Rayon Sports 1-3 Yanga SC
Uko umukino uri kugenda
Umwanditsi |
: Abraham Uwimana & Olivier Iradukunda |
Amafoto |
: Kasiro Claude & Sandrine Umwari |
20:15
Yanga SC ihawe igikombe cy'Umunsi w'Igikundiro
Nyuma yo gutsinda Rayon Sports ibitego 3-1, Yanga SC yashyikirijwe igikombe cy'Umunsi w'Igikundiro (Rayon Day). Umuvugizi w'iyi kipe, Ali Kamwe, umaze iminsi mu Rwanda, yari yatangaje ko kuva ikipe ya Rayon Sports yarashyizeho igikombe ibya gishuti byagiye ku ruhande ko ikipe yagombaga gukina igiharanira, ari na byo yerekanye uyu munsi.
20:06
Rayon Sports ntiheruka gutsinda ku Munsi w'Igikundiro
Intsinzi ku ikipe ya Rayon Sports ikomeje kuba ingorabahizi ku munsi wa Rayon Sports Day, kuko iheruka intsinzi ubwo uyu munsi watangizwaga mu 2019.
Mu 2019, Rayon Sports yatsinze Gasogi United ibitego 3-1 mu mukino wa gicuti.
Mu 2021, Rayon Sports yatsinzwe na Kiyovu Sports ibitego 2-1.
Mu 2022, Rayon Sports yatsinzwe na Vipers SC igitego 1-0.
Mu 2023, Rayon Sports yatsinzwe na Kenya Police FC igitego 1-0.
Mu 2024, Rayon Sports yatsinzwe na Azam FC igitego 1-0.
Muri uyu mwaka wa 2025, Rayon Sports yatsinzwe na Yanga SC 3-1.
Mu 2019, Rayon Sports yatsinze Gasogi United ibitego 3-1 mu mukino wa gicuti.
Mu 2021, Rayon Sports yatsinzwe na Kiyovu Sports ibitego 2-1.
Mu 2022, Rayon Sports yatsinzwe na Vipers SC igitego 1-0.
Mu 2023, Rayon Sports yatsinzwe na Kenya Police FC igitego 1-0.
Mu 2024, Rayon Sports yatsinzwe na Azam FC igitego 1-0.
Muri uyu mwaka wa 2025, Rayon Sports yatsinzwe na Yanga SC 3-1.
20:02
95' Umukino urarangiye
Ku munota wa 95, umusifuzi arangije umukino wahuzaga ikipe ya Rayon Sports na Yanga SC, aho urangiye Yanga SC itsinze 3-1.
20:00
92' Igitego cya gatatu cya Yanga SC
Ku mupira uvuye muri koruneri, umukinnyi Mwamnyeto wa Yanga SC awakiriye n'umutwe uruhukira mu nshundura, umunyezamu Kouyate ntiyamenya ibyabaye.
19:57
90' Iminota y'inyongera
Nyuma y'iminota 90 y'umukino wongeweho itanu y'inyongera
19:57
88' Kouyate akuyemo igitego cyabazwe
Nyuma y'amakosa ya ba myugariro ba Rayon Sports batakaje umupira, Chikola awuteye ukurwa ku kirenge n'umunyezamu Drissa Kouyatte
19:53
86' Gusimbuza ku ruhande rwa Rayon Sports
Bayisenge Emery avuye mu kibuga asimburwa na Elie Ganijuru
19:52
84' Tambwe Gloire ahushije igitego
Nyuma yo gucomekerwa umupira mwiza na Sindi Paul Jesus ku ruhande rw'ibumoso, Tambwe Gloire ateye umupira muremure ku izamu habura gato ngo ujye mu rushundura, umunyezamu ahita awufata agongana n'ipoto.
