Mukura Victory Sports 1-1 Rayon Sports
Uko umukino uri kugenda
Umwanditsi |
: Iradukunda Olivier & Eric Tony Ukurikiyimfura |
Amafoto |
: Umwari Sandrine |
18:54
Nyuma yo kunganya na Mukura VS, Wasili aburiye APR FC na Police FC
18:37
Aba-Rayons nyuma yo kunganya na Mukura VS bagaragaje ko bayivuye imbere hamana
16:57
Intsinzi ikomeje kuba iyanga muri Rayon Sports
Rayon Sports yanganyije na Mukura VS igitego 1-1 mu mukino w'Umunsi wa 15 wa Rwanda Premier League wabereye i Muhanga, yuzuza imikino ine ikurikiranye idatsinda.
Gikundiro yasoje imikino ibanza ifite amanota 26 ku mwanya wa karindwi, irushwa amanota icyenda na Al-Hilal SC ya mbere (yo ifite ibirarane bibiri).
Ni mu gihe Mukura VS yasoje imikino ibanza iri ku mwanya wa gatandatu n'amanota 27.
Iyi kipe yambara ubururu n'umweru iheruka intsinzi kuri AS Muhanga, mu gihe nyuma yaho yatsinzwe na APR FC na Al-Hilal, mbere yo kunganya na Al-Merrikh na Mukura VS.
Gikundiro yasoje imikino ibanza ifite amanota 26 ku mwanya wa karindwi, irushwa amanota icyenda na Al-Hilal SC ya mbere (yo ifite ibirarane bibiri).
Ni mu gihe Mukura VS yasoje imikino ibanza iri ku mwanya wa gatandatu n'amanota 27.
Iyi kipe yambara ubururu n'umweru iheruka intsinzi kuri AS Muhanga, mu gihe nyuma yaho yatsinzwe na APR FC na Al-Hilal, mbere yo kunganya na Al-Merrikh na Mukura VS.
16:52
90+4' Umukino urarangiye
16:52
90+3' Rayon Sports irarokotse
Mutsinzi Patrick abuze igitego ku mahirwe yari abonye kuko Kwizera Olivier yasohotse nabi.
16:50
Amafoto: Habuze ikipe ibona igitego cy'intsinzi
16:49
90' Iminota y'inyongera
Umukino wongeweho iminota ine y'inyongera.
16:47
88' Rayon Sports irarokotse
Joseph Sackey wa Mukura VS ahushije igitego ku mupira ateye unyura hafi y'izamu gato.
16:44
85' Mukura VS irasimbuje
Iradukunda Elie Tatou avuye mu kibuga hajyamo Mutsinzi Patrick.
16:42
84' Koruneri ya Mukura VS
Iradukunda Elie Tatou ashatse kwinjira mu rubuga rw'amahina, Bayisenge Emery amukuraho umupira awushyira muri koruneri.
16:40
81' Rayon Sports irasimbuje
Bruno Ferry utoza Rayon Sports akuyemo Fall Ngagne ashyiramo Habimana Yves
16:38
79' Mukura VS irasimbuje
Umutoza wa Mukura VS, Nshimiyimana Canisius, akuye mu kibuga Niyonizeye Fred usimbuwe na Ayilala Samson.
16:34
75' Umukino watuje
Amakipe yombi ntabwo ari kugera imbere y'izamu nk'uko byari bimeze mbere, ahobwa ni uguhanahana cyane no kurenza umupira inshuro nyinshi.
16:32
73' Gusatira kwa Mukura VS
Joseph Sackey wa Mukura VS ateye ishoti rikomeye rica hejuru y'izamu gato.
16:28
68' Rayon Sports ihushije igitego cyabazwe
Sindi Paul acenze abakinnyi bose ba Mukura VS, aha umupira Fall Ngagne uteye mu izamu Tuyizere awukuramo, Ndikumana na we asobyamo ujya hanze.
