Marines vs Rayon Sports

Marine FC 2-2 Rayon Sports

Uko umukino uri kugenda

Umwanditsi

: Eric Tony Ukurikiyimfura

Amafoto

: Umwari Sandrine

20:57

Ibyishimo byari byose muri APR FC yatsinze Bugesera FC

Abakinnyi n'abakunzi ba APR FC bishimye bidasanzwe nyuma yo gutsinda Bugesera FC igitego 1-0, igafata umwanya wa mbere.

19:37

Umva icyatumye Rayon Sports itakaza umwanya wa mbere

18:40

AMASHUSHO: Ibyaranze umukino wa Marine FC na Rayon Sports

17:20

Uko imikino yabaye yarangiye n'urutonde rwa Shampiyona

17:15

Reba igitego cyahesheje APR FC umwanya wa mbere

17:00

Rayon Sports itakaje umwanya wa mbere

Nyuma y'iminsi myinshi iyoboye, Rayon Sports yatakaje umwanya wa mbere nyuma yo kunganya na Marine FC ibitego 2-2 mu mukino w'Umunsi wa 23 wabereye i Rubavu.

Kunganya byatumye Gikundiro igira amanota 47 ku mwanya wa kabiri, irushwa inota rimwe na APR FC yagize amanota 48 itsindiye Bugesera FC igitego 1-0 i Nyamata .

16:59

Umukino urarangiye

16:55

APR FC ibaye ifashe umwanya wa mbere

APR FC yatsinze Bugesera FC igitego 1-0 ifata umwanya wa mbere muri Shampiyona n’amanota 48, ku nshuro ya mbere muri uyu mwaka.

Rayon Sports nitsinda irawisubiza.

16:54

90+1' Abatoza ku mpande zombi ntababyumva kimwe

Abatoza ba Rayon Sports bashyamiranye n'aba Marine FC nyuma yo gushaka gusohora bwangu Ishimwe Jean-Rene wari ku ngobyi.

16:52

90' Iminota itanu y'inyongera

Umusifuzi wa Kane yerekanye iminota itanu y'inyongera.

Ishimwe Jean-Rene wa Marine FC yicaye hasi ndetse agiye gukurwa mu kibuga ateruwe ku ngobyi.

16:51

89' Marine FC irashyigikiwe

16:49

87' Rayon Sports ihushije uburyo bwiza

Rugirayabo agowe no kurinda umupira, ufatwa na Bassane uwuteye mu izamu, ukurwamo na Irambona awushyira muri koruneri itagize icyo itanga.

16:45

83' Coup-franc nziza ya Rayon Sports


Omborenga Fitina ahannye ikosa, umupira ugwa mu rukuta, umupira usubiye kwa Nsabimana Aimable ari mu rubuga rw'amahina awutera hejuru.

16:43

82' Ikarita y'umuhondo

Bizimungu Omar ahawe ikarita y'umuhondo akiniye nabi Iraguha Hadji inyuma y'urubuga rw'amahina.

16:41

80' Umukino winjiye mu minota 10 ya nyuma


Umukino wa Marine FC na Rayon Sports wageze mu minota 10 ya nyuma.

Marine FC yatangiye kugenda gake ngo iryemo amasegonda ariko umusifuzi yabibonye.

16:39

76' Lamptey yongeye kujya mu kibuga

Richmond Ramptey yishimiwe bikomeye n’abafana ba APR FC ubwo yinjiraga mu kibuga asimbuye Niyibizi Ramadhan.

Uyu Munya-Ghana yaherukaga nibura kuboneka mu basimbura, tariki ya 12 Mutarama 2025, ubwo APR FC yakinaga n’Amagaju FC.

16:36

75' Umukino uhagaze gato

Umukino ubaye uhagaze mu hari kuvurwa umukinnyi wa Marine FC, Ndikumana Fabio, wakiniwe nabi na Muhire Kevin.

