Amagaju FC 0-1 APR FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
20:55
Abafana ba APR FC bishimiye gukura amanota yuzuye i Muhanga
19:51
Umva ibyaranze umukino APR FC yatsinzemo Amagaju FC igitego 1-0
16:54
APR FC ifashe umwanya wa kabiri
Igitego rukumbi cyatsinzwe na Omborenga Fitina cyafashije APR FC gutsinda Amagaju FC 1-0, ifata umwanya wa kabiri muri Shampiyona y'u Rwanda n'amanota 32 nyuma y'imikino 15 imaze gukina.
Ikipe y'Ingabo z'Igihugu irushwa amanota abiri na Police FC yasoje imikino ibanza (17).
Amagaju FC yagumanye amanota 12 ku mwanya ubanziriza uwa nyuma ndetse yo asoje imikino 17 ibanza.
Omborenga Fitina ni we wabaye umukinnyi w'umukino.
Ikipe y'Ingabo z'Igihugu irushwa amanota abiri na Police FC yasoje imikino ibanza (17).
Amagaju FC yagumanye amanota 12 ku mwanya ubanziriza uwa nyuma ndetse yo asoje imikino 17 ibanza.
Omborenga Fitina ni we wabaye umukinnyi w'umukino.
16:51
Umukino urarangiye
16:49
90' Iminota y'inyongera
Umusifuzi wa kane yerekanye iminota ine y'inyongera.
Amagaju FC akomeje gukinira mu kibuga cya APR FC ashaka kwishyura.
Amagaju FC akomeje gukinira mu kibuga cya APR FC ashaka kwishyura.
16:48
90' Gusimbuza
Iraguha Hadji na Byiringiro Gilbert basimbuye Djibril Ouattara na Omborenga Fitina ku ruhande rwa APR FC.
16:42
85' Gusimbuza
Nibibona Eddy na Rwema Amza basimbuye Jean Baptiste Shema na Iradukunda Desire ku ruhande rw'Amagaju FC.
16:40
82' Amagaju FC yazamutse
Abakinnyi benshi b'Amagaju FC bazamutse ndetse bari gukinira mu kibuga cya APR FC kugira ngo bashake igitego cyo kwishyura.
16:38
80' Uburyo bwa APR FC
Mugisha Gilbert acenze Matumona, atera ishoti rikomeye ari inyuma y'urubuga rw'amahina, ku bw'amahirwe ye make umupira ujya hejuru gato y'izamu.
16:36
78' Gusimbuza
Habineza Alphonse na Ntakirutimana Frank basimbuye Sebagenzi Cyrille na Uwizeyimana Daniel ku ruhande rw'Amagaju FC.
16:35
77' APR FC ihushije uburyo bwiza
Mugisha Gilbert yinjiranye umupira mu rubuga rw'amahina, awuhinduye Togui awukoraho umunyezamu ahura na wo uvamo.
16:32
75' Gusimbuza
Mugisha Gilbert na William Togui basimbuye Denis Omedi na Mamadou Sy ku ruhande rwa APR FC.
16:31
74' Uburyo bwa APR FC
Ruboneka Bosco akinanye na Ssekiganda Ronald, uyu mukinnyi w'Umunya-Uganda atera ishoti rikomeye ryorohejwe na Muneza Jacques mbere yo gufata umupira neza.
16:29
Ubwo umunyezamu Twagirumukiza Clement yavurwaga akanahabwa ikarita y'umuhondo
16:27
70' Uburyo bwiza bwa APR FC
Djibril Ouattara ateye ishoti rikomeye ari inyuma y'urubuga rw'amahina mu ruhande, umunyezamu Muneza Jacques arazamuka awurenza izamu.
16:26
70' APR FC iri gushyushya abakinnyi batatu
Mugisha Gilbert, Byingiro Gilbert na William Togui bari kwishyushya ku ruhande rwa APR FC.
16:23
66' Gusimbuza
Umunyezamu Muneza Jacques asimbuye Twagirumukiza Clement wakunze kugaragaza ko yavunitse mu minota yashize.
16:22
65' Igitego cya APR FC
Omborenga Fitina afunguye amazamu i Muhanga ku mupia atereye mu rubuga rw'amahina, atsindira APR FC.
Amagaju FC 0-1 APR FC.
Amagaju FC 0-1 APR FC.
