Rayon Sports 0-1 Singida Black Stars
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Kasiro Claude & Umwari Sandrine |
21:07
Rayon Sports itsindiwe mu rugo muri CAF Confederation Cup
Ikipe ya Rayon Sports itsinzwe na Singida Black Stars igitego 1-0 mu mukino ubanza w'ijonjora ry'ibanze rya CAF Confederation Cup, waberaga kuri Kigali Pele Stadium kuri uyu wa Gatandatu.
Umukino wo kwishyura uzabera i Dar es Salaam ku wa Gatandatu, tariki ya 27 Nzeri 2025.
Ikipe izakomeza hagati y'izi zombi, izahura n'izakomeza hagati ya Flambeau du Centre yo mu Burundi na Al Akhdar yo muri Libya.
Flambeau du Centre yatsinze ibitego 2-1 mu mukino ubanza wabaye kuri uyu wa Gatandatu.
21:02
90+11' Umukino urarangiye
21:01
90+10' Coup-franc ya Rayon Sports
Tony Kitoga akiniwe nabi hagati mu kibuga cya Singida BS, ikosa rihanwe na Serumogo, umupira ukorwaho na myugariro wa Singida ujya muri koruneri.
Ishimwe Fiston asubije umupira mu kibuga, ariko Singida ikiza izamu mu buryo bugoranye.
Ishimwe Fiston asubije umupira mu kibuga, ariko Singida ikiza izamu mu buryo bugoranye.
20:59
90+8' Uburyo bwa Singida BS
Idriss Diomande yinjiranye umupira iburyo, atera ishoti rikomeye rigiye ku ruhande rya Rayon Sports.
20:58
90+7' Umukino urakomeje
Ndikumana Asman ajyanywe kwa muganga n'imodoka y'imbangukiragutabara.
Rayon Sports iri gukina ituzuye kuko yari yasoje gusimbuza.
Rayon Sports iri gukina ituzuye kuko yari yasoje gusimbuza.
20:55
90+5' Ambulance yinjiye mu kibuga
Imodoka y'imbangukiragutabara yinjiye mu kibuga kugira ngo Ndikumana Asman ahabwe ubufasha.
Abaganga b'amakipe yombi bari bafatanyije kumuha ubutabazi bwihuse.
Abaganga b'amakipe yombi bari bafatanyije kumuha ubutabazi bwihuse.
20:53
90+3' Umukino uhagaze gato
Rutahizamu wa Rayon Sports, Ndikumana Asman, ari kwitabwaho n'abaganga b'amakipe yombi nyuma yo kugira ikibazo cy'imvune aho bisa n'aho yakutse ukuboko.
Hahamagajwe ubufasha bwo kumukura mu kibuga.
Hahamagajwe ubufasha bwo kumukura mu kibuga.
20:50
90' Iminota itanu y'inyongera
Umusifuzi wa Kane, Simoes Guambe, yerekanye iminota itanu y'inyongera.
Stade iratuje, abafana bategereje kureba uko umukino urangira.
Stade iratuje, abafana bategereje kureba uko umukino urangira.
20:48
89' Abafana ba Rayon Sports batangiye gutaha
Mu gihe umukino ugana mu minota ya nyuma, bamwe mu bafana ba Rayon Sports batangiye gusohoka muri stade.
20:47
87' Coup-franc ya Rayon Sports
Khalid Habib Iddi akiniye nabi Ishimwe Fiston, ikosa rihanwe na Tony Kitoga, umupira ukurwaho na myugariro wa Singida uwushyize muri koruneri.
20:45
86' Gusimbuza
Ishimwe Fiston asimbuye Tambwe Gloire ku ruhande rwa Rayon Sports.
20:45
85' Ikarita y'umuhondo
Rutahizamu Horso Muaku Malanga ahawe ikarita y'umuhondo kubera gutinda kuva mu kibuga.
20:44
84' Gusimbuza
Marouf Tchakei asimbuwe na Juma Ambasa naho Andrew Phiri asimbura Horso Muaku ku ruhande rwa Singida BS.
20:40
80' Abakinnyi bashyushye mu mutwe, abatoza barahagaze
Abakinnyi benshi bari kujya bagaragaza ko bakiniwe nabi kugira ngo ikipe bahanganye ihanwe.
