Rayon Sports 1-0 Amagaju FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
07:48
AMASHUSHO: Ibyishimo by’Abafana ba Rayon nyuma yo gutsinda Amagaju FC
07:47
AMASHUSHO: Ibyo twabonye Rayon Sports itsinda Amagaju FC
20:56
Rayon Sports itsinze umukino wa kabiri yikurikiranya
Ku nshuro ya mbere muri uyu mwaka w'imikino, Rayon Sports itsinze umukino wa kabiri yikurikiranya muri Shampiyona, aho itsinze Amagaju FC y'abakinnyi 10 igitego 1-0.
Amagaju FC yahawe ikarita itukura ku munota wa 20 mu gihe Rayon Sports yafunguye amazamu ku munota wa 48.
Iyi kipe yambara ubururu n'umweru yagize amanota 10 ku mwanya wa kabiri mu mikino itanu, irushwa amanota abiri na Police FC imaze gukina imikino ine.
Amagaju FC ifite amanota ane ku mwanya wa 14.
Ndayishimiye Richard wa Rayon Sports ni we wabaye umukinnyi w'umukino.
Amagaju FC yahawe ikarita itukura ku munota wa 20 mu gihe Rayon Sports yafunguye amazamu ku munota wa 48.
Iyi kipe yambara ubururu n'umweru yagize amanota 10 ku mwanya wa kabiri mu mikino itanu, irushwa amanota abiri na Police FC imaze gukina imikino ine.
Amagaju FC ifite amanota ane ku mwanya wa 14.
Ndayishimiye Richard wa Rayon Sports ni we wabaye umukinnyi w'umukino.
20:53
Umukino urarangiye
20:50
90' Iminota y'inyongera
Umusifuzi wa Kane, Ugirashebuja Ibrahim, yerekanye iminota ine y'inyongera.
Amagaju FC ari gusatira cyane ashaka kwishyura.
Amagaju FC ari gusatira cyane ashaka kwishyura.
20:49
89' Gusimbuza
Ishimwe Fiston asimbuye Bigirimana Abedi ku ruhande rwa Rayon Sports.
20:48
88' Rayon Sports iracyasatira
Umunyezamu Henock yongeye gutabara Amagaju FC, akuramo umupira utewe na Aziz Bassane ari inyuma y'urubuga rw'amahina, awushyira muri koruneri.
20:46
87' Amagaju FC ararokotse
Harerimana ahaye umupira mwiza Adama Bagayogo mu rubuga rw'amahina, atera ishoti rikuwemo n'umunyezamu Henock w'Amagaju FC.
20:43
84' Amagaju FC yakoze impinduka ebyiri
Habineza Alphonse na Hakizimana Fati binjiye mu kibuga basimbuye ku ruhande rw'Amagaju FC iri gusatira ishaka kwishyura.
20:41
82' Uburyo bwa Rayon Sports
Serumogo Ali yinjiranye umupira, awuhindura mu rubuga rw'amahina ariko habura mugenzi we uwutsinda ndetse uba muremure kuri Sindi Paul.
20:38
80' Umukino winjiye mu minota 10 ya nyuma
Rayon Sports ikomeje kwiharira umupira ariko na yo ntigera ku izamu.
20:32
73' Ikarita y'umuhondo
Youssou Diagne ahawe ikarita y'umuhondo akiniye nabi rutahizamu w'Amagaju FC.
20:28
70' Umukino uhagaze gato
Umusifuzi Kayitare David ahagaritse umukino kugira ngo havurwe myugariro wa Rayon Sports, Youssou Diagne, ukubise umugongo hasi ubwo yari ahanganiye umupira na Iradukunda Desire w'Amagaju FC.
20:27
69' Gusimbuza
Adama Bagayogo asimbuye Habimana Yves ku ruhande rwa Rayon Sports.
20:22
65' Ibyishimo ni byose ku bafana ba Rayon Sports
20:21
63' Coup-franc ya Rayon Sports
Ndayishimiye Edouard asifuwe ko yakiniye nabi Bassane, ariko we ntabyemera.
Ikosa rihanwe na Sindi Paul Jesus, umupira ushyirwa muri koruneri na myugariro w'Amagaju FC.
