Gicumbi FC 1-2 APR FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
20:33
APR FC ibonye amanota atatu ya mbere
Igitego cyo mu minota ya nyuma cyatsinzwe na Denis Omedi, cyafashije APR FC gutsinda Gicumbi FC 2-1 mu mukino w'Umunsi wa Kabiri wa Shampiyona.
Ni wo mukino wa mbere Ikipe y'Ingabo z'Igihugu yari ikinnye kuko itakinnye Umunsi wa Mbere kubera CECAFA Kagame Cup.
Gicumbi FC itsinzwe umukino wa kabiri kuko yari yatangiye itsindwa na Bugesera FC.
Ni wo mukino wa mbere Ikipe y'Ingabo z'Igihugu yari ikinnye kuko itakinnye Umunsi wa Mbere kubera CECAFA Kagame Cup.
Gicumbi FC itsinzwe umukino wa kabiri kuko yari yatangiye itsindwa na Bugesera FC.
20:31
Umukino urarangiye
20:29
90+6' Gushyamirana mu kibuga
Abakinnyi ba Gicumbi FC bahanganye n'aba APR FC nyuma y'uko hari abandi babiri b'Ikipe y'Ingabo baryamye mu kibuga, iby'Abanya-Gicumbi bafata nko gutinza umukino.
20:25
90+3' Igitego cya kabiri cya APR FC
Denis Omedi atsindiye APR FC ku mupira uvuye kuri coup-franc yatewe na Memel Dao nyuma y'uko Mugisha Gilbert akiniwe nabi.
20:22
Iminota itanu y'inyongera
Umusifuzi wa Kane, Umutoni Aline, yerekanye iminota itanu y'inyongera.
20:20
86' Gusimbuza
Niyonsaba Eric na Hakizimana Alexis basimbuye ku ruhande rwa Gicumbi FC, havamo Bitwayiki Clement na Rubuguza Jean Pierre.
20:17
84' APR FC ihushije uburyo bwiza
Denis Omedi yinjiranye umupira ku murongo w'urubuga rw'amahina agarukamo hagati, awuha Memel Dao uteye ishoti rinyura ku ruhande rw'izamu rya Gicumbi FC.
20:13
80' Umukino winjiye mu minota 10 ya nyuma
20:09
76' Uburyo bwa APR FC
Dauda Yussif ahaye umupira Memel Raouf Dao, uyu Munya-Burkina Faso atera ishoti ryo hasi rijya ku ruhande.
20:07
75' Ikarita y'umuhondo
Niyomugabo Claude ahawe ikarita y'umuhondo nyuma yo gukubita umupira Ndikumana Arteta wa Gicumbi FC, wari umukiniye nabi.
20:05
72' Ikarita y'umuhondo
Ronald Ssekiganda ahawe ikarita y'umuhondo akiniye nabi Rubuguza Jean Pierre mu kibuga hagati.
20:02
70' Umukino winjiye mu minota 20 ya nyuma
20:01
67' Ikarita y'umuhondo
Nzeyimana Jean Petit ahawe ikarita y'umuhondo akiniye nabi Dauda Yussif inyuma gato y'urubuga rw'amahina.
19:59
65' Gicumbi FC irugarijwe
APR FC iri gusatira cyane Ikipe ya Gicumbi FC ishaka igitego cya kabiri.
Abakinnyi barimo Niyomugabo na Memel Dao bakomeje gushyira imipira mu rubuga rw'amahina, ariko abashaka ibitego bakagorwa n'ubwugarizi bwa Gicumbi FC.
Abakinnyi barimo Niyomugabo na Memel Dao bakomeje gushyira imipira mu rubuga rw'amahina, ariko abashaka ibitego bakagorwa n'ubwugarizi bwa Gicumbi FC.
19:55
62' Uburyo bwiza bwa APR FC
Niyomugabo Claude ahaye umupira mwiza Mugisha Gilbert mu rubuga rw'amahina, atera ishoti rikozweho na myugariro wa Gicumbi FC, umupira ujya muri koruneri.
19:52
60' Gusimbuza
Mugisha Gilbert na Denis Omedi basimbuye Mamadou Sy na Hakim Kiwanuka ku ruhande rwa APR FC.