19:49
82' Gusimbuza ku ruhande rwa Rayon Sports
Ishimwe Richard yinjiye mu kibuga asimbuye Niyonzima Olivier Seifu
19:45
76' Gusimbuza ku ruhande rwa Rayon Sports
Serumogo Ali na Chadrack Bingi Belo bavuyemo basimburwa na Fiston Ishimwe na Tony Kitoga.
19:44
AMAFOTO
Amakipe yombi akomeje guhangana ashaka intsinzi, ari na ko akora impinduka.
19:43
74' Ikarita y'umuhondo kuri Rayon Sports
Niyonzima Olivier Seif ahawe ikarita y'umuhondo nyuma yo gukandagira umukinnyi wa Yanga SC, Sure Boy, hagati mu kibuga
19:37
70' Gusimbuza ku ruhande rwa Yanga SC
Pacome watsinze igitego cya kabiri asimbuwe na Edmund.
19:36
Rayon Sports iri kotsa igitutu Yanga SC
Bitandukanye n'igice cya mbere aho ikipe ya Rayon Sports yari yemeye guhangayika, mu gice cya kabiri iyi kipe iri kotsa igitutu Yanga SC, irema uburyo bwinshi mu rubuga rwayo, ndetse igaragaza ko ishaka igitego cyo kwishyura.
19:34
66' Coup franc ya Rayon Sports
Rayon Sports ibonye ubundi buryo bwa coup franc iri nk'aho iheruka yari iri, n'ubundi ku ikosa ryakorewe Bigirimana Abedi hafi y'urubuga rw'amahina, Bayisenge arayiteye abakinnyi ba Ynaga bari ku rukuta bayishyira muri koruneri.
19:32
64' Gusimbuza ku ruhande rwa Yanga SC
Conte na Israel basimbuwe na Sure Boy na Kibwana
19:29
61' Coup franc ya Rayon Sports
Nyuma y'ikosa rikorewe Bigirimana Abedi hafi y'urubuga rw'amahina rwa Rayon Sports, Emery Bayisenge ateye coup franc ariko arayamurura irenga izamu.
19:27
57' Serumogo ahushije igitego cyabazwe
Abedi Bigirimana acenze abakinnyi ba Yanga SC hagati mu kibuga, acomekera umupira Serumogo wari wenyine imbere y'izamu ariko ananirwa kuwufunga neza usubira ku bakinnyi ba Yanga SC.
19:27
56' Gusimbuza ku ruhande rwa Rayon Sports
Umutoza Afahmia Lotfi akuye mu kibuga rutahizamu Habimana Yves ashyiramo Aziz Bassane
19:23
55' Gusimbuza ku ruhande rwa Yanga SC
Farid na Duke binjiye mu kibuga basimbuye Maxi na Boka.
19:21
52' Sindi Paul aremye uburyo
Sindi Paul Jesus wa Rayon Sports ukina ku ruhande rw'ibumoso wagyemo asimbuye, azamukanye umupira asiga abakinnyi ba Yanga SC, akase umupira werekera mu rubuga rw'amahina ugarurwa na Boka wa Yanga ujya muri koruneri.
19:17
46' Gusimbuza ku mpande zombi
Ikipe ya Yanga SC yasimbuje hinjiramo Kouma, Chikola na Dube, hasohoka Boyeli, Doumbia na Ecua.
Ku ruhande rwa Rayon Sports hinjiye Sindi Paul Jesus na Tambwe Gloire havamo Rushema Chris na Aimable Ntarindwa
Ku ruhande rwa Rayon Sports hinjiye Sindi Paul Jesus na Tambwe Gloire havamo Rushema Chris na Aimable Ntarindwa
19:12
46' Igice cya kabiri kiratangiye
Umusifuzi atangije igice cya kabiri cy'umukino, aho umupira utangijwe n'ikipe ya Rayon Sports.
19:04
Amafoto yaranze igice cya mbere cy'umukino
18:56
49' Igice cya mbere kirarangiye
Igice cya mbere cy'umukino uri guhuza Rayon Sports FC na Yanga SC kirangiye ikipe ya Yanga SC iri imbere n'ibitego 2-1, mu gihe Rayon Sports ari yo yabanje igitego ku munota wa mbere w'umukino.