Ikosa rihanwe na Sindi Paul Jesus, umupira ushyirwa muri koruneri na myugariro w'Amagaju FC.
20:18
60' Gusimbuza
Musore Prince na Niyonzima Olivier 'Seif' basimbuwe na Harerimana Abdelaziz na Sindi Paul Jesus ku ruhande rwa Rayon Sports.
20:17
57' Rayon Sports ihushije uburyo bwiza
Habimana Yves ananiwe gutsindira Rayon Sports igitego cya kabiri ku mupira wari unaniye umunyezamu Henock, awushyira hanze.
20:14
54' Umukino wahagaze
Umukino wabaye uhagaze mu gihe hari kuvurwa myugariro w'Amagaju FC, Abdel Matumona, wakiniwe nabi na Aziz Bassane ahagana muri koruneri.
20:12
52' Coup-franc ya Rayon Sports
Ndayishimiye Edouard akiniye nabi Aziz Bassane, ikosa rihanwe na Ndayishimiye Richard, umupira usanga Bigirimana Abedi uwushyizeho umutwe ujya hanze.
20:06
48' Igitego cya Rayon Sports
Habimana Yves afunguye amazamu i Nyamirambo, atsindira Rayon Sports ku mupira ukuweho nabi na myugariro w'Amagaju FC.
Rayon Sports 1-0 Amagaju FC.
Rayon Sports 1-0 Amagaju FC.
20:03
46' Igice cya kabiri cyatangiye
Amagaju FC atangiranye umupira mu gice cya kabiri, ahita atera umupira muremure imbere urarenga.
19:49
Igice cya mbere kirarangiye
Iminota 45 ibanza y'umukino uri guhuza Rayon Sports n'Amagaju FC irangiye amakipe yombi anganya ubusa ku busa.
19:48
45+2' Uburyo bwiza bwa Rayon Sports
Habimana Yves ahaye umupira Nshimiyimana Emmanuel uteye ishoti rikomeye, rishyirwa muri koruneri n'umunyezamu w'Amagaju FC.
Mu buryo bukurikiyeho, Ndayishimiye Richard na we ateye ishoti rikomeye rishyirwa muri koruneri n'umunyezamu usimbutse agashyira umupira hejuru.
Mu buryo bukurikiyeho, Ndayishimiye Richard na we ateye ishoti rikomeye rishyirwa muri koruneri n'umunyezamu usimbutse agashyira umupira hejuru.
19:45
45' Iminota y'inyongera
Umusifuzi wa Kane, Ugirashebuja Ibrahim, yerekanye iminota itatu y'inyongera.
19:43
43' Uburyo bwa Rayon Sports
Serumogo Ali azamukanye umupira, awuha Tambwe Gloire na we uwucomekeye Habimana Yves atera ishoti rigiye ku ruhande rw'izamu.
19:40
39' Rayon Sports yirangayeho
Myugariro w'Amagaju FC afunze umupira ntiyawukina, ufatwa na Tambwe Gloire uwinjiranye, awucomekeye Musore Prince awutera ku ruhande rw'izamu.
19:37
36' Amagaju FC yazamuye ishyaka
Mu gihe yasigaye ari abakinnyi 10 mu kibuga nyuma yo guhabwa ikarita itukura, Amagaju FC ni bwo iri gukina isatira cyane kurusha uko byari bimeze mbere.
19:34
32' Uburyo bwiza bw'Amagaju FC
Uwizeyimana ahinduye umupira mwiza mu rubuga rw'amahina, ariko Iradukunda ananirwa kuwukoraho arebana n'umunyezamu Ndzila, uca hagati yabo urarenga.
19:32
30' Nta kipe irabona uburyo bugana mu izamu
19:29
28' Ikarita y'umuhondo
Habimana Yves ahawe ikarita y'umuhondo akandagiye umunyezamu Kamalanduako w'Amagaju FC.
19:28
27' Ikarita y'umuhondo
Ndayishimiye Richard ahawe ikarita y'umuhondo akiniye nabi Rachid Mapori hagati mu kibuga.
19:27
25' Uburyo bwa Rayon Sports
Musore Prince arenguye umupira muremure mu rubuga rw'amahina, ushyirwa muri koruneri na Matumona Abdel.
