APR FC 1-1 Police FC
Uko umukino uri kugenda
Umwanditsi |
: Iradukunda Olivier & Eric Tony Ukurikiyimfura |
Amafoto |
: Umwari Sandrine |
22:42
AMASHUSHO: Umva ibyaranze umukino Police FC yatsinzemo APR FC
22:29
AMASHUSHO: Abafana ba APR basanga ikinyuranyo cyabaye umunyezamu
22:29
AMASHUSHO: Abakinnyi ba Police FC baranezerewe
21:02
Uko ibihembo byatanzwe
Indahangarwa WFC yabaye iya kabiri mu Gikombe cy'Intwari, mu bagore, yahawe sheki ya miliyoni 3 Frw.
Rayon Sports yatwaye Igikombe cy'Intwari cya 2026 mu bagore, yahawe sheki ya miliyoni 6 Frw.
APR FC yabaye iya kabiri mu bagabo, yahawe sheki ya miliyoni 3 Frw.
Police FC yegukanye Igikombe mu bagabo na yo yahawe miliyoni 6 Frw.
20:48
Police FC yegukanye Igikombe cy'Intwari cya 2026
Police FC itsinze APR FC penaliti 7-6 nyuma yo kunyanya igitego 1-1, yegukana Igikombe cy'Intwari cya 2026.
Ikipe y'abashinzwe umutekano yaherukaga kwegukana iri rushanwa mu 2024 itsinze APR FC.
Ikipe y'abashinzwe umutekano yaherukaga kwegukana iri rushanwa mu 2024 itsinze APR FC.
20:47
Police FC yinjije penaliti ya cyenda
David Chimezie ateye penaliti ya cyenda ya Police FC, ayinjiza neza.
6-7.
Police FC yegukanye igikombe.
6-7.
Police FC yegukanye igikombe.
20:46
APR FC ihushije penaliti ya cyenda
Ronald Ssekiganda ateye penaliti ya cyenda ya APR FC, umunyezamu Niyongira Patience ayikuramo neza.
6-6.
6-6.
20:45
Police FC yinjije penaliti ya munani
Iradukunda Simeon ateye penaliti ya munani ya Police FC, ayinjiza neza.
6-6.
6-6.
20:44
APR FC yinjije penaliti ya munani
Nshimiyimana Yunussu ateye penaliti ya karindwi ya APR FC, ayinjiza neza.
6-5.
6-5.
20:43
Police FC yinjije penaliti ya karindwi
Kirongozi Richard ateye penaliti ya karindwi ya Police FC, ayinjiza neza.
5-5.
20:42
APR FC yinjije penaliti ya karindwi
Abakinnyi ba APR FC babanje kuganira mbere yo gutera penaliti ya karindwi.
Niyomugabo Claude ni we uyiteye, ayinjiza neza.
5-4.
Niyomugabo Claude ni we uyiteye, ayinjiza neza.
5-4.
20:41
Police FC ihushije penaliti ya gatandatu
Ekeson Okorie ateye penaliti ya gatandatu ya Police FC, ayitera hejuru kure y'izamu.
4-4.
4-4.
20:40
APR FC ihushije penaliti ya gatandatu
William Togui ateye penaliti ya gatandatu ya APR FC, umunyezamu Niyongira Patience asohoka neza akuramo umupira.
4-4.
4-4.
20:39
Police FC ihushije penaliti ya nyuma
Nsabimana Eric 'Zidane' ahushije penaliti yari guhesha Police FC igikombe, ayikubita umutambiko w'izamu ivamo.
4-4.
Buri kipe igiye kujya itera indi penaliti imwe.
4-4.
Buri kipe igiye kujya itera indi penaliti imwe.
20:38
APR FC yinjije penaliti ya nyuma
Mamadou Sy atsinze penaliti ya gatanu ya APR FC.
4-4.
4-4.
20:37
Police FC yinjije penaliti ya kane
Ishimwe Christian ateye penaliti ya kane ya Police FC, ayinjiza neza nubwo umunyezamu yari yakurikiye.
3-4.
3-4.
20:36
APR FC ihushije penaliti
Dauda Yussif ateye penaliti ya kane ya APR FC, umunyezamu Niyongira Patience ahura na wo awukuzamo ivi.
3-3.
3-3.
20:35
Police FC yinjije penaliti ya gatatu
Ndayishimiye Dieudonne Nzotanga ateye penaliti ya gatatu ya Police FC, umupira awutera hepfo, umunyezamu ajya haruguru.
