Rayon Sports 4-1 Vipers SC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
20:18
AMASHUSHO: Reba ibyaranze umukino Rayon Sports yanyagiyemo Vipers SC
20:01
Rayon Sports yihimuye kuri Vipers SC
Rayon Sports itsinze Vipers SC yo muri Uganda ibitego 4-1 mu mukino wa gicuti waberaga kuri Kigali Pele Stadium.
Ni ukwihimura kwiza kuri Gikundiro yari yatsinzwe na Vipers SC mu 2022, hizihizwa Rayon Sports Day.
Ni ukwihimura kwiza kuri Gikundiro yari yatsinzwe na Vipers SC mu 2022, hizihizwa Rayon Sports Day.
20:00
Umukino urarangiye
19:59
90+5' Coup-franc ya Rayon Sports
Iradukunda Pascal 'Petit Messi', ahannye ikosa ryakorewe kuri Bassane, umupira ujya hejuru gato y'izamu.
19:58
90+4' Ikarita y'umuhondo
Derrick Ndahiro ahawe ikarita y'umuhondo akiniye nabi Aziz Bassane inyuma y'urubuga rw'amahina mu ruhande.
19:57
90+3' Ndikumana ntibimuhiriye kuri iyi nshuro
Umurundi Ndikumana Asman ashatse gutera ishoti rikomeye mu izamu ari inyuma gato y'urubuga rw'amahina ahagana mu ruhande, umupira uzamuka hejuru ujya hanze.
19:56
90+2' Gusimbuza
Ndayishimiye Richard asimbuwe na Iradukunda Pascal ku ruhande rwa Rayon Sports.
19:55
90+1' Uburyo bwa Vipers SC
Matsiko ateye umupira uteretse, usanga Mulondo uwuteye mu izamu, Kouyate awukoraho ujya muri koruneri itagize icyo itanga.
19:53
90' Iminota itanu y'inyongera
Umusifuzi wa Kane, Umutoni Aline, yerekanye iminota itanu y'inyongera.
Vipers SC iracyasatira.
Vipers SC iracyasatira.
19:52
89' Ndikumana Asman na bagenzi be bishimira igitego cya kane cya Rayon Sports
19:51
87' Vipers SC irinaniwe
Isaac Ogwang yibwiraga ko arobye umunyezamu Kouyate, umupira uragenda ukubita igiti cy'izamu uvamo, Rayon Sports ihita ikiza izamu ryayo.
19:48
84' Ubundi buryo bwa Vipers SC
Umunya-Liberia Mark Yallah yongeye guhusha uburyo bukomeye, umupira ateye areba n'umunyezamu Drissa Kouyate ujya hejuru y'izamu.
Vipers SC iri gusatira ishaka kugabanya ikinyuranyo.
19:47
83' Vipers SC yirangayeho
Yallah ahawe umupira mwiza ari ku murongo w'urubuga rw'amahina, atera ishoti rigiye hejuru y'izamu.
19:45
80' Ndikumana Asman, izina rigiye kugarukwaho cyane muri ruhago y'u Rwanda
19:41
77' Igitego cya kane cya Rayon Sports
Ndikumana Asman yongeye kunyeganyeza inshundura no guhagurutse Aba-Rayons i Nyamirambo.
Yinjiranye umupira mu rubuga rw'amahina, awuhinduye ukurwaho na myugariro wa Vipers SC uramugarukira awuboneza mu izamu.
Yinjiranye umupira mu rubuga rw'amahina, awuhinduye ukurwaho na myugariro wa Vipers SC uramugarukira awuboneza mu izamu.
19:39
75' Abayobozi batandukanye bitabiriye umukino
19:37
73' Gusimbuza
Umunyezamu Alfred Macumu Mudekereza asimbuye Denis Kiggundu ku ruhande rwa Vipers SC.
19:34
70' Igitego cya gatatu cya Rayon Sports
Rayon Sports ihannye ikosa ryakorewe Bassane, umupira utewe na Ndikumana Asman uruhukira mu izamu.
Uyu Murundi yasinye imyaka ibiri muri Gikundiro ku wa Gatandatu.
19:31
68' Ikarita y'umuhondo
Kevin Dasylva Bady wa Vipers SC ahawe ikarita y'umuhondo akiniye nabi Aziz Bassane inyuma y'urubuga rw'amahina.
19:29
65' Gusimbuza
Ntarindwa Aimable asimbuye Niyonzima Olivier 'Seif' ku ruhande rwa Rayon Sports.
19:25
60' Impinduka enye
Umutoza wa Vipers SC, Ivan Minnaert, ashyizemo abakinnyi bane ari bo Yallah, Nicolas Wadada, Walusimbi na Chukwuma Odili wahoze muri Police FC.
