Kiyovu Sports vs Rayon Sports

Kiyovu Sports 0-2 Rayon Sports

Uko umukino uri kugenda

Umwanditsi

: Eric Tony Ukurikiyimfura

Amafoto

: Umwari Sandrine

20:24

Rayon Sports itangiye neza umwaka w'imikino mushya

Gikundiro yari yashyizeho agahimbazamusyi k'ibihumbi 130 Frw, itsinze Kiyovu Sports ibitego 2-0 mu mukino w'Umunsi wa Mbere wa Shampiyona ya 2025/26.

20:23

Umukino urarangiye

20:22

90+3' Igitego cya kabiri cya Rayon Sports

Ndikumana Asman ashimangiye intsinzi ya Rayon Sports, atsinda igitego cya kabiri n'umutwe ku mupira uhinduwe na Bassane.

20:20

90+2' Abayobozi batandukanye bitabiriye umukino

20:18

90' Iminota itatu y'inyongera

Umusifuzi wa Kane, Kwizera Olivier, yerekanye iminota itatu y'inyongera.

Amakipe yombi anganya imbaraga muri iyi minota ya nyuma.

20:17

89' Uburyo bwa Rayon Sports

Aziz Bassane asubije umupira inyuma akinana na Adama Bagayogo uteye ishoti rikomeye, rifatwa neza na James Desire.

20:15

86' Ikarita y'umuhondo

Ntwali Assouman ahawe ikarita y'umuhondo akiniye nabi Aziz Bassane wa Rayon Sports.

20:13

85' Ikarita y'umuhondo

Adama Bagayogo ahawe ikarita y'umuhondo akiniye nabi Amissi Cedric mu kibuga hagati.

20:11

83' Gusimbuza

Ntarindwa Aimable asimbuye Tambwe Gloire ku ruhande rwa Rayon Sports.

20:10

81' Uburyo bwa Kiyovu Sports

Uwineza Rene ahinduye umupira mwiza mu rubuga rw'amahina rwa Rayon Sports, Rukundo ananirwa kuwukoraho mu gihe byasaga n'aho na Pavelh Ndzila atawugeraho.

20:08

80' Umukino winjiye mu minota 10 ya nyuma

20:07

79' Gusimbuza

Rwabuhihi Aime Placide asimbuwe na Nkundimana Avit ku ruhande rwa Kiyovu Sports.

20:04

76' Uburyo bwa Rayon Sports

Adama Bagayogo ahawe umupira hafi y'izamu, abanza kwizengurukaho, atera ishoti rikomeye rinyuze hejuru kure y'izamu.

20:02

74' Coup-franc nziza ya Rayon Sports

Bigirimana Abedi akiniwe nabi, inyuma gato y'urubuga rw'amahina rwa Kiyovu Sports.

Uyu mukinnyi w'Umurundi ni we uhannye ikosa, umupira awutera ku ruhande rw'izamu.

19:58

70' Coup-franc nziza ya Kiyovu Sports

Ndayishimiye Richard akiniye nabi Rukundo Abdul Rahman inyuma gato y'urubuga rw'amahina.

Ishimwe Rene ahannye ikosa, umupira awutera mu rukuta.

19:56

68' Ikarita y'umuhondo

Tabu Crespo Tegra ahawe ikarita y'umuhondo akiniye nabi Serumogo Ali.

19:53

65' Kiyovu Sports yahinduye umukino, yongera gusatira

Rukundo ateye umupira uteretse ahagana muri koruneri, ukurwamo na Pavelh Ndzila.

19:52

63' Rayon Sports ihushije uburyo bwabazwe

Aziz Bassane ananiwe kuroba umunyezamu James Desire, agwa mu rubuga rw'amahina, Kiyovu Sports ihita ikura umupira ku izamu ryayo.

19:51

61' Gusimbuza

Byiringiro David, Niyo David na Moise Bulaya basimbuwe na Tabu Crespo, Uwineza Rene na Ishimwe Jean Rene ku ruhande rwa Kiyovu Sports.