3-3
3-3
20:34
APR FC yinjije penaliti ya gatatu
Niyigena Clement ateye penaliti ya gatatu ya APR FC, ayitera mu ruhande rwa ruguru, umunyezamu ajya hepfo.
3-2.
3-2.
20:33
Police FC yinjije penaliti ya kabiri
Byiringiro Lague ateye penaliti ya kabiri ya Police FC, ayinjiza neza aho ayiteye hejuru.
2-2.
2-2.
20:33
APR FC yinjije penaliti ya kabiri
Byiringiro Jean Gilbert yinjije penaliti ya kabiri ya APR FC.
2-1.
2-1.
20:32
Police FC yinjije penaliti ya mbere
Ani Elijah ateye penaliti ya mbere ya Police FC, Ishimwe Pierre akora ku mupira ariko ujyamo.
1-1.
1-1.
20:31
Ruboneka yinjize penaliti ya mbere ya APR FC
Ruboneka Bosco ateye penaliti ya mbere ya APR FC, ayinjiza neza.
20:23
Umukino urarangiye
Iminota 90 y'umukino wa nyuma w'Igikombe cy'Intwari cya 2026, irangiye APR FC inganya na Police FC igitego 1-1.
Hagiye guterwa penaliti.
Hagiye guterwa penaliti.
20:21
90+3' Gusimbuza
Umunyezamu Niyongira Patience asimbuye Rukundo Onesime wagize umukino mwiza.
Amakipe nanganya ni penaliti.
Amakipe nanganya ni penaliti.
20:21
90+3' Abatoza bombi bahagurutse mu minota ya nyuma
Ben Moussa utoza Police FC na Abderrahim Taleb utoza APR FC bahagurutse bari gushaka intsinzi hasi hejuru.
20:21
90+2' Police FC irarokotse
Rukundo Onesime atabaye ikipe ye, umupira wari umucitse awugaruza ikiganza kimwe nyuma yo guterwa na Mamadou Sy.
20:20
90' Iminota itatu y'inyongera
Umusifuzi wa Kane, Murindangabo Moise, yerekanye iminota itatu y'inyongera.
APR FC iri gusatira cyane.
APR FC iri gusatira cyane.
20:19
89' APR FC ihushije uburyo bwiza
Mamadou Sy ahinduriwe umupira mwiza mu rubuga rw'amahina, awukinnye n'umutwe ujya ku ruhande.
20:17
88' Umukino uhagaze gato
Umukino ubaye uhagaze mu gihe hari kuvurwa Gakwaya wa Police FC wavunitse.
20:16
86' Uburyo bwiza bwa APR FC
Niyomugabo Claude ahinduye umupira mwiza mu rubuga rw'amahina, usanga Djibril Ouattara uwukozeho, umunyezamu Rukundo Onesime awushyira muri koruneri.
20:13
84' Police FC yongeye gusatira
Byiringiro Lague yinjiranye umupira, ageze hafi y'urubuga rw'amahina atera ishoti ryo hasi rijya ku ruhande rw'izamu.
20:11
81' Uburyo bwa Police FC
Ekeson Okorie azamukanye umupira hagati mu kibuga, atera ishoti rikomeye ari inyuma y'urubuga rw'amahina, umupira ujya hejuru gato.
20:06
76' Police FC irarokotse
Ndayishimiye Dieudonne Nzotanga akuriye umupira mu izamu ku murongo, mbere y'uko Dauda atera ishoti rikomeye rikuwemo na Rukundo Onesime.
20:03
74' Gusimbuza
Djibril Ouattara na Mamadou Sy basimbuye Hakim Kiwanuka na Mugisha Gilbert ku ruhande rwa APR FC.
20:02
72' Coup-franc ya Police FC
Ishimwe Christian ahannye ikosa Mugisha Gilbert akoreye kuri Lague, umupira ushyizweho umutwe na Zidane ujya hanze, ariko Umusifuzi Rulisa agaragaza ko hari habayeho ikosa.
19:59
70' Umukino winjiye mu minota 20 ya nyuma
Umupira urava hafi y'izamu rimwe ujya ku rindi.
Amakipe yombi yizeye impande cyane.
Amakipe yombi yizeye impande cyane.