20:38
78' Ikarita y'umuhondo
Khalid Aucho ahawe ikarita y'umuhondo kubera gusunika Aziz Bassane.
20:36
76' Gushwana hagati y'abakinnyi
Khalid Aucho akubise hasi Aziz Bassane mu kibuga hagati, abakinnyi b'impande zombi batangira gushyamirana.
20:36
75' Gusimbuza
Ndayishimiye Richard ahaye umwanya Mohamed Chelly ku ruhande rwa Rayon Sports.
20:33
74' Gusimbura
Elvis Rupia asimbuye Clatous Chama ku ruhande rwa Singida Black Stars.
20:32
73' Coup-franc ya Singida BS
Niyonzima Olivier Seif akoreye ikosa Driss, rihanwe na Chama, Rayon Sports ikina neza, ikiza izamu ryayo.
20:29
70' Umukino winjiye mu minota 20 ya nyuma
20:28
67' Rayon Sports irarokotse
Pavelh Ndzila yongeye gutabara Rayon Sports, abuza Clatous Chama gutsinda nyuma y'uko myugariro wa Rayon Sports yari amwihereye umupira n'umutwe.
20:25
65' Rayon Sports ihushije uburyo bwabazwe
Tambwe Gloire ahinduye umupira mwiza mu rubuga rw'amahina, Ndikumana Asman araserebeka ariko ntiyafatisha umupira urakomeza.
20:21
63' Gusimbuza
Habimana Yves asimbuwe na Tony Kitoga ku ruhande rwa Rayon Sports.
20:20
61' Coup-franc ya Rayon Sports
Ndayishimiye Richard ahannye ikosa ryakorewe Tambwe Gloire, umupira ukurwaho na Khalid Aucho n'umutwe.
20:19
60' Ikarita y'umuhondo
Clatous Chama ahawe ikarita y'umuhondo akuriye Nshimimana Fabrice mu kibuga hagati.
20:18
58' Ikarita y'umuhondo
Clement Kibabage ahawe ikarita y'umuhondo kubera gutinda kurengura umupira.
Singida Black Stars irakina irya amasegonda gake gake.
Singida Black Stars irakina irya amasegonda gake gake.
20:15
55' Umukino watakaje uburyohe
Singida United irasa n'ishaka gukina "resultat", irinda ibyo yagezeho mu gihe na Rayon Sports ishaka kwishyura nta kinyuranyo kidasanzwe igaragaza.
20:10
49' Coup-franc ya Rayon Sports
Ande Koffi akiniye nabi Aziz Bassane ahagana mu ruhande rw'ikibuga.
Ikosa rihanwe na Ndayishimiye Richard, umupira umupira urenza na myugariro Anthony Tra Bi Tra ariko abasifuzi baranyuranye, hemezwa ko ari Singida United irengura.
Ikosa rihanwe na Ndayishimiye Richard, umupira umupira urenza na myugariro Anthony Tra Bi Tra ariko abasifuzi baranyuranye, hemezwa ko ari Singida United irengura.
20:06
46' Igice cya kabiri cyatangiye
Singida BS yatangiranye umupira mu gice cya kabiri, ariko Rayon Sports ihita iwutwara ndetse iyishyiraho igitutu.
20:05
Gusimbuza
Idriss Diomande asimbuye Emmanuel Keyekeh ku ruhande rwa Singida BS.
20:04
Gusimbuza
Adama Bagayogo asimbuwe na Aziz Bassane ku ruhande rwa Rayon Sports.
20:01
Abafana ba Rayon Sports bo bakoze ibyo basabwaga
Ubwitabire buri hejuru ni bwo bwaranze abafana ba Rayon Sports kuri uyu mugoroba.
19:58
Rayon Sports yibuze mu mpande zose
Kugeza ubu umukinnyi ufite amanota menshi muri Rayon Sports ni umunyezamu Pavelh Ndzila, kandi na we yamaze kwinjizwa igitego.
Ikipe umutoza Lotfi yatoranyije kubanzamo kuri uyu mugoroba, biragoye kwemeza ko yatangaga icyizere cyinshi.
