Marine FC 0-1 Rayon Sports
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine & Kasiro Claude |
16:56
Rayon Sports itsinze Marine FC mbere yo guhura na APR FC
Igitego cya Aziz Bassane gifashije Rayon Sports gutsinda Marine FC 1-0 mu mukino w'Umunsi wa Gatandatu wa Shampiyona waberaga kuri Stade Umuganda.
Gikundiro izahura na APR FC ku wa Gatandatu, yagize amanota 13 ku mwanya wa kabiri, irushwa amanota atatu na Police FC ya mbere.
Undi mukino wabaye kuri iki Cyumweru, warangiye Gicumbi FC inganyije na Etincelles FC igitego 1-1.
Saa Kumi n'Ebyiri n'Igice, AS Kigali irakina na Kiyovu Sports kuri Kigali Pele Stadium.
16:53
Umukino urarangiye
16:50
90+2' Gusimbuza
Aziz Bassane asimbuwe na Bayisenge Emery naho Musore Prince asimburwa na Nshimimana Fabrice ku ruhande rwa Rayon Sports.
16:49
90' Iminota y'inyongera
Umusifuzi wa Kane, Ugirashebuja Ibrahim, yerekanye iminota itanu y'inyongera.
16:47
89' Ikarita y'umuhondo
Muganuza Jean Pierre ahawe ikarita y'umuhondo nyuma yo kwigusha mu rubuga rw'amahina.
Marine FC yari imaze kubona uburyo bw'ishoti rya Ndikumana Fabio rikuwemo na Ndzila.
Marine FC yari imaze kubona uburyo bw'ishoti rya Ndikumana Fabio rikuwemo na Ndzila.
16:45
86' Ikarita y'umuhondo
Ilunga Ngoy ahawe ikarita y'umuhondo akiniye nabi Aziz Bassane mu kibuga cya Marine FC.
Bassane aryamye hasi kugira ngo yitabweho n'abaganga.
Bassane aryamye hasi kugira ngo yitabweho n'abaganga.
16:42
85' Umukino ugeze mu minota itanu ya nyuma
16:40
81' Igitego cya Rayon Sports
Aziz Bassane afunguye amazamu i Rubavu, atsindira Rayon Sports ku mupira uhinduwe na Tambwe Gloire.
16:37
78' Gusimbuza
Adama Bagayogo asimbuye Habimana Yves ku ruhande rwa Rayon Sports.
16:36
78' Rayon Sports ihushije uburyo bwiza
Tony Kitoga ahinduye umupira mwiza wa koruneri, Youssou Diagne awukinnye n'umutwe uca ku ruhande rw'izamu.
16:33
75' Gusimbuza
Mbonyumwami Taiba a'simbuwe na Nyarugabo Moise ku ruhande rwa Marine FC.
16:32
73' Coup-franc ya Rayon Sports
Hoziyana Kennedy akiniye nabi Ishimwe Fiston.
Ikosa rihanwe na Serumogo Ali, umupira ushyirwa muri koruneri n'umunyezamu Irambona Vally.
Ikosa rihanwe na Serumogo Ali, umupira ushyirwa muri koruneri n'umunyezamu Irambona Vally.
16:29
70' Umukino winjiye mu minota 20 ya nyuma
Amakipe yombi ari gukina acungana muri iyi minota ndetse umupira uri gukinirwa cyane mu kibuga hagati.
16:24
65' Marine FC ihushije uburyo bwiza
Usabimana Olivier ahinduye umupira mwiza mu rubuga rw'amahina, Nizeyimana Mubaraka n'umunyezamu Ndzila ntibawukina, usanga Ndombe uwufunze, ariko Diagne arahagoboka akiza izamu.
16:21
62' Umukino urahagaze
Myugariro wa Rayon Sports, Youssou Diagne, yicaye hasi asaba kwitabwaho n'abaganga nyuma yo kugongana na rutahizamu wa Marine FC.
16:20
62' Marine FC yirangayeho
Usabimana Olivier yinjiranye umupira yashoboraga gukinana na bagenzi be batatu, ahitamo gutera ishoti rigiye hejuru y'izamu.
16:19
60' Gusimbuza
Ishimwe Fiston asimbuye Harerimana Abderaziz naho Tony Kitoga asimbura Niyonzima Olivier 'Seif' ku ruhande rwa Rayon Sports.
16:16
57' Gusimbuza
Nizeyimana Mubaraka na Ndikumana Fabio basimbuye Ishimwe Kevin na Sibomana Sultan Bobo ku ruhande rwa Marine FC.
16:14
55' Uburyo bwa Marine FC
Sibomana Sultan afashe umupira utakajwe na Rayon Sports inyuma y'urubuga rwayo rw'amahina, atera ishoti rikomeye rigiye ku ruhande rw'izamu.
16:11
52' Umukino urimo amakosa menshi
Muri izi ntangiriro z'igice cya kabiri, amakipe yombi ari gukora amakosa menshi mu kibuga, ku buryo umukino uri guhagarara buri kanya.
16:08
48' Gusatira kwa Rayon Sports
Serumogo ahinduye umupira ahawe na Bassane, ujya muri koruneri.
