APR FC vs Pyarmids FC

APR FC 0-2 Pyramids FC

Uko umukino uri kugenda

Umwanditsi

: Eric Tony Ukurikiyimfura

Amafoto

: Kwizera Herve & Umwari Sandrine

16:21

Fiston Mayele yatanze umwambaro we umukino urangiye

16:15

AMASHUSHO: Reba ibyaranze umukino APR FC yatsinzwemo na Pyramids FC

16:03

APR FC ihawe ikizamini gikomeye mu mukino wo kwishyura

APR FC itsindiwe mu rugo na Pyramids FC ibitego 2-0 mu mukino ubanza w'ijonjora ry'ibanze rya CAF Champions League wabereye kuri Kigali Pele Stadium kuri uyu wa Gatatu.

Umukino wo kwishyura uzabera i Cairo tariki ya 5 Ukwakira 2025.


16:00

Umukino urarangiye

16:00

90+7' Ubundi buryo bwa APR FC

Denis Omedi ateye ishoti rikomeye ari mu ruhande rw'ibumoso, umupira ujya ku ruhande rw'izamu gato.

15:57

90+5' APR FC ibuze andi mahirwe

Mamadou Sy ahaye umupira Dao, na we awucomekera Ruboneka Bosco uteye ishoti rikomeye, rikubita igiti cy'izamu.

15:55

90+3' APR FC ihushije uburyo bwiza

Ahmed Elshenawi yongeye kubuza APR FC kugera mu izamu rye, akuramo umupira w'umutwe wari utewe na Mamadou Sy.

15:54

90+1' Ikarita y'umuhondo

Mamadou Sy ahawe ikarita y'umuhondo kubera umukinnyi wa Pyramids FC asunitse akagwa hasi.

15:52

90' Iminota umunani y'inyongera

Umusifuzi wa Kane, Babacar Sarr, yerekanye iminota umunani y'inyongera.

15:51

88' Gusimbuza

Omborenga Fitina asimbuye Byiringiro Jean Gilbert wavunitse.

15:48

85' Igitego cya kabiri cya Pyramids FC

Fiston Kalala Mayele yongeye kureba mu izamu rya APR FC nyuma yo gusiga ubwugarizi bw'Ikipe y'Ingabo, atera ishoti rikomeye umunyezamu Ishimwe Pierre atabashije guhagarika.

15:47

83' Pyramids FC irarokotse

Byiringiro Gilbert ahinduye umupira mu rubuga rw'amahina, usanga Hakim Kiwanuka uteye ishoti, umupira ukubita umutambiko w'izamu uvamo.

15:45

80' APR FC yibwiraga ko yishyuye

Mamadou Sy yari ashyize umupira mu izamu, abafana bitererera mu bicu, ariko ntibari babonye ko umusifuzi wo ku ruhande yerekanye ko habayeho kurarira.

15:43

79' Ubundi buryo bwa APR FC

Mamadou Sy akinanye na Dao, na we ahereza Ruboneka Bosco uteye ishoti rikurwamo na Elshenawi, umupira urarenga.

15:39

77' Gusimbuza

Hakim Kiwanuka asimbuye Dauda Yussif Seidu ku ruhande rwa APR FC.

15:38

76' APR FC irarokotse

Abdelrahman Mohamed ahannye ikosa ryakorewe kuri Mayele, umupira ukurwamo na Ishimwe Pierre.

15:37

74' Gusimbuza

Mugisha Gilbert na William Togui basimbujwe Denis Omedi na Mamadou Sy ku ruhande rwa APR FC.

15:36

72' Ikarita y'umuhondo

Niyomugabo Claude ahawe ikarita y'umuhondo akiniye nabi Fiston Mayele hafi y'urubuga rw'amahina mu nguni.

15:35

70' Umukino wageze mu minota 20 ya nyuma

15:34

70' Ikarita itukura

Umutoza wa Pyramids FC, Krunoslav Jurcic, ahawe ikarita itukura kubera gushwana n'abasifuzi.

15:33

69' APR FC yongeye kubura igitego

Memel Dao ahawe umupira mu rubuga rw'amahina, atera ishoti rikuwemo na Elshenawi, umupira ujya muri koruneri.

15:29

65' APR FC irarokotse

Abdelrahman Mohamed ateye ishoti ari inyuma y'urubuga rw'amahina, umupira ukurwamo na Ishimwe Pierre mbere y'uko Byiringiro Gilbert akiza izamu.

15:26

62' APR FC yirangayeho

Mugisha Gilbert yinjiranye umupira, awucomekera Memel Dao uteye ishoti ari ku murongo w'urubuga rw'amahina, umupira ujya hejuru gato y'izamu.

15:24

61' Ikarita y'umuhondo

Ahmed El Sawy ahawe ikarita y'umuhondo kubera kubeshya umusifuzi ko yakiniwe nabi Byiringiro Gilbert.