Ni ikipe yahindutse cyane ugereranyije n'iyari isanzwe ikina kuko n'ubundi Bigirimana Abedi utakinnye kubera imvune, n'ubundi yakinaga gake.
Adama Bagayogo na Habimana Yves byanze mu busatirizi, aho kugeza ubu nta mupira n'umwe bahinduye. Ni ko bimeze kandi ku barimo Serumogo na Fabrice bakabaye babafasha.
Hagati ha Rayon Sports harushijwe cyane n'aha Singida BS, ibyavuyemo kotsa igitutu ubwugarizi bwayo bwashoboraga gutsindwa ibitego bitatu cyangwa bine, ariko Pavelh Ndzila agakuramo imipira ibiri ikomeye.
19:49
Igice cya mbere kirarangiye
Iminota 45 ibanza y'umukino ubanza w'ijonjora ry'ibanze rya CAF Confederation Cup, uri guhuza Rayon Sports na Singida Black Stars, irangiye iyi kipe yo muri Tanzania yatsinze igitego 1-0.
19:46
45' Iminota itatu y'inyongera
Umusifuzi wa Kane, Simoes Guambe, yerekanye iminota itatu y'inyongera.
Singida BS iracyasatira.
Singida BS iracyasatira.
19:43
43' Singida BS yarushije Rayon Sports
Muri iyi minota, Singida BS iri gukina ibyo ishaka. Rayon Sports yibuze.
Umupira uri gukinirwa cyane mu kibuga cya Gikundiro.
19:41
40' Rayon Sports irarokotse
Pavelh Ndzila yongeye gutabara, akuramo umupira wari utewe na Clatous Chama nyuma yo guhindurwa na Marouf Tchakei.
19:39
38' Rayon Sports yari yitsinze
Andre Koffi aracenze agera mu rubuga rw'amahina, ahinduye umupira ukurwaho na Serumogo Ali n'umutwe, umunyezamu Pavelh Ndzila arasimbuka awushyira muri koruneri.
19:36
36' Coup-franc ya Rayon Sports
Ndayishimiye Richard ahannye ikosa ryakorewe kuri Bagayogo mu ruhande rw'iburyo, umupira ukurwaho na Khalid Aucho utatinze hanze nyuma yo kugira ikibazo mu minota mike iheruka.
19:32
31' Rayon Sports ihannye ikosa
Ndikumana Asman ahannye ikosa ryakorewe kuri Habimana Yves, umupira ufatwa neza na Amas Obasogie.
Khalid Aucho yakuwe mu kibuga ari ku ngobyi.
Khalid Aucho yakuwe mu kibuga ari ku ngobyi.
19:30
29' Coup-franc nziza ya Rayon Sports
Khalid Abibu Iddi akiniye nabi Habimana Yves wari ugiye kumucenga, amutereka hasi hafi y'urubuga rw'amahina.
Aucho na we aryamye hasi aho ari kwitabwaho n'abaganga.
Aucho na we aryamye hasi aho ari kwitabwaho n'abaganga.
19:27
26' Rayon Sports yasubiye inyuma mu mikinire
Singida BS iri kwisanzura muri iyi minota, aho ubona ko urwego rwa Rayon Sports rwo kugumana umupira rwasubiye inyuma kuva itsinzwe igitego.
19:23
22' Igitego cya Singida Black Stars
Marouf Tchakei afunguye amazamu i Nyamirambo, ku ruhande rwa Singida Black Stars, ku gitego atsinze n'umutwe nyuma y'umupira uteretse wari utewe na Clatous Chama.
19:21
20' Uburyo bwa Rayon Sports busubijwe inyuma n'umusifuzi
Ndikumana Asman akinanye na Seif uhaye umupira Tambwe Gloire, na we awushyira imbere ufatwa na Asman wari usigaranye n'umunyezamu, ariko umusifuzi wo ku ruhande agaragaza ko habayeho kurarira.
19:19
18' Rayon Sports ihannye ikosa
Adama Bagayogo ahannye ikosa ryakorewe kuri Ndikumana, umupira ukurwaho neza na Khalid Aucho wari imbere y'abandi.
