Rutsiro FC vs APR FC

Rutsiro FC 1-1 APR FC

Uko umukino uri kugenda

Umwanditsi

: Eric Tony Ukurikiyimfura

Amafoto

: Umwari Sandrine & Kasiro Claude

16:58

APR FC yongeye gutakaza amanota

APR FC inganyije na Rutsiro FC igitego 1-1 mu mukino w'Umunsi wa Gatandatu wa Shampiyona waberaga kuri Stade Umuganda i Rubavu.

Ni umukino wa kabiri wikurikiranya APR FC inganyije, nyuma yo kunganya na Kiyovu Sports ndetse kuri ubu ifite amanota umunani ku mwanya wa karindwi.

Rutsiro FC igize amanota abiri ku mwanya wa nyuma.

Nizeyimana Jean Claude wa Rutsiro FC ni we wabaye umukinnyi w'umukino.

Mu yindi mikino yabaye, Amagaju FC yatsinzwe na Musanze FC ibitego 2-0 mu gihe Police FC yanganyije na Mukura VS igitego 1-1.

Police FC yagize amanota 16 ku mwanya wa mbere, Mukura VS igira icyenda ku mwanya wa kane, ikurikiwe na Musanze FC zinganya amanota.

16:56

Umukino urarangiye

16:54

90+5' Umukino wahagaze

Abakinnyi bane ba Rutsiro FC bamaze kuryama mu kibuga kuva aho hashyiriweho iminota y'inyongera, bagaragaza ko bavunitse cyangwa bababaye.

Kuri iyi nshuro, umunyezamu Nzana Ebini Iniace ni we uri hasi.

16:53

Ku bindi bibuga

FT: Amagaju FC 0-2 Musanze FC
86': Police FC 1-1 Mukura VS

16:51

90+2' APR FC yose yazamutse

Abakinnyi bose ba APR FC bagiye gukinira mu kibuga cya Rutsiro FC.

16:49

90' Iminota itandatu y'inyongera

Umusifuzi wa kane yerekanye iminota itandatu y'inyongera.

Amakipe yombi akomeje gusatirana ashaka igitego cy'intsinzi.

16:46

86' Ikarita y'umuhondo

Mumbele Jonas ahawe ikarita y'umuhondo akiniye nabi Lamine Bah ahagana muri koruneri.

16:44

85' APR FC iri gusatira cyane


Muri iyi minota ya nyuma, APR FC iri gukinira cyane hafi y'urubuga rw'amahina rwa Rutsiro FC.

16:41

Ku bindi bibuga


84' Amagaju FC 0-2 Musanze FC
75' Police FC 1-1 Mukura VS

16:39

80' Umukino winjiye mu minota 10 ya nyuma

16:38

77' Gusimbuza

Nkubito Hamza asimbuye Godspower ku ruhande rwa Rutsiro FC.

16:37

77' Gusimbuza

William Togui asimbuwe na Mamadou Sy ku ruhande rwa APR FC.

16:36

75' APR FC yibwiraga ko ibonye igitego cya kabiri

Hakim Kiwanuka ahinduye umupira mu rubuga rw'amahina, Togui awushyize mu izamu n'umutwe, umusifuzi wo ku ruhande agaragaza ko hari habayeho kurarira.

16:34

73' Ikarita y'umuhondo

Arigo Obus Godspower ahawe ikarita y'umuhondo akiniye nabi Nshimiyimana Yunussu amuteze ukuguru mu rubuga rw'amahina rwa APR FC.

16:31

72' Gusimbuza

Mumbele Mbusa Jeremie asimbuwe na Kwizera Eric ku ruhande rwa Rutsiro FC.

16:29

70' Umukino winjiye mu minota 20 ya nyuma

16:29

69' Penaliti yahawe Rutsiro FC ikomeje kurikoroza

16:25

65' Gusimbuza

Mugisha Gilbert na Omborenga Fitina basimbuye Ngabonziza Pacifique na Byiringiro Jean Gilbert.

16:22

60' Uburyo bwa APR FC

William Togui atanze umupira muremure imbere, Denis Omedi awutera adahagaritse, ufata inshundura ntoya z'izamu.

16:19

59' APR FC igiye gusimbuza

Byiringiro Gilbert wa APR, uryamye hasi, yababaye cyane ndetse bagenzi be beretse abatoza ko agomba gusimbuzwa.

16:17

57' Gusatira kwa APR FC

Denis Omedi afunze umupira n'igituza akinana na Lamine Bah uteye ishoti, umupira ujya hanze.

Umukino wahagaze gato havurwa umukinnyi wa APR FC uryamye hasi.

16:14

54' Umukino uhagaze gato

Umukino ubaye uhagaze mu gihe hari kuvurwa umukinnyi wa Rutsiro FC uryamye hasi mu kibuga.

