Rutsiro FC 0-5 APR FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
20:08
AMASHUSHO: Aba-APR mu bicu, Aba-Rayons bati "Ni ikinamico"
17:19
AMASHUSHO: Reba ibitego byabonetse mu mukino APR FC yanyagiyemo Rutsiro FC 5-0
17:13
Byari ibyishimo ku bafana b'Ikipe y'Ingabo z'Igihugu i Rubavu
16:56
APR FC yisubije umwanya wa mbere
APR FC inyagiye Rutsiro FC ibitego 5-0 mu mukino waberaga kuri Stade Umuganda i Rubavu, isubira ku mwanya wa mbere n'amanota 52 mu mikino 25 imaze gukina muri Shampiyona.
Rutsiro FC igumye ku mwanya wa kane n'amanota 37.
Rayon Sports ya kabiri n'amanota 50, izakirwa na Etincelles FC hano kuri Stade Umuganda ku Cyumweru saa Cyenda.
Mu yindi mikino yabaye kuri uyu wa Gatandatu, AS Kigali yanganyije na Mukura VS igitego 1-1, Musanze FC itsinda Muhazi United igitego 1-0 mu gihe Bugesera FC yatsinze Marines FC ibitego 2-1.
Rutsiro FC igumye ku mwanya wa kane n'amanota 37.
Rayon Sports ya kabiri n'amanota 50, izakirwa na Etincelles FC hano kuri Stade Umuganda ku Cyumweru saa Cyenda.
Mu yindi mikino yabaye kuri uyu wa Gatandatu, AS Kigali yanganyije na Mukura VS igitego 1-1, Musanze FC itsinda Muhazi United igitego 1-0 mu gihe Bugesera FC yatsinze Marines FC ibitego 2-1.
16:56
Umukino urarangiye
16:52
90' Iminota ine y'inyongera
Umusifuzi wa Kane, Nayihiki Omely, yerekanye iminota ine y'inyongera.
16:50
87' APR FC ntirashyirwayo
APR FC ikomeje gusatira ishaka igitego cya gatandatu.
Ikipe y'Ingabo z'Igihugu irashaka kungukira muri uyu mukino ikagabanya ibitego irushwa na Rayon Sports.
16:44
82' APR FC iri kunyagirira Rutsiro FC mu maso ya Rayon Sports
16:43
80' Umukino winjiye mu minota 10 ya nyuma
Rutsiro FC 0-5 APR FC.
16:41
79' Gusimbuza
Mamadou Sy na Tuyisenge Arsene basimbuye Lamine Bah na Mugisha Gilbert ku ruhande rwa APR FC.
16:39
76' Igitego cya gatanu cya APR FC
Victor Mbaoma atsinze igitego cya mbere muri Shampiyona, icya gatanu cya APR FC, ku mupira uhinduwe na Niyomugabo Claude.
16:38
75' Umukino uhagaze gato
Umukino ubaye uhagaze mu gihe hari kuvurwa umuknnyi wa Rutsiro FC uryamye imbere y'izamu rya APR FC nyuma yo gukurwaho umupira na Niyigena Clement.
16:36
73' Gusatira kwa Rutsiro FC
Rutsiro FC yatangiye kuzamura ishyaka, ibonye uburyo bw'umupira utewe na Tuyishime Eric, ujya ku ruhande rw'izamu rya APR FC.
16:34
71' Gusimbuza
Victor Mbaoma, Hakim Kiwanuka na Niyibizi Ramadhan basimbuye Ouattara Djibril, Ruboneka Bosco na Denis Omedi ku ruhande rwa APR FC.
16:32
69' Igitego cya kane cya APR FC
Lamine Bah atsinze igitego cya kane ku mupira yinjiranye mu rubuga rw'amahina, nyuma yo guherezwa na Ouattara, aroba umunyezamu Matumele Arnold.
16:29
66' Igitego cya gatatu cya APR FC
Denis Omedi atsinze igitego cya gatatu cya APR FC ku makosa y'umunyezamu wa Rutsiro FC washatse gucenga Lamine Bah amutwara umupira.
16:27
65' Amwe mu mafoto y'umukino
16:26
63' Gusimbuza
Hitimana Jean Claude wavunitse, yisabiye gusimbuzwa hajyamo Tuyishime Eric.
