APR FC 0-0 Al-Merrikh
Uko umukino uri kugenda
Umwanditsi |
: Eric Tony Ukurikiyimfura & Iradukunda Olivier |
Amafoto |
: Umwari Sandrine |
17:17
"Ni ibisambo, birakabije"- Abafana ba APR FC
Iminota 15 nyuma y'uko umukino urangiye, itsinda ry'abafana ba APR FC bagera muri 50 banze kuva muri Stade Amahoro ahubwo bari kuririmba bati "Birakabije, ni ibisambo. Ntaho tujya."
Ni nyuma yo kutishimira ko ikipe yabo idatahanye amanota atatu imbere ya Al-Merrikh.
Ni nyuma yo kutishimira ko ikipe yabo idatahanye amanota atatu imbere ya Al-Merrikh.
17:05
APR FC inaniwe gufata umwanya wa kabiri
APR FC inganyije na Al-Merrikh ubusa ku busa, igira amanota 33 ku mwanya wa gatatu nyuma y'imikino 16 ya Shampiyona y'u Rwanda imaze gukina.
Al-Merrikh izakurikizaho Rayon Sports ku wa Gatatu, ifite amanota 31 ku mwanya wa kane.
Al-Hilal ni yo iyoboye Shampiyona n'amanota 35, ikurikiwe na Police FC ifite amanota 34.
Al-Merrikh izakurikizaho Rayon Sports ku wa Gatatu, ifite amanota 31 ku mwanya wa kane.
Al-Hilal ni yo iyoboye Shampiyona n'amanota 35, ikurikiwe na Police FC ifite amanota 34.
17:02
Ikarita y'umuhondo
Kapiteni wa APR FC, Niyomugabo Claude, ahawe ikarita y'umuhondo kubera kujya gusagarira umusifuzi wo ku ruhande, Jabo Aristote, agaragaza ko yanze igitego cy'ikipe ye.
Abashinzwe umutekano mu kibuga bahise bajya mu kibuga kurinda abasifuzi kugeza babagejeje mu rwambariro.
Abashinzwe umutekano mu kibuga bahise bajya mu kibuga kurinda abasifuzi kugeza babagejeje mu rwambariro.
17:00
Umukino urarangiye
16:59
90+6' Coup-franc ya APR FC
Ruboneka Bosco akiniwe nabi mu kibuga hagati.
Ikosa rihanwe na Dauda Yussif atera ishoti rikomeye rinyuze hejuru y'izamu.
Ikosa rihanwe na Dauda Yussif atera ishoti rikomeye rinyuze hejuru y'izamu.
16:58
90+5' Gusimbuza
Musa Adam asimbuye Chisala ku ruhande rwa Al-Merrikh.
16:55
90+3' Abafana ba APR FC bibasiye umusifuzi wanze igitego cyabo
Abafana ba APR FC bari kuririmba bati "Ruhara, Ruhara,.." babwira umusifuzi wo ku ruhande ufite uruhara kuko yanze igitego cyatsinzwe na Dauda mu minota mike ishize.
16:52
90' Iminota y'inyongera
Umusifuzi wa Kane, Umutoni Aline, yerekanye iminota itanu y'inyongera.
Hakim Kiwanuka yinjiranye umupira mu rubuga rw'amahina, atera umupira ku ruhande.
Hakim Kiwanuka yinjiranye umupira mu rubuga rw'amahina, atera umupira ku ruhande.
16:51
89' Ikarita y'umuhondo
Umwe mu bakinnyi ba APR FC bari bazengurutse umusifuzi Twagirumukiza, ahawe ikarita y'umuhondo kubera amagambo amubwiye.
16:50
88' Abafana ba APR FC bavugirije induru abasifuzi
Abafana ba APR FC bagaragaje ko batishimiye icyemezo gifashwe n'abasfuzi banze igitego cya Dauda Yussif kandi yateye ishri ari kure inyuma y'urubuga rw'amahina.
16:49
86' APR FC yibwiraga ko itsinze igitego
Ruboneka Bosco uhawe umupira na Omedi, akiniwe nabi na Janard Mbemba inyuma gato y'urubuga rw'amahina mu ruhande.
