Rwanda 1-1 Lesotho
Uko umukino uri kugenda
Umwanditsi |
: Eric Tony Ukurikiyimfura & Jah D'eau Dukuze |
Amafoto |
: Kwizera Herve, Kasiro Claude & Umwari Sandrine |
19:59
Amavubi agabanye amanota na Lesotho
Ikipe y'Igihugu 'Amavubi' inganyije na Lesotho igitego 1-1 mu mukino w'Umunsi wa Gatandatu wo mu Itsinda C ryo gushaka itike y'Igikombe cy'Isi kizaba mu 2026.
Kunganya uyu mukino bitumye Amavubi agira amanota umunani, anganya na Benin.
Afurika y'Epfo yakomeje kuyobora Itsinda C n'amanota 13 nyuma yo gutsinda Benin ibitego 2-0.
Nigeria yagize amanota arindwi nyuma yo kunganya na Zimbabwe igitego 1-1.
Iyi mikino yo gushaka itike y'Igikombe cy'Isi izongera gukomeza muri Nzeri, aho Amavubi azakirwa na Nigeria na Zimbabwe.
Kunganya uyu mukino bitumye Amavubi agira amanota umunani, anganya na Benin.
Afurika y'Epfo yakomeje kuyobora Itsinda C n'amanota 13 nyuma yo gutsinda Benin ibitego 2-0.
Nigeria yagize amanota arindwi nyuma yo kunganya na Zimbabwe igitego 1-1.
Iyi mikino yo gushaka itike y'Igikombe cy'Isi izongera gukomeza muri Nzeri, aho Amavubi azakirwa na Nigeria na Zimbabwe.
19:58
Umukino urarangiye
19:54
90' Iminota ine y'inyongera
Umusifuzi wa Kane, Kolissala Mbangui Andre Onesime, yerekanye iminota ine y'inyongera.
Amavubi ari gushaka igitego cy'intsinzi.
Amavubi ari gushaka igitego cy'intsinzi.
19:54
90' Amavubi ahushije uburyo bwiza
Omborenga Fitina ahinduye umupira mwiza mu rubuga rw'amahina, Mugisha Gilbert awukinishije umutwe, ujya ku ruhande gato.
Hari abafana bibwiraga ko ugiye mu izamu.
Hari abafana bibwiraga ko ugiye mu izamu.
19:53
Uko byifashe ku bindi bibuga
Nigeria 1-1 Zimbabwe
Benin 0-2 Afurika y'Epfo
Benin 0-2 Afurika y'Epfo
19:52
87' Uburyo bw'Amavubi
Mugisha Gilbert yinjiranye umupira mu rubuga rw'amahina, awuha Rafael York uteye ishoti, ufatwa n'umunyezamu wa Lesotho.
19:51
86' Abafana batangiye gutaha
Nyuma y'uko Amavubi yishyuwe igitego yari yatsinze, bamwe mu bafana batangiye gutaha.
19:46
82' Igitego cya Lesotho
Fothoane yishuriye Lesotho ku mupira atsindiye mu rubuga rw'amahina anyuze mu rihumye ubwugarizi bw'Amavubi.
19:45
81' Amavubi yongeye kwirangaraho
Rafael York yongeye gutanga umupira mwiza, kuri iyi nshuro awuha Mugisha Gilbert ucenze yinjira mu rubuga rw'amahina, aho gukinana na bagenzi be barimo York, awutera hejuru.
19:43
79' Amavubi yirangayeho
Rafael York ahaye umupira mwiza Kwizera Jojea winjiye mu rubuga rw'amahina, atera ishoti rikuwemo n'umunyezamu.
Umupira ugarukiye Muhire Kevin, awutera hejuru.
Umupira ugarukiye Muhire Kevin, awutera hejuru.
19:40
75' Gusimbuza
Hakim Sahabo asimbuwe na Samuel Gueulette naho Rafael York asimbura Nshuti Innocent ku ruhande rw'u Rwanda.