19:21
56' Gusimbuza
Habimana Yves na Tambwe Gloire basimbuwe na Ndikumane Asman na Ishimwe Fiston ku ruhande rwa Rayon Sports.
Abakinnyi bombi bavuyemo, ni bo batsindiye Rayon Sports kugeza ubu.
Abakinnyi bombi bavuyemo, ni bo batsindiye Rayon Sports kugeza ubu.
19:19
56' Uburyo bwa Rayon Sports
Aziz Bassane yinjiranye umupira ahagana muri koruneri, awusubiza Tambwe Gloire uteye ishoti rikomeye rijya hejuru kure y'izamu.
19:17
53' Umukino uhagaze gato
Umusifuzi Twagirumukiza Abdulkarim ahagaritse umukino gato kugira ngo abanze yumvikanishe Habimana Yves na Dasylva bari gushwana cyane/
19:14
50' Rayon Sports yacuritse ikibuga
Rayon Sports iri gusatira ubutitsa binyuze ku bakinnyi bayo bari imbere barimo Bagayogo, Aziz Bassane na Serumogo Ali wazamutse.
19:11
48' Rayon Spors ihushije uburyo bwabazwe
Habimana Yves yinjiranye umupira mu rubuga rw'amahina ari wenyine, ateye mu izamu ukurwamo na Denis Kiggundu.
19:09
46' Igice cya kabiri cyatangiye
Rayon Sports yatangiranye umupira mu gice cya kabiri, ariko ihita iwutakaza.
19:08
Gusimbuza
Aziz Bassane agiye mu kibuga asimbuye Sindi Paul ku ruhande rwa Rayon Sports.
Ni mu gihe Vipers SC yakoze impinduka eshatu ishyiramo Sukuya, Katongole na Ndahiro.
Ni mu gihe Vipers SC yakoze impinduka eshatu ishyiramo Sukuya, Katongole na Ndahiro.
18:59
Abafana bitabiriye umukino si bake
Nubwo umukino wabaye ku munsi w'akazi, abafana benshi bawitabiriye.
18:51
Igice cya mbere kirarangiye
Iminota 45 ibanza y'umukino wa gicuti uri kubera kuri Kigali Pele Stadium, irangiye Rayon Sports yatsinze Vipers SC yo muri Uganda ibitego 2-1.
18:48
45+2' Gusimbuza
Musore Prince asimbuye Bayisenge Emery wavunitse, ku ruhande rwa Rayon Sports.
18:47
45' Iminota itatu y'inyongera
Umusifuzi wa Kane, Umutoni Aline, yerekanye iminota itatu y'inyongera.
Bayisenge Emery wababaye, asabye gusimbuzwa.
Bayisenge Emery wababaye, asabye gusimbuzwa.
18:44
44' Igitego cya kabiri cya Rayon Sports
Tambwe Gloire ahagurukije abafana ba Rayon Sports, atsinda igitego cya kabiri ku mupira utakajwe na myugariro wa Vipers SC.
18:43
42' Rayon Sports yishimira igitego yabonye cyishyura icyo yari yatsinzwe
18:37
36' Coup-franc ya Rayon Sports
Adama Bagoyogo akiniwe nabi na Mulondo ari hafi kugera ku rubuga rw'amahina.
Ikosa rihanwe na Bayisenge Emery, umupira ufatwa neza na Denis Kiggundu.
Ikosa rihanwe na Bayisenge Emery, umupira ufatwa neza na Denis Kiggundu.
18:35
34' Igitego cyo kwishyura cya Rayon Sports
Emery Bayisenge ahaye umupira Sindi Paul Jesus, na we awuhindura mu rubuga rw'amahina, usanga Habimana Yves awuterana myugariro wa Vipers SC ujya mu izamu.
18:33
32' Coup-franc nziza ya Rayon Sports
Taddeo Lwanga akiniye nabi Tambwe Gloire hafi y'urubuga rw'amahina.
Ikosa rihanwe na Bayisenge Emery, umupira ukubitwa ibipfunsi n'umunyezamu Denis Kiggundu, arawurenza.
18:30
30' Rayon Sports iri gushaka uko yishyura igitego yatsinzwe
18:27
25' Rayon Sports ihushije uburyo bwabazwe
Sindi Paul yongeye gutanga umupira mwiza mu rubuga rw'amahina, Habimana Yves awutera hejuru y'izamu.
Bwari uburyo bukomeye bwashoboraga guhindura umukino.
