APR FC 3-0 Marine FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
20:13
AMASHUSHO: Reba ibyaranze umukino APR FC yatsinzemo Marine FC
19:53
APR FC isubiye ku mwanya wa mbere muri Shampiyona
APR FC yisubije umwanya wa mbere muri Shampiyona itsinze Marine FC ibitego 3-0 mu mukino w'Umunsi wa 26 waberaga kuri Kigali Pele Stadium.
Iyi kipe yambara umukara n'umweru yagize amanota 55 ku mwanya wa mbere, irusha amanota abiri Rayon Sports, yo izakira Rutsiro FC ku wa Kane.
Indi mikino yabaye kuri uyu wa Gatanu, ni uwo Gasogi United yatsinzemo Mukura VS igitego 1-0 n'uwo Amagaju FC yatsinzwemo na Police FC ibitego 2-0.
19:52
Umukino urarangiye
19:50
90' Iminota itatu y'inyongera
Umusifuzi wa Kane, Nayihiki Omely, yerekanye iminota itatu y'inyongera.
Marine FC iri gusatira ishaka kugabanya ikinyuranyo.
Marine FC iri gusatira ishaka kugabanya ikinyuranyo.
19:46
86' Coup-franc ya APR FC
Niyomugabo Claude ahannye ikosa ryakorewe kuri Mugiraneza Frodouard, umupira ukurwaho na Niyigena Emmanuel mbere yo gufatwa neza na Irambona Vally.
19:40
80' Umukino winjiye mu minota 10 ya nyuma
19:40
80' APR FC ihushije uburyo bwabazwe
Victor Mbaoma ahawe umupira ari inyuma gato y'urubuga rw'amahina, yegera imbere, atera ishoti rinyuze ku munyezamu Irambona Vally, umupira ujya ku ruhande.
19:39
Abakinnyi ba APR FC bishimira igitego cya gatatu cyatsinzwe na Denis Omedi
19:38
77' Gusimbuza
Niyibizi Ramadhan na Byiringiro Jean Gilbert basimbuwe na Mamadou Sy na Ndayishimiye Dieudonne ku ruhande rwa APR FC.
19:37
75' Gusatira kwa Marine FC
Bizimungu Omar asubije umupira mu kibuga nyuma yo kurenzwa na Niyomugabo Claude, Ishimwe Pierre awukubita ibipfunsi uva mu izamu.
Marine FC iri gusatira.
Marine FC iri gusatira.
19:30
70' Gusimbuza
Dushimimana Olivier 'Muzungu' na Victor Mbaoma basimbuye Djibril Ouattara na Denis Omedi ku ruhande rwa APR FC.
19:29
70' APR FC yamazemo ibitego yarushwaga na Rayon Sports
Mbere y'umukino, Rayon Sports yarushaga APR FC ibitego bitatu.
Kuri ubu, APR FC ifite amanota 55 mbere y'uko umukino urangira, iranganya izigamye ibitego 23 nk'uko bimeze kuri Rayon Sports ya kabiri n'amanota 53.
Kuri ubu, APR FC ifite amanota 55 mbere y'uko umukino urangira, iranganya izigamye ibitego 23 nk'uko bimeze kuri Rayon Sports ya kabiri n'amanota 53.
19:26
66' Igitego cya gatatu cya APR FC
Denis Omedi yongeye kubona izamu, atsindisha umutwe ku mupira wari uvuye muri koruneri itewe na Niyibizi Ramadhan.
APR FC 3-0 Marine FC.
APR FC 3-0 Marine FC.
19:25
65' Gusatira gukomeye kwa APR FC
Hakim Kiwanuka azamukanye umupira awukuye ku izamu rya APR FC, awugeza ku izamu rya Marine FC iwushyize muri koruneri.
19:22
62' Gusimbuza
Mugisha Gilbert asimbuwe na Kiwanuka ku ruhande rwa APR FC.
19:20
60' Gusimbuza
Muhigi Aime asimbuye Gikamba Ismael ku ruhande rwa Marine FC ikoze impinduka ya kane.
19:18
58' Gusatira kwa Marine FC
Gikamba Ismael ateranye umupira Niyigena Clement, ishoti rye ryagenderaga hasi rinyura imbere y'izamu ririnzwe na Ishimwe Pierre.
19:13
54' Uburyo bwiza bwa APR FC
Mugiraneza Frodouard ateye umupira ukomeye ari mu ruhande rw'urubuga rw'amahina, ukorwaho na Irambona Vally ujya muri koruneri itagize icyo itanga.
19:09
50' Andi mafoto yaranze igice cya mbere
19:05
46' Igice cya kabiri cyatangiye
APR FC yongeye gutangira umukino yiharira umupira ndetse na Marine FC ifungira hagati.
19:04
Gusimbuza
Nizeyimana Mubarak, Kalaga Alphonse na Bizimungu Omar basimbuye ku ruhande rwa Marine FC ihise ikora impinduka eshatu.
