Mukura Victory Sports 1-1 Rayon Sports
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
17:44
AMASHUSHO: Abafana ba Rayon Sports ntibanyuzwe no kunganya na Mukura VS
16:44
AMASHUSHO: Reba ibyaranze umukino wa Mukura VS na Rayon Sports
16:31
Mukura VS na Rayon Sports zizisobanurira i Kigali
Umukino ubanza wa 1/2 cy'Amahoro hagati ya Mukura VS na Rayon Sports kuri Stade ya Huye, urangiye ari igitego 1-1.
Umukino wo kwishyura uzabera i Kigali ku wa Gatatu, tariki ya 30 Mata 2025, saa Kumi n'Ebyiri n'Igice.
Ni mu gihe APR FC na Police FC, na zo zanganyije igitego 1-1 mu mukino ubanza, zizakina uwo kwishyura kuri uwo wa Gatatu saa Cyenda.
Umukino wo kwishyura uzabera i Kigali ku wa Gatatu, tariki ya 30 Mata 2025, saa Kumi n'Ebyiri n'Igice.
Ni mu gihe APR FC na Police FC, na zo zanganyije igitego 1-1 mu mukino ubanza, zizakina uwo kwishyura kuri uwo wa Gatatu saa Cyenda.
16:29
Umukino urarangiye
16:29
90+4' Rayon Sports ihushije uburyo bwabazwe
Bassane acomeye umupira Biramahire Abeddy mu rubuga rw'amahina, ateye ishoti rifata igiti cy'izamu, umupira ujya hanze.
16:28
90+3' Umukino uhagaze gato
Umukino ubaye uhagaze mu gihe hari kuvurwa myugariro wa Mukura VS uryamye hasi mu kibuga.
16:25
90' Iminota ine y'inyongera
Umusifuzi wa Kane, Kayitare David, yerekanye iminota ine y'inyongera.
Amakipe yombi ari gushaka igitego cy'intsinzi.
Amakipe yombi ari gushaka igitego cy'intsinzi.
16:24
89' Rayon Sports ihushije uburyo bwiza
Biramahire Abeddy ahinduye umupira mwiza mu rubuga rw'amahina ashaka Kanamugire Roger ntiyawugeraho.
Bagayogo amweretse ko yari kubura amaso agakinana na we.
Bagayogo amweretse ko yari kubura amaso agakinana na we.
16:22
87' Amwe mu mafoto y'umukino
16:21
86' Gusimbuza
Ndayishimiye Richard asimbuwe na Kanamugire Roger ku ruhande rwa Rayon Sports.
16:20
85' Gusatira kwa Rayon Sports
Aziz Bassane ahushije uburyo bwiza ku mupira acomekewe na Bagayogo, awutera hejuru y'izamu.
16:18
82' Coup-franc ya Mukura VS
Abdul Jalilu ateye ishoti rikomeye ahana ikosa ryakozwe na Muhire Kevin, umupira ukora ku mukinnyi wa Rayon Sports urakomeza, ariko ufatwa neza na Ndikuriyo Patient.
16:16
80' Ikarita y'umuhondo
Niyonzima Olivier 'Seif' ahawe ikarita y'umuhondo kubera kubwira nabi umusifuzi Nsabimana Celestin wari usifuye ikosa Muhire Kevin akoreye kuri Ntarindwa Aimable.
16:12
77' Gusatira kwa Rayon Sports
Aziz Bassane akinanye na Bugingo Hakim uhinduye umupira ukomeye mu izamu, ukurwaho na Sebwato Nicolas mbere y'uko urenzwa na Ndayishimiye Richard.
16:10
75' Zuberi yirangayeho
Omborenga Fitina ananiwe gufunga umupira utewe ugana ku izamu, umunyezamu ukurikirwa na Hakizimana Zuberi utawugezeho mu gihe yarebanaga n'umunyezamu Ndikuriyo Patient.
16:06
70' Umukino winjiye mu minota 20 ya nyuma
16:05
67' Gusimbuza
Adama Bagayogo asimbuye Elanga-Kanga ku ruhande rwa Rayon Sports.
16:05
67' Rayon Sports irarokotse
Nzau aterekeye umupira Niyonizeye Fred uteye ishoti rikomeye, ku bw'amahirwe ye make umupira ujya ku ruhande.
16:03
Biramahire Abeddy yishimira igitego yatsindiye Rayon Sports
16:01
66' Ikarita y'umuhondo
Boateng Mensah ahawe ikarita y'umuhondo akiniye nabi Muhire Kevin.
16:01
65' Mukura VS yari yitsinze
Omborenga Fitina ahinduye umupira mu rubuga rw'amahina, Rushema Chris awukuraho nabi, ku bw'amahirwe ufatwa na Sebwato Nicolas.