19:37
Uko byifashe ku bindi bibuga
Benin 0-1 Afurika y'Epfo
Nigeria 1-0 Zimbabwe
Nigeria 1-0 Zimbabwe
19:29
65' Amavubi ari gutanga ibyishimo
Bitandukanye n'uko byari bimeze mu gice cya mbere, kuri ubu Ikipe y'Igihugu iri gukina neza ndetse abafana benshi barayishyigikiye ku buryo bwose iri kugerageza kubaka.
19:26
59' Ikarita y'umuhondo
Umutoza w'Amavubi, Adel Amrouche, ahawe ikarita y'umuhondo kubera kutishimira uburyo umusifuzi atatanze ikarita itukura ku mukinnyi wa Lesotho ukiniye nabi Niyomuhabo Claude.
19:25
59' Ikarita y'umuhondo
Thabo Michael ahawe ikarita y'umuhondo akiniye nabi Niyomugabo Claude wari ucomekeye umupira Nshuti Innocent.
19:21
57' Igitego cy'Amavubi
Yego, ibi ni byo twari dutegereje, ni byo Abanyarwanda bari muri Stade Amahoro bari bategereje ndetse uraribona ukanabyumva mu majwi yabo.
Kwizera Jojea ahagurukije abafana ku mupira yinjiranye asize ubwugarizi bwa Lesotho, aroba umunyezamu wari wasohotse.
Ni umupira wari uvuye kuri Manzi Thierry.
Kwizera ni na we waherukaga gutsinda Lesotho muri Afurika y'Epfo, muri Kamena 2024.
Kwizera Jojea ahagurukije abafana ku mupira yinjiranye asize ubwugarizi bwa Lesotho, aroba umunyezamu wari wasohotse.
Ni umupira wari uvuye kuri Manzi Thierry.
Kwizera ni na we waherukaga gutsinda Lesotho muri Afurika y'Epfo, muri Kamena 2024.
19:19
56' Gusimbuza
Thabo Michael asimbuye Matsau naho Fothoane asimbura Bereng ku ruhande rwa Lesotho.
19:18
53' Coup-franc y'Amavubi
Matsau akoze umupira wari uvuye kuri Jojea Kwizera.
Ikosa rihanwe na Hakim Sahabo, ariko Moerane atanga umupira Manzi Thierry.
Ikosa rihanwe na Hakim Sahabo, ariko Moerane atanga umupira Manzi Thierry.
19:15
51' Umukino wasubukuwe
Umukino wongeye gukomeza nyuma y'uko umunyezamu Moerane na Nshuti Innocent bamaze kwitabwaho n'abaganga ku mpande zombi.
19:13
48' Abafana b'Amavubi bibwiraga ko babonye igitego
Nshuti Innocent agonganye n'umunyezamu wari ukuyeho umupira, umusifuzi arasifura, umupita uhita ugera kuri Muhire Kevin uwuteye mu izamu.
Abafana bahise bitera mu bicu, ariko nyuma babona ko hari habayeho ikosa.
19:11
48' Amavubi ari gushyushya abakinnyi batanu
Abakinnyi batanu barimo Rafael York, Samuel Gueuelette, Habimana Yves, na Niyigena Clement bari kwishyushya ku ruhande rw'Amavubi.
19:09
46' Igice cya kabiri cyatangiye
Amavubi yatangiranye umupira mu gice cya kabiri ndetse ahita atangira gusatira.
19:08
Gusimbuza
Patrick Makateng na Fusi Matlabe basimbuye Lemohang Lintsa na Rethabile ku ruhande rwa Lesotho.
18:54
Amavubi yabuze amahirwe ariko afite ibyo gukosora
Ikipe y'Igihugu 'Amavubi' yagerageje uburyo butandatu mu gice cya mbere, burimo bubiri bugana mu izamu ku mipira yatewe na Kwizera Jojea na Hakim Sahabo.
Uwavuga ko Amavubi yabuze amahirwe mu minota 45 ibanza ntiyaba abeshye.
Nubwo bimeze gutyo, hari amakosa yagaragaye arimo gutakaza imipira bya hato na hato mu bakinnyi bugarira nka Omborenga Fitina.
