Rayon Sports vs Police FC

Rayon Sports 0-1 Police FC

Uko umukino uri kugenda

Umwanditsi

: Eric Tony Ukurikiyimfura & Iradukunda Olivier

Amafoto

: Umwari Sandrine

19:49

Wasili yikomye abasifuye umukino

17:07

Abafana ba Rayon Sports n'aba Police FC bashimiye abakinnyi babo

Abafana benshi ba Rayon Sports bahisemo kuguma muri stade, bahamagara abakinnyi n'abatoza, babakomera amashyi baririmba bati "Tuzayirwanirira."


Ku rundi ruhande, Umutoza Ben Moussa na we yayoboye abakinnyi ba Police FC basanga abafana babo bishimira hamwe intsinzi.

17:04

Police FC isanze APR FC ku mukino wa nyuma

Ku nshuro ya gatatu yikurikiranya, Police FC izahura na APR FC ku mukino wa nyuma w'Igikombe cy'Intwari.

Uyu mwaka, Police FC ibigezeho itsinze Rayon Sports igitego 1-0 cyinjijwe na Byiringiro Lague kuri penaliti yo mu gice cya kabiri.

APR FC yatsinze AS Kigali ibitego 3-0 ku wa Gatatu.

Umukino wa nyuma uzaba ku Cyumweru.

17:02

90+9' Umukino urarangiye

17:01

90+7' Rayon Sports ihushije uburyo bwabazwe

Ndikumana Asman yinjiranye umupira mu rubuga rw'amahina, atera ishoti rinyuze ku ruhande gato rw'izamu.

17:00

90+6' Abakinnyi ba Rayon Sports ntibishimiye imisifurire


Iradukunda Simeon akuruye amaguru ya Ndikumana Asman wari umucitse, umusifuzi asura ikosa rya Rayon Sports, ibitishimiwe n'abakinnyi bayo.

16:57

90+4' Gusimbuza

Christian Ingabire asimbuye Ani Elijah ku ruhande rwa Police FC.

16:56

90+2' Uburyo bwa Rayon Sports

Kabange ahinduye umupira, ushyirwa muri koruneri na Kilongozi ukinishije umutwe.

Usubijwe mu kibuga na Mugisha Didier, Police FC yongera kuwurenza.

16:53

90' Iminota icyenda y'inyongera

Abasifuzi bemeranyije iminota icyenda y'inyongera yerekanywe na Ishimwe Rene.

Rayon Sports iri gusatira ishaka igitego cyo kwishyura.

16:48

84' Gusatira kwa Police FC

Kilongozi Richard ahinduye umupira mu rubuga rw'amahina, ushyirwa muri koruneri na Tshimanga Ramazani.

Usubijwe mu kibuga, ukurwaho na Abedi.

16:46

83' Coup-franc ya Rayon Sports

Dao ahannye ikosa ryakorewe kuri Abedi, umupira ukurwaho na Ani Elijah.

16:44

80' Gusimbuza

Kwitonda Alain 'Bacca' na Byiringiro Lague basimbujwe Mugiraneza Frodouard na Emmanuel Okwi ku ruhande rwa Police FC.

16:41

78' Gusimbuza

Sindi Paul Jesus asimbuye Tambwe Gloire Ngongo ku ruhande rwa Rayon Sports.

16:40

76' Umukino uhagaze gato

Umusifuzi Nsabimana Celestin ahagaritse umukino, ahamagaze abanganga nyuma y'uko Fall Ngagne agonze umunyezamu Rukundo Onesime.

16:39

75' Amafoto: Abafana bitatabiriye ku bwinshi

16:38

75' Rayon Sports iri gushaka igitego cyo kwishyura

Umukino urafunguye ku mpande zombi.

Rayon Sports ni yo iri gusatira cyane ishaka kwishyura.

16:37

73' Rayon Sports ihushije uburyo bwiza

Ben Aziz Dao asize Kilongozi, ahindura umupira mwiza imbere y'izamu, ariko Ndikumana Asman ananirwa kuwukoraho mbere y'uko na Fall Ngagne atawufata.

16:35

70' Gusimbuza

Mugisha Didier wavuye muri Police FC ku wa Mbere, asimbuye Tony Kitoga ku ruhande rwa Rayon Sports.

16:33

70' Ikarita y'umuhondo

Bigirimana Abedi akiniwe nabi na Gakwaya Leonard uhawe ikarita y'umuhondo.