15:57
61' Coup-franc nziza ya Mukura VS
Omar Gning akiniye nabi Destin Malanda inyuma gato y'urubuga rw'amahina.
Ikosa rihanwe na Niyonizeye Fred, umupira ujya hejuru gato y'izamu.
Ikosa rihanwe na Niyonizeye Fred, umupira ujya hejuru gato y'izamu.
15:55
59' Igitego cya Mukura VS
Boateng Mensah yishyuriye Mukura VS n'umutwe ku mupira wari uvuye muri koruneri itewe na Niyonizeye Fred.
Mukura VS 1-1 Rayon Sports.
Mukura VS 1-1 Rayon Sports.
15:54
59' Coup-franc ya Mukura VS
Niyonzima Olivier 'Seif' akiniye nabi Destin Malanda, ikosa rihanwe na Uwumukiza Obed, Diagne ashyira umupira muri koruneri.
15:51
57' Igitego cya Rayon Sports
Biramahire Abeddy afunguye amazamu ku ishoti rikomeye atereye mu ruhande mu rubuga rw'amahina, ku mupira winjiranywe na Bassane ucenze abakinnyi babiri ba Mukura VS.
15:51
56' Ikarita y'umuhondo
Hakizimana Zuberi ahawe ikarita y'umuhondo akiniye nabi Aziz Bassane.
15:50
55' Abafana bategereje ko hari ikipe ifungura amazamu
Uko iminota yegera imbere, abafana bari kwiyongera muri Stade ya Huye.
15:49
54' Rayon Sports irarokotse
Mensah Boateng ateye ishoti ari mu rubuga rw'amahina, rikurwamo na Ndikuriyo Patient uhise utabarwa na mugenzi we.
Mukura VS yongeye gusatira.
Mukura VS yongeye gusatira.
15:47
52' Gusatira kwa Mukura VS
Uwumukiza Obed acenze Bugingo, ahinduye umupira mu rubuga rw'amahina ashaka Nzau, ukurwaho na Omar Gning n'umutwe.
15:44
50' Umupira uri gukinirwa mu kibuga hagati
Mu minota itanu ibanza y'igice cya kabiri, nta kipe iragera ku izamu ry'indi.
Amakipe yombi ari gukina imipira miremire, akanyuzamo agahererekanya ariko ba rutahizamu bakagorwa no kubona imipira iborohereza kwigobotora ba myugariro.
Amakipe yombi ari gukina imipira miremire, akanyuzamo agahererekanya ariko ba rutahizamu bakagorwa no kubona imipira iborohereza kwigobotora ba myugariro.
15:39
46' Igice cya kabiri cyatangiye
Biramahire Abeddy wa Rayon Sports ni we watangiranye umupira mu gice cya kabiri, akinana na bagenzi be.
15:37
Gusimbuza
Niyonzima Olivier 'Seif' na Aziz Bassane basimbuye Rukundo Abdul Rahman na Iraguha Hadji ku ruhande rwa Rayon Sports.
15:25
Igice cya mbere kirarangiye
Iminota 45 y'igice cya mbere cy'umukino ubanza wa 1/2 cy'Igikombe cy'Amahoro, hagati ya Mukura VS na Rayon Sports, irangiye amakipe yombi anganya ubusa ku busa.
15:25
45+4' Coup-franc ya Mukura VS
Mukura VS ihannye ikosa ryakorewe kuri Destin Malanda, umupira ugonga ku mutwe w'umukinnyi wa Rayon Sports ujya muri koruneri.
15:22
45+2' Ikarita y'umuhondo
Ndayishimiye Richard ahawe ikarita y'umuhondo akiniye nabi Destin Maranda inyuma gato y'urubuga rw'amahina.
15:21
45+1' Gusatira kwa Rayon Sports
Bugingo Hakim afashe umupira wari ukuweho na Ishimwe Abdoul wa Mukura VS, ahitamo gutera ishoti rigiye hejuru, icyemezo kitanyuze Muhire Kevin na Iraguha Hadji.
15:19
45' Iminota itanu y'inyongera
Umusifuzi wa Kane, Kayitare David, yerekanye iminota itanu y'inyongera.
15:15
40' Rayon Sports irarokotse
Ndikuriyo Patient atabaye Rayon Sports ku mupira ashyize muri koruneri ukozweho na Boateng Mensah nyuma yo guhindurwa na Hakizimana Zuberi.
15:14
40' Coup-franc ya Rayon Sports
Muhire Kevin akiniwe nabi na Ntarindwa Aimable, umupira ateye ufatwa neza na Sebwato Nicolas.
15:13
39' Coup-franc ya Mukura VS
Ndayishimiye Richard akiniye nabi Boateng Mensah, ikosa rihanwe na Uwumukiza Obed atera umupira mugufi ukuweho na Muhire Kevin.