18:25
24' Ni ku nshuro ya gatatu Vipers SC ikinira i Nyamirambo
Mu gihe kitarenze imyaka itatu, ni ubwa gatatu Vipers SC ikiniye kuri Kigali Pele Stadium.
Uretse mu 2022 ikina na Rayon Sports, mu cyumweru gishize yahanganyirije na Azam FC ubusa ku busa mu wundi mukino wa gicuti.
Muri CAF Champions League, iyi kipe yo muri Uganda izahura na African Stars yo muri Namibia.
Uretse mu 2022 ikina na Rayon Sports, mu cyumweru gishize yahanganyirije na Azam FC ubusa ku busa mu wundi mukino wa gicuti.
Muri CAF Champions League, iyi kipe yo muri Uganda izahura na African Stars yo muri Namibia.
18:21
20' Uburyo bwa Rayon Sports
Sindi Paul Jesus ahinduye umupira mwiza mu rubuga rw'amahina, usanga Adama Bagoyogo ushyizeho umutwe uremereye, umunyezamu Denis Kiggundu awufata neza.
18:18
16' Vipers SC yishimira igitego yabonye hakiri kare
18:16
14' Rayon Sports irarokotse
Mulongo yari yinjiranye Ikipe ya Rayon Sports, ariko Nshimimana Fabrice amukuraho umupira mu rubuga rw'amahina, awushyira muri koruneri itagize icyo itanga.
18:14
13' Rayon Sports iri gukoresha cyane Serumogo
Tambwe Gloire ahaye umupira Serumogo Ali winjiye imbere ahagana muri koruneri, ahinduye umupira ujya hejuru kure y'izamu.
Rayon Sports iri kwifashisha cyane uruhande rw'iburyo ruriho Kapiteni wayo w'umunsi.
18:12
11' Kouyate atabaye Rayon Sports
Vipers SC ishyize umupira muremure imbere, umunyezamu wa Rayon Sports, Drissa Kouyate, asohoka neza awutanga Milton Karisa ndetse awutanga kuri bagenzi be.
18:09
10' Rayon Sports na Vipers SC mu mabara yazo kuri uyu mugoroba
18:07
6' Rayon Sports ihushije uburyo bwiza
Rayon Sports yongeye kurema ubundi buryo, umupira usanga Adama Bagayogo mu rubuga rw'amahina, ateye ishoti rukurwamo n'umunyezamu Denis Kiggundu.
18:04
3' Igitego cya Vipers SC
Rayon Sports itakaje umupira inyuma y'urubuga rw'amahina, Moses Waiswa atera ishoti rikomeye umunyezamu Kouyate ntiyabasha kuwuhagarika.
18:02
2' Uburyo bwa mbere bwa Rayon Sports
Rayon Sports yari yubatse uburyo bwiza, ku mupira uzamukanywe na Kapiteni wayo, Serumogo Ali, myugariro wa Vipers SC aratabara, awushyira muri koruneri itagize icyo itanga.
18:01
Umukino uratangiye
Vipers SC ni yo itangiranye umupira mu mukino uyobowe na Twagirumukiza Abdulkarim, Mulongo akinana na bagenzi be.
17:55
Abakinnyi ba Rayon Sports babanje mu kibuga
Umutoza Afahmia Lotfi yahisemo gukinisha:
Kouyate
Serumogo (C)
Fabrice
Rushema
Seif
Bagayogo
Emery
Tambwe
Richard
Yves
Sindi Paul
Kouyate
Serumogo (C)
Fabrice
Rushema
Seif
Bagayogo
Emery
Tambwe
Richard
Yves
Sindi Paul
17:53
Abakinnyi ba Vipers SC babanje mu kibuga
Umutoza wa Vipers SC, Ivan Minnaert, wanatoje Rayon Sports, yahisemo gukinisha:
Kiggungu
Luyima
Matsiko
Dasylva
Mulondo
Lwanga
Waiswa
Karisa (C)
Robin
Mulongo
Walusimbi.
Kiggungu
Luyima
Matsiko
Dasylva
Mulondo
Lwanga
Waiswa
Karisa (C)
Robin
Mulongo
Walusimbi.
17:50
Abakinnyi b'amakipe yombi bishyushya
17:49
Ikaze kuri Kigali Pele Stadium
Umugoroba mwiza! IGIHE ibahaye ikaze kuri Kigali Pele Stadium ahagiye kubera umukino mpuzamahanga wa gicuti hagati ya Rayon Sports na Vipers SC yo muri Uganda.
Amakipe yombi yaherukaga guhura mu 2022, kuri Rayon Sports, aho iyi kipe yo muri Uganda yatsinze igitego 1-0.