19:18
16' Coup-franc ya Rayon Sports
Ande Koffi ahuriye ku mupira wari mu kirere na Ndikumana Asman, amukinira nabi hafi y'urubuga rw'amahina rwa Singida Black Stars.
Abaganga bahamagajwe bamwitaho ndetse abanza kujya hanze.
Abaganga bahamagajwe bamwitaho ndetse abanza kujya hanze.
19:14
14' Uko amakipe yombi yaserutse kuri uyu mugoroba
19:13
12' Coup-franc ya Singida BS
Marouf Tchakei ahannye ikosa yakorewe hagati mu kibuga cya Rayon Sports, umupira ugonga urukuta rw'abakinnyi ba Rayon Sports ujya hanze.
19:12
10' Singida BS yatangiye kwibona mu mukino
Singida BS yatangiye gutindana umupira no kubonana neza.
Koffi Ande yinjiranye umupira mu rubuga rw'amahina, awuhaye Emmanuel Keyekeh atera ishoti ridakomeye rigaruwe na myugariro wa Rayon Sports.
Koffi Ande yinjiranye umupira mu rubuga rw'amahina, awuhaye Emmanuel Keyekeh atera ishoti ridakomeye rigaruwe na myugariro wa Rayon Sports.
19:07
6' Ndikumana Asman yari akinnye neza
Adama Bagayogo ahaye umupira Ndikumana Asman, acengera mu kirere abakinnyi babiri ba Singida BS, ateye ishoti rijya ku ruhande hirya.
Gusa uyu Murundi ukinira Gikundiro yavugaga ko yakiniwe nabi.
Gusa uyu Murundi ukinira Gikundiro yavugaga ko yakiniwe nabi.
19:06
5' Umukino urimo amakosa menshi
Mu minota itageze kuri ibi iheruka, amakipe yombi akoze amakosa atatu arimo abiri ya Singida BS, ariko yose abera mu kibuga hagati.
Amakipe yombi ari gucungana, ariko Rayon Sports yasunitse Singida iri gukinira cyane mu kibuga cyayo.
Amakipe yombi ari gucungana, ariko Rayon Sports yasunitse Singida iri gukinira cyane mu kibuga cyayo.
19:03
3' Uburyo bwa Singida BS
Singida United irasa n'ishaka gukina ituje, ahubwo igatera imipira miremire imbere ikazamuka yihuta.
Ku mupira wari uvuye muri koruneri, Morice Chukwu ateye n'umutwe, ujya hejuru gato y'izamu rya Rayon Sports.
Ku mupira wari uvuye muri koruneri, Morice Chukwu ateye n'umutwe, ujya hejuru gato y'izamu rya Rayon Sports.
19:00
Umukino uratangiye
Umusifuzi Thembikosi Njabulo Dlamini atangije umukino, Rayon Sports itangirana umupira aho Ndikumana Asman akinanye na bagenzi be bahita batangira gusatira.
18:55
Abana ba Rayon Sports bitabiriye
Kugeza ubu Kigali Pele Stadium yuzuye ku rwego rwa 90%, uretse igice gito cy'ahatwikiriye kitarimo abafana.
Ahadatwikiriye [ku gice cyo hakurya giteganye na VIP] huzuye cyane.
18:51
Abanya-Eswatini ni bo bagiye kuyobora umukino
Uyu mukino wahawe Thembikosi Njabulo Dlamini wo muri Eswatini, aho yungirijwe Celumusa Sivumelwane Phiri na Zamani Simelane.
Umusifuzi wa Kane ni Simeos Guambe wo muri Mozambique naho Komiseri w’Umukino ni Umurundi Nimubona Arcade.
Umusifuzi wa Kane ni Simeos Guambe wo muri Mozambique naho Komiseri w’Umukino ni Umurundi Nimubona Arcade.
18:43
Abakinnyi ba Singida Black Stars bishyushya
18:40
Intego zo gusubira mu matsinda kuri Rayon Sports
Nyuma y'imyaka irindwi igeze muri 1/4 cya CAF Confederation Cup, Rayon Sports yongeye gutangira urugendo rwo gushaka uko yagera mu matsinda y'imikino Nyafurika.