16:21
64' Uburyo bukomeye bw'Amagaju FC
Uwizeyimana Daniel ateye ishoti rikomeye ari inyuma y'urubuga rw'amahina, umunyezamu Ishimwe Pierre arirambura ashyira umupira muri koruneri.
16:20
62' Uburyo bwiza bwa APR FC
Denis Omedi ateye ishoti rikomeye, umunyezamu Twagirumukiza Clement awukoraho ujya muri koruneri.
16:18
61' Ikarita y'umuhondo
Iradukunda Desire ahawe ikarita y'umuhondo akiniye nabi Alioum Souane nyuma yo kumusunika.
16:17
59' Umukino urasubukuwe
Nyuma yo kongera kuvurwa, Twagirumukiza Clement arahugurutse atera umupira imbere.
Umunyezamu w'Amagaju FC amaze hafi iminota umunani avurwa.
Umunyezamu w'Amagaju FC amaze hafi iminota umunani avurwa.
16:15
57' Umunyezamu yongeye kwicara
Twagirumukiza Clement agiye gutera umupira imbere, agaragaza ko umubiri we utabimwemerera.
Umusifuzi Murindangabo Moise ahise asaba ko asimbuzwa.
Gusa umunyezamu aracyicaye ahubwo asabye ko avurwa.
Umusifuzi Murindangabo Moise ahise asaba ko asimbuzwa.
Gusa umunyezamu aracyicaye ahubwo asabye ko avurwa.
16:13
55' Ikarita y'umuhondo
Umunyezamu Twagirumukiza Clement ahawe ikarita y'umuhondo kubera gutinza umukino.
Hari hasabwe ko asimburwa ariko nyuma y'iminota itanu arahaguruka ngo agume mu kibuga.
Hari hasabwe ko asimburwa ariko nyuma y'iminota itanu arahaguruka ngo agume mu kibuga.
16:09
50' Umukino wahagaze
Umunyezamu w'Amagaju FC, Twagirumukiza Clement, aryamye hasi aho ari kwitabwaho n'abaganga.
Uko bigaragara harabaho gusimbuza.
Uko bigaragara harabaho gusimbuza.
16:08
49' Coup-franc ya APR FC
Uwizeyimana Daniel akiniye nabi Ruboneka mu kibuga cy'Amagaju FC, ikosa rihanwe n'uyu mukinnyi wa APR FC, umupira ukora ku mukinnyi bahanganye ujya muri koruneri.
16:04
47' Umukino uhagaze gato
Ruboneka Bosco uryamye hasi, ahamagariwe abaganga kugira ngo bamwiteho.
Uyu mukinnyi uri hagati mu kibuga, aguye afashe ku mutwe.
Uyu mukinnyi uri hagati mu kibuga, aguye afashe ku mutwe.
16:03
46' Igice cya kabiri kiratangiye
Iradukunda Desire w'Amagaju FC, ni we utangiranye umupira mu gice cya kabiri, akinana na bagenzi be.
16:01
Gusimbuza
Dauda Yussif asimbuwe na Memel Dao ku ruhande rwa APR FC.
Ikipe y'Ingabo yinjije umukinnyi uyifasha kurema uburyo bw'ibitego.
Ikipe y'Ingabo yinjije umukinnyi uyifasha kurema uburyo bw'ibitego.
15:59
Amagaju FC yihagazeho mu gice cya mbere
Amagaju FC ari gutozwa na Hakizimana Jean Baptiste wasigaranye ikipe nyuma yo kwirukanwa kw'abandi batoza bose ku wa Mbere, ni yo kugeza ubu yakinnye neza mu gice cya mbere.
Iyi kipe iri mu myanya ya nyuma, yaherukaga kunyagirwa na Al-Hilal ibitego 8-0.
Gusa kuri uyu wa Gatatu ihagaze neza mu bwugarizi ndetse ubusatirizi bwayo buri kugerageza gutanga akazi.
Ku ruhande rwa APR FC yanyagiye Rayon Sports ibitego 4-1, ntabwo iri guhuza cyane mu kibuga hagati no mu busatirizi.
Uko bigaragara, icyuho cy'abarimo Mugisha Gilbert, Byiringiro Gilbert na William Togui bari mu bakinnyi batanu baruhukijwe, kirigaragaza.