Nk'uko Hakim Sahabo yikosoye, agakurira mu mukino, ni byo bitegerejwe kuri Nshuti Innocent na Muhire Kevin.
Kwizera Jojea ni umukinnyi wagaragaje itandukaniro kugeza ubu, ariko ntawarenza ingohe uburyo Lesotho ifata umupira igahanahana neza ku buryo Amavubi atitonze yayaca mu rihumye.
Uwavuga ko Amavubi yabuze amahirwe mu minota 45 ibanza ntiyaba abeshye.
Nubwo bimeze gutyo, hari amakosa yagaragaye arimo gutakaza imipira bya hato na hato mu bakinnyi bugarira nka Omborenga Fitina.
Nk'uko Hakim Sahabo yikosoye, agakurira mu mukino, ni byo bitegerejwe kuri Nshuti Innocent na Muhire Kevin.
Kwizera Jojea ni umukinnyi wagaragaje itandukaniro kugeza ubu, ariko ntawarenza ingohe uburyo Lesotho ifata umupira igahanahana neza ku buryo Amavubi atitonze yayaca mu rihumye.
18:49
Igice cya mbere kirarangiye
Iminota 45 ibanza y'umukino uri guhuza Amavubi na Lesotho irangiye amakipe yombi anganya ubusa ku busa.
18:47
45' Iminota itatu y'inyongera
Umusifuzi wa Kane, Kolissala Mbangui Andre Onesime, yerekanye iminota itatu y'inyongera.
18:45
Stade yose iri mu bicu, abafana bategereje igitego
Kuva ku munota wa mbere abakunzi b'Amavubi buzuye kuri Stade Amahoro bari gufana ku rwego rwo hejuru aho bizeye ko isaba n'isaha igitego cyajyamo.
18:45
43' Ubundi buryo bw'Amavubi
Omborenga Fitina akinanye na Nshuti Innocent mu ruhande rw'urubuga rw'amahina, uyu wa nyuma atera ishoti rinyuze ku ruhande rw'izamu.
18:44
42' Amavubi ahushije uburyo bwiza
Muhire Kevin ahaye umupira Nshuti Innocent, na we yegera imbere awuha Kwizera Jojea winjiye mu rubuga rw'amahina, ashatse kuroba umunyezamu awukoraho, ujya muri koruneri.
18:39
38' Abanyarwanda baranyotewe
Niyomugabo Claude ahinduye umupira mu rubuga rw'amahina, Kwizera Jojea ntiyawufatisha neza, usanga Hakim Sahabo uteye ishoti rijya hejuru y'izamu rya Lesotho.
Abanyarwanda banyotewe no kubona umupira winjira mu izamu.
Abanyarwanda banyotewe no kubona umupira winjira mu izamu.
18:37
35' Ubundi buryo bw'Amavubi
Ikipe y'Igihugu iri gukina neza muri iyi minota ndetse yari ibonye uburyo bw'ishoti rya kure ritewe na Nshuti Innocent, umupira ujya ku ruhande rw'izamu.
18:34
33' Uburyo bw'Amavubi
Hakim Sahabo ateye koruneri ku ruhande rw'Amavubi, umupira usanga Mutsinzi Ange uwushyizeho umutwe, ku bw'amahirwe make ujya hejuru y'izamu.
18:33
30' Coup-franc y'Amavubi
Muhire Kevin ahawe umupira na Omborenga Fitina, akinirwa nabi na Joseph Toloane inyuma y'urubuga rw'amahina.
Ikosa rihanwe na Kwizera Jojea, umupira ukurwaho n'umunyezamu mbere y'uko ugera ku mutwe w'umukinnyi w'Amavubi, ujya muri koruneri.
Ikosa rihanwe na Kwizera Jojea, umupira ukurwaho n'umunyezamu mbere y'uko ugera ku mutwe w'umukinnyi w'Amavubi, ujya muri koruneri.
18:29
29' Umukino uhagaze gato
Umukino ubaye uhagaze mu gihe hari kuvurwa umukinnyi wa Lesotho witambitse ishoti rikomeye ryari ritewe na Mugisha Gilbert.
