APR FC 2-1 Etincelles FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: |
19:54
APR FC yongeye gusubira ku mwanya wa kabiri
APR FC itsinze Etincelles FC ibitego 2-1 mu kirarane cy'Umunsi wa Gatatu wa Shampiyona, ifata umwanya wa kabiri n'amanota 18 aho irushwa amanota ane na Police FC ya mbere.
Iyi kipe yambara umukara n'umweru imaze gukina imikino icyenda mu gihe Police FC zizahura ku wa Gatandatu, yo yakinnye imikino 10.
Etincelles FC yagumye ku mwanya wa 15 n'amanota arindwi.
Umukinnyi w'umukino yabaye Mamadou Sy wa APR FC, ahabwa igihembo cy'ibihumbi 100 Frw.
19:52
Umukino urarangiye
19:51
90+4' Coup-franc ya Etincelles FC
Ngabonziza Pacifique akiniye nabi Manace Mutatu hafi y'urubuga rw'amahina, ikosa rihanwe na Ndonga Bivula ujya hejuru y'izamu.
19:50
90+2' Ikarita y'umuhondo
Umunyezamu wa APR FC, Ishimwe Pierre ahawe ikarita y'umuhondo kubera gutinza umukino.
19:49
90+1' Gusatira kwa APR FC
Byiringiro Gilbert ahinduye umupira mu rubuga rw'amahina, Denis Omedi awukinnye n'umutwe ufatwa n'umunyezamu wa Etincelles FC, Ndikumana Justin.
19:47
90' Iminota ine y'inyongera
Umusifuzi wa kane yerekanye iminota ine y'inyongera.
19:46
86' APR FC ihushije uburyo bwiza
Bugingo Hakim ahannye ikosa, umupira ashyize mu rubuga rw'amahina ukurwaho n'umukinnyi wa Etincelles FC mbere y'uko Hakim Kiwanuka awutera ku ruhande.
19:42
84' Etincelles FC iracyasatira
Etincelles FC ikomeje gukina neza muri iyi minota ya nyuma. Manace Mutatu acenze Bugingo Hakim, atera ishoti rigiye ku ruhande rw'izamu.
19:41
83' Uburyo bwa Etincelles FC
Niyonkuru Sadjati ateye ishoti rikomeye ari inyuma y'urubuga rw'amahina, umupira uca hejuru gato y'izamu rya APR FC.
19:36
79' Gusimbuza
Niyomugabo Claude na Ruboneka Bosco basimbujwe Bugingo Hakim na Iraguha Hadji ku ruhande rwa APR FC.
Nshimiyimana Yunussu ni we wasigaranye igitambaro cya Kapiteni.
Nshimiyimana Yunussu ni we wasigaranye igitambaro cya Kapiteni.
19:33
75' Niyomugabo yababaye cyane
Mugisha Gilbert atakaje umupira ufashwe na Manace Mutatu Mbedi, atera ishoti rikomeye risubijwe inyuma bitunguranye na Niyomugabo Claude ukinishije umutwe.
Kapiteni wa APR FC ahise aryama hasi agaragaza ko yababaye, ahamagarizwa abaganga ngo bamwiteho.
Kapiteni wa APR FC ahise aryama hasi agaragaza ko yababaye, ahamagarizwa abaganga ngo bamwiteho.
19:31
72' Gusimbuza
Ibrahim Kasapu yasimbuye Tuyisenge Hamad ku ruhande rwa Etincelles FC.
19:29
72' Gusimbuza
Denis Omedi, Hakim Kiwanuka na Mugisha Gilbert basimbuye Djibril Ouattara, Mamadou Sy na William Togui ku ruhande rwa APR FC.
19:25
68' Gusimbuza
Manace Mutatu Mbedi asimbuye Ciza Hussein ku ruhande rwa Etincelles FC.
19:24
67' APR FC ihushije igitego cyabazwe
Ruboneka Bosco ahinduye umupira mwiza mu rubuga rw'amahina, Mamadou Sy awushyizeho umutwe ujya hanze.
19:23
65' Etincelles FC yanganyije imikino irindwi kugeza ubu
Mu mikino umunani iyi kipe y'i Rubavu imaze gukina, yatsinzwe umwe, inganya irindwi.
Ubwo Etincelles FC iheruka guhurira na APR FC kuri iki kibuga, amakipe yombi yanganyije ibitego 2-2.
