APR FC 0-0 Police FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
20:27
APR FC igabanye amanota na Police FC
Umukino w'Umunsi wa 10 wa Shampiyona waberaga kuri Kigali Pele Stadium, urangiye APR FC inganyije na Police FC ubusa ku busa.
Ikipe ya Polisi y'u Rwanda igize amanota 23 ku mwanya wa mbere, mu mikino 11 naho APR FC igira amanota 19 ku mwanya wa kabiri ariko yo imaze gukina imikino 10.
Byiringiro Lague wa Police FC yatowe nk'umukinnyi w'umukino, ahabwa ibihumbi 100 Frw.
Indi mikino yabaye kuri uyu wa Gatandatu, AS Muhanga yatsinzwe n'Amagaju FC igitego 1-0, Rutsiro FC inganya na Gorilla FC igitego 1-1 mu gihe Marine FC yagize amanota 18 ku mwanya wa gatatu nyuma yo gutsindira Gasogi United i Kigali ibitego 2-0.
Ikipe ya Polisi y'u Rwanda igize amanota 23 ku mwanya wa mbere, mu mikino 11 naho APR FC igira amanota 19 ku mwanya wa kabiri ariko yo imaze gukina imikino 10.
Byiringiro Lague wa Police FC yatowe nk'umukinnyi w'umukino, ahabwa ibihumbi 100 Frw.
Indi mikino yabaye kuri uyu wa Gatandatu, AS Muhanga yatsinzwe n'Amagaju FC igitego 1-0, Rutsiro FC inganya na Gorilla FC igitego 1-1 mu gihe Marine FC yagize amanota 18 ku mwanya wa gatatu nyuma yo gutsindira Gasogi United i Kigali ibitego 2-0.
20:22
Umukino urarangiye
20:22
90+3' Coup-franc ya APR FC
Byiringiro Lague akiniye nabi Ssekiganda, umupira utewe na Ruboneka ukurwamo n'umunyezamu Rukundo Onesime nyuma yo kuwuhuriraho mu kirere na William Togui.
20:18
90' Iminota y'inyongera
Umusifuzi wa Kane, Irafasha Emmanuel, yerekanye iminota itatu y'inyongera.
20:16
86' Gusatira kwa APR FC
Ruboneka Bosco ahawe umupira na Togui, awuhindura mu rubuga rw'amahina ashaka uyu rutahizamu, akoze ku mupira ujya ku ruhande rw'izamu.
Abakinnyi babiri ba Police FC bagonganye na we, Issah Yakubu asigara hasi avurwa n'abaganga.
Abakinnyi babiri ba Police FC bagonganye na we, Issah Yakubu asigara hasi avurwa n'abaganga.
20:09
80' Umukino winjiye mu minota 10 ya nyuma
Amakipe yombi akomeje gusatirana ashaka igitego.
20:06
76' Police FC ihushije uburyo bwabazwe
Kwitonda Alain Bacca yinjiranye umupira mu rubuga rw'amahina yasize Niyomugabo, atera ishoti rifashe igiti cy'izamu, umupira ujya hanze.
20:04
75' Gusimbuza
Mamadou Sy asimbuwe na Mugisha Gilbert ku ruhande rwa APR FC.
20:03
73' Police FC yirangayeho
Ani Elijah acenze abakinnyi batatu ba APR FC, ageze ku murongo w'urubuga rw'amahina, atera ishoti rikomeye rigiye hejuru y'izamu.
19:59
70' Gusimbuza
William Togui na Hakim Kiwanuka basimbuye Djibril Ouattara na Denis Omedi ku ruhande rwa APR FC.
19:59
70' Umukino winjiye mu minota 20 ya nyuma
19:58
69' Lague yongeye kwihanangiriza
Byiringiro Lague ufite ikarita y'umuhondo, ahawe gasopo ya nyuma akiniye nabi Byiringiro Gilbert.
19:56
66' Uburyo bwa APR FC busubijwe inyuma
Ruboneka Bosco ahinduye umupira mu rubuga rw'amahina, umupira usanga Ouattara awudunda n'umutwe mbere y'uko Onesime awurenza izamu, ariko umusifuzi wo ku ruhande agaragaza ko hari habayeho kurarira.