16:10

50' Coup-franc ya APR FC

Uwambazimana Leon 'Kawunga' akiniye nabi Lamine Bah, ikosa rihanwe na Ruboneka, umunyezamu Ebini akubita ibipfunsi umupira uvamo.

16:07

48' Coup-franc ya Rutsiro FC

Mumbele Jonas ahannye ikosa Ngabonziza Pacifique yakoreye kuri Godspower, umupira ufatwa neza na Ishimwe Jean Pierre.

16:05

47' Coup-franc ya APR FC

Mumbele Jeremie akiniye nabi Nshimiyimana Yunussu mu kibuga cya Rutsiro FC.

Ikosa rihanwe na Ruboneka Bosco, umupira usanga Yunussu uwukinishije umutwe, ujya hejuru y'izamu rya Rutsiro FC.

16:04

46' Igice cya kabiri cyatangiye

Rutsiro FC yatangiranye umupira mu gice cya kabiri, Godspower atera ishoti rirerire rigiye hanze y'ikibuga.

16:00

Uko igice cya mbere cyarangiye ku bindi bibuga


Police FC 1-0 Mukura VS
Amagaju FC 0-0 Musanze FC

15:49

Igice cya mbere kirarangiye


Iminota 45 ibanza y'umukino w'Umunsi wa Gatandatu wa Shampiyona uri guhuza Rutsiro FC na APR FC, irangiye amakipe yombi anganya igitego 1-1.

15:49

45+2' Uburyo bwa Rutsiro FC

Mumbele Mbusa Jeremie ahinduye umupira mwiza mu rubuga rw'amahina, ariko Godspower na Mumbele Jonas bananirwa kuwushyira mu izamu ujya hanze.

15:46

45' Iminota ibiri y'inyongera

Umusifuzi wa kane yerekanye iminota ibiri y'inyongera.

Rutsiro FC na APR FC ziri gusatirana zishaka igitego gikora ikinyuranyo.

15:42

41' Igitego cya Rutsiro FC

Nizeyimana Jean Claude 'Rutsiro' yishyuriye Rutsiro FC kuri penaliti yinjije, ayiteye hejuru mu izamu.

Rutsiro FC 1-1 APR FC.

15:41

40' Penaliti ya Rutsiro FC

Niyigena Clement atakaje umupira, akurura Mumbele Mbusa Jeremie wari umucitse bari ku murongo w'urubuga rw'amahina.

15:37

36' APR FC irarokotse

Mumbele Jonas ateye ishoti rikomeye ari inyuma y'urubuga rw'amahina, umupira ukurwamo na Ishimwe Pierre, usanga Mumbele Jeremie uwusubijemo, ariko umusifuzi wo ku ruhande agaragaza ko yari yaraririye.

15:36

35' Umukino wafashe undi muvuduko


APR FC yatangiye gusatira cyane ishaka igitego cya kabiri mu gihe na Rutsiro FC ikangutse ishaka kwishyura.

15:34

32' Igitego cya APR FC

Denis Omedi afunguye amazamu i Rubavu, atsinda umupira winjiranywe na Kiwanuka mu gihe ubwugarizi bwa Rutsiro FC bunaniwe kwihagararaho.

15:33

32' Gusatira kwa APR FC

Denis Omedi ananiwe gutsinda umupira ateye n'umutwe, ufatwa n'umunyezamu Nzana Ebini wa Rutsiro FC.

15:31

Uko byifashe ku bindi bibuga


Police FC 1-0 Mukura VS
Amagaju FC 0-0 Musanze FC

15:29

28' APR FC ntiribona mu mukino


Mu minota isatira 30 y'igice cya mbere, APR FC iri guhererekanya cyane ariko kugeza ubu nta buryo irabona bugana mu izamu rya Rutsiro Fc.

Rutsiro FC na yo iri kunyuzamo igasatira.

15:25

24' Coup-franc ya APR FC

Mumbele Jonas akiniye nabi Ruboneka mu ruhande rw'ikibuga. Ikosa rihanwe na Niyomugabo Claude, Rutsiro FC ikiza izamu ryayo.

15:23

22' Coup-franc ya Rutsiro FC

Nizeyimana Jean Claude akiniwe nabi na Ruboneka, ikosa rihanwe na Mumbele Mbusa Jeremie, ukurwaho na Pacifique n'umutwe.

15:23

22' Coup-franc ya Rutsiro FC

Nizeyimana Jean Claude akiniwe nabi na Ruboneka, ikosa rihanwe na Mumbele Mbusa Jeremie, ukurwaho na Pacifique n'umutwe.

15:21

20' Gusatira kwa APR FC

Denis Omedi ahinduye umupira mwiza mu rubuga rw'amahina, mugenzi we Hakim Kiwanuka agorwa no kuwukina, awusubiza inyuma kuri Byiringiro uwukinnye, myugariro wa Rutsiro FC awukuraho neza.