19:47

58' Abafana bari kureba umukino batuje

19:45

56' Gusimbuza

Habimana Yves na Niyonzima Olivier 'Seif' bahaye umwanya Bigirimana Abedi na Adama Bagayogo ku ruhande rwa Rayon Sports.

19:44

55' Ikarita y'umuhondo

Ndikumana Asman ahawe ikarita y'umuhondo akubise inkokora Moise Bulaya wa Kiyovu Sports.

19:43

54' Uburyo bwa Rayon Sports

Ndikumana Asman ashatse gutera ishoti rikomeye, yitambikwa na Byiringiro David ushyize umupira muri koruneri.

19:38

50' Rayon Sports yaciye akarongo

Rayon Sports iri kurusha cyane Kiyovu Sports muri iyi minota ibanza y'igice cya kabiri ndetse umupira uri gukinirwa mu kibuga kimwe.

19:33

46' Igice cya kabiri cyatangiye

Rayon Sports ni yo itangiranye umupira mu gice cya kabiri, ndetse itangira gusatira Ikipe ya Kiyovu Sports.

19:32

Gusimbuza

Aziz Bassane asimbuye Sindi Paul Jesus ku ruhande rwa Rayon Sports.

19:30

Uburyo Rayon Sports yishimiye igitego cyatsinzwe na Ndikumana Asman

19:27

Ganza yizihiwe no kwitabira umukino w'abakeba


'Mascot' ya Shampiyona y'Isi y'Amagare izabera i Kigali, yiswe Ganza, yagiranye ibihe byiza n'abafana bitabiriye umukino wa Shampiyona y'u Rwanda wahuje Kiyovu Sports na Rayon Sports kuri Kigali Pelé Stadium kuri uyu wa Gatandatu.

19:19

Igice cya mbere kirarangiye

Iminota 45 ibanza y'umukino uri kubera kuri Kigali Pele Stadium, irangiye Rayon Sports yatsinze Kiyovu Sports igitego 1-0 cyinjijwe na Ndikumana Asman.

19:16

45' Rayon Sports yasabaga penaliti

Habimana Yves ateye ishoti ari mu rubuga rw'amahina, umupira ukubita kuri myugariro wa Kiyovu Sports, aba-Rayons bagaragaza ko yawukoze, ariko umusifuzi Ishimwe Claude agaragaza ko nta kosa ryabaye ahubwo ari koruneri.

19:15

45' Iminota y'inyongera

Umusifuzi wa Kane, Kwizera Olivier, yerekanye iminota itatu y'inyongera.

19:12

42' Igitego cya Rayon Sports

Ndikumana Asman afunguye amazamu i Nyamirambo, atsindira Rayon Sports ku mupira atsindishije umutwe nyuma yo guhindurwa na Tambwe Gloire.

19:11

40' Amakipe yombi akomeje kugerageza amahirwe

19:08

38' Rayon Sports ihushije uburyo bwiza


Tambwe Gloire asubije umupira inyuma, usanga Ndayishimiye Richard uteye ishoti rikomeye, rinyura hejuru gato y'izamu rya Kiyovu Sports ririnzwe na James Desire.

19:06

36' Coup-franc nziza ya Kiyovu Sports

Nshimiyimana Emmanuel 'Kabange' akiniye nabi Moise Bulaya ku murongo w'urubuga rw'amahina mu ruhande, ikosa rihanwe na Byiringiro David, ashyira umupira hirya ku ruhande.

19:04

35' Ubwo Mbonyingabo Regis yavurwaga

19:03

32' Rushema atabaye Rayon Sports

Sherif Bayo acomekeye umupira mwiza Moise Bulaya, Rushema Chris araryama amukuraho umupira ndetse akomerwa amashyi menshi n'abafana ba Rayon Sports.

18:58

29' Gusimbuza

Bukuru Christophe asimbuye Mbonyingabo Regis wavunitse, ku ruhande rwa Kiyovu Sports.