19:51
58' Amakipe yombi akomeje gushaka igitego gikora ikinyuranyo
19:43
Abafana bitwaye neza kuri buri mukino bazajya bahembwa
Binyuze mu masezerano yasinywe kuri uyu wa Kane, ePoBox izajya ihemba umukinnyi wahize abandi mu cyumweru (Player of The Week) n’uwahize abandi mu mwaka w’imikino, aho umukinnyi wahize abandi (Player of the Season) azahembwa imodoka nshya ifite agaciro ka Miliyoni 15 Frw.
Umufana witwaye neza kuri buri mukino azajya ahembwa 25.000 Frw, umukinnyi witwaye neza mu cyumweru ahabwe 200.000 Frw.
Umufana witwaye neza kuri buri mukino azajya ahembwa 25.000 Frw, umukinnyi witwaye neza mu cyumweru ahabwe 200.000 Frw.
19:41
48' Ubundi buryo bwa APR FC
William Togui ateye ishoti rikomeye ari inyuma y'urubuga rw'amahina, umupira ukubita igiti cy'izamu ujya hanze.
Umunyezamu Ahishakiye Heritier yari ahagaze hamwe areba aho umupira werekeza.
Umunyezamu Ahishakiye Heritier yari ahagaze hamwe areba aho umupira werekeza.
19:38
47' APR FC ihushije uburyo bwiza
Mamadou Sy yinjiranye umupira mu rubuga rw'amahina, ashatse kuroba Ahishakiye Heritier biranga.
19:38
46' Igice cya kabiri cyatangiye
Gicumbi FC itangiranye umupira mu gice cya kabiri, ariko ihita iwutakaza.
19:23
Igice cya mbere kirarangiye
Iminota 45 y'umukino w'Umunsi wa Kabiri wa Shampiyona uri kubera i Nyamirambo, irangiye Gicumbi FC inganya na APR FC igitego 1-1.
19:20
45' Iminota ibiri y'inyongera
Gicumbi FC iri gusatira ishaka igitego cya kabiri mu gihe iminota y'igice cya mbere igana ku musozo.
19:19
43' Gicumbi FC irarokotse
Hakizimana Felicien arokoye Gicumbi FC, akuraho umupira Memel Dao yari acomekeye Hakim Kiwanuka ku murongo w'urubuga rw'amahina.
19:13
37' APR FC iracyasatira
APR FC ibonye koruneri eshatu zikurikiranya, ariko ntacyo zitanze.
Gicumbi FC ihagaze neza mu bwugarizi.
Gicumbi FC ihagaze neza mu bwugarizi.
19:09
33' Gusatira kwa APR FC
Memel Dao ateye umupira wari uteretse muri koruneri, usanga Ronald Ssekiganda ushyizeho umutwe, Ahishakiye Heritier ahita awuryamira.
19:07
30' Ubwitabire bw'abafana buri hasi
Abafana bitabiriye umukino wa Gicumbi FC na APR FC si benshi kuko batageze no kuri kimwe cya kabiri cy'abajya muri Kigali Pele Stadium.
19:05
28' Gusatira kwa APR FC
Niyigena Clement acomekeye umupira William Togui uhisemo gutera umupira mu rubuga rw'amahina, ariko asanga Mamadou Sy atakurikiye.
19:01
25' Gicumbi FC yatunguranye i Nyamirambo
Gicumbi FC ikomeje gutangaza benshi kubera uburyo iri gusatira bikomeye APR FC.
Iyi kipe yo mu Majyaruguru ariko yakirira imikino yayo i Kigali kuko ikibuga cyayo kiri kuvugururwa, yaherukaga mu Cyiciro cya Mbere mu 2022.
18:57
20' Gusatira kwa Gicumbi FC
Rubuguza Jean Pierre ateye ishoti rikomeye, rikurwamo na Ishimwe Pierre uhise uhaguruka afata umupira neza.
Amakipe yombi ari gusatirana muri iyi minota.
Amakipe yombi ari gusatirana muri iyi minota.
18:53
17' APR FC ihushije uburyo bwabazwe
Memel Raouf Dao ahinduye umupira mu rubuga rw'amahina, mugenzi we William Togui ntiyabasha kuwugeraho ujya hanze.
18:52
16' Abakinnyi ba APR FC bishimira igitego cyatsinzwe na Togui
18:51
14' Igitego cya Gicumbi FC
Lola Kanda Moise yishyuriye Gicumbi FC ku mupira ateye, umunyezamu Ishimwe Pierre ananirwa kuwuhagarika.