19:54
65' Abafana ba APR FC bashyize igitutu ku mutoza wabo
Mu gihe hari abakinnyi batanu ba APR FC bari kwishyushya, abafana bari gusaba umutoza Taleb gukora impinduka.
19:52
63' Uburyo bwa APR FC
Niyomugabo Claude ahinduye umupira mwiza mu rubuga rw'amahina, usanga Mamadou Sy uwukinishije umutwe, ufatwa neza na Rukundo Onesime uhise uwutera imbere.
19:49
60' Uburyo bwa Police FC
Niyomugabo Claude akuyeho umupira nabi areba inyuma, usanga Ani Elijah uteye ishoti rijya hejuru y'izamu rya APR FC.
19:46
56' Gusatira kwa APR FC
Ruboneka Bosco yinjiranye umupira mu rubuga rw'amahina, awuhinduye ukurwaho na Zidane mbere y'uko Pacifique atera ishoti ryitambitswe n'uyu Kapiteni wa Police FC.
19:44
55' Gusimbuza
Ingabire Christian asimbuwe na Ani Elijah ku ruhande rwa Police FC.
19:42
53' APR FC yibuze muri iki gice cya kabiri
19:40
51' Ubundi buryo bwa Police FC
Kirongozi Richard akinanye na Byiringiro Lague uteye ishoti rifata inshundura ntoya.
19:37
48' Uburyo bwa Police FC
Ishimwe Christian ahawe umupira mwiza na Ndayishimiye Dieudonne, atera ishoti rifashwe na Ishimwe Pierre.
19:35
46' Igice cya kabiri cyatangiye
Police FC yatangiranye umupira mu gice cya kabiri ndetse uri gukinirwa hagati mu kibuga.
19:19
Igice cya mbere kirarangiye
Iminota 45 ibanza y'umukino w'Umunsi wa 10 wa Shampiyona uri guhuza APR FC na Police FC, irangiye amakipe yombi anganya ubusa ku busa.
19:15
45' Iminota y'inyongera
Umusifuzi wa Kane, Irafasha Emmanuel, yerekanye iminota ibiri y'inyongera.
19:10
40' Impaka ni zose i Nyamirambo
19:07
35' Kuki igitego cyanzwe?
Amwe mu mashusho y'umukino agaragaza ko nta kurarira kwari kwabayeho nk'uko benshi babiketse, ahubwo umupira wavuye hasi ujya mu izamu.
Mbere y'uko Byiringiro atera, umusifuzi yamanitse ukuboko, ibigaragaza ko ari "coup-franc indirecte" mu gihe uyu mukinnyi wa Police FC we yateye mu izamu nta wundi ukozeho.
Mbere y'uko Byiringiro atera, umusifuzi yamanitse ukuboko, ibigaragaza ko ari "coup-franc indirecte" mu gihe uyu mukinnyi wa Police FC we yateye mu izamu nta wundi ukozeho.
19:03
31' Police FC itsinze igitego kirangwa
Niyomugabo Claude afunze umupira aranyerera, abonye ko bagiye kuwumutwara awuryamaho, hasifurwa ikosa kuko yahagaritse umukino.
Byiringiro ahannye iri kosa, umupira ujya mu izamu ariko umusifuzi wo ku ruhande Ishimwe Didier agaragaza ko habayeho ikosa.
Byiringiro ahannye iri kosa, umupira ujya mu izamu ariko umusifuzi wo ku ruhande Ishimwe Didier agaragaza ko habayeho ikosa.
19:00
30' Abafana banyuzwe
Ni gake ubona abafana benshi bari kureba umukino mu Rwanda bajyana na wo ku mpande zombi.
Kuri uyu mugoroba, ibyo bintu by'imbonekarimwe i Nyarugenge ni byo biri kubera kuri Pele Stadium.
Umupira urava ku izamu rimwe ujya ku rindi.
Kuri uyu mugoroba, ibyo bintu by'imbonekarimwe i Nyarugenge ni byo biri kubera kuri Pele Stadium.
