Al-Hilal Club (Omdurman) vs Police FC

Al-Hilal SC 0-0 Police FC

Uko umukino uri kugenda

Umwanditsi

: Eric Tony Ukurikiyimfura

Amafoto

: Umwari Sandrine

19:56

Al-Hilal yatangiye Shampiyona y'u Rwanda inganya na Police FC ya mbere

Ikipe ya Al-Hilal SC yo muri Sudani yanganyije na Police FC ubusa ku busa mu mukino wayo wa mbere muri Shampiyona y'u Rwanda.

Police FC yagize amanota 21 ku mwanya wa mbere, mu mikino icyenda imaze gukina.

Umukinnyi w'umukino yabaye myugariro Issah Yakubu wa Police FC, ahabwa ibihumbi 100 Frw.

Police FC izasubira mu kibuga ku Cyumweru ikina na Musanze FC.

Ni mu gihe Al-Hilal SC ifite umukino w'amatsinda ya CAF Champions League izakirwamo na St-Eloi Lupopo ku Cyumweru.

19:52

Umukino urarangiye

19:49

90' Iminota y'inyongera

Umusifuzi wa Kane, Rulisa Patience, yerekanye iminota ine y'inyongera.

19:39

80' Coup-franc nziza ya Police FC

Ishimwe Christian ahannye ikosa Steven Ebuela yakoreye kuri Mugisha Didier inyuma y'urubuga rw'amahina, umupira uca ku ruhande rw'izamu rya Al-Hilal SC.

19:38

80' Umukino winjiye mu minota 10 ya nyuma

19:37

77' Police FC irarokotse

Adama Coulibali ateye ishoti rikomeye mu izamu, umupira ukurirwa ku murongo na Issah Yakubu.

Amakipe yombi ari gushaka igitego muri iyi minota ya nyuma.

19:33

74' Uburyo bwiza bwa Al-Hilal

Steven Ebuela yinjiranye umupira mu rubuga rw'amahina, awuhinduye mu izamu ushyirwa muri koruneri na Issah Yakubu.

19:29

70' Umukino winjiye mu minota 20 ya nyuma

19:28

68' Ikarita y'umuhondo

Adama Coulibali ahawe ikarita y'umuhondo ashinjwa kwigusha mu rubuga rw'amahina.

19:27

68' Gusimbuza

Akire Temple asimbuye Aprocius Petrus ku ruhande rwa Al-Hilal SC.

19:23

65' Gusimbuza

Ani Elijah asimbuwe na Mugisha Didier ku ruhande rwa Police FC.

19:20

61' Ikarita y'umuhondo

Steven Ebuela ahawe ikarita y'umuhondo akiniye nabi Ani Elijah.

Ikosa rihanwe na Ishimwe Christian, Luzolo akiza izamu, ariko umusifuzi wo ku ruhande agaragaza ko Ani yari yaraririye.

19:18

59' Gusimbuza

Al-Hilal yasimbuje abakinnyi babiri, hinjiramo Kabole na Flomo.

19:17

59' Police FC yari ifunguye amazamu

Police FC yongeye gusatira, Kilongozi Richard atera ishoti rikomeye rinyuze ku ruhande rw'izamu rya Al-Hilal.

19:16

57' Uburyo bwa Al-Hilal

Al-Hilal ihushije uburyo bwiza ku mupira utewe na Lulozo, ukurwamo n'umunyezamu wa Police FC mbere y'uko Kane awutera hanze.

19:14

55' Police FC yamaze kwibona mu mukino

Muri iyi minota ibanza y'igice cya kabiri, Police FC iri gukine neza ndetse igatindana umupira, bitandukanye n'uko yakinaga mu gice cya mbere aho yirwanagaho gusa.

19:11

52' Ubundi buryo bwa Police FC

Ani Elijah akinanye na Ingabire Christian ufunze neza umupira ari inyuma y'urubuga rw'amahina, atera ishoti rikomeye rifashwe neza na Soufiane Farid.

19:08

48' Police FC ihushije uburyo bwiza


Kilongozi Richard acomekewe umupira mwiza ari iburyo, agera mu rubuga rw'amahina atera ishoti rihagaritswe n'umunyezamu Soufiane Farid n'ukuguru mbere y'uko bagenzi be bakiza izamu.

Police FC ihise isubirana umupira, Bacca awuhaye Kilongozi, umusifuzi Mutuyimana Dieudonne agaragaza ko habayeho kurarira.

19:04

Gusimbuza

Mbere y'uko igice cya kabiri gitangira, Kapiteni wa Al-Hilal, Faris Sawedy, yasimbuwe na Ernest Luzolo.

19:03

46' Igice cya kabiri cyatangiye

Police FC yatangiranye umupira mu gice cya kabiri, na yo isubiza inyuma kugira ngo yubake neza.

18:58

Abanya-Sudani n'abapolisi baje gushyigikira amakipe yabo

18:50

Igice cya mbere kirarangiye

Iminota 45 ibanza y'umukino wa Shampiyona uri guhuza Al-Hilal SC na Police FC, irangiye amakipe yombi anganya ubusa ku busa.

18:49

45+2' Ikarita y'umuhondo

Ndayishimiye Dieudonne ahawe ikarita y'umuhondo kubera gukandagira Girumugisha Jean Claude wa Al-Hilal SC.

18:45

45' Iminota y'inyongera

Umusifuzi wa Kane, Rulisa Patience, yerekanye iminota ibiri y'inyongera.

Henry Msanga wababaye agiye hanze gato.

18:43

42' Al-Hilal iracyakomanga

Abanya-Sudani bakomeje gushaka igitego, ariko Police FC yabaye ibamba mu bwugarizi aho byibuze abakinnyi batandatu ari bo bari kuba bari mu rubuga rw'amahina.