18:56
49' Igice cya mbere kirarangiye
Igice cya mbere cy'umukino uri guhuza Rayon Sports FC na Yanga SC kirangiye ikipe ya Yanga SC iri imbere n'ibitego 2-1, mu gihe Rayon Sports ari yo yabanje igitego ku munota wa mbere w'umukino.
18:54
45' Bongeyeho iminota 4
iminota 45' irarangiye, umusifuzi yerekana ko hongeweho iminota ine y'inyongera ku gice cya mbere.
18:51
44' Igitego cya Yanga SC
Rutahizamu wa Yanga SC, Pacôme Zouzoua, azamukanye umupira asiga abakinnyi ba Rayon Sports atera ishoti rikomeye ari inyuma y'urubuga rw'amahina ku ruhande rw'iburyo ritungura umunyezamu Drissa Kouyatte wahindukiye ajya gukura umupira mu nshundura. Yanga igize ibitego 2 kuri 1 cya Rayon Sports.
18:48
42' Yanga SC ihushije igitego
Abakinnyi babiri ba Yanga SC, Pacome na Boyeli, bageze mu rubuga rw'amahina rwa Rayon Sports ariko umunyezamu Kouyate abatanga umupira ntibabasha gutsinda igitego.
18:44
38' Umunyezamu wa Yanga SC aryamye hasi
Nyuma ya koruneri ya Rayon Sports, umunyezamu wa Yanga SC ahise aryama hasi agaragaza ko yagize ikibazo, umukino uba uhagaze ngo yitabweho n'abaganga.
18:43
37' koruneri ya Rayon Sports
Serumugo ateye koruneri ya Rayon Sports umuzamu atanga umupira abakinnyi ba Rayon awukubita ibipfunsi, usanga Bayisenge uwigaramye ariko ukajya inyuma y'izamu.
18:42
36' Serumogo ahushije uburyo bwabazwe
Umukinnyi wa Rayon Sports ku ruhande rw'iburyo, Serumogo Ali, azamukanye umupira asiga abakinnyi ba Yanga SC yinjira mu rubuga rw'amahina, mu gihe yiteguraga gushota umuzamu, Mwanyeto araserebeka awumukuraho neza awushyira muri 'corner'.
18:40
34' Habimana Yves akorewe ikosa hafi y'urubuga rw'amahina
Rutahizamu wa Rayon Sports asunitswe na Mwanyeto wa Yanga SC, rihanwa na Kabange uwamuruye ukajya inyuma y'izamu.
18:32
27' Igitego cya Yanga SC
Yanga SC ihererekanyije umupira nyuma y'umupira wari utakajwe na Bingi Belo imbere y'izamu, irahererekanya ugera kuri Rutahizamu Boyeli wateye ishoti umunyezamu Kouyate ntiyagira byinshi akora umupira uruhukira mu nshundura.
18:31
25' Kabange wa Rayon Sports aryamye hasi
Myugariro wa Rayon Sports, Nshimiyimana Emmanuel akorewe ikosa aryama hasi bituma umukino uhagarara gato ngo yitabweho n'abaganga
18:29
22' Yanga SC ihushije igitego cyabazwe
Ikipe ya Yanga SC irahererekanyije igera hafi y'izamu rya Rayon Sports, rutahizamu wa Yanga SC Ecua atera ishoti rikomeye umunyezamu Kouyate akubita umupira ibipfunsi usanga undi mukinnyi wa Yanga SC wasonzemo ariko umupira ujya hanze.
18:26
21' Bingi Belo akorewe ikosa mu kibuga cya Yanga SC
Rutahizamu Bingi Belo asunitswe n'umukinnyi wa Yanga SC, Rayon Sports ihabwa 'Coup franc' itewe na Fabrice ariko ntigire kinini itanga.
