Rayon Sports 0-2 APR FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kwizera Hervé, Umwari Sandrine & Kasiro Claude |
19:31
Andi mafoto y'umuhango wo gutanga ibikombe n'imidali
Minisitiri wa Siporo, Nelly Mukazayire; Perezida wa FERWAFA; Munyantwali Alphonse; Chairman wa APR FC, Brig Gen Rusanganwa Deo; Perezida wa Rayon Sports, Twagirayezu Thaddée na Perezida wa Indahangarwa WFC, Kamali François, ni bo batanze ibihembo ku makipe yitwaye neza.
Rayon Sports WFC yabaye iya kabiri mu bagore n’abagabo, hombi yahawe miliyoni 5 Frw.
Indahangarwa WFC yabaye iya mbere mu bagore yahawe igikombe na miliyoni 8 Frw.
APR FC yabaye iya mbere mu bagabo yahawe igikombe na miliyoni 12 Frw.
Rayon Sports WFC yabaye iya kabiri mu bagore n’abagabo, hombi yahawe miliyoni 5 Frw.
Indahangarwa WFC yabaye iya mbere mu bagore yahawe igikombe na miliyoni 8 Frw.
APR FC yabaye iya mbere mu bagabo yahawe igikombe na miliyoni 12 Frw.
19:24
Ibyishimo bya APR FC nyuma yo kwegukana Igikombe cy'Amahoro
18:51
AMASHUSHO: Reba ibitego byahesheje APR FC kwegukana Igikombe cy'Amahoro cya 2025
18:50
Abafana ba APR FC baranezerewe
18:43
Abafotozi babujijwe gufata amafoto
Abashinzwe umutekano ku kibuga [Stewards] ba Tiger Gate's bangiye abafotozi gutambuka ngo bajye gufata amafoto y'umuhango wo gutanga ibikombe n'imidali ku makipe yitwaye neza.
18:32
APR FC yegukanye Igikombe cy'Amahoro cya 2025
Ikipe ya APR FC yegukanye Igikombe cy’Amahoro yaherukaga mu 2017, nyuma yo gutsinda Rayon Sports ibitego 2-0 ku mukino wa nyuma wabereye muri Stade Amahoro.
Ni Igikombe cy'Amahoro cya 14 cyegukanywe n'Ikipe y'Ingabo z'Igihugu yashinzwe mu 1993.
Ni Igikombe cy'Amahoro cya 14 cyegukanywe n'Ikipe y'Ingabo z'Igihugu yashinzwe mu 1993.
18:32
Umukino urarangiye
18:29
90+3' Gusimbuza
Denis Omedi na Mugisha Gilbert basimbuwe na Ndayishimiye Dieudonne na Aliou Souane ku ruhande rwa APR FC.
18:26
90' Iminota itanu y'inyongera
Umusifuzi wa Kane, Umutoni Aline, yerekanye iminota itanu y'inyongera.
18:25
87' Ikarita y'umuhondo
Ruboneka Bosco ahawe ikarita y'umuhondo akiniye nabi Adama Bagayogo.
18:25
87' Abafana ba Rayon Sports batangiye gutaha
Muri iyi minota ya nyuma, abafana ba Rayon Sports batangiye gusohoka kuko babona bigoye ko ikipe yabo yakwishyura ibitego bibiri yatsinzwe.
18:24
86' Uburyo bukomeye bwa APR FC
Denis Omedi ateye ishoti rikomeye ari mu nguni y'urubuga rw'amahina, umunyezamu Ndikuriyo Patient ashyira umupira muri koruneri.
18:22
85' Uburyo bwa Rayon Sports
Biramahire Abeddy agerageje ishoti rirerire ari mu ruhande rw'ibumoso, umupira uca hirya y'izamu rya APR FC.
18:21
84' Gusimbuza
Ndayishimiye Richard asimbuwe na Elanga-Kanga Prince Junior ku ruhande rwa Rayon Sports isoje gusimbuza.
18:17
80' Coup-franc nziza ya Rayon Sports
Nshimiyimana Yunussu akiniye nabi Niyonzima.
Ikosa rihanwe na Adama Bagayogo, umupira ukurwamo na Ishimwe Pierre mbere y'uko Ndayishimiye Richard ananirwa kuwukina ukamurengana.
Ikosa rihanwe na Adama Bagayogo, umupira ukurwamo na Ishimwe Pierre mbere y'uko Ndayishimiye Richard ananirwa kuwukina ukamurengana.