18:28
27' Lesotho yimanye umupira
Ikipe y'Igihugu ya Lesotho iri guhanahana neza mu kibuga cyayo, bigasaba ko abakinnyi bose b'u Rwanda barimo Nshuti Innocent bajya gukora urukuta bashaka umupira.
Amavubi ntatindana umupira abonye kubera gutera imipira miremire.
Amavubi ntatindana umupira abonye kubera gutera imipira miremire.
18:25
23' Gusatira kwa Lesotho
Neo atwaye umupira Muhire Kevin, yinjira mu kibuga cy'Amavubi kugeza ageze ku izamu, atera ishoti rishyizwe muri koruneri na Ntwari Fiacre.
18:22
20' Uburyo bw'Amavubi
Omborenga Fitina ahinduye umupira usubijwe inyuma na Lesotho, awuha Hakim Sahabo ucenze umukinnyi umwe, atera ishoti rikomeye rishyizwe muri koruneri na Moerane.
18:18
16' Umukino usubukuwe nyuma y'akaruhuko
Umusifuzi Effa Essouma Antoine Max Depadoux yatanze akanya gato ko gusoma ku mazi dore ko hari abakinnyi baba bari mu gisibo cya Ramadhan.
Niyigena Clement ari kwishyushya nyuma y'uko Mutsinzi Ange agaragaje ko yagize ikibazo.
Niyigena Clement ari kwishyushya nyuma y'uko Mutsinzi Ange agaragaje ko yagize ikibazo.
18:17
15' Amavubi arasabwa kwitonda mu bwugarizi
Ubwugarizi bw'Amavubi bwari bwongeye gukora ikosa ryo guhagarara nabi, ariko umupira utewe na Lemohang Lintsa, ushyirwa muri koruneri na Omborenga Fitina washoboraga kwitsinda.
18:16
14' Uburyo bw'Amavubi
Kwizera Jojea acomekewe umupira yinjira mu rubuga rw'amahina, atera ishoti rikuwemo n'Umunyezamu Moerane wa Lesotho.
18:12
10' Mutsinzi Ange yababaye
Mutsinzi Ange ahaweumupira ari wenyine, arawurenza kugira ngo abanze yitabweho n'abaganga.
Myugariro w'Amavubi yicaye hasi aho ari kuvurwa mu gihe umukino wahagaze.
Myugariro w'Amavubi yicaye hasi aho ari kuvurwa mu gihe umukino wahagaze.
18:10
8' Coup-franc ya Lesotho
Hakim Sahabo akiniye nabi Bereng ku mupira wari ukuweho nabi na Omborenga Fitina.
Ikosa rihanwe n'uyu mukinnyi wa Lesotho, umupira awukubita Kwizera Jojea urarenga.
Ikosa rihanwe n'uyu mukinnyi wa Lesotho, umupira awukubita Kwizera Jojea urarenga.
18:08
6' Gusatira kw'Amavubi
Kwizera Jojea agerageje kwinjira mu rubuga rw'amahina rwa Lesotho, abakinnyi bugarira baramuzibira, ariko Amavubi asubirana umupira.
Uyu mukinnyi ukina muri Amerika, ateye ishoti asubiza umupira mu rubuga rw'amahina, umukinnyi wa Lesotho awukubise aryama hasi, umupira urarenga.
Uyu mukinnyi ukina muri Amerika, ateye ishoti asubiza umupira mu rubuga rw'amahina, umukinnyi wa Lesotho awukubise aryama hasi, umupira urarenga.
18:05
3' Amavubi ari gukinira inyuma
Muri iyi minota ya mbere, Ikipe y'Igihugu iri kubanza guhererekanya cyane mu bakinnyi b'inyuma barimo Manzi Thierry na Mutsinzi Ange mbere y'uko bashyira imipira miremire yo hasi imbere.