16:25
65' Rayon Sports irasimbuje
Sindi Paul Jesus agiye mu kibuga havamo Bienvenue Joachim.
16:23
60' Mukura irashaka ikindi gitego
Iradukunda Elie Tatou yongeye gutera Coup-franc ikubita igiti cy'izamu, Kwizera Olivier awukoraho ujya muri koruneri, iterwa na Uwumukiza Obed.
Mukura VS kandi yahushije ikindi gitego nyuma y'amakosa yari akozwe na Bayisenge Emeri ariko ishoti Elie Tatou yateye rijya hanze y'izamu.
Mukura VS kandi yahushije ikindi gitego nyuma y'amakosa yari akozwe na Bayisenge Emeri ariko ishoti Elie Tatou yateye rijya hanze y'izamu.
16:20
59' Mukura VS irasimbuje
Dibumba Jordan na Hakizimana Zuberi bavuye mu kibuga hajyamo Samuel Pimpong na Nisingizwe Christian.
16:17
57' Ikarita y'umuhondo kuri Rayon Sports
Yannick Bangala wa Rayon Sports yeretswe ikarita y'umuhondo nyuma yo gukinira nabi Iradukunda Elie Tatou.
16:14
55' Rayon Sports ihushije igitego cyabazwe
Fall Ngagne ateye umupira mu izamu, umunyezamu wa Mukura VS awukuramo, Faustin Likau asobyamo ariko Tuyizere uri kwitwara neza mu izamu rya Mukura arongera awukuramo.
16:12
53' Coup-franc ya Mukura VS
Aziz Dao wa Rayon Sports ashyize hasi Iradukunda Elie Tatou, umusifuzi atanga coup-franc, uyu rutahizamu ahise atera ariko Fall Ngagne arawurenza.
16:10
52' Umukino uhinduye isura
Amakipe yombi akimara kubona ibitego, umukino uri kwihuta cyane abakinnyi bashaka intsinzi mu minota ya mbere y'igice cya kabiri.
16:07
49' Igitego cya Rayon Sports
Aziz Dao ateye coup-franc isanga Bayisenge Emery ahagaze neza ashyira umupira mu izamu n'umutwe.
16:05
48' Igitego cya Mukura VS
Iradukunda Elie Tatou akorewe ikosa hafi y'urubuga rw'amahina, yiterera coup-franc ayishyira mu izamu.
16:03
46' Igice cya kabiri kiratangiye
Murindagabo Moise atangije igice cya kabiri cy'umukino wa Mukura VS na Rayon Sports.
15:47
45+2' Igice cya mbere kirarangiye
Igice cya Mbere cy'umukino w'Umunsi wa 15 wa Shampiyona uri guhuza Mukura VS na Rayon Sports i Muhanga, kirangiye amakipe yombi anganya ubusa ku busa.
15:47
45+1' Rayon Sports ibuze igitego
Ndikumana Asman ateye ishoti rikomeye ari inyuma y'urubuga rw'amahina, rikurwamo n'umunyezamu Tuyizere Jean Luc.
15:45
45' Iminota y'inyongera
Umusifuzi wa Kane, Umutoni Aline, yerekanye iminota ibiri y'inyongera mbere y'uko igice cya mbere kirangira.
15:44
42' Amakipe yombi arashaka igitego
Iradukunda Elie Tatou yirangayeho atakaza umupira ari wenyine imbere y'izamu rya Rayon Sports, Gikundiro ibyaza umusaruro ayo mahirwe ihita yimukira ku izamu rya Mukura VS, iyisatirana imbaraga ishaka igitego mu minota ya nyuma y'igice cya mbere.
15:38
37' Kwizera Olivier ari kuvurwa
Umunyezamu wa Rayon Sports agonganye na rutahizamu wa Mukura VS, Boateng Mensah, ahita aryama hasi, abaganga bakaba bari kumwitaho.
15:36
35' Rayon Sports yirangayeho
Faustin Likau asize abakinnyi bose aha umupira Fall NGagne utari wakurikiye neza, ufatwa n'abakinnyi ba Mukura VS bakiza izamu.
15:34
Amafoto: Umukino uracyari ubusa ku busa
15:33
33' Ishimwe Abdoul atabaye Mukura VS
Mu gihe Rayon Sports iri gusatira cyane Mukura, Ishimwe Abdoul atabaye izamu ku mupira wari uhinduwe na Ndikumana Asman.
15:30
29' Mukura igerageje uburyo
Iradukunda Elie Tatou yivuye mu mitsi atera ishoti rikomeye ari inyuma y'urubuga rw'amahina, ariko umupira unyura hejuru y'izamu.
15:27
27' Coup-franc ya Mukura VS
Aziz Dao ashyize hasi Iradukunda Elie Tatou, umusifuzi Murindangabo Moise atanga ikosa.
15:25
25' Amakosa ya Rayon Sports ashobora kuyikoraho
Abakinnyi ba Rayon Sports bari gutakaza imipira mu buryo budasobanutse bashobora gutsindwa igitego, kuko abakinnyi ba Mukura bari kwihuta cyane bagana ku izamu, gusa na bo bagatenguhwa na Iradukunda Elie Tatou uri kwiharira cyane.
15:22
21' Tambwe Gloire aryamye hasi
Nzau Jordan ashyize hasi Tambwe Gloire, umusifuzi atanga ikosa.
15:20
20' Mukura yirangayeho
Iradukunda Elie Tatou azamukanye umupira agera mu rubuga rw'amahina, aho gutera ishoti rikomeye cyangwa guha bagenzi be awushyira mu maboko y'umunyezamu, Kwizera Olivier.
15:19
17' Umukino uri gukinirwa mu kibuga hagati
Amakipe yombi asa n'aho agabanyije gusatirana cyane, atangira gukina yitonze yifashishije abakinnyi bayo bo mu kibuga hagati.
15:16
15' Mukura VS irarokotse
Bienvenue Joackim ateye ishoti mu izamu rikurwamo na myugariro wa Mukura VS, Ishimwe Abdul.
15:09
9' Umunyezamu wa Mukura VS arayitabaye
Tambwe Gloire wa Rayon Sports ateye ishoti rikomeye mu izamu, umunyezamu wa Mukura VS, Tuyizere Jean Luc, arirambura awushyira muri koruneri.
15:08
7' Mukura VS ihushije igitego
Boateng Mensah wa Mukura VS acenze abakinnyi ba Rayon Sports akinana na Iradukunda Elie Tatou ariko bateye umupira ujya muri koruneri, itewe na Uwumukiza Obed, Tshimanga atabara uri hafi kujya mu izamu.
15:06
5' Mukura imbere y'izamu rya Rayon Sports
Uwumukiza Obed yohereje umupira mu rubuga rw'amahina rwa Rayon Sports, ariko Boateng Mensah agiye kuwufata, Nshimiyimana Emmanuel awushyira muri koruneri.
15:03
3' Rayon Sports ihushije igitego
Tambwe Gloire arekuye ishoti rikomeye ku mupira wari uvuye muri koruneri, ariko uca iruhande rw'izamu gato.
15:02
1' Rayon Sports itangiranye amashagaga
Rayon Sports itangiye umukino ikinira mu kibuga cya Mukura VS, ndetse Faustin Likau atera ishoti rikomeye mu izamu ariko umupira uca hejuru.
15:00
Umukino uratangiye
14:56
Rayon Sports yatsinze imikino myinshi mu ihruka guhuza impande zombi
Mu mikino 10 iheruka guhuza Rayon Sports na Mukura VS, Gikundiro yatsinzemo ine, iyo mu Karere ka Huye itsinda itatu mu gihe indi itatu zanganyije.
14:42
Amakipe asoje kwishushya
Abakinnyi ba Mukura VS n'aba Rayon Sports basoje kwishyushya, basubiye mu rwambariro kwitegura umukino.
14:32
Abasifuzi b'umukino wa Mukura VS na Rayon Sports
Murindangabo Moise ni we musifuzi wo hagati mu kibuga, akaba aza gufatanya na Mugabo Eric na Akimana Juliette basifura mu mpande, naho umusifuzi wa kane ni Umutoni Aline.
14:30
Abakinnyi Rayon Sports ibanza mu kibuga
Abakinnyi 11 Umutoza wa Rayon Sports, Bruno Ferry, yahisemo kubanza mu kibuga:
Kwizera Olivier
Nshimiyimana Emmanuel
Aziz Ben Dao
Bayisenge Emery
Tshimanga Ramazani
Yannick Bangala
Tambwe Gloire
Faustin Kitoko
Fall Ngagne
Ndikumana Asman
Bienvenue Joackim Vigninou
Kwizera Olivier
Nshimiyimana Emmanuel
Aziz Ben Dao
Bayisenge Emery
Tshimanga Ramazani
Yannick Bangala
Tambwe Gloire
Faustin Kitoko
Fall Ngagne
Ndikumana Asman
Bienvenue Joackim Vigninou
14:28
Abakinnyi Mukura VS yabanje mu kibuga
Abakinnyi 11 Umutoza wa MUkura VS, Nshimiyimana Canisius yahisemo kubanza mu kibuga:
Tuyizere Jean Luc
Uwumukiza Obed
Mbonyamahoro Verieux
Ishimwe Abdoul
Tuyishime Emmanuel
Hakizimana Zuberi
Joseph Sackey
Nzau Jordan
Fred Niyonizeye
Boateng Mensah
Iradukunda Elie Tatou
Tuyizere Jean Luc
Uwumukiza Obed
Mbonyamahoro Verieux
Ishimwe Abdoul
Tuyishime Emmanuel
Hakizimana Zuberi
Joseph Sackey
Nzau Jordan
Fred Niyonizeye
Boateng Mensah
Iradukunda Elie Tatou
14:20
Rayon Sports ikumbuye intsinzi
Rayon Sports imaze iminsi ititwara neza, kuko mu mikino itanu iheruka yakuyemo amanota atanu gusa.
Gikundiro iheruka kunganya na Al Merrikh ibitego 2-2, yatsinze umukino umwe, inganya ibiri ndetse inatsindwa indi ibiri.
Gikundiro iheruka kunganya na Al Merrikh ibitego 2-2, yatsinze umukino umwe, inganya ibiri ndetse inatsindwa indi ibiri.
14:15
Mukura VS imaze imikino itanu yitwara neza
MU mikino itanu Mukura VS iheruka gukina yakuyemo amanota 13, itakaza abiri ubwo yakinaga na Al Merrikh SC, kuko amakipe yombi yanganyije igitego 1-1.
14:12
Amakipe yombi yatangiye kwishyushya
Abakinnyi ba Mukura VS na Rayon Sports bageze mu kibuga batangiye kwishyushya mbere yo guhura.
13:49
Ikaze kuri Stade ya Muhanga
IGIHE ibahaye ikaze kuri Stade ya Muhanga, ahagiye kubera umukino w'Umunsi wa 15 wa Shampiyona y'u Rwanda uhuza Mukura VS yakira Rayon Sports.
Ni umukino wa nyuma mu mikino ibanza ya shampiyona ku makipe yombi, aho Rayon Sports isabwa gusoza itanze ibyishimo ku bakunzi bayo, naho Mukura igakomeza kwerekana ko ari ikipe yo kwitondera.
Ni umukino wa nyuma mu mikino ibanza ya shampiyona ku makipe yombi, aho Rayon Sports isabwa gusoza itanze ibyishimo ku bakunzi bayo, naho Mukura igakomeza kwerekana ko ari ikipe yo kwitondera.