Impinduka amakipe yombi akora mu minota 45 igiye gukinwa ni zo zishobora kuba ikinyuranyo.
15:48
Igice cya mbere kirarangiye
Iminota 45 ibanza y'umukino w'Umunsi wa 15 wa Shampiyona uri kubera i Muhanga, irangiye Amagaju FC inganya na APR FC ubusa ku busa.
15:47
45+1' APR FC ihushije uburyo bwabazwe
Omborenga Fitina ananiwe gufungura amazamu ku mupira ahawe mu rubuga rw'amahina, atera agapira kadakomeye kagiye ku ruhande gato.
15:46
45' Iminota y'inyongera
Umusifuzi wa kane yerekanye iminota ibiri y'inyongera.
Amakipe yombi ari gukinira mu kibuga hagati.
Amakipe yombi ari gukinira mu kibuga hagati.
15:41
40' Amakipe yombi akomeje gushaka igitego
15:40
39' Umukino uhagaze gato
Umukino ubaye uhagaze mu gihe hari kuvurwa umukinnyi w'Amagaju FC, Iradukunda Desire, ugonganye na Aliou Souane wateranye imbaraga umupira, bagahita bagongana.
15:39
38' Uburyo bwa APR FC
Djibril Ouattara agerageje umupira ugana mu izamu, ufatwa neza n'umunyezamu Twagirumukiza Clement w'Amagaju FC.
15:37
36' Ubusatiriza bwa APR FC bukomeje kugorwa muri uyu mukino
APR FC ntiratera mu izamu kuva umukino utangiye.
Ouattara yahinduye ajya ibumoso naho Omedi ajya iburyo, imbere haguma Mamadou Sy.
Ouattara yahinduye ajya ibumoso naho Omedi ajya iburyo, imbere haguma Mamadou Sy.
15:35
34' Umukino uhagaze gato
Twizeyimana Innocent w'Amagaju FC yaryamye hasi, umusifuzi ategereza ko iyi kipe isubirana umupira kugira ngo ahagarike umukino.
15:31
30' APR FC ihushije uburyo bwabazwe
Omborenga Fitina atanze umupira mwiza n'umutwe, Mamadou Sy arawufunga, ateye mu izamu umupira ujya ku ruhande gato.
15:29
28' Gusatira kwa APR FC
Denis Omedi akinanye na Ruboneka wari wagiye mu ruhande ibumoso, ahinduye umupira mu izamu habura uwukoraho ujya ku rundi ruhande.
15:27
27' Umukino watuje
Muri iyi minota amakipe yombi ari gukinira cyane mu kibuga hagati, ariko agatakaza imipira bya hato na hato.
15:23
22' Uburyo bwa APR FC busubijwe inyuma
Djibril Ouattara acomekewe umupira muremure, agiye kwinjira mu rubuga rw'amahina umusifuzi wo ku ruhande agaragaza ko habayeho kurarira.
15:18
17' Abakinnyi b'Amagaju FC ntibemeranya n'umusifuzi
Ouattara ahinduye umupira ujya hanze, umusifuzi wo ku ruhande agaragaza ko wakoze kuri myugariro Matumona, bityo ari koruneri.
Iki cyemezo nticyishimiwe n'abakinnyi b'Amagaju FC nubwo birangiye koruneri itewe ntigire icyo itanga.
15:15
14' Ubundi buryo bw'Amagaju FC
Rachidi Mapoli Yakeni yongeye kwinjirana umupira, ashatse kuwutera mu izamu uhura na Nshimiyimana Yunussu ujya muri koruneri.
15:13
11' Amagaju FC yirangayeho
Ouattara atakaje umupira ufashwe na Mapoli Rachid, akinanye na Iradukunda Daniel, umunyezamu Pierre na Nshimiyimana Yunussu bakina neza bawushyira muri koruneri.
15:09
7' APR FC iri gukinira inyuma
Amagaju FC yashyize igitutu kuri APR FC iyisubiza inyuma, ibiri gutuma imipira myinshi kugeza ubu iri gukinwa n'abugarurira mu Ikipe y'Ingabo z'Igihugu.
Rachidi Mapoli ahinduye umupira mwiza, Alioum Souane akuraho umupira n'umutwe.
Rachidi Mapoli ahinduye umupira mwiza, Alioum Souane akuraho umupira n'umutwe.