16:23
60' Coup-franc ya APR FC
Habimana Yves akiniye nabi Nshimiyimana Yunussu hafi y'urubuga rw'amahina mu ruhande.
Ikosa rihanwe na Ruboneka, umupira ufatwa neza na Matumele Arnold.
16:21
57' Rayon Sports yaje kureba umukino wa APR FC bahanganye
Abakinnyi n'abatoza ba Rayon Sports bageze kuri Stade Umuganda aho bagiye gukurikira umukino uri guhuza Rutsiro FC na APR FC.
Kuri ubu APR iri imbere ya Rayon Sports amanota abiri mbere y'uko umukino urangira.
Rayon Sports izakirwa na Etincelles FC ku Cyumweru.
16:19
56' Gusimbuza
Mumbere Jonas asimbuye Makola Jeremie ku ruhande rwa Rutsiro FC.
16:18
55' APR FC ihushije uburyo bwabazwe
Hitimana Claude atakaje umupira, uzamukanwa na Ruboneka Bosco uhisemo gukinana na Omedi, uyu Munya-Uganda atera ishoti rifashwe neza na Arnold Matumele.
Ni uburyo bwari bwabazwe.
Ni uburyo bwari bwabazwe.
16:17
54' Mugisha Gilbert aracyagorwa no kwibona muri uyu mwaka
Mugisha Gilbert wari umukinnyi mwiza mu myaka ishize, uyu mwaka amaze gutsinda igitego kimwe na cyo cya penaliti.
Ari mu bakinnyi ba APR FC bahabwa amahirwe buri gihe, ariko kubona izamu byakomeje kugora.
Ari mu bakinnyi ba APR FC bahabwa amahirwe buri gihe, ariko kubona izamu byakomeje kugora.
16:17
54' Mugisha Gilbert aracyagorwa no kwibona muri uyu mwaka
Mugisha Gilbert wari umukinnyi mwiza mu myaka ishize, uyu mwaka amaze gutsinda igitego kimwe na cyo cya penaliti.
Ari mu bakinnyi ba APR FC bahabwa amahirwe buri gihe, ariko kubona izamu byakomeje kugora.
Ari mu bakinnyi ba APR FC bahabwa amahirwe buri gihe, ariko kubona izamu byakomeje kugora.
16:13
49' Rutsiro FC yatangiranye igitutu
Umunyezamu Matumele Arnold agize amahirwe yo gucenga Djibril Ouattara bigakunda ku buryo benshi babonaga ko ashobora gutakaza umupira ukavamo igitego.
16:12
49' APR FC ihushije uburyo bwiza
Kwizera Emilien atakaje umupira, usanga Denis Omedi uwuteye, ushyirwa muri koruneri na myugariro wa Rutsiro FC ariko umusifuzi agaragaza ko ari ugutereka imbere y'izamu.
16:11
48' APR FC yagarutse isatira
APR FC imaze kubona koruneri ebyiri mu minota itatu y'igice cya kabiri mu gihe yabonye imwe mu gice cya mbere.
Umupira watewe na Ruboneka Bosco wafashwe neza na Matumele Arnold.
16:07
46' Igice cya kabiri cyatangiye
Umusifuzi Ngaboyisonga Patrick atangije igice cya kabiri.
Habimana Yves wa Rutsiro FC ni we utangiranye umupira, akinana na bagenzi be.
Habimana Yves wa Rutsiro FC ni we utangiranye umupira, akinana na bagenzi be.
16:07
Gusimbuza
Nizeyimana Jean Claude na Bwira Bandu Olivier basimbuye Kabula Jean na Makola Basilua Jeremie ku ruhande rwa Rutsiro FC.
16:04
APR FC ishobora kurara ku mwanya wa mbere
APR FC yataje umwanya wa mbere yari yafashe ku mukino wa Bugesera FC, nyuma yo kunganya na Etincelles FC ibitego 2-2, ishobora kongera kuwuraraho.
Kuri ubu, Ikipe y'Ingabo ifite amanota 52 ukurikije uko urutonde ruhagaze mbere y'uko umukino urangira.