19:56
67' Igitego cya Police FC
Gakwaya Leonard yishyuriye Police FC nyuma yaho Nshimiyimana Yunussu agonze umunyezamu we Ishimwe Pierre akamubuza gufata umupira.
APR FC 1-1 Police FC.
APR FC 1-1 Police FC.
19:53
64' Gusimbuza
Ekeson Okorie asimbuye Kwitonda Alain 'Bacca' wibuze mu mukino, ku ruhande rwa Police FC
19:50
59' Police FC irarokotse
Kiwanuka acenze David Chimezie, ahindura umupira mu rubuga rw'amahina urenga umunyezamu Onesime, ku bw'amahirwe Zidane awukura ku murongo ugiye kugera kuri Mugisha Gilbert.
19:48
56' Uburyo bwa Police FC busubijwe inyuma
Nsabimana Eric 'Zidane' yari ashatse kwishyurira ikipe, umupira ateye ujya ku ruhande, ariko umusifuzi wo ku ruhande Habumugisha Emmanuel agaragaza ko habayeho kurarira.
19:47
55' APR FC yirangayeho
Hakim Kiwanuka yinjiranye umupira mwiza, awuhinduye mu izamu Mugisha Gilbert awukina nabi n'umutwe, ufatwa na Rukundo Onesime.
19:46
56' Niyomugabo atabaye APR FC
Kirongozi Richard acomekewe umupira mwiza mu rubuga rw'amahina, Niyomugabo araserebeka arawumutanga, awushyira muri koruneri itagize icyo itanga inyuma yo guterwa na Ishimwe Christian.
19:44
54' Ubundi buryo bwa APR FC
Dauda Yussif Seidu agerageje ishoti ari kure, muri metero nka 30, umupira unyura ku ruhande rw'izamu rya Police FC.
19:41
52' Igitego cyiza cya APR FC
William Togui atsinze igitego cyiza yitambitse, ku mupira uhinduwe mu rubuga rw'amahina na Hakim Kiwanuka wabanje gucenga Ishimwe Christian.
19:40
50' Uburyo bwa Police FC
Ishimwe Christian ahinduye umupira mwiza mu rubuga rw'amahina, umunyezamu Ishimwe Pierre araryama awukubita ibipfunsi.
19:39
50' APR FC iri gushyushya abakinnyi batanu
Memel Dao na Djibril Ouattara bari mu bakinnyi batanu APR FC iri gushyushya mu gihe Police FC bose bicaye.
19:37
48' Uburyo bwa Police FC
Ndayishimiye Dieudonne anyuze ku ruhande, ahindura umupira mwiza mu rubuga rw'amahina, ufatwa neza na Ishimwe Pierre.
19:33
46' Igice cya kabiri cyatangiye
Ani Elijah wa Police FC yatangiranye umupira mu gice cya kabiri, akinana na bagenzi be barimo Gakwaya Leonard.
19:18
Igice cya mbere kirarangiye
Iminota 45 ibanza y'umukino wa nyuma w'Igikombe cy'Intwari uri kubera muri Stade Amahoro, irangiye APR FC inganya na Police FC ubusa ku busa.
19:18
45+2' Police FC irarokotse
APR FC ibonye koruneri itewe na Ruboneka, umupira usanga William Togui uwuteye mu izamu, ukurwamo na Rukundo Onesime.
APR iwusubije mu kibuga, Dauda Yussif atera ishoti rikomeye rigiye hejuru ku ruhande rw'izamu.
APR iwusubije mu kibuga, Dauda Yussif atera ishoti rikomeye rigiye hejuru ku ruhande rw'izamu.
19:16
45' Iminota ibiri y'inyongera
Umusifuzi wa Kane, Murindangabo Moise, yerekanye iminota ibiri y'inyongera.
Amakipe yombi ari gukinira mu kibuga hagati.
Amakipe yombi ari gukinira mu kibuga hagati.
19:14
43' Police FC ntiyishimiye imisifurire
Abatoza ba Police FC bose bahagurukiye rimwe nyuma y'uko Lague atwawe umupira na Byiringiro Gilbert uhise ugongana na Yunussu bakagwa hasi, Umusifuzi Rulisa akagaragaza ko habayeho ikosa rya Lague.
19:09
38' Police FC yirangayeho
Ani Elijah yinjiranye umupira yasize ubwugarizi bwa APR FC, atera yihuse, umupira ujya ku ruhande hirya y'izamu.
