Gicumbi FC 1-1 Rayon Sports
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
17:01
Gicumbi FC ihagamye Rayon Sports
Rayon Sports yujuje imikino itatu yikurikiranya nta ntsinzi, nyuma yo kunganya na Gicumbi FC igitego 1-1 mu mukino w'Umunsi wa Cyenda wa Shampiyona waberaga kuri Kigali Pele Stadium.
Gikundiro igize amanota 14 ku mwanya wa gatanu naho Gicumbi FC igira amanota icyenda ku mwanya wa 12.
Umukinnyi w'umukino yabaye Ndayishimiye Richard wa Rayon Sports, ahabwa ibihumbi 100 Frw.
Indi mikino yabaye, Amagaju FC yatsinzwe na Gasogi United igitego 1-0 na Rutsiro FC itsindwa na AS Muhanga igitego 1-0.
Gikundiro igize amanota 14 ku mwanya wa gatanu naho Gicumbi FC igira amanota icyenda ku mwanya wa 12.
Umukinnyi w'umukino yabaye Ndayishimiye Richard wa Rayon Sports, ahabwa ibihumbi 100 Frw.
Indi mikino yabaye, Amagaju FC yatsinzwe na Gasogi United igitego 1-0 na Rutsiro FC itsindwa na AS Muhanga igitego 1-0.
16:57
90+7 Umukino urarangiye
16:57
90+5' Rayon Sports yihagazeho
Umunyezamu Agape atanze nabi umupira, ufatwa na Habimana Yves uhise uwutera, ku bw'amahirwe ye make ujya hejuru y'izamu.
16:51
90' Iminota itanu y'inyongera
Umusifuzi wa Kane, Akingeneye Hicham, yerekanye iminota itanu y'inyongera ndetse ni yo isigaye kuri buri kipe ishaka intsinzi kuri uyu wa Gatandatu.
16:47
84' Igitego cya Rayon Sports
Tony Kitoga ahannye ikosa ku mupira wakozwe na myugariro wa Gicumbi FC inyuma y'urubuga rw'amahina, umupira ushyirwa mu izamu na Ndikumana Asman n'umutwe.
Abakinnyi ba Gicumbi FC bagaragaza ko harimo kurarira.
Gicumbi FC 1-1 Rayon Sports.
Abakinnyi ba Gicumbi FC bagaragaza ko harimo kurarira.
Gicumbi FC 1-1 Rayon Sports.
16:43
81' Ikarita y'umuhondo
Umunyezamu wa Gicumbi FC, Iti Ndiho Agape, ahawe ikarita y'umuhondo kubera gutinza umukino.
16:42
80' Umukino ugeze mu minota 10 ya nyuma
Rayon Sports iri gusatira ishaka igitego cyo kwishyura.
16:41
79' Uburyo bwa Rayon Sports
Sindi Paul Jesus ahinduye umupira mwiza mu rubuga rw'amahina ashaka Asman na Yves, umunyezamu Agape asohoka neza, arawuhoza mbere yo kuwufata neza.
16:37
75' Gusimbuza
Habimana Yves asimbuye Adama Bagayogo ku ruhande rwa Rayon Sports.
16:36
74' Rayon Sports irarokotse
Ndikumana Arteta acomekewe umupira mwiza mu rubuga rw'amahina, awuteye mu izamu ushyirwa muri koruneri na Mugisha Yves.
16:33
71' Uburyo bwa Rayon Sports
Ndikumana Asman ahinduye umupira mu rubuga rw'amahina, habura mugenzi we uwukina, ukurwaho n'abakinnyi ba Gicumbi FC mbere y'uko Tony Kitoga awutera ku ruhande rw'izamu.
16:32
70' Umukino winjiye mu minota 20 ya nyuma
16:29
66' Gusimbuza
Rayon Sports ihushije uburyo bwiza ku mupira wari uhinduwe na Sindi Paul mu rubuga rw'amahina, ikoze impinduka, Ndikumana Asman asimbura Ishimwe Fiston.
16:25
63' Gusimbuza
Rubuguza Jean Pierre asimbuwe na Ntibazonyiza Djuma ku ruhande rwa Gicumbi FC.
16:24
61' Igitego cya Gicumbi FC
Rubuguza Jean Pierre atsindiye Gicumbi FC ku ishoti atereye mu rubuga rw'amahina, umunyezamu Mugisha Yves ntiyabasha guhagarika umupira.
Gicumbi FC 1-0 Rayon Sports.
Gicumbi FC 1-0 Rayon Sports.
16:22
60' Amakipe yombi aracyashaka igitego
16:17
55' Gusimbuza
Umunyezamu Ahishakiye Heritier wavunitse, asimbuwe na Iti Ndiho Agape ku ruhande rwa Gicumbi FC.
16:14
52' Umunyezamu wa Gicumbi FC yongeye kuryama
Ahishakiye Heritier aryamye hasi ku nshuro ya gatatu mu mukino, kuva ku munota wa 40.
Uyu munyezamu ari gukinira ku babare nyuma yo kugongana na Bassane mu gice cya mbere.