Gusa, abafana ba APR FC bariruhutse iminota 90 irangiye bakiyoboye kuko no ku mukino wa Etincelles FC batsinze ibitego bibiri, babyishyurwa mu gice cya kabiri, byatumye Rayon Sports ibasubira imbere.
16:02
Ingabo z'Igihugu ziri mu bashyigikiye APR FC i Rubavu
16:00
Djibril Ouattara, rutahizamu mwiza mu mikino yo kwishyura?
Umunya-Burkina Faso, Djibril Cheikh Ouattara, amaze gutsinda ibitego umunani mu mikino 10 yo kwishyura muri Shampiyona.
Kuri ubu ararushwa ibitego bitanu na Fall Ngagne uyoboye abatsinze ibitego byinshi.
Kuri ubu ararushwa ibitego bitanu na Fall Ngagne uyoboye abatsinze ibitego byinshi.
15:51
Igice cya mbere kirarangiye
Iminota 45 ibanza y'umukino w'Umunsi wa 25 wa Shampiyona uri kubera i Rubavu, irangiye Rutsiro FC yatsinzwe na APR FC ibitego 2-0.
15:51
45+1' Uburyo bwa Rutsiro FC
Ishimwe Pierre arokoye APR FC ku ishoti rikomeye riterewe inyuma y'urubuga rw'amahina, umupira awushyira muri koruneri.
15:50
45' Iminota ibiri y'inyongera
Umusifuzi wa Kane, Nayihiki Omely, yerekanye iminota ibiri y'inyongera.
15:49
44' Igitego cya kabiri cya APR FC
Ruboneka Bosco atsinze igitego cya kabiri ku mupira ahawe mu rubuga rw'amahina, atera ishoti rikomeye Matumele atari kugarura.
15:48
43' APR FC yirangayeho
Rutsiro FC itakaje umupira inyuma y'urubuga rw'amahina, atera ishoti rikomeye rijya hejuru y'izamu.
15:43
38' Ubundi buryo bwa APR FC
Denis Omedi akinanye na Ruboneka ugowe no gutera mu izamu, umupira usubira inyuma kuri Niyomugabo Claude uteye ishoti rikomeye rikurwamo na Matumele Arnold uhise uhaguruka ajya gufata umupira.
15:39
34' Igitego cya APR FC
Djibril Ouattara afunguye amazamu i Rubavu, ku gitego atsindishije umutwe ku mupira uhinduwe na Niyomugabo Claude.
Ni igitego cya munani muri Shampiyona kuri uyu Munya-Burkina Faso ukinira APR FC.
Ni igitego cya munani muri Shampiyona kuri uyu Munya-Burkina Faso ukinira APR FC.
15:34
30' Coup-franc ya APR FC
Byiringiro Gilbert ahinduye umupira usanga Omedi awusubiza inyuma, Lamine Bah agiye kuwutera mu izamu akorwaho na myugariro wa Rutsiro FC.
Djibril Ouattara yahannye ikosa, umupira awutera mu rukuta.
Djibril Ouattara yahannye ikosa, umupira awutera mu rukuta.
15:32
29' Amwe mu mafoto y'umukino
15:31
27' APR FC ihushije uburyo bwabazwe
Denis Omedi acomekewe umupira mwiza mu rubuga rw'amahina na Ouattara, awuteye ujya hejuru y'izamu rya Rutsiro FC.
15:30
26' Uburyo bwa mbere bwa Rutsiro FC
Mumbere Mbusa Jeremie azamukanye umupira, ahitamo kwiterera mu izamu, umupira ufatwa neza na Ishimwe Pierre atavuye aho ari.
15:27
23' Ikarita y'umuhondo
Ruboneka Bosco ahawe ikarita y'umuhindo akiniye nabi Kwizera Eric uryamye hasi mu kibuga.
15:26
21' Gusatira kwa APR FC
Byiringiro Gilbert ahinduye umupira mwiza mu rubuga rw'amahina, Denis Omedi awukoraho ujya hejuru y'izamu rya Rutsiro FC.
15:23
18' APR FC ihushije uburyo bwiza
Mugisha Gilbert acomekewe umupira mwiza, awuhindura mu rubuga rw'amahina akinana na Ouattara ugowe no guhindukira ngo awutere mu izamu, azibirwa na myugariro wa Rutsiro FC, Hitimana Jean Claude, ugumye kuryama hasi.