19:03
35' Amafoto: Habuze ikipe ireba mu izamu
19:02
32' Uburyo bwiza bwa Police FC
Byiringiro Lague atwaye umupira Nshimiyimana Yunussu, ari inyuma y'urubuga rw'amahina, atera ishoti rikomeye rishyizwe muri koruneri na Ishimwe Pierre.
19:00
29' Dauda atangiye kwigaragaza
Dauda Yussif agerageje ishoti rikomeye ari mu kibuga cya Police FC hagati, umupira ujya hirya y'izamu.
Uyu Munya-Ghana azwiho kugira amashoti aremereye.
Uyu Munya-Ghana azwiho kugira amashoti aremereye.
18:59
28' Gusatira kwa Police FC
Ani Elijah yinjiye mu rubuga rw'amahina arusha imbaraga Nshimiyimana Yunussu, umunyezamu Ishimwe Pierre asohoka neza aratabara.
18:58
27' Ubundi buryo bwa APR FC
Nyuma y'umupira wa koruneri, Ruboneka Bosco agerageje ishoti ari inyuma y'urubuga rw'amahina, umupira ujya hejuru y'izamu.
18:57
26' Uburyo bwiza bwa APR FC
William Togui ateye umupira ukomeye mu izamu, ukurwamo na Rukndo Onesime mbere y'uko Ishimwe Christian ahita awushyira muri koruneri.
18:55
24' Coup-franc ya APR FC
Byiringiro Lague akiniye nabi Byiringiro Gilbert wari umucitse akase muri koruneri, ashaka kujya mu rubuga rw'amahina.
Ikosa rihanwe na Niyomugabo Claude, Police FC igorwa no gukiza izamu kugeza Rukundo Onesime afashe neza umupira.
Ikosa rihanwe na Niyomugabo Claude, Police FC igorwa no gukiza izamu kugeza Rukundo Onesime afashe neza umupira.
18:53
22' Ikarita y'umuhondo
Ruboneka Bosco ahawe ikarita y'umuhondo ku ikosa rya gatatu akoreye kuri Gakwaya Leonard.
18:52
21' Gusatira kwa APR FC
Hakim Kwanuka ahinduye umupira mwiza mu rubuga rw'amahina, usanga Mugisha Gilbert uwushyizeho umutwe nabi ujya hanze.
18:50
19' Uburyo bwiza bwa Police FC
Ishimwe Christian ateye umupira mwiza wa koruneri, usanga Nsabimana Eric 'Zidane' uwushyizeho umutwe, ujya ku ruhande gato.
18:48
17' Amakipe yombi ari gukina ibidafite intego
APR FC na Police FC ziri gukina umupira uryoheye ijisho mu kibuga hagati, ariko nta kipe irabasha kwinjira mu rubuga rw'amahina rw'indi.
Kugeza ubu nta shoti rigana mu izamu turabona mu mukino.
18:44
13' Ubwitabire bw'abafana buri hasi cyane
Nubwo hari abakinjira, biragoye kubona abafana ibihumbi 10 muri Stade Amahoro.
Uyu mukino wa nyuma wari kubera kuri Kigali Pele Stadium, wimurirwa i Remera ku wa Gatandatu.
Igiciro gito cyari 2000 Frw.
Uyu mukino wa nyuma wari kubera kuri Kigali Pele Stadium, wimurirwa i Remera ku wa Gatandatu.
Igiciro gito cyari 2000 Frw.
18:41
10' Coup-franc nziza ya APR FC
Ruboneka Bosco ahannye ikosa ryakozwe na Zidane, umupira wari hasi ukurwaho na Ani Elijah n'umutwe.
18:40
9' Ikarita y'umuhondo
Kapiteni wa Police FC, Nsabimana Eric 'Zidane' ahawe ikarita y'umuhondo akiniye nabi murumuna we Byiringiro Gilbert wari ugiye kwinjira mu rubuga rw'amahina.
18:39
8' Police FC yatangiye kwibona mu mukino
Ikipe ya Police FC yatangiye kubaka umukino wayo ihereye mu kibuga kibuga cyayo, bitandukanye n'uko byari bimeze mu minota itanu ya mbere.
Nta kipe iratera mu izamu ry'indi.
18:35
5' Zidane yihanangirijwe
Kapiteni wa Police FC, Nsabimana Eric 'Zidane' ahawe gasopo nyuma yo gukinira nabi William Togui.
Iksoa rihanwe na Ruboneka, umupira ushyizweho umutwe na Kiwanuka ujya hanze ku ruhande.