18:58

27' Mbonyingabo agiye kuvurirwa muri ambulance

Myugariro wa Kiyovu Sports, Mbonyingabo Regis, akuwe mu kibuga ari ku ngobyi, ajyanwa muri ambulance.

18:56

26' Amiss Cedric ari guhura na Rayon Sports yakiniye mu myaka 11 ishize

18:55

25' Umukino wahagaze

Umukino wahagaze mu gihe hari kuvurwa Mbonyingabo Regis wababaye, ndetse akaba yasabiwe gusimbuzwa.

18:54

23' Kiyovu Sports ihushije uburyo bwabazwe


Kiyovu Sports ikoze contre-attaque, umupira winjiranywe na Moise Sandja Bulaya bamwe bakekaga ko yaraririye, awutera ku ruhande nyuma y'uko umunyezamu Pavelh Ndzila yari yamaze gusohoka.

18:53

22' Coup-franc ya Rayon Sports

Fabrice ahannye ikosa ryakorewe kuri Ndikumana Asman, umupira ateye ukurwaho neza na Mbonyingabo Regis uhise uryama hanze.

18:50

20' Ubwitabire buri hejuru nubwo stade ituzuye

Abafana benshi bicaye mu bice bidatwikiriye, mu gihe mu mande z'ahatwikiriye hari abafana baringaniye.

Mu myanya y'icyubahiro ya VIP na VVIP harasa n'ahuzuye.

Itike ya make yo kwinjira kuri uyu mukino yari 5000 Frw.

18:48

17' Uburyo bwa Kiyovu Sports

Moise Bulaya acenze Rushema Chris amusiga hasi, ahindura umupira mu rubuga rw'amahina, Nshimimana Fabrice awushyira muri koruneri itagize icyo itanga.

18:43

14' Umukino uhagaze gato

Umukino urahagaze mu gihe hari kuvurwa umukinnyi wa Kiyovu Sports, Mbonyingabo Regis, uryamye hasi mu kibuga.

Kiyovu Sports ni yo yihariye iminota yabanje kugeza ubu.

18:40

10' Amakipe yombi yaserutse mu mabara yayo kuri uyu mugoroba

18:38

8' Uburyo bukomeye bwa Kiyovu Sports

Rukundo ahawe umupira mwiza mu rubuga rw'amahina, atera ishoti rikomeye rikuwemo na Pavelh Ndzila mbere y'uko atabarwa na mugenzi we uwushyize muri koruneri.

18:37

6' Gusatira kwa Kiyovu Sports

Rukundo Abdul Rahman acometse umupira mu rubuga rw'amahina, ufungwa na Sandja Moise, umusifuzi wo ku ruhande agaragaza ko habayeho kurarira.

18:33

4' Kiyovu Sports yirangayeho

Rukundo Abdul Rahman acomekewe umupira mwiza, asiga ba myugariro ba Rayon Sports, ntiyawugeraho neza, awukozeho ujya hanze mu gihe yarebanaga na Pavelh Ndzila.

18:32

3' Uburyo bwa Rayon Sports

Tambwe Gloire acenze Rwabuhihi Placide aramuzenguruka, atera ishoti rikomeye rigiye hejuru kure y'izamu.

18:31

1' Ikosa rya mbere rikozwe na Kiyovu Sports

Niyonzima Olivier 'Seif' akiniwe nabi mu kibuga hagati, Rayon Sports ihana ikosa yihuta, umupira uhinduwe mu rubuga rw'amahina ukurwaho neza n'ubwugarizi bwa Kiyovu Sports.

18:29

Umukino uratangiye

Umusifuzi Ishimwe Claude atangije umukino.

Umupira wa mbere ukinwe na Moise Sandja Bulaya wa Kiyovu Sports, asubiza inyuma kuri bagenzi be.

18:26

Abasifuzi b'umukino


Ishimwe Claude 'Cucuri' ni we wahawe kuyobora uyu mukino.

Abasifuzi bo ku ruhande ni Mutuyimana Dieudonne na Umutesi Alice.

