Sports
Nshimiyimana Yunussu ahaye umupira nabi Ruboneka, arawutakaza, ufatwa na Rayon Sports, ugeze kuri Rukundo Abdul Rahman atera ishoti rigiye ku ruhande rw'izamu.
15:13
10' Rayon Sports yagowe no kwibona mu kibuga
Mu minota 10 ya mbere, APR FC imaze kugerageza uburyo bune ishaka izamu rya Rayon Sports, ariko umupira umwe ni wo wafashwe na Khadime Ndiaye.
Rayon Sports yagowe no kubona umupira ndetse n'aho iwuboneye, kuwugumana bikagorana.
15:12
Uko amakipe yombi yaserutse mu kibuga
15:10
6' Ubundi buryo bwa APR FC
APR FC yongeye kuzamuka, umupira Byiringiro Gilbert ahinduye mu rubuga rw'amahina, ushyirwa muri koruneri na Souleymane Daffe.
Rayon Sports yasubiye inyuma kugarira.
Rayon Sports yasubiye inyuma kugarira.
15:09
5' Gusatira kwa APR FC
Nshimirimana Ismael Pitchou acomekeye umupira Byiringiro Gilbert, awufatira ahagana ku izamu, awuhinduye mu rubuga rw'amahina ushyirwaho umutwe na Djibril Ouattara ujya hejuru y'izamu.
15:07
4' APR FC yimanye umupira
APR FC yihariye umupira muri iyi minota ya mbere ndetse iri gukinira cyane mu kibuga cya Rayon Sports nubwo itaragera mu rubuga rw'amahina rwayo.
15:04
1' APR FC itangiriye hejuru
Djibril Ouattara aremye uburyo bw'umupira ahaye Ruboneka, na we akinana na Hakim Kiwanuka uwuhaye Lamine Bah, atera ishoti rikomeye rigiye hejuru y'izamu.
15:03
Umukino uratangiye
Umusifuzi Ishimwe Jean Claude 'Cucuri' atangije umukino.
Rayon Sports yambaye ubururu ni yo yatangiranye umupira.
APR FC yambaye umweru hose.
Rayon Sports yambaye ubururu ni yo yatangiranye umupira.
APR FC yambaye umweru hose.
14:59
Rayon Sports yabonye intsinzi imwe mu mikino itanu iheruka muri Shampiyona
14:54
Amakipe yombi ategerejwe mu kibuga nyuma yo kwishyushya
14:50
Bushali yahawe umwanya wo gususurutsa abafana
Mu gihe habura iminota mike ngo umukino utangire, umuhanzi Bushali na we yahawe umwanya asusurutsa abafana batari bake bamaze kugera muri Stade Amahoro.
14:41
Amakipe yombi ari kwishyushya
14:40
Ubwo umuhanzi Yampano yasusurutsaga abari muri Stade Amahoro
14:21
Abakunzi ba APR FC babukereye
Kugeza ubu muri Stade Amahoro hamaze kugeramo hafi 2/3 by'abafana bakirwa n'iki kibuga gishya. Benshi mu bafana binjiye mbere biganjemo aba APR FC yakiriye umukino aho baje banabyambariye bitwaje n'amandera y'umweru n'umukara.
Biragoye ariko aka kanya kwemeza ko iyi Stade iza kuzura nk'uko byari byagenze ku mukino uheruka guhuza amakipe yombi.
Biragoye ariko aka kanya kwemeza ko iyi Stade iza kuzura nk'uko byari byagenze ku mukino uheruka guhuza amakipe yombi.
14:19
Uko APR FC yitwaye mu mikino itanu iheruka
Mu mikino iheruka gukina muri Shampiyona, Ikipe y'Ingabo z'Igihugu yabonyemo amanota icyenda kuri 15.
14:16
Abakinnyi ba Rayon Sports babanje mu kibuga
Umutoza wa Rayon Sports, Robertinho, yakoze impinduka ebyiri ugereranyije n'ikipe aheruka gukinisha kuri Gorilla FC.
Rukundo AbdulRahman na Youssou Diagne babanje mu kibuga mu mwanya wa Assana Nah na Omar Gning.
Ababanje mu kibuga ni:
Khadime Ndiaye
Omborenga Fitina
Bugingo Hakim
Nsabimana Aimable
Yousou Diagne
Souleymane Daffé
Ndayishimiye Richard
Muhire Kevin (c)
Rukundo Abdul Rahman
Iraguha Hadji
Biramahire Abeddy.
14:15
APR FC yatangiye kwishyushya
Ikipe y'Ingabo z'Igihugu ni yo yageze mu kibuga bwa mbere aho batangiye kwishyushya mu kibuga kireba ku Irimbi ry'Intwari. Rayon Sports na yo irategerejwe.
14:13
Abakinnyi ba APR FC babanje mu kibuga
Umutoza wa APR FC, Darko Novic, ntiyahinduye ikipe yabanje mu kibuga ku mukino aheruka gutsinda Police FC muri Shampiyona.