Ikosa rihanwe na Ruboneka, aha umupira Dauda Yussif uteye ishoti rikomeye rigendera hasi, umupira uruhukira mu izamu ariko umusifuzi wo ku ruhande agaragaza ko habayeho kurarira.
Ikosa rihanwe na Ruboneka, aha umupira Dauda Yussif uteye ishoti rikomeye rigendera hasi, umupira uruhukira mu izamu ariko umusifuzi wo ku ruhande agaragaza ko habayeho kurarira.
16:46
85' Amafoto: Abafana ba APR FC baracyategereje igitego cyabuze
16:44
83' Gusimbuza
Djibril Ouattara asimbuwe na Hakim Kiwanuka ku ruhande rwa APR FC.
16:44
82' Uburyo bwa APR FC
Ssekiganda atanze umupira kuri Denis Omedi, awufunga neza mbere yo gutera ishoti rikomeye rinyuze ku ruhande rw'izamu.
16:42
80' Gusimbuza
Moise Camara asimbuye Nicolas ku ruhande rwa Al-Merrikh.
16:39
77' Gusimbuza
Faisal Ishag asimbuye Gilles Razafimaro wavuye mu kibuga yavunitse, ku ruhande rwa Al-Merrikh.
16:36
75' Gusimbuza
Mugisha Gilbert na Memel Dao basimbuwe na Denis Omedi na Dauda Yussif ku ruhande rwa APR FC.
16:36
74' Umukino wahagaze gato
Umukino wabaye uhagaze mu gihe hari kuvurwa Gilles Razafimaro wababaye ubwo yaserebekaga ashaka kwambura umupira Mugisha Gilbert.
16:34
72' APR FC ihushije uburyo bwabazwe
Mugisha Gilbert ahaye umupira Niyomugabo Claude, awuhinduye mu rubuga rw'amahina usanga Djibril Ouattara uwukinnye n'umutwe, ku bw'amahirwe ye make ujya ku ruhande rw'izamu.
16:33
70' Umutoza wa APR FC asabwe gusimbuza
Abafana ba APR FC bakoze ikimenyetso cyo gusimbuza bereka Umutoza Taleb Abderrahim, na we ahita ahamagara abakinnyi batatu bishyushyaga ari bo Hakim Kiwanuka, Denis Omedi na Dauda Yussif.
16:31
70' Umukino winjiye mu minota 20 ya nyuma
Amakipe yombi akomeje gushaka igitego, ariko ntaranakora impinduka mu kibuga.
16:29
67' Ikarita y'umuhondo
Umutoza wa Al-Merrikh, Darko Novic, ahawe ikarita y'umuhondo kubera kutishimira ibyemezo by'abasifuzi.
16:26
63' Souane atabaye APR FC inshuro ebyiri
Bachir Bangoula ahinduye umupira mwiza, Souane awukuraho urarenga mbere y'uko Sidiki Coulibaly atera ishoti rikomeye, uyu myugariro w'Umunya-Senegal aritambika umupira umukubita mu mugongo ujya muri koruneri.
16:25
62' Uburyo bwa Al-Merrikh
Gilles Razafimaro ahinduye umupira mwiza mu rubuga rw'amahina ashaka mugenzi we, Ishimwe Pierre asohoka neza, awukuraho n'ibipfunsi.
16:23
60' Abafana ba APR FC bari gusaba Dauda
Abafana ba APR FC baririmbiye hamwe izina Dauda [Yussif] ubwo uyu mukinnyi yahagurukaga agiye kwishyushya.
Uyu Munye-Ghana yabanje ku ntebe y'abasimbura, umwanya we uhabwa umwe hagati ya Ruboneka na Memel Dao.
Uyu Munye-Ghana yabanje ku ntebe y'abasimbura, umwanya we uhabwa umwe hagati ya Ruboneka na Memel Dao.
16:22
60' APR FC yirangayeho
William Togui ahinduye umupira mwiza mu rubuga rw'amahina, Djibril Ouattara warebanaga n'izamu awutera nabi ujya ku ruhande.
16:16
53' Coup-franc nziza ya Al-Merrikh
Niyomugabo Claude ahagaritse umupira nyuma yo guserebeka, umusifuzi wo ku ruhande agaragaza ko yawukozeho n'ukuboko.
Ikosa rihanwe na Daouda Ba, umupira ukomeye ateye ushyirwa muri koruneri na Ishimwe Pierre nyuma yo kuwurenza izamu.