18:16
78' Abafana ba APR FC bacanye amatara
Abafana ba APR FC bari mu bice bitandukanye bya Stade Amahoro, bacanye amatoroshi ya telefoni zabo ndetse bongeye gufana mu majwi ahanitse.
18:14
76' Gusimbuza
Cheikh Djibril Ouattara asimbuwe na Mamadou Sy ku ruhande rwa APR FC.
18:08
70' Umukino winjiye mu minota 20 ya nyuma
Rayon Sports yamaze kugaruka mu mukino, ariko nta buryo bukomeye irarema kugeza ubu.
Muri iki gice cya kabiri, umukino wasubiye inyuma.
Amakipe yombi ari gukina ibyo yari asanzwe akina yahuye, nko mu mikino ibiri iheruka yarangiye ari ubusa ku busa.
Muri iki gice cya kabiri, umukino wasubiye inyuma.
Amakipe yombi ari gukina ibyo yari asanzwe akina yahuye, nko mu mikino ibiri iheruka yarangiye ari ubusa ku busa.
18:04
67' Gusimbuza
Lamine Bah asimbuwe na Niyibizi Ramadhan ku ruhande rwa APR FC ikoze impinduka ya mbere.
18:04
67' Gusimbuza
Adama Bagayogo asimbuye Aziz Bassane ku ruhande rwa Rayon Sports.
18:00
63' Umukino wakomeje nyuma y'iminota itatu uhagaze
Umunyezamu wa APR FC, Ishimwe Pierre, yamaze iminota itatu yitabwaho n'abaganga nyuma yo gukinirwa nabi na Niyonzima Olivier 'Seif'.
17:57
60' Andi mafoto y'umukino
17:57
60' Coup-franc nziza ya Rayon Sports
Niyigena Clement akiniye nabi Aziz Bassane inyuma y'urubuga rw'amahina hagati.
Ikosa rihanwe na Rukundo Abdul, umupira ukurwamo na Ishimwe Pierre mbere y'uko akinirwa nabi na Seif.
Ikosa rihanwe na Rukundo Abdul, umupira ukurwamo na Ishimwe Pierre mbere y'uko akinirwa nabi na Seif.
17:52
56' Ikarita y'umuhondo
Rukundo Abdul Rahman ahawe ikarita y'umuhondo ku ikosa yakoreye kuri Byiringiro Jean Gilbert mu kibuga cya APR FC.
17:51
Ubwo Mugemana Charles yashimirwaga ku myaka 30 amaze muri Rayon Sports
17:48
Umufana wa Rayon Sports yahawe ubutabazi nyuma yo kugwa igihumure
17:48
50' Coup-franc ya APR FC
Serumogo akiniye nabi Ouattara inyuma y'urubuga rw'amahina, umupira utewe na Ruboneka ukurwamo na Ndikuriyo Patient n'ukuboko kumwe ku buryo washoboraga kujya mu izamu kuko we yasaga n'uwasohotse.
17:46
48' Ndikuriyo atabaye Rayon Sports
Denis Omedi acomekewe umupira mwiza mu rubuga rw'amahina, Ndikuriyo Patient arasohoka awutera hanze muri koruneri itagize icyo itanga.
17:44
47' Gusatira kwa Rayon Sports
Aziz Bassane acomekeye umupira Biramahire Abeddy uhise utera ishoti rikomeye ari muri metero nka 28, umupira ujya ku ruhande rw'izamu.
17:43
47' Uburyo bwa APR FC
APR FC ibonye koruneri itewe na Ruboneka Bosco, umupira ushyizwe ku mutwe na Niyigena Clement ujya ku ruhande rw'izamu.
17:41
46' Igice cya kabiri cyatangiye
Rayon Sports itangiranye umupira mu gice cya kabiri, umupira Biramahire Abeddy acomekewe awutera hanze.
Hagati, umusifuzi wo ku ruhande yari yagaragaje ko habayeho kurarira.
Hagati, umusifuzi wo ku ruhande yari yagaragaje ko habayeho kurarira.
17:40
Gusimbuza
Rukundo Abdul Rahman asimbuye Iraguha Hadji ku ruhande rwa Rayon Sports.
17:38
AMAFOTO: Abafana ba APR FC bari mu bicu, aba Rayon Sports bo bumiwe
17:36
Mugisha Gilbert yishimira igitego yatsinze Rayon Sports
17:33
Ni APR nziza cyangwa ni Rayon Sports iri hasi?