Abaganga bahamagajwe mu kibuga ngo bite kuri uyu mukinnyi.
15:19
16' Uko amakipe yombi yaserutse kuri uyu wa Gatandatu
15:16
13' Gusatira kwa APR FC
Mugisha Gilbert akinanye na Niyomugabo Claude uhinduye umupira mwiza mu rubuga rw'amahina, Kabula Jean awushyira muri koruneri itagize icyo itanga.
15:14
10' Ubwitabire bw'abafana buraringaniye
Igice gitwikiriye cya Stade Umuganda ni cyo kirimo abafana benshi uyu munsi ku rwego rwa 95%.
Ni mu gihe ahadatwikiriye, ho abafana barimo bari kuri 65%.
Ni mu gihe ahadatwikiriye, ho abafana barimo bari kuri 65%.
15:12
8' Uburyo bwa APR FC
Nshimiyimana Yunussu agerageje ishoti ari muri metero 35, umupira ujya ku ruhande rw'izamu rya Rutsiro FC.
APR FC iri gukinira mu kibuga cya Rutsiro FC.
APR FC iri gukinira mu kibuga cya Rutsiro FC.
15:10
6' Coup-franc ya APR FC
Ruboneka Bosco ahannye ikosa ryakorewe kuri Ouattara ahagana muri koruneri, umupira ukurwaho n'ubwugarizi bwa Rutsiro FC, usubijweyo na Pitchou ugonga abakinnyi b'iyi kipe yo mu Burengerazuba.
15:09
4' Gusatira kwa Rutsiro FC
Makola Basilua Jeremie ashatse gutungura umunyezamu Ishimwe Pierre, ishoti rikomeye ateye rijya hejuru kure y'izamu rya APR FC.
Umukino watangiriye ku muvuduko wo hejuru.
15:06
2' APR FC ihushije uburyo bwiza
Djibril Ouattara ahawe umupira na Lamine Bah, atera ishoti rikomeye rikuwemo na Matumele, umupira uva mu izamu.
APR FC itangiye isatira.
APR FC itangiye isatira.
15:04
Umukino uratangiye
Umusifuzi Ngaboyisonga Patrick atangije umukino.
Denis Omedi ni we utangiranye umupira, akinana na bagenzi be.
Rutsiro FC yambaye amabara yayo ya Orange n'umukara mu gihe APR yambaye umukara n'umweru
15:02
Habanjwe gufata umunota wo kwibuka
Mbere y'uko umukino utangira, abari kuri Stade Umuganda bafashe umunota wo kwibuka ku nshuro ya 31 abazize Jenoside yakorewe Abatutsi mu 1994.
14:53
Rutsiro FC yatsinze imikino itatu iheruka gukinira i Rubavu
14:51
Abasifuzi b'umukino
Ngaboyisonga Patrick yahawe gusifura APR FC ku nshuro ya gatatu mu mikino yo kwishyura.
Uyu musifuzi wo hagati araba yungirijwe na Mugabo Eric na Ruhumuliza Justin.
Umusifuzi wa Kane ni Nayihoyiki Omely naho Komiseri w'Umukino ni Hakizimana Ambroise.
14:51
Abasifuzi b'umukino
Ngaboyisonga Patrick yahawe gusifura APR FC ku nshuro ya gatatu mu mikino yo kwishyura.
Uyu musifuzi wo hagati araba yungirijwe na Mugabo Eric na Ruhumuliza Justin.
Umusifuzi wa Kane ni Nayihoyiki Omely naho Komiseri w'Umukino ni Hakizimana Ambroise.
