APR FC vs Amagaju FC

APR FC 3-1 Amagaju FC

Uko umukino uri kugenda

Umwanditsi

: Eric Tony Ukurikiyimfura

Amafoto

: Kwizera Hervé & Umwari Sandrine

20:18

AMASHUSHO: Reba ibitego byabonetse mu mukino APR FC yatsinzemo Amagaju FC

19:58

Imikino itatu APR FC isigaje muri Shampiyona

19:57

Uko amakipe ahagaze ku rutonde rwa Shampiyona

19:53

APR FC isubiye ku mwanya wa mbere

APR FC itsinze Amagaju FC ibitego 3-1 mu mukino w'Umunsi wa 27 wa Shampiyona waberaga i Nyamirambo, isubira ku mwanya wa mbere n'amanota 58.

Rayon Sports ya kabiri n'amanota 56 izakina na Police FC ku Cyumweru saa Moya z'umugoroba.

Mu yindi mikino yabaye, Marine FC yatsinze Vision FC ibitego 2-1, Musanze FC inganya na Gasogi United igitego 1-1 naho Mukura VS inganya na Bugesera FC igitego 1-1.

19:51

90+5' Umukino urarangiye

19:49

90+3' Igitego cya gatatu cya APR FC

Mugiraneza Frodouard atsindiye APR FC igitego cya gatatu ku mupira mwiza uhinduwe mu rubuga rw'amahina na Hakim Kiwanuka.

Frodouard ahawe ikarita y'umuhondo nyuma yo gukuramo umupira yishimira igitego.

19:47

90+1' Gusimbuza

Cheikh Djibril Ouattara asimbuwe na Dushimimana Olivier 'Muzungu' ku ruhande rwa APR FC.

19:46

90' Iminota ine y'inyongera

Umusifuzi wa Kane, Akingeye Hicham, yerekanye iminota ine y'inyongera.

Amagaju FC ari gusatira ashaka ikindi gitego cyo kwishyura.

19:41

85' Igitego cy'Amagaju FC

Ndayishimiye Edouard agabanyije ikinyuranyo, atsindira Amagaju FC igitego ku mupira uturutse ibumoso.

19:39

82' Gusimbuza

Hakim Kiwanuka na Mugiraneza Frodouard basimbuye Mugisha Gilbert na Lamine Bah ku ruhande rwa APR FC.

19:36

80' Umukino winjiye mu minota 10 ya nyuma

19:33

76' Gusimbuza

Niyonkuru Claude yasimbuye Nkurunziza Seth ku ruhande rw'Amagaju FC.

19:31

73' Ikarita y'umuhondo

Umutoza wongerera imbaraga abakinnyi ba APR FC, Marmouche Medhi, ahawe ikarita y'umuhondo ayisabiwe n'umusifuzi wa kane.

19:27

71' Gusimbuza

Denis Omedi asimbuwe na Mamadou Sy ku ruhande rwa APR FC ikoze impinduka ya mbere.

19:26

70' Abakinnyi ba APR FC bishimira igitego cya kabiri cyatsinzwe na Omedi

19:24

67' APR FC yongeye kwirangaraho

Lamine Bah ahushije igitego kidahushwa ku mupira aterekewe na Ouattara, awutera hejuru y'izamu.

19:22

66' Amagaju FC irarokotse

Denis Omedi acometse umupira mwiza ashaka Ouattara, Dusabe Jean Claude arahagoboka awushyira muri koruneri.

19:21

64' Coup-franc nziza y'Amagaju FC

Niyigena Clement akiniye nabi Ndayishimiye Edouard inyuma y'urubuga rw'amahina, umupira utewe n'uyu mukinnyi ufatwa neza na Ishimwe Pierre.

19:18

62' igitego cya kabiri cya APR FC

Denis Omedi atsinze neza penaliti ivuyemo igitego cya kabiri cya APR FC.

19:17

60' Penaliti ya APR FC

Bizimana ipthi Hadji akoze umupira ku mupira wari utewe na Mugisha Gilbert bari mu rubuga rw'amahina.

