Bugesera FC vs Rayon Sports

Bugesera FC 2-0 Rayon Sports

Uko umukino uri kugenda

Umwanditsi

: Eric Tony & Ntabareshya Jean de Dieu

Amafoto

: Kasiro Claude & Umwari Sandrine

19:31

Umunsi wa 28 wa Shampiyona ugiye gusiga iki?

19:30

Ndoli Mugisha yanze kwizeza igikombe: Ibyatangajwe APR FC imaze gutsinda Gorilla FC

19:29

Abafana bajyanywe kwa muganga ku mukino wa Bugesera FC na Rayon Sports

19:26

Gahigi Jean Claude uyobora Bugesera FC yavuze ko ntacyo umusifuzi yakoze kitari cyo

18:44

Ibyishimo by'Abafana ba APR FC nyuma yo gutsinda Gorilla FC


17:08

AMASHUSHO: Dore imbarutso y'imvururu ku mukino wa Bugesera FC na Rayon Sports

17:05

AMASHUSHO: Reba ibyaranze umukino APR FC yatsinzemo Gorilla FC

16:59

APR FC isubiye ku mwanya wa mbere muri Shampiyona


APR FC itsinze Gorilla FC igitego 1-0 cya Djibril Ouatara kuri penaliti, isubira ku mwanya wa mbere muri Shampiyona n'amanota 61, nyuma y'imikino 28.

Umukino wa Bugesera FC na Rayon Sports waberaga mu Bugesera, wahagaze ugeze ku munota wa 52 kubera umutekano muke.

Bugesera FC yari yatsinze ibitego 2-0.

16:57

Umukino urarangiye

Umukino waberaga i Nyamirambo urangiye APR FC yatsinze Gorilla FC igitego 1-0.

16:52

90' Iminota itanu y'inyongera

I Nyamirambo hongereweho iminota itanu y'inyongera.

APR FC 1-0 Gorilla FC.

16:51

89' Ikarita itukura

Bobo Camara wa Gorila FC ahawe ikarita itukura.

16:48

88' APR FC yishimira igitego cyatsinzwe na Ouattara

16:47

85' APR FC 1-0 Gorilla FC

16:43

81' Ishimwe Pierre akwiye ishimwe

Umunyezamu wa APR FC yongeye kuyirokora ku buryo bw'umupira wari uvuye muri koruneri ya Gorilla FC, awufata neza mu gihe benshi babonaga ujya mu izamu.

16:41

80' Gusimbuza

Ouattara, Pitchou na Omedi basimbuwe na Kiwanuka, Mamadou Sy na Mugiraneza Frodouard ku ruhande rwa APR FC.

16:39

77' APR FC irarokotse

Ishimwe Pierre arokoye APR FC, akuramo umupira atewe na Bobo Camara wari umuhagaze imbere muri metero nka zirindwi.

16:38

Umukino wa Bugesera FC na Rayon Sports urasubitswe

Komiseri w'Umukino yanzuye ko umukino usubitswe kubera impamvu n'umutekano muke.

Bugesera FC yari yatsinze ibitego 2-0 mu minota 52.

Umukino wari umaze iminota irenga 15 wahagaze nyuma ya penaliti yavuyemo igitego cya kabiri.

16:34

Abakinnyi ba Rayon Sports basohotse mu kibuga

Abakinnyi ba Rayon Sports basohotse mu kibuga nyuma y'iminota irenga 15 y'imvururu.

16:33

71' Gusimbuza

Mamadou Lamine Bah asimbuwe na Niyibizi Ramadhan ku ruhande rwa APR FC.

16:29

Agatereranzamba mu Bugesera



Nyuma y'uko Bugesera FC ibonye igitego cya kabiri kuri oenaliti, umukino umaze iminota 14 wahagaze.

Abakinnyi ba Rayon Sports bari kuganirira hanze y'ikibuga, mu gihe aba Bugesera FC bari kwishyushya mu kibuga.

16:25

65' Gorilla FC iri gusatira

Gorilla FC yongeye gusatira ishaka kwishyura igitego yatsinzwe.

APR FC yasubiye inyuma, ahubwo iri gukina contre-attaque.

16:23

60' APR FC ihushije uburyo bwiza

Djibril Ouattara yinjiranye umupira anyuze iburyo, awuhinduye mu izamu, Omedi ananirwa kuwukina ukurwaho na Gorilla FC.

16:21

58' Abafana ba Rayon Sports bari gutera amabuye mu kibuga


Abafana ba Rayon Sports bari gutera amabuye mu kibuga nyuma yo kutishimira imisifurire y'abasifuzi bayobowe na Ngaboyisonga Patrick.

16:20

57' Igitego cya APR FC


Cheikh Djibril Ouattara afunguye amazamu i Nyamirambo, atsinda penaliti mu izamu rya Gorilla FC.

Uyu Munya-Burkina Faso ukinira APR FC, yujuje ibitego 10 muri Shampiyona.

16:18

56' Penaliti ya APR FC

Niyigena Clement ateye umupira mu rubuga rw'amahina, Moussa Omar awukora n'ukuboko, umusifuzi atanga penaliti.

Ni icyemezo abakinnyi ba Gorilla FC babanje kugaragaza ko kitabanyuze.

16:15

55' Igitego cya kabiri cya Bugesera FC


Umar Abba atsinze Igitego cya kabiri cya Bugesera FC kuri penaliti, kiba igitego cye cya 14 muri Shampiyona ndetse kugeza ubu ni we uyoboye.

16:12

50' APR FC 0-0 Gorilla FC

16:11

52' Penaliti ya Bugesera FC

Bugesera FC ibonye Penaliti iteje impaka zikomeye mu kibuga.

Abakinnyi ba Rayon Sports ntibumva uburyo umusifuzi atanze penaliti.

Bamaze iminota igera kuri ibiri bagaragaza kutishimira imisifurire mu gihe abafana bose bamaze guhaguruka basakuza cyane ngo abakinnyi basohoke mu kibuga.

16:11

48' APR FC ihushije uburyo bwiza

Ndayishimiye Dieudonne ahinduye umupira mwiza mu izamu, Ntagisanayo Serge awukoraho n'ukuboko kumwe mbere y'uko Denis Omedi ananirwa kuwutsinda.

Umunyezamu wa Gorilla FC yahise aryama hasi.

APR FC isubije umupira mu kibuga, Pitchou awuteye n'umutwe uridunda ujya hanze.

16:08

47' Coup-franc ya APR FC

Nsengiyumva Samuel akiniye nabi Mugisha Gilbert inyuma y'urubuga rw'amahina mu ruhande.

Ikosa rihanwe na Omedi, umupira ukorwaho na Samuel n'umutwe, ujya muri koruneri.

16:06

46' Ikaze mu gice cya kabiri


APR FC na Gorilla FC zatangiye igice cya kabiri mu mukino uyobowe na Ngabonziza Jean Paul i Nyamirambo.

Ni ko bimeze kandi mu Bugesera, ku mukino uri guhuza Bugesera FC na Rayon Sports uyobowe na Ngaboyisonga Patrick.

15:52

Igice cya mbere kirarangiye mu Bugesera


Igice cya mbere kirangiye Bugesera FC iyoboye n'igitego kimwe ku busa bwa Rayon Sports.

Ni igitego cyatsinzwe na Ssentongo Farouk.

15:52

Igice cya mbere cyarangiye i Nyamirambo

APR FC na Gorilla FC zagiye mu karuhuko k'igice cya mbere zinganya ubusa ku busa.

15:50

45' Ku bibuga byombi hongereweho iminota ibiri


Mbere y'uko igice cya mbere kirangira i Nyamirambo no mu Bugesera, hongeweho iminota ibiri y'inyongera cyane ko imikino yakunze guhagarara kubera imvune za hato na hato z'abakinnyi ku mpande zose.

15:49

45' Ikarita y'umuhondo

Moussa Omar wa Gorilla FC yahawe ikarita y'umuhondo akiniye nabi Omedi inyuma y'urubuga rw'amahina.

15:48

42' Rayon Sports yahushije igitego cyabazwe


Rayon Sports ihushije uburyo bwabazwe ku mupira wari uzamukanwe na Adam Bagayogo, uhinduwe mu izamu, umunyezamu wa Bugesera awufata neza.

15:43

40' Ikarita y'umuhondo


Bugingo Hakim yeretswe ikarita y'umuhondo nyuma yo gukorera ikosa umukinnyi wa Bugesera FC.

15:43

40' Amwe mu mafoto y'umukino wa APR FC na Gorilla FC

Amakipe yombi aracyategereje kureba mu izamu.

15:42

38' Uburyo bwa Bugesera FC

Bugesera FC iteye koruneri yashoboraga kuvamo igitego cya kabiri, ariko Yakuru ateye umupira n'umutwe uca hejuru y'izamu gato.

