APR FC 2-1 Vision FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kwizera Hervé |
20:03
Abafana ba APR FC beretse urukundo Mamadou Sy bamuha amafaranga
Ku nshuro ya kabiri muri uyu mwaka w'imikino, Mamadou Sy yongeye guhesha APR FC intsinzi mu minota ya nyuma.
Abakunzi b'iyi kipe bamuririmbye ubwo umukino wari urangiye, bamuha amafaranga.
19:55
APR FC yongeye kotsa igitutu Rayon Sports
Ibitego bya Djibril Ouattara na Mamadou Sy bifashije APR FC gutsinda Vision FC 2-1, ibona amanota atatu y'ingenzi mu rugamba rwo guhatanira Igikombe cya Shampiyona.
Ikipe y'Ingabo z'Igihugu igize amanota 45 ku mwanya wa kabiri, irushwa inota rimwe na Rayon Sports ya mbere nyuma y'imikino 22 imaze gukinwa.
Indi mikino yabaye kuri iki Cyumweru ni uwo Police FC yatsinzwe na Kiyovu Sports igitego 1-0 n'uwo Etincelles FC yanganyije na Marine FC ubusa ku busa.
19:52
90+3' Umukino urarangiye
19:52
90+2' Uburyo bwa Vision FC
Vision FC ibonye umupira uteretse mu rubuga rwa APR FC, utewe na Nshimiyimana ufatwa neza na Ishimwe Pierre ahita awuryamira.
19:49
90' Iminota itatu y'inyongera
Umusifuzi wa Kane, Ngabonziza Dieudonne, yerekanye iminota itatu y'inyongera.
Amakipe yombi ari gusatirana.
Amakipe yombi ari gusatirana.
19:48
88' Gusimbuza
Nshimiyimana Ibrahim asimbuye Ishimwe Fabrice ku ruhande rwa Vision FC.
19:47
87' Gusimbuza
Cheikh Djibril Ouattara asimbuwe na Nshimirimana Ismael Pitchou ku ruhande rwa APR FC.
19:44
84' Igitego cya kabiri cya APR FC
Mamadou Sy ahagurukije abafana ba APR FC nyuma y'uko ubwugarizi bwa Vision FC bugowe no gukuraho umupira.
19:42
81' APR FC ihushije uburyo bwiza
Denis Omedi ahawe umupira mu rubuga rw'amahina, ananirwa kuwukina neza, awutera ku ruhande hirya y'izamu.
19:39
80' Umukino winjiye mu minota 10 ya nyuma
Darko Novic utoza APR FC na Lomami Marcel utoza Vision FC, bombi barahagaze ndetse buri kanya bari guha amabwiriza abakinnyi babo.
19:36
77' Abafana ba APR FC bategereje igitego
19:35
75' Gusimbuza
Mugisha Gilbert asimbuwe na Tuyisenge Arsene ku ruhande rwa APR FC ikoze impinduka ya gatatu.
19:34
74' APR FC ihushije uburyo bwiza
Denis Omedi ananiwe kuroba umunyezamu wa Vision FC mbere y'uko na Mamadou Sy atera umupira n'umutwe ukajya hejuru y'izamu.
19:31
71' Gusimbuza
Twizerimana Onesme na Nizeyimana Omar basimbuye Cyubahiro Idarusi na Rugangazi Prosper ku ruhande rwa Vision FC.
19:30
70' Ikarita y'umuhondo
Umuganga wa Vision FC, Wihogora Radjabu, ahawe ikarita y'umuhondo nyuma yo kwinjira mu kibuga atabiherewe uburenganzira.
Ni nyuma y'uko abakinnyi babiri ba Vision FC bari baryamye hasi mu kibuga.
Ni nyuma y'uko abakinnyi babiri ba Vision FC bari baryamye hasi mu kibuga.
19:25
64' Uburyo bwa APR FC
Mugisha Gilbert ahaye umupira Niyigena Clement uteye ishoti rikomeye, rifatwa n'umunyezamu wa Vision FC ukiniwe nabi na Mamadou Sy.
19:23
63' Coup-franc ya APR FC
Ishimwe Fabrice akiniye nabi Omedu ahagana muri koruneri, ikosa rihanwe na Niyibizi Ramadhan, Vision FC ishyira umupira muri koruneri itagize icyo itanga.