15:10
37' Umukino uhagaze gato
Umukino ubaye uhagaze mu gihe hari kuvurwa rutahizamu wa Mukura VS, Destin Maranda, wagonganye na Ndikuriyo Patient.
15:08
34' Coup-franc ya Mukura VS
Elanga-Kanga Jr. akiniye nabi Uwumukiza Obed.
Myugariro wa Mukura VS ahannye iri kosa yakoreweho, Youssou Diagne akiza izamu akinishije umutwe.
Myugariro wa Mukura VS ahannye iri kosa yakoreweho, Youssou Diagne akiza izamu akinishije umutwe.
15:07
32' Mukura VS yari itsinze igitego
Mukura Victory Sport yari ifunguye amazamu ku gitego gitsinzwe na Mensah Boateng, ariko umusifuzi wo ku ruhande agaragaza ko hari habayeho kurarira.
15:06
31' Ubwitabire bw'abafana buraringaniye
Abafana bitabiriye umukino si benshi.
Abari baguze amatike ubushize bongeye guhabwa amatike mashya.
Bigendanye no kuba ari mu mibyizi ndetse no mu masaha y'akazi, abafana ni bake.
Abari baguze amatike ubushize bongeye guhabwa amatike mashya.
Bigendanye no kuba ari mu mibyizi ndetse no mu masaha y'akazi, abafana ni bake.
15:02
28' Uburyo bwa Rayon Sports
Rayon Sports yagumye mu kibuga cya Mukura VS, ibonye uburyo ku mupira wari kure y'izamu, Muhire Kevin awutera hejuru nyuma yo guherezwa na Iraguha Hadji.
15:00
27' Umukino urasubukuwe
Umusifuzi Nsabimana Celestin asifuye ko umukino ukomereza aho wari ugeze mu cyumweru gishize, ku munota wa 27.
Rayon Sports ni yo itangiranye umupira mu kibuga cyayo, hahanwa ikosa ryari rimaze gukorerwa Muhire Kevin.
Rayon Sports ni yo itangiranye umupira mu kibuga cyayo, hahanwa ikosa ryari rimaze gukorerwa Muhire Kevin.
14:43
Habaye impinduka mu basifuzi b'umukino wa Mukura VS na Rayon Sports
Nsabimana Celestin ni we ukomeza kuyobora umukino nk'umusifuzi wo hagati ndetse n'abasifuzi bo ku ruhande ntibahindutse.
Ku wa Kabiri ushize, Umusifuzi wa Kane yari Ngabonziza Jean Paul kandi ni we wasifuye umukino wa Rayon Sports na Muhazi United muri Shampiyona.
Uyu munsi ntawe uhari, ahubwo yasimbujwe Kayitare David.
14:39
AMASHUSHO: Ubwo Rayon Sports yageraga kuri Stade ya Huye
AMASHUSHO: Uko Rayon Sports yageze kuri Stade ya Huye, aho igiye gukinira na Mukura VS mu mukino ubanza wa 1/2 cy’Igikombe cy’Amahoro ugiye gukomereza aho wahagarikiwe mu cyumweru gishize. pic.twitter.com/dvH2H9SCjf
— IGIHE Sports (@IGIHESports) April 22, 2025
14:36
Amakipe yombi yishyushya
14:30
Hakozwe impinduka ku ngengabihe y'imikino yo kwishyura
Ku wa Mbere, Ishyirahamwe ry'Umupira w'Amaguru mu Rwanda (FERWAFA) ryamenyesheje amakipe ari gukina 1/2 cy'Igikombe cy'Amahoro ko imikino yombi yo kwishyura izaba mu cyumweru gitaha, tariki ya 30 Mata 2025, kuri Kigali Pele Stadium.
Bivuze ko APR FC na Police FC zitagikinnye ku wa Gatatu.
Umukino wa nyuma w'Igikombe cy'Amahoro cy'uyu mwaka na wo wimuwe, uva tariki ya 1 ujya tariki ya 4 Gicurasi 2025.
Ni mu gihe umukino wo guhatanira umwanya wa gatatu uzakinwa tariki ya 3 Gicurasi.
14:24
Rayon Sports iri gutegura abakinnyi 12
Ukuyemo abanyezamu babiri; Ndikuriyo Patient na Mugisha Yves, Umutoza wongerera imbaraga abakinnyi ba Rayon Sports, Ayabonga Lebitsa, ari gutegura abakinnyi 12.
Muri abo harimo 10 babanza mu kibuga, hakiyongeraho Niyonzima Olivier 'Seif' na Aziz Bassane Koulagna bashobora guhita basimbura cyangwa bakajya mu kibuga nyuma.