APR FC yari yatsinze ibitego bibiri mu gice cya mbere, Etincelles FC ibyishyura mu gice cya kabiri.
Turacyafite indi minota 25 hano i Nyamirambo.
Ubwo Etincelles FC iheruka guhurira na APR FC kuri iki kibuga, amakipe yombi yanganyije ibitego 2-2.
APR FC yari yatsinze ibitego bibiri mu gice cya mbere, Etincelles FC ibyishyura mu gice cya kabiri.
Turacyafite indi minota 25 hano i Nyamirambo.
19:18
61' Coup-franc ya APR FC
Ruboneka Bosco ahannye ikosa ryakorewe kuri Togui, umupira ukora ku mutwe w'umukinnyi wa Etincelles FC ujya muri koruneri.
19:17
59' Ikarita y'umuhondo
Gedeon Ndonga Mbivula ahawe ikarita y'umuhondo agushije William Togui wari ugiye kwinjira mu rubuga rw'amahina rwa Etincelles FC.
19:15
58' Ikarita y'umuhondo
Tuyisenge Hamad ahawe ikarita y'umuhondo akiniye nabi Mamadou Sy ahagana muri koruneri.
19:13
55' Etincelles FC iri gukina neza
Etincelles FC ikomeje kugaragaza imbaraga nyinshi mu gice cya kabiri, kurusha APR FC.
Iyi kipe y'i Rubavu igerageje irindi shoti, umupira utewe na Ishimwe Djabil ujya ku ruhande rw'izamu.
Iyi kipe y'i Rubavu igerageje irindi shoti, umupira utewe na Ishimwe Djabil ujya ku ruhande rw'izamu.
19:10
52' Ubundi buryo bukomeye bwa Etincelles FC
Ishimwe Djabil ahawe umupira ari hagati mu kibuga cya APR FC, atera intambwe eshatu mbere yo kurekura ishoti rikomeye, umupira ukubita igiti cy'izamu ujya hanze.
Umunyezamu wa APR FC, Ishimwe Pierre, wari wagerageje kuwukurikira, yahise aryama hasi agaragaza ko yagize ikibazo ariko nyuma yo kwitabwaho n'abaganga umukino urakomeje.
Umunyezamu wa APR FC, Ishimwe Pierre, wari wagerageje kuwukurikira, yahise aryama hasi agaragaza ko yagize ikibazo ariko nyuma yo kwitabwaho n'abaganga umukino urakomeje.
19:05
47' Igitego cya Etincelles FC
Gedeon Ndonga Bivula yishyuriye Etincelles FC igitego cya mbere ku mupira abakinnyi ba APR FC bananiwe gukura mu izamu, uvuye muri koruneri.
19:04
47' APR FC irarokotse
Etincelles FC iteye umupira muremure mu rubuga rw'amahina, ukurwaho na Niyomugabo n'umutwe, usanga Niyonkuru Sadjati uteye ishoti rishyirwa muri koruneri na Ishimwe Pierre.
19:02
46' Igice cya kabiri cyatangiye
APR FC yagiye kuruhuka ifite ibitego bibiri, itangiye igice cya kabiri ikinira mu kibuga cyayo.
19:01
Gusimbuza
Ishimwe Djabil na Denis Kaweesa basimbuye Nsabimana Hussein na Robert Mukoghotya ku ruhande rwa Etincelles FC.
18:48
Igice cya mbere kirarangiye
Iminota 45 ibanza y'umukino w'Umunsi wa Gatatu wa Shampiyona utarabereye igihe, uri kubera kuri Kigali Pele Stadium, irangiye APR FC yatsinze Etincelles FC ibitegi 2-0 bya Mamadou Sy na Djibril Ouattara.
18:46
45+1' Igitego cya kabiri cya APR FC
Djibril Ouattara atsinze igitego cya mbere muri Shampiyona y'uyu mwaka ku mupira ahawe na Mamadou Sy mu rubuga rw'amahina.
APR FC 2-0 Etincelles FC.
APR FC 2-0 Etincelles FC.
18:45
45' Iminota y'inyongera
Umusifuzi wa kane yerekanye iminota ibiri y'inyongera.
18:44
42' Ikarita y'umuhondo
Nsabimana Hussein ahawe ikarita y'umuhondo akiniye nabi Niyomugabo Claude mu rubuga rw'amahina rwa APR FC.