16:34

Uburyo Ouattara yishimiye igitego yatsinze Bugesera FC

16:30

68' Igitego cyo kwishyura cya Rayon Sports

Youssou Diagne yishyuriye Rayon Sports n'umutwe ku mupira wari ugaruwe n'umunyezamu Irambona Vally.

16:28

65' Ubwugarizi bwa APR FC bwabaye ibamba

Bugesera FC yacuritse ikibuga, ikomeje gusatira bikomeye ishaka kwishyura igitego ariko ab’inyuma ba APR FC bakabyitwamo neza.

16:26

64' Rayon Sports irarokotse


Umunyezamu Khadime Ndiaye atabaye Rayon Sports inshuro ebyiri, bwa nyuma akuramo ishoti rya Ndikumana Fabio, ashyira umupira muri koruneri.

16:25

63' Gusimbuza

Aziz Bassane, Iraguha Hadji na Ishimwe Fiston basimbuye Elanga, Rukundo na Omar Gning.

16:24

62' Ikarita y'umuhondo

Bugingo Hakim ahawe ikarita y'umuhondo akiniye nabi Ndikumana Fabio.

16:24

62' Ikarita y'umuhondo

Bugingo Hakim ahawe ikarita y'umuhondo akiniye nabi Ndikumana Fabio.

16:21

60' Uburyo bwa Rayon Sports

Bugingo Hakim ateye umupira uteretse, ishoti rye rikomeye rikurwamo na Vally Irambona urengeje umupira.

16:19

58' Gusimbuza

Sibomana Bobo Sultan asimbuwe na Hoziyana Kennedy ku ruhande rwa Marine FC.

16:18

56' Igitego cya kabiri cya Marine FC

Rugirayabo Hassan atsindiye Marine FC igitego cya kabiri atunguye umunyezamu Khadime Ndiaye.

16:16

55' Abafana ba Rayon Sports baje gushyigikira ikipe yabo

16:16

54' Ikarita y'umuhondo

Marine FC ihawe ikarita ya kane y'umuhondo mu mukino.

Ni ku ikosa Mbonyumwami Thaiba akoreye kuri Ndayishimiye Richard.

16:11

49' Rayon Sports ihushije uburyo bwiza

Biramahire Abeddy ateye umupira uteretse ku ikosa Bizimungu Omar yakoreye kuri Aimable, Irambona awukoraho ujya muri koruneri. Benshi babonaga werekeza mu izamu.

16:10

Amwe mu mafoto y'umukino wa Bugesera FC na APR FC

Igice cya mbere cyarangiye APR FC yatsinze Bugesera FC igitego 1-0.

16:07

46' Igice cya kabiri cyatangiye

Rayon Sports yatangiranye umupira mu gice cya kabiri, ariko Muhire Kevin awuteye imbere urarenga.

16:06

Gusimbuza

Bizimungu Omar na Nizeyimana Mubaraka basimbuye Ndombe na Ebenezer Niyigena ku ruhande rwa Marines FC.

15:53

APR FC yagiye mu karuhuko iyoboye umukino


Mu Bugesera, amakipe yombi agiye kuruhuka APR FC yatsinze Bugesera FC igitego 1-0 cyatsinzwe na Djibril Quattara.

15:51

Igice cya mbere kirarangiye

I Rubavu, Marine FC na Rayon Sports zisoje igice cya mbere zinganya igitego 1-1.

15:48

45' Iminota itatu y'inyongera

Umusifuzi wa Kane, Nshimiyimana Remy Victor, yerekanye iminota itatu y'inyongera.

Amakipe yombi ari gusatirana ashaka igitego cya kabiri.

15:45

42' Ikarita y'umuhondo

Rugirayabo Hassan ahawe ikarita y'umuhondo akiniye nabi Nsabimana Aimable uri gukinira hagati asatira.

15:42

40' Umukino uhagaze gato

Umunyezamu wa Marine FC, Irambona Vally yicaye hasi, asaba ko yitabwaho n'abaganga.