Umupira urava ku izamu rimwe ujya ku rindi.
18:56
25' Umukino urimo ishyaka ku mpande zombi
18:54
23' Uburyo bwa Police FC
Ishimwe Christian asubije umupira mu kibuga kuri koruneri, Ishimwe Pierre azamuka neza awukura ku mutwe wa Issah Yakubu akoresheje ibipfunsi.
18:53
22' Police FC yacuritse ikibuga
Police FC ni yo iri gusatira cyane muri iyi minota ndetse iri gukinira hafi y'izamu rya APR FC.
18:52
20' Ikarita y'umuhondo
Byiringiro Lague ahawe ikarita y'umuhondo nyuma yo kutishimira icyemezo cyari gifashwe n'umusifuzi uvuze ko yakiniye nabi Ssekiganda mu rubuga rw'amahina rwa APR FC.
18:51
18' Ikarita y'umuhondo
Umutoza Ben Moussa ahawe ikarita y'umuhondo kubera gushwana n'abasifuzi barimo Ishimwe Didier wo ku ruhande na Irafasha wa kane.
18:49
18' Ikarita y'umuhondo
Kirongozi Richard ahawe ikarita y'umuhondo kubera kubwira nabi umusifuzi.
18:48
16' Igitutu cyazamutse ku batoza
Umutoza wa Police FC, Ben Moussa, ntiyishimiye ko hadasifuwe ikosa kuri Kirongozi Richard ubwo yari ahagana muri koruneri ya APR FC.
Umutoza Wungirije wa APR FC, Haj Taeb, amubwiye ko yareka kwiriza kuko Niyigena Clement na we yari amaze gukinirwa nabi.
Umutoza Wungirije wa APR FC, Haj Taeb, amubwiye ko yareka kwiriza kuko Niyigena Clement na we yari amaze gukinirwa nabi.
18:45
14' APR FC ikomeje gusatira
Police FC iri gukora amakosa menshi hafi y'urubuga rw'amahina mu gihe APR FC ikomeje gushaka uko iyabyaza umusaruro.
18:44
12' Coup-franc ya APR FC
Byiringiro Lague akiniye nabi Djibril Ouattara hafi y'urubuga rw'amahina.
Ikosa rihanwe na Ruboneka ushyize umupira muremure mu kirere, umunyezamu Rukundo arasohoka awufata neza mu gihe Zidane yaguye inyuma.
Ikosa rihanwe na Ruboneka ushyize umupira muremure mu kirere, umunyezamu Rukundo arasohoka awufata neza mu gihe Zidane yaguye inyuma.
18:41
10' Uko APR FC na Police FC zaserutse kuri uyu mugoroba
18:38
6' Umukino witabiriwe bidasanzwe
Nubwo Kigali Pele Stadium ituzuye abafana, ni ubwa mbere APR FC yinjije abangana gutya kuri Kigali Pele Stadium, nyuma yo gukina na Pyramids FC mu ntangiriro z'Ukwakira.
18:35
3' Uburyo bwa Police FC
Kwitonda Alain Bacca na Byiringiro Lague batesheje umutwe ubwugarizi bwa APR FC, ariko birangira uyu mukinnyi wa mbere ateye umupira ukoze kuri myugariro ujya muri koruneri itagize icyo itanga.
18:33
3' Ubundi buryo bwa APR FC
Ruboneka Bosco ahinduye umupira, usanga Mamadou Sy hafi y'urubuga rw'amahina, atera ishoti rigiye hejuru.
18:32
2' Coup-franc ya APR FC
Ruboneka Bosco akiniwe nabi Ishimwe Christian ahagana muri koruneri.
Ikosa rihanwe n'uyu mukinnyi, Police FC yirwanaho mbere y'uko Ssekiganda ashyiraho umutwe umupira ukajya ku ruhande rw'izamu.
Ikosa rihanwe n'uyu mukinnyi, Police FC yirwanaho mbere y'uko Ssekiganda ashyiraho umutwe umupira ukajya ku ruhande rw'izamu.