18:02
1' Lesotho yari ikanze Amavubi
Umupira wa mbere Lesotho ikinnye, uruhukiye mu rubuga rw'amahina rw'Amavubi, ariko umusifuzi avuga ko yakinnye nabi.
Abafana b'Amavubi batangiranye imbaraga, icyo kwibaza ni igihe ziza kumara.
Abafana b'Amavubi batangiranye imbaraga, icyo kwibaza ni igihe ziza kumara.
18:01
Umukino uratangiye
Umusifuzi w'Umunya-Cameroun, Effa Essouma Antoine Max Depadoux, atangije umukino.
Umupira wa mbere wakinwe na Tsepo Joseph wa Lesotho.
Amavubi yambaye imipira y'umuhondo, amakabutura y'ubururu n'amasogisi y'icyatsi.
Lesotho yambaye imipira y'icyatsi irimo uturongo tw'ubururu n'umweru dutambitse, amakabutura y'umweru n'amasogisi y'umweru.
Umupira wa mbere wakinwe na Tsepo Joseph wa Lesotho.
Amavubi yambaye imipira y'umuhondo, amakabutura y'ubururu n'amasogisi y'icyatsi.
Lesotho yambaye imipira y'icyatsi irimo uturongo tw'ubururu n'umweru dutambitse, amakabutura y'umweru n'amasogisi y'umweru.
17:56
Habanje kuririmbwa indirimbo zubahiriza ibihugu byombi
Mbere y'uko umukino utangira, habanje kuririmbwa indirimbo zubahiriza ibihugu byombi, zabanjirijwe n'iya Lesotho "Lesotho Fatše La Bo-Ntat'a Rna", hakurikiraho Rwanda Nziza.
17:49
Amakipe yombi yashoje kwishyushya
Amavubi na Lesotho basubiye mu rwambariro kumva inama za nyuma z'abatoza. Buri kipe ifite byinshi iharanira mbere y'uyu mukino.
17:46
Stade Amahoro yuzuye
Mu gihe habura iminota mike ngo umukino utangire, Stade Amahoro yamaze kuzura.
Iyi Stade ifite ubushobozi bwo kwakira abantu ibihumbi 45, yaherukaga kuzura ku mukino Amavubi yakiriyemo Nigeria ku wa Gatanu.
Iyi Stade ifite ubushobozi bwo kwakira abantu ibihumbi 45, yaherukaga kuzura ku mukino Amavubi yakiriyemo Nigeria ku wa Gatanu.
17:36
Umukino urayoborwa n'umusifuzi w'Umunya-Cameroun
Umusifuzi ukomoka muri Cameroun, Effa Essouma Antoine Max Depadoux, ni we uyobora umukino w'u Rwanda na Lesotho.
Yungurijwe na Noupue Nguegoue Elvis Guy bava mu gihugu kimwe, mu gihe umusifuzi wa kabiri wungirije ari Oriya Zaoubaye Wilfried De Bozor wo muri Repubulika ya Centrafrique.
Umusifuzi wa Kane ni Kolissala Mbangui Andre Onesime na we wo muri Centrafrique
17:11
Stade Amahoro ishobora kongera kuzura
Nk'uko byagenze ku mukino uheruka wa Nigeria, Amavubi ashobora kongera kuzuza Stade Amahoro yakira abantu ibihumbi 45 bicaye neza.
Mu gihe habura iminota 48 ngo umukino utangire, abamaze kugera muri Stade bari ku rwego rwa 95%.
Mu gihe habura iminota 48 ngo umukino utangire, abamaze kugera muri Stade bari ku rwego rwa 95%.