Uyu munyezamu ari gukinira ku babare nyuma yo kugongana na Bassane mu gice cya mbere.
16:13
50' Rayon Sports yasabaga penaliti
Bayisenge Emery afashe umupira ari mu rubuga rw'amahina rwa Gicumbi Fc, awushota myugariro wayo, abakinnyi ba Rayon Sports bagaragaza ko yawukinishije akaboko mu gihe umusifuzi yaretse umukino ugakomeza.
16:11
49' Abafana ba Rayon Sports bari gusaba gusimbuza
Binyuze mu magambo no mu bimenyetso, abafana ba Rayon Sports bashyize umutoza Haruna Ferouz ku gitutu bamusaba gusimbuza.
16:07
46' Igice cya kabiri cyatangiye
Gicumbi FC yatangiranye umupira mu gice cya kabiri, ihita iwushyira imbere mu kibuga cya Rayon Sports.
15:52
45+5' Igice cya mbere kirarangiye
Igice cya mbere cy'umukino w'Umunsi wa Cyenda wa Shampiyona uri guhuza Gicumbi FC na Rayon Sports i Nyamirambo, kirangiye amakipe yombi anganya ubusa ku busa.
I Huye, Amagaju FC na Gasogi United na zo zagiye kuruhuka ari ubusa ku busa ndetse ni ko bimeze i Rubavu aho Rutsiro FC iri gukinira na AS Muhanga.
I Huye, Amagaju FC na Gasogi United na zo zagiye kuruhuka ari ubusa ku busa ndetse ni ko bimeze i Rubavu aho Rutsiro FC iri gukinira na AS Muhanga.
15:50
45+4' Umukino wongeye guhagarara
Umunyezamu wa Gicumbi FC, Ahishakiye Heritier, yongeye kuryama hasi.
Birasa n'aho yababaye cyane kuko Aziz Bassane yamuguye mu gatuza ubwo bagonganaga.
Birasa n'aho yababaye cyane kuko Aziz Bassane yamuguye mu gatuza ubwo bagonganaga.
15:46
45' Iminota y'inyongera
Umusifuzi wa Kane, Akingeneye Hicham, yerekanye iminota ibiri y'inyongera.
Umunyezamu Ahishakiye aracyari hasi mu gihe Bassane yahagurutse.
Umunyezamu Ahishakiye aracyari hasi mu gihe Bassane yahagurutse.
15:46
45' Umukino uhagaze gato
Umusifuzi ahagaritse umukino nyuma y'uko umunyezamu Ahishakiye Heritier aonganye na Aziz Bassane imbere y'izamu rya Gicumbi FC.
15:39
38' Coup-franc nziza ya Rayon Sports
Ndayishimiye Richard ateye ishoti rikomeye ahana ikosa ryakorewe kuri Bassane, umunyezamu Ahishakiye Heritier asohoka neza, akuraho umupira n'ibipfunsi.
15:37
37' Ikarita y'umuhondo
Kwitonda Ally ahawe ikarita y'umuhondo akiniye nabi Aziz Bassane wari hafi kwinjira mu rubuga rw'amahina.
15:36
35' Uko byifashe ku bibuga byose
Gicumbi FC 0-0 Rayon Sports
Amagaju FC 0-0 Gasogi United
Rutsiro FC 0-0 AS Muhanga
Amagaju FC 0-0 Gasogi United
Rutsiro FC 0-0 AS Muhanga
15:32
31' Abayobozi bashya ba Rayon Sports bari mu bitabiriye umukino
15:29
28' Rayon Sports ihushije uburyo bwabazwe
Bagayogo ahaye umupira Youssou Diagne atinda kuwutsinda, ugarukira Bagayogo uteye ishoti rikomeye rijya ku ruhande rw'izamu.
15:28
27' Gicumbi FC yari yitsinze
Aziz Bassane yinjiranye umupira mu rubuga rw'amahina, anyuze iburyo umupira awuteye ushyirwa muri koruneri na myugariro wa Gicumbi FC.
15:26
25' Ubwitabire bw'abafana buri hasi
Nubwo umukino wabaye mu mpera z'icymweru, abafana bawitabiriye si benshi kuko byagorana kubona abagera ku 2000 i Nyamirambo.
Rayon Sports yakabaye ifite benshi, imaze iminsi mu bihe bibi haba mu kibuga no mu buyobozi, ibyatumye inzego zayo ziseswa hagashyirwaho komite y'agateganyo.
Rayon Sports yakabaye ifite benshi, imaze iminsi mu bihe bibi haba mu kibuga no mu buyobozi, ibyatumye inzego zayo ziseswa hagashyirwaho komite y'agateganyo.
15:21
20' Ikarita y'umuhondo
Hakizimana Felicien ahawe ikarita y'umuhondo akiniye nabi Sindi Paul Jesus.
15:19
18' Coup-franc ya Rayon Sports
Sindi Paul Jesus ahannye ikosa ryakorewe kuri Ishimwe Fiston hafi y'urubuga rw'amahina mu ruhande, umupira ushyirwa muri koruneri na myugariro wa Gicumbi FC.