19:21
61' Gusimbuza
Denis Omedi asimbuye Dauda Yussif ku ruhande rwa APR FC ikoze impinduka ku nshuro ya kabiri.
19:17
57' Uburyo bwa Vision FC
Pascal zabibo ahaye umupira mwiza Ndikumana Faustin Edgar, atera ishoti rikomeye rigiye hejuru y'izamu rya APR FC.
19:13
53' Umukino uhagaze gato
Umukino uhagaze gato nyuma y'uko umunyezamu James wa Vision FC yicaye hasi, agasaba ko abaganga baza kumuvura.
19:09
50' Uburyo bwa APR FC
Ouattara acomekeye umupira Ndayishimiye Dieudonne winjiye mu rubuga rw'amahina, awuhinduye imbere y'izamu, Mamadou Sy na Ruboneka bananirwa kuwukina.
19:04
46' Igice cya kabiri cyatangiye
APR FC yatangiranye umupira mu gice cya kabiri, ibanza kubaka ihereye inyuma.
19:03
Gusimbuza
Niyibizi Ramadhan asimbuye Lamine Bah ku ruhande rwa APR FC.
19:00
Umugaba Mukuru w'Ingabo z'u Rwanda ari mu bitabiriye umukino
Umugaba Mukuru w'Ingabo z'u Rwanda akaba na Chairman w'Icyubahiro wa APR FC, Gen Mubarakh Muganga, ari mu bitabiriye uyu mukino.
18:49
Igice cya mbere kirarangiye
Iminota 45 ibanza y'umukino uri guhuza APR FC na Vision FC, irangiye amakipe yombi anganya igitego 1-1.
18:47
45+1' Igitego cyo kwishyura cya Vision FC
Rugangazi Prosper ahinduye umupira mwiza mu rubuga rw'amahina, usanga Cyubahiro Idarusi usumbye abakinnyi ba APR FC, akozaho umutwe, umupira ujya mu izamu.
18:46
45' Iminota ibiri y'inyongera
Umusifuzi wa Kane, Ngabonziza Dieudonne, yerekanye iminota ibiri y'inyongera.
18:37
36' Vision FC yahinduye umukino
Ikipe ya Vision FC iri gusatira muri iyi minota nubwo kugera mu rubuga rw'amahina bikigoranye.
18:32
31' Uburyo bwa Vision FC
Cyubahiro Idarusi agerageje guha umwanya Rugangazi, akingiriza abakinnyi b'inyuma ba APR FC, uyu wa nyuma atera ishoti rigiye ku ruhande rw'izamu.
18:30
30' Imvura yakajije umurego
Imvura yamaze kuba nyinshi ndetse abafana hafi ya bose bari ahadatwikiriye bahita bimuka.
Mu kibuga, umukino urakomeje.
Mu kibuga, umukino urakomeje.
18:26
25' APR FC ihushije uburyo bwiza
Mamadou Sy acomekewe umupira mwiza na Niyomugabo Claude mu rubuga rw'amahina, awutera nabi ujya hanze.
18:24
23' Uko amakipe yombi yaserutse kuri uyu mugoroba
18:21
19' Igitego cya APR FC
Djibril Ouattara Cheick afunguye amazamu i Nyamirambo, atsinze penaliti mu ruhande rw'ibumoso mu gihe umunyezamu yagiye iburyo.
18:19
18' Ikarita y'umuhondo
Musa Esenu ahawe ikarita y'umuhondo kubera kutishimira imisifurire.
18:18
18' Penaliti ya APR FC
Ruboneka Bosco ashyize umupira mu rubuga rw'amahina, Ouattara ashatse kuwutanga umunyezamu, agushwa na Stephen Bonney.
18:17
16' Coup-franc ya Vision FC
Rugangazi ahannye ikosa, Niyigena Clement akuraho umupira wafashwe na Lamine Bah, na we awuha Ruboneka wirukanye, awuhinduye mu rubuga rw'amahina, Vision FC yirwanaho.
18:16
15' Ikarita y'umuhondo
Mugisha Gilbert ahawe ikarita y'umuhondo akuruye Rugangazi Prosper wari umusize.
18:15
14' Coup-franc ya Vision FC itewe nabi
Musa Esenu yakiniwe nabi ari inyuma y'urubuga rw'amahina, nko muri metero 27.
Ikosa ryahanwe na Cyubahiro Idarusi, atera umupira hejuru kure y'izamu rya APR FC.