Iksoa rihanwe na Ruboneka, umupira ushyizweho umutwe na Kiwanuka ujya hanze ku ruhande.
18:33
4' APR FC yashatse gukoresha impande zihuta kuri uyu mukino
Kugira Ruboneka Bosco mu kibuga hagati, ku mpande hari Mugisha Gilbert na Hakim Kiwanuka, birasa n'aho Umutoza Taleb yashatse gukina umupira wihuta imbere ya Police FC na yo ikomeye mu bice byose.
APR FC yihariye umupira muri iyi minota ya mbere.
18:30
Umukio uratangiye
APR FC yatangiranye umupira, William Togui akinana na bagenzi be.
18:18
Rulisa Patience yahawe kuyobora umukino wa nyuma
Umusifuzi mpuzamahanga Rulisa Patience ni we wahawe kuyobora uyu mukino.
Habumugisha Emmanuel ni we Musifuzi wa Mbere Wungirije naho Nsabimana Patrick ni Umusifuzi wa Kabiri Wungirije.
Umusifuzi wa Kane ni Murindangabo Moise naho Komiseri w'Umukino ni Munyemana Hudu.
18:15
APR FC na Police FC zihataniye Igikombe cy'Intwari ku nshuro ya gatatu yikurikiranya
Mu 2024, Police FC yatsinze APR FC ibitego 2-1 ku mukino wa nyuma.
Mu 2025, APR FC yatsinze Police FC penaliti 4-2 nyuma yo kunganya ubusa ku busa.
Mu 2025, APR FC yatsinze Police FC penaliti 4-2 nyuma yo kunganya ubusa ku busa.
18:11
Abakinnyi ba Police FC babanje mu kibuga
Abakinnyi 11 Umutoza wa Police FC, Ben Moussa, yahisemo kubanza mu kibuga:
Rukundo Onesime
Ishimwe Christian
Nsabimana Eric (C)
Chimezie David
Ndayishimiye Dieudonne
Iradukunda Simeon
Gakwaya Leonard
Byiringiro Lague
Kwitonda Alain
Richard Kirongozi
Ani Elijah
Rukundo Onesime
Ishimwe Christian
Nsabimana Eric (C)
Chimezie David
Ndayishimiye Dieudonne
Iradukunda Simeon
Gakwaya Leonard
Byiringiro Lague
Kwitonda Alain
Richard Kirongozi
Ani Elijah
18:10
Abakinnyi ba APR FC babanje mu kibuga
Umutoza wa APR FC, Abderrahim Taleb, yahisemo gukoresha:
Ishimwe Pierre
Byiringiro Jean Gilbert
Niyomugabo Claude (C)
Niyigena Clement
Nshimiyimana Yunussu
Ssekiganda Ronald
Dauda Yussif
Ruboneka Bosco
Hakim Kiwanuka
Mugisha Gilbert
William Togui
18:09
Amakipe yombi ari kwishyushya
Abakinnyi ba APR FC n'aba Police FC barimbanyije imyitozo yo kwishyushya mbere yo gutangira umukino.
18:01
Niyigena Clement ari mu bo APR FC yifashisha
Myugariro Niyigena Clement wifujwe bikomeye na Al-Hilal mu isoko rya Mutarama, ariko APR FC ikanga kumurekura, ari mu bo iyi kipe y'Ingabo z'Igihugu igiye kwifashisha ihura na Police FC.
17:51
Rayon Sports yegukanye Igikombe cy'Intwari mu bagore
Ikipe ya Rayon Sports WFC yegukanye Igikombe cy'Intwari cya 2026 nyuma yo gutsinda Indahangarwa WFC ibitego 2-0 mu mukino wabanjirije uwa APR FC na Police FC.
17:49
Police FC igera kuri Stade Amahoro
17:48
Abakinnyi ba APR FC bagera kuri Stade Amahoro
17:45
Ikaze muri Stade Amahoro
Umugoroba mwiza! IGIHE ibahaye ikaze muri Stade Amahoro i Remera, ahagiye kubera umukino wa nyuma w'Igikombe cy'Intwari uhuza APR FC na Police FC.
APR yageze ku mukino wa nyuma itsinze AS Kigali ibitego 3-0 ku wa Gatatu naho Police FC itsinda Rayon Sports igitego 1-0 ku wa Kane.
Umukino uratangira Saa 18:30.