17:04
Icyizere ni cyose ku Banyarwanda baje gushyigikira Amavubi
17:00
Abanya-Lesotho bishimiye ikibuga bagiye gukiniraho
16:58
Ubwo abakinnyi b'Amavubi basuraga ikibuga bakiniraho
16:55
Abakinnyi ba Lesotho babanje mu kibuga
Umutoza wa Lesotho, Leslie Notsi, yahisemo gukinisha:
Sekhoane Moerane (c)
Malane
Rethabile
Mkwanazi
Thabo
Matsau
Kalake
Toloane
Lemohang
Bereng
Neo
Sekhoane Moerane (c)
Malane
Rethabile
Mkwanazi
Thabo
Matsau
Kalake
Toloane
Lemohang
Bereng
Neo
16:49
Abakinnyi b'Amavubi babanje mu kibuga
Umutoza Adel Amrouche yahisemo gukinisha:
Ntwari Fiacre
Omborenga Fitina
Niyomugabo Claude
Mutsinzi Ange
Manzi Thierry (c)
Mugisha Bonheur
Hakim Sahabo
Muhire Kevin
Kwizera Jojea
Mugisha Gilbert
Nshuti Innocent.
16:45
Ubwo abakinnyi b'Amavubi bageraga kuri Stade Amahoro
16:43
Uko Lesotho yitwaye mu mikino itanu iheruka gukina
16:29
Amavubi yakiranywe ibyishimo i Remera
Abakinnyi b'Ikipe y'Igihugu 'Amavubi' bamaze kugera muri Stade Amahoro aho babanje gusura ikibuga bakiniraho na Lesotho mu isaha imwe n'igice biri imbere.
Abanyarwanda bamaze kugera muri Stade, babakiranye ibyishimo ndetse babakomera amashyi menshi.
Abanyarwanda bamaze kugera muri Stade, babakiranye ibyishimo ndetse babakomera amashyi menshi.
16:14
DJ Brianne abyinana n'abafana bitabiriye umukino
16:10
Uko Amavubi yitwaye mu mikino itanu aheruka gukina
15:59
Ikibuga cya Stade Amahoro kiriteguye
Mu masaha abiri ari imbere, ruraba rwambikanye hagati y'Amavubi y'u Rwanda n'Ingona za Lesotho.
Ikibuga cya Stade Amahoro kiri kuhirwamo amazi kenshi gashoboka kugira ngo umukino utangire kimeze neza.
Ikibuga cya Stade Amahoro kiri kuhirwamo amazi kenshi gashoboka kugira ngo umukino utangire kimeze neza.
15:57
DJ Brianne yatangiye gususurutsa abitabiriye umukino
Gateka Esther Brianne uzwi mu kuvanga imiziki nka DJ Brianne, ni we uri gususurutsa abamaze kugera muri Stade Amahoro binyuze mu gucuranga indirimbo zitandukanye, ndetse akanyuzamo akabyina.
15:47
Umutoza w'Amavubi ashobora gukora impinduka ebyiri
Ukurikije imyitozo Amavubi yakoze mu minsi ibiri ishize, Umutoza Adel Amrouche ashobora gukora impinduka ebyiri mu bakinnyi babanza mu kibuga.
Muhire Kevin ni we ushobora gufata umwanya wa Bizimana Djihad utemerewe gukina uyu mukino kubera amakarita abiri y'umuhondo.
Ibyo bivuze ko imbere ya Ntwari Fiacre haba hahagaze Omborenga Fitina, Niyomugabo Claude, Mutsinzi Ange na Manzi Thierry uba wambaye igitambo cya Kapiteni.
Mu kibuga hagati ni Mugisha Bonheur, Muhire Kevin na Hakim Sahabo.
Ni mu gihe ubusatirizi bushobora kuyoborwa na Mugisha Gilbert, Kwizera Jojea na Nshuti Innocent.
Muhire Kevin ni we ushobora gufata umwanya wa Bizimana Djihad utemerewe gukina uyu mukino kubera amakarita abiri y'umuhondo.
Ibyo bivuze ko imbere ya Ntwari Fiacre haba hahagaze Omborenga Fitina, Niyomugabo Claude, Mutsinzi Ange na Manzi Thierry uba wambaye igitambo cya Kapiteni.
Mu kibuga hagati ni Mugisha Bonheur, Muhire Kevin na Hakim Sahabo.
Ni mu gihe ubusatirizi bushobora kuyoborwa na Mugisha Gilbert, Kwizera Jojea na Nshuti Innocent.