14:20
Abakinnyi ba Rayon Sports bari babanje mu kibuga
Umutoza Rwaka Claude agiye gukongera gukoresha:
Ndikuriyo Patient
Omborenga Fitina
Bugingo Hakim
Omar Gning
Youssou Diagne
Ndayishimiye Richard
Iraguha Hadji
Muhire Kevin (C)
Biramahire Abeddy
Rukundo Abdoul Rahman
Elanga Kanga Junior
14:19
Abakinnyi 11 Mukura VS yari yabanje mu kibuga
Umutoza Afahamia Lotfi yahisemo gukinisha:
Sebwato Nicholas (c)
Abdul Jalilu
Ishimwe Abdoul
Hakizimana Zuberi
Uwumukiza Obed
Rushema Chris
Ntarindwa Aimable
Niyonizeye Fred
Jordan Dimbumba
Boateng Mensah
Malanda Destin
14:16
Umukino urakinwa n'abagomba kuwukina ku wa Kabiri ushize
Ingingo ya 38.5 y'Amategeko y'Amarushanwa ya FERWAFA ivuga ko mu gihe umukino wahagaze utarangiye, iyo usubukuwe, ukomereza aho wari ugeze, ku kibuga waberagaho cyangwa ikindi gishobora kugenwa na FERWAFA.
Iyi ngingo ikomeza ivuga ko "abakinnyi bari mu kibuga ni bo bongera kwifashishwa ndetse n'abasimbura ntibahinduka."
Iyi ngingo ikomeza ivuga ko "abakinnyi bari mu kibuga ni bo bongera kwifashishwa ndetse n'abasimbura ntibahinduka."
14:05
Rayon Sports igera ku kibuga
14:03
Mukura VS igera kuri Stade ya Huye
13:59
FERWAFA yacumbikiye amakipe yombi
Nk'uko amategeko y'amarushanwa yayo abiteganya, ku mikino yasubitswe ku mpamvu zidashobora kwirindwa, FERWAFA ni yo yishyuye aho Mukura VS na Rayon Sports zakoreye umwiherero guhera ku wa Mbere.
Buri kipe yacumbikiwe muri hoteli yari yarayemo mbere y'umukino wo ku wa Kabiri ushize.
13:56
Ni umukino wamaze icyumweru wararikoroje muri siporo Nyarwanda
Ubwo umukino wari umaze guhagarara ku wa Kabiri w'icyumweru gishize, Rayon Sports yagaragaje ko hakurikijwe amategeko arebana n'imikino yabaye nijoro, Mukura Victory Sports yakabaye iterwa mpaga.
Ni mu gihe iyi kipe y'i Huye yagaragarije FERWAFA ko nta ruhare yagize mu kibazo cy'amatara cyabayeho kuko yari yakoze ibyo isabwa byose, ariko 'Generateur' ya Stade Huye ikagira ikibazo umukino wamaze gutangira.
Ishyirahamwe ry'Umupira w'Amaguru ryanzuye ko umukino uzasubirwamo, Rayon Sports ijurira ivuga ko Mukura VS nidaterwa mpaga, yo ititeguye gukomeza mu Gikombe cy'Amahoro.
Komisiyo y'Ubujurire ya FERWAFA yateranye ku wa Gatandatu, yashimangiye umwanzuro wari wafashwe, na Rayon Sports yemera kuva ku izima.
Ni mu gihe iyi kipe y'i Huye yagaragarije FERWAFA ko nta ruhare yagize mu kibazo cy'amatara cyabayeho kuko yari yakoze ibyo isabwa byose, ariko 'Generateur' ya Stade Huye ikagira ikibazo umukino wamaze gutangira.
Ishyirahamwe ry'Umupira w'Amaguru ryanzuye ko umukino uzasubirwamo, Rayon Sports ijurira ivuga ko Mukura VS nidaterwa mpaga, yo ititeguye gukomeza mu Gikombe cy'Amahoro.
Komisiyo y'Ubujurire ya FERWAFA yateranye ku wa Gatandatu, yashimangiye umwanzuro wari wafashwe, na Rayon Sports yemera kuva ku izima.
13:53
Ikaze kuri Stade ya Huye
Igicamunsi cyiza! IGIHE ibahaye ikaze kuri Stade ya Huye ahagiye kubera umukino ubanza wa 1/2 cy'Igikombe cy'Amahoro hagati ya Mukura Victory Sports na Rayon Sports.
Ni umukino ukomereza ku munota wa 27 aho wari wasorejwe ku wa Kabiri, tariki ya 15 Mata 2025, kubera ikibazo cy'amatara cyavutse kuri iki kibuga.
UMVA ICYATUMYE UMUKINO UBANZA UTARANGIRA: