Bugesera FC 2-1 Rayon Sports
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
16:38
Bugesera FC itsinze Rayon Sports
Bugesera FC yegukanye amanota atatu y'ingenzi, itsinda Rayon Sports ibitego 2-1 mu mukino w'Umunsi wa 28 wa Shampiyona.
Iyi kipe yo mu Burasirazuba igize amanota 34 ku mwanya wa 10.
Rayon Sports igumanye amanota 59 ku mwanya wa kabiri, irushwa amanota abiri na APR FC ya mbere.
Iyi kipe yo mu Burasirazuba igize amanota 34 ku mwanya wa 10.
Rayon Sports igumanye amanota 59 ku mwanya wa kabiri, irushwa amanota abiri na APR FC ya mbere.
16:37
Umukino urarangiye
16:34
90+1' Gusimbuza
Ntakirutimana Theotime na Bizimana Yannick basimbuye Ruhinda Farouk na Hirwa Jean de Dieu ku ruhande rwa Bugesera FC.
16:33
90' Iminota ine y'inyongera
Umusifuzi wa Kane, Ugirashebuja Ibrahim, yerekanye iminota ine y'inyongera.
Rayon Sports ikomeje gusatira ishaka kwishyura.
Rayon Sports ikomeje gusatira ishaka kwishyura.
16:32
90' Ikarita y'umuhondo
Isingizwe Rodrigue ahawe ikarita y'umuhondo kubera gutinda kurengura umupira.
16:31
89' Ikarita y'umuhondo
Iracyadukunda Eric ahawe ikarita y'umuhondo kubera kwanga gutera umupira (gutinza umukino).
16:31
89' Umukino uhagaze gato
Umunyezamu Habineza Fils wa Bugesera FC yicaye hasi, umusifuzi amusaba guhaguruka ndetse arabikora.
16:28
85' Igitego cya Rayon Sports
Bugingo Hakim atsinze igitego cya Rayon Sports ku mupira uhinduwe na Innocent Assana, umunyezamu Habineza Fils ntiyabasha kuwugeraho.
16:26
83' Gusimbuza
Adulai Jalo na Assana Innocent Nah basimbuye Serumogo Ali na Biramahire Abeddy ku ruhande rwa Rayon Sports.
16:23
80' Umukino winjiye mu minota 10 ya nyuma
Rayon Sports hafi ya yose yazamutse aho iri gukinira mu kibuga cya Bugesera FC iri kugarira.
16:20
78' Gusimbuza
Bala Yakubu asimbuwe na Nyarugabo Moise ku ruhande rwa Bugesera FC.
16:20
76' Rayon Sports yasabaga penaliti
Elanga-Kanga ateranwe umupira na myugariro wa Bugesera FC ku murongo w'urubuga rw'amahina mbere y'uko ugera kuri Muhire Kevin awutera ku ruhande.
Abakinnyi ba Rayon Sports bagaragaje ko umukinnyi wabo yari yakiniwe nabi, ariko umusifuzi agaragaza ko nta kosa ryabaye.
Abakinnyi ba Rayon Sports bagaragaje ko umukinnyi wabo yari yakiniwe nabi, ariko umusifuzi agaragaza ko nta kosa ryabaye.
16:17
75' Amwe mu mafoto y'umukino
16:16
72' Perezida wa FERWAFA ari mu bari kureba umukino
Perezida wa FERWAFA, Munyantwali Alphonse na Chairman wa Rwanda Premier League, Mudaheranwa Hadji Youssouf, bari mu bantu bake bitabiriye uyu mukino.
Muri abo kandi harimo Komiseri ushinzwe Umutekano ku bibuga, Rurangirwa Louis na Komiseri w'Amarushanwa, Turatsinze Amani.
Umutekano wakajijwe cyane hanze y'ikibuga ku buryo nta bafana begera stade.
16:13
70' Abana batoragura imipira batangiye kwihanangirizwa
Abana bafata imipira bakayisubiza mu kibuga kugira ngo umupira wihute, batangiye gucungana n'iminota aho abakinnyi ba Rayon Sports ari bo bari kujya kuyizanira.
Umusifuzi Ngaboyisonga Patrick yamaze kwihanangiriza umwe muri bo.
Umusifuzi Ngaboyisonga Patrick yamaze kwihanangiriza umwe muri bo.
16:10
68' Bugesera FC yirangayeho
Gakwaya Leonard yinjiranye umupira agera mu rubuga rw'amahina rwa Rayon Sports, ariko ananirwa kuwukina, uramurengana.
16:08
65' Bugesera FC iri gukinira mu kibuga cyayo
Bugesera FC ifite ibitego bibiri, iri gukinira inyuma cyane.
Umar Abba ni we mukinnyi wayo ushobora kujya mu kibuga cya Rayon Sports.
Abandi barimo Ssentongo Farouk, bari gutegereza ko babona umupira bakamanukira rimwe.
Umar Abba ni we mukinnyi wayo ushobora kujya mu kibuga cya Rayon Sports.
Abandi barimo Ssentongo Farouk, bari gutegereza ko babona umupira bakamanukira rimwe.
16:05
62' Umukino uhagaze gato
Umukino ubaye uhagaze mu gihe hagiye kuvurwa umukinnyi wa Bugesera FC utewe umupira na Muhire Kevin washakaga kuwohereza mu izamu.
16:03
60' Gusatira kwa Rayon Sports
Rayon Sports ikomeje gusatira: Serumogo Ali ateye umupira mu rubuga rw'amahina, Kaneza Augustin awukuraho n'umutwe ujya hanze.
16:00
58' Uburyo bwa Rayon Sports
Niyonzima Olivier 'Seif' ateye umupira muremure mu izamu, ufatwa n'umunyezamu Habineza Fils.
15:59
57' Umukino urakomeje
Umusifuzi Ngaboyisonga Patrick yemeje ko umukino ukomeza, Rayon Sports yari imaze gutsindwa igitego cya kabiri ikomezanya umupira.
15:58
Gusimbuza
Nshimiyimana Emmanuel 'Kabanga' yafashe umwanya wa Ndayishimiye Richard.
15:52
Umukino uratangira mu minota mike iri imbere
Abakinnyi basubira mu kibuga ni abari barimo kugeza ku munota wa 57.
Rayon Sports yari yamaze gukora impinduka imwe, Elanga-Kanga afata umwanya wa Adama Bagayogo.
Rayon Sports yari yamaze gukora impinduka imwe, Elanga-Kanga afata umwanya wa Adama Bagayogo.
15:49
Ubwo amakipe yombi yishyushyaga
15:37
Abafana bahejwe mu minota isigaye y'uyu mukino
Nk'uko byemejwe mu nama ya Komisiyo y'Amarushanwa muri FERWAFA yateranye ku wa Mbere, iminota isigaye y'uyu mukino wa Shampiyona irakinwa nta bafana.
Uyu kandi ni wo mukino wa mbere muri itatu Rayon Sports izakina nta bafana kugeza uyu mwaka w'imikino urangiye.
Ni nyuma y'uko bigaragaye ko abafana bayo ari bo bateje imvururu ku wa Gatandatu aho bateye amabuye mu kibuga.
15:34
Ikaze kuri Stade ya Bugesera
IGIHE ibahaye ikaze kuri Stade ya Bugesera ahagiye gukomereza umukino w'Umunsi wa 28 wa Shampiyona hagati ya Bugesera FC na Rayon Sports.
Umukino wahagaze ku munota wa 57 ku wa Gatandatu kubera imvururu zatewe n'abafana bari batangiye gutera amabuye mu kibuga.
Bugesera FC yari yatsinze ibitego 2-0.
Umukino urasubukurwa saa Kumi.
Umukino wahagaze ku munota wa 57 ku wa Gatandatu kubera imvururu zatewe n'abafana bari batangiye gutera amabuye mu kibuga.
Bugesera FC yari yatsinze ibitego 2-0.
Umukino urasubukurwa saa Kumi.