15:19

18' Coup-franc ya Rutsiro FC

Kabura Jean ahannye ikosa ryakorewe kuri Uwambazimana Leon, umupira ushyirwa muri koruneri na Ishimwe Pierre.

15:17

16' Uko Rutsiro FC na APR FC zaserutse kuri uyu wa Gatandatu

15:15

14' Rutsiro FC yaciye akarongo

APR FC iri kugerageza guhererakanya ariko abakinnyi ba Rutsiro FC bakoze urukuta inyuma ku buryo idashobora kwinjira mu rubuga rw'amahina.



15:11

10' Abafana ni bake i Rubavu

Umukino wa Rutsiro FC na APR FC ntiwitabiriwe cyane n'abafana, aho kugeza ubu mu gice kidatwikiriye nta bafana bangana na kimwe cya kabiri barimo.

Abafana benshi bari mu gice gitwikiriye dore ko hari n'akavura kari kujojoba.

15:07

6' Rutsiro FC ihushije uburyo bwabazwe


Arigo Obus Godspower yinjiranye umupira awuha Mumbele Jeremie uhushije uburyo bwabazwe nyuma yo gushaka kuroba umunyezamu Ishimwe Jean Pierre, umupira ugaca ku ruhande.

15:06

5' Umukino urimo amakosa menshi


Mu minota itanu gusa umaze utangiye, umukino wa Rutsiro FC na APR FC umaze guhagarara inshuro eshanu kubera amakosa ari gukorwa n'abakinnyi b'impande zombi.

Rutsiro FC imaze gukora amakosa atatu naho APR FC ikora abiri.

15:04

3' Rutsiro FC yasabaga penaliti

Nizeyimana Jean Claude bakunze kwita Rutsiro, yinjiranye umupira mu rubuga rw'amahina, ahagarikwa na Niyomugabo Claude agwa mu rubuga rw'amahina, ariko umusifuzi wo hagati Ngabonziza Jean Paul agaragaza ko nta kosa ryabayeho.

Rutsiro yasabye ko abanza kwitabwaho n'abaganga mbere y'uko umukino ukomeza.

15:00

Umukino uratangiye

Umusifuzi Ngabonziza Jean Paul atangije umukino.

Umupira wa mbere wakinwe na APR FC, William Togui asubiza inyuma kuri bagenzi be.

14:51

Abakinnyi ba APR FC na Rutsiro FC bishyushya

14:47

Abakinnyi ba Rutsiro FC babanje mu kibuga


Umutoza wa Rutsiro FC, Bizumuremyi Radjab, yahisemo gukoresha:

Nzana Ebini Iniace
Bizimana Kelvin
Kabura Jean
Hitimana Jean Claude
Mutijima Gilbert
Ndabitezimana Lazard
Uwambazimana Leon
Arigo Obus Godspower
Nizeyimana Jean Claude
Mumbele Malikidogo Jonas
Mumbele Mbusa Jeremie

14:37

Imikino ya Rwanda Premier League iteganyijwe kuri uyu wa Gatandatu:


Rutsiro FC vs APR FC (Stade Umuganda)
Police FC vs Mukura VS (Kigali Pele Stadium)
Amagaju FC vs Musanze FC (Stade Kamena)

14:24

Abakinnyi ba APR FC babanje mu kibuga


Umutoza wa APR FC, Abderrahim Taleb, yatoranyije Mamadou Sy mu bakina uyu mukino amushyira mu basimbura, ariko Dauda Yussif we ntiyajya ku rupapuro rw'umukino. Abakinnyi bombi bari bamaze iminsi mu bihano ndetse babariwe ku wa Gatanu.

Dore abakinnyi 11 bitabajwe:

Ishimwe Pierre
Niyigena Clement
Nshimiyimana Yunussu
Byiringiro Gilbert
Niyomugabo Claude (C)
Ngabonziza Pacifique
Ruboneka Jean Bosco
Lamine Bah
Hakim Kiwanuka
Denis Omedi
William Togui

Abasimbura: Ruhamyankiko, Souane, Nduwayo, Omborenga, Ramadhan, Mamadou Sy, Mugisha Gilbert, Iraguha Hadji, Bugingo Hakim.

14:18

Abakinnyi ba APR FC bagera kuri Stade Umuganda

14:16

Abakinnyi ba Rutsiro FC bagera ku kibuga

14:15

Ikaze kuri Stade Umuganda

IGIHE ibahaye ikaze kuri Stade Umuganda, mu Karere ka Rubavu, ahagiye kubera umukino w'Umunsi wa Gatandatu wa Shampiyona hagati ya Rutsiro FC na APR FC.

Rutsiro FC ifite inota rimwe ku mwanya wa nyuma mu gihe APR FC ifite amanota arindwi ku mwanya wa gatandatu.

Umukino uratangira saa Cyenda zuzuye.