18:41
40' APR FC iracyasatira
Mamadou Sy acomekewe umupira muremure, awuhindura mu izamu usanga Ouattara yaguye, Togui awusubijemo uba muremure kuri Sy ujya hanze.
18:39
38' APR FC ihushije igitego cyabazwe
Ouattara ahaye umupira William Togui, na we ahindura mu rubuga rw'amahina ashaka Ouattara, awusokozaho n'umutwe mbere y'uko usanga Mamadou Sy uwushyizeho ikirenge, ujya hejuru y'izamu.
18:38
37' Ikarita y'umuhondo
Dauda Yussif Seidu ahawe ikarita y'umuhondo akiniye nabi Niyonkuru Sadjati.
18:36
35' Umukino uhagaze gato
Umukino ubaye uhagaze mu gihe hari kuvurwa umukinnyi wa Etincelles FC uryamye hasi ahagana muri koruneri yo ku izamu rya APR FC.
18:33
32' Igitego cya APR FC
Mamadou Sy afunguye amazamu ku ruhande rwa APR FC ku mupira acomekewe mu buryo bwihuse, amasegonda make nyuma y'uko APR FC yari yangiwe ikindi gitego yari atsinze.
APR FC 1-0 Etincelles FC.
APR FC 1-0 Etincelles FC.
18:32
30' Coup-franc ya APR FC
Ruboneka Bosco atwaye umupira Niyonkuru Sadjati agenda amukurura, ashatse kumucenga ahita amushyira hasi.
Ikosa rihanwe n'uyu mukinnyi wa APR FC, ugonga urukuta, Outtara ateramo ishoti rikurwamo n'umunyezamu, Sy awushyize mu izamu, umusifuzi wo ku ruhande avuga ko habayeho kurarira.
Ikosa rihanwe n'uyu mukinnyi wa APR FC, ugonga urukuta, Outtara ateramo ishoti rikurwamo n'umunyezamu, Sy awushyize mu izamu, umusifuzi wo ku ruhande avuga ko habayeho kurarira.
18:27
26' APR FC guhuza mu busatirizi byanze
Ikipe y'Ingabo ikomeje kugorwa no kugera ku izamu rya Etincelles FC aho kugeza ubu Mamadou Sy uri imbere, nta mipira ari kubona ngo imugereho ku buryo ayikina.
Ouattara na Togui bari guca mu mpande ndetse na Ruboneka agakinira hagana inyuma no mu mpande zitandukanye.
Ouattara na Togui bari guca mu mpande ndetse na Ruboneka agakinira hagana inyuma no mu mpande zitandukanye.
18:21
20' Umunyezamu wa Etincelles FC yavunitse hafi y'ikibuno
Ndikumana Justin ari kwitabwaho n'abaganga nyuma yo kunyerera kuri sima iri inyuma y'ikibuga, akabanza hasi ikibuno.
Ni nyuma yo gushaka kuzibira Mamadou Sy wari usatiriye izamu, amubuza gukina umupira.
Ni nyuma yo gushaka kuzibira Mamadou Sy wari usatiriye izamu, amubuza gukina umupira.
18:18
17' APR FC ikoze amakosa abiri akurikirana mu bwugarizi
Nshimiyimana Yunussu atanze umupira nabi n'umutwe ashaka gukinana na Niyigena Clement, wifatirwa na rutahizamu wa Etincelles FC.
Nyuma yo kuwurenza, umunyezamu Ishimwe Pierre awutanze kuri Byiringiro Jean Gilbert wari warangaye atareba inyuma, ujya hanze.
Nyuma yo kuwurenza, umunyezamu Ishimwe Pierre awutanze kuri Byiringiro Jean Gilbert wari warangaye atareba inyuma, ujya hanze.
18:16
15' Gusatira kwa APR FC
Mamadou Sy ashatse kwinjira ubwugarizi bwa Etincelles FC, umupira ushyirwa muri koruneri na Gedeon Ndonga Bivula.
Ruboneka Bosco asubije umupira mu kibuga, Ouattara awushyizeho umutwe ntiwagera ku izamu.
Ruboneka Bosco asubije umupira mu kibuga, Ouattara awushyizeho umutwe ntiwagera ku izamu.
18:13
12' Dauda Yussif yihanangirijwe
Uyu Munya-Ghana ukina mu kibuga hagati, ahawe gasopo n'umusifuzi Ugirashebuja nyuma yo gukinira nabi Hamza Iranzi.