19:15

60' Abafana ba APR FC ntibarizera intsinzi

19:13

56' APR FC ihushije uburyo bwiza

Mugisha acomekeye umupira mwiza Niyomugabo, na we awuhindura mu rubuga rw'amahina, Ouattara awuteye n'umutwe awudunze, ujya hejuru y'izamu gato.

19:08

52' Ikarita y'umuhondo

Byiringiro Jean Gilbert ahawe ikarita y'umuhondo akiniye nabi Rachid Mapoli.

19:06

49' Coup-franc ya APR FC

Mugisha Gilbert ahannye ikosa yakoreweho, umupira ugonga urukuta, Denis Omedi arawureka urarenga.

19:05

48' Ikarita y'umuhondo

Bizimana Ipthi Hadji ahawe ikarita y'umuhondo akiniye nabi Mugisha Gilbert inyuma y'urubuga rw'amahina mu ruhande.

19:03

46' Igice cya kabiri cyatangiye


APR FC yatangiranye umupira mu gice cya kabiri, ariko Amagaju FC ihita iwutwara ndetse Ndayishimiye Edouard atera umupira ku ruhande rw'izamu.

18:48

Igice cya mbere kirarangiye

Iminota 45 ibanza y'igice cya mbere cy'umukino w'Umunsi wa 27 wa Shampiyona uri kubera i Nyamirambo, irangiye APR FC yatsinze Amagaju FC igitego 1-0 cya Djibril Ouattara.

18:45

45' Iminota itatu y'inyongera

Umusifuzi wa Kane, Akingeneye Hicham, yerekanye iminota itatu y'inyongera.

18:44

43' Coup-franc ya APR FC

Bizimana Ipthi Hadji akiniye nabi Mugisha Gilbert mu kibuga cy'Amagaju FC, nko muri metero 26 uvuye ku izamu.

Ikosa rihanwe na Ouattara, umupira muremure uteye ukurwamo n'umunyezamu Clement, habura umukinnyi wa APR FC uwusubizamo.

18:39

39' APR FC ihushije igitego cyabazwe

Djibril Ouattara acengeye Tuyishime Emmanuel ku mutwe, ariko we na Omedi bananirwa kuroba umunyezamu Twagirumukiza Clement ufashe umupira, ahita aryama hasi aho ari kwitabwaho n'abaganga.

18:37

36' Abakinnyi b'Amagaju FC bari gushwana

Kapiteni w'Amagaju FC, Masudi Narcisse ntiyumvikanye na Ndayishimiye Edouard nyuma y'uko atamwegereye ngo bakinane, umupira yari afite ugafatwa na Pitchou.

18:32

33' Amwe mu mafoto y'umukino

18:30

30' Amagaju FC ihushije uburyo bwiza

Ruboneka Bosco atakaje umupira ufashwe na Rachid Mapoli inyuma y'urubuga rw'amahina rwa APR FC, atera ishoti rinyuze hejuru gato y'izamu.

18:28

28' Ubwitabire buraringaniye

Nubwo umukino wabaye mu mpera z'icyumweru, abafana bitabiriye ni bake ugereranyije n'abashobora kwicara muri Kigali Pele Stadium

Igice kinini kidatwikiriye na cyo nticyuzuye abafana.

Ni mu gihe kandi n'ahatwikiriye harimo abafana baringaniye.

18:23

23' Amagaju FC yafunguye umukino

Nyuma yo gutsindwa igitego, Amagaju FC yafunguye umukino itangira gusatira ishaka uko yishyura.

APR FC na yo iri gusatira ishaka igitego cya kabiri.

18:19

20' Abakinnyi ba APR FC bishimira igitego cyatsinzwe na Ouattara

18:18

18' Coup-franc ya APR FC

Ruboneka Bosco ahannye ikosa akoreweho, Mugisha Gilbert akora ikosa mbere y'uko ashyira umupira mu izamu.