Mu 2019, yasezerewe itarenze ijonjora ry'ibanze rya CAF Champions League mu gihe mu 2023 yasezerewe mu ijonjora rya kabiri, ribanziriza amatsinda, ari na ryo yari yatangiriyemo muri CAF Confederetion Cup.
Mu 2019, yasezerewe itarenze ijonjora ry'ibanze rya CAF Champions League mu gihe mu 2023 yasezerewe mu ijonjora rya kabiri, ribanziriza amatsinda, ari na ryo yari yatangiriyemo muri CAF Confederetion Cup.
18:32
Abakinnyi ba Rayon Sports bishyushya mbere y'umukino
18:29
Singida Black Stars yageze i Kigali ifite akanyamuneza
Ikipe ya Singida Black Stars igiye gutangira umwaka w'imikino mushya iri mu mwuka mwiza nyuma yo kwegukana irushanwa rya CECAFA Kagame Cup ryabereye muri Tanzania muri uku kwezi.
Ni cyo gikombe cya mbere iyi kipe yabaye iya kane muri Shampiyona ya Tanzania yegukanye, mu myaka icyenda imaze ishinzwe.
APR FC yari ihagarariye u Rwanda, yasoreje ku mwanya wa gatatu.
18:21
Bigirimana Abedi ntakina uyu mukino
Mu bakinnyi 20 Rayon Sports yifashisha kuri uyu mugoroba ntiharimo Umurundi Bigirimana Abedi wavunitse.
18:16
Abakinnyi ba Singida Black Stars babanje mu kibuga
Umutoza Miguel Ángel Gamondi yahisemo gukoresha:
Amas Obasogui
Anthony Tra Bi Tra
Morice Chukwu
Clement Kibabage
Ande Koffi
Khalid Aucho
Gego
Marouf Tchakei
Clatous Chama
Emmnauel Keyekeh
Muaku
Amas Obasogui
Anthony Tra Bi Tra
Morice Chukwu
Clement Kibabage
Ande Koffi
Khalid Aucho
Gego
Marouf Tchakei
Clatous Chama
Emmnauel Keyekeh
Muaku
18:13
Abakinnyi ba Rayon Sports babanje mu kibuga
Umutoza wa Rayon Sports, Afahmia Lotfi, yahisemo gukinisha:
Pavelh Ndzila
Serumogo Ali
Nshimiyimana Emmanuel 'Kabange'
Ndayishimiye Richard
Habimana Yves
Ndikumana Asman
Adama Bagayogo
Niyonzima Olivier Seif
Rushema Chris
Tambwe Gloire
Nshimimana Fabrice
Abasimbura: Drissa, Ntarindwa, Harerimana Chelly, Aziz, Fiston, Kitoga, Jesus na Youssou.
Pavelh Ndzila
Serumogo Ali
Nshimiyimana Emmanuel 'Kabange'
Ndayishimiye Richard
Habimana Yves
Ndikumana Asman
Adama Bagayogo
Niyonzima Olivier Seif
Rushema Chris
Tambwe Gloire
Nshimimana Fabrice
Abasimbura: Drissa, Ntarindwa, Harerimana Chelly, Aziz, Fiston, Kitoga, Jesus na Youssou.
18:00
Abakinnyi ba Rayon Sports bagera ku kibuga
17:54
Abakinnyi ba Singida Black Stars bagera kuri Kigali Pele Stadium
17:51
Ikaze kuri Kigali Pele Stadium
Umugoroba mwiza! IGIHE ibahaye ikaze kuri Kigali Pele Stadium ahagiye kubera umukino ubanza w'ijonjora ry'ibanze rya CAF Confederation Cup hagati ya Rayon Sports na Singida Black Stars.
Ni umukino Gikundiro isabwa gutsinda kugira ngo ibone impamba izajyana muri Tanzania ahazabera umukino wo kwishyura mu cyumweru gitaha.
Umukino uratangira saa Moya z'umugoroba.
Ni umukino Gikundiro isabwa gutsinda kugira ngo ibone impamba izajyana muri Tanzania ahazabera umukino wo kwishyura mu cyumweru gitaha.
Umukino uratangira saa Moya z'umugoroba.