Abatoza bombi baboneye kuganiriza abakinnyi.

15:40

37' Coup-franc ya Rayon Sports

Bugingo Hakim ahannye ikosa ryakorewe kuri Omborenga, umupira ufatwa na Irambona abanje kwiyongeza.

Rayon Sports ihise ibona ubundi buryo, Nsabimana Aimable ateye umupira ufatwa n'uyu munyezamu.

15:39

36' Ikarita y'umuhondo

Kapiteni wa Marine FC, Usabimana Olivier, ahawe ikarita y'umuhondo akiniye nabi Omborenga Fitina.

15:38

35' Ikarita y'umuhondo

Ndombe wa Marine FC ahawe ikarita y'umuhondo akiniye nabi Nsabimana Aimable.

15:36

Bugesera FC yatangiye kugaruka mu mukino

Nyuma y'iminota 30 imaze gukinwa, Bugesera FC yatangiye gusatira no kwiharira umupira imbere ya APR FC, ariko ntabwo uburyo buri kubonwa na Umar Abba na Ssentongo Farouk burabyara umusaruro.

15:34

31' Igitego cyo kwishyura cya Rayon Sports

Elanga-Kanga yishyuriye Rayon Sports ku mupira ahawe mu rubuga rw'amahina, awuteye mu izamu Irambona ntiyabasha kuwugarura.

15:32

30' Amwe mu mafoto y'umukino wa Marine FC na Rayon Sports

15:29

27' Abatoza bemeye baranyagirwa

Rwasamanzi wa Marine FC na Robertinho wa Rayon Sports, bombi bahagaze mu mvura nyinshi iri kugwa i Rubavu.

15:27

Uko Bugesera FC na APR FC zaserutse

15:26

23' Rayon Sports yongeye gusatira

Elanga Kanga wari umaze guhusha uburyo bwiza ku mupira wa koruneri, acomekeye undi mupira Bugingo Hakim, awuteye mu izamu ushyirwa muri koruneri na Irambona Vally.

15:24

Mu Bugesera, indirimbo ni Marine FC

Abafana ba APR FC bari kuririmba Marine FC yamaze gufungura amazamu mu mukino yakiriyemo Rayon Sports.

Ni mu gihe ikipe yabo ikomeje gusatira ishaka igitego cya kabiri.

15:22

20' Uko amakipe yombi yaserutse i Rubavu

15:20

Umukino uhagaze gato

Umukino ubaye uhagaze i Rubavu mu gihe hari kuvurwa Usabimana Olivier wakiniwe nabi na Omborenga Fitina.

15:16

13' Coup-franc ya Rayon Sports

Muhire Kevin yongeye gukinirwa nabi, ahannye ikosa, umupira ukurwaho n'ubwugarizi bwa Marine FC.

15:15

11' Igitego cya APR FC


Djibril Qattara atsinze igitego cya mbere cya APR FC, ku mupira uvuye muri koruneri itewe neza na Niyibizi Ramadhan, uyu Munya-Burkina Faso agatsindisha umutwe.

15:14

12' Igitego cya Marines FC

Ndikumana Fabio afunguye amazamu i Rubavu ku ishoti rikomeye atereye inyuma y'urubuga rw'amahina nyuma yo guhabwa umupira na Thaiba.

15:13

10' Imvura yabaye nyinshi i Rubavu

Mu gihe umukino ukomeje kuri Stade Umuganda, amakipe yombi asatirana, imvura yabaye nyinshi cyane, yimura n'abicaye ahatwikiriye.

15:11

APR FC yatangiriye hejuru mu Bugesera


APR FC yatangiye umukino isatira kuko mu minota 10 ya mbere imaze kugera ku izamu rya Bugesera FC inshuro eshatu.

15:11

8' Rayon Sports ihushije uburyo bwiza

Abeddy ateye ishoti rikomeye rigoye umunyezamu Irambona, umupira usanga Elanga awushota uyu munyezamu mu gatuza, Muhire Kevin agiye kuwutsinda barawumutanga.