18:15

14' Coup-franc y'Amagaju FC

Masudi Narcisse ateye umupira wari uteretse hafi y'izamu rya APR FC mu ruhande, ubwugarizi bw'Ikipe y'Ingabo z'Igihugu bwirwanaho mbere y'uko Ouattara akinirwa nabi na Dusabe.

18:12

12' Igitego cya APR FC

Djibril Ouattara udasiba gutsinda, afunguye amazamu i Nyamirambo ku gitego atsindishije umutwe, ku mupira uhinduwe na Ruboneka.

18:09

10' Uko amakipe yombi yaserutse kuri uyu mugoroba

18:08

7' APR FC ihushije uburyo bwiza

Ouattara acomekeye umupira mwiza Lamine Bah uteye ishoti ari inyuma gato y'urubuga rw'amahina, umupira ukora kuri myugariro w'Amagaju FC ujya hejuru y'izamu.

18:04

3' Gusatira kwa APR FC

Djibril Ouattara ahinduye umupira inyuma y'urubuga rw'amahina, ufatwa na Bosco Ruboneka uwinjiranye, ariko Dusabe Jean Claude yitwara neza awushyira muri koruneri itagize icyo itanga.

17:59

Umukino uratangiye

Umusifuzi Nizeyimana Is'haq atangije umukino.

Amagaju FC ni yo itangiranye umupira, Ndayishimiye Edouard akinana na bagenzi be.

APR FC yambaye umukara hejuru n'umweru hasi.

Ni mu gihe Amagaju FC yambaye umuhondo ufite ubururu ku rutugu rumwe.

17:56

Hafashwe umunota wo kwibuka

Mbere y'uko umukino utangira, abari kuri Kigali Pele Stadium bafashe umunota wo kwibuka ku nshuro ya 31 Jenoside yakorewe Abatutsi mu 1994.

17:52

Umusaruro w'Amagaju FC mu mikino itanu iheruka gukina

17:51

Umusaruro wa APR FC mu mikino itanu iheruka gukina

17:49

Amakipe yombi yasoje kwishyushya

Abakinnyi ba APR FC n'Amagaju FC bategerejwe mu kibuga nyuma yo gusoza kwishyushya bagasubira mu rwambariro.

17:43

Uko APR FC n'Amagaju FC zitwaye mu mikino itanu iheruka kuzihuza

17:36

Abakinnyi ba APR FC babanje mu kibuga


Umutoza wa APR FC, Darko Novic, yahisemo gukoresha:

Ishimwe Pierre
Byiringiro Jean Gilbert
Niyomugabo Claude (C)
Niyigena Clement
Nshimiyimana Yunussu
Nshimirimana Ismael Pitchou
Ruboneka Bosco
Lamine Bah
Mugisha Gilbert
Denis Omedi
Djibril Ouattara

17:33

Abakinnyi b'Amagaju FC babanje mu kibuga

Umutoza w'Amagaju FC, Niyongabo Amars, yahisemo gukoresha:

Twagirumukiza Clement
Masudi Narcisse (C)
Abdel Matumona Wakonda
Tuyishime Emmanuel
Bizimana Ipthi Hadji
Dusabe Jean Claude
Nkurunziza Seth
Sebagenzi Cyrille
Twizerimana Innocent
Rachid Mapoli Yekini
Ndayishimiye Edouard

17:18

Ubwo Amagaju FC yageraga ku kibuga

17:17

APR FC igera kuri Kigali Pele Stadium

17:12

Ikaze kuri Kigali Pele Stadium

IGIHE ibahaye ikaze kuri Stade ya Kigali yitiriwe Pele ahagiye kubera umukino w'Umunsi wa 27 wa Shampiyona hagati ya APR FC n'Amagaju FC.

APR FC ni iya kabiri n'amanota 55, irushwa inota rimwe na Rayon Sports ya mbere.

Amagaju FC ni iya 13 n'amanota 29.

Umukino uratangira saa Kumi n'Ebyiri z'umugoroba.