19:03
Hari icyo Marine FC yahindura i Nyamirambo?
Kuri uyu mukino, Marine FC ntifite bamwe mu bakinnyi bakomeye nka Usabimana Olivier, Sultan Bobo, Rugirayabo Hassan na Ishimwe Jean Rene.
Igitego cya mbere cyaturutse ku mupira uteretse watewe na Omedi, aho umunyezamu Irambona Vally yafunze izamu rya kabiri, Omedi atera ku rya mbere.
Ouattara yongeye gutsinda anyuze hagati y'abakinnyi ba Marine FC ku gitego cya kabiri.
18:50
Igice cya mbere kirarangiye
Iminota 45 ibanza y'umukino w'Umunsi wa 26 wa Shampiyona uri kubera i Nyamirambo, kirangiye APR FC yatsinze Marine FC ibitego 2-0.
18:48
45' Iminota ibiri y'inyongera
Umusifuzi wa Kane, yerekanye iminota ibiri y'inyongera.
18:47
45' Igitego cya kabiri cya APR FC
Djibril Ouattara atsinze igitego cya kabiri cya APR FC ku mupira yahawe na Byiringiro Jean Gilbert awuteranye umukinnyi wa Marine FC, yinjirana babiri bari basigaye, aroba umunyezamu Irambona Vally.
18:45
43' Uburyo bwa Marine FC
Ndombe na Mbonyumwami Thaiba bananiwe kwinjira mu bwugarizi bwa APR FC, umupira usanga Hoziyana Kennedy uteye ishoti rikomeye, rifatwa na Ishimwe Pierre.
18:43
42' Gusatira kwa APR FC
Niyibizi Ramadhan yambuye umupira Vingile Ndombe, atera ishoti rinyuze ku ruhande rw'izamu.
18:39
38' Ubwitabire bw'abafana buri hasi
Nubwo APR FC iheruka kwegukana Igikombe cy'Amahoro, umukino ukaba wabaye mu masaha ya nyuma y'akazi, abafana bari kuri Kigali Pele Stadium si benshi cyane.
Igice kidatwikiriye, kiba kirimo abafana benshi, ntabwo cyuzuye.
Igice kidatwikiriye, kiba kirimo abafana benshi, ntabwo cyuzuye.
18:34
Abakinnyi ba APR FC bishimira igitego cyatsinzwe na Denis Omedi
18:33
31' Coup-franc ya Marine FC
Niyigena Emmanuel ateye umupira uteretse ku ikosa ryakorewe kuri Ebenezer, uca hejuru gato y'izamu rya APR FC.
18:30
29' Coup-franc ya APR FC
Niyibizi Ramadhan ahannye ikosa ryakorewe kuri Pitchou, umupira ukozwe na Ouattara ujya ku ruhande rw'izamu rya Marine FC.
18:28
27' Amwe mu mafoto y'umukino
18:27
26' Marine FC irarokotse
Niyomugabo Claude yinjiranye umupira mu ruhande, agera mu rubuga rw'amahina, awuhinduye ukurwaho na Niyigena Emmanuel urarenga.
18:24
22' Marine FC yahinduye umukino
Marine FC yongereye imbaraga mu gusatira nyuma yo gutsindwa igitego na APR FC, ndetse umupira wahinduwe na Mugabe Theophile wagiye ku ruhande.
18:20
17' Igitego cya APR FC
Mutangana Derrick akiniye nabi Mugisha Gilbert inyuma gato y'urubuga rw'amahina.
Ikosa rihanwe na Denis Omedi, umunyezamu Irambona Vally ntiyagera ku mupira.
Ikosa rihanwe na Denis Omedi, umunyezamu Irambona Vally ntiyagera ku mupira.
18:17
16' Uko amakipe yombi yaserutse kuri uyu mugoroba
18:16
14' Gusatira kwa Marine FC
Vingile Ndombe yinjiranye umupira, ageze inyuma y'urubuga rw'amahina atera ishoti rikomeye rifashwe na Niyigena Clement.
18:11
9' APR FC yirangayeho
Niyomugabo Claude yinjiranye umupira mu rubuga rw'amahina, awuteye mu izamu ufatwa neza na Irambona Vally.
18:09
6' Uburyo bukomeye bwa Marine FC
Marine FC ihushije uburyo bwiza ku mupira uhinduwe mu rubuga rw'amahina na Niyigena Ebenezer, ariko Uwiyaremye Fidali awutanze Ishimwe Pierre ujya ku ruhande rw'izamu.
18:07
5' Uburyo bwa APR FC
Byiringiro Jean Gilbert ahinduye umupira mu rubuga rw'amahina, Niyigena Clement ashatse kuwutsinda yigaramye ujya ku ruhande.