Ikosa rihanwe na Daouda Ba, umupira ukomeye ateye ushyirwa muri koruneri na Ishimwe Pierre nyuma yo kuwurenza izamu.
16:14
52' APR FC iri gukina neza muri iyi minota
Abakinnyi ba APR FC bari guhuza cyane mu kibuga, ariko baracyagorwa no gutera mu izamu.
16:10
48' Indi coup-franc ya APR FC
Memel Dao agushijwe na Sidiki Coulibaly mu kibuga cya Al-Merrikh.
Ruboneka yongeye guhana ikosa, umupira ukurwaho na myugariro Daba Sogoba n'umutwe.
Ruboneka yongeye guhana ikosa, umupira ukurwaho na myugariro Daba Sogoba n'umutwe.
16:08
47' Coup-franc ya APR FC
Mugisha Gilbert wari uhawe umupira na Ruboneka Bosco, akiniwe nabi na Sidiki Coulibaly.
Ruboneka ahannye ikosa, atera umupira muremure ugiye hanze nta wundi mukinnyi uwukozeho.
Ruboneka ahannye ikosa, atera umupira muremure ugiye hanze nta wundi mukinnyi uwukozeho.
16:06
46' Igice cya kabiri kiratangiye
William Togui wa APR FC ni we utangiranye umupiera mu gice cya kabiri, akinana na bagenzi be.
16:00
Abakinnyi Al-Merrikh yabanjemo bakomoka mu bihugu icyenda bitandukanye
Abanya-Madagascar, Nicolas Rijaniaina na Giles Razafimaro n'Abanya-Mali Daba Sogoba na Fady Sidiki Coulibaly, ni bo bahuje igihugu mu bakinnyi 11 ba Al-Merrikh babanje mu kibuga.
Abandi babanjemo baturuka muri Burkina Faso, Sudani, Congo, Senegal, Nigeria, Zambia na Guinea.
Ku ntebe y'abasimbura hari Umunya-Cote d'Ivoire umwe, Le Grand Dia, Umunya-Guinea Moise Camara n'Abanya-Sudani barindwi.
Abandi babanjemo baturuka muri Burkina Faso, Sudani, Congo, Senegal, Nigeria, Zambia na Guinea.
Ku ntebe y'abasimbura hari Umunya-Cote d'Ivoire umwe, Le Grand Dia, Umunya-Guinea Moise Camara n'Abanya-Sudani barindwi.
15:49
Igice cya mbere kirarangiye
15:47
45' Iminota y'inyongera
Umusifuzi wa Kane, Umutoni Aline, yerekanye iminota ibiri y'inyongera.
15:45
41' Abafana ba APR FC bavugirije induru abasifuzi
APR FC yibwiraga ko myugariro wa Al-Merrikh yakoze umupira ku ishoti ritewe na Memel Dao ari mu rubuga rw'amahina, umusifuzi Twagirumukiza arabyihorera.
Mugisha ahinduye kandi umupira ujya muri koruneri, umusifuzi wo ku ruhande agaragaza ko ari APR FC yawurengeje, abafana ntibabyishimira.
Mugisha ahinduye kandi umupira ujya muri koruneri, umusifuzi wo ku ruhande agaragaza ko ari APR FC yawurengeje, abafana ntibabyishimira.
15:42
40' Gusatira kwa APR FC
Niyomugabo Claude yambuye umupira Razafimaro amusiga aryamye hasi, awuhinduye mu rubuga rw'amahina uba muremure ujya hanze.
15:40
38' Umukino uhagaze gato
Umusifuzi Twagirumukiza Abdoul ahagaritse umukino kugira ngo havurwe Fady Sidiki Coulibaly wa Al-Merrikh uryamye hasi mu kibuga hagati.
15:37
35' Abakinnyi ba APR FC baguranye imyanya
Mugisha Gilbert yagiye guca iburyo, Ouattara ajya kunyura ibumoso mu gihe William Togui ari guca hagati.
Buri kanya, aba bakinnyi uko ari batatu bari guhinduranye imyanya yo mu busatirizi.
Buri kanya, aba bakinnyi uko ari batatu bari guhinduranye imyanya yo mu busatirizi.