Rayon Sports iwusubije mu kibuga, ikora ikosa.
Rayon Sports iwusubije mu kibuga, ikora ikosa.
19:25
25' Coup-franc ya Rayon Sports
Rayon Sports ihannye ikosa ryakorewe kuri Bassane, umupira utewe na Nshimiyimana Emmanuel, ukurwamo n'umunyezamu w'Amagaju FC ujya hanze.
19:22
22' Ikarita itukura
Rwema Amza w'Amagaju FC ahawe ikarita itukura akiniye nabi Aziz Bassane inyuma gato y'urubuga rw'amahina.
Abakinnyi b'Amagaju FC bagaragaje kutishimira iki cyemezo.
Bassane yakuwe mu kibuga ari ku ngobyi.
Abakinnyi b'Amagaju FC bagaragaje kutishimira iki cyemezo.
Bassane yakuwe mu kibuga ari ku ngobyi.
19:21
20' Ikarita y'umuhondo
Rachid Mapori ahawe ikarita y'umuhondo akiniye nabi Aziz Bassane mu kibuga hagati.
19:20
19' Uburyo bwa Rayon Sports
Serumogo Ali, Tambwe Gloire na Habimana Yves bahererekanyije neza, ariko ubwugarizi bw'Amagaju FC n'umunyezamu Kamalanduako babyitwaramo neza.
19:18
17' Coup-franc ya Rayon Sports
Iradukunda akiniye nabi Musore Prince hagati mu kibuga, ikosa rihanwa n'uyu myugariro w'Umurundi uhise ukinana na bagenzi be.
Rayon Sports ikomeje kwiharira umupira.
19:16
15' Amakipe yombi akomeje gushaka igitego hakiri kare
19:15
14' Coup-franc ya Rayon Sports
Aziz Bassane ahannye ikosa akoreweho mu ruhande rw'izamu, ku murongo, umupira ateye ukurwaho na Abdel Matumona.
19:12
11' Abedi yicaye hasi
Mu gihe yari wenyine, Bigirimana Abedi ahise yicara hasi mu kibuga agaragaza ko agize ikibazo mu kuguru.
Abaganga ba Rayon Sports bamwitayeho, akomereza hanze y'ikibuga kuvurwa.
19:10
10' Rayon Sports yaciye akarongo
Muri iyi minota ya mbere, umupira uri gukinirwa cyane mu kibuga cy'Amagaju FC ndetse akazi kenshi kari gukorwa na ba myugariro.
19:08
8' Uburyo bwa Rayon Sports
Tambwe Gloire ahushije uburyo bwa mbere mu mukino ku mupira atereye mu rubuga rw'amahina mu ruhande, awushyira hejuru y'izamu.
19:08
7' Amagaju FC ahagaritse uburyo bwa Rayon Sports
Bigirimana Abedi yinjiranye umupira mwiza hagati mu kibuga, awucomekeye Habimana Yves, myugariro w'Amagaju FC awuhagarika neza.
19:05
5' Uko amakipe yombi yaserutse kuri uyu wa Gatanu
19:03
3' Uburyo bw'Amagaju FC
Rachid ahinduye umupira mu izamu rya Rayon Sports, Youssou Diagne aritambika awushyira muri koruneri.
Uyu mukinnyi w'Amagaju FC awusubije mu kibuga, Rayon Sports ikiza izamu ryayo.
Uyu mukinnyi w'Amagaju FC awusubije mu kibuga, Rayon Sports ikiza izamu ryayo.
19:00
Umukino uratangiye
Kayitare David uri mu basifuzi bato bo hagati muri Shampiyona y'u Rwanda, atangije umukino.
Rayon Sports ni yo yatangiranye umupira, Habimana Yves akinana na baganzi be barimo Bigirimana Abedi.
Rayon Sports ni yo yatangiranye umupira, Habimana Yves akinana na baganzi be barimo Bigirimana Abedi.
18:57
Aziz Bassane yabaye umukinnyi w'icyumweru
Rutahizamu wa Rayon Sports usatira anyuze ku ruhande, Aziz Bassane, yatowe nk'umukinnyi witwaye neza kurusha abandi ku Munsi wa Kane wa Shampiyona, ahabwa ibihumbi 200 Frw.