18:24
18' Yanga SC ihushije uburyo bukomeye
Rutahizamu wa Yanga SC yari aciye mu rihumye ba myugariro ba Rayon Sports ariko Rushema aramutungura awumukura ku kirenge ujya mu maboko y'umuzamu Kouyate.
18:22
17' Rayon ihushije uburyo bwabazwe
Nshimiyimana Fabrice wa Rayon Sports ateye ishoti rikomeye atunguye umuzamu, ku bw'amahirwe make rica hanze gato y'izamu.
18:19
13' Umunyezamu wa Yanga SC akoze amakosa
Umunyezamu wa Yanga SC ashatse guhererekanya na ba myugariro be, ugarurwa na rutahizamu Habimana Yves wa Rayon Sports ariko ntiyagira ikinini awubyaza.
18:17
Yanga SC ikomeje kwiharira umupira
Ikipe ya Yanga SC ikomeje kwiharira umupira, ishaka uko yakwishyura igitego yatsinzwe umukino ugitangira.
18:15
10' Umukinnyi wa Yanga aguye mu rubuga rw'amahina, umusifuzi arasanza
Umukinnyi wa Yanga SC aguye mu rubuga rw'amahina rwa Rayon Sports ubwo iyi kipe yari iri kotsa igitutu Rayon, ariko umusifuzi avuga ko nta kosa ryabayeho
18:14
8' Drissa Kouyate akoze amakosa
Umunyezamu Drissa Kouyate wa Rayon Sports wari wasohotse mu izamu yari atunguwe n'ishoti ry'umukinnyi wa Yanga SC, ku bw'amahirwe umupira ujya muri koruneri
18:12
7' Bigirimana Abedi akorewe ikosa
Bigirimana Abdei akorewe ikosa hagati mu kibuga
18:09
3' Yanga sc ibuze amahirwe
Ikipe ya Yanga SC yari yokeje igitutu Rayon Sports, igeze imbere y'izamu, umupira wari uhinduriwe Doumbia ari mu rubuga rw'amahina, Bayisenge Emery ateye umuserebeko awumukuraho.
18:07
1' Igitego cya Rayon Sports
Rayon Sports FC ibonye igitego cya mbere nyuma y'amakosa akozwe na myugariro wa Yanga SC, Andambwile ahaye umupira umunyezamu we nabi umupira ukaruhukira mu rucundura.
18:05
Sa 18:03: Umukino wa Rayon Sports na Yanga SC uratangiye
Umukino hagati ya Rayon Sports na Yanga SC uratangiye, amakipe yombi atangiranye ishyaka ryo gushaka intsinzi.
17:46
11 ba Yanga SC bagiye kubanza mu kibuga
Abakinnyi 11 bagiye kubanzamo ku ruhande rwa Yanga SC:
Hari Diarra wambaye nimero 39,
Israel wambaye nimero 33,
Boka wambaye nimero 23,
Andambwile wambaye nimero 2,
Mwamnyeto wambaye nimero 3,
Conte wambaye nimero 6,
Doumbia wambaye nimero 19,
Maxi wambaye nimero 7,
Pacome wambaye nimero 10,
Boyeli wambaye nimero 9,
ndetse na Ecua nimero 11.
Hari Diarra wambaye nimero 39,
Israel wambaye nimero 33,
Boka wambaye nimero 23,
Andambwile wambaye nimero 2,
Mwamnyeto wambaye nimero 3,
Conte wambaye nimero 6,
Doumbia wambaye nimero 19,
Maxi wambaye nimero 7,
Pacome wambaye nimero 10,
Boyeli wambaye nimero 9,
ndetse na Ecua nimero 11.