18:05
3' APR FC yihariye umupira mu kibuga cyayo
Umukino watangiriye ku muvuduko uringaniye.
APR FC ni yo yihariye umupira, ariko na yo iri gukinira cyane mu kibuga cyayo.
APR FC ni yo yihariye umupira, ariko na yo iri gukinira cyane mu kibuga cyayo.
18:01
Umukino uratangiye
Umusifuzi Rulisa Patience atangije umukino.
Denis Omedi ni we watangiranye umupira, asubiza inyuma kuri bagenzi be.
APR FC yambaye umukara n'umweru hejuru, amakabutura y'umweru n'amasogisi y'umukara.
Marines FC yambaye icyatsi hejuru, amakabutura y'umuhondo n'amasogisi y'icyatsi.
Denis Omedi ni we watangiranye umupira, asubiza inyuma kuri bagenzi be.
APR FC yambaye umukara n'umweru hejuru, amakabutura y'umweru n'amasogisi y'umukara.
Marines FC yambaye icyatsi hejuru, amakabutura y'umuhondo n'amasogisi y'icyatsi.
17:59
Hafashwe umunota wo kwibuka
Mbere y'uko umukino utangira, abari kuri Kigali Pele Stadium babanje gufata umunota wo kwibuka ku nshuro ya 31 Abatutsi bishwe muri Jenoside mu 1994.
17:57
Umukino wahawe umusifuzi mpuzamahanga
Rulisa Patience ni we ugiye gusifura umukino nk'umusifuzi wo hagati.
Abasifuzi bo ku ruhande ni Akimana Juliette na Nsabimana Patrick.
Umusifuzi wa Kane ni Nayihiki Omely naho Komiseri w'Umukino ni Niyitegeka Jean Bosco.
17:53
Abakinnyi ba Marine FC bishyushya mbere y'umukino
17:51
Abakinnyi ba APR FC bishyushya
17:44
Marine FC yatsinze umukino umwe muri itanu iheruka gukina
17:40
Uko APR FC yitwaye mu mikino itanu iheruka
17:28
Abakinnyi ba APR FC babanje mu kibuga
Umutoza Darko Novic yakoze impinduka ebyiri ugereranyije n'ikipe yaherukaga gutsinda Rayon Sports.
Ruboneka Bosco na Lamine Bah bahaye umwanya Mugiraneza Frodouard na Niyibizi Ramadhan.
Ababanje mu kibuga ni:
Ishimwe Pierre
Byiringiro Jean Gilbert
Niyomugabo Claude (C)
Niyigena Clement
Nshimiyimana Yunussu
Nshimirimana Ismael Pitchou
Mugiraneza Frodouard
Niyibizi Ramadhan
Mugisha Gilbert
Denis Omedi
Djibril Ouattara
17:26
Abakinnyi ba Marine FC babanje mu kibuga
Umutoza Rwasamanzi Yves yahisemo gukoresha:
Irambona Vally
Mutangana Derrick
Ilunga Ngoy Alvine
Mugabe Theophile
Ndombe Vingile
Hoziyana Kennedy
Uwiyaremye Fidali
Niyigena Emmanuel
Mbonyumwami Thaiba
Gikamba Ismael (C)
Niyigena Ebenezer
17:17
Marine FC yabonye inota rimwe mu mikino itanu iheruka kuyihuza na APR FC
17:11
Uko indi mikino yabaye uyu munsi yarangiye
Amagaju FC 0-2 Police FC [Msanga, 23' & Didier,33']
Gasogi United 1-0 Mukura VS [Danny, 16']
Gasogi United 1-0 Mukura VS [Danny, 16']
17:09
Ubwo Marines FC yageraga ku kibuga
17:09
Ikipe ya APR FC igera kuri Kigali Pele Stadium
17:08
Ikaze kuri Kigali Pele Stadium
Umugoroba mwiza! IGIHE ibahaye ikaze kuri Kigali Pele Stadium i Nyamirambo, ahagiye kubera umukino w'Umunsi wa 26 wa Shampiyona hagati ya APR FC na Marine FC.
APR FC ya kabiri n'amanota 52, irushwa inota rimwe na Rayon Sports, irasabwa gutsinda kugira ngo irare ku mwanya wa mbere.
Marine FC ya 15 n'amanota 27, irasabwa gutsinda kugira ngo igabanye ibyago byo kumanuka mu Cyiciro cya Kabiri.
Umukino uratangira Saa Kumi n'Ebyiri z'umugoroba.
APR FC ya kabiri n'amanota 52, irushwa inota rimwe na Rayon Sports, irasabwa gutsinda kugira ngo irare ku mwanya wa mbere.
Marine FC ya 15 n'amanota 27, irasabwa gutsinda kugira ngo igabanye ibyago byo kumanuka mu Cyiciro cya Kabiri.
Umukino uratangira Saa Kumi n'Ebyiri z'umugoroba.