15:07
5' Amagaju FC yongeye kugerageza amahirwe
Iradukunda Daniel yinjiriye iburyo, atera ishoti rikomeye rinyuze ku ruhande rw'izamu rya APR FC hejuru.
15:06
3' Gusatira kw'Amagaju FC
Uwizeyimana Daniel ahinduye umupira mwiza mu izamu rya APR FC, umunyezamu Ishimwe Pierre awukubita ibipfunsi uvamo.
15:02
1' Uburyo bwa APR FC
Yunussu ateye umupira muremure imbere, umunyezamu Twagirumukiza Clement awutera n'umutwe kuko wari inyuma y'urubuga rw'amahina, Omedi ashatse kumuroba umupira ujya ku ruhande.
15:00
Umukino uratangiye
Umusifuzi Murindangabo Moise atangije umukino.
APR FC ni yo itangiranye umupira, Mamadou Sy akinana na bagenzi be.
APR FC ni yo itangiranye umupira, Mamadou Sy akinana na bagenzi be.
14:52
Abakinnyi b'Amagaju FC babanje mu kibuga
Hakizimana Jean Baptiste wasigaranye Ikipe y'Amagaju FC, yahisemo kubanzamo:
Twagirumukiza Clement
Dusabe Jean Claude (C)
Shema Jean Baptiste
Twizeyimana Innocent
Sebagenzi Cyrille
Addel Matumona Wakonda
Niyitegaka Saidi
Uwizeyimana Daniel
Iradukunda Desire
Rachidi Mapoli Yekini
Iradukunda Daniel.
Twagirumukiza Clement
Dusabe Jean Claude (C)
Shema Jean Baptiste
Twizeyimana Innocent
Sebagenzi Cyrille
Addel Matumona Wakonda
Niyitegaka Saidi
Uwizeyimana Daniel
Iradukunda Desire
Rachidi Mapoli Yekini
Iradukunda Daniel.
14:49
APR FC yakoze impinduka eshanu mu babanzamo
Umutoza wa APR FC, Abderrahim Taleb, yakoze impinduka eshanu ugereranyije n'ikipe yabanjemo bakina na Rayon Sports kuri FERWAFA Super Cup.
Kuri iyi nshuro harimo:
Ishimwe Pierre
Omborenga Fitina
Niyomugabo Claude (C)
Aliou Souane
Nshimiyimana Yunussu
Ronald Ssekiganda
Dauda Yussif
Ruboneka Bosco
Denis Omedi
Djibril Ouattara
Mamadou Sy
Kuri iyi nshuro harimo:
Ishimwe Pierre
Omborenga Fitina
Niyomugabo Claude (C)
Aliou Souane
Nshimiyimana Yunussu
Ronald Ssekiganda
Dauda Yussif
Ruboneka Bosco
Denis Omedi
Djibril Ouattara
Mamadou Sy
14:47
APR FC igiye gushakira umwanya wa kabiri ku ikipe idafite umutoza
Amagaju FC nta mutoza ifite nyuma yo gutsindwa na Al-Hilal ibitego 8-0 ku Cyumweru, ibyatumye yirukana Umutoza Niyongabo Amars n'abari bamwungirije.
Kuri ubu iyi kipe ibanziriza iya nyuma ku rutonde rwa Shampiyona.
APR FC ya kane n'amanota 29, irafata umwanya wa kabiri ndetse iraba irushwa amanota abiri na Police FC mu gihe yatsinda uyu mukino.
14:46
Ikaze kuri Stade ya Muhanga
IGIHE ibahaye ikaze kuri Stade y'Akarere ka Muhanga, ahagiye kubera umukino w'Umunsi wa 15 wa Shampiyona y'u Rwanda uhuza Amagaju FC na APR FC.
Amagaju FC yo mu Karere ka Nyamagabe, yari asanzwe yakirira kuri Stade ya Huye, ariko umukino wayo wimuriwe i Muhanga kuko imirimo yo gushyira ikibuga gishya muri iyo stade itararangira.
Umukino uratangira Saa Cyenda.
Amagaju FC yo mu Karere ka Nyamagabe, yari asanzwe yakirira kuri Stade ya Huye, ariko umukino wayo wimuriwe i Muhanga kuko imirimo yo gushyira ikibuga gishya muri iyo stade itararangira.
Umukino uratangira Saa Cyenda.