18:30
Umukino uratangiye
Umusifuzi Nshimiyimana Remy Victor atangije umukino.
APR FC itangiranye umupira, isubiza inyuma mu kibuga cyayo.
APR FC itangiranye umupira, isubiza inyuma mu kibuga cyayo.
18:25
Uko Police FC yitwaye mu mikino itanu iheruka gukina
18:25
Abakinnyi ba Police FC babanje mu kibuga
Umutoza wa Police FC, Ben Moussa, yahisemo kubanzamo:
Rukundo Onesime
Ndayishimiye Dieudonne
Ishimwe Christian
Issah Yakubu
Gakwaya Leonard
Nsabimana Eric 'Zidane' (C)
Ingabire Christian
Kwitonda Alain 'Bacca'
Kirongozi Richard
Iradukunda Simeon
Byiringiro Lague.
18:22
APR FC na Police FC zitegerejwe mu kibuga nyuma yo kwishyushya
18:16
Umusaruro wa APR FC mu mikino itanu iheruka gukina
18:15
Abasifuzi b'umukino
Nshimiyimana Remy Victor yahawe gukiranura APR FC na Police FC kuri uyu wa Gatandatu, nk'umusifuzi wo hagati.
Abasifuzi bo ku ruhande ni Ishimwe Didier na Umutesi Alice.
Umusifuzi wa Kane ni Irafasha Emmanuel naho Komiseri w'Umukino ni Rurangirwa Aaron.
Abasifuzi bo ku ruhande ni Ishimwe Didier na Umutesi Alice.
Umusifuzi wa Kane ni Irafasha Emmanuel naho Komiseri w'Umukino ni Rurangirwa Aaron.
18:12
Abafana ba APR FC bafitiye icyizere ikipe yabo mbere y'umukino
18:08
Uko APR FC na Police FC zatsindanye mu mikino itanu iheruka kuzihuza muri Shampiyona
18:06
Abakinnyi ba APR FC babanje mu kibuga
Umutoza wa APR FC, Taleb Abderrahim, yakoze impinduka ebyiri; William Togui abanza hanze mu gihe Dauda Yussif atakinnye kubera amakarita atatu y'umuhondo.
Abakinnyi bitabajwe:
Ishimwe Pierre
Byiringiro Jean Gilbert
Niyomugabo Claude (C)
Nshimiyimana Yunussu
Niyigena Clement
Ssekiganda Ronald
Ngabonziza Pacifique
Ruboneka Bosco
Denis Omedi
Mamadou Sy
Djibril Ouattara.
18:02
Uko indi mikino yabaye kuri uyu wa Gatandatu yarangiye
Rutsiro FC 1-1 Gorilla FC
Gasogi United 0-2 Marine FC
AS Muhanga 0-1 Amagaju FC
Gasogi United 0-2 Marine FC
AS Muhanga 0-1 Amagaju FC
17:56
Ubwo Police FC yageraga kuri Kigali Pele Stadium
17:55
APR FC igera kuri Kigali Pele Stadium
17:55
Ikaze kuri Kigali Pele Stadium
Umugoroba mwiza! IGIHE ibahaye ikaze kuri Kigali Pele Stadium, ahagiye kubera umukino w'Umunsi wa 10 wa Shampiyona hagati ya APR FC na Police FC.
Ni umukino ukomeye ugiye guhuza amakipe abiri y'inzego zishinzwe umutekano.
Ni umukino kandi ugiye guhuza APR FC ifite igikombe giheruka na Police FC ya mbere kugeza ubu aho itaratsindwa. Ikinyuranyo kiri hagati y'amakipe yombi ni amanota ane gusa.
Umukino uratangira saa Kumi n'Ebyiri n'Igice.
Ni umukino ukomeye ugiye guhuza amakipe abiri y'inzego zishinzwe umutekano.
Ni umukino kandi ugiye guhuza APR FC ifite igikombe giheruka na Police FC ya mbere kugeza ubu aho itaratsindwa. Ikinyuranyo kiri hagati y'amakipe yombi ni amanota ane gusa.
Umukino uratangira saa Kumi n'Ebyiri n'Igice.