18:13
12' Imvura ikuye bamwe mu byicaro
Imvura nke yatangiye kugwa i Nyamirambo, yatumye abafana bari bicaye ahadatwikiriye bahava, bajya gushaka aho bikinga.
18:10
9' Gusatira kwa APR FC
Djibril Ouattara, Lamine Bah na Dauda Yussif bagowe no kwinjira mu rubuga rw'amahina rwa Vision FC.
APR FC iri gusatira cyane muri iyi minota.
APR FC iri gusatira cyane muri iyi minota.
18:07
6' Ubundi buryo bwa Vision FC
Ishimwe Pierre abyitwayemo neza, afata umupira uhinduwe na Cyubahiro Idarusi nyuma yo kuzamukanwa na Musa Esenu.
18:05
4' Uburyo bwa Vision FC
Cyubahiro Idarusi asubije umupira inyuma, akinana na Ndikumana Faustin Edgar uteye ishoti, umupira ujya ku ruhande rw'izamu rya APR FC.
18:03
2' Coup-franc ya APR FC
Ruboneka Bosco ahannye ikosa ryakorewe kuri Mamadou Sy, umupira ukurwaho neza na Vision FC ndetse ihita iwurenza.
18:02
1' Ikarita y'umuhondo
Stephen Bonney ahawe ikarita y'umuhondo nyuma yo gukurura Mamadou Sy wari umwinjiranye mu rubuga rw'amahina.
Ni nyuma y'umupira wari utanzwe nabi n'umunyezamu James.
Ni nyuma y'umupira wari utanzwe nabi n'umunyezamu James.
18:00
Umukino watangiye
Umusifuzi Ngaboyisonga Patrick yatangije umukino.
Umupira wa mbere watewe na Musa Esenu wa Vision FC, akinana na bagenzi be.
Umupira wa mbere watewe na Musa Esenu wa Vision FC, akinana na bagenzi be.
17:47
Amakipe yombi yasoje kwishyushya
Abakinnyi ba APR FC na Vision FC basubiye mu rwambariro nyuma yo kwishyushya.
Umukino uratangira mu minota mike iri imbere.
Umukino uratangira mu minota mike iri imbere.
17:37
Abakinnyi ba Vision FC babanje mu kibuga
Umutoza wa Vision FC, Lomami Marcel, yabanjemo:
James Desire
Irambona Patrick
Rurangwa Mossi
Stephen Bonney
Nshimiye Laurent
Ndikumana Faustin
Rugangazi Prosper
Cyubahiro Idarusi
Ishimwe Fabrice
Musa Esenu
Pascal Zabibo
17:33
Uko indi mikino yarangiye kuri iki Cyumweru
Etincelles FC 0-0 Marines FC
Kiyovu Sports 1-0 Police FC
17:26
APR FC yakoze impinduka mu bakinnyi babanza mu kibuga
Umutoza wa APR FC, Darko Novic, yakoze impinduka zitandukanye mu bakinnyi babanje mu kibuga, aho yahisemo gukoresha:
Ishimwe Pierre
Niyigena Clement
Nshimiyimana Yunussu
Ndayishimiye Dieudonne
Niyomugabo Claude (c)
Dauda Yussif
Ruboneka Bosco
Lamine Bah
Djibril Ouattara
Mamadou Sy
Mugisha Gilbert
Ishimwe Pierre
Niyigena Clement
Nshimiyimana Yunussu
Ndayishimiye Dieudonne
Niyomugabo Claude (c)
Dauda Yussif
Ruboneka Bosco
Lamine Bah
Djibril Ouattara
Mamadou Sy
Mugisha Gilbert
17:20
Ikaze kuri Kigali Pele Stadium
IGIHE ibahaye ikaze kuri Stade ya Kigali ahagiye kubera umukino w'Umunsi wa 22 wa Shampiyona hagati ya APR FC na Vision FC.
Ikipe y'Ingabo z'Igihugu iri ku mwanya wa kabiri n'amanota 42 ndetse gutsinda kwayo byayifasha gusatira Rayon Sports ya mbere n'amanota 46.
Vision FC ni iya nyuma n'amanota 16.
Ikipe y'Ingabo z'Igihugu iri ku mwanya wa kabiri n'amanota 42 ndetse gutsinda kwayo byayifasha gusatira Rayon Sports ya mbere n'amanota 46.
Vision FC ni iya nyuma n'amanota 16.