Ni we wari wabaye umukinnyi w'umukino Rayon Sports yatsinzemo Rutsiro FC ibitego 3-1, na bwo ahabwa ibihumbi 100 Frw.
18:46
Amakipe yombi yasoje kwishyushya
Abasifuzi n'abakinnyi ba Rayon Sports n'Amagaju FC, bose basubiye mu rwambariro saa 18:44.
Umukino uratangira saa Moya.
18:43
Abakinnyi b'Amagaju FC babanje mu kibuga
Umutoza Wungirije w'Amagaju FC, Nduwimana Pablo, utoza uyu mukino, yahisemo gukoresha:
Kamalanduako
Dusabe Jean Caude
Abdel
Niyitegeka
Rwema
Twizeyimana
Sebagenzi
Iradukunda
Rachidi
Ndayishimiye
Uwizeyimana.
18:34
Isaha umukino wari gutangiriraho yarenze
Umukino wa Rayon Sports n'Amagaju FC wari gutangira saa Kumi n'Ebyiri, ariko kubera imvura yaguye igatuma amakipe yombi atishyushya uko byari biteganyijwe, uratangira utinze.
Kui ubu abasifuzi bayobowe na Kayitare David ndetse n'abakinnyi b'amakipe yombi bakomeje kwishyushya.
Kui ubu abasifuzi bayobowe na Kayitare David ndetse n'abakinnyi b'amakipe yombi bakomeje kwishyushya.
18:22
Kera kabaye Kigali Pele Stadium irimo urumuri
Amatara ya Kigali Pele Stadium yacanwe habura iminota 15 ngo umukino utangire (18:15).
Amakipe yasohotse mu rwambariro ngo yishyushye guhera saa 18:19.
Uko bigaragara umukino uraza gutangira utinze.
18:14
Gicumbi FC yitwaye neza mu mukino wabanje
Gicumbi FC yafashe umwanya wa gatatu muri Shampiyona n'amanota arindwi, nyuma yo gutsinda Gasogi United ibitego 2-1 mu mukino wabimburiye indi y'Umunsi wa Gatanu, wabereye kuri iki kibuga cya Kigali Pelé Stadium kuri uyu wa Gatanu.
18:05
Abakinnyi ba Rayon Sports babanje mu kibuga
Umutoza w'Agateganyo wa Rayon Sports, Haruna Ferouz, yahisemo gukoresha:
Pavelh Ndzila
Serumogo Ali (C)
Musore Prince
Youssu Diagne
Nshimiyimana Emmanuel
Ndayishimiye Richard
Bigirimana Abedi
Tambwe Gloire
Habimana Yves
Niyonzima Olivier 'Seif'
Aziz Bassane
18:02
Kigali Pele Stadium irijimye
Mu gihe amakipe yombi yugamye mu rwambariro, iminota 30 mbere y'uko umukino utangira, amatara ya Kigali Pele Stadium amurika mu kibuga ntaracanwa.
17:49
Imvura yakoze ku butaka hakiri kare
Imvura nyinshi yatangiye kugwa kuri Kigali Pele Stadium, yatumye abakinnyi b'Amagaju FC basubira mu rwambariro igitaragaranya.
Ni mu gihe Rayon Sports yari itaratangira kwishyura saa 17:45.
17:41
Rayon Sports igera ku kibuga
17:34
Ikaze kuri Kigali Pele Stadium
Umugoroba mwiza! IGIHE ibahaye ikaze kuri Kigali Pele Stadium, ahagiye kubera umukino w'Umunsi wa Gatanu wa Shampiyona hagati ya Rayon Sports n'Amagaju FC.
Rayon Sports iri ku mwanya wa kabiri n'amanota arindwi mu gihe Amagaju FC iri ku mwanya wa 13 n'amanota ane.
Umukino uratangira saa Kumi n'Ebyiri n'Igice.
Rayon Sports iri ku mwanya wa kabiri n'amanota arindwi mu gihe Amagaju FC iri ku mwanya wa 13 n'amanota ane.
Umukino uratangira saa Kumi n'Ebyiri n'Igice.