15:43
Abinjira muri Stade Amahoro baracyari benshi
Ku miryango ya Stade irimo uw'imbere ya BK Arena no kuri Zigama CSS, hari abafana benshi bitabiriye umukino w'Amavubi na Lesotho.
Ku mukino u Rwanda ruheruka kwakiramo Nigeria, Stade Amahoro yuzuye habura isaha ngo amakipe yombi agere mu kibuga.
15:38
Spider camera itarakoze kuri Nigeria, irahari kuri Lesotho
Camera yo ku migozi yo mu kirere izwi nka "Spider Camera" irifashishwa kuri uyu mukino w'Amavubi na Lesotho mu gihe ku mukino uheruka, wa Nigeria, itigeze ikoreshwa.
15:35
Muri Stade Amahoro hamaze kugera abafana benshi
Ngabo Roben na Rigoga Ruth batangiye gushyushya abafana bageze muri Stade Amahoro mu gihe habura amasaha abiri n'igice ngo umukino utangire.
Byibuze abagera kuri 60% mu gice cyo hejuru bamaze kugera mu myanya yabo mu gihe mu gice cyo hasi bari kuri 35%.
Byibuze abagera kuri 60% mu gice cyo hejuru bamaze kugera mu myanya yabo mu gihe mu gice cyo hasi bari kuri 35%.
15:30
Uko Itsinda C rihagaze mbere y'Umunsi wa Gatandatu
Kuri uyu wa Kabiri, u Rwanda rurakira Lesotho, Benin ikinea na Afurika y'Epfo mu gihe Nigeria yakira Zimbabwe.
Gutsinda kw'Amavubi birayashyira ku mwanya wa kabiri hatitawe ku biva mu mukino wa Afurika y'Epfo na Benin.
Ni mu gihe kandi u Rwanda rwazafata umwanya wa mbere mu gihe Afurika y'Epfo yaba itewe mpaga kubera gukinisha Teboho Mokoena wari ufite amakarita abiri ku mukino wa Lesotho.
Gutsinda kw'Amavubi birayashyira ku mwanya wa kabiri hatitawe ku biva mu mukino wa Afurika y'Epfo na Benin.
Ni mu gihe kandi u Rwanda rwazafata umwanya wa mbere mu gihe Afurika y'Epfo yaba itewe mpaga kubera gukinisha Teboho Mokoena wari ufite amakarita abiri ku mukino wa Lesotho.
15:14
Abanyarwanda benshi bakomeje kugera kuri Stade Amahoro
Abanyarwanda n'abakunzi b'umupira w'amaguru baturutse mu bice bitandukanye by'Umujyi wa Kigali, bakomeje kugera kuri Stade Amahoro i Remera ahabera umukino w'u Rwanda na Lesotho.
Mu bice bitandukanye hashyizweho imodoka zifasha abashaka kwitabira uyu mukino kugera i Remera.
Ni mu gihe kwinjira byagizwe ubuntu ku myanya isanzwe yishyuzwa 1000 Frw na 2000 Frw, naho ibiciro biragabanywa mu bindi byicaro bisigaye.
15:01
Ikaze kuri Stade Amahoro
IGIHE ibahaye ikaze kuri Stade Amahoro, i Remera, ahagiye kubera umukino w'Umunsi wa Gatandatu wo mu Itsinda C ryo gushaka itike y'Igikombe cy'Isi hagati y'u Rwanda na Lesotho.
Ni umukino Ikipe y'Igihugu 'Amavubi' isabwa gutsinda kugira ngo yiyunge n'Abanyarwanda ndetse yigarurire icyizere mu rugendo rwo gushaka itike y'Igikombe cy'Isi, nyuma y'uko iheruka gutsindirwa na Nigeria ibitego 2-0 kuri iki kibuga.
Lesotho na yo yatsinzwe na Afurika y'Epfo ibitego 2-0 mu mukino uheruka, ariko ishobora kunguka ayo manota atatu kubera ko Bafana Bafana yakinishije umukinnyi ufite amakarita abiri y'umuhondo.
Umukino uratangira Saa Kumi n'Ebyiri zuzuye.