APR FC itozwa na Darko Novic, yongeye kugaragaza urwego rudasanzwe, aho yaherukaga gukina iminota 45 imeze gutya ari ku mukino wa Musanze FC mu Gikombe cy'Amahoro no kuri Kiyovu Sports muri Shampiyona. Ntitwakwibagirwa kandi umukino yatsinzemo Rutsiro FC ibitego 5-0.
Rayon Sports y'umutoza Rwaka Claude, yari hasi kurusha ikindi gihe muri uyu mwaka w'imikino.
Abakinnyi bo hagati barimo Muhire Kevin, Ndayishimiye Richard na Souleymane Daffe ntibahuzaga kugeza uyu wa nyuma asimbuwe na Sefu ku munota wa 35.
Impande za Rayon Sports ziriho Bassane na Iraguha Hadji na zo zabuze, byatumye aba bakinnyi bombi bahinduranya ariko bikomeza kwanga. Bugingo Hakim na Serumogo bakabafashije, ntiborohewe n'ubusatirizi bwa APR FC nk'uko bimeze kuri Diagne na Gning.
Biramahire Abeddy ntiyagaragaye cyane kuko abagombaga kumukinisha barimo na Muhire Kevin batorohewe.
Umusifuzi Ishimwe Cucuri araza kugarukwaho nyuma yaho uburyo bamwe babona ko bwari kuvamo penaliti ku ikosa Hadji yakorewe na Pierre mu rubuga rw'amahina, bwahise buvamo igitego cya kabiri cya APR FC.
Cucuri yashoboraga kandi gutanga amakarita ku yandi makosa arimo iryo Diagne yakoreye kuri Omedi, ariko "yongera gucunga umukino".
Rayon Sports y'umutoza Rwaka Claude, yari hasi kurusha ikindi gihe muri uyu mwaka w'imikino.
Abakinnyi bo hagati barimo Muhire Kevin, Ndayishimiye Richard na Souleymane Daffe ntibahuzaga kugeza uyu wa nyuma asimbuwe na Sefu ku munota wa 35.
Impande za Rayon Sports ziriho Bassane na Iraguha Hadji na zo zabuze, byatumye aba bakinnyi bombi bahinduranya ariko bikomeza kwanga. Bugingo Hakim na Serumogo bakabafashije, ntiborohewe n'ubusatirizi bwa APR FC nk'uko bimeze kuri Diagne na Gning.
Biramahire Abeddy ntiyagaragaye cyane kuko abagombaga kumukinisha barimo na Muhire Kevin batorohewe.
Umusifuzi Ishimwe Cucuri araza kugarukwaho nyuma yaho uburyo bamwe babona ko bwari kuvamo penaliti ku ikosa Hadji yakorewe na Pierre mu rubuga rw'amahina, bwahise buvamo igitego cya kabiri cya APR FC.
Cucuri yashoboraga kandi gutanga amakarita ku yandi makosa arimo iryo Diagne yakoreye kuri Omedi, ariko "yongera gucunga umukino".
17:24
Igice cya mbere kirarangiye
Iminota 45 ibanza y'umukino wa nyuma w'Igikombe cy'Amahoro irangiye Rayon Sports yatsinzwe na APR FC ibitego 2-0.
17:23
45+3' Coup-franc ya Rayon Sports
Muhire Kevin ahannye ikosa ryakorewe kuri Bassane, umupira ukorwaho na Biramahire Abeddy, usanga Ishimwe Pierre uwufashe neza.
17:22
45+3' Ikarita y'umuhondo
Nshimirimana Ismael Pitchou ahawe ikarita y'umuhondo akiniye nabi Aziz Bassane.
17:18
45' Iminota ine y'inyongera
Rayon Sports 0-2 APR FC.
17:16
AMASHUSHO: Reba igitego cya kabiri APR FC yatsinze Rayon Sports
17:15
41' Uburyo bwa APR FC
Mugisha Gilberta acomekewe umupira mu rubuga rw'amahina, umupira ateye ukorwaho na Youssou Diagne ujya muri koruneri.
Umukino uhise uhagarara ngo havurwe Ouattara uryamye mu rubuga rw'amahina rwa Rayon Sports.
17:11
37' Coup-franc ya APR FC
Ouattara akiniwe nabi na Iraguha Hadji.