15:17
16' Gicumbi FC ihushije uburyo bwiza
Bahati Clement ahagaritse umupira hafi y'izamu, awuzamura hagati ashaka Lola Kanda Moise, ariko Ganijuru akina neza awukuraho.
Rayon Sports iracyarushwa.
Rayon Sports iracyarushwa.
15:14
Indi mikino iri kuba
I Huye, Amagaju FC yakiriye Gasogi United.
I Rubavu, Rutsiro FC iri gukina na AS Muhanga.
I Rubavu, Rutsiro FC iri gukina na AS Muhanga.
15:12
11' Gicumbi FC ntiyoroheye Rayon Sports
Muri iyi minota, Gicumbi FC iri kubonana neza ndetse iri gukinira hafi y'izamu rya Rayon Sports.
Rayon Sports yatsinzwe imikino ibiri iheruka gukina.
Rayon Sports yatsinzwe imikino ibiri iheruka gukina.
15:11
10' Umutoza wa Rayon Sports ntajya ahindura imyambaro atozanya?
Ku mukino wa gatandatu wikurikiranya, kuva asigaranye ikipe nyuma y'igenda rya Lotfi, umutoza Haruna Ferouz agiye gutoza yambaye imyambaro yambaye ku mikino iheruka.
Hari abibaza niba afite imipira myinshi isa cyangwa niba ari umwe ahoramo.
Hari abibaza niba afite imipira myinshi isa cyangwa niba ari umwe ahoramo.
15:07
7' Uko amakipe yombi yaserutse kuri iki gicamunsi
15:03
2' Gusatira ku makipe yombi
Rayon Sports igerageje uburyo bw'umupira uhinduwe mu rubuga rw'amahina na Kabange, ukurwaho n'ubwugarizi bwa Gicumbi FC.
Iyi kipe yo mu Majyaruguru ihise ikora contre-attaque, Bahati Clement ateye ishoti yubitse, rica imbere y'izamu rya Rayon Sports.
15:00
Umukino uratangiye
Umusifuzi Nizeyimana Is'haq atangije umukino.
Rayon Sports ni yo itangiranye umupira, Adama Bagayogo asubiza inyuma kuri bagenzi be barimo Ndayishimiye Richard.
Rayon Sports ni yo itangiranye umupira, Adama Bagayogo asubiza inyuma kuri bagenzi be barimo Ndayishimiye Richard.
14:59
Abakinnyi ba Gicumbi FC babanje mu kibuga
Ahishakiye
Govin (C)
Felicien
Ally
Moise
Nzeyimana
Clement
Lulihoshi
Loli Kanda
Rubuguza
Arteta
14:56
Amakipe yombi yishushya
14:55
Uko Rayon Sports yitwaye mu mikino itanu iheruka gukina
14:54
Umusaruro wa Gicumbi FC mu mikino itanu iheruka
14:30
Uko Gicumbi FC na Rayon Sports zitwaye mu mikino itanu iheruka kuzihuza
14:28
Abakinnyi ba Rayon Sports babanje mu kibuga
Umutoza w'Agateganyo wa Rayon Sports, Haruna Ferouz, yahisemo gukoresha:
Mugisha Yves
Nshimiyimana Emmanuel
Ishimwe Elie Ganijuru
Emery Bayisenge
Youssou Diagne (C)
Ndayishimiye Richard
Ishimwe Fiston
Tony Kitoga
Adama Bagayogo
Aziz Bassane
Sindi Paul Jesus
Mugisha Yves
Nshimiyimana Emmanuel
Ishimwe Elie Ganijuru
Emery Bayisenge
Youssou Diagne (C)
Ndayishimiye Richard
Ishimwe Fiston
Tony Kitoga
Adama Bagayogo
Aziz Bassane
Sindi Paul Jesus
14:21
Ubwo Rayon Sports yageraga ku kibuga
14:20
Ikaze kuri Kigali Pele Stadium
IGIHE ibahaye ikaze kuri Stade ya Kigali yitiriwe Pele, ahagiye kubera umukino w'Umunsi wa Cyenda wa Shampiyona hagati ya Gicumbi FC na Rayon Sports.
Amakipe yombi yatsinzwe imikino aheruka gukina, aho Gicumbi FC yatsinzwe na Police FC ibitego 2-1 naho Rayon Sports itsindwa na AS Kigali ibitego 2-0.
Kuri ubu Gicumbi FC iri ku mwanya wa 12 n'amanota umunani mu gihe Rayon Sports ifite amanota 13 ku mwanya wa gatanu.
Amakipe yombi yatsinzwe imikino aheruka gukina, aho Gicumbi FC yatsinzwe na Police FC ibitego 2-1 naho Rayon Sports itsindwa na AS Kigali ibitego 2-0.
Kuri ubu Gicumbi FC iri ku mwanya wa 12 n'amanota umunani mu gihe Rayon Sports ifite amanota 13 ku mwanya wa gatanu.