14:48
APR FC yatsinze imikino ibiri gusa muri itanu iheruka gukina
14:45
Amakipe yombi yasoje kwishyushya
14:35
Uko APR FC na Rutsiro FC zatsindanye mu mikino itanu iheruka kuzihuza
14:23
Uko amakipe akurikiranye ku rutonde rwa Shampiyona
14:22
Abakinnyi babanje mu kibuga ku ruhande rwa Rutsiro FC
Umutoza wa Rutsiro FC, Gatera Moussa, yahisemo gukinisha:
Matumele Arnold (C)
Kwizera Bahati Emilien
Kabura Jean
Mutijima Gilbert
Hitimana Jean Claude
Nkubito Amza
Ndabitezimana Lazard
Kwizera Eric
Habimana Yves
Makola Basilua Jeremie
Mumbere Mbusa Jeremie
14:18
Abakinnyi 11 ba APR FC babanje mu kibuga
Umutoza wa APR FC, Darko Novic, yahisemo gukoresha:
Ishimwe Pierre
Byiringiro Jean Gilbert
Niyomugabo Claude (C)
Niyigena Clement
Nshimiyimana Yunussu
Nshimirimana Ismael Pitchou
Ruboneka Bosco
Lamine Bah
Mugisha Gilbert
Denis Omedi
Djibril Ouattara
Ishimwe Pierre
Byiringiro Jean Gilbert
Niyomugabo Claude (C)
Niyigena Clement
Nshimiyimana Yunussu
Nshimirimana Ismael Pitchou
Ruboneka Bosco
Lamine Bah
Mugisha Gilbert
Denis Omedi
Djibril Ouattara
14:14
Abafana batangiye kugera muri Stade Umuganda
14:08
Gahunda y'imikino y'Umunsi wa 25 wa Shampiyona
Ku wa Gatanu:
Vision FC 0-1 Kiyovu Sports
Ku wa Gatandatu:
Rutsiro FC vs APR FC
AS Kigali vs Mukura VS
Bugesera FC vs Marine FC
Musanze FC vs Muhazi United
Ku Cyumweru:
Etincelles FC vs Rayon Sports
Gorilla FC vs Police FC
Gasogi United vs Amagaju FC
14:01
Richmond Lamptey ntari mu bakinnyi APR FC yifashisha kuri uyu wa Gatandatu
Umunya-Ghana, Richmond Lamptey, wari umaze iminsi ahabwa umwanya muri APR FC, ntabwo ari mu bakinnyi bitabajwe ku mukino wa Rutsiro FC.
Ni ko bimeze kandi ku Munya-Uganda Taddeo Lwanga uri gusoza amasezerano muri iyi kipe ndetse na Kwitonda Alain 'Bacca', aho bose bicaye muri Stade Umuganda.
Ni ko bimeze kandi ku Munya-Uganda Taddeo Lwanga uri gusoza amasezerano muri iyi kipe ndetse na Kwitonda Alain 'Bacca', aho bose bicaye muri Stade Umuganda.
13:52
Icyizere ni cyose ku bafana ba APR FC
13:45
APR FC igera kuri Stade Umuganda
13:21
Abafana ba APR FC bayiherekeje ku bwinshi
Abafana benshi ba APR FC bahagurutse i Kigali kuri uyu wa Gatandatu kugira ngo baze kuba inyuma y'ikipe yabo kuri uyu mukino wa Rutsiro FC.
13:20
Ikaze kuri Stade Umuganda
IGIHE ibahaye ikaze kuri Stade Umuganda y'Akarere ka Rubavu ahagiye kubera umukino w'Umunsi wa 25 wa Shampiyona hagati ya Rutsiro FC na APR FC.
Rutsiro FC iri mu makipe ahagaze neza muri uyu mwaka w'imikino, aho iri ku mwanya wa kane n'amanota 37 ndetse gutsinda byayifasha gufata umwanya wa gatatu mu gihe AS Kigali yaba yatsinzwe.
Ni mu gihe APR FC irara ku mwanya wa mbere mu gihe yabona amanota atatu kuri uyu wa Gatandatu, dore ko irushwa inota rimwe na Rayon Sports ya mbere n'amanota 50.
Rutsiro FC iri mu makipe ahagaze neza muri uyu mwaka w'imikino, aho iri ku mwanya wa kane n'amanota 37 ndetse gutsinda byayifasha gufata umwanya wa gatatu mu gihe AS Kigali yaba yatsinzwe.
Ni mu gihe APR FC irara ku mwanya wa mbere mu gihe yabona amanota atatu kuri uyu wa Gatandatu, dore ko irushwa inota rimwe na Rayon Sports ya mbere n'amanota 50.