15:38

33' Rayon Sports iracyasatira


Rayon Sports ikomeje gusatira cyane, yari itsinze igitego ariko umunyezamu wa Bugesera FC umupira awutera ibipfunsi uvamo.

15:35

31' APR FC yirangayeho

Mugisha Gilbert yinjiranye umupira anyuze ibumoso, awuhinduye mu rubuga rw'amahina ukorwaho na Lamine Bah ujya hanze.

15:33

30' APR FC 0-0 Gorilla FC

15:31

25' Rayon Sports ihushije igitego cyabazwe


Rayon Sports ikomeje gushaka uko yakwishyura igitego yatsinzwe, ihushije icyabazwe ku mupira w'umuterekano wari utewe na Muhire Kevin ariko Umunyezamu wa Bugesera FC awushyira muri koruneri itagize icyo ifasha Gikundiro.

15:30

Abafana ba Rayon Sports berekeje mu Bugesera bafite icyizere

15:28

25' Abakinnyi ba Bugesera FC bishimira igitego cyatsinzwe na Ssentongo Farouk

15:27

23' APR FC na Gorilla FC zongeye guhusha uburyo bwiza

Djibril Ouattara yahushije uburyo bwabazwe ku mupira wahinduwe na Dieudonne, mbere y'uko Ndikumana Landry atera ishoti rikomeye ryakuwemo na Ishimwe Pierre.

15:26

21' Abafana ntibishimiye imisifurire


Abafana ba Rayon Sports bakomeje kugaragaza kutishimira ibyemezo by'abasifuzi bikomeje gufatwa mu kibuga.

15:25

20' Uburyo bwa Rayon Sports



Rayon Sports ihushije uburyo bwashoboraga kuyiha igitego cyo kugombora, ku mupira wari utewe na Muhire Kevin, uhinduwe na Biramahire Abbedy, uca ku ruhande.

15:24

21' Uko APR FC na Gorilla FC zaserutse i Nyamirambo

15:20

16' Bugesera FC iri gushaka igitego cya kabiri


Bugesera FC ikomeje guhererekanya neza, yari ibonye igitego cya kabiri ariko umunyezamu Ndikuriyo Patient yitwara neza.

15:19

15' Uburyo bwa APR FC

Ruboneka Jean Bosco ahinduye umupira mwiza mu izamu, Denis Omedi awuteresha umutwe, ujya ku ruhande.

15:17

13' Igitego cya Bugesera FC

Bugesera FC ifunguye amazamu ku gitego gitsinzwe na Ssentongo Farouk ubanje gucenga ba myugariro ba Rayon Sports.

15:16

12' APR FC na Gorilla FC ziri gukina umukino urimo ishyaka


APR FC iri gusatira cyane mu minota ya mbere, ariko iracyagorwa no gutera mu izamu.

Gorilla FC yagerageje kwinjira inshuro imwe, umupira watewe na Nduwimana Franck ufatwa na Ishimwe Pierre.

15:15

10' Uburyo bwa Rayon Sports

Rayon Sports ikomeje gushaka igitego, ibonye umupira w'umuterekano hafi n'izamu rya Bugesera FC ariko uburyo ntacyo butanze.

15:10

7' Uko Rayon Sports na Bugesera FC zaserutse

15:08

4' Rayon Sports yari ifunguye amazamu



Rayon Sports ikomeje gusatira bikomeye, yari itsinze igitego ariko umusifuza Ngaboyisonga agaragaza ko umukinnyi wa Bugesera FC yabanje gukorerwa ikosa.

15:08

3' I Nyamata, umukino watangiriye hejuru


Bugesera FC yatangiranye imbaraga kuko ku munota wa kabiri gusa, yahushije uburyo bwashoboraga kuvamo igitego, ku makosa yari akozwe n'abakinnyi ba Rayon Sporr bakina bugarira.

Umukino watangiye wihuta cyane ku mpande zombi. Rayon Sports yagerageje uburyo bwiza ibonye ariko umupira bawutereka muri koruneri itagize icyo itanga.

15:02

Imikino yombi iratangiye

Umukino wa APR FC na Gorilla FC i Nyamirambo watangiye.

Ni ko bimeze kandi i Nyamata ahari gukinira Bugesera FC na Rayon Sports.

15:00

Hafashwe umunota wo kwibuka

Mbere y'uko imikino itangira, hafashwe umunota wo kwibuka ku nshuro ya 31 Abatutsi bishwe muri Jenoside yabakorewe mu 1994.

14:59

Amakipe yose yagarutse mu kibuga

Amakipe yombi yongeye kugaruka mu kibuga mu gihe habura iminota mike ngo umukino utangire.