17:45
Abakinnyi 11 Rayon Sports igiye kubanza mu kibuga
Abakinnyi Rayon Sports ibanza mu kibuga ku mukino wayo na Yanga SC
13 Kouyate Drissa
2 Serumogo Ali (C)
28 Fabrice Nshimimana
15 Emery Bayisenge
5 Emmanuel Nshimiyimana
3 Aimable Ntarindwa
21 Seif Niyonzima
25 Rushema Chris
18 Abedi Bigirimana
14 Bingi Belo
11 Yves Habimana
Abasimbura ba Rayon Sports ni Mugisha, Musore, Jesus, Pascal Fiston, Kitoga, Ganijuru, Harerimana Tambwe, Richard, Adam, Aziz,Patient
13 Kouyate Drissa
2 Serumogo Ali (C)
28 Fabrice Nshimimana
15 Emery Bayisenge
5 Emmanuel Nshimiyimana
3 Aimable Ntarindwa
21 Seif Niyonzima
25 Rushema Chris
18 Abedi Bigirimana
14 Bingi Belo
11 Yves Habimana
Abasimbura ba Rayon Sports ni Mugisha, Musore, Jesus, Pascal Fiston, Kitoga, Ganijuru, Harerimana Tambwe, Richard, Adam, Aziz,Patient
17:35
Abakinnyi batangiye kwishyushya
Mbere y'uko amakipe yombi yesurana mu mukino utegerejwe n'abafana batari bake, abakinnyi babanje kwishyushya mbere yuko umukino nyirizina utangira.
17:32
Yanga SC yatangije fan club i Kigali
Ikipe ya Yanga SC, kuri uyu wa Gatanu, yafunguye ku mugaragaro itsinda ry'abafana bayo (fan club) bo mu Rwanda, aho Perezida w'iyi kipe yashyikirije abafana bo mu Rwanda bamaze kwiyandikisha amakarita y'abafana.
17:26
Perezida wa Rayon Sports yashimiye Yanga SC n'Aba-Rayon
Perezida wa Rayon Sports, Twagirayezu Thaddée, yafashe ijambo ashimira abafana bitabiriye uyu munsi w'Igikundiro, ashimira kandi ikipe ya Yanga SC yaje kwifatanya na bo, ahereye kuri Perezida wayo, Eng Hersi Ally Said.
Yagarutse ku mateka y'iyo kipe yavutse mu 1968, agaruka ku bigwi byayo birimo ibikombe yagiye itwara byaba ibya Shampiyona, iby'igihugu, ndetse avuga ko yaciye agahigo ko kugera mu matsinda ya CAF Confederations Cup.
Perezida Twagirayezu kandi yashimiye Perezida Paul Kagame ku bw'igikorwa remezo yubakiye abanyamupira cya Stade Amahoro, asaba aba-Rayon bose guhaguruka bagakoma amashyi bashimira Umukuru w'Igihugu.
Perezida wa Rayon Sports yarangije ashyikiriza impano Perezida wa Yanga SC, Eng Hersi Ally Said.
Yagarutse ku mateka y'iyo kipe yavutse mu 1968, agaruka ku bigwi byayo birimo ibikombe yagiye itwara byaba ibya Shampiyona, iby'igihugu, ndetse avuga ko yaciye agahigo ko kugera mu matsinda ya CAF Confederations Cup.
Perezida Twagirayezu kandi yashimiye Perezida Paul Kagame ku bw'igikorwa remezo yubakiye abanyamupira cya Stade Amahoro, asaba aba-Rayon bose guhaguruka bagakoma amashyi bashimira Umukuru w'Igihugu.
Perezida wa Rayon Sports yarangije ashyikiriza impano Perezida wa Yanga SC, Eng Hersi Ally Said.
17:13
Pavelh Ndzila yatunguranye
Ikipe ya Rayon Sports yatunguranye kandi yereka abafana umunyezamu mushya Pavelh Ndzila wakiniraga APR FC. Byatunguranye kuko atari yarigeze yerekanwa nk'umukinnyi wa Rayo Sports. Abafana ba Rayon Sports bacyumva izina Pavelh Ndzila rihamagawe abafana ibyishimo byabasaze bamwakiriza amashyi menshi.