Umusifuzi wa Kane ni Kwizera Olivier naho Komiseri w'umukino ni Bushayija Jean Paul.

18:22

Abasimbura ba Kiyovu Sports


Nzeyurwanda Djihad
Nizigiyimana Abdulkarim
Ishimwe Jean Rene
Nsanzimfura Keddy
Tabu Tegra Crespo
Nkundimana Avit
Uwiyaremye Fidele
Bukuru Christophe
Uwineza Rene.

18:10

Amakipe yombi asoje kwishyushya

Abakinnyi ba Kiyovu Sports na Rayon Sports basubiye mu rwambariro nyuma yo kwishyushya.

17:57

Abakinnyi ba Kiyovu Sports babanje mu kibuga


Umutoza wa Kiyovu Sports, Haringingo Francis (ugiye guhura na Rayon Sports yatoje), yahisemo gukoresha:

James Desire Djoayang
Ntwli Assouman
Byiringiro David
Mbonyingabo Regis
Rwabuhihi Placide
Uwimana Yakubu
Niyo David
Rukundo Abdulrahman
Moise Sandja Bulaya
Sherif Bayo
Amissi Cedric (c)

17:51

Kouyate ntari mu bitabajwe ku ruhande trwa Rayon Sports


Umunyezamu Drissa Kouyate ntabwo ari mu bakinnyi mu bakinnyi 20 ba Rayon Sports bakina na Kiyovu Sports.

Abasimbura ni Mugisha Yves (umunyezamu), Iradukunda Pascal, Ntarindwa Aimable, Ishimwe Fiston Abdalaziz Harerimana 'Rivaldo', Aziz Bassane, Adama Bagayogo, Bigirimana Abedi na Youssou Diagne.

17:38

Uko amakipe yombi yitwaye mu mikino itanu iheruka kuyahuza

17:29

Uko indi mikino yagenze

Ku wa Gatanu, mu mukino ufungura Shampiyona, Gorilla FC yatsinze AS Muhanga ibitego 2-0.

Kuri uyu wa Gatandatu, ibitego bibiri bya Byiringiro Lague byafashije Police FC gutsinda Rutsiro FC 2-1.

Etincelles FC yanganyije na Gasogi United ubusa ku busa, Bugesera itsinda Gicumbi FC igitego 1-0 cya Isingizwe Rodrigue kuri penaliti naho Mukura VS itsinda Musanze FC igitego 1-0 cya Joseph Sackey.

17:27

Abakinnyi ba Rayon Sports babanje mu kibuga

Umutoza Afahmia Lotfi agiye gukina umukino wa mbere w'irushanwa muri Rayon Sports. Yahisemo kubanzamo:

Pavelh Ndzila
Serumogo Ali
Sindi Paul Jesus
Nshimiyimana Emmanuel 'Kabange'
Rushema Chris
Nshimimana Fabrice
Ndayishimiye Richard
Tambwe Gloire
Niyonzima Olivier 'Seif'
Ndikumana Asman
Habimana Yves.

17:12

Rayon Sports igera ku kibuga

17:11

Kiyovu Sports igera kuri Kigali Pele Stadium

17:09

Ikaze kuri Kigali Pele Stadium


Umugoroba mwiza ndetse IGIHE ibahaye ikaze kuri Stade ya Kigali yitiriwe Pele, ahagiye kubera umukino w'Umunsi wa Mbere wa Shampiyona uhuza Kiyovu Sports na Rayon Sports.

Ni amakipe y'abakeba agiye guhura ku munsi ubanza wa Shampiyona, ibyaherukaga mu myaka 42 ishize.

Aya makipe yombi yakanyujijeho, ahangana hagati yayo, ariko si ko byagenze mu myaka 30 ishize.

Mu myaka ine cyangwa itatu ishize, na bwo iri hangana ryongeye kubura, risubira inyuma.

Kuri uyu mugoroba, imihigo ni yose ku bagize amakipe.

Ni nde wegukana intsinzi? Ni byo tuza kureba guhera saa Kumi n'Ebyiri n'Igice z'umugoroba.