15:35
32' Ubundi buryo bwa Al-Merrikh
Idriss Babajide Fatokun agerageje ishoti riremereye ari inyuma y'urubuga rw'amahina, umupira ukorwaho na Ssekiganda ujya muri koruneri.
15:34
30' Gusatira kwa Al-Merrikh
Gilles Razafimaro yinjiranye umupira anyuze iburyo, ageze mu rubuga rw'amahina atera ishoti ryitambitswe na Aliou Souane.
15:30
27' Coup-franc ya Al-Merrikh
Obino Chisala ahannye ikosa rikozwe na Ruboneka Bosco hagati mu kibuga cya APR FC, umupira ateye ujya ku ruhande rw'izamu ririnzwe na Ishimwe Pierre.
15:29
25' Ubwugarizi bw'impande zombi buhagaze neza
Amakipe yombi ari guhererekanya neza mu kibuga hagati, agakoresha impande ashaka gusatira izamu, ariko ba myugariro bakabyitwaramo neza.
15:25
22' Uburyo bwa Al-Merrikh
Bachir Bangoula ananiwe kubyaza umusaruro umupira ahawe ari hafi y'urubuga rw'amahina, atera ishoti rinyuze hejuru y'izamu rya APR FC ririnzwe na Ishimwe Pierre.
15:24
22' Abafana si benshi muri Stade Amahoro
Nubwo iti ya make yari 1000 Frw, abafana baracyari bake kuko batageze kuri 1/10 cy'abicara muri Stade Amahoro.
Gusa bararuta abarebye umukino wa AL-Hilal na Rayon Sports ku wa Gatandatu.
Gusa bararuta abarebye umukino wa AL-Hilal na Rayon Sports ku wa Gatandatu.
15:22
19' APR FC iri gusatira izamu
Byiringiro Gilbert ahinduye umupira ushyirwa muri koruneri, nyuma yo kuyitera William Togui ashyira ku mutwe umupira ufatwa n'umunyezamu Ladji Brahima.
15:17
14' APR FC yirangayeho
Memel Dao azamukanye umupira awuhereza Mugisha Gilbert uwupfushije ubusa ananirwa gutera mu izamu cyangwa ngo asubize bagenzi be.
15:14
11' APR FC yagabanyije umuvuduko yatangiriyeho
APR FC yatangiye ikina imipira yihuta yigaranzuwe na Al Merrikh iri gusagarira urubuga rw'amahina rwayo cyane, nubwo nta buryo bukomeye irarema.
15:10
8' Al Merrikh yirangayeho
Fenohasina Gilles yirangayeho nyuma yo kuzamukana umupira yanga guha bagenzi be, ahitamo gutera mu izamu umupira ufatwa na Ishimwe Pierre.
15:08
6' Al Merrikh igerageje uburyo
Fady Sidiki Coulibaly ateye umupira ukomeye ari hanze y'urubuga rw'amahina umupira ufatwa na Ishimwe Pierre
15:06
4' Coup-franc ya APR FC
Idris Babajide Fatokun wa Al Merrikh ashyize hasi Memel Dao umusifuzi atanga ikosa rihanwe vuba umukino urakomeza
15:04
3' Umukino utangiye ukinirwa mu kibuga hagati
APR FC itangiye neza umukino yiharira umupira by'umwihariko mu kibuga hagati.
15:02
1' Umukino uratangiye
14:59
Twagirumukiza Abdulkarim ni we musifuzi w'umukino
Twagirumukiza Abdulkarim ni we musifuzi w'umukino wa APR FC na Al Merrikh, akaza gufatanya na Jabo Aristote na Ishimwe Didier bari mu mpande, naho Umutoni Aline akaba ari uwa kane.
14:45
Amakipe yamaze kwishyushya
Amakipe yombi yasubiye mu rwambariro kwitegura umukino nyuma yo kwishyushya.
14:41
Abakinnyi 11 Al Merrikh SC ibanza mu kibuga
Abakinnyi 11 Umutoza wa Al Merrikh SC, Darko Novic, yahisemo kubanza kwifashisha muri uyu mukino.