16:53
Rayon Sports yamuritse abakinnyi izakoresha mu 2025/26
Ikipe ya Rayon Sports FC yamurikiye abafana abakinnyi izakoresha mu mwaka w'imikino wa 2025/26 na nimero bazambara, umwe kuri umwe babanza kwifotozanya na Perezida w'iyo kipe, Twagirayezu Thaddée.
Sindi Paul Jesus azambara numero 27, Rushema Chris wavuye muri Mukura VS azambara nimero 25, Niyonzima Olivier Seif wongereye amasezerano muri iyi kipe azambara nimero 21. Umunyezamu Mugisha Yves azambara nimero 32, Musore Prince wavuye mu Burundi azambara nimero 23, mu gihe Serumogo Ali na we wongereye amasezerano muri iyi kipe azambara nimero 2.
Iradukunda Pascal bakunze kwita 'Petit Messi' cyangwa 'Petit Skol' azambara nimero 30, Aziz Basane azambara nimero 18, Ntarindwa Aimable na we wavuye muri Mukura VS azambara nimero 3, Adama Bagayogo ukundwa n'abafana benshi ba Rayon Sports azambara nimero 19, umunyezamu mushya Drissa Kouyate azambara nimero 1, mu gihe Patient Ndikuriyo usanzwe muri iyi kipe azambara nimero 22.
Rukundo Abdulrahman azambara nimero 17, Harerimana Abdellaziz azambara nimero 7, Mohammed Chelli azambara nimero 8, Nshimiyimana Emmanuel 'Kabange' azambara nimero 5, Bayisenge Emery azambara nimero 15, Ishimwe Fiston azambara nimero 20, rutahizamu Chadrack Bingi Belo azambara nimero 14, mu gihe Innocent Assana Nah, rutahizamu mushya wavuye muri Rutsiro FC, Habimana Yves, azambara nimero 11, Abedi Bigirimana wavuye muri Police FC azambara nimero 10.
Sindi Paul Jesus azambara numero 27, Rushema Chris wavuye muri Mukura VS azambara nimero 25, Niyonzima Olivier Seif wongereye amasezerano muri iyi kipe azambara nimero 21. Umunyezamu Mugisha Yves azambara nimero 32, Musore Prince wavuye mu Burundi azambara nimero 23, mu gihe Serumogo Ali na we wongereye amasezerano muri iyi kipe azambara nimero 2.
Iradukunda Pascal bakunze kwita 'Petit Messi' cyangwa 'Petit Skol' azambara nimero 30, Aziz Basane azambara nimero 18, Ntarindwa Aimable na we wavuye muri Mukura VS azambara nimero 3, Adama Bagayogo ukundwa n'abafana benshi ba Rayon Sports azambara nimero 19, umunyezamu mushya Drissa Kouyate azambara nimero 1, mu gihe Patient Ndikuriyo usanzwe muri iyi kipe azambara nimero 22.
Rukundo Abdulrahman azambara nimero 17, Harerimana Abdellaziz azambara nimero 7, Mohammed Chelli azambara nimero 8, Nshimiyimana Emmanuel 'Kabange' azambara nimero 5, Bayisenge Emery azambara nimero 15, Ishimwe Fiston azambara nimero 20, rutahizamu Chadrack Bingi Belo azambara nimero 14, mu gihe Innocent Assana Nah, rutahizamu mushya wavuye muri Rutsiro FC, Habimana Yves, azambara nimero 11, Abedi Bigirimana wavuye muri Police FC azambara nimero 10.
16:52
Wasili yasusurukije abafana
Wasili usanzwe ari umunyamakuru akaba n'Umuvugizi w'Abafana ba Rayon Sports, yahawe umwanya aririmba indirimbo ye yise '11 ni abazungu'.
Ni ivuga ibigwi by'Ikipe ya Rayon Sports yaririmbye aserutse mu mwambaro udasanzwe.