15:21

59' Abakinnyi ba Pyramids FC bishimira igitego cyatsinzwe na Mayele

15:18

55' Coup-franc ya APR FC

Ruboneka Bosco ahannye ikosa ryakorewe kuri Memel Dao, umupira usanga Togui uwukozeho, Elshenawi awushyira muri koruneri, ariko umusifuzi wo ku ruhande agaragaza ko hari habayeho kurarira.

15:15

52' Abafana bumiwe

Abafana ba APR FC bifashe nk'abari mu misa, ndetse bategereje kureba niba ikipe yabo ishobora gusubira mu mukino.

15:11

49' Igitego cya Pyramids FC

Fiston Kalala Mayele atsinze igitego cyiza ku mupira yambuye abakinnyi ba APR FC, atera ishoti rikomeye ari ahagana mu ruhande.

15:08

47' APR FC ihushije uburyo bwabazwe

Ruboneka Bosco ahinduye umupira mwiza mu rubuga rw'amahina, usanga William Togui ushyizeho umutwe, Eshenawi awushyra hejuru y'izamu.

15:07

46' Igice cya kabiri cyatangiye

APR FC ni yo itangiranye umupira, William Togui asubiza inyuma kuri bagenzi be.

14:56

Iminota 45 ibanza ibishye ku bafana benshi bitabiriye

Igice cya mbere cyarangiye uburyo bumwe bugana mu izamu ari bwo bubonetse ku ruhande rwa Pyramids FC mu gihe APR FC itigeze itera mu izamu.

Pyramids FC nta gitutu cyinshi ifite mu busatirizi n'ubwugarizi, ahubwo imbaraga nyinshi ziri gukoreshwa n'abakinnyi bo hagati barimo Blati Toure, Abdelrahman Mohamed wagiyemo asimbuye, ndetse na Ewerton Paixão da Silva.

APR FC irakinira ku gitutu, ntihuze umukino, ariko si bishya kuko imikino myinshi yakinnye kuva itangiye gutozwa na Taleb Abderrahim ari uko yayikinnye.

William Togui nta cyizere yifitiye mu kugerageza gutera mu izamu, aho imipira yose ari gushaka kuyikinana na bagenzi be, indi akayitakaza.

Memel Dao wari usanzwe wubakirwaho umukino muri APR FC, ari mu bibuze.

14:49

Igice cya mbere kirarangiye

APR FC na Pyramids FC zigiye kuruhuka zinganya ubusa ku busa mu mukino ubanza w'ijonjora ry'ibanze rya CAF Champions League.

14:49

45+2' Uburyo bwa APR FC

Ronald Ssekiganda ahaye umupira Ruboneka Bosco, atera ishoti rikomeye rinyuze imbere y'izamu rya Pyramids FC.

14:46

45' Iminota y'inyongera

Umusifuzi wa Kane, Babacar Sarr, yerekanye iminota itatu y'inyongera.

14:44

43' Umukino uratuje

Amakipe yombi yagabanyije umuvuduko ndetse abakinnyi bari gukina bitonze, by'umwihariko kuri Pyramids FC isa n'idafite igitutu.

14:40

38' APR FC yirangayeho

William Togui yinjiranye umupira, abura icyo awukoza ageze mu rubuga rw'amahina, awusubiza inyuma kuri Mugisha Gilbert uteye ishoti, umupira ujya hirya kure y'izamu.

14:37

35' APR FC iracyashaka uko igera ku izamu rya Pyramids FC

14:33

31' Coup-franc ya Pyramids FC

Abdelrahman Mohamed ahannye ikosa ryakozwe na Nshimiyimana Yunussu, umupira ushyizweho umutwe na Sharaf Eldin, ujya ku ruhande gato rw'izamu rya APR FC.

14:31

29' Uburyo bwa Pyramids FC

Abdelrahman Mohamed ahawe umupira na Ewerton Dasilva, atera ishoti rinyuze ku ruhande rw'izamu rya APR FC.

14:29

27' GusimbuzaUmukino wasubukuwe

Mahmoud Abdelhafiz yasimbujwe Abdelrahman Mohamed ku ruhande rwa Pyramids FC.

14:24

23' Kigali Pele Stadium yuzuye

Mu myanya yose ya Kigali Pele Stadium huzuye abafana ndetse biragoye kubona aho kwicara kuko hari bamwe bahagaze.

14:19

18' Umukino uhagaze gato

Umukino ubaye uhagaze mu gihe hari kuvurwa abakinnyi bagonganye ku mpande zombi.

Yari Byingiro Jean Gilbert wa APR FC na Ewerton Da Silva wa Pyramids FC.