15:09

6' Coup-franc ya Rayon Sports

Muhire Kevin ahannye ikosa yakorewe na Bobo Sultan, umupira ufatwa neza na Vally Irambona.

15:08

5' Gusatira kwa Marines FC


Ishimwe Jean Rene ahinduye umupira mwiza mu rubuga rw'amahina, Thaiba agorwa no kuwukina mbere y'uko Ndombe awukurwa ku kirenge na Khadime Ndiaye.

15:05

3' Uburyo bwa Rayon Sports

Muhire Kevin acomekeye umupira Rukundo, na we awutanga kuri Biramahire Abeddy ucenze, atera ishoti ari inyuma y'urubuga rw'amahina, umupira ufatwa neza na Irambona Vally.

15:02

Umukino watangiye

I Rubavu, Marines FC ni yo yatangiranye umupira, Mbonyumwami Thaiba akinana na bagenzi be.

15:02

Hafashwe umunota wo kunamira Mukuralinda


Mbere y'imikino yose y'Umunsi wa 23 wa Shampiyona, hari gufatwa umunota wo kunamira Alain Mukuralinda witabye Imana ku wa Gatanu.

Mukuralinda yari Umuvugizi Wungirije wa Guverinoma y'u Rwanda akaba n'Umuyobozi w'Ikipe ya Tsinda Batsinde ikina Icyiciro cya Kabiri.

Yahimbye indirimbo y'Ikipe y'Igihugu 'Amavubi' n'andi makipe akina Icyiciro cya Mbere

14:59

Imvura ibimburiye umukino i Rubavu

Ubwo abakinnyi bari bagisohoka mu rwambariro, imvura nyinshi ihise imanuka mu kirere cy'i Rubavu.

Ibyo bitumye bamwe mu bafana bicaye ahdatwikiriye n'abandi bashobora kunyagirwa, bajya gushaka aho bikinga.

14:58

Bugesera FC na APR FC zitegerejwe mu kibuga

Nyuma yo kwishyushya, amakipe ya Bugesera FC na APR FC ategerejwe mu kibuga.

14:52

Uko Rayon Sports yitwaye mu mikino itanu iheruka gukina

14:48

Uko imikino itanu iheruka guhuza Bugesera FC na APR FC yarangiye

14:45

Rayon Sports na Marine FC zisoje kwishyushya

Abakinnyi ba Marine FC na Rayon Sports basubiye mu rwambariro nyuma yo kwishyushya.

Umukino uratangira mu minota 15 iri imbere.

14:44

Abasuzi b'umukino wa Marine FC na Rayon Sports

Kayitare David ni we usifura umukino wa Marine FC na Rayon Sports nk'umusifuzi wo hagati.

Abasifuzi bo ku ruhande ni Mugabo Eric na Ntirenganya Elie mu gihe Umusifuzi wa Kane ari Nshimiyimana Remy Victor.

Komiseri w'Umukino ni Rurangirwa Aaron.

14:41

Uko Marine FC yitwaye mu mikino itanu iheruka

14:39

Abakinnyi 11 APR FC yitabaje imbere ya Bugesera FC


Umutoza wa APR FC, Darko Novic, yahisemo gukoresha:

Ishimwe Pierre
Niyigena Clement
Niyomugabo Claude
Nshimiyimana Yunusu
Byiringiro Jean Gilbert
Nshimirimana Ismael Pitchou
Yussif Seidu Dauda
Niyibizi Ramadhan
Djibril Quattara
Mugisha Gilbert
Mamadou Sy

14:37

Abakinnyi 11 Bugesera FC yitabaje imbere ya APR FC


Umutoza wa Bugesera FC, Haringingo Francis, yahisemo gukoresha:

Habineza Fils
Ngendahimana Eric
Hirwa Jean de Dieu
Iracyadukunda Eric
Dukundane Pacifique
Ssentongo Farouk
Bizimana Yannick
Umar Abba
Reuben Bala Yakubu
Mucyo Junior Didier