Ni ivuga ibigwi by'Ikipe ya Rayon Sports yaririmbye aserutse mu mwambaro udasanzwe.
16:34
Ikipe ya Yanga SC yageze muri Stade Amahoro
Abakinnyi b'Ikipe ya Yanga SC bageze muri Stade Amahoro, aho baserutse mu myambaro ya 'relax' y'iyi kipe, babanza kuzenguruka ikibuga basuhuza abafana, ari na ko bitegereza ubwiza bw'iyi Stade.
16:26
Abafana ba Yanga SC batangiye kugera muri Stade Amahoro
Abafana batandukanye b'ikipe ya Yanga SC batangiye kugera muri Stade Amahoro, aho biteguye gushyigikira ikipe yabo iza gucakirana na Rayon Sports FC saa kumi n'ebyiri z'umugoroba.
16:16
Ikipe ya Rayon Sports FC yaserutse mu mikenyero
Abatoza n'abakinnyi b'ikipe ya mbere ya Rayon Sports FC beretswe abafana bamaze kugera muri Stade Amahoro, aho ikipe yaserutse yambaye imikenyero ya Kinyarwanda iri mu mabara yambarwa n'iyi kipe (Ubururu n'Umweru). Bababanje kuzenguruka Stade basuhuza abafana na bo babagaragariza ko babishimiye.
16:12
Stade Amahoro imaze kugeramo abafana baringaniye
Mu gihe gahunda z'Umunsi w'Igikundiro zikomeje, abafana baragenda binjira muri Stade Amahoro buhoro buhoro, aho uraranganyije amaso muri Stade ubona abamaze kugeramo baringaniye kuko hari imyanya myinshi itaragerwamo n'abafana.
16:02
Abakinnyi ba Rayon Sports FC bageze kuri Stade Amahoro
Abakinnyi n'abatoza ba Rayon Sports FC bamaze gusesekara kuri Stade Amahoro bambaye imikenyero ya Kinyarwanda iri mu mabara y'iyi kipe.
15:55
Zeo Trap yatangiye gususurutsa Aba-Rayon
Umuhanzi Zeo Trap ahawe umwanya ngo asusurutse abafana baringaniye bamaze kugera muri Stade Amahoro ahari kubera ibirori bya Rayon Sports Day (Umunsi w'Igikundiro). Yahereye ku ndirimbo ye nshya yahimbiye iyi kipe yitwa "Rayon Sports".
15:46
Rayon Sports igiye gukina umukino wa kane wa gicuti mu ya 'Rayon Week'
Mu rwego rwo gutegura Umunsi w'Igikundiro, Rayon Sports yahereye ku gikorwa yise 'Rayon Week', izenguruka igihugu ikina imikino ya gicuti.
Muri iyi mikino harimo uwayihuje na Gasogi United FC mu Karere ka Nyanya itsinda ibitego 2-0; yakurikijeho mu Karere ka Ngoma aho yahuriye na Gorilla FC itsinda igitego 1-0; igeze mu Karere ka Rubavu itsindwa na Etincelles FC igitego 1-0.
Muri iyi mikino harimo uwayihuje na Gasogi United FC mu Karere ka Nyanya itsinda ibitego 2-0; yakurikijeho mu Karere ka Ngoma aho yahuriye na Gorilla FC itsinda igitego 1-0; igeze mu Karere ka Rubavu itsindwa na Etincelles FC igitego 1-0.
15:41
Ikipe ya Rayon Sports WFC yeretswe abafana
Ikipe ya Rayon Sports y'Abagore izakina Shampiyona ya 2025/26 ndetse ikazanahagararira u Rwanda mu mikino mpuzamahanga, yeretswe abafana ihereye ku muyobozi wayo Uwimana Jeanine, ndetse n'abatoza bayo barangajwe imbere na Rwaka Claude, baserutse mu myambaro ya kinyarwanda (imikenyero).