Ladji Brahima Sanou (Gk)
Tajeldin Yagoub Elnour Badawi (C)
Janard Mbemba
Daba Sogoba
Daouda Ba
Idris Babajide Fatokun
Randriamanampisoa Rijaniaina Nicolas
Fady Sidiki Coulibaly
Obino Chisala
Fenohasina Gilles Razafimaro
Aboubacar Bachir Bangoura
Ladji Brahima Sanou (Gk)
Tajeldin Yagoub Elnour Badawi (C)
Janard Mbemba
Daba Sogoba
Daouda Ba
Idris Babajide Fatokun
Randriamanampisoa Rijaniaina Nicolas
Fady Sidiki Coulibaly
Obino Chisala
Fenohasina Gilles Razafimaro
Aboubacar Bachir Bangoura
14:39
Abakinnyi 11 APR FC ibanza mu kibuga
Abakinnyi 11 Umutoza wa APR FC, Abderrahim Talib, yahisemo kubanza mu kibuga.
Ishimwe Pierre (Gk)
Souane Aliou
Nshimiyimana Yunusu
Niyomugabo Claude (C)
Byiringiro Jean Gilbert
Sekiganda Ronald
Ruboneka Jbosco
Dao Rouaf Memel
Djibril Aouttara Sheick
Mugisha Gilbert
Togui M. William
Ishimwe Pierre (Gk)
Souane Aliou
Nshimiyimana Yunusu
Niyomugabo Claude (C)
Byiringiro Jean Gilbert
Sekiganda Ronald
Ruboneka Jbosco
Dao Rouaf Memel
Djibril Aouttara Sheick
Mugisha Gilbert
Togui M. William
14:35
Amakipe yombi yatangiye kwishyushya
Abakinnyi ba APR FC n'aba Al Merrikh SC bageze mu kibuga batangira kwishyushya mbere yo gucakirana.
14:10
APR FC mu mukino wo kwihesha ikuzo
Ubwo APR FC iheruka guhura na Al-Merrikh muri Stade Amahoro, yahatsindiwe igitego 1-0 ku mukino wa nyuma wa CECAFA Kagame Cup ya 2014.
Nyuma y'imyaka 12, amakipe yombi yongeye kuhahurira kuri iki Cyumweru.
Al-Merrikh na Al-Hilal zo muri Sudani, ziri mu makipe yubashywe muri Shampiyona y’u Rwanda ndetse benshi basanga ari zo amakipe yitwa akomeye mu gihugu agomba kwipimiraho.
Kuri APR FC bamwe bavuga ko irusha izindi zose ubushobozi mu Rwanda, igipimo cya mbere ni kuri iki Cyumweru.
Uyu mukino ugiye kuba mu gihe ku wa Gatandatu, Al-Hilal yanyagiye Rayon Sports ibitego 4-0.
APR yahorera Gikundiro kuri benewabo wa Al Hilal? Ni byo tugiye kureba kuva Saa Cyenda.
Nyuma y'imyaka 12, amakipe yombi yongeye kuhahurira kuri iki Cyumweru.
Al-Merrikh na Al-Hilal zo muri Sudani, ziri mu makipe yubashywe muri Shampiyona y’u Rwanda ndetse benshi basanga ari zo amakipe yitwa akomeye mu gihugu agomba kwipimiraho.
Kuri APR FC bamwe bavuga ko irusha izindi zose ubushobozi mu Rwanda, igipimo cya mbere ni kuri iki Cyumweru.
Uyu mukino ugiye kuba mu gihe ku wa Gatandatu, Al-Hilal yanyagiye Rayon Sports ibitego 4-0.
APR yahorera Gikundiro kuri benewabo wa Al Hilal? Ni byo tugiye kureba kuva Saa Cyenda.
13:52
Amafoto: Amakipe yombi yageze kuri Stade Amahoro
APR FC na Al Merrikh SC zigiye guhurira kuri Stade Amahoro mu mukino witezwemo ihangana kuri aya makipe akurikiranye muri Shampiyona, abakinnyi n'abatoza bazo bageze kuri Stade Amahoro iberaho umuino.
13:50
Ikaze muri Stade Amahoro i Remera
IGIHE ibahaye ikaze muri Stade Amahoro, i Remera, ahagiye kubera umukino w'Umunsi wa 15 wa Shampiyona y'u Rwanda uhuza APR FC na Al Merrikh SC.
Umukino uratangira saa Cyenda.
Umukino uratangira saa Cyenda.