18:49
13' Uburyo bwa APR FC
Hakim Kiwanuka agerageje guterera inyuma y'urubuga rw'amahina, ishoti rye rijya hejuru kure y'izamu rya Gicumbi FC.
18:45
10' Gicumbi FC yakangutse
Gicumbi FC yatangiye kurema uburyo bugana ku izamu rya APR FC ndetse iminota 10 ya mbere irangiye hari imipira itatu igeze kuri Ishimwe Pierre nubwo umwe wa koruneri, ari wo usa n'uwamugoye akawukinisha ibipfunsi.
18:43
8' Uko amakipe yombi yaserutse kuri uyu mugoroba
18:41
5' Igitego cya APR FC
Mel William Togui afunguye amazamu ku ruhande rwa APR FC, aho aherejwe umupira na Memel Raouf Dao, acenga umunyezamu Ahishakiye Heritier, awutereka mu nshundura.
18:39
3' APR FC yatangiye isatira
APR FC iri gukinira cyane mu kibuga cya Gicumbi FC, ariko kugeza ubu ntiratera mu izamu ryayo cyangwa iyiteze ibibazo mu rubuga rw'amahina.
18:35
Umukino uratangiye
Umusifuzi Kayitare David atangije umukino.
APR FC ni yo itangiranye umupira, William Togui asubiza inyuma kuri bagenzi be.
APR FC ni yo itangiranye umupira, William Togui asubiza inyuma kuri bagenzi be.
18:31
Uko APR FC yitwaye mu mikino itanu iheruka gukina
18:30
Umusaruro w'imikino itanu Gicumbi FC iheruka gukina mu Cyiciro cya Mbere
18:29
Uko APR FC yitwaye mu mikino itanu iheruka muri Shampiyona
18:20
Abakinnyi b'amakipe yombi bishyushya
18:19
Abakinnyi ba Gicumbi FC babanje mu kibuga
Umutoza wa Gicumbi FC, Bisengimana Justin, yahisemo gukoresha:
Ahishakiye Heritier
Nshimiyimana Marc Govin
Hakizimana Felicien
Masiri Luendo Claude
Mutangana Derrick
Nzeyimana Jean Petit
Bitwayiki Bahati Clement
Rubuguza Jean Pierre
Ndikumana Arteta
Lola Kanda Moise
Ntibazonyiza Djuma
18:15
Abakinnyi ba APR FC babanje mu kibuga
Umutoza Taleb Abderrahim yahisemo gukoresha:
Ishimwe Pierre
Byiringiro Gilbert
Niyomugabo Claude (c)
Nshimiyimana Yunussu
Niyigena Clement
Ssekiganda Ronald
Dauda Yussif Seidu
Memel Dao Raouf
Hakim Kiwanuka
Mamadou Sy
William Mel Togui
Ishimwe Pierre
Byiringiro Gilbert
Niyomugabo Claude (c)
Nshimiyimana Yunussu
Niyigena Clement
Ssekiganda Ronald
Dauda Yussif Seidu
Memel Dao Raouf
Hakim Kiwanuka
Mamadou Sy
William Mel Togui
17:30
Uko amakipe yombi yitwaye mu mikino itanu iheruka kuyahuza
17:29
Gicumbi FC igiye kongera gukina Icyiciro cya Mbere
Gicumbi FC yaherukaga gukina Icyiciro cya Mbere mu 2022.
Mu mwaka ushize w'imikino, yazamutse nyuma yo gutwara Igikombe cya Shampiyona y'Icyiciro cya Kabiri.
Mu mwaka ushize w'imikino, yazamutse nyuma yo gutwara Igikombe cya Shampiyona y'Icyiciro cya Kabiri.
17:26
Abakinnyi ba APR FC bagera ku kibuga
17:24
Ikaze kuri Kigali Pelé Stadium
Umugoroba mwiza! IGIHE ibahaye ikaze kuri Kigali Pelé Stadium ahagiye kubera umukino w'Umunsi wa Kabiri wa Shampiyona hagati ya Gicumbi FC na APR FC.
Ni umukino utangira saa Kumi n'Ebyiri n'Igice z'umugoroba, aho wabanjirijwe n'uwo Gorilla FC yanganyijemo na Mukura VS igitego 1-1.
Ni umukino utangira saa Kumi n'Ebyiri n'Igice z'umugoroba, aho wabanjirijwe n'uwo Gorilla FC yanganyijemo na Mukura VS igitego 1-1.