Ababanje mu kibuga ni:
Ishimwe Pierre
Byiringiro Jean Gilbert
Niyomugabo Claude (c)
Nshimiyimana Yunussu
Niyigena Clément
Nshimirimana Ismael Pitchou
Ruboneka Jean Bosco
Lamine Bah
Hakim Kiwanuka
Denis Omedi
Djibril Ouattara.
Ababanje mu kibuga ni:
Ishimwe Pierre
Byiringiro Jean Gilbert
Niyomugabo Claude (c)
Nshimiyimana Yunussu
Niyigena Clément
Nshimirimana Ismael Pitchou
Ruboneka Jean Bosco
Lamine Bah
Hakim Kiwanuka
Denis Omedi
Djibril Ouattara.
14:10
Rayon Sports yageze kuri Stade Amahoro
Ikipe iyoboye urutonde rwa Shampiyona yageze ku kibuga gikinirwaho Derby ifite icyizere cyo kwitwara neza kuri iki Cyumweru. Dore uko abakinnnyi bageze i Remera.
14:08
Umuhanzi Yampano yasusurukije abari muri Stade Amahoro
Uworizagwira Florien umaze kumenyekana nka Yampano ari mu bitabajwe kuri uyu mukino wa APR FC na Rayon Sports kugira ngo asusurutse abawitabiriye.
Yinjiriye mu ndirimbo "Sibyanjye", akurikizaho "Ngo" iri mu zikunzwe muri iyi minsi.
Yinjiriye mu ndirimbo "Sibyanjye", akurikizaho "Ngo" iri mu zikunzwe muri iyi minsi.
14:01
APR FC yashyize ibintu ku rundi rwego
Ku bageze muri Stade Amahoro kare, Ikipe ya APR FC yakoze ku buryo baticwa n'irungu aho hari ababyinnyi babasusurutsa.
Umushyushyarugamba Anita Pendo ari kuzenguruka ibice byose bya Stade ashyushya abafana bamaze kwinjira.
Umushyushyarugamba Anita Pendo ari kuzenguruka ibice byose bya Stade ashyushya abafana bamaze kwinjira.
13:57
Abatoza bombi bari ku gitutu cyo kwemeza abafana
Derby y'imisozi 1000 igiye kuba nta mutoza n'umwe utekanye hagati ya Darko Novi? wa APR FC na Roberto Oliveira Gonçalves do Carmo "Robertinho" utoza Rayon Sports.
Abakunzi ba APR FC kugeza ubu bavuga ko batishimira imikinire ya Darco aho abakinnyi afite batajyanye n'umusarura atanga. Ku rundi ruhande nubwo Rayon Sports iyoboye urutonde hari abo muri iyi kipe batanyurwa n'uburyo imaze iminsi ikina ndetse iyo ataba Perezida Twagirayezu Thaddée uyu mutoza yashoboraga gutandukana n'iyi kipe mu minsi yashize.
Nta hantu heza ho kwerekanira ubushobozi nko ku mukino nk'uyu aho ikipe iwutsinda iri buze kuba iteye intambwe nziza igana ku gikombe cya Shampiyona.
Abakunzi ba APR FC kugeza ubu bavuga ko batishimira imikinire ya Darco aho abakinnyi afite batajyanye n'umusarura atanga. Ku rundi ruhande nubwo Rayon Sports iyoboye urutonde hari abo muri iyi kipe batanyurwa n'uburyo imaze iminsi ikina ndetse iyo ataba Perezida Twagirayezu Thaddée uyu mutoza yashoboraga gutandukana n'iyi kipe mu minsi yashize.
Nta hantu heza ho kwerekanira ubushobozi nko ku mukino nk'uyu aho ikipe iwutsinda iri buze kuba iteye intambwe nziza igana ku gikombe cya Shampiyona.
13:49
APR FC na Rayon Sports zongeye guhura nyuma y'amezi atatu
Amakipe yombi yari guhura ku Munsi wa 27 wo kwishyura, ariko uyu mukino wigijwe imbere "ku mpamvu z'ubucuruzi" nk'uko byatangajwe n'ubuyobozi bwa Rwanda Premier League.
Hashize amezi atatu gusa, amakipe yombi akiniye kuri iki kibuga, aho mu mikino ibanza yanganyije ubusa ku busa.
13:37
Ikaze kuri Stade Amahoro
IGIHE ibahaye ikaze kuri Stade Amahoro i Remera ahagiye kubera umukino w'Umunsi wa 20 wa Shampiyona hagati ya APR FC na Rayon Sports.
Ni umukino ugiye guhuza amakipe abiri ya mbere, aho Gikundiro iyoboye n'amanota 42, igakurikirwa n'Ikipe y'Ingabo z'Igihugu ifite amanota 40.
Abafana ku mpande zombi babukereye kugira ngo badacikwa n'ibirori bibera muri Stade Amahoro kuri iki Cyumweru.
Ni umukino ugiye guhuza amakipe abiri ya mbere, aho Gikundiro iyoboye n'amanota 42, igakurikirwa n'Ikipe y'Ingabo z'Igihugu ifite amanota 40.
Abafana ku mpande zombi babukereye kugira ngo badacikwa n'ibirori bibera muri Stade Amahoro kuri iki Cyumweru.