Ikosa rihanwe na Ruboneka, umupira Yunussu adunze n'umutwe ujya hejuru y'izamu.
Ikosa rihanwe na Ruboneka, umupira Yunussu adunze n'umutwe ujya hejuru y'izamu.
17:09
35' Gusimbuza
Souleymane Daffe asimbuwe na Niyonzima Olivier 'Seif' ku ruhande rwa Rayon Sports.
17:08
34' Coup-franc nziza ya APR FC
Youssou Diagne akiniye nabi Denis Omedi amukubise inkokora inyuma y'urubuga rw'amahina.
17:06
Rayon Sports yagombaga kubona penaliti?
Mbere y'uko APR FC ibona igitego cya kabiri, Rayon Sports yari ibonye koruneri yatewe na Muhire Kevin, Iraguha Hadji agwa mu rubuga rw'amahina akozweho n'umunyezamu Ishimwe Pierre, ariko umusifuzi Cucuri yemeza ko umukino ukomeza.
17:03
29' Igitego cya kabiri cya APR FC
Mugisha Gilbert atsinze igitego cya kabiri cya APR FC arobye Ndikuriyo Patient nyuma ya contre-attaque.
Ni umupira wari uhinduwe na Ruboneka Bosco.
Ni umupira wari uhinduwe na Ruboneka Bosco.
16:59
25' Rayon Sports ntiri guhuza
Rayon Sports iri gutakaza umupira buri kanya.
Gukorana hagati ya Richard, Muhire Kevin na Daffe mu kibuga hagati biri hasi.
APR FC iri kuzengurukana umupira mu kibuga hose.
Gukorana hagati ya Richard, Muhire Kevin na Daffe mu kibuga hagati biri hasi.
APR FC iri kuzengurukana umupira mu kibuga hose.
16:55
21' Coup-franc nziza ya Rayon Sports
Byiringiro Gilbert akiniye nabi Iraguha Hadji inyuma y'urubuga rw'amahina mu ruhande.
Ikosa rihanwe na Muhire Kevin, umupira awutera hejuru y'izamu rya APR FC.
Ikosa rihanwe na Muhire Kevin, umupira awutera hejuru y'izamu rya APR FC.
16:54
20' Gusatira kwa APR FC
Ruboneka Bosco ateye umupira imbere, ufatwa na Mugisha Gilbert winjiye mu rubuga rw'amahina, atera ishoti rikuwemo na Ndikuriyo Patient usubijwe umupira na Diagne, awufata neza.
16:52
AMASHUSHO: Reba igitego cyatsinzwe na Ouattara acenze abakinnyi ba Rayon Sports
16:51
17' Uburyo bwa Rayon Sports
Muhire Kevin ashyize umupira muremure imbere ashaka Aziz Bassane, ariko uyu Munya-Cameroun wari imbere ya Niyomugabo Claude ntiyawugeraho, urarenga.
16:47
15' Stade Amahoro yuzuye
Imyanya yose ya Stade Amahoro yamaze kujyamo abafana ndetse hari abatangiye guhagarara.
Ibiciro bito byo kwinjira bya 1000 Frw na 2000 Frw.
Ibiciro bito byo kwinjira bya 1000 Frw na 2000 Frw.
16:45
12' Ubundi buryo bwa APR FC
Ruboneka acomeye umupira Lamine Bah, na we awukoraho gato usanga Mugisha Gilbert mu rubuga rw'amahina, ariko umusifuzi wo ku ruhande, Karangwa Justin, agaragaza ko habayeho kurarira.
16:43
10' Uko amakipe yombi yaserutse kuri iki Cyumweru
16:42
8' APR FC nta gutuza
Mugisha Gilbert acenze Serumogo, aha umupira Lamine Bah aracenga, na we awutanga kuri Ruboneka Bosco uteye ishoti rijya hejuru y'izamu rya Rayon Sports.
16:40
7' Rayon Sports yibuze
Rayon Sports yatangiranye guhuzagurika muri iyi minota mu gihe APR FC iri hejuru ndetse iri kugaragaza imbaraga nyinshi.
16:38
4' Igitego cya APR FC
Djibril Ouattara atsinze igitego cyiza nyuma yo kuroba Ndikuriyo Patient.
Ni umupira akuye mu rubuga rwe, acenga abakinnyi batatu ba Rayon Sports barimo Omar Gning usigaye yicaye hasi.
Ni umupira akuye mu rubuga rwe, acenga abakinnyi batatu ba Rayon Sports barimo Omar Gning usigaye yicaye hasi.