18:39

37' Ani Elijah aracyagorwa


Police FC igerageje gusatira izamu rya Al-Hilal, umupira Kilongozi Richard ynjiranye awuha Ani Elijah wongeye kugorwa n'ubwugarizi bwa Al-Hilal SC, buwumukuraho ujya muri koruneri.

Ishimwe Christian awusubije mu kibuga, ushyizweho umutwe na Nsabimana Eric 'Zidane' ujya hanze.

18:32

32' Al-Hilal ikomeje guhiga igitego

18:30

29' Police FC irarokotse

Girumugisha Jean Claude aturutse inyuma ya Issah Yakubu, amutanga imbere ndetse amutwara umupira ateye mu izamu, ariko ufata igiti cy'izamu uvamo.

18:28

26' Coup-franc ya Police FC


Police FC yatinyutse itangira gusatira izamu rya Al-Hilal, ibonye coup-franc itewe na Ishimwe Christian, Abanya-Sudani bakuraho umupira neza.

18:28

26' Coup-franc ya Police FC


Police FC yatinyutse itangira gusatira izamu rya Al-Hilal, ibonye coup-franc itewe na Ishimwe Christian, Abanya-Sudani bakuraho umupira neza.

18:24

25' Umupira uri gukinirwa cyane mu kibuga cya Police FC

18:23

22' Gusatira kwa Police FC

Ani Elijah acomekewe umupira muremure mu rubuga rw'amahina, awutangwa n'umunyezamu wa Al-Hilal SC mbere yo kumukinira nabi.

Umusifuzi Uwikunda avuze ko batereka imbere y'izamu ry'Abanya-Sudani.

18:20

19' Gusatira kwa Al-Hilal

Rutahizamu Sunday Damilare yinjiranye umupira iburyo acenga, ageze mu rubuga rw'amahina atera ishoti ryitambitswe na Henry Msanga.

18:16

16' Ikarita y'umuhondo

Ingabire Christian ahawe ikarita y'umuhondo akubise inkokora myugariro wa Al-Hilal SC, Aprocius Petrus.

18:14

15' Uko Al-Hilal SC na Police FC zaserutse kuri uyu mugoroba

18:11

10' Police FC yabuze umupira

Al-Hilal SC iri gukinira mu kibuga cya Police FC, yayimye umupira.

18:05

5' Police FC irarokotse

Al-Hilal SC ihererekanyije neza hagati ya Damilare, Cole na Girumugisha, Police FC ikiza izamu yirwanaho.

Bwari uburyo bw'igitego ariko umupira ujya muri koruneri.

18:04

3' Coup-franc ya Al-Hilal SC

Ndayishimiye Dieudonne akiniye nabi Girumugisha Jean Claudee ahagana muri koruneri.

Al-Hilal SC ihannye ikosa, Ani Elijah akiza izamu n'umutwe.

17:59

Umukino uratangiye

Umusifuzi Uwikunda Samuel atangije umukino.

Al-Hilal SC itangiranye umupira, Sunday Damilare akinana na bagenzi be.

Iyi kipe yo muri Sudani ni yo yatwaye Shampiyona ya Mauritania muri uyu mwaka (Gicurasi).

17:55

Uko amakipe akurikiranye ku rutonde rwa Shampiyona mbere y'uyu mukino

Al-Hilal SC ya nyuma igiye guhura na Police FC ya mbere muri Shampiyona y'u Rwanda.

17:54

Uko Police FC yitwaye mu mikino itanu iheruka gukina

17:53

Abasifuzi b'umukino

Uwikunda Samuel uzasifura Igikombe cya Afurika kizabera muri Maroc, ni we wahawe kuyobora umukino wa Al-Hilal SC na Police FC.

Abasifuzi bo ku ruhande ni Mutuyimana Dieudonne na Ishimwe Didier.

Umusifuzi wa Kane ni Rulisa Patience naho Komiseri w'Umukino ni Zimulinda Alain.

17:48

Abakinnyi ba Police FC babanje mu kibuga

Umutoza wa Police FC, Ben Moussa, yahisemo kubanzamo:

23 Onesime Rukundo
27 Eric Nsabimana
4 Issah Yakubu
5 Henry Msanga
6 Christian Ishimwe
7 Kirongozi Bazombwa Richard
8 Leonard Gakwaya
11 Christian Ingabire
21 Allain Kwitonda
26 Dieudonne Ndayishimiye
30 Ani Elijah

17:46

Abakinnyi ba Al-Hilal SC babanje mu kibuga

Umutoza wa Al Hilal SC, Laurentiu Reghecampf, yahisemo kubanzamo:

01 Soufiane Farid
22 Faris Sawedy
4 Altayeb Abaker
07 Jean Girumugisha
11 Adama Coulibali
14 Aprocius Petrus
18 Elhadj Kane
24 Steven Ebuela
30 Kindness Cole
31 Sunday Damilare
38 Ousmane Diouf


17:44

Ubwo Police FC yageraga kuri Kigali Pele Stadium

17:43

Ikaze kuri Kigali Pele Stadium

IGIHE ibahaye ikaze kuri Stade ya Kigali yitiriwe Pele, ahagiye kubera umukino wa Shampiyona uhuza Al-Hilal SC na Police FC.

Ni wo mukino wa mbere Al-Hilal SC yo muri Sudani igiye gukina muri Shampiyona y'u Rwanda ndetse igiye guhura na Police FC ya mbere n'amanota 20 mu mikino umunani imaze gukina.

Umukino uratangira saa Kumi n'Ebyiri zuzuye.