Ndayishimiye Richard awusubije mu kibuga, Youssou Diagne awushyira hanze n'umutwe.
Ndayishimiye Richard awusubije mu kibuga, Youssou Diagne awushyira hanze n'umutwe.
16:05
47' Umukino uhagaze gato
Umusifuzi Rulisa Patience asabye ko umukino uhagarara kugira ngo havurwe Hoziyana Kennedy wagonganye na Harerimana Abdelaziz wa Rayon Sports.
16:03
46' Igice cya kabiri cyatangiye
Marine FC ni yo itangiranye umupira mu gice cya kabiri, Mbonyumwami Thaiba asubiza inyuma kuri bagenzi be.
15:54
Ku bindi bibuga
HT: Gicumbi FC 1-0 Etincelles FC
18:30 AS Kigali vs Kiyovu Sports
15:49
Igice cya mbere kirarangiye
Iminota 45 ibanza y'umukino w'Umunsi wa Gatandatu wa Shampiyona uri kubera kuri Stade Umuganda, irangiye Marine FC inganya na Rayon Sports ubusa ku busa.
15:48
45+2' Rayon Sports yongeye kurokoka
Niyonzima Olivier 'Seif' akiniye nabi Ishimwe Kevin mu kibuga hagati, ahagana mu ruhande.
Ikosa rihanwe na Kevin ubwe, umunyezamu Ndzila akubita umupira ibipfunsi uvamo.
Ndzila yongeye gutabara Rayon Sports, na bwo akuramo undi mupira ukomeye.
Ikosa rihanwe na Kevin ubwe, umunyezamu Ndzila akubita umupira ibipfunsi uvamo.
Ndzila yongeye gutabara Rayon Sports, na bwo akuramo undi mupira ukomeye.
15:45
45' Iminota itatu y'inyongera
Umusifuzi wa Kane, Ugirashebuja Ibrahim, yerekanye iminota itatu y'inyongera.
15:44
42' Coup-franc ya Marine FC
Niyonzima Olivier 'Seif' akiniye nabi Vingile Ndombe inyuma y'urubuga rw'amahina mu ruhande.
Ikosa rihanwe na Hoziana Kennedy, umupira ujya hejuru y'izamu.
15:41
40' Gusatira kwa Rayon Sports
Nshimiyimana Emmanuel 'Kabange' ateye ishoti rikomeye ari inyuma y'urubuga rw'amahina, umupira ufatwa neza na Irambona Vally.
15:38
38' Ubwo Niyonkuru Hashim yavaga mu kibuga mu minota ya mbere y'umukino
15:36
35' Rayon Sports irarokotse
Mbonyumwami Taiba yinjiranye umupira ibumoso, ananira Youssou Diagne, awuhinduye mu izamu ukurwaho na Pavelh Ndzila n'ukuguru kuko yasaga n'uwaguye.
15:35
34' Coup-franc ya Marine FC
Habimana Yves akiniye nabi Sibomana Sultan Bobo, ikosa rihanwe n'uyu mukinnyi wa Marine FC atera umupira hanze.
15:32
31' Ikarita y'umuhondo
Rutayisire Amani ahawe ikarita y'umuhondo akiniye nabi Aziz Bassane mu kibuga hagati.
15:29
28' Ubundi buryo bwa Marine FC
Ndombe Vingile acenze abakinnyi babiri ba Rayon Sports, atanga umupira kuri Muganuza Jean Pierre na we ucenze abandi, atera ishoti rikomeye rinyuze hejuru y'izamu.
15:25
25' Amakipe yombi aracyashaka igitego
15:23
22' Gusatira kwa Rayon Sports
Aziz Bassane azamukanye umupira, awutanga kuri Tambwe Gloire uwuhinduye mu rubuga rw'amahina, ufatwa neza n'umunyezamu Irambona Vally wa Marine FC.
15:22
21' Pavelh Ndzila yababaye
Rutayisire Amani wa Marine FC ahinduye umupira mwiza wa koruneri, umunyezamu Ndzila awurenza izamu, ariko agongana na ryo.
15:20
19' Umukino wahagaze
Mu gihe Marine FC yitegura gutera koruneri, umusifuzi asabye ko umukino uba uhagaze hakazirikwa inshundura z'izamu.
15:19
17' Rayon Sports irarokotse
Ishimwe Kevin yinjiranye umupira, atera ishoti rifashe igiti cy'izamu, umupira uvamo, usanga Ndombe Vingile uteye mu izamu, Musore Prince awukuraho.
Marine FC ikomeje gukomanga.
15:15
14' Gusimbuza
Usabimana Olivier asimbuye Niyonkuru Hashim wababaye nyuma yo kugongana na Musore Prince wa Rayon Sports.
15:13
12' Marine FC igiye gusimbuza
Umukinnyi wa Marine FC uryamye hasi nyuma yo kugongana na Musore Prince, asabiwe gusimbuzwa.
Umukino wahagaze mu gihe ari kwitabwaho n'abaganga.
Umukino wahagaze mu gihe ari kwitabwaho n'abaganga.