16:36
3' Gusatira kwa APR FC
Byiringiro Jean Gilbert, asize Aziz Bassane, ahindura umupira ushyizwe muri koruneri na Omar Gning.
Ruboneka awusubije mu kibuga, APR FC ikora ikosa mu rubuga rw'amahina.
16:34
1' Coup-franc ya APR FC
Rayon Sports itakaje umupira, Omar Gning akinira nabi Ouattara wari ugerageje kumucenga.
Ikosa rihanwe na Ruboneka Bosco, habura mugenzi we ukora ku mupira urarenga.
16:33
Umukino uratangiye
Umusifuzi Ishimwe Jean Claude 'Cucuri' atangije umukino.
Biramahire Abeddy wa Rayon Sports ni we ukinnye umupira bwa mbere, asubiza inyuma kuri bagenzi be.
APR FC yambaye umweru hose mu gihe Rayon Sports yambaye ubururu hose.
Biramahire Abeddy wa Rayon Sports ni we ukinnye umupira bwa mbere, asubiza inyuma kuri bagenzi be.
APR FC yambaye umweru hose mu gihe Rayon Sports yambaye ubururu hose.
16:31
Hafashwe umunota wo kwibuka
Mbere y'uko umukino utangira, abari muri Stade Amahoro bafashe umunota wo kwibuka ku nshuro ya 31 Abatutsi bishwe muri Jenoside mu 1994.
16:30
Imihigo ni yose hagati y'abafana ba Rayon Sports n'aba APR FC
16:29
Umukino wahawe abasifuzi mpuzamahanga
Umusifuzi wo hagati na Ishimwe Jean Claude 'Cucuri' wanasifuye umukino uheruka guhuza amakipe yombi.
Abasifuzi bo ku ruhande ni Karangwa Justin na Ishimwe Didier mu gihe Umusifuzi wa Kane ari Umutoni Aline.
Abasifuzi bo ku ruhande ni Karangwa Justin na Ishimwe Didier mu gihe Umusifuzi wa Kane ari Umutoni Aline.
16:22
Mugemana Charles yashimiwe ku myaka 30 amaze muri Rayon Sports
Abayobozi ba Rayon Sports, Paul Muvunyi na Twagirayezu Thaddee, bashyikirije umuganga wayo, Mugemana Charles, umwambaro w'iyi kipe wanditseho 30 mu kumushimira imyaka 30 amaze ari umukozi wayo.
16:20
Ikipe ya Rayon Sports yishyushya
16:12
Uko APR FC yitwaye mu mikino itanu iheruka gukina
16:07
Uko Rayon Sports yitwaye mu mikino itanu iheruka gukina
16:04
Abakinnyi ba APR FC bishyushya
16:00
Abafana ba Rayon Sports na APR FC bitwaje ibitambaro binini biri mu mabara yabo
15:53
Abakinnyi ba APR FC babanje mu kibuga
Umutoza wa APR FC, Darko Novic, yahisemo gukoresha:
Ishimwe Pierre
Byiringiro Jean Gilbert
Niyomugabo Claude (C)
Niyigena Clement
Nshimiyimana Yunussu
Nshimirimana Ismael Pitchou
Ruboneka Bosco
Lamine Bah
Mugisha Gilbert
Denis Omedi
Djibril Ouattara
15:52
Abakinnyi ba Rayon Sports babanje mu kibuga
Umutoza Rwaka Claude yahisemo gukinisha:
Ndikuriyo Patient
Serumogo Ali
Bugingo Hakim
Omar Gning
Youssou Diagne
Souleymane Daffe
Ndayishimiye Richard
Muhire Kevin (C)
Biramahire Abeddy
Aziz Bassane
Iraguha Hadji
Ndikuriyo Patient
Serumogo Ali
Bugingo Hakim
Omar Gning
Youssou Diagne
Souleymane Daffe
Ndayishimiye Richard
Muhire Kevin (C)
Biramahire Abeddy
Aziz Bassane
Iraguha Hadji
15:51
Kera kabaye Rayon Sports na APR FC zaba zigiye gutanga ibirori mu kibuga? Ibyo kwitega muri uyu mukino
15:48
Abafana bageze muri Stade Amahoro bafite icyizere
15:47
Amakipe yombi yatangiye kwishyushya
APR FC yasohotse mbere ijya kwishyushya, ikurikirwa na Rayon Sports nyuma y'iminota itatu.