Umukino urimo amakosa menshi muri iyi minota ibanza.
Umukino urimo amakosa menshi muri iyi minota ibanza.
18:11
10' Coup-franc nziza ya Etincelles FC
Nshimiyimana Yunussu akiniye nabi Robert Muloghotya inyuma y'urubuga rw'amahina, ikosa rihanwe na Ciza Hussein atanga umupira kuri bagenzi be ariko Nshimiyimana Abdou awutera nabi mbere y'uko Ngabonziza Pacifique awukuraho.
18:08
7' Etincelles FC yasunitse APR FC
Kuri ubu umupira uri gukinirwa cyane mu kibuga hagati ndetse ku gice gisatira cyane mu kibuga cya APR FC.
Abakinnyi ba Etincelles FC barimo ba Niyonkuru Sadjati bombi na Ciza Hussein, bari mu bayoboye iyi kipe y'i Rubavu.
Abakinnyi ba Etincelles FC barimo ba Niyonkuru Sadjati bombi na Ciza Hussein, bari mu bayoboye iyi kipe y'i Rubavu.
18:02
3' APR FC yatangiye isatira
William Togui, Mamadou Sy na Djibril Ouattara batangiye guha akazi ubwugarizi bwa Etincelles FC nubwo bataratera mu izamu.
Dauda Yussif yari aryamye hasi nyuma yo gukandagirwa n'umukinnyi wa Etincelles FC ariko yasabye gusubira mu kibuga.
Dauda Yussif yari aryamye hasi nyuma yo gukandagirwa n'umukinnyi wa Etincelles FC ariko yasabye gusubira mu kibuga.
18:00
Umukino watangiye
APR FC ni yo yatangiranye umupira muri uyu mukino uyobowe na Ugirashebuja Ibrahim.
17:59
Uko Etincelles FC yitwaye mu mikino itanu iheruka gukina
17:56
Umusaruro wa APR FC mu mikino itanu iheruka gukina
17:54
Uko amakipe yombi yitwaye mu mikino itanu iheruka kuyahuza
17:53
Abakinnyi ba Etincelles FC babanje mu kibuga
Umutoza wa Etincelles FC, Masudi Djuma, yahisemo kubanzamo:
Justin Ndikumana
Abdou Nshimiyimana (C)
Gedeon Ndonga Bivula
Tuyisenge Hamad
Iraguha Awadi
Niyonkuru Sadjati (19)
Niyonkuru Sadjati (8)
Iranzi Enock Hamza
Ciza Hussein
Nsabimana Hussein
Robert Mukoghotya
Justin Ndikumana
Abdou Nshimiyimana (C)
Gedeon Ndonga Bivula
Tuyisenge Hamad
Iraguha Awadi
Niyonkuru Sadjati (19)
Niyonkuru Sadjati (8)
Iranzi Enock Hamza
Ciza Hussein
Nsabimana Hussein
Robert Mukoghotya
17:49
Abakinnyi ba APR FC babanje mu kibuga
Umutoza wa APR FC, Taleb Abderrahim, yahisemo kubanzamo:
Ishimwe Pierre
Niyigena Clement
Nshimiyimana Yunussu
Niyomugabo Claude (C)
Byiringiro Gilbert
Dauda Yussif
Ngabonziza Pacifique
Ruboneka Jean Bosco
Djibril Ouattara
Mamadou Sy
William Togui.
Ishimwe Pierre
Niyigena Clement
Nshimiyimana Yunussu
Niyomugabo Claude (C)
Byiringiro Gilbert
Dauda Yussif
Ngabonziza Pacifique
Ruboneka Jean Bosco
Djibril Ouattara
Mamadou Sy
William Togui.
17:43
Ikaze kuri Kigali Pele Stadium
IGIHE ibahaye ikaze kuri Stade ya Kigali yitiriwe Umunya-Bresil Pele, ahagiye kubera umukino w'Umunsi wa Gatatu wa Shampiyona utarabereye igihe, ugiye guhuza APR FC na Etincelles FC.
Uyu mukino wari kuba mu Ukwakira, uhurira n'uko APR FC yari muri CAF Champions League aho yahuye na Pyramids FC yo mu Misiri.
Uyu mukino wari kuba mu Ukwakira, uhurira n'uko APR FC yari muri CAF Champions League aho yahuye na Pyramids FC yo mu Misiri.