15:12
11' Uko Marine FC na Rayon Sports zaserutse kuri iki Cyumweru
15:11
9' Coup-franc ya Rayon Sports
Sibomana Sultan Bobo akiniye nabi Tambwe Gloire mu kibuga hagati cya Marine FC, ariko usatira urubuga rw'amahina.
Ikosa rihanwe na Nshimiyimana Emmanuel, umupira ugonga urukuta ujya hanze.
15:09
7' Uburyo bwa Rayon Sports busubijwe inyuma
Harerimana ahinduye umupira mu rubuga rw'amahina, usanga Habimana Yves uwushyizeho umutwe, ufatwa Irambona Valy, ariko umusifuzi wo ku ruhande agaragaza ko hari habayeho kurarira.
15:07
6' Marine FC yongeye guhusha uburyo bwabazwe
Pavelh Ndzila akuyemo umupira, ukomeza kwisirisimba hafi y'izamu, usanga Sultan Bobo uteye ishoti rijya hejuru y'izamu.
15:04
3' Rayon Sports irarokotse
Sultan Bobo yinjiranye umupira, awuha Ishimwe Kevin uwuteye mu izamu, uhura na Pavelh Ndzila wasohotse neza, awusubiza inyuma/
Marine FC itangiye isatira.
15:03
2' Gusatira kwa Marine FC
Youssou Diagne atakaje umupira, Marine FC ihita ikora contre-attaque, umupira uhinduwe na Rutayisire Amani ushyirwa muri koruneri na Serumogo, ariko umusifuzi wo ku ruhande agaragaza ko hari habayeho kurarira.
15:00
Umukino uratangiye
Rayon Sports ni yo itangiranye umupira, Habimana Yves asubiza inyma kuri bagenzi be bari gukinira mu kibuga cyabo.
14:56
Abakinnyi ba Marine FC babanje mu kibuga
Umutoza wa Marine FC, Rwasamanzi Yves, yahisemo gukoresha:
Irambona Vally
Muganuza Jean Pierre
Bizimana Ibutihadji
Rutayisire Amani
Mukire Confiance
Sibomana Sultan Bobo
Hoziana Kennedy
Mbonyumwami Taiba (C)
Menayame Vingile Ndombe
Ishimwe Kevin
Ngoy Ilunga
Irambona Vally
Muganuza Jean Pierre
Bizimana Ibutihadji
Rutayisire Amani
Mukire Confiance
Sibomana Sultan Bobo
Hoziana Kennedy
Mbonyumwami Taiba (C)
Menayame Vingile Ndombe
Ishimwe Kevin
Ngoy Ilunga
14:47
Abasifuzi b'umukino
Rulisa Patience usanzwe ari umusifuzi mpuzamahanga, ni we ugiye kuyobora umukino wa Marine FC na Rayon Sports.
Abasifuzi bo ku ruhande ni Akimana Juliette na Ntirenganya Elie.
Umusifuzi wa Kane ni Ugirashebuja Ibrahim naho Komiseri w'umukino ni Munyemana Hudu.
14:40
Abakinnyi ba Marine FC na Rayon Sports bishyushya
14:39
Abakinnyi ba Rayon Sports babanje mu kibuga
Umutoza w'Agateganyo wa Rayon Sports, Haruna Ferouz, yahisemo gukoresha:
Pavelh Ndzila
Serumogo Ali (C)
Musore Prince
Youssu Diagne
Nshimiyimana Emmanuel
Ndayishimiye Richard
Harerimana Abdelaziz
Tambwe Gloire
Habimana Yves
Niyonzima Olivier 'Seif'
Aziz Bassane
Pavelh Ndzila
Serumogo Ali (C)
Musore Prince
Youssu Diagne
Nshimiyimana Emmanuel
Ndayishimiye Richard
Harerimana Abdelaziz
Tambwe Gloire
Habimana Yves
Niyonzima Olivier 'Seif'
Aziz Bassane
14:31
Rayon Sports yakwihimura kuri Marine FC?
Ubwo amakipe yombi aheruka guhura muri Mata 2024, Marine FC na Rayon Sports zanganyije ibitego 2-2 hano kuri Stade Umuganda.
Uyu mukino watumye Rayon Sports itakaza umwanya wa mbere muri Shampiyona ndetse ihagarika abatoza Robertinho na Mazimpaka Andre.
Umwaka w'imikino warangiye iyi kipe yambara ubururu n'umweru iri ku mwanya wa kabiri.
14:25
Ubwo Marine FC yageraga kuri Stade Umuganda
14:21
Abakinnyi ba Rayon Sports bagera kuri Stade Umuganda
14:16
Ikaze kuri Stade Umuganda
Icyumweru cyiza! IGIHE ibahaye ikaze kuri Stade Umuganda y'Akarere ka Rubavu, ahagiye kubera umukino w'Umunsi wa Gatandatu wa Shampiyona hagati ya Marine FC na Rayon Sports.
Marine FC ni iya cyenda n'amanota atandatu mu gihe Rayon Sports iri ku mwanya wa kabiri n'amanota 10.
Umukino uratangira saa Cyenda.