Abafana b'amakipe yombi bayakiranye amashyi no kugaragaza ko bayashyigikiye.
15:36
Stade Amahoro ishobora kuzura?
Mu gihe habura iminota irenga 50 ngo umukino utangire, hanze ya Stade Amahoro haracyari abafana benshi.
Ni mu gihe muri stade imbere, abafana bamaze kugeramo basatira 70%.
15:28
Uko Rayon Sports na APR FC zitwaye mu mikino itanu iheruka kuzihuza
15:23
APR FC igera kuri Stade Amahoro
15:21
Abakinnyi ba Rayon Sports bagera ku kibuga
15:14
Indahangarwa WFC yegukanye Igikombe cy'Amahoro mu bagore
Mu mukino wabanje, Indahangarwa WFC yegukanye Igikombe cy'Amahoro mu bagore itsinze Rayon Sports ibitego 4-2.
Igice cya mbere cyari cyarangiye Rayon Sports WFC ifite ibitego 2-1.
15:11
Urugendo rwa APR FC mu Gikombe cy'Amahoro cya 2025
Muri 1/8:
Musanze FC 0-0 APR FC
APR FC 4-0 Musanze FC
Muri 1/4:
Gasogi United 0-1 APR FC
APR FC 0-0 Gasogi United
Muri 1/2:
Police FC 1-1 APR FC
APR FC 1-0 Police FC
15:06
Rayon Sports na APR FC zari zifuje kubona ku mafaranga yinjira uyu munsi
Ubuyobozi bwa Rayon Sports na APR FC bwari bwasabye FERWAFA ko impande zombi zagabana amafaranga yinjira kuri uyu mukino wa nyuma, ariko bubwirwa ko bidashoboka.
Amakuru avuga ko FERWAFA ishobora kugenera buri kipe miliyoni 10 Frw ku mafaranga yinjira.
Ku wa Gatandatu, Perezida wa FERWAFA, Munyantwali Alphonse, yavuze ko icyemezo cyo guha amafaranga amakipe kitahita gifatwa kandi ayinjira ku mukino wa nyuma w'Igikombe cy'Amahoro aba yarateganyijwe mu ngengo y'imari y'iri Shyirahamwe.
15:00
Urugendo rwa Rayon Sports mu Gikombe cy'Amahoro cya 2025
Muri 1/8:
Rutsiro FC 1-2 Rayon Sports
Rayon Sports 2-0 Rutsiro FC
Muri 1/4:
Rayon Sports 2-2 Gorilla FC
Gorilla FC 0-1 Rayon Sports
Muri 1/2:
Mukura VS 1-1 Rayon Sports
Rayon Sports 1-0 Mukura VS
14:51
Rayon Sports na APR FC zigiye gukina 'finale' ya gatanu hagati yazo
Ni ku nshuro ya gatanu Ikipe ya Rayon Sports n'iya APR FC zigiye guhurira ku mukino wa nyuma w'Igikombe cy'Amahoro.
Buri kipe yatsinze 'finales' ebyiri.
14:48
Hanze ya Stade Amahoro hari abafana benshi
Imiryango Stade Amahoro yafunguwe guhera Saa Tatu n'Igice.
Kugeza magingo aya, abafana bakomeje kugera i Remera kugira ngo bataza gucikwa n'uyu mukino w'imbonekarimwe dore ko bivugwa ko aya makipe yombi "ahuzwa na leta", bivuze yo adashobora guhitamo guhura ubwayo.
Kugeza magingo aya, abafana bakomeje kugera i Remera kugira ngo bataza gucikwa n'uyu mukino w'imbonekarimwe dore ko bivugwa ko aya makipe yombi "ahuzwa na leta", bivuze yo adashobora guhitamo guhura ubwayo.
14:45
Abafana bakomeje kugera muri Stade Amahoro ku bwinshi
14:44
Ikaze muri Stade Amahoro i Remera
IGIHE ibahaye ikaze muri Stade Amahoro, i Remera, ahagiye kubera umukino wa nyuma w'Igikombe cy'Amahoro hagati ya Rayon Sports na APR FC.
Amakipe yombi yamaze kwizera kuzasohokera u Rwanda mu marushanwa Nyafurika ya 2025/26, ariko aracyahataniye ibikombe bibiri bikomeye bikinirwa mu gihugu.
Umukino uratangira Saa Kumi n'Igice.