Mu mwaka w'imikino ushize wa 2024/25, iyi kipe yegukanye ibikombe bine muri bitanu bakiniye. Ibyo ni icya Shampiyona y’u Rwanda, icya Super Cup, icy’Umunsi w’Intwari ndetse n’icy’Umunsi Mpuzamahanga w’Abagore.
Mu mwaka w'imikino ushize wa 2024/25, iyi kipe yegukanye ibikombe bine muri bitanu bakiniye. Ibyo ni icya Shampiyona y’u Rwanda, icya Super Cup, icy’Umunsi w’Intwari ndetse n’icy’Umunsi Mpuzamahanga w’Abagore.
15:33
Amatike yaguzwe ku bwinshi
Imibare yaraye itangajwe na Rayon Sports FC y'uko igurwa ry'amatike ryifashe, yerekanye ko imyanya ya Sky Box na Executive Seat yari yamaze gushira ku isoko, mu gihe VVIP yari 97% naho VIP ari 93%.
15:08
Umunya-Danemark Bjørn Vidø arasusurutsa Aba-Rayons
Umuhanzi ukomoka muri Danemark, Bjørn Vidø, uri mu Rwanda ni umwe mu bategerejwe muri uyu muhango, aho aza gususurutsa abakunzi ba Rayon Sports.
Usibye kuba umunyamuziki, uyu mugabo amenyerewe mu gukina filime ndetse no kuzitunganya.
Si uyu gusa kuko Rayon Sports iza kwifatanya n'abandi ari bo Kenny Sol, Zeo Trap na Dj Selekta Faba uri gususurutsa abamaze kugera muri Stade Amahoro mu njyana zitandukanye.
Usibye kuba umunyamuziki, uyu mugabo amenyerewe mu gukina filime ndetse no kuzitunganya.
Si uyu gusa kuko Rayon Sports iza kwifatanya n'abandi ari bo Kenny Sol, Zeo Trap na Dj Selekta Faba uri gususurutsa abamaze kugera muri Stade Amahoro mu njyana zitandukanye.
15:04
Yanga SC yahize gutsinda Rayon Sports FC ku munsi wayo
Ikipe ya Yanga SC yageze i Kigali ku wa Gatatu, tariki 13 Knama 2025, saa Moya zuzuye z’umugoroba. Yari irangajwe imbere na Perezida w’iyi kipe, Eng. Hersi Said n’abakinnyi bakomeye nka kapiteni Bakari Nondo Mwamnyeto, Pacôme Zouzoua, Djigui Diarra, Maxi Nzengeli n’abandi.
Umuvugizi wa Yanga SC, Ali Kamwe, we wageze mu Rwanda mu itsinda ryahageze ku wa Kabiri, yatangaje ko umukino uzatangira Rayon Sports yatsinzwe ibitego bitatu.
Ati “Umukino uzaduhuza na Rayon Sports, Young Africans izawutangirana ibitego 3-0.”
Umuvugizi wa Yanga SC, Ali Kamwe, we wageze mu Rwanda mu itsinda ryahageze ku wa Kabiri, yatangaje ko umukino uzatangira Rayon Sports yatsinzwe ibitego bitatu.
Ati “Umukino uzaduhuza na Rayon Sports, Young Africans izawutangirana ibitego 3-0.”
14:57
Gahunda y'umunsi wa Rayon Sports
Muri gahunda zitegabyijwe kuri uyu munsi wa Rayon Sports Day, harimo ko iyi kipe iza kumurika abakinnyi bashya, yaba ikipe y'abagabo n'iy'abagore, hari abahanzi batandukanye bari bususurutse ibi birori biza gusozwa n'umukino w'ishiraniro hagati ya Yanga SC.
14:35
Ikaze muri Stade Amahoro ahari kubera ibirori bya Rayon Sports Day
Abafana ba Rayon Sports FC babukereye, aho bitabiriye ibirori by'Umunsi w'Igikundiro (Rayon Sports Day) muri Stade Amahoro.