14:18

17' Uburyo bwa Pyramids FC

Ewerton Dasilva ateye ishoti rikomeye ari inyuma y'urubuga rw'amahina, umunyezamu Ishimwe Pierre arirambura, arikuramo.

14:15

13' Coup-franc nziza ya Pyramids FC

Sharaf Eldin ahannye ikosa ku mupira wari uteretse inyuma gato y'urubuga rw'amahina, abakinnyi ba APR FC bawukuraho, mu gihe Pyramids FC yagaragaza ko bawukoze mu rubuga rw'amahina, ariko umusifuzi avuga ko nta kosa ryabaye.

14:12

12' Uko amakipe yombi yaserutse kuri iki gicamunsi

14:12

10' Ikarita y'umuhondo

Blati Toure wa Pyramids FC ahawe ikarita y'umuhondo kubera gusuzugura umusifuzi.

14:08

6' Coup-franc ya APR FC

Mostafa Ahmed akiniye nabi Mugisha Gilbert hafi y'izamu, ikosa rihanwe na Dao, umupira ukurwamo na Elshanawi mu buryo bugoranye.

14:05

4' APR FC yatangiye gusatira

Memel Dao na William Togui bagerageje kubaka neza mu rubuga rw'amahina, Pyramids FC ikiza izamu, umupira usanga Mugisha Gilbert uwuhinduye, ariko Chibi awutanga Ruboneka awukuraho.

14:04

3' Umupira uri mu ruhande rumwe rw'ikibuga


APR FC yashyize igitutu kuri Pyramids FC yasubiye inyuma gukinira mu kibuga cyayo.

Gusa iyi kipe yo mu Rwanda ntiratera mu izamu.

14:01

Umukino uratangiye

Pyramids FC ni yo itangiranye umupira, Meyele asubiza inyuma kuri bagenzi be batangiye gukina bitonze.

13:56

APR FC irakina idafite rutahizamu Djibril Ouattara

13:50

Pyramids FC yinjijwe igitego kimwe mu mikino itanu iheruka

13:46

Uko APR FC yitwaye mu mikino itanu iheruka gukina

13:44

Amakipe yombi yasoje kwishyushya

13:34

Umukino wahawe abasifuzi bo muri Mauritania


Abanya-Mauritanie barangajwe imbere na Abdel Aziz Bouh ni bo bagiye kuyobora umukino.

Abungirije ni Youssef Mahmoud na Brahim Salem H'Made.

Umusifuzi wa Kane ni Babacar Sarr naho Komiseri w'Umukino ni Ahmed Mgoyi wo muri Tanzania.

13:28

Pyramids FC yagarutse i Kigali ari umwami muri Afurika

Ni umukino wa gatanu ugiye guhuza APR FC na Pyramids FC mu myaka itatu, kuva mu 2023, muri CAF Champions League.

Amakipe yombi yanganyije imikino ibiri yabereye i Kigali (0-0, 1-1) mu gihe Pyramids FC yatsinze imikino ibiri yo kwishyura yabereye i Cairo (6-1, 3-1).

Kuri iyi nshuro, iyi kipe yo mu Misiri yagarutse i Kigali ikwiye icyubahiro dore ko ari yo yatwaye CAF Champions League ya 2024/25.

13:25

Abafana babukereye

13:23

Abakinnyi ba Pyramids FC babanje mu kibuga


Umutoza wa Pyramids FC, Krunoslav Jurcic, yahisemo kubanzamo:

Ahmed Elshenawi
Ahmed Saad
Gabr Mossad (C)
Blati Toure
Fiston Mayele
Mostafa Ahmed
Mohamed Chibi
Mahmoud Abdelhafiz
Sharaf Eldin
Ahmed El Sawy
Ewerton Dasilva

13:20

Abakinnyi ba APR FC babanje mu kibuga

Umutoza wa APR FC, Taleb Abderrahim, yahisemo gukoresha:

Ishimwe Pierre
Raoul Memel Dao
Mugisha Gilbert
Niyomugabo Claude (C)
Niyigena Clement
Byiringiro Jean Gilbert
Ronald Ssekiganda
Yussif Seidu Dauda
Ruboneka Jean Bosco
Nshimiyimana Yunussu
Mel William Togui

Abasimbura: Ruhamyankiko, Souane, Kiwanuka, Sy, Bugingo, Pacifique, Ramadhan, Omedi na Omborenga.

13:01

Pyramids FC igera kuri Kigali Pele Stadium

12:57

Abakinnyi ba APR FC bagera ku kibuga

12:23

Ikaze kuri Kigali Pele Stadium

IGIHE ibahaye ikaze kuri Kigali Pelé Stadium ahagiye kubera umukino ubanza w'ijonjora ry'ibanze rya CAF Champions League hagati ya APR FC yo mu Rwanda na Pyramids FC yo mu Misiri.

Umukino uratangira saa Munani zuzuye.