14:35

Abakinnyi ba Marine FC babanje mu kibuga

Umutoza wa Marine FC, Rwasamanzi Yves , yahisemo gukoresha:

Vally
Hassan
Rene
Bobo
Confiance
Alfani
Fabio
Ebenezer
Olivier (C)
Taiba
Ndombe

14:32

Icyizere ni cyose ku bafana ba APR FC

14:31

Ubwo APR FC yageraga kuri Stade ya Bugesera

14:30

Lamptey ari mu bakinnyi APR FC yifashisha

Nyuma y’amezi hafi atatu, Richmond Lamptey ataboneka mu bakinnyi bifashishwa ku mukino, ni umwe mu bitabajwe ku wo APR FC igiye guhuramo na Bugesera FC aho yashyizwe mu basimbura.

14:27

Abakinnyi ba Rayon Sports babanje mu kibuga


Umutoza wa Rayon Sports, Robertinho, yahisemo gukoresha:

Khadime Ndiaye
Omborenga Fitina
Bugingo Hakim
Nsabimana Aimable
Youssou Diagne
Omar Gning
Ndayishimiye Richard
Elanga Kanga
Muhire Kevin
Rukundo Abdul Raham
Biramahire Abeddy

14:17

Abafana bakomeje kugera kuri Stade Umuganda

14:13

Amakipe yombi yatangiye kwishyushya i Rubavu

Abakinnyi ba Marine FC n'aba Rayon Sports, bose bamaze kugera mu kibuga aho batangiye kwishyushya bitegura umukino utangira saa Cyenda.

14:08

Uko Marine FC na Rayon Sports zitwaye mu mikino itanu iheruka kuzihuza

13:55

Gahunda y'imikino y'Umunsi wa 23 wa Shampiyona kuri uyu wa Gatandatu:


Marine FC vs Rayon Sports (Stade Umuganda)
Bugesera FC vs APR FC (Bugesera Stadium)
Amagaju FC vs Gorilla FC (Huye Stadium)
Musanze FC vs Rutsiro FC (Stade Ubworoherane)
AS Kigali vs Muhazi United (Kigali Pele Stadium)

13:42

Ubwo Rayon Sports yageraga kuri Stade Umuganda


13:39

Abafana ba APR FC batangiye kwerekeza mu Bugesera


Guhera mu masaha ya Saa Sita, abakunzi ba APR FC bari mu matsinda atandukanye, batangiye kwerekeza mu Bugesera aho ikipe yabo yakirirwa na Bugesera FC.

APR FC irushwa inota rimwe na Rayon Sports ya mbere.

13:32

Marine FC yageze ku kibuga


Ikipe ya Marine FC itozwa na Rwasamanzi Yves, yamaze kugera kuri Stade Umuganda aho ikinira na Rayon Sports.

Umukino uhuza amakipe yombi uba utegerejwe na benshi.

Marines FC, ikipe ya gisirikare nk'uko bimeze kuri APR FC, ikunze kugora Rayon Sports.

Mu mikino ibanza, amakipe yombi yanganyirije i Kigali ubusa ku busa.

13:29

Ikaze kuri Stade Umuganda na Stade ya Bugesera


Igicamunsi cyiza! IGIHE ibahaye ikaze kuri Stade Umuganda y'Akarere ka Rubavu na Stade ya Bugesera ahagiye kubera imikino y'Umunsi wa 23 wa Shampiyona itegerejwe na benshi.

I Rubavu, Marine FC yakiriye Rayon Sports ya mbere ku rutonde rwa Shampiyona.

Ni mu gihe mu Bugesera, Bugesera FC yakiriye APR FC ya kabiri, irushwa inota rimwe na Rayon Sports.

Imikino yombi n'indi ya Shampiyona iteganyijwe uyu munsi, iratangira Saa Cyenda.