Uyu mukino w'Umunsi wa 28 wa Shampiyona ugiye kuyobora n'Umusifuzi Ngaboyisonga Justin.

Bugesera FC iri mu rugo yambaye imyenda y'ibara rya Orange mu gihe Rayon Sports yambaye imipira y'umweru, amakabutura n'amasogisi by'ubururu.

14:58

Abakinnyi ba Bugesera FC babanje mu kibuga

Abakinnyi 11 Umutoza Banamwana Camarade yabanje mu kibuga:

1.Habineza Fils
2.Ciza Jean Paul
3.Hirwa Jean de Dieu
4.Iracyadukunda Eric
5.Isingizwe Rodrigue
6.Kaneza Augustin
7.Dukundane Pacifique
8.Gakwaya Leonard
9. Abba Umar
10. Ssentongo Farouk
11. Reuben Bala Yakuru

14:57

Ubwo APR FC na Gorilla FC zishyushyaga

14:47

Bugesera FC na Rayon Sports zishyushya

14:44

Bugesera FC mu mikino itanu iheruka gukina

14:43

Rayon Sports mu mikino itanu iheruka gukina

14:42

Uko Bugesera FC na Rayon Sports zitwaye mu mikino itanu iheruka kuzihuza

14:40

Umusaruro wa Gorilla FC mu mikino itanu iheruka gukina

14:39

Umusaruro wa APR FC mu mikino itanu iheruka gukina

14:38

Uko APR FC na Gorilla FC zitwaye mu mikino itanu iheruka kuzihuza

14:36

Abakinnyi ba Rayon Sports babanje mu kibuga



Umutoza w'Agateganyo wa Rayon Sports, Rwaka Claude, yahisemo gukoresha:

Ndikuriyo Patient
Serumogo Ali
Bugingo Hakim
Youssou Diagne
Omar Gning
Niyonzima Olivier 'Seif'
Ndayishimiye Richard
Niyonzima Olivier 'Seif'
Muhire Kevin (C)
Biramahire Abeddy
Adama Bagayogo

14:30

Abakinnyi Gorilla FC yabanje mu kibuga


Umutoza wa Gorilla FC, Kirasa Alain, yahisemo gukinisha:

Serge
Didier
Rutanga
Samuel
Hesbon
Murdah
Omar
Franck
Keddy
Darcy
Landry

14:26

Abakinnyi ba APR FC babanje mu kibuga



Umutoza w'Agateganyo wa APR FC, Ndoli Mugisha, yahisemo gukoresha:

Ishimwe Pierre
Ndayishimiye Dieudonne
Niyomugabo Claude (C)
Niyigena Clement
Nshimiyimana Yunussu
Nshimirimana Ismael Pitchou
Ruboneka Bosco
Lamine Bah
Mugisha Gilbert
Denis Omedi
Djibril Ouattara

14:23

Abafana ba Rayon Sports berekeje mu Bugesera bafite icyizere

14:17

Ikipe ya Rayon Sports igera ku kibuga cya Bugesera

14:15

Ubwo Bugesera FC yageraga ku kibuga

14:12

Gahunda y'imikino y'Umunsi wa 28 wa Shampiyona


Ku wa Gatanu:

Kiyovu Sports 2-1 Rutsiro FC

Ku wa Gatandatu:

APR FC vs Gorilla FC
Bugesera FC vs Rayon Sports
Amagaju FC vs Mukura VS
Marine FC vs Musanze FC
Gasogi United vs Muhazi United (18:00)

Ku Cyumweru:

Police FC vs Vision FC

Ku wa Mbere:

AS Kigali vs Etincelles FC

14:06

Gorilla FC igera kuri Kigali Pele Stadium

14:05

Ubwo Ikipe ya APR FC yageraga kuri Kigali Pele Stadium

14:04

Ikaze kuri Stade ya Bugesera na Kigali Pele Stadium

IGIHE ibahaye ikaze kuri Stade ya Bugesera ndetse na Kigali Pele Stadium, ahagiye kubera imikino ibiri itegerejwe na benshi mu rugamba rwo guhatanira Igikombe cya Shampiyona igeze ku munsi wayo wa 28.

I Bugesera, Bugesera FC ya 11, yakiriye Rayon Sports ya mbere n'amanota 59.

Ni mu gihe i Kigali, Gorilla FC ya gatanu yakiriye APR FC ya kabiri n'amanota 58.

Imikino yombi iratangira saa Cyenda.