16:33

69' Uburyo bwa Rayon Sports

Bigirimana Abedi azamukanye umupira wenyine, abura undi awuha, atera ishoti rifashwe na Onesime.

16:31

67' Igitego cya Police FC

Byiringiro Lague atsinze igitego cya Police FC nyuma yo kwinjiza penaliti neza.

16:28

65' Ikarita y'umuhondo

Emery Bayisenge ahawe ikarita y'umuhondo.

Police FC yahawe penaliti.

16:26

61' Impaka ni zose

Nsabimana Celestin ari kuganira na Ishimwe Didier usifura ku ruhande.


Hashobora gutangwa penaliti n'ikarita itukura.

16:25

59' Penaliti ya Police FC?

Nshimiyimana Emmanuel 'Kabange' akiniye nabi Ani Elijah mu ruhande rw'ikibuga.

Ikosa rihanwe na Lague, umupira ukurwamo na Tshimanga Ramazani n'ukuboko.

16:23

57' Ikarita y'umuhondo

Nsabimana Eric 'Zidane' ahawe ikarita y'umuhondo kubera kutishimira icyemezo cy'umusifuzi uvuze ko yakiniye nabi Fall Ngagne mu kibuga hagati akamutwara umupira.

Police FC ntiyishimiye iki cyemezo.

16:22

57' Police FC yasabaga penaliti

Lague ahinduye umupira mu rubuga rw'amahina, ukora ku kuboko kwa Tshimanga gusa n'ukuri ku mubiri, abasifuzi bagaragaza ko nta kosa ryabaye.

16:21

56' Uburyo bwa Police FC

Ishimwe Christian asubije umupira mu kibuga, usanga Ndayishimiye Dieudonne uwukinnye n'umutwe, ujya ku ruhande rw'izamu.

16:19

56' Coup-franc nziza ya Police FC

Ishimwe Christian ahannye ikosa rya Abedi, umupira akaraze ukorwaho na Kwizera ujya muri koruneri.

16:18

55' Ikarita y'umuhondo

Bigirimana Abedi ahawe ikarita y'umuhondo akiniye nabi Kilongozi Richard wari ugiye kwinjira mu rubuga rw'amahina.

16:17

53' Amakipe yombi ari gushushya abasimbura

Emmanuel Okwi na Manishimwe Djabel bari mu bakinnyi batanu ba Police FC bari kwishyushya.

Ni mu gihe Rayon Sports iri gushushya bane.

16:13

50' Rayon Sports yinjiye neza mu mukino

Muri izi ntangiriro z'igice cya kabiri, Rayon Sports iri gukina neza ndetse ikagumana umupira mu kibuga cya Police FC.

Ushaka wavuga ko ari yo minota itanu myiza Gikundiro igize kuva umukino utangiye.

16:07

46' Igice cya kabiri kiratangiye

Fall Ngagne wa Rayon Sports yatangiranye umupira mu gice cya kabiri, awusubiza inyuma kuri bagenzi be.

15:51

Igice cya mbere kirarangiye

15:50

45+6' Coup-franc nziza ya Police FC

Bigirimana Abedi akiniye nabi Iradukunda Simeon inyuma gato y'urubuga rw'amahina.

Ikosa rihanwe na Kilongozi Richard, umupira ateye ugendera hasi ukubita mu rukuta usubira inyuma.

15:47

45+3' Umukino wongeye guhagarara

Ndikumana Asman yongeye kugira ikibazo cy'ukuboko aheruka kubagwa ariko ntibitinze.

Kwizera ari gucumbagira, Mugisha Yves ari kwishyushya.

15:46

45+2' Umukino urasubukuwe

Umukino wongeye gukomeza nyuma y'iminota itanu Kwizera Olivier avurwa.

15:44

45' Iminota irindwi y'inyongera

Umusifuzi wa Kane, Ishimwe Rene, yerekanye iminota irindwi y'inyongera.

Kwizera aracyavurwa.

15:43

43' Kwizera yababaye

Umunyezamu Kwizera Olivier aravuwe, abaganga basohotse ahita yongera araryama, bahita basubira mu kibuga kumwitaho.

Birasa n'aho uyu munyezamu wa Rayon Sports yababaye cyane.

15:41

41' Ikarita y'umuhondo

Byiringiro Lague ahawe ikarita y'umuhondo nyuma y'amagambo abwiye umusifuzi Nsabimana Celestin wari umaze guhana Ani Elijah.

15:40

41' Ikarita y'umuhondo

Ani Elijah ahawe ikarita y'umuhondo akiniye nabi Kwizera Olivier umutanze umupira.

15:39

39' Coup-franc ya Rayon Sports

Bigirimana Abedi ahannye ikosa ryakozwe na Iradukunda Simeon mu kibuga cya Police FC, umupira ukurwaho na Ndayishimiye Dieudonne n'umutwe.

15:37

37' Umukino uhagaze gato

Umukino ubaye uhagaze mu gihe hari kuvurwa umukinnyi wa Police FC, Nsabimana Eric 'Zidane' wari hasi mu kibuga hagati.

15:33

34' Gusimbuza

Myugariro Isaac Eze uheruka kugurwa muri AS Kigali, asimbujwe Ndayishimiye Dieudonne nyuma yo kuvunika.

15:29

30' Police FC yihariye umupira

Mu minota 30 ya mbere y'umukino, Police FC ni yo iri hejuru ndetse kugeza ubu yagerageje uburyo bune bugana mu izamu.

Ni mu gihe Rayon Sports itaratera umupira mu izamu rya Police FC.

15:26

26' Uburyo bwa Rayon Sports

Tambwe Gloire akinanye na Aziz Dao, uyu Munya-Benin atera ishoti rikomeye rigiye hejuru y'izamu.

15:26

25' Amafoto

Amakipe yombi aracyanganya 0-0.

15:24

25' Gusatira kwa Police FC

Ishimwe Christian ahinduye umupira wa koruneri mu izamu, ugera kuri Eze uwuteye n'umutwe, ku bw'amahirwe ye make ujya ku ruhande rw'izamu.

15:21

21' Coup-franc ya Police FC

Kabange akiniye nabi Ishimwe Christian mu kibuga cya Rayon Sports.

Ikosa rirahanwe, Lague atera umupira mu rubuga rw'amahina, usanga Ani Elijah uwukozeho byoroshya, ugera mu biganza bya Kwizera Olivier.

15:20

20' Rayon Sports ikoze inama

Mu gihe Kwizera ari kuvurwa, abakinnyi ba Rayon Sports babanje kujya kumva inama z'Umutoza Bruno Ferry, bagaruka mu kibuga hagati bakora uruzifa, baganira hagati yabo ku buryo bakwica umukino wa Police FC.

15:18

18' Rayon Sports irarokotse

Rutahizamu wa Police FC, Ani Elijah, asize abakinnyi b'inyuma ba Rayon Sports, atera umupira mu izamu, ukurwamo na Kwizera Olivier wari wasohotse.

Uyu munyezamu asabye ko abaganga babanza kumwitaho.

15:17

18' Imvura ikuye bamwe mu byicaro

Ikirere cyamaze guhinduka i Nyamirambo, gitumye abafana bari ahadatwikiriye bimukira ahatwikiriye.

15:16

16' Uburyo bwiza bwa Police FC

Byiringiro Lague yinjiranye umupira anyuze iburyo, ateye ishoti rikurwamo na Kwizera Olivier, umupira ujya muri koruneri itagize icyo itanga.

15:15

16' Rayon Sports yari isatiriye

Isaac Eze azibiye Fall Ngagne wari ugeze mu rubuga rw'amahina mbere y'uko Abedi na Asman bagorwa no gutsinda.

15:14

15' Abakinnyi ba Rayon Sports bari gushwana

Likau Faustin, Bigirimana Abedi na Fall Ngagne ntabwo bishimiye uburyo Rayon Sports iri gukina muri iyi minota aho kugeza ubu itarakinira mu rubuga rw'amahina rwa Police FC.

15:13

14' Gusatira kwa Police FC

Kwitonda Alain Bacca ahinduye umupira mwiza mu rubuga rw'amahina, usanga Byiringiro Lague uwuteye n'umutwe, ujya ku ruhande rw'izamu.

15:12

12' Abafana ba Police FC bari bagiye mu bicu

Bacca yari agejeje umupira mu izamu nyuma yo kuwuhabwa na Byiringiro Lague, ariko umusifuzi wo ku ruhande Umutesi Alice agaragaza ko habayeho kurarira.

15:10

10' Abafana baracyari bake

Ubwitabire bw'abafana kuri Kigali Pele Stadium baracyari bake i Nyamirambo, ndetse n'igice kidatwikiriye ntikiruzura.

Benshi muri bo baracyatuje bategereje kureba uko umukino ugenda.

15:06

6' Tshimanga yari asatiriye

Myugariro wa Rayo Sports, Tshimanga Ramazani, azamukanye umupira hagati mu kibuga, ari hafi kugera ku rubuga rw'amahina awukurwaho na Simeon.

15:04

4' Gusatira kwa Police FC

Kilongozi Richard ahinduye umupira mwiza mu rubuga rw'amahina, Nshimiyimana Kabange awushyira muri koruneri n'umutwe.

Byiringiro Lague asubije umuoira mu kibuga, awuhinduye mu izamu ufatwa na Kwizera Olivier.

15:01

2' Uburyo bwa Police FC

Ani Elijah acitse Likau Faustin, agera mu rubuga rw'amahina ariko Emery Bayisenge amwihambiraho, umusifuzi avuga ko umukinnyi wa Police FC yakoze ikosa.

14:59

Umukino uratangiye

Umusifuzi Nsabimana Celestin atangije umukino.

Ani Elijah wa Police FC ni we uteye umupira wa mbere, awusubiza inyuma kuri bagenzi be.

14:57

Umukino wahawe abasifuzi mpuzamahanga batatu


Nsabimana Celestin ni we uyobora umukino wa Rayon Sports na Police FC, mu gihe abo ku ruhande ari Ishimwe Didier na Umutesi Alice naho Umusifuzi wa Kane ni Ishimwe René.

14:55

Ubwo amakipe yombi yishyushyaga mbere y'umukino

14:53

Abakinnyi Police FC ibanza mu kibuga

Abakinnyi 11 Umutoza wa Police FC, Ben Moussa, yahisemo kubanza mu kibuga.

Rukundo Onesime
Ishimwe Christian
Nsabimana Eric
Chimezie David
Isaac Ezeh
Iradukunda Simeon
Gakwaya Leonard
Byiringiro Lague
Kwitonda Alain
Richard Kirongozi
Ani Elijah

14:50

Abakinnyi 11 Rayon Sports ibanza mu kibuga

Abakinnyi 11 Umutoza wa Rayon Sports, Bruno Ferry, yahisemo kubanza mu kibuga.

Kwizera Olivier
Nshimiyimana Emmanuel 'Kabange'
Aziz Dao
Tshimanga Ramazani
Bayisenge Emery
Abedi Bigirimana
Tony Kitoga
Faustin Likau
Fall Ngagne
Ndikumana Asman
Tambwe Gloire

14:42

Rayon Sports ikunze gushobora Police FC

Mu mikino itanu iheruka guhuza amakipe yombi, Rayon Sports yatsinze ine mu gihe Police FC yatsinze umwe, ari na wo uheruka guhuza amakipe yombi.

14:29

Imikino iheruka ya Police FC ntiyayihiriye

Police FC yatangiye neza umwaka w'imikino wa 2025/26, iheruka gutakaza amanota mu mikino ibiri iheruka ya Shampiyona y'u Rwanda, aho yanganyije a Al MErrikh igitego 1-1 na Kiyovu Sports zanganyije ubusa ku busa.

Mu mikino itanu yatsinze ibiri, inganya ibiri, undi umwe irawutsindwa.

14:25

Rayon Sports igiye gushaka intsinzi yayibanye iyanga

Rayon Sports igiye gukina uyu mukino nyuma yo gutakaza imikino ine iheruka, harimo itatu ya Shampiyona y'u Rwanda n'umwe w'Igikombe cya FERWAFA Super Cup yanyagiweho na APR FC ibitego 4-1.

Muri iyo mikino yose yinjijwe ibitego 11, yinjiza bine byonyine.

14:14

Amakipe yombi yatangiye kwishyushya

Abakinnyi ba Rayon Sports n'aba Police FC bageze mu kibuga, aho batangiye kwishyushya mbere yo gutangira umukino.

14:08

Ikaze kuri Kigali Pelé Stadium

IGIHE ibahaye ikaze kuri Kigali Pelé Stadium ahagiye kubera umukino wa 1/2 cy'Umukino wa 1/2 cy'Igikombe cy'Intwari cya 2026.

Ni umukino uteganyijwe Saa Cyenda, kuri uyu wa 29 Mutarama 2026, aho uhuza Rayon Sports na Police FC.

Ikipe itsinda kuri uyu wa Kane, izahura na APR FC ku Cyumweru, ku mukino wa nyuma.

APR yakomeje isezereye AS Kigali yatsinze